*روايـــه/نهوه عـشـق😍♥️* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ https://whatsapp.com/channel/0029Vaw5Suy0rGiGKbiGg01C/116 Novels 📖🫀: #نهوة_عشق #بقلم_رولا قصة واقعية عراقية الجزء_الاول بسمة:ماما يا ماما الام{منى}:لك اي شو مالك عم تصرخي بسمة:امتى راح نروح عند بيت جدي منى:يلا بس تنزل اختك بسمة{لوت تمها😏}:والله عال هلأ عم ننتظر السلطانة خناوم لتنزل __{بابتسامة ناعمة}:ليكني اجيت يا غيورة[ونزلت ع درج وصوت كعبها عم يرن رن] بسمة:واخيرا شرفتي ماشالله لمين كل هل اناقة يا قمر[وغمزتها] قمر{بخجل}:ما انا دائما هيك لبسي بسمة:ماما هلأ انت ما بتلاحظي انو قمر دائما بترتب حالها بس يكون سيف نازل من شغلو قمر{جكرتها وحكت بعصبية}:هلأ مين جاب سيرة هاد الزلمي لك انت ما بتعرفي غير اتسملي بدني بسمة:يييي شو مالك عصبتي روقي علينا بس بدي اعرف ليه بتكرهي سيف ولك بنات القبيلة وبنات عمتي و خالتي قاتلين حالهن عليه قمر:هدلك هني ما انا لك انا بكرهو بكرهو ما بطيق اسمع صوتو منى{بعصبية}:قمر شو هل حكي سيف بضل ابن عمك واذ بسمع كلمة تانية راح اخليكي هون وممنوع لا طلعة ولا نزلة قمر{ما عجبها الحكي}:اي حاضر وهلأ خليني نمشي راح نتاخر منى:يلا امشو قدمي[طلعو من بيتهن وراحو لبيت الجد الي ببعد عنهن بمسافة 5 دقائق] انا قمر عمري 17سنة اهلي بطلوني من المدرسة لانو عنا بالعائلة البنت ممنوع تدرس غير بس تعرف تقرا وتدرس بحكم انو عائلتي "عائلة شيوخ" ومين ما بيعرف بيت عائلة الشيخ صالح *** الي اسمو بحلف فيو الصغير قبل الكبير. نحنا من محافظة اربيل عائلتي ساكنة حد بعضها يعني منطقتنا كلها لالنا لعمامي وولادهن وجدي شيخ العشيرة ومن بعدو الله يطول بعمرو ابن عمي سيف😒عقدة حياتي بدكو تجلطوني احكو قدمي سيف مرتين بقلب ع ظهري... ما بعرف ليه بكرهني مع انو بعائلتنا في عنا بنات خير الله بس هو حاطط راسو براسي وانا عنيدة وراسي يابس ما بقدر اسكت وهو بحكي كلمة وانا بحكي عشرة لهيك عنا بالعائلة مسمينا تؤام وجيري ام مواصفاتي بقولو عني حلوة، انا بيضة مثل بياض الثلج وعيوني كانك ماخده حبة شوكولا ومذوبتها فيهن شعري بوصل لاخرا ظهري ولونو اسود مثل سواد اليل عندي خدود كبار وبضلهن حمر شفافي صغار بس منفوخين وبضل لونهن احمر مثل الدم وبشبهن بحبة الكرز هيك سيف بضل يقلي.... ____ وصلنا لبيت جدي وفوتنا لجوا... قمر{بصراخ}:تيتا انااا اجيت الجدة{سامية،بحنية}:اهلا وسهلا بحبيبة قلبي قمر{راحت لعندها وباست راسها وايدها}:حبيبتي كيفك اليوم حجتنا الحجة سامية:بشوفتك صرت منيحه ___{بصراخ من وراها}:ولي حيوانة ليه مبارح ما اجيتي اه قمر{برمت لعندها وضحكت}:هههه ما اطول لسانك كنت مريضة ست رغد رغد:وينك مريضه ما ليكيك مثل القردة قمر:قردي بعينيك ولي وحدي قليلة ادب احترمني انا اكبر منك رغد:نعم الي بسمعك بقول اكبر مني بسنتين كلهن ساعتين خليهن الك هل ساعتين قمر{راحت لعندها ومسكت