*_ࢪ໑ايـة الدجال`🖤📓⦔_* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ _*⚘اࢦــمــص۪ــدࢪ : ⋕ ⦉ 𝒂 𝒛 𝒓 𝒂 𝒆 𝒍 𝒕 𝒊 𝒎 𝒆 𓋜💀 ⤹.•*_ *╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ* *_⤸اࢦـڪـاتـبُـ/ عمار ألمزعج 📓🖤_* *╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ* *~_اࢦـࢪابُـطِ اࢦـخـاص۪🖤📓_~* `https://whatsapp.com/channel/0029VabYSrY9RZAU9rLPQY2h`  * ملف بيحتوي علي تقرير الحمض النووي الخاص بي "وائل الصيرفي" ومكتوب تحت الإسم * سري للغاية*.. غريبةزي ما يكون حد بعتلي التقرير فوق دماغي اشمعنا التقرير دا بالذات الي وقع عليا ،بسرعة كنت رجعت كل حاجة لوضعها الطبيعي وخدت ال ٣ تقارير وخرجت فوراً.. مقدرتش استني في المختبر انا كنت لازم انقذ بنتي ، خدت التقارير واستئذنت بالانصراف بدري بحجة اني تعبان ومش هقدر اكمل اليوم ، روحت البيت لقيت نور حالتها بتسوء اكتر.. اتخضيت اول ما شوفت شكلها ، وشها اصفر زي الليمونه ومليان عرق ، ملامحها دبلانه وخاسة زي ما تكون بقالها شهر مش بتاكل.. وايه السواد الي تحت عينيها داه جريت عليها بسرعة حاولت اكلمها لكنها لسه مش بترد لسه على نفس الوضع من امبارح ، مستحملتش اشوف منظرها كده لقتني باخدها ف حضني وببكي ، منظرها قطع قلبي .. مش عارف ايه الي بيحصلها انا لو سيبتها اكتر من كده هتم..وت ، بسرعة مسكت الموبايل وكتبت لعاصم الدجال ان كل الي هو طلبه معايا .. بس قبل ما ادوس ارسال قولت لنفسي طيب افتح الملفات والتقارير ديه الاول اشوف مكتوب فيها ايه ! فضولي دفعني ان اشوف ملف " وائل الصيرفي" الأول بما انه ليه اهمية خاصة ومكتوب عليه سري للغاية .. مجرد ما شوفت المعلومات الي انا كنت عارفها من الأول تجاوزتها وبدأت اقرأ باقي التفاصيل.. وهنا تكون الصدمة الكبرى!! بخلاف ان مكتوب عن وائل انه بيمتلك طفرة چينيه نادرة وبعض المعلومات عنه ، لكن في نهاية التقرير مكتوب ورقة كاملة فيها مجموعة من الملاحظات.. الملاحظات ديه بتقول ،ان وائل دا مش انس! .. الشخص دا بيمتلك شكل وصفات البشر العاديين لكنه مش بشري ، دا كائن من سكان جوف الأرض !! .. انا مش عارف ايه هما سكان جوف الأرض بس كملت المكتوب.. وائل الصيرفي قدر يقتحم عالمنا عن طريق تعويذة استدعاه بيها احد الدجالين عشان يخدم مصالحه .. طبعا جيه في دماغي على طول ان عاصم الي بيكملني دا اكيد هو الدجال الي قدر يستدعيه لعالمنا ، مكتوب كمان انه متعلم كل طرق واساليب التعامل مع البشر عشان مفيش حد يشك فيه من الي بيتعامل معاهم كا انسان ، بس الي علمه تقريباً ساب فيه عيب خطير من عيوب البشر و هو التعالي ولغة الأنا ، الي بيحاول يثبت بيها الإنسان دايما للي حواليه عن مدى مهاراته في إنجاز بعض الأشياء ومحاولة إظهار دا للناس... لأن هو الي اعترف على نفسه للي حواليه انه يقدر يعمل حاجات خارقة للطبيعة وبناء عليه الي حواليه شكوا فيه وبلغوا عنه . الكائن دا مُتلبس في شخصية حقيقية بأسم وائل الصيرفي ، جسم انسان حقيقي ، لكنه روح جاية من جوف الأرض ، انا لسه بردو مش عارف ايه هي كائنات جوف الأرض ديه .. مكتوب كمان ان فيه مجموعة من "الجن الأحمر" حراس لوائل من اي جن تاني و دول عينيهم ليه الدجال الي استحضره تحسباً ان يتم التأثير عليه من قوي تانية او دجال تاني بحيث انه يضمن ولائه وحمايته دايما .. مجرد ما قرأت الكلام دا جيه في بالي على طول كلام عاصم الدجال لما طلبت منه بما إنه قادر يقتحم أي مكان يدخل المختبر ويجيب التقارير بنفسه ، ساعتها رد عليا ان المختبر عليه حراس .. انا كده فهمت يقصد ايه ب ان المختبر عليه حراس ، بس دا ينفي الشك الي شكيته فيه ان هو الي استحضره .. امال هو عاوز التقارير ديه ليه .. وازاي الجهة ااو الي كتب التقرير دا عرف المعلومات ديه ؟ دا مجرد تحليل حمض نووي الغرض منه انهم يعرفوا لو وائل دا فيه منه تاني معانا ولا لاء ، لأن زي ما مكتوب في التقرير انه قادر يطور نسله عن طريق التكاثر زي البشر العاديين !!! انا كنت بقرأ الكلام وانا مذهول مش مصدق الي انا شايفه ، سألت نفسي طيب وائل دا دلوقتي مقبوض عليه ولا موجود فين .. الي فهمته كده ان الشخص الي بيتواصل معايا دا عاوز التقرير عشان يعرف منه مين الاشخاص الي بتمتلك نفس جينات وائل ،لان من الواضح ان فيه منه كتير زي ما البيانات بتقول و دول جم عن طريق التكاثر واضح انه عايش في وسطنا من زمان وأمره لم يكتشف غير قريب ..واضح كمان ان الاشخاص الي بتمتلك نفس الحمض النووي لم يتم العثور عليهم، دا مش بعيد يكون اكبر من مجرد شخص عادي ، دا ممكن تكون دولة وأجهزة سيادية عاوزين يوصلوا للمعلومات ديه عن طريقي ، وبيستخدموا السحر عشان يسيطروا عليا ويهددوني .. دا كده الموضوع مش هيبقي مجرد سجن ، انا ممكن اكون سبب في جحييم ..مسكت التقررين التانييين وفتحتهم . هو فيه فرق بين الزمن و الزمان ؟ ..اه فيه فرق الزمان هو الوقت العادي باليوم والساعة والدقيقة ، اما الزمن فا هو بيوضح الزمن الي بنعيشه دلوقتي . بعد ما قعدت سرحان شوية في الكلام الي قرأته في تقرير الحمض النووي الخاص ب "وائل الصيرفي" جيه الدور علي التقريرين الخاصين بالشخصين التانين.. زين صبري و أحمد ضياء ..فتحت تقرير "زين" لقيت مكتوب فيه نتايج التحاليل عادي ، روحت عند اخر ورقة الخاصة بالملاحظات عشان الاقي ان الشخص دا بيعاني من مرض نادر مش بيصاب بيه غير واحد من كل ١٠٠ مليون على وجه الأرض لكنه في نفس الوقت مرض ممكن يتكون بسببه عند الشخص المصاب خلايا في جسمه تخليه عندة قوة خارقة لكنه بعد فترة قصيرة هيفقد حياته، مفيش تفاصيل كتير عن المرض الي بيعاني منه الشخص دا ، قفلت التقرير وفتحت تقرير اخر شخص "احمد ضياء" دا حالته تقريبا مشابهة للي قبله عنده مرض نادر بردو لكنه مختلف .. المرض الي عند احمد مرض جلدي بيكون ثقوب عميقة اشبه بالحفر في كل مناطق الجسم ... بس ايه دا. المرض بيتطور والثقوب ديه بيخرج منها زوائد جلدية ، بس الشخص دا الزوائد الجلدية الي عنده كانت شبه ب السنه بتتحرك زي لسان البشر ، مكتوب ان الألسنة ديه خرجت من كل مكان في جسمه حتي دماغه ، لحد ما شكله بقي كائن غير بشري إطلاقا.. معقول انا مش مصدق .. بس إيه علاقة الناس ديه ببعض! وهو عاوز التقارير ديه يعمل بيهم ايه مسكت التقارير في أيدي وانا مش عارف اعمل إيه ، انا مش عارف لو أديت الشخص الي بيكلمني دا التقارير الي مش عارف هو انس ولا جن ولا ايه بالظبط ممكن يعمل بيها ، وفي نفس الوقت انا بنتي نور بتمـ..موت مني خايف يكون قراري سبب في اذيتها .. عشان يقطع تفكيري رسالة منه *متفكرش كتير حياة بنتك قصاد التقارير الي معاك * اتفزعت اول ما شوفت الرسالة دا زي ما يكون معايا في الأوضة .. رفعت عيني لقيت خيال عدي من قدام باب الاوضة وقف بصلي لمدة ثواني بصة مرعبة و اختفي ..