*_ࢪ໑ايـة الدجال`🖤📓⦔_* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ _*⚘اࢦــمــص۪ــدࢪ : ⋕ ⦉ 𝒂 𝒛 𝒓 𝒂 𝒆 𝒍 𝒕 𝒊 𝒎 𝒆 𓋜💀 ⤹.•*_ *╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ* *_⤸اࢦـڪـاتـبُـ/ عمار ألمزعج 📓🖤_* *╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ* *~_اࢦـࢪابُـطِ اࢦـخـاص۪🖤📓_~* `https://whatsapp.com/channel/0029VabYSrY9RZAU9rLPQY2h`  *الجزء الاول والثاني 💀* عاصم الدجال طلب مني داتا بنتايج تحاليل لشخصيات تم اجراء التحليل ليهم في مختبرنا وياريت أي شخصيات ، هو طلب مني ٣ اسماء عاوز النتائج بتاعتهم من ضمنهم شخص اسمه "وائل الصرفي" .. الشخص دا بالذات ليه قصة غريبة وتم عمل تحليل حمض نووي ليه بطلب من جهة سيادية ، ودا بعد اكتشاف طفرة چينية نادرة عند وائل ، التقرير بتاع الشخص داه كان مكتوب فيه انه بيقدر يتنقل من مكان لمكان ويقدر يعمل حاجات خارقة للمنطق بس كل دا وهو موجود في مكانه .. بمعني انه كان بيبقي قاعد مع ناس ويحكي ليهم حاجات هو بيعملها في مكان تاني في نفس اللحظة الي قاعد فيها معاهم ، والناس تتفاجئ ان الي بيحكيه بيحصل فعلاً .. الناس الي كانت بتتعامل معاه شكت فيه وراحت بلغت عنه .. عشان جهات التحقيق تكتشف ان وائل بيمتلك قوة خارقة ، بيتقال انه ملبوس او عليه جن ، سمعت ان وائل بيساعد الجهة السيادية ديه في حل بعض القضايا ، الي مكتوب ف التقرير ان عنده طفرة جينية وانهم عملوا التحليل عشان يعرفوا لو فيه زي وائل تاني بيمتلك نفس الجينات والقدرات ديه.. بس موضوع الجن وانه ملبوس والكلام دا كان بيتقال بينا وبين بعض في المختبر ، مقدرش أجزم دا اشاعة ولا حقيقي .. بس انا صعب اطلع التقرير بتاع الحالات الي طلبها مني ، انا هروح في داهية الموضوع مش سهل ، دا لو اتعرف ادخل السجن ومخرجش منه طول عمري .. دا غير ان المعلومات الي عرفتها من التقرير ديه مجرد عنواين ، لسه فيه تفاصيل كتير انا مقدرش اتطلع على التقرير اصلا لأنه سري ، انا يدوبك عرفت المعلومات وانا بسلم التقرير للشخص المسئول عن حفظهم في الأرشيف .. انا مقدرش اسرب وثائق سرية زي ديه دا الي قولتهوله .. عشان يرد عليا بالصورة الي قدامكم ديه ، بس المرادي كان فيه كائن اسود شكله مرعب واقف جنب السرير بتاعها.. لما قولتله إني مستحيل اعمل كده و أسرب وثائق في منتهي السرية زي ديه ، رد عليا بصورة تانية من أوضة نور وهي نايمة فيها ، بس المرة ديه فيه كيان لونه اسود مرعب جنب سرير البنت ، بعت الصورة وقالي انت لسه شاكك في قدراتي؟لسه شاكك اني اقدر اقتحم حياتك وأسيطر عليها ؟ عيني وسعت على اخرها مصدقتش الي انا شايفه .. قولتله انت انس ولا جن .. قولت الكلام وجريت على أوضة البنت بسرعة اتطمن عليها .. جريت عليها خدتها في حضني ، نور مذهولة فكراني اتجننت .. كانت عمالي تعيط وتقولي مالك يا بابا فيه ايه .. بس انا مكنتش عارف اقولها ايه لقيت رسالة جاتلي تاني منه بيقولي فيها : لو نشفت دماغك ومعملتش الي انا طلبته منك عيد ميلاد نور كمان ٣ ايام هيكون هو يوم وفاتها ،بصيت للبنت الي كانت خايفة وعماله تعيط وبعتله قولتله : زي ما انت بتقدر تدخل اوضة البنت ادخل المختبر وخد منه التقارير إلي انت عاوزها ، سبني في حالي حرام عليك ، سبني اربي بنتي لقيته بيرد عليا بصورة ، بس الصورة المرة ديه من قدام باب المختبر بعتها وقالي: المختبر متحصن بالحراس الي مع وائل، انا مفهمتش يقصد ايه بالحراس الي مع وائل، قالي مش قادر ادخله ومفيش غيرك هيساعدني .. انا مش جاي اخيرك انت يتنفذ طلباتي يا مصيرك انت وبنتك هو المـ..