شعرها}:تعي يا حيوانة والله ل موتك رغد{مسكت شال قمر}:والله انا الي راح اموتك الحاجة سامية{بصراخ}:يا حيوانة منك الها احترمو هل ختيارة الي قاعدي هون قمر ورغد:الحق عليها هي الحاجة سامية مسكت الحفية ورمت وحدي ع راس قمر ووحدي ع راس رغد رغد وقمر:اخخخ تيتا ليه عملتي هيك الحجة سامية:عشان تتربي انت وهي يخرب بيتكو من اول ما تلتقو بتبلشو مشاكل رغد وقمر{بصراخ}:نحنااااااا [وطلع صوت من وراهن خلهن يوقفو بارضهن] __{بصراخ رج البيت}:شوووو هل صوت انت وياها رغد وقمر برمو راسهن وعلامات الخوف مبيني ع وجهن رغد{بخوف وتوتر}:اا اخ اخي ه هو ن نح نحنا قمر{نسيت وجودو وفرطت ضحك}:ههههههههههه يا الله منظرك بضحك رغد{بصدمة وهمس}:اكلنا هوا والله اليوم راح نتعاقب عاقب بجنن __:شو ست قمر ما معبي عينيك الحائط الي واقف هون قمر{مسكت ضحكتها}:هههه اسفة ما بقصدي بس منظر رغد بضحك صح سيف سيف{صفن فيها وحكى بقلبو}:امتى بدك اتحني عليه يا بنت قلبي[وتنهد تنهيدة طويلة] سيف{برواق"وهل شي نادرا ليصير"}:ليه عم تصرخو ما شايفن انو في شيوخ برا رغد:بعتذر أخي ما راح نعيدها مرة تانية سيف{رفع حاجبو}:وانت ست قمر ما بدك تعتذري قمر{ببرود}:وليه بدي اعتذر منك اذ لازم اعتذر بدي اعتذر من الشيوخ الي برا صح ابن عمي سيف بعصبية وكز ع سنانو وعم يخطر ببالو انو حدا راح يشوف حبيبة قلبو.. سيف{بصراخ}:قمر انقلعي من وجهي قمر{خافت من صوتو بس ما بينت وحكت ببرود}:انت الي فوتت يعني انت الي نقلع ما انا رغد والحاجة سامية وام قمر وام سيف كانو قاعدين وعم يتسمعو ع حكيهن وهني عم بضحكو... بس لم سمعو قمر كيف حكت الكل اطلع عليها بصدمة.. الكل{بهمس}:والله اليوم اكلنا هوا سيف صارو عيونو حمر وما عاد يشوف حدا قدمو مشي لعندها بخطوات مثل الرعد مسكها من شالها بقوة سيف{عم يكز ع سنانو}:قمرر طولان لسانك وشكلو جسمك عم يوجعك قمر{مسكت ايدو الي ماسك فيها شالها}:سيف شيل ايدك احسن ما اكسرها منى{راحت لعندو}:سيف ابني اتركها برضاية عليك سيف{رمى قمر عليها}:عمتي بنتك بدها ترباية من جديد وانا الي راح اربيها قمر{رفعت رأسها من حضن امها}:انا مربية استاذ سيف وبعدين انت ما خصك لحتى تجي ترب يني مين حضرتك بلا صغره سيف{بعصبية}:انا ابن عمك يا خناوم قمر{بمسخره}:اهه اهه اي مرحبا ابن عمي والله منيح الي خبرتني ما كنت بعرف منى :قمر بكفي بلا قلة ادب قمر{بعدت عنها وراحت قعدت حد مرت عمها}:اي انشالله بفكر{وبرمت رأسها ع مرت عمها}كيفك يا حنونة حنان{بحنية}:مشتقتلك يا قمر سبحان الله اسمك قمر وانت قمر مصور كل يوم عم تحلي اكثر من الي قبلو قمر{حضنتها}:انت القمر ونحنا نجومك بتعرفي اني بحبك اكثر وحدي من نسوان عمومي سيف{بصوت مسموع}:ياريت كلنا بتتعاملي معنا مثل ما بتتعاملي مع امي قمر:امك عالم ام انت[وطلعت فيو من فوق لتحت]بشك انك من البشر اصلاً سيف قرب لعندها وهو فاتح ايدي بدو يخنقها وهي دغري اتخبت ورا حنان قمر:شوفتي عمتي كيف بدو