شغل التعدين وما يقابله بشكل مجمل نسهل على الشباب المصطلحات كلمة تعدين ديه عامة … لكن هخصصهالك جزئيا.. لو قولنا شغل تعدين … اعرف انه لحدا كبير بتتكلم عن شركات شغالة في الخامات الصناعية … اسمنت … كاولين … رمال بيضا سواد … فوسفات … محاجر … الخ. وده الجيولوجي فيها شغله ووضعه مختلف عن .. لما اقولك شغل استكشاف … ده معنه انك شركات ذهب وخامات مصاحبة من نحاس و مجموعة بلاتين و ليثيوم وغيرها وده الجيولوجي شغله مختلف تماما ووضعه. والشركات مختلفة في الحالتين تماما في التعامل الرواتب الاستقرار …الخ. يعني شركة RHI او هيرماس خامات مختلفة عن اي شركة استكشاف حالية زي لوتس … AKH … وغيرها وعلى مستوى القطاع العام حتى شركة شلاتين مختلفة عن المصرية … او فوسفات مصر …الخ. حتي سينتامين معظم الجيولوجين شغل استكشاف سواء سطحى او تحت سطحي … لكن لو قولنا تعدين هيبقى مهندسين وكيمياء استخراج واستخلاص. اخر شيء شركات التعدين الاهلي في الذهب … ديه اشبه بالمحاجر بل اضل سبيلا اما بالنسبة للاوضاع المالية هنا وضع مالي كويس بيقابله عدم استقرار … والعكس صحيح يعني ابتداء من الهيئات الحكومية لشركات القطاع العام … المزايا في الاستقرار والشغل بتختلف بطبيعة المرتبات. يعني الهيئة اقل مرتبات من الشركات بس كوضع جيولوجي الهيئة افضل لحدا ما نفس الكلام الشركات الخاصة محلية او عالمية في الخامات بمصر او بالسعودية اقل مرتب من شركات الاستكشاف بس اكثر استقرار وهدوء نفسي لانها بتنتج وتكسب عكس ما بتصرف وتستكشف. امثل وضع لو شركات ذهب عالمية ديه بتستكشف وتنتج فده افضل شغل في قطاع التعدين رواتب كويسة واستقرار كبير اشبه بالبترول ج. م. كريم امين🌹 https://www.facebook.com/share/p/19X1TDYtgd/