وت بس قبل ما انهي حياتها هحسرك عليها الاول ..وقبل ما ارد عليه لقيت نور بنتي ماسكة دماغها وعمالة تصرخ .. بتصرخ بطريقة هستيرية زي الي قرصها تعبان .. حاولت اشوف مالها لكن مقدرتش اسيطر على البنت .. نور قامت فضلت تخبط دماغها في الحيط ، حاولت امنعها لكن لقيتها بتمتلك قوة غريبة ، مش قادر اسيطر عليها .. كنت بصرخ انا كمان حاسس اني في حلم ، نور بتموت نفسها.. زقتني ب إيديها طيرتني في الحيطة الناحية التانية كأنها وحش كاسر ، بصيت حواليا لقيت حيطان الأوضة بيظهر عليها نقوش و رموز غريبة .. انا مش مصدق الي انا شايفه إيه الي بيحصل .. اول ما الرموز ديه ظهرت حسيت ان الارض نار بركان ملتهب ..مش قادر احط ايدي ولا جسمي عليها ، فضلت اتلوي واتنطط ، كنت بجري حوالين نفسي زي المجنون مش قادر المس الارض برجلي .. في اللحظة دي مكنش في بوقي غير كلمة واحدة ، كنت بقولها وانا بعيط وبصرخ : هعملك الي انت عاوزه ، هجبلك التقارير الي انت عاوزها ، ارحمني ، ارحمني.. أنا تحت امرك هنفذ كل طلباتك.. وبعد لحظات تختفي الرموز من على الحيطان والحرارة الي كنت حاسس بيها هي كمان تختفي ، جريت على نور الي كانت مرمية على الارض والد.م مغرق وشها وفاقدة الوعي لكنها لسه بتتنفس .. وقبل ما اعمل حاجة سمعت صوت رسالة ، جريت مسكت التليفون بسرعة لقيته بيقولي: متقلقش نور بخير ، بس خليك عارف ان المره ديه انا قرصت ودنك بس، المرة الجاية انت الي هتكون السبب في الي هيحصلها .. لقتني برد عليه بدون تردد : لا ارجوك بلاش تأذي بنتي ماليش غيرها في الدنيا ، انا هعمل الي انت عاوزه هنفذ كل الي تطلبه مني بس أرجوك بلاش بنتي .. بلاش بعد ما رديت عليه لقيت نور بتفتح عينيها بعد ما كانت فاقدة الوعي ، بتبصلي نظرة فيها خوف وكسرة ، انا مش عارف ايه الي كان فيها ولا كانت حاسة ب ايه ، بس كل الي عملته اني جريت عليها شيلتها حطيتها على السرير وانا واخدها في حضني وبعيط .. عشان بعدها يكلمني تاني "عاصم الدجال" ويطلب مني كل الي عاوزه بالتفصيل: هو عاوز تقرير تحليل الحمض النووي الخاص ب "وائل الصيرفي " الي حكيت حكايته وانه بيتملك طفرة چينيه نادرة دا علي حسب العنواين البسيطة الي قرأتها في التقرير بتاعه ، اما الأتنين التانين فا واحد اسمه " زين صبري" والتاني اسمه " احمد ضياء" معرفش عنهم اي تفاصيل ولا فتحت اي تقرير يخص حد فيهم قبل كده ، بس انا مدرك تماماً دلوقتي اني بتعامل مع شخص خارق للطبيعة دا لو كان انس مش جن وأكيد بما انه عاوز تقارير الناس ديه يبقي هما كمان وراهم لغز كبير ، بس انا يهمني دلوقتي بنتي ،يهمني ان ميبصهاش أي ازي بسببي .. حتي لو هديله التقارير ديه واهرب بره البلد خالص .. دا الي كنت بفكر فيه نور مش بتنطق ولا بتتكلم مفتحة عينها وبتبصلي نظرات غريبة ، حاولت بكل الطرق اخليها تتكلم لكن مفيش اي إستجابة منها .. عشان ارجع تاني اكلمه واسأله بنتي فيها ايه البنت مش بتنطق مفتحة عينيها بس عاملة زي المشلولة ، عشان يرد عليا ويقولي انها بخير وهترجع طبيعية بمجرد ما انفذ الي طلبه مني كلامه زود الضغط عليا ، يعني كده هو بيتحكم في مصير بنتي مخليها عايشة ميـ..تـة ، حسيت بتوتر وان اعصابي متد..مرة مش عارف هعمل ايه ، انا لازم انفذ الي طلبه مني في أسرع وقت البنت هتضيع مني .. نور هي اغلي حاجة في حياتي لو جرالها حاجة انا همـ..وت... بالفعل اتفقت معاه اني بكره هجيب التقارير و سألته هيستلمها مني ازاي؟ .. رد عليا بإن اجيبها وتبقي معايا وساعتها هو هيقولي هعمل ايه تاني يوم الساعه ٧ الصبح كنت في المختبر ، القلق والخوف كان باين على وشي كل زمايلي ملاحظين داه ، الي بيسألني ليه وشك اصفر والي بيسألني مال جسمك بيتنفض كده .. كنت متوتر ومش برد على حد انا فيه هدف جاي انفذه ، مش شايف قدامي غير. بنتي الي مرمية على السرير مش بتنطق .. كنت بعيط غصب عني من غير ما حد ياخد باله .. فضلت مترقب ومستني الموظف الي مسئول عن الارشيف ، مستني اللحظة المناسبة الي هدخل اجيب الي انا عاوزه .. وبالفعل جت اللحظة الي دخل فيها الحمام.. الارشيف ممنوع اي حد يكون متواجد فيه غير الموظف المسئول عنه نظراً لأهمية وسرية الوثائق الي فيه ولو حد اكتشف وجودي هتبقي كارثة فا كان لازم ادخل واخرج بسرعة من غير ما حد يحس بوجودي.. انا اديت لنفسي فرصة ٥ دقايق لو مقدرتش اجيب التقارير هخرج من الأرشيف فوراً اول ما الموظف راح الحمام دخلت انا مكتب الأرشيف بسرعة ،كنت بدور وسط الملفات بمنتهي التوتر خايف حد يدخل عليا في أي لحظة ، إيدي بتلف على كل الورق في ثواني.. لقيت اول تقرير "زين صبري" ... كملت بحث وسط الورق لحد ما وصلت لتاني تقرير " احمد ضياء" كده فاض تقرير وائل بس .. كده فات ٥ دقايق مفيش وقت تاني... فجأة لقيت إيد بتخبط على كتفي ياتري المرعب تيتو هيقولكم اي؟ انا خلاص معايا كده عدد (٢) تقرير حمض نووي فاضل واحد بس ويبقي كده قدرت احصل علي التلاته المطلوبين مني مش فاضل غير التقرير الخاص ب "وائل الصيرفي" الشخص دا الي بيتقال إنه بيمتلك طفرة چينيه وليه قدارت خارقة للطبيعة زي انه يكون موجود في مكان و فيه منه نسخة تانية بتعمل حاجة تانية في مكان تاني خالص .. دا الي انا سمعت عنه إن عليه جن ..خلاص ال٥ دقايق الي كنت محددهم لنفسي خلصوا انا لازم اخرج دلوقتي وارجع في فرصة تانية، بس فجأة لقيت إيد بتخبط على كتفي .. قلبي وقع ، لفيت رقبتي بسرعة وانا مخضوض بس لقيت الساعي جايب القهوة - يا باشا انت هنا وانا قالب عليك المختبر كله خدت نفس عميق وخرجته بعد ما كنت خلاص هقطع الخلف من الخضة ، خدت منه القهوة وسابني وخرج وانا قررت كمان اني اخرج وراه ، الساعي عارف ان من الطبيعي ان محدش بيدخل هنا غير الموظف المسئول عن الارشيف وأن المكان دا بالذات حساس نظراً لما فيه من اوراق سرية، ممكن حد فينا يدخل عادي بس دا في حالة ان الموظف موجود يعني مينفعش حد يكون موجود هنا لوحده من الفنين او الموظفين غير اما يكون معاه الموظف المسؤول عن الارشيف .. طبعاً انا جيه في بالي ساعتها ان الساعي دا هيشك فيا واحتمال يبلغ انه شافني في مكتب الأرشيف لوحدي ، بس كل دا مكنش يهمني ، انا كل يهمني ان بنتي نور المرمية مش بتنطق تبقي كويسة ، يهمني ان الشخص الغريب الي بيتواصل معايا دا ميأذيش بنتي مهما كان التمن الي هدفعه حاولت ارتب الملفات بسرعة قبل ما اخرج لأني كنت عملت حالة من اللخبطه والعشوائية في الأرفف المرصوص عليها الملفات و واضح جدا ان فيه حد بيقلب فيهم ، حاولت اظبط الدنيا بسرعة لحد ما لقيت ملف وقع فوق دماغي من الرف الي فوقي .. مسكت الملف .. مش ممكن ..دا هو