يخنقني حنان{حضنتها}:سيف اطلع لفوق وما عاد اتقرب ع قمر سيف:بس امي حنان{وقفتو}:لا بس ولا شي نفذ الي عم احكي سيف{باحترام}:حاضر انا طالع فوق الحمام جاهز رغد:اي اخي جهزتو سيف هز راسو واطلع وهو عم يتوعد لقمر وقمر مدتلو لسانها وعم تتمسخر عليه... حنان{نتبهت عليها ومسكت اذنها}:ولي قمر ليه عم تتمسخري ع ابني قمر:اخ اخ عمتي عم توجعني[وبعدت ايدها] سامية:وبعد بدك تكسير بهل عصاية ليه بضلك تتخانقي انت وسيف قمر:تيتا هو بضل وقفلي ع كل شي زهقني عشيتي منى :وانت لسانك طويل وبدو قص قمر:انا يا ماما ربنا يسامحك سامية:يا حرام شو فقيره القط باكل اكلك قمر:ع سيرة القط امتى انشالله بدكو اتزوجو بسمة وابراهيم رغد:اي طولتو هيدي الهن شهر خاطبين بدنا نلبس و نرقص سامية ومنى:انتو هاد الي بدكو هو قمر:اكيد يعني وكمان عشان نفرح ب اختي الكبيرة[وبرمت ع بسمة] بسمة قاعدي ع جنب ودايبي ب اواعيها من الخجل قمر:يا حرام شوفو البنت دابت من الخجل حنان:اي بكرا منشوف حضرتك وقت عرسك قمر:ليه مين خبركو انو انا بدي اتزوج بدي اضل قاعدي هون حدكو منى:اي بدي اكبسك مخلل قمر:اي الله يرضى عليكي وكثري خل عشان اضل وقت اطول ههههه الكل:هههههههه[وهيك مرق الوقت بين المزح والضحك لحتى التمت كل العائلة خليني اعرفكو ع عائلتي الكبيرة جدي اسمو صالح عمرو 62 سنة الله يطول بعمرو اتزوج تيتا سامية وهو عمرو 18سنة "طبعا اخدها عن حب" عندو 6 ولاد و9 بنات... ملاحظة:راح اذكر الاسماء الي الها دور بالقصة... عمي الكبر اسمو محمد أبو سيف متزوج مرت عمي حنان احن وحدي من نسوان عمومي مرأة بتجنن بتحب الخير للكل.. عندو 4 ولاد و2 بنات الاولاد:سيف اكبر واحد عمرو 27 سنة عقيد بالجيش العراقي عصام عمرو 26سنة ماسك شغل البستيان رامي عمرو 24 سنة ماسك الشركات رائد عمرو 22 بدرس إدارة اعمال ببغداد مع أخي كرم وابن عمي كريم هني الثالثة الروح بالروح... البنات:نور عمرها 23 سنة متزوجة من ابن عمي اسمو سليم وعندها ولد وبنت رغد عمرها 17سنة وبتحب اخي علي بس ما حدا بعرف ها خليها سر بعدين بجي بابا محمود متزوج ماما منى نحنا 3 شباب و2 بنات الاولاد:علي عمرو 27 سنة كمان عقيد بالجيش العراقي مثل سيف وهني التانن الروح بالروح مثل الاخوة مصطفى عمرو 26 وماسك البستيان مع ابن عمي عصام كرم عمرو 22 بدرس إدارة اعمال البنات:بسمة 19سنة مخطوبة ل ابن عمي ابراهيم وانا اخرا العنقود سكر معقود[بابا وعمي محمد اتزوجو مع بعض] عمي حاتم حنون اكتير بس مرتو خبيثة عندو 3 بنات ومرت عمي بدها اتزوجهن وحدي لسيف ووحدي ل علي ووحدي ل عصام... عمي حسن مرتو فريال وهاد عندو 3 شباب.. سليم زوج بنت عمي نور عمرو 26 وبشتغل بالشركات ابراهيم خطيب اختي عمرو 25 وبشتغل بالشركات كريم عمرو 22 سنة وبدرس ادارة اعمال عمي بشير مرتو سعاد عندو 2 ولاد و2 بنات بعدهن صغار عمي حسين عمرو 30 سنة بعدو ما متزوج وهيد ما حدا بعتبرو عمنا بنعتبرو رفيق لالنا العمات ما