قومت وقفت وانا مذهول مش مصدق الي شوفته .. جسمي بيترعش عمال ابص على بنتي الي شكلها بقي شبه الهيكل العظمي في يوم وليلة ، انا متأكد ان الي فيها دا سحر، في نفس الوقت خايف اخرج بره الاوضة مش عارف ايه الي مستنيني بره ، لقيت نفسي بدون تفكير مسكت الموبايل وبعتله .. * التقارير معايا تحب تستلمها ازاي* عشان يرد عليا بحاجة غريبة! طلب مني اجيب مجموعة من الشموع ارصهم على الأرض بشكل معين هو وضحه بصورة من ورقة كتاب بعتهالي ، قالي يترصوا بنفس الشكل داه واقعد في وسط الشموع ديه وانا قدامي طبق فيه قطرات د.م .. د.م من نور بنتي!! واجيب بخور احطه علي الد.م دا و امسك المصحف في إيدي الشمال وانا بقرأ آيات معينة هو بعتهالي .. بس هقرأها بالعكس !! وبعد كده امسك شمعة من الشموع ديه احرق بيها التقارير .. قالي ان بعدها نور بنتي هتفوق وهتبقي طبيعية و احسن من الأول .. بصيت للكلام والتفاصيل الي انا المفروض اعملها وحسيت بخوف وقبضة في قلبي ، مش عارف ازاي انا ممكن اعمل الكلام دا ، رجعت بصيت لنور الي كل دقيقة بتعدي عليها بحس ان وشها وملامحها بتبهت انا حاسس اني لو ملحقتهاش دلوقتي قبل كمان شوية هتمـ..موت.. انا هنفذ الي طلبه مني وهاخد البنت وههرب من البلد خالص.. دا الي قولته لنفسي جبت الشموع رصيتها بنفس الطريقة الي في الصورة ، جبت سرنجة وسحبت من البنت شوية د.م ، الغريب انها مكانتش حاسة ب أي حاجة رغم أنها بتترعب من الحقن وشيفاني وانا بسحب منها الد.م لكن مكانش ليها اي رد فعل ، حتي مفيش حاجة بتوحي انها خايفة ،أخدت الدم فرغته في الطبق وحطيت علي البخور ، مسكت المصحف بي إيدي الشمال زي ماهو قالي ، بدأت اتلو الأيات الي قالي عليها بالعكس.. مجرد ما بدأت في الطقوس ديه لقيت دخان البخور بيتصاعد بشكل غريب كأن فيه حريقة في المكان والد.م الي في الطبق كان بيغلي كأنه محطوط على البوتجاز .. انا كنت مرعوب بس خلاص انا حطيت رجلي لازم اكمل ، مش عارف ليه حسيت بندم حسيت ان الي بعمله دا غلط..فجأة سمعت صوت فحيح افعي .. الصوت قريب من ودني ..لفيت رقبتي بصيت ورايا لقيت افعي سودة ضخمة جداً واقفة بتبصلي وبتطلع لسانها المرعب الافعي جسمها كان بره اطار الشموع المرصوصة ، لكن كانت واقفة ومقربة دماغها في وشي .. زي مايكون تهد..يد اني لازم اكمل او هتقضي عليا.. بالفعل بصيت تاني في المصحف وانا بكمل تلاوة للأيات بطريقة معكسوسة . الدخان بيتصاعد بطريقة اكبر والافعي عماله تلف حوالين الشموع وهي عمالة تبصلي بطريقة مرعبة ، حاسس دلوقتي ان فيه حاجة بتمشي ف جسمي .. جسمي بيتنفض ، لقيت سائل ريحته كريهة جداً بيخرج من بوقي مش عارف ايه دا .. عمال يخرج بكمية كبيرة المكان غرق حواليا ، بس انا بكمل تلاوة مش قادر ابطل ، انا بكفر بالله!! دا الي قولته لنفسي وانا بسمع اذان الفجر بيقول الله اكبر .. مجرد ما المؤذن قالها .. لقيت الدخان بيهمد وغلياان الد.م اختفي وحتي الافعي اختفت.. عشان الاقي نفسي بنه.ار من العياط مش عارف ليه ، بس كنت ببكي بحرقة شديدة ، انا ايه الي بعمله داه .. جريت على الحمام استحميت من السائل الغريب الي كان مغرقني ، اتوضيت وحطيت سجادة الصلاة في اتجاه القبلة وقبل ما اقول الله اكبر ..لقيت ال ٣ في وشي !