.*TUIVAI LEI DAWH ZAWH A NI TA :* 01/02/2025 : Ni13/03/2024 atang dawh tan Tuivai lei (Bailey Bridge sei ber, feet 200- a sei, Mizoram leh Manipur inkal pawhna) chu vawiin ni 01/02/2025 hian Tuivai lei dawh mek chu dawh zawh a ni ta. Tuivai lei dawh hi ni 01/02/2025 hian tlan theih a ni em tih en chhin (test) tur a nih vangin EE PWD chuan Tuisual Group YMA hruaitute chu a hmuna enpui turin a sawm a. A hmunah hian President Lalremsanga Biate, Tv Lalhriatchhunga Hmar EM, SHC leh Sakawrdai VC Member Pu H. C. Lalrindika te pawh a hmunah hian an zu kal ve a ni. Lei hi a rinawm tawk em tih en chhin a ni a, he en chhinnaah hian Truck lian (Hyva) hman a ni. Hyva hi a ruaka tlantir phawt a ni a, a laiah an dintir a, lei hian a zo tha em tih en chhin phawt a ni a. Chumi hnuah Hyva phurh theih tawk chanvea rit phurhtir a ni leh a, hlawhtling taka en chhin leh a ni. A tawpna ber en chhin (final test) hi a pal tlang ang em tiin thaw dep dep chungin kan thlir thap a, Hyva hian a phurh theih china rit (tiau/chips) a phur a, lei hi a zawhpui leh ta a ni. Hei pawh hi hlawhtling taka en chhin a ni a, lawmawm kan ti hle. Lei hi Ton 20 aia rit zawhpui loh tur a ni a, PWD Department chuan hei hi zawm vek turin mipui min ngen a, an ngenna hi ngai pawimawh ila a duhawm takzet a ni. Tuivai lei hi Pu Lalduhawma, Chief Minister chuan Mizoram Legislative Assembly Budget Session tan hma ngeia hawn hman a duh a, Budget Session hi ni 19/02/2025 -a tan tur a ni. Hei hi a nih avangin ni 17/02/25 bawr vela hawn hman beisei a ni bawk. Tuivai lei hi dawh zawh ni tawh mahse mipui hman theiha hawn a la ni lo thung. A chhan chu Mizoram leh Manipur lam, lei bul thut kawng hi siam that a la ni lo a, Manipur lam chu tunah hian siam mek a ni a, Mizoram lam hi kar leh lamah hna tan tum a ni. Hei bakah hian Chief Minister-in a hawn hma chu PWD Department lam hian zawh (kal) an la remti lo bawk a ni. *Tuivai lei hi hawn a nih hma chu eng motor mahin zawh lo turin kan inngenin kan inhriattir a ni.* Sd/- (LALFAKZUALA) Secretary Tuisual Group YMA