مهمن بالقصة ما راح اذكر الاسماء بس راح اذكر اسم بنت عمة وحدة اسمها رندا عمرها 19سنة... المسا كلنا كنا مجتمعين بيبت جدي.. قمر:جدو امتى قررت عرس بسمة وابراهيم ابراهيم:لك يسعد الله والله انت الي بتفهمي قمر:بعرف عزيزي وهلأ اخرس خليني اكفي اي جدو امتى الحج صالح:هههه مبين يا قمر انت مستعجلة اكثر من العروس قمر:لك جدو قلبها عم يقول زوجنو زوجنو بس هي ماخدة وضعية الخجل بسمة{ضربتها ع معدتها بقوة}:انقبري اقعدي قمر{حطت ايدها ع بطنها}:مقوة ايديك[بسمة جكرتها] سكتت سكتت اي جدو يلا احكي الحج صالح:انشالله عرس ابراهيم وبسمة الخميس الجاي يعني بعد اسبوع رغد وقمر:اععععععععع واخيرا الكل{اطلع عليهن}:بسم الله شو صرلكو قمر{بصراخ}:هلا هلا راح يصير عنا عرس رغد{بصراخ اكثر}:والله لنكيف راح نرقص واخيرا لللليييش وهني عم يرقصو ويصرخو ما حسو غير بحافية براس كل وحدي رغد وقمر:اخخ يا امي شو هاد شكلو داعش عم يرمي حفايات الحجة سامية:داعش يا حيوانه منك الها انضبو اقعدو رغد وقمر:ليه هيك تيتا سيف[كان برا وفات]:لانكو بتستاهلو ليه كان صوتكو طالع قمر{لوت تمها}:اجى بدر الدجى سيف{وهو عم يكز ع سنانو}:اخخخخ بتعرفي شو الي مصبرني عليكي قمر{بملل}:شو سيف:انو جدة و عمي قاعدين لو ما قاعدين كان علمتك كيف تحكي معي قمر{بمسخرة}:يا ماما شوف شوف كيف عم ارجف اي شوفتك فوق وشوفتك تحت ما عرفتك والله سيف:يارب اعطني صبر من صبر ايوب يالله عشان اتحمل هيدي البلوة قمر:امين يارب اعطى اعطى صبر سيف:عمي من شان الله ضب بنتك جننتني محمود{بضحك}:ههههه يا ابني فهمني شو اعمل باجي بدي اصرخ عليها بوقفلي جدك وباجي بدي امد ايدي عليها بتوقفلي انت وستك فهمني شو اعمل وكل قوم وبس تطلع فيني نظرة البريئة بكون بدها اعاقبها ببطل قمر{راحت لعندو ورسمت ع وجها نظرات البرائة}:بابا بهون عليك اتزعل بنوتك محمود(بضحك):هههههه شوفت شو قلتلك لا ما بهون عليه تعي لعندي يا بنوتي[وقعدت بحضنو] سيف{بقلبو}:اخخخخ انتو بس اعطوني هي وانا مستعد اتحمل منها كل شي بس المهم اتصير ع اسمي اخخ يا بنت قلبي شو تعذبت بحبك الي 17 سنة بحبك وحبك كل مالو عم يكبر بقلبي اكثر واكثر بس وحيات عيونك الي بعشقهن انو انت ما راح تكوني غير لالي.. خلونا نتعرف ع سيف اكثر... سيف عمرو 27سنة عقيد بالجيش العراقي والو اسمو بالبلد وطبعا هو الشيخ من بعد الجد لانو هو أكبر ولد بالحفاد بس لهلأ ما تزوج ناطر البنت الي عشقها من هي وصغير اتحن قلبها عليه... عصبي لدرجة كبيرة وما حدا بسترجي يوقف قدمو غير حبيبة قلبو وهل شي زاد عشقو لالها بمسافات وصار هايم فيها لدرجة الجنون.. مواصفتو شب اسمر الملامح بسبب الوقوف تحت الشمس بس سماره معطنو جذابية بتجنن خلت كل بنات العشيرة تركض ورا وناطرين منو بس نظرة وحدة،عيونو سود مثل كحل الليل وحادة مثل عيون الصقر عندو ضقن مرسومة رسم وهل شي زياد من جمالو اكثر شعرو بضل مرفوع لفوق ولونو اسود طولو 188 وجسمو كل عضلات بسبب شغلو... وكفو السهرة بالمزح والضحك ومخانقة سيف وقمر الي كل ليلة بتصير والعائلة كلها اتعودت ع هل شي وباخرا السهرة اتقرر عرس ابراهيم وبسمة الخميس الجاي ومن بكرا النسوان لازم تنزل ع سوق ليجهزو العروس... بعد مرور اسبوع...