CLARIFICATION FROM PAKHUM HAUZEL Tuni nitak dak 1:30 pm in, ZRA Town Commander makaihna nuai ah, SDO office gei lak a, ZRA min a tax hon la zel om ahi aachinu toh Pakhum tel in, ka kimukhawm uh hi. Huai SDO geilak a, drugs zuaknu in, nikum November kha akipat tukum January kha tan a, ZRA sung a active cadre khat in tax la mah ahi, chih chiantakin hon genkhia hi. ZRA Town Commander in agenna ah, huaibang theihpihlou ahihdan gen a. Nikum September lak vel akipat, Lamka Zomi area a, zu leh drugs himhim zuakte lakah, tax kila nawnlou ding ahi, chih thusuah kineikhin ahihdan gen khia hi. Huaiziakin, tuni mahmah inle, huai SDO gei lak a, numei drugs zuaknu akipat, bawm 9 veel ZRA Drugs Cell te in, va matsak uh hi. ZRA Town Commander in thu asuah nung a, azui teitei loute mohsakhuai kisa mahmah hi. Theitiawp suah a, Pawlpi in apanlakna zahtaklou teitei om a theih in om hi. Tuni a ZRA Drugs Cell toh Pakhum leh volunteers te, mabanah le, Lamka Khopi sung a, drugs zuak leh kikap omte doudalna ah, pankhawm zel lemsakna kinei hi. ZRA Drugs Cell in, nikum September kha lak vel a, Drugs Zuak leh Zu zuak himhim, Lamka khopi sung a, ZRA in tax la nawnlou dia thusuah khin ahihna ah, kuamah in TAX pansan in, ZRA minsiatna ding in, suanlam aneithei nawn kei ding hi. Pawlpi thusuah ngei ngaihlouh teitei a om uh leh, amau mimal mohpuakna hong hita ding ahi. ZRA Drugs Cell leh Pakhum team te Lamka sung a, drugs zuak leh kikap omte doudalna ah, pangkhawm tou zel dia thukimna kinei hi. Hiai pen zan a thiltung toh kisai a, kithukimna ahi. -Pakhum-