https://whatsapp.com/channel/0029VaFcFDSHrDZp5tqeeu23 🍃قِصٌصٌ💥 مَبِتّعٌدِيِّنِ🌹 عٌنِ أّلَعٌأّلَمَ🌍 *✧┅ׄ┉֢┅ׄ┉֢┅ׄ┅ׄ┉֢┅ֶָ୨M୧ׄ┉֢┅ׄ┅ׄ┉֢┅ׄ┉֢┅ׄ✧*         📖الكتاب صديق لا يخون💪 *✧┅ׄ┉֢┅ׄ┉֢┅ׄ┅ׄ┉֢┅ֶָ୨M୧ׄ┉֢┅ׄ┅ׄ┉֢┅ׄ┉֢┅ׄ✧* *قصة :الخيار.الأصعب.tt'❤‍🩹 *❴🔢❵الـــبـــ{الثاني والاخير}ــــارت* 〰️〰️〰️〰️〰️〰️〰️〰️〰️〰️ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ 🍃💥مبتعدين🌹 عن🔥 العالم🍃🌍 ☞  𝓜𝓿𝓫𝓽𝓪𝓮𝓲𝓭𝓲𝓷 🇸🇾𝓔𝓝 🇸🇾 𝓪𝓵𝓪𝓵𝓪𝓶 ☜ 〰️〰️〰️〰️〰️〰️〰️〰️〰️〰️ ﻟﻤﻴﺎﺀ : ﺭﻭﻗﺖ ؟ ﻳﺰﻥ : ﻳﺎ ﻣﺠﻨﻮﻧﺔ ﺍﻧﺎ ﺑﺤﺒﻚ ﺷﺒﻜﺖ ﺍﺻﺎﺑﻌﺎ ﺑﺄﺻﺎﺑﻌﻮ .. ﻗﺮﺑﺖ ﺍﻳﺪﻳﻮ ﻋﻠﻰ ﺗﻤﺎ ﻭﺣﻄﺖ ﺷﻔﺎﻳﻔﺎ ﻋﻠﻴﻬﺎ .. ﻟﻤﻴﺎﺀ : ﻭﺍﻧﺎ ﺑﺤﺒﻚ .. ﺗﺘﺰﻛﺮ ﺑﺲ ﺗﻌﺮﻓﻨﺎ ﻭﻗﻠﺘﻠﻚ ﺍﻧﻲ ﻣﻄﻠﻘﺔ ﺷﻮ ﻗﻠﺘﻠﻚ ﻛﻤﺎﻥ ؟ ﻗﻠﺘﻠﻚ ﻭﻻﺩﻱ ﻛﻞ ﺣﻴﺎﺗﻲ .. ﺑﺤﺒﻚ ﺑﻤﻮﺕ ﻓﻴﻚ ﺑﺲ ﺍﻧﺖ ﺷﻲ ﻭﻫﻨﻦ ﺷﻲ .. ﻫﺪﻭﻝ ﻗﻄﻌﺔ ﻣﻦ ﻗﻠﺒﻲ ﻋﺎﺷﻮ ﺟﻮﺍﺗﻲ ﻧﺎﻣﻮ ﺑﺤﻀﻨﻲ ﺳﻨﻴﻦ .. ﺑﺘﺘﺨﻴﻞ ﺍﻧﻲ ﻣﻤﻜﻦ ﺍﺗﺤﻤﻞ ﻓﻜﺮﺓ ﻓﺮﺍﻗﻦ ؟ ﻳﺰﻥ : ﺑﺲ ﻟﻮ ﻧﺜﺒﺖ ﺯﻭﺍﺟﻨﺎ ﺑﺎﻟﻤﺤﻜﻤﺔ ﻟﻮ ﺭﻓﻊ ﻗﻀﻴﺔ ﺑﻨﺤﻂ ﻣﺤﺎﻣﻴﺔ ﺷﺎﻃﺮﺓ ﻭ ﺑﻨﺨﻠﻴﻬﻦ ﻳﻌﻴﺸﻮ ﻋﻨﺪ ﺍﻣﻚ ﻭﻗﺖ ﻣﺎ ﺑﺪﻙ ﺑﺘﺸﻮﻓﻴﻬﻦ ﻟﻤﻴﺎﺀ : ﻋﻨﺠﺪ ؟ ﻟﻴﺶ ﻣﺎ ﻗﻠﺘﻠﻲ ؟ ﻳﺰﻥ : ﻟﻴﺶ ﺍﻧﺘﻲ ﺧﻠﻴﺘﻴﻨﻲ ﺍﺣﻜﻲ ﺷﻲ ؟ ﺷﻔﺘﻲ ﻣﺎ ﺍﺣﻠﻰ ﺍﻟﺮﻭﺍﺍﺍﻕ ؟ ﻻ ﺗﺨﺎﻓﻲ ﻣﺎ ﺑﻴﻄﻠﻌﻠﻮ ﻳﺎﺧﺪﻥ ﻟﻌﻨﺪﻭ .. ﺑﺲ ﺑﺘﺎﺧﺪﻥ ﺍﻣﻚ ﺍﻟﺤﻀﺎﻧﺔ ﺑﺘﺴﻘﻂ ﻣﻨﻚ ﻭﺑﺘﺮﻭﺡ ﻷﻟﻬﺎ ﻓﻬﻤﺘﻲ ﻋﻠﻲ ؟ ﻟﻤﻴﺎﺀ : ﺍﺳﻔﺔ ﻳﺎ ﻋﻤﺮﻱ ﺳﻜﺮﺕ ﻋﻴﻮﻧﺎ ﻭﻧﺎﻣﺖ ﺑﻬﺪﻭﺀ ﻭﺭﺍﺣﺔ .. ﺗﻨﻈﻤﺖ ﺍﻧﻔﺎﺳﺎ ﻭﺣﺴﺖ ﺑﺎﻷﻣﺎﻥ .. ﺗﺎﻧﻲ ﻳﻮﻡ ﻓﺎﻗﺖ ﻣﻦ ﺍﻟﻨﻮﻡ .. ﺭﺟﻌﺖ ﻋﺎﻟﺒﻴﺖ ﻭﻧﻄﺮﺕ ﻳﺰﻥ ﻟﺮﺟﻊ ﻣﻦ ﺷﻐﻠﻮ .. ﺭﺍﺣﺖ ﻟﻌﻨﺪﻭ ﻟﻔﺖ ﺍﻳﺪﻳﻬﺎ ﻭﺭﺍ ﺭﻗﺒﺘﻮ ﻭﺍﺗﻄﻠﻌﺖ ﺑﻌﻴﻮﻧﻮ ﻟﻤﻴﺎﺀ : ﺣﺒﻴﺒﻲ ﻗﺮﺭﺕ ﻗﺮﺍﺭ ﻳﺰﻥ : ﻗﺮﺍﺭ ؟ ﺧﻴﺮ ﺍﻧﺸﺎﻟﻠﻪ ؟ ﻟﻤﻴﺎﺀ : ﻻﺯﻡ ﻧﻜﻤﻞ ﺍﺟﺮﺍﺋﺎﺕ ﻣﻌﺎﻣﻠﺔ ﺍﻟﺰﻭﺍﺝ .. ﻭ ﻧﺴﺘﻌﺪ ﻟﻠﻤﻌﺮﻛﺔ ﻳﻠﻲ ﺭﺡ ﻳﻌﻤﻼ ﻃﻠﻴﻘﻲ . ﻧﺰﻟﺖ ﺍﻳﺪﻳﻬﺎ ﻋﻦ ﺭﻗﺒﺘﻮ ﻭ ﻓﺘﻠﺖ ﻭﺷﺎ ﻋﻨﻮ .. ﺣﻄﺖ ﺍﻳﺪﺍ ﺍﻟﻴﻤﻴﻦ ﺑﺈﻳﺪﺍ ﺍﻟﻴﺴﺎﺭ ﻭﻓﺮﻛﺘﻦ ﺑﺒﻌﺾ .. ﻟﻤﻴﺎﺀ : ﺗﻌﺮﻑ .. ﻣﺎ ﻓﻜﺮ ﻳﺴﺄﻝ ﻋﻨﻦ ﻭﻻ ﺑﻌﺘﻠﻦ ﻣﺼﺮﻭﻑ ﻃﻮﻝ ﻫﺎﻟﻔﺘﺮﺓ .. ﺑﺲ ﻣﺎ ﺑﻌﺮﻑ ﻟﻴﺶ ﻛﺘﻴﺮ ﺍﻫﺘﻢ ﻭﺻﺎﺭ ﺑﺪﻭ ﻳﺮﻓﻊ ﻗﻀﻴﺔ ﻫﻸ ﻭﺻﺎﺭ ﻳﺤﺒﻦ ﻭﺑﺪﻭ ﻳﺎﻫﻦ ﻣﻦ ﻣﺘﻰ ﻫﺎﻟﺤﻨﻴﺔ ؟ ﻳﺰﻥ : ‏( ﺗﻨﻬﺪ ﻭﺭﻓﻊ ﺣﻮﺍﺟﺒﻮ ﺗﻠﻔﺖ ﺑﻌﻴﻮﻧﻮ ﺑﺎﻟﻤﻜﺎﻥ ﻭﻗﺮﺑﻼ ‏) ﻧﺤﻨﺎ ﺍﻟﺮﺟﺎﻝ ﺑﺪﻧﺎ ﺗﻜﺴﻴﺮ ﺭﺍﺱ ﺿﺤﻜﺖ ﻟﻤﻴﺎﺀ .. ﻭ ﺿﻤﺘﻮ ﻟﻤﻴﺎﺀ : ﻻ .. ﺍﻟﺬﻛﻮﺭ ﺑﺪﻥ ﺗﻜﺴﻴﺮ ﺭﺍﺱ .. ﺍﻟﺮﺟﺎﻝ ﺑﻴﻨﺤﻄﻮ ﺟﻮﺍ ﺍﻟﻘﻠﺐ ﻭ ﻋﺎﻟﺮﺍﺱ ﺷﺪﺍ ﻣﻦ ﺷﻌﺮﺍ ﻣﺰﺡ .. ﻭﺍﺗﻄﻠﻊ ﺑﻌﻴﻮﻧﺎ ﺑﻌﺼﺒﻴﺔ ﻭﻫﻮ ﻣﺒﺘﺴﻢ ﻳﺰﻥ : ﻳﻌﻨﻲ ﻛﻞ ﺍﻟﺮﺟﺎﻝ ﺑﻘﻠﺒﻚ ؟ ﻟﻤﻴﺎﺀ : ﻫﻬﻬﻬﻬﻬﻪ ﻻ ﻻ ﺍﻧﺖ ﺑﺲ ﻟﻴﻼﺱ : ﻣﺎﻣﺎ .. ﻣﺎﻣﺎ ﺗﺎﺗﺎ ﺍﺟﺖ ﺷﻔﺘﺎ ﻣﻦ ﺍﻟﺸﺒﺎﻙ ﻭﻣﻌﺎ ﺭﺟﺎﻝ ﺍﺗﻄﻠﻌﻮ ﻟﻤﻴﺎﺀ ﻭﻳﺰﻥ ﺑﺒﻌﺾ .. ﺭﺟﻔﺖ ﻟﻤﻴﺎﺀ ﻣﻦ ﺧﻮﻓﺎ .. ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻟﻴﻼﺱ ﻋﺎﻟﻐﺮﻓﺔ .. ﻭﺟﺎﺑﺖ ﻟﻴﺚ ﻋﺎﻟﻐﺮﻗﺔ ﻭﺳﻜﺮﺕ ﺍﻟﺒﺎﺏ .. ﻳﺰﻥ : ﺧﻠﻴﻜﻲ ﻫﻮﻥ ﺭﺡ ﺷﻮﻑ ﺷﻮ ﻋﻢ ﻳﺼﻴﺮ ﻭﺍﺭﺟﻊ ﺧﺒﺮﻙ ﻃﻠﻊ ﻳﺰﻥ ﻣﻦ ﺍﻟﻐﺮﻓﺔ ﻓﺘﺢ ﺑﺎﺏ ﺍﻟﺒﻴﺖ .. ﻭﺩﺧﻠﺖ ﺧﺘﺎﻡ ﺑﺴﺮﻋﺔ ﻟﻌﻨﺪ ﻟﻤﻴﺎﺀ ﻭﺳﻜﺮﺕ ﺍﻟﺒﺎﺏ ... ﺧﺘﺎﻡ : ﺑﻌﺘﻠﻜﻦ ﺍﻟﻒ ﻣﺴﺞ ﻭﺩﻗﻴﺘﻠﻜﻦ ﺍﻟﻒ ﻣﺮﺓ ﻣﺎ ﺭﺩﻳﺘﻮ ﻻ ﺍﻧﺘﻲ ﻭﻻ ﺟﻮﺯﻙ ﻟﻤﻴﺎﺀ : ‏( ﺑﺼﻮﺕ ﻋﻢ ﻳﺮﺟﻒ ‏) ﻣﻴﻦ ﺑﺮﺍ ؟ ﺧﺘﺎﻡ : ﺑﺮﺍ .. ﻳﺎﻣﻦ ﺑﺮﺍ ﻳﺎ ﺳﺖ ﻟﻤﻴﺎﺀ ﻟﻤﻴﺎﺀ : ﺍﻣﻲ ﺍﻧﺘﻲ ﻋﻨﺠﺪ ﺑﺘﺤﻜﻲ ؟ ﺧﺘﺎﻡ : ﺍﻱ ﻋﻨﺠﺪ .. ﻭﻗﻮﻟﻲ ﺍﻟﻠﻪ ﻳﺴﺘﺮ ﻷﻧﻪ ﺍﻟﺸﺮ ﺑﻌﻴﻮﻧﻮ ﻟﻤﻴﺎﺀ : ﻟﻚ ﺳﻨﺔ ﻣﺎ ﺳﺄﻝ ﻋﻦ ﻭﻻﺩﻭ ﻫﻸ ﺻﺎﺭ ﺑﺪﻭ ﻳﺎﻫﻦ ﻭﻳﻼﺣﻘﻨﺎ ﻛﻤﺎﻥ ؟ ﺧﺘﺎﻡ : ﺍﻧﺎ ﺟﻴﺖ ﻣﻌﻮ ﻣﺸﺎﻥ ﻭﻗﻒ ﻣﻌﻜﻦ .. ﻟﻮ ﺭﻓﻀﺖ ﺟﻴﺒﻮ ﻣﻌﻲ ﻟﻬﻮﻥ ﻛﺎﻥ ﺍﺟﺎ ﻟﺤﺎﻟﻮ ﻭﻛﺒﺮﺕ ﺍﻟﻤﺸﻜﻠﺔ ﻟﻤﻴﺎﺀ : ﻻ ﻣﺎ ﻛﺎﻥ ﻋﺮﻑ ﻭﻳﻦ ﺑﻴﺘﻨﺎ ﻣﺸﺎﻥ ﻳﺠﻲ ﺧﺘﺎﻡ : ﻻ .. ﺑﻴﻌﺮﻑ .. ﻳﻠﻲ ﺑﻴﺴﺄﻝ ﻣﺎ ﺑﻴﺘﻮﻩ ﺻﺢ ؟ ﻭﺍﻧﺎ ﺧﻔﺖ ﻋﻠﻴﻜﻦ ﻟﻬﻴﻚ ﺟﻴﺖ ﺷﺒﻚ ﻋﻢ ﺗﺮﺟﻔﻲ ؟ ﻣﺎ ﺑﻴﻄﻠﻌﻠﻮ ﻳﺎﺧﺪﻥ ﻭﻳﻤﺸﻲ ﻟﻤﻴﺎﺀ : ﺍﻣﻲ ﻣﺸﺎﻥ ﺍﻟﻠﻪ ﻻ ﺗﺨﻠﻮ ﻳﺎﺧﺪ ﻭﻻﺩﻱ ﻣﻨﻲ ﺩﺧﻞ ﻳﺰﻥ ﻋﺎﻟﻐﺮﻓﺔ ﻭﻫﻮ ﻋﻢ ﻳﻀﺤﻚ .. ﺍﺗﻄﻠﻊ ﺑﺨﺘﺎﻡ ﻭﻫﺰﻻ ﺑﺮﺍﺳﻮ ﺍﻧﻮ ﺷﻮ ﻓﻲ ؟ ﻏﻤﺰﺗﻠﻮ ﻭﺿﺤﻜﺖ .. ﻳﺰﻥ : ﺗﻔﻀﻞ ﻳﻠﻲ ﺑﺮﺍ ﻓﺘﺤﺖ ﻋﻴﻮﻧﺎ ﻭﺭﻓﻌﺖ ﺭﺍﺳﺎ ﻭﻣﺴﺤﺖ ﺩﻣﻮﻋﺎ .. ﺍﺗﻄﻠﻌﺖ ﺑﺈﺗﺠﺎﻩ ﺍﻟﺒﺎﺏ ﻭﻓﺮﻛﺖ ﻋﻴﻮﻧﺎ ﻣﺮﺓ ﻭﻣﺮﺗﻴﻦ ﻭﺗﻼﺕ .. ﻭﺿﺤﻜﺖ ﺑﺼﻮﺕ ﻋﺎﻟﻲ ﻭﺭﻛﻀﺖ ﻋﻠﻰ ﻋﺎﺑﺪ ﻭﺿﻤﺘﻮ ﺑﻼ ﻣﺎ ﺗﺤﻜﻲ ﻭﻻ ﺣﺮﻑ .. ﺍﻟﺘﻔﺘﺖ ﻋﻠﻰ ﺧﺘﺎﻡ ﻭﺣﺴﺖ ﺑﺪﻭﺧﺔ ﻗﻮﻳﺔ .. ﻭﻏﺎﺑﺖ ﻋﻦ ﺍﻟﻮﻋﻲ ﺑﻌﺪ ﺳﺎﻋﺔ ... ﻓﺘﺤﺖ ﻋﻴﻮﻧﺎ ﺑﺘﻌﺐ .. ﻛﺎﻧﺖ ﺑﺎﻟﻤﺸﻔﻰ ﻭﺟﻨﺒﺎ ﺍﻫﻼ ﻋﺎﺑﺪ : ﻫﻴﻚ ﺷﻮﻓﺘﻲ ﺑﺘﻌﻤﻞ ؟ ﻳﺰﻥ : ﻫﻬﻬﻬﻬﻪ ﻭﺍﻟﻠﻪ ﻭﺷﻚ ﺧﻴﺮ ﻋﻠﻴﻨﺎ ﺧﺘﺎﻡ : ﻣﺒﺮﻭﻙ ﻳﺎ ﻟﻤﻴﺎ .. ﻣﺒﺮﻭﻙ ﻳﺎ ﻣﺎﻣﺎ ﻟﻤﻴﺎﺀ : ﻣﺒﺮﻭﻙ ﻋﻠﻰ ﺷﻮ ؟ ﻗﺮﺏ ﻳﺰﻥ ﻟﻌﻨﺪﺍ .. ﻛﺎﻧﺖ ﺑﻌﺪﺍ ﻣﺎ ﻋﻢ ﺗﺮﻛﺰ .. ﻭﻋﻢ ﺗﻠﻒ ﺑﻌﻴﻮﻧﺎ ﺑﻜﻞ ﺍﻟﻐﺮﻓﺔ ﺑﺎﻟﺴﻘﻒ ﻭﺍﻟﺤﻴﻄﺎﻥ ﻭﺍﻟﺰﻭﺍﻳﺎ .. ﻳﺰﻥ : ﺭﺡ ﻳﺼﻴﺮ ﻋﻨﺎ ﺑﻴﺒﻲ ﻏﻤﻀﺖ ﻋﻴﻮﻧﺎ ﻭﺷﺪﺕ ﻋﻠﻴﻬﻦ .. ﻓﺘﺤﺘﻦ ﻣﻦ ﺟﺪﻳﺪ ﺍﻟﺘﻔﺘﺖ ﺟﻨﺒﺎ ﺷﺎﻓﺖ ﻋﺎﺑﺪ .. ﻟﻤﻴﺎﺀ : ﻋﺎﺑﺪ ؟ ﻭﺍﻟﻠﻪ ﺍﺷﺘﻘﺘﻠﻚ .. ﺳﻨﺔ ﻛﺎﻣﻠﺔ ﻣﺎ ﺷﻔﺘﻚ ﺣﺴﻴﺖ ﺿﻬﺮﻱ ﺍﻧﻜﺴﺮ ﺑﻐﻴﺎﺑﻚ ﺑﻌﺪ ﻳﺰﻥ ﻋﻨﻦ ﺧﻄﻮﺗﻴﻦ ﻭﻋﻴﻮﻧﻮ ﻋﻢ ﺗﻠﻤﻊ ﻓﻴﻬﻦ ﺍﻟﺪﻣﻌﺔ .. ﻟﻤﻴﺎﺀ : ﺍﻣﻲ .. ﻗﻠﺘﻴﻠﻲ ﻳﺎﻣﻦ ﻣﻌﻚ ﻛﺎﻥ ؟ ﺧﺘﺎﻡ : ﻻ ﻳﺎ ﺟﺪﺑﺔ ﻛﻨﺖ ﺍﻣﺰﺡ ﻣﻌﻚ ﻟﻤﻴﺎﺀ : ﺍﻭﻭﻭﻑ ﻳﺎ ﺍﻣﻲ ﻫﺎﺩ ﻣﺰﺡ ﺷﻮﻓﻲ ﺷﻮ ﻋﻤﻠﺘﻲ ﻓﻴﻨﻲ .. ﻭﻳﻨﻦ ﻭﻻﺩﻱ ؟ ﺧﺘﺎﻡ : ﺗﺮﻛﺘﻦ ﻋﻨﺪ ﺍﺧﺘﻚ ﻻﻧﺎ ﻟﻤﻴﺎﺀ : ﻭﺟﻮﺯﺍ ؟ ﻳﻤﻜﻦ ﻳﻨﺰﻋﺞ ﻣﻨﻦ ﺧﺘﺎﻡ : ﻻ ﺧﻠﺺ ﻟﻴﻜﻚ ﺻﺤﺼﺤﺘﻲ ﻫﻸ ﺑﻨﺮﺟﻌﻚ ﻋﺎﻟﺒﻴﺖ ﻭﺑﻨﺮﺟﻌﻠﻚ ﻳﺎﻫﻦ ﻟﻤﻴﺎﺀ : ﺍﻧﺎ ﻟﻴﺶ ﻫﻮﻥ ؟ ﻣﺎ ﻛﺎﻧﺖ ﻣﺮﻛﺰﺓ ﻣﻊ ﻳﺰﻥ ﺑﺲ ﺧﺒﺮﺍ ﺍﻧﻬﺎ ﺣﺎﻣﻞ .. ﺭﺟﻌﺖ ﺳﺄﻟﺖ ﻣﺮﺓ ﺗﺎﻧﻴﻪ .. ﺧﺘﺎﻡ : ﺍﻧﺘﻲ ﺣﺎﻣﻞ ﻟﻤﻴﺎﺀ : ﻣﻴﻦ ؟ ﻗﺮﺏ ﻳﺰﻥ ﻟﻌﻨﺪﺍ .. ﻳﺰﻥ : ﻣﺎ ﻛﺎﻥ ﺑﺪﻙ ﻭﻻﺩ ﻣﻨﻲ ﺻﺢ ؟ ﻋﺎﺑﺪ : ﺻﻠﻲ ﻋﺎﻟﻨﺒﻲ ﻟﻚ ﺻﻬﺮﻱ ﺍﻛﻴﺪ ﺑﺪﺍ ﻭﻻﺩ ﺑﺲ ﻫﻲ ﻣﺎ ﻋﻢ ﺗﺮﻛﺰ ﺑﺎﻷﺣﺪﺍﺙ ﺍﻟﻠﻪ ﻳﺴﺎﻣﺤﺎ ﺍﻣﻲ .. ﻗﻠﺘﻼ ﻓﺎﺟﺌﻴﻬﺎ ﻣﻮ ﺍﻓﻠﺠﻴﻬﺎ ﻫﻬﻬﻬﻬﻪ ﻟﻤﻴﺎﺀ : ﻻ ﻣﺎ ﺑﺪﻱ ﻭﻻﺩ .. ﺑﺲ ﻧﺸﻮﻑ ﺷﻮ ﺭﺡ ﻳﺼﻴﺮ ﺑﻨﻘﺮﺭ ﺍﺯﺍ ﺭﺡ ﻧﺠﻴﺐ ﻭﻻﺩ ﺍﻭ ﻻ .. ﻣﻮ ﻫﻸ ﻳﺰﻥ : ﻳﻌﻨﻲ ﺍﻧﺎ ﺷﻮ ﺍﻓﻬﻢ ﻣﻦ ﻛﻼﻣﻚ ؟ ﺧﺘﺎﻡ : ‏( ﻏﻤﺰﺗﻠﻮ ‏) ﺧﻠﺺ ﻳﺎ ﺟﻤﺎﻋﺔ ﻣﻮ ﻣﻜﺎﻥ ﻣﻨﺎﺳﺐ ﻟﻠﻨﻘﺎﺵ ﻫﻸ ﻟﻤﻴﺎﺀ : ﺍﻧﺎ ﻣﻮ ﻓﺎﻫﻤﺔ ﻟﻴﺶ ﻫﻴﻚ ﻣﺰﺣﺘﻲ ﻣﻌﻲ ؟ ﻳﻌﻨﻲ ﺍﻧﺘﻲ ﻳﻠﻲ ﺑﺘﺨﺎﻓﻲ ﻋﻠﻰ ﻣﺸﺎﻋﺮﻱ ﻭﻋﻤﻠﺘﻲ ﻳﺰﻥ ﻭﺍﺳﻄﺔ ﻣﺸﺎﻥ ﻳﺨﺒﺮﻧﻲ ﺍﻧﻮ ﻳﺎﻣﻦ ﺭﺟﻊ ﻋﺎﻟﺒﻠﺪ ﻭﺑﻘﻴﺘﻮ ﻭﻗﺖ ﺗﻔﻜﺮﻭ ﺷﻠﻮﻥ ﺭﺡ ﺗﺤﻜﻮ ﻣﻌﻲ ﺑﺎﻟﻤﻮﺿﻮﻉ ﺟﻴﺘﻮ ﺗﺤﻜﻮﻟﻲ ﺍﺟﺎ ﻳﺎﻣﻦ ﻳﺰﻥ : ﻣﺎ ﻛﻨﺖ ﺍﻋﺮﻑ ﻭﺍﻟﻠﻪ ﺧﺘﺎﻡ : ﻭﺍﻧﺎ ﻣﺎ ﻗﺼﺪﺕ ﻳﺼﻴﺮ ﻫﻴﻚ .. ﺑﺲ ﺍﻧﺘﻲ ﺣﺎﻣﻞ ﻣﻮ ﻣﻦ ﺍﻟﺼﺪﻣﺔ ﻏﺒﺘﻲ ﻋﻦ ﺍﻟﻮﻋﻲ ﺑﺲ ﺍﻟﻀﻐﻂ ﺍﻟﻨﻔﺴﻲ ﺍﺛﺮ ﻋﻠﻴﻜﻲ ﻭﻏﺒﺘﻲ ﻋﻦ ﺍﻟﻮﻋﻲ ﻣﺸﺎﻥ ﻧﻌﺮﻑ ﺍﻧﻮ ﻫﻮﻥ ‏( ﺍﺷﺮﺕ ﻋﻠﻰ ﺑﻄﻨﺎ ‏) ﻓﻲ ﺑﻴﺒﻲ ﺣﻠﻮ ﻋﺎﺑﺪ : ﺣﻠﻴﺎﻧﺔ ﻫﺎ .. ﺍﻧﺎ ﺭﺟﻌﺖ ﻣﺸﺎﻥ ﺳﺎﻧﺪﻙ ﻣﺎ ﺣﺪ ﺭﺡ ﻳﻈﻠﻤﻚ ﺍﻧﺘﻲ ﻭﻭﻻﺩﻙ ﻭﺍﻧﺎ ﻣﻮﺟﻮﺩ ﻳﺰﻥ : ﺷﺒﻜﻦ ﻳﺎ ﺟﻤﺎﻋﺔ ﺍﻧﺎ ﻣﺘﺖ ﺷﻲ ؟ ﻫﺎﻱ ﻣﺮﺗﻲ ﺍﻋﻤﻠﻮﻟﻲ ﺍﻋﺘﺒﺎﺭ ﻭ ﻭﺟﻮﺩ ﻣﺎ ﻛﺎﻥ ﺑﺪﺍ ﻭﻻﺩ ﻣﻨﻮ ﻣﺸﺎﻥ ﻣﺎ ﺗﻮﺭﻁ ﺍﻛﺘﺮ .. ﻣﺸﺎﻥ ﻣﺎ ﺗﻌﻴﺶ ﺑﺪﺍﺋﺮﺓ ﺑﻼ ﺯﻭﺍﻳﺎ ﻭﻣﺎ ﺗﺤﺴﻦ ﺗﻄﻠﻊ ﻣﻨﻬﺎ .. ﺭﺟﻌﻮ ﻋﺎﻟﺒﻴﺖ ﺩﺧﻠﺖ ﺗﺴﻄﺤﺖ .. ﻭﻗﻌﺪ ﺟﻨﺒﺎ ﻋﺎﺑﺪ ﻭﻃﻠﺐ ﻣﻦ ﺍﻣﻮ ﻭ ﻳﺰﻥ ﻳﻄﻠﻌﻮ ﻣﻦ ﺍﻟﻐﺮﻓﺔ .. ﻋﺎﺑﺪ : ﻟﻤﻴﺎ .. ﺑﺪﻱ ﺍﺳﺄﻟﻚ ﺳﺆﺍﻝ ﻟﻤﻴﺎﺀ : ﺍﺳﺄﻟﻨﻲ ﻳﺎ ﻋﻤﺮﻱ ﻋﺎﺑﺪ : ﺍﻧﺘﻲ ﺑﻌﺪﻙ ﺑﺘﺤﺒﻲ ﻳﺰﻥ ؟ ﻟﻤﻴﺎﺀ : ﺑﻤﻮﺕ ﻓﻴﻪ .. ﺑﺲ ﺑﺤﺐ ﻭﻻﺩﻱ ﺍﻛﺘﺮ ﻋﺎﺑﺪ : ﻳﻌﻨﻲ ﺍﺯﺍ ﺍﻧﺠﺒﺮﺗﻲ ﺗﺨﺘﺎﺭﻱ ﻟﻤﻴﺎﺀ : ﻻ ﺗﻜﻤﻞ .. ﻻ ﺗﺤﻄﻨﻲ ﺑﻬﻴﻚ ﺧﻴﺎﺭ ﻭﻻ ﺣﺘﻰ ﻟﻮ ﻋﻢ ﺗﻀﺮﺑﻠﻲ ﻣﺜﺎﻝ .. ﻷﻧﻪ ﺍﻟﺨﻴﺎﺭ ﺻﻌﺐ ﻛﺘﻴﻴﻴﺮ .. ﺑﺤﺐ ﻳﺰﻥ ﻣﺎ ﻓﻴﻨﻲ ﺍﺳﺘﻐﻨﻲ ﻋﻨﻮ ﻭﻫﻮ ﺗﺮﻙ ﺍﻫﻠﻮ ﻛﻠﻦ ﻭﺗﺠﻮﺯﻧﻲ ﻏﺼﺐ ﻋﻨﻦ .. ﻭﺑﺤﺐ ﻭﻻﺩﻱ ﺍﻛﺘﺮ ﻣﻦ ﻛﻞ ﺍﻟﺪﻧﻴﺎ ﻋﺎﺑﺪ : ﺟﺎﻭﺑﻴﻨﻲ ﻋﻠﻰ ﺳﺆﺍﻟﻲ ﻟﻤﻴﺎﺀ : ﻭﻻﺩﻱ .. ﻃﺒﻌﺎ ﻭﻻﺩﻱ ﻋﺎﺑﺪ : ﻃﻴﺐ ﺍﻧﺎ ﺭﺡ ﻗﻠﻚ ﺷﻮ ﺭﺡ ﻳﺼﻴﺮ .. ﺍﻟﺤﻀﺎﻧﺔ ﺭﺡ ﺗﺴﻘﻂ ﻣﻨﻚ ﻭﺗﺮﻭﺡ ﻷﻣﻲ .. ﻭﻣﻤﻨﻮﻉ ﺗﺎﺧﺪﻳﻬﻦ ﺑﺮﺍﺕ ﺍﻟﺒﻠﺪ ﻛﻤﺎﻥ ﺍﻻ ﺑﺘﻮﻗﻴﻊ ﻣﻦ ﺍﺑﻮﻫﻦ .. ﻟﻬﻴﻚ ﻻ ﺗﺘﺨﻠﻲ ﻋﻦ ﺍﻟﻄﻔﻞ ﻳﻠﻲ ﺑﺒﻄﻨﻚ ﺣﺮﺍﻡ .. ﻣﺎ ﺭﺡ ﺗﻨﺤﻄﻲ ﺑﺨﻴﺎﺭ ﺻﻌﺐ ﺍﻧﺸﺎﻟﻠﻪ ﺑﻌﺪ ﺍﺳﺒﻮﻉ ... ﻧﺰﻟﻮ ﻟﻤﻴﺎﺀ ﻭ ﻳﺰﻥ ﺛﺒﺘﻮ ﻛﺘﺐ ﺍﻟﻜﺘﺎﺏ ﺑﺎﻟﻤﺤﻜﻤﻪ .. ﻭﺭﺟﻌﻮ ﻋﺎﻟﺒﻴﺖ .. ﻳﺰﻥ : ﺣﺒﻴﺒﺘﻲ ﺷﺒﻚ ﻭﺷﻚ ﺍﺻﻔﺮ ﺗﻌﺒﺎﻧﻪ ﺷﻲ ؟ ﻟﻤﻴﺎﺀ : ﺍﻱ ﺷﻮﻱ ﻳﺰﻥ : ﻓﻴﻜﻲ ﺷﻲ ؟ ﻣﻮﺟﻮﻋﺔ ﺷﻲ ؟ ﻟﻤﻴﺎﺀ : ﻻ ﺑﺲ ﺑﻄﻨﻲ ﺑﻴﻮﺟﻌﻨﻲ ﻛﺘﻴﺮ ﻣﺎ ﺑﻌﺮﻑ ﻟﻴﺶ ﻳﺰﻥ : ﻗﻮﻣﻲ ﺧﻠﻴﻨﺎ ﻧﺮﻭﺡ ﻋﻠﻰ ﺩﻛﺘﻮﺭﺓ ﺗﻔﺤﺺ ﻭﺿﻌﻚ ﻭ ﻭﺿﻊ ﺍﻟﺠﻨﻴﻦ ﻟﻤﻴﺎﺀ : ﻣﺎ ﺑﺪﻱ ﺭﻭﺡ ﻣﻜﺎﻥ .. ﻋﺎﺩﻱ ﻭﺟﻊ ﻃﺒﻴﻌﻲ ﻣﻮ ﺍﻭﻝ ﻣﺮﺓ ﺍﺣﺒﻞ .. ﻻﻧﻲ ﻣﺸﻴﺖ ﻭﻃﻠﻌﺖ ﺑﺴﻴﺎﺭﺓ ﻭﻫﻴﻚ ﺗﻮﺟﻌﺖ ﻣﺎ ﻓﻲ ﺩﺍﻋﻲ ﻟﻠﺪﻛﺘﻮﺭﺓ ﺑﻌﺪ ﻳﻮﻣﻴﻦ .. ﺩﻕ ﺑﺎﺏ ﺍﻟﺒﻴﺖ .. ﻃﻠﻊ ﻳﺰﻥ ﻳﺸﻮﻑ ﻣﻴﻦ .. ﻭﻛﺎﻥ ﺍﺳﺘﺪﻋﺎﺀ ﻟﻠﻤﻴﺎﺀ ﻟﻠﻤﺤﻜﻤﺔ .. ﻭﻗﻌﺖ ﻋﻠﻴﻪ ﻭ ﺻﺎﺭﺕ ﺗﺒﻜﻲ .. ﻭﺣﺴﺖ ﺍﻧﻬﺎ ﻗﺮﺑﺖ ﺗﺨﺴﺮ ﻭﻻﺩﺍ .. ﻳﺰﻥ : ﻟﻤﻴﺎ ﺍﺗﻄﻠﻌﻲ ﻋﻠﻲ .. ‏( ﺭﻓﻊ ﻭﺷﺎ ﺑﺈﻳﺪﻭ ﻭﺍﺗﻄﻠﻊ ﺑﻌﻴﻮﻧﺎ ‏) ﺍﻧﺘﻲ ﻧﺪﻣﺘﻲ ﺍﻧﻚ ﺗﺠﻮﺯﺗﻴﻨﻲ ؟ ﻟﻤﻴﺎﺀ : ﻻ ﻳﺰﻥ ﻣﺎ ﻧﺪﻣﺖ ﺍﻧﻲ ﺗﺠﻮﺯﺗﻚ ﺑﺲ ﺍﻧﺎ ﻫﻴﻚ ﻭﻻﺩﻱ ﻣﺎ ﻋﺎﺩ ﻳﻨﺎﻣﻮ ﺑﺤﻀﻨﻲ .. ﺷﻮ ﻛﺎﻥ ﺧﻼﻧﻲ ﺍﺗﺠﻮﺯ ﻭ ﺍﻋﻤﻞ ﻓﻴﻬﻦ ﻳﺰﻥ : ﺍﻩ ؟ ﺷﻠﻨﺎ ﻛﺘﻠﺔ ﻣﻦ ﺍﻟﺮﺣﻢ ﻳﻌﻨﻲ ﻋﻤﻠﻴﺔ ﺑﺴﻴﻄﺔ ﻟﻤﻴﺎﺀ : ﻻ ﺍﺣﺴﺎﺳﻲ ﺑﻴﻘﻠﻲ ﺍﻧﺘﻮ ﻣﺨﺒﻴﻴﻦ ﻋﻨﻲ ﺷﻲ ﻳﺰﻥ ...... : ﻋﺎﺑﺪ : ﺭﺡ ﻳﺠﻲ ﻳﻮﻡ ﻭﺗﻌﺮﻑ .. ﺧﺒﺮﺍ ﻣﻦ ﻫﻸ ﻳﺰﻥ : ﺣﺒﻴﺒﺘﻲ .. ‏( ﻗﻌﺪ ﻋﻠﻰ ﺭﻛﺒﺘﻮ ﺟﻨﺐ ﺍﻟﺘﺨﺖ ﻭﻣﺴﻚ ﺍﻳﺪﺍ ﻭﻫﻲ ﻋﻢ ﺗﻄﻠﻊ ﻓﻴﻪ ﻭﻣﻮ ﻓﺎﻫﻤﺔ ﺷﻲ ‏) ﻻ ﺗﺰﻋﻠﻲ .. ﺍﻟﻤﻬﻢ ﺍﻧﺘﻲ ﺑﺨﻴﺮ .. ﺍﻟﺪﻛﺘﻮﺭ ﺍﺳﺘﻌﺠﻞ ﺑﻌﻤﻠﻴﺘﻚ ﻣﺸﺎﻥ ﻣﺎ ﻧﺨﺴﺮﻙ .. ﻭﺷﺎﻝ ﺍﻟﺮﺣﻢ ﺣﻄﺖ ﺍﻳﺪﺍ ﻋﻠﻰ ﺗﻤﺎ ﻭ ﻓﺘﺤﺖ ﻋﻴﻮﻧﺎ ﻋﻠﻰ ﺍﺧﺮﻥ ﻭﺻﺎﺭﺕ ﺗﺘﻨﻔﺲ ﺑﺴﺮﻋﺔ ﻭ ﻧﺰﻟﺖ ﺩﻣﻌﺘﺎ .. ﺣﻄﺖ ﺍﻳﺪﺍ ﻋﻠﻰ ﺑﻄﻨﺎ ﻭﺑﻜﻴﺖ ﺍﻛﺘﺮ ﻟﻴﻼﺱ : ﻣﺎﻣﺎ ﻟﻴﺶ ﻋﻢ ﺗﺒﻜﻲ ؟ ﺍﻧﺎ ﺑﻄﻠﺖ ﺯﻋﻼﻧﺔ ﻣﻨﻚ ﻻ ﺗﺒﻜﻲ ﻋﺎﺑﺪ : ﺗﻌﺎﻟﻲ ﺧﺎﻟﻮ .. ﻛﻴﻔﻚ ﺍﻧﺘﻲ ﻣﺤﺘﺎﺟﺔ ﺷﻲ ﺑﺪﻙ ﺷﻲ ؟ ﻟﻴﻼﺱ : ﻣﻨﻴﺤﺔ ﻋﺎﺑﺪ : ﻳﺠﺰﻳﻚ ﺍﻟﺨﻴﺮ ﻳﺎ ﺻﻬﺮﻱ .. ﻋﻢ ﺗﺘﻌﺐ ﻭﺍﻟﻠﻪ ﻭﻣﻌﻴﺸﻦ ﺍﺣﻠﻰ ﻋﻴﺸﺔ ﻳﺰﻥ : ﺍﻟﻤﻬﻢ ﺗﻜﻮﻥ ﻟﻤﻴﺎ ﻣﺒﺴﻮﻃﺔ ﺑﻌﺪ ﺷﻬﺮﻳﻦ ﺧﻠﺼﺖ ﺍﻟﻤﺤﻜﻤﺔ ﻭ ﺻﺎﺭﺕ ﺍﻟﺤﻀﺎﻧﺔ ﻣﻊ ﺧﺘﺎﻡ .. ﺑﻴﻮﻡ ﻫﺎﺩﻱ ﻭﺍﻟﺴﻤﺎﺀ ﺻﺎﻓﻴﺔ ﻭﺍﻟﻨﺠﻮﻡ ﻋﻢ ﺗﻠﻤﻊ ﺑﺎﻟﻌﺘﻤﺔ .. ﺍﻟﺴﺎﻋﺔ 12 ﺑﻌﺪ ﻧﺺ ﺍﻟﻠﻴﻞ .. ﺣﺎﻭﻟﺖ ﻣﺎ ﺗﺘﺼﻞ ﺍﻟﻒ ﻣﺮﺓ ﺑﺨﺘﺎﻡ ﻭﺗﻄﻤﻦ ﻋﻮﻻﺩﺍ .. ﺳﻜﺖ ﻣﻮﺑﺎﻳﻼ ﻭ ﻣﺴﻜﺖ ﺩﻣﻌﺘﺎ .. ﺻﻔﻨﺖ ﺷﻮﻱ ﻭﻫﻲ ﻋﻢ ﺗﻄﻠﻊ ﺑﺤﺎﻻ ﺑﺎﻟﻤﺮﺍﻳﺔ .. ﻭﺻﺎﺭﺕ ﺗﺘﺰﻛﺮ ﻋﻼﻗﺘﺎ ﺑﻴﺰﻥ ﻭﺷﻮ ﻋﻤﻞ ﻛﺮﻣﺎﻻ .. ﺻﺎﺭﺕ ﺗﺘﺰﻛﺮ ﺣﺒﻮ ﻷﻟﻬﺎ ﻭﺣﺒﺎ ﻷﻟﻮ ﻗﺒﻞ ﺍﻟﺰﻭﺍﺝ .. ﺭﺍﺣﺖ ﺗﺴﻄﺤﺖ ﺟﻨﺒﻮ .. ﺑﺎﺳﺘﻮ ﻣﻦ ﺧﺪﻭ .. ﻓﺘﺢ ﻧﺺ ﻋﻴﻨﻮ ﻭﺍﺑﺘﺴﻢ ﻭﺭﺟﻊ ﻏﻤﺾ ﻟﻤﻴﺎﺀ : ﻛﺸﻔﺘﻚ .. ﻓﺎﻳﻖ ﻳﺰﻥ : ﺍﻧﺎ ؟ ﻻ ﻧﺎﻳﻢ ﻟﻤﻴﺎﺀ : ﻻ ﻓﺎﻳﻖ ﻗﻮﻡ ﻗﻮﻡ .. ﺑﺪﻱ ﺍﻋﻤﻞ ﺑﻮﺷﺎﺭ ﻭﻧﻘﻌﺪ ﺳﻮﺍ ﻧﺸﻮﻑ ﺷﻲ ﻓﻴﻠﻢ ﻗﺎﻡ ﻳﺰﻥ ﻭﺍﻟﻔﺮﺣﺔ ﺑﻌﻴﻮﻧﻮ .. ﻏﺴﻞ ﻭﺷﻮ ﻭﺗﻨﻬﺪ ﺑﻌﻤﻖ ﻣﺸﺎﻥ ﻳﺘﺄﻛﺪ ﺍﻧﻮ ﻳﻠﻲ ﻋﻢ ﻳﺼﻴﺮ ﺣﻘﻴﻘﻲ ﻣﻮ ﺧﻴﺎﻝ ﺳﻬﺮﻭ ﺳﻮﺍ ﻭﺷﺎﻓﻮ ﺗﻠﻔﺰﻳﻮﻥ .. ﻧﻌﺴﺖ ﻟﻤﻴﺎﺀ ﻭﺳﻨﺪﺕ ﺭﺍﺳﺎ ﻋﻠﻰ ﺻﺪﺭﻭ ﻭﻏﻔﻴﺖ .. ﺗﺤﺴﻨﺖ ﻋﻼﻗﺘﻦ ﺑﺒﻌﺾ .. ﻭﺭﺟﻌﻮ ﻳﺤﺒﻮ ﺑﻌﺾ ﺍﻛﺘﺮ ﻣﻦ ﺍﻭﻝ ﺍﻭﻝ .. ﺑﻌﺪ 5 ﺳﻨﻴﻦ .. ﻟﻴﺚ : ﻣﺎﻣﺎ .. ﺗﻌﺎﻟﻲ ﺿﺮﻭﺭﻱ ﺗﺎﺗﺎ ﺗﻌﺒﺎﻧﺔ ﻟﻤﻴﺎﺀ : ﺧﺎﻟﻮ ﻋﺎﺑﺪ ﻣﻮ ﻋﻨﺪﻛﻦ ؟ ﻟﻴﺚ : ﻷ ﻃﺎﻟﻊ ﻭﻣﺴﻜﺮ ﻣﻮﺑﺎﻳﻠﻮ ﻟﻤﻴﺎﺀ : ﻳﻼ ﺭﺡ ﺍﺟﻲ ﺑﻌﺪ ﺳﺎﻋﺎﺕ ﺑﺎﻟﻤﺸﻔﻰ ... ﺍﻟﺪﻛﺘﻮﺭ : ﻟﻸﺳﻒ ﻣﺎ ﻗﺪﺭﻧﺎ ﻧﻨﻘﺬ ﺣﻴﺎﺗﺎ .. ﺳﻜﺘﺔ ﻗﻠﺒﻴﺔ ﻣﻔﺎﺟﺌﺔ .. ﺍﻟﻌﻤﺮ ﺍﻟﻜﻦ ﻳﺰﻥ : ‏( ﺳﻨﺪ ﻟﻤﻴﺎﺀ ‏) ﺣﺒﻴﺒﺘﻲ .. ﺣﺒﻴﺒﺘﻲ ﺍﺻﺤﻲ .. ﺑﻌﺪ ﺍﺳﺒﻮﻉ ... ﻟﻤﻴﺎﺀ ﻗﺎﻋﺪﺓ ﻫﻲ ﻭﻋﺎﺑﺪ ﻭ ﻳﺰﻥ ﺑﺒﻴﺖ ﺍﻟﻌﻴﻠﺔ .. ﻭﻟﻴﻼﺱ ﻭﻟﻴﺚ ﻋﻢ ﻳﻠﻌﺒﻮ ﺑﻐﺮﻓﺘﻦ ﺩﻕ ﺑﺎﺏ ﺍﻟﺒﻴﺖ ﻋﺎﺑﺪ : ﺍﻧﺎ ﺭﺡ ﺷﻮﻑ ﻣﻴﻦ ﻃﻠﻊ ﻋﺎﺑﺪ ﻓﺘﺢ ﺍﻟﺒﺎﺏ .. ﻭﻛﺎﻥ ﻳﺎﻣﻦ ﻋﺎﻟﺒﺎﺏ ﻳﺎﻣﻦ : ﻣﺮﺣﺒﺎ .. ﺍﻟﺒﻘﻴﺔ ﺑﺤﻴﺎﺗﻜﻦ ﻋﺎﺑﺪ : ﺍﻫﻠﻴﻦ .. ﺧﻴﺮ ؟ ﻳﺎﻣﻦ : ﻭﺍﻟﻠﻪ ﻣﺎ ﻛﻨﺖ ﺑﺪﻱ ﺍﺟﻲ ﺑﻬﻴﻚ ﻇﺮﻭﻑ .. ﺑﺲ ﺑﺼﺮﺍﺣﺔ ﺑﺪﻱ ﻭﻻﺩﻱ .. ﻳﻌﻨﻲ ﻣﺎ ﺭﺡ ﺍﺗﺮﻛﻦ ﻳﻌﻴﺸﻮ ﻣﻊ ﺟﻮﺯ ﺍﻣﻬﻦ ﻟﻮ ﺷﻮ ﻣﺎ ﺻﺎﺭ ﺳﻤﻌﺖ ﻟﻤﻴﺎﺀ ﺻﻮﺕ ﻳﺎﻣﻦ .. ﺭﻛﻀﺖ ﻟﻌﻨﺪ ﻭﻻﺩﺍ ﺩﺧﻠﺖ ﻭﺳﻜﺮﺕ ﺍﻟﺒﺎﺏ ﺑﺎﻟﻤﻔﺘﺎﺡ .. ﻗﺎﻡ ﻳﺰﻥ ﻭﻗﻒ ﻣﻊ ﻋﺎﺑﺪ ﻋﻠﻰ ﺑﺎﺏ ﺍﻟﺒﻴﺖ ﻭﻓﻬﻢ ﺍﻧﻮ ﻫﺎﺩ ﻃﻠﻴﻖ ﻣﺮﺗﻮ ﻭﺟﺎﻱ ﻳﺎﺧﺪ ﻭﻻﺩﻭ .. ﻳﺰﻥ : ﺍﻧﻄﺮﻭﻧﻲ ﺷﻮﻱ ﺭﺍﺡ ﻳﺰﻥ ﺩﻕ ﺍﻟﺒﺎﺏ ﻋﻠﻰ ﻟﻤﻴﺎﺀ ﻟﺤﺘﻰ ﻓﺘﺤﺘﻠﻮ ﺩﺧﻞ ﻭﺳﻜﺮ ﺍﻟﺒﺎﺏ .. ﺣﺎﻭﻝ ﻳﻘﻨﻌﺎ ﺗﺘﺮﻛﻮ ﻳﺎﺧﺪﻥ ﺑﻼ ﻣﺸﺎﻛﻞ ﺿﻤﺘﻦ ﻟﺤﻀﻨﺎ ﻭﺻﺎﺭﺕ ﺗﺒﻜﻲ .. ﻳﺰﻥ : ﺣﻴﺎﺗﻲ .. ﻫﻮ ﻣﺎ ﺭﺡ ﻳﺘﺮﻛﻬﻦ ﻣﻌﻚ ﺧﻠﺺ ﺍﺑﻌﺘﻴﻬﻦ ﻣﻌﻮ ﻫﻸ ﻭﺑﻜﺮﺍ ﺑﻨﺸﻮﻑ ﺷﻮ ﺑﻴﺼﻴﺮ ﻟﻴﻼﺱ ﻭﻟﻴﺚ : ﺑﺲ ﻧﺤﻨﺎ ﻣﺎ ﺑﺪﻧﺎ ﻧﺮﻭﺡ ﻣﻌﻮ ﺿﺮﺏ ﻳﺰﻥ ﺭﺍﺳﻮ ﺑﺈﻳﺪﻭ .. ﻭﻗﻌﺪ ﻋﻠﻰ ﺍﻟﺘﺨﺖ ﺟﻨﺒﻦ .. ﻃﻠﻌﺖ ﻟﻤﻴﺎﺀ ﻣﻦ ﺍﻟﻐﺮﻓﺔ ﻭﻣﺎ ﻗﺪﺭ ﻳﻠﺤﻘﺎ ﻳﺰﻥ .. ﺭﺍﺣﺖ ﻟﻌﻨﺪ ﻳﺎﻣﻦ ﻭﻫﻲ ﻋﻢ ﺗﺒﻜﻲ ﻭﺗﺮﺟﻒ .. ﻳﺎﻣﻦ : ﻳﺎ ﻫﻼ ﺑﺈﻡ ﻭﻻﺩﻱ ﻟﻤﻴﺎﺀ : ﺑﺒﻮﺱ ﺍﻳﺪﻙ ﺧﻠﻴﻠﻲ ﻭﻻﺩﻱ .. ﻣﺸﺎﻥ ﺍﻟﻠﻪ ﻣﺎ ﺗﺎﺧﺪﻥ ﺑﺪﻱ ﻳﺎﻫﻦ ﻳﺒﻘﻮ ﻣﻌﻲ ﻣﺸﺎﻥ ﺍﻟﻠﻪ ﻳﺎﻣﻦ : ﻭﺍﻟﻠﻪ ﻳﺎ ﺧﺎﻧﻢ ﻣﺎ ﺣﺪ ﻗﻠﻚ ﺍﺗﺠﻮﺯﻱ ﻭ ﺍﺗﺨﻠﻲ ﻋﻨﻬﻦ .. ﻣﺎ ﺑﺪﻱ ﻳﻌﻴﺸﻮ ﻣﻊ ﺯﻭﺝ ﺍﻡ ﺍﻧﺎ ﺣﺮ .. ﺑﺘﻄﻠﻘﻲ ﻣﻨﻮ ﺑﺘﺎﺧﺪﻳﻬﻦ ﻭﻗﻔﺖ ﻟﻤﻴﺎﺀ ﺑﺎﻟﻨﺺ .. ﺍﺗﻄﻠﻌﺖ ﺑﺠﻮﺯﺍ ﻭ ﺑﻴﺎﻣﻦ .. ﻭﻋﺎﺑﺪ ﻭﺍﻗﻒ ﻗﺒﺎﻻ .. ﻟﻴﻼﺱ ﻭﻟﻴﺚ ﻭﺍﻗﻔﻴﻦ ﻋﻢ ﻳﺘﻔﺮﺟﻮ ﻋﻠﻴﻬﻦ ﻣﻦ ﺑﻌﻴﺪ ﻳﺎﻣﻦ : ﺷﻮ ﻗﻠﺘﻲ ﻟﻤﻴﺎﺀ : ﻳﺎﻣﻦ .. ﻧﺤﻨﺎ ﺍﺗﻄﻠﻘﻨﺎ ﺗﺮﻛﻨﻲ ﻋﻴﺶ ﺣﻴﺎﺗﻲ ﻣﻊ ﺟﻮﺯﻱ ﻣﺸﺎﻥ ﺍﻟﻠﻪ .. ﻧﺤﻨﺎ ﺍﺗﻄﻠﻘﻨﺎ ﻷﻧﻪ ﻣﺎ ﺗﻔﺎﻫﻤﻨﺎ ﻟﻴﺶ ﺑﺘﻜﺮﻫﻨﻲ ﻛﻞ ﻫﺎﻟﻘﺪ ؟ ﻳﺎﻣﻦ : ﻳﺎ ﻋﻴﺐ ﺍﻟﺸﻮﻡ .. ﺍﻧﺎ ﺑﻜﺮﻫﻚ ؟ ﺑﺎﻟﻌﻜﺲ ﻳﺎ ﻟﻤﻴﺎﺀ ‏( ﻗﺮﺏ ﻟﻌﻨﺪﺍ ﺧﻄﻮﺗﻴﻦ ‏) ﻟﻮ ﺑﻜﺮﻫﻚ ﻛﻨﺖ ﺗﺠﻮﺯﺕ ﺑﻌﺪﻙ .. ﺑﺲ ﻟﻬﻸ ﺍﻧﺎ ﺑﺤﺒﻚ ﻋﺼﺐ ﻳﺰﻥ ﻣﻦ ﻛﻼﻣﻮ ﻭﻫﺠﻢ ﻋﻠﻴﻪ ﻣﺴﻚ ﺑﺘﻴﺎﺑﻮ .. ﻳﺰﻥ : ﺍﻭﺯﻥ ﻛﻼﻣﻚ ﺍﻧﺖ ﻋﻢ ﺗﺤﻜﻲ ﻣﻊ ﻣﺮﺗﻲ ﻳﺎﻣﻦ : ﺍﻡ ﻭﻻﺩﻱ ﻗﺼﺪﻙ ﻟﻤﻴﺎﺀ : ﻟﻴﻚ ﺗﺮﻛﻨﻲ ﻓﻜﺮ ﻳﻮﻣﻴﻦ ﻭﻣﺎ ﺭﺡ ﺍﻃﻠﻊ ﻣﻦ ﺍﻟﺒﻴﺖ ﻭﻻ ﺭﺡ ﺳﺎﻓﺮ ﺑﺲ ﻣﺸﺎﻥ ﺍﻟﻠﻪ ﺗﺮﻛﻠﻲ ﻳﺎﻫﻦ ﻻ ﺗﺎﺧﺪﻫﻦ ﻳﺎﻣﻦ : ﺍﻧﺎ ﻗﻠﺖ ﺑﺠﻲ ﺑﻨﺒﻬﻜﻦ ﻷﻧﻲ ﺭﺡ ﺍﺧﺪﻥ ﻋﻦ ﻃﺮﻳﻖ ﺍﻟﻤﺤﻜﻤﻪ ﻳﻼ ﺳﻼﺍﺍﻡ ﺭﺍﺡ ﻳﺎﻣﻦ ﻭ ﻗﻌﺪﺕ ﻟﻤﻴﺎﺀ ﻋﺎﻷﺭﺽ ﻭﺻﺎﺭﺕ ﺗﺒﻜﻲ ﺑﺤﺮﻗﺔ ﻳﺰﻥ : ﻗﻮﻣﻲ .. ﻫﺎﺗﻲ ﺍﻳﺪﻙ ﻟﻴﻼﺱ : ‏( ﻋﻢ ﺗﻄﻠﻊ ﻓﻴﻬﻦ ﺑﺒﺮﺍﺀﺓ ‏) ﺷﻮ ﻓﻲ ؟ ﻳﺰﻥ : ﻭﻻ ﺷﻲ ﻋﻤﻮ ﻣﺎ ﻓﻲ ﺷﻲ ﺗﺎﻧﻲ ﻳﻮﻡ ﺍﻟﺼﺒﺢ ... ﺍﺧﺪﺕ ﻟﻤﻴﺎﺀ ﻋﻨﻮﺍﻥ ﺑﻴﺖ ﺍﻫﻞ ﻳﺰﻥ .. ﻭﺭﺍﺣﺖ ﻟﻌﻨﺪﻥ .. ﺩﻗﺖ ﺍﻟﺒﺎﺏ ﺍﻡ ﻳﺰﻥ : ﻣﻴﻦ ؟ ﻟﻤﻴﺎﺀ : ﺍﻧﺎ ﻓﺘﺤﺖ ﺍﻟﺒﺎﺏ .. ﺍﻡ ﻳﺰﻥ : ﺗﻔﻀﻠﻲ ﻣﻴﻦ ﺑﺪﻙ ؟ ﻟﻤﻴﺎﺀ : ﺣﻀﺮﺗﻚ ﺍﻡ ﻳﺰﻥ ؟ ﺍﻡ ﻳﺰﻥ : ﺍﻱ ﺗﻔﻀﻠﻲ ﻟﻤﻴﺎﺀ : ﺍﻧﺎ ﻣﺮﺗﻮ .. ﻟﻤﻴﺎﺀ ﺍﺗﻄﻠﻌﺖ ﺍﻡ ﻳﺰﻥ ﻋﻠﻴﻬﺎ ﻣﻦ ﻓﻮﻕ ﻟﺘﺤﺖ ﺑﻘﺮﻑ .. ﻭﺗﺮﻛﺖ ﺍﻟﺒﺎﺏ ﻣﻔﺘﻮﺡ ﻭﺩﺧﻠﺖ ﻟﺠﻮﺍ ﻟﺤﻘﺘﺎ ﻟﻤﻴﺎﺀ ﻟﻤﻴﺎﺀ : ﻳﺎ ﺗﺮﻯ ﻟﻬﺎﻟﺪﺭﺟﺔ ﺍﻧﺎ ﺳﻴﺌﺔ ﻣﺸﺎﻥ ﺗﻘﺎﻃﻌﻮ ﺍﺑﻨﻜﻦ ﻛﻞ ﻫﺎﻟﺴﻨﻴﻦ ﺑﺲ ﻷﻧﻪ ﺗﺠﻮﺯﻧﻲ ؟؟ ﺍﻡ ﻳﺰﻥ : ﻭﻳﺎ ﺗﺮﻯ ﺍﻧﺘﻲ ﻣﺴﺘﺎﻫﻠﺔ ﻳﺘﺠﻮﺯﻙ ﻏﺼﺐ ﻋﻨﺎ ؟ ﻟﻤﻴﺎﺀ : ﻷ .. ﻭﻟﻬﻴﻚ ﺑﺪﻱ ﺍﻟﻴﻮﻡ ﺑﺎﻟﻠﻴﻞ ﻋﻨﺎ ﻋﻠﻰ ﻫﺎﺩ ﺍﻟﻌﻨﻮﺍﻥ .. ﺑﻴﺖ ﺍﻫﻠﻲ .. ﻭﺑﻮﻋﺪﻙ ﻣﺎ ﺗﻄﻠﻌﻲ ﻣﻦ ﺍﻟﺒﻴﺖ ﺍﻻ ﻭﺍﻧﺘﻲ ﺧﻠﺼﺎﻧﺔ ﻣﻨﻲ ﻭ ﺭﺡ ﺗﺎﺧﺪﻱ ﺍﺑﻨﻚ ﻣﻌﻚ ﺑﺲ ﺑﺪﻱ ﺯﻛﺮﻙ ﺑﺸﻲ .. ﺍﻧﺎ ﻣﻄﻠﻘﺔ ﻣﻮ ﻣﻦ ﺍﻟﺸﺎﺭﻉ ﻣﺸﺎﻥ ﺗﻜﺮﻫﻴﻨﻲ ﻛﻞ ﻫﺎﻟﻘﺪ .. ﺍﻧﺎ ﺑﺲ ﻣﺮﻳﺖ ﺑﺘﺠﺮﺑﺔ ﺯﻭﺍﺝ ﺑﺎﻟﺤﻼﻝ ﻭ ﻣﺎ ﺍﺗﻔﻘﻨﺎ ﺍﺗﻄﻠﻘﻨﺎ .. ﻭﺍﺗﺠﻮﺯﺕ ﺍﺑﻨﻚ ﺑﺎﻟﺤﻼﻝ ﻛﻤﺎﻥ .. ﻧﺎﻃﺮﺗﻚ ﺍﻟﻴﻮﻡ ﺍﻟﻤﺴﺎ ‏( ﺍﺑﺘﺴﻤﺖ ‏) ﺍﻡ ﻳﺰﻥ : ﻻ ﻣﺎ ﺑﺠﻲ ﺍﺯﺍ ﻣﺎ ﻓﻬﻤﺖ ﺷﻮ ﺭﺡ ﻳﺼﻴﺮ ﻟﻤﻴﺎﺀ : ﻭﻻ ﺷﻲ .. ﻣﻮ ﺑﺪﻙ ﺍﺑﻨﻚ ﻳﺮﺟﻌﻠﻚ ؟ ﻭﺍﻧﺎ ﺭﺡ ﺭﺟﻌﻠﻚ ﻳﺎﻩ ﻭﺭﺡ ﺗﺎﺧﺪﻳﻪ ﻣﻌﻚ ﻛﻤﺎﻥ ﻏﺼﺖ ﺑﺪﻣﻌﺘﺎ .. ﻭﻣﺸﻴﺖ .. ﻣﺴﻜﺘﺎ ﺍﻡ ﻳﺰﻥ ﻣﻦ ﺍﻳﺪﺍ ﻭﺭﺟﻌﺘﺎ ﻟﻮﺭﺍ ﺍﻡ ﻳﺰﻥ : ﻟﻴﺶ ﻣﺎ ﺣﺒﻠﺘﻲ ﻛﻞ ﻫﺎﻟﺴﻨﻴﻦ ؟ ﻟﻤﻴﺎﺀ : ﻷﻧﻮ ﻣﺮﺿﺖ ﻭ ﺷﺎﻟﻮﻟﻲ ﺍﻟﺮﺣﻢ .. ﻭﺣﺎﺟﺘﻮ ﻳﺰﻥ ﺗﻌﺐ ﻛﺘﻴﺮ ﻣﻌﻲ ﺑﻬﺎﻟﺴﻨﻴﻦ .. ﺑﺤﺒﻮ ﻛﺘﻴﺮ ﻳﺎ ﻣﺮﺕ ﻋﻤﻲ .. ﺑﻤﻮﺕ ﻓﻴﻪ ﺑﺲ ﺧﻠﺺ .. ﻻﺯﻡ ﻳﻌﻴﺶ ﺣﻴﺎﺗﻮ ﻭﻳﺠﻴﺒﻠﻜﻦ ﺣﻔﻴﺪ ﺑﻴﺠﻨﻦ ﻣﺘﻠﻮ ﻧﺰﻟﺖ ﺩﻣﻌﺘﺎ ﻭﺳﺤﺒﺖ ﺍﻳﺪﺍ ﻣﻦ ﺍﻳﺪ ﺍﻡ ﻣﺎﺯﻥ ﻭﻣﺸﻴﺖ ﺧﻄﻮﺗﻴﻦ ﻭﻭﻗﻔﺖ ﻓﺘﻠﺖ ﻋﻠﻰ ﺍﻡ ﻳﺰﻥ ﻭﺍﺑﺘﺴﻤﺘﻼ ﻭﺍﻟﺪﻣﻮﻉ ﻋﻢ ﺗﻨﺰﻝ ﻣﺘﻞ ﺍﻟﺸﻼﻝ ﻋﻠﻰ ﺧﺪﻭﺩﺍ .. ﻟﻤﻴﺎﺀ : ﺑﺘﺠﻲ .. ﻧﺎﻃﺮﺗﻚ ﺭﺟﻌﺖ ﻋﻠﻰ ﺑﻴﺖ ﺍﻫﻼ ﻳﻠﻲ ﻣﺎ ﺗﺮﻛﺘﻮ ﻣﻦ ﻳﻮﻡ ﻣﺎ ﻣﺎﺗﺖ ﺍﻣﻬﺎ ﻭ ﺩﺧﻠﺖ ﻏﺮﻓﺘﺎ ﺗﺴﻄﺤﺖ ﻭﺻﺎﺭﺕ ﺗﺒﻜﻲ ﺍﺟﺖ ﻟﻴﻼﺱ ﻭﻣﺴﺤﺘﻼ ﺩﻣﻮﻋﺎ ﺑﺈﻳﺪﺍ .. ﻭﺍﺟﺎ ﻟﻴﺚ ﻭﺗﺴﻄﺢ ﺟﻨﺒﺎ ﻭﺻﺎﺭ ﻳﺒﻮﺳﺎ ﻣﻦ ﺧﺪﻭﺩﺍ .. ﺑﻠﺤﻈﺔ ﺗﺰﻛﺮﺕ ﻛﻞ ﻣﺮﺍﺣﻞ ﺣﻴﺎﺗﻦ ﺑﺒﻄﻨﺎ ﻭﻳﻮﻡ ﻭﻻﺩﺗﻦ .. ﻭﺗﺰﻛﺮﺕ ﻳﺰﻥ ﺑﺲ ﻛﺎﻥ ﻳﺤﻠﻢ ﻳﺠﻴﺐ ﻃﻔﻞ ﻣﻨﻬﺎ .. ﻣﺮ ﺷﺮﻳﻂ ﺯﻛﺮﻳﺎﺗﺎ ﻗﺪﺍﻣﺎ ﻣﺘﻞ ﺍﻟﺤﻠﻢ ﻭﺻﻮﺭ ﻭﺍﺻﻮﺍﺕ ﻣﺸﻮﺷﺔ ﺷﻲ ﻣﻔﻬﻮﻡ ﻭﺷﻲ ﻣﻮ ﻣﻔﻬﻮﻡ .. ﻳﺰﻥ : ﻭﻳﻦ ﻛﻨﺘﻲ ﺣﺒﻴﺒﺘﻲ ؟ ﻟﻤﻴﺎﺀ : ﺍﻧﺎ ؟ ﻳﺰﻥ : ﺍﻱ ﺍﻧﺘﻲ .. ﻭﻳﻦ ﻛﻨﺘﻲ ﻣﺎ ﺧﺒﺮﺗﻴﻨﻲ ﺍﻧﻚ ﺭﺡ ﺗﻄﻠﻌﻲ ﻟﻤﻴﺎﺀ : ﻟﻴﻼﺱ ﺧﺪﻱ ﺍﺧﻮﻛﻲ ﻭﺭﻭﺣﻮ ﺍﻟﻌﺒﻮ ﺑﺎﻟﻐﺮﻓﺔ ﺍﻟﺘﺎﻧﻴﺔ ﻳﺰﻥ : ﻳﺎ ﻟﻄﻴﻒ ﺑﺎﻳﻨﺘﻮ ﻣﻮﺿﻮﻉ ﺟﺪﻱ ﻟﻤﻴﺎﺀ : ﺣﺒﻴﺒﻲ .. ﺍﻧﺖ ﺑﺘﻌﺮﻑ ﺍﻧﻲ ﺑﺤﺒﻚ ﺻﺢ ؟ ﻳﺰﻥ : ﺍﻱ ؟ ﻟﻤﻴﺎﺀ : ﺑﺲ ﺍﻧﺎ ﻣﺎ ﻓﻴﻨﻲ ﺟﻴﺒﻠﻚ ﻃﻔﻞ .. ﻭﻣﺎﻓﻴﻨﻲ ﺍﺑﻌﺪ ﻋﻦ ﻭﻻﺩﻱ .. ﺯﻭﺍﺟﻨﺎ ﻛﻠﻮ ﺩﻣﺎﺭ ﻷﻟﻨﺎ .. ﺍﻧﺖ ﺭﺡ ﺗﻀﻞ ﺑﻌﻴﺪ ﻋﻦ ﺍﻫﻠﻚ ﻭﺍﻧﺎ ﺭﺡ ﺍﺑﻌﺪ ﻋﻦ ﻭﻻﺩﻱ .. ﻟﻬﻴﻚ .. ﻻﺯﻡ .. ﻧﻔﺘﺮ ... ‏( ﺣﻂ ﺍﻳﺪﻭ ﻋﻠﻰ ﺗﻤﺎ ﻭﺍﻟﺪﻣﻮﻉ ﺭﺡ ﺗﻨﺰﻝ ﻣﻦ ﻋﻴﻮﻧﻮ ‏) ﻳﺰﻥ : ﻫﺴﺴﺴﺴﺲ ﺍﺳﻜﺘﻲ ﺍﻟﻔﺮﺍﻕ ﻣﻤﻨﻮﻉ ﻣﻤﻨﻮﻭﻭﻭﻭﻭﻉ ﻟﻤﻴﺎﺀ : ﻳﺰﻥ .. ﻭﻻﺩﻱ .. ﺍﻫﻠﻚ .. ﺷﺒﻚ ﺍﻧﺖ ﺭﺡ ﻧﻀﺤﻲ ﻛﻞ ﻫﺎﻟﻘﺪ ؟ ﺭﺡ ﻧﻀﺤﻲ ﺑﻜﻠﻠﻠﻠﻞ ﺍﻟﻨﺎﺱ ﻳﻠﻲ ﺑﻨﺤﺒﻦ ؟ ﻳﺰﻥ : ﻟﻤﻴﺎ .. ﺻﺎﺭﻟﻲ 5 ﺳﻨﻴﻦ ﺑﻌﻴﺪ ﻋﻦ ﺍﻫﻠﻲ ﻭﻣﺎ ﻓﺮﻗﺖ ﻣﻌﻲ ﺑﺲ ﻷﻧﻲ ﻣﻌﻚ ﻭﺟﻨﺒﻚ ﻫﻸ ﺻﺮﺗﻲ ﺑﺪﻙ ﻧﻔﺘﺮﻕ ؟ ﻟﻤﻴﺎﺀ : ﺍﻱ .. ﻭﻷﻧﻪ ﺍﻧﺎ ﺑﺪﻱ ﻭﻻﺩﻱ ﻣﺎ ﺑﻘﺪﺭ ﺍﺧﻠﻲ ﻳﺎﻣﻦ ﻳﺎﺧﺪﻥ ﻭﺑﻌﺪ ﺳﻨﻪ ﻳﺘﺠﻮﺯ ﻭ ﻳﻌﻴﺸﻮ ﺣﻴﺎﺓ ﺑﺘﻘﺮﻑ ! ﻭﺍﻧﺖ ﺑﺪﻙ ﻃﻔﻞ ﻳﺤﻤﻞ ﺍﺳﻤﻚ ﻭﺍﻧﺎ ﻣﺎ ﻓﻴﻨﻲ ﺟﻴﺒﻠﻚ ﺍﻃﻔﺎﻝ ﻳﺰﻥ : ﺍﻧﺎ ﺑﺪﻱ ﻳﺎﻛﻲ .. ﻟﻤﻴﺎﺀ : ﺍﻟﻴﻮﻡ ﺍﻟﻤﺴﺎ .. ﻣﺤﻀﺮﺗﻠﻚ ﻣﻔﺎﺟﺄﺓ ﺑﺘﺠﻨﻦ ﻳﺰﻥ