بين التحضيرات والعازيم وطبعا اجو ناس من مناطق بعيدة لحتى يحضرو عرس حفيد الشيخ صالح... اليوم يوم الحنة[يعني سهرة العروس قمر{حطت ايدها ع راسها من ورا}:عشان بنت حضرتك تنزل منى:ولي انت لسانك لمين طالع طويل بدو قص قمر:انشالله بهل يومين بقصو منى:انشالله انا راح اقصلك هو بايدي قمر:مثل ما بدك بس المهم نادي بنتك راح نتاخر صارت الساعة 10:30 منى{بفزع}:ييييي 10:30 وبعدها ما نزلت ولك يااااا بسمة وينك بسمة{وهي عم تنزل ع درج مستعجلة}:اي امي ليكني ليكني بس كنت عم ادور ع بدلة ما لقيتها قمر:لك ريتني اقبرك البدلة معي انا ما قلتلك انو راح انزلها معي بس حضرتك نسيتي لانك كنتي تحكي مع عريس الهنا بسمة:قمر بلا قلة أدب ما تحكي هيك عن إبراهيم قمر:حاضر بسمة خناوم بس يلا استعجلي ما عاد نلحق اي صح ماما مين راح يوصلنا منى:سيف ابن عمك قمر:يا امي ما لقيتي غير هل عقدة يوصلنا منى:بلا كثرة حكي يلا امشي ليكو ناطركو برا هو و رغد قمر:اوف يا اوف امشي بسمة خناوم بسمة{بضحك}:هههههه يلا مشيت[اخدو الفستاين والأغراض وطلعو] سيف كان قاعد بالسيارة هو ورغد وناطرنن ليطلعو.. رغد:ها اخي ليكهن اجو سيف هز براسو بمعنى اي وصفن بقمر قمر وبسمة{فتحو الباب من ورا وقعدو}:السلام عليكم سيف و رغد:وعليكم السلام[سيف شغل السيارة ومشي] رغد:قمر شو بدك تلبسي قمر:قلتلك خليها مفاجاة بسمة:ما تحاولي تقنعها الي ما قبلت تفرجيني فستانها سيف{اطلع فيها من مراية السيارة،وحكى بقلبو}:الله يستر منك يا قمر انا متاكد انو اليوم راح اتجبلي الجلطة رغد:طب شو لونو قمر:ييي شو بتحكي اسود اسود لونو رغد:طويل او قصير قمر:شي ما بخصك واسكتي بقى سيف{وقف السيارة قدم الصالون}:بكفي انتي وياها ويلا انزلو وصلنا[نزلت رغد وبسمة واجت بدها تنزل قمر بس وقفها سيف] سيف:قمر وقفي شوية قمر{حكت مع البنات}:شوية وبلحقو رغد وبسمة:ما طولي[وفاتو] قمر{اطلعت ع سيف}:اي سيف احكي سيف{برم راسو لعندها}:قمر فيني اعرف ليه بتكرهني قمر{بصدمة من السوال وببرود}:انا ما بكرهك مين حكى هل حكي سيف{وهو عم يطلع بعيونها بتمعن}:تصرفاتك معي هيك بدل قمر:انا ما بكرهك لالك انا بكره عصبيتك بكره تسلطك عليه وبضلك تصرخ عليه ليل نهار مع انو في بنات غيري بس انت ما بتشوف غير قمر دائما سيف{اطلع بعيونها بحب}:لانو بعيوني ما في غير قمر دائماً قمر{نزلت رأسها وحكت بخجل وخدودها حمر}:سيف ما تطلع فيني هيك لو سمحت سيف{حكى بهيام}:في جمال عينيكِ اعذريني إن أطلت النظر قمر{عم تفرك ايدها من التوتر والخجل}:س سيف خليني انزل اتأخرت سيف{عم يطلع عليها ويتفحصها بدقة}:بتعرفي انك بتصيري احلا بس تخجلي قمر{رفعت راسها وعيونها مدمعه من الخجل}:سيف خلص بقى سيف{ضحك برجولية}:هههههه مثل ما بدك اي صح جيبلك شغلة قمر{طلعت فيو بطفولة}:شو هي سيف[مد ايدو ع جيبتو طلع علبة حمرة]:هيد الك انشالله يعجبك ذوقي[وفتح العلبة ومسك سنسال ع شكل قمر ومحفورة بقلبو اسم قمر ع شكل ورد] قمر{بفرح }:يايه بجنن عنجد اكتير اكتير حلو شكرا سيف{بحب}:ما احلا منك يا قمري[طلعت معو بعفوية وبدون قصد] خليني البسك هو قمر{بتوتر وخجل}:اه لا لا انا بلبسو سيف:ماشي اتفضلي[واعطها العلبة]بس بتوعدني وعد قمر[اخدت العلبة وحطتها بالجزدان]:اي اكيد شو الوعد سيف{حط ايدو ع ايدها}:انك ما تشيلي هل سنسال من رقبتك ابداً قمر[حطت ايدها ع ايدو]:بوعدك يا ابن عمي انو ما اشيلو من رقبتي ابدا سيف:هههه ماشي يا بنت عمي يلا انزلي قمر:ماشي[وفتحت باب السيارة ونزلت واجت بدها تسكرو بس وقفها سيف] سيف[بجدية]:قمر بس تجي بدك تطلعي غطي حالك منيح وممنوع اتخلي شعرة طالعه منك فهمتي قمر[بعدم أهمية]:اوك يلا سلام[وقفلت الباب وفاتت ع صالون] سيف ضل واقف لحتى فاتت لجوا وبعدها شغل السيارة ومشي.. قمر:شو بعدكو ما بلشتو بسمة:ناطرتك لتختاري المكياج الي بدي احطو قمر:اي صح لحظه[وبلشت تشرحلها كيف تعملها المكياج والشعر] بعد مرور 4 ساعات ونص...كانت عروستنا واقفي قدم المرايه بطلتها الي بتسحر ايه حدا ممكن يطلع فيها...ببدلتها إلي بلون الأحمر وعند الصدر شيفون اسود ومكياجها الناعم الي بين ملامح جمالها ل درجة كبيرة وتمها الصغير الي ظهرتو بالروج الاحمر وشعرها رفعتو بطريقة ناعمة تليق بالبدلة كانت ملكة بكل معنى الكلمة.. قمر{وعيونها مدمعين}:ماشالله يا قلبي طالعه بتجنني بسمة:حبيبتي يخليلي ياكي وانت طالعه قمر رغد{حطت ايدها ع خصرها}:وانا كيف طالعه قمر وبسمة:بتجنني رغد:بعرف بعرف ما تخجلوني ههههه قمر ليه ما لبستي فستانك قمر:تركتو بلبيت بس ارجع بلبسو رغد:اسا فهمني ليه ما بدك انشوف الفستان قمر:مفاجاة يختي عندك مانع رغد:ولي اسا بجيلك ها خليني ساكتة قمر:لا خيتا احكي بسمة:بنات بكفي بدل ما تجو اتهدوني عم تزيدو عليه اكثر قمر:خلص حبيبتي روقي انت بتعرفي انا ورغد بس نجتمع لازم نتخانق رغد:هههه طبعا عزيزتي لانو الست قمر اكبر مني ب ساعتين قمر:ررررغددد بسمة:خلص خلص بكفي ما تبلشو من جديد رغد احكي مع حدا يجي يخدنا رغد:يلا راح احكي مع سيف[ومسكت التلفون واتصلت ب سيف] سيف كان واقف مع ولاد عمو وعم يجهزو للسهرة وبس دق تلفونو بعد شويه عنهن وفتح الاتصال... سيف:الو اي اختي رغد:اخي نحنا خلصنا ابعت حدا يجي يخدنا سيف:يلا 5دقائق وبكون عنكو رغد:اوك اخي سيف:رغد غطو حالكو منيح وممنوع ايه شي يبين منكو وقولي ل قمر اذ سيف بشوف شعره منك طالعه ليطبق الدنيا ع راسك[وقفل الخط وراح ركب بسيارتو] رغد فاتحه تمها بصدمه بعدت التلفون عن اذنها وحكت مع البنات رغد:صبايا يلا البسو سيف جايه يخدنا وبقلكو ممنوع شعره اتبين منا وخصوصي انتي ست قمر قمر{اشرت ع حالها}:انا رغد:نعم عزيزتي انتي وبقلك اذ بشوف شعرة منك مبيني ليطبق الدنيا ع راسك يا حلوة قمر:لا يا شيخه كانو اخوكي اخد عين وكثر ومين هو لحتى يهدد رغد:اخي وابن عمك يا شيخه بسمة{غمزة رغد}:بغار الشيخ سيف شكلو قمر:يغار ع اختو عليه ما يقرب احسنلو رغد:وبغار كمان ع بنت عمو صح بسمة[وغمزتها] بسمة:مية مية كلامك صح قمر{بعصبية}:بنات اذ ما بتسكتو ما راح اروح ع الحفلة وانتو بتعروفني بس احكي الكلمة بسمة ورغد:خلص سكتنا ها قمر:اكتير منيح بكون بسمة:رغد ليه ما مثقلي مكياجك رغد:لانو الفستان لونو فاتح وحبيت يكون المكياج هادي وما اكتير [كانت لابسة فستان لون سومو فاتح من قدم قصير ومن ورا طويل وعاملة مكياج ناعم وشعرها تركتو ع طولو] قمر وبسمة هزو برأسهن بمعني اي وسمعو صوت زمر السيارة رغد:ها ليكو اجا سيف يلا نطلع قمر:اوك[لبسو العبايات ولبسو بسمة العباية وطلعو لبرا وكان سيف ناطرهن بالسيارة ركبت رغد من قدم وبسمة وقمر من ورا] سيف وهو عم يطلع ع قمر من المراية بإعجب قمر انتبهت انو عم يطلع فيها ونزلت راسها بخجل سيف{بقلبو}:لك هل بنت بدها تجنني كل مالها عم تحلى اكثر وين بدي اخبيكي من عيون العالم يا اميرة قلبي [وتنهد بصوت عالي ] قمر:ماشالله ع هل تنهيدة بطبخ طبخة بسمة{بصوت واطي}:انشالله بدو قص هل لسان[قمر اطلعت فيها بجكرة] سيف:عقبال ما اطبخك انت ولسانك قمر{بتكبر}:شو بدك احسن عن هيك اذ طبختني بتاكل عسل سيف{رسم ابتسامة بطرف شفتو وحكى بصوت واطي}:واطيب عسل راح اذقو رغد:اخي الحنة بيبت عمي محمود صح سيف:لا ليه ما بتعرفو قمر ورغد وبسمة:شو بدنا نعرف سيف:الحنة بيبت جدي من مبارح قررو قمر{بصراخ}:شووووووووو سيف{حط ايدو ع اذنو}:لك وطي صوتك رغد:يخفيلك هل صوت ليه صرختي يا بومة قمر{بحزن}:ياربي شو هل مصيبة ما جبت فستاني قلت بس ارجع بلبسو ع اساس الحفلة بيبتنا رغد وبسمة:هههه خرجك عشان تخفي شي عنا مرة تانية قمر{و ع وشك البكى}:بنات لو سمحتو ما تزيدوها عليه سيف حس بغصة بقلبو بس سمع صوتها الحزين سيف{وهو عم يطلع فيها بخوف ممزوج بالحب}:خلص قمر ما تزعلي اسا بس اوصل رغد وبسمة ع بيت جدي باخدك ع بيتكو وبتجيبي الفستان قمر{بفرح}:عنجد سيف سيف{بفرح ع فرحها}:عنجد[وبصوت واطي ما سمعو حدا] يا روح سيف وقلبو قمر{بعفوية وبدون وعي بتحكي}:الله ي خليلي ياك يارب "بسمة نكشتها بايدها ع بطنها" قمر{انتبهت شو حكت}:قصدي انو الله يخليك ل اهلك ونفرح فيك عن قريب سيف{بضحكه}:ههه انشالله عن قريب ما مطول بنت العم رغد{بفرح}:عنجد اخي ومين هي سعيدة الحظ الي اخدت قلب الشيخ سيف سيف اطلع ع قمر نظرة سريعة ورجع نظرو ع طريق سيف:بس يصير الوقت مناسب بتعرفو[ووقف السيارة] سيف:انتظرو هون ع بين ما اتصل بحدا يجي يدخلكو[وحمل التلفون وطلب رقم] سيف:الو اي علي وينك طب اوك تعال عند باب المطبخ من ورا يلا ما اطول[وقفل التلفون] سيف:انتظرو شوية ع بين ما يجي علي رغد{بتوتر}:اخي ما في داعي مندخل لحالنا سيف{بعصبية