نصيحة لوجه الله ولست أهلاً للنصيحة ولكنها من واقع تجربة شخصية.. فهمتها متأخر وعشان بحبك عاوزك تكون مدركها إدراك تام.. لازم تعرف إن في حاجة اسمها "آثار للذنوب" . مفيش ذنب بتعمله وبيعدي كدا، لازم يكون ليه ضرر سواء في قلبك أو بدنك، دنيتك أو آخرتك.. والله أعلم. أنا كنت هناك في يوم، ومكنتش مقتنع بالموضوع دا وبقول "ربنا غفور رحيم والدنيا ماشية أهو زي الفل".. ومكنتش فاهم إن في حاجة اسمها استدراج. ف بلاش تسيب نفسك لحد ما ربنا يكسرك وفوق من دلوقت وارجع لربنا ونضف قلبك. ولا تغتر بكرم الله وحلمه وستره ليك. قال بعض السلف رحمه الله: "إني لأعصي الله فأرى ذلك في خُلُقِ دابتي وامرأتي". إحساس جميل لما تلحق كل شيء في حياتك بالله. يعني لو نظرت نظرة حرام علي سبيل المثال، وأصابك هم ووحشة.. بلاش تقول بقا أنا هقوم أعمل الذنب الفلاني عشان بيبسطني (أسمع أغاني مثلاً) ولا تحاول تجيب سبب دنيوي إطلاقًا.. بل افتكر علطول الذنب بتاعك واعرف إن دا "ممكن والله أعلم" يكون أثره.. وقوم استغفر ربنا وادعيله يسامحك ويزيل عنك الهم. والله أعلم.