خلينا كده نعمل Road Map سريعة للجميع سواء في مصر أو في السعودية .. 1.في مصر بالنسبة للى في مصر واجراءاته خلصت داتا فلو و برومترك وهكذا ( لو لسه هيبدأ يتواصل مثلا مع مكتب زي كايرو فلو أو حسب ماهو عاوز ...المهم يتحرك بعد التخرج مباشرة بمتابعة الإجراءات ) بعد ماتخلص كل حاجة ... هتبدأ تتابع العروض والفرص على جروب Arab Pharmacist وقناة الواتساب هنا بإذن الله وتقدم عالفرص المتاحة محدش كلمك ولا عملت أي انترفيوا ؟! هتبدأ تشوف عناوين و أرقام المكاتب اللى نزلتها هنا في القناة و هتحاول تزور المكاتب دى وتسجل معاهم سواء فورم أو يحددوا معاك فيرست عملت كل ده ومفيش فايدة ؟ لازم تجيب اخرك في مصر وتحاول مرة واتنين وتلاته لحد ما ربنا يكرمك وتخلي الفيزة الحرة أخر اختيار عشان لو طلعت من مصر هتوفر علي نفسك كتير طب خلاص قررت الفيزة الحرة وجبت أخرك ؟ نيجي لنقطة ٢ 2.الفيزة الحرة عشان تبدأ فيها وتعرف تفاصيلها وتكاليفها تواصل مع مكتب ابن بطوطة واعرف مطلوب منك ايه بالظبط ورقمهم برضه هنا عالقناة وارفع بياناتك على الموقع الخاص بيهم طب عملت الفيزة الحرة وجيت السعودية ومسجل على ابن بطوطة ولسه مفيش فرص تعمل ايه؟ تتابع جروب التليجرام ده اللى بينزل عروض نقل كفالة وتسجل في اللى بينزل عليه وتابع برضه LinkedIn زى ماتفقنا معاه https://t.me/pharmacists_medical_reps_ksa ... سجلت ومحدش عبرني ...أعمل ايه تاني ؟ تفتح جوجل ماب وتشوف المنطقة اللى أنت فيها ...ابحث عن اقرب صيدليات او مجمعات طبيه أو حتي الإدارة الخاصة بالصيدليات وهكذا وحدد لنفسك كل يوم ٢ او ٣ أماكن تروحهم تكلمهم أو تسيب ورقك او تاخد رقم تليفون تتابع وهكذا وأنا حاليا بحاول أي حد يبعتلى اسجل رقمه بالمكان اللى فيه زي تصنيف كده الرياض الدمام جدة وهكذا بحيث لو حد بعتلى على فرصة ابقي عارف هبعت لمين مباشرة بدون اعلان وبإذن الله ربنا هيكرمك وأخيرا رجاءا ماتبقاش بتلف في كل ده ومش مجهز اللى هينطلب منك بشكل كويس زي 1.الفيديو التعريفي عربي بشكل أساسي انجليزي تحت الطلب وظبط المونتاج بتاعهم كويس 2.ال CV مطابق لل ATS عشان أي فرز ألكتروني يبقي ليك نسبة كويسة 3.ظبط ال LinkedIn profile وضيف اللينك في ال CV بتاعك هيضيفلك نقط 4.ماتفضلش مستني فرصة عشان تذاكر ...ذاكر يوميا وراجع وتابع وبإذن الله بنجهزلكم حاجة محترمه تعتبر زي Mini Course يلم كل داتا الانترفيوا المطلوبه هتوفر وقتكم كتييير وتركز عالمطلوب معرفته . وفي النهاية ...نصيبك هيجيلك بس المهم ..ماتبطلش سعي 🙏 بالتوفيق يارب للجميع 🌹 احتجت مساعدة في أي حاجة ذكرتها هنا ابعتلى على رقمي الخاص : +966565935988