خفيفة وغيرة ع عرضو}:نعم ما سمعت وبالكي كان في حدا بالحديقة من ورا وشافكو شو بدو يصير بدل العرس مذبحه رغد سكتت بخوف وطلعت لقدم وشافت حبيب قلبها حبيب الطفولة والمراهقة كلهن اتجمعو بهل شخص الي من اول ما وعية ع هل دنيا عيونها ما عاد اتشوف غيرو "علي ابن عمها} ولا شعورياً ابتسمت ابتسامة حب وحنونة وعلي بس شاف ابتسامتها ابتسم بحب وشوق وكيف ما بدو يبتسم وعم يشوف حبيبة قلبو الحبيبة الي كان يحلم فيها ليل نهار وينتظر الوقت لحتى اتصير الو وباسمو قدم الكل... علي وصل لعندهن وراح من جهة علي نزل راسو لمستوى الشباك وحكى مع سيف علي:ليه ما فوتت معهن انت سيف:بدي اوصل قمر ع بيت اتجيب الفستان ونرجع قمر{وهي عم تطلع بعلي}:خلص ما تعب حالك ما زال اجا علي هو بوصلني علي{بخبث وهو عم يطلع بسيف}:ياريت يا أميرتي بس عندي شغل مكلف فيو من جدي خلص سيف موجود وهو بروح معك صح اخي سيف{انزعاج من كلمة علي وبين هل شي ع وجهو}:اي اكيد بروح معها[وكز ع سنانو] اخي علي ابتسم من قلبو لانو قدر يحرك شعور الغيرة بقلبو علي{قرب منو وهمس}:يا زلمي انا اخوها وعادي إذ قلتلها أميرتي سيف{وهو عم يكز ع سنانو بعصبية وهمسلو}:لو وكنت ابوها بس هلأ محضوره بس ارجع بشوف شو راح اعمل علي{بضحك}:هههههههه بتمون ابو محمد سيف:يلا خدهن وفوتو لجوا وانتبه حدا يشوفهن علي{وهو عم يطلع ع رغد بعشق}:بشيل عيونو الي بفكر يطلع فيهن نظرة[رغد نزلت راسها بخجل] قمر قاعدي ورا وحاطه ايدها ع خدها وعم تطلع ع علي كيف عم يطلع ب رغد قمر:لو سمحتو اذ خلصتو حكي فيكو اتفوتو لجوا لانو بدي الحق اروح اجيب الفستان بسمة:حدا قلك تنسي اتجيبي الفستان قمر:فينا تعيرينا سكوتك ست بسمة بسمة اي تكرمي ي خانم مننخرس كرمالك قمر:اي الله يرضى عليكي وهلأ شرف استاذ علي تعى من هاد باب وساعد أختك تنزل علي{وهو عم يطلع بسيف بطرف عينو}:اي تكرمي يا قمر انتي سيف{بهمس}:ياربي صبرني شويه قبل ما ارتكب جريمة بهل انسان راح علي ساعد بسمة ونزلت رغد اتساعدو... مشيت بسمة قدمهن بخطوة وتركتهن لحالهن شوية رغد{وهي منزلة راسها}:كيفك علي{بحب}:مشتقلك وانت رغد{بخجل}:وانا كمان علي:انت شو رغد{بخجل}:علي بكفى ما تخجلني علي:ههههه يسلميلي الخجول رغد انا ما عاد فيني انتظر بس يخلص عرس بسمة راح اخلي ابي يجي يحكي مع جدي بخصوصنا رغد{بتوتر}:بس ما بكير شويه علي:نعم شو بكير الي من وانت عمرك 10سنين ناطرك وهلأ بكير رغد انا زلمي وعندي طالبات وبدي مرأة الي بعشقها اتكون حدي رغد{اطلعت فيو بحب}:ناطرتك[ومشيت وراحت عند بسمة اتساعدها بالمشي] علي اطلع فيها بحب ومشي وراهن... سيف:شو ست قمر مفكرتني شوفير عندك قاعدي ورا قمر:ييييي نسيت يلا راح انزل[نزلت من ورا وقعدت قدم] قمر{برمت لعندو}:وهيك ارتحت[سيف ابتسم وشغل السيارة] سيف:بدك تلبسي الفستان بلبيت وتجي فيو قمر:بجيبو معي بلبسو بيبت جدي احسن سيف{اطلع فيها بتمعن ورجع اطلع ع طريق}:مش كانو مكثري مكياج يتبع...