*امریکی صدر ڈونلڈ ٹرمپ نے سابق صدر جو بائیڈن کے 78 صدارتی اقدامات منسوخ کر دیے ہیں* امریکی صدر ڈونلڈ ٹرمپ نے کیپٹل ہل واقعہ میں ملوث 1500 افراد کو معافی دینے کے آرڈر پر دستخط کیے، انہوں نے فیڈرل ملازمین کی بھرتیاں منجمد کرنے کے آرڈر پر بھی دستخط کیے ہیں اور فیڈرل ملازمین کیلئے گھر سے کام کرنے کے سہولت بھی ختم کر دی۔ ٹرمپ کی جانب سے پیرس ماحولیاتی معاہدے سے علیحدگی کے آرڈر پر بھی دستخط کیے گئے ہیں اور ساتھ ہی مصنوعی ذہانت پالیسی سے متعلق بائیڈن کا ایگزیکٹو آرڈر منسوخ کر دیا گیا ہے، صدر ٹرمپ نے بائیڈن کا 2030ء تک الیکٹرک کاروں کی فروخت کا ہدف 50 فیصد کرنے کا آرڈر بھی منسوخ کیا۔ اس کے علاوہ ڈونلڈ ٹرمپ نے اظہار رائے کی آزادی اور سنسرشپ ختم کرنے کے ایگزیکٹو آرڈر بھی منسوخ کر دیے ہیں۔