واحدة صاحبتي كانت بتصلي الضحى فبقولها بهزار ماتخلصي هي التراويح ! فكان ردها مااحنا فاضين يا سما ما نصلي . افتكرت قول الله عزوجل" إذا فرغت فانصب" عندك الصبح وقت بدل ما تصلي ركعتين ضحى ما تزود ٤ وتزود مرة كدا تخرج عن القاعدة وتصلي ٨ ! جرب . واحدة تاني قالتلي مش بتصلي السُنة ليه ؟ إحنا ورانا حاجة ولاقيت إن الضهر بالسُنة بتاعته مفيش ربع ساعة بجد وماعطلنيش عن حاجة اصلا . إحنا في سن الشباب وعندنا وقت وصحة بفضل الله "فإذا فرغت فانصب " وافتكر- إن من السبعة الذين يظلهم الله يوم القيامة شاب نشأ في طاعة الله-يابختنا والله إننا لسه شباب !