*`نصيحه 1`* > بعنوان: التقرب من الله مفيش سعي بدون نتيجه، و مفيش عمل بدون أجر، فطبيعي يكون مفيش حياه بدون عباده * ليه بنتعبد؟ تخيل انك عايز مثلا تخرج خروجه حلوه او تطلع رحله مع صحابك و انت عارف انها غاليه شويه بتعمل اى بتقعد تذاكر طول الترم و تجيب درجه عاليه و ممكن ترتب على زمايلك و تروح لباباك تفرحه و هو فرحان و يقولك مستعد اعملك اى حاجه فتقوله انا عايز اطلع رحله😃 نفس الكلام هنا " و لله المثل الاعلى " تخيل ربنا بيقولك انا القادر فوق عبادى، انا اللى بقول كن فيكون تخيل تسيبه و تعصيه❗ انت محتاج تعمر قلبك عشان حياتك تبقى ناجحه يا بابا *لازم توقف ذنوبك* هتقولى انا مبعرفش اوقفها، مقدرش هقولك قللها و مع الوقت هتتكسف تعملها ربنا بيبص عليك😶 تخيل تموت فجأه و انت بتعمل الذنب ده😶 فلازم توقفه و تدعى ربنا يوفقك فى حياتك * طب نقرب من ربنا ازاى؟ 1️⃣اول حاجه التوبه و النيه لازم تتوب و تنوى انك مش هتعمل ده تانى حتى لو وقعت فى الذنب تانى هتاخد ثواب النيه و ارجع توب تانى بعدها بنيه جديده و ثواب جديد اصل ربنا مش بيزهق لحد مانت ما تزهق على فكره😃 `2️⃣بعد كده لازم تصلى` هتقولى انا بصوم بس مش بصلى او بستغفر بس مش بصلى هقولك حلو بس لازم تصلى دى تانى ركن من اركان الاسلام تانى ركن❗ وبعدين تعرف انك فى نظر بعض الائمه كافر؟؟؟؟؟ طب ليه ما تصلى كلها ٥ دقايق و صدقنى لو قعدت بعدها ٥ دقايق كمان قاعد بس مش بتعمل حاجه هتحس بهدوء هتطلع مشحون قادر تعمل كل حاجه فى يومك الصلاه يابنى غذاء الروح بجد *يابخت المنتظم على الصلاه والله♥️* حاول تستغل وقت فى السنن 3️⃣اعمل سنن زى سنه الاكل و القاء السلام و الدخول و الخروج من الحمام و الدخول و الخروج للمسجد و لبس الهدوم و قلعها كل دى سنن عليها حسانات ببلاش حرفيا🥰 4️⃣ كثره الاستغفار صلى على النبي كتير و انت قاعد او ماشي فى الشارع كبر و سبح و احمد ربنا كل الحاجات دى تقدر تاخد منها حسانات ببلاش بجد و انت قاعد كده 5️⃣ متنساش باقى العبادات🤗 صوم و زكاه و صدقه 6️⃣ تجديد النيه اعرف ان الشيطان هيوقعك و مش هيسيبك ترجع لربنا فلو عملت ذنب و وقفت صلاه ارجع صلى تانى و توب ربنا مش بيبطل يغفر لعباده لحد ما عباده نفسهم يبطلوا يتوبوا؟ *توووووب♥️* * طب انا لو مرجعتش لربنا حياتى هتقف يعنى؟ مش شرط😶 ممكن تنجح فى حياتك عادى و ممكن لا بس حتى لو نجحت هتكون مش راضى مش سعيد ناقصك حاجات كتير و اعرف ان ربنا بينجحك عشان يصفى حسابك فى الدنيا عشان لما تروحله هناك تبقى ملكش عنده حاجه بيعاقبك على ما فاتك و خلاص * اخر حاجه هقولهالك يقول الله فى كتابه العزيز *`نسوا الله فأنساهم أنفسهم`* قال لقمان لابنه: *`يا بني بع دنياك بآخرتك تربحهما جميعا ولا تبع آخرتك بدنياك تخسرهما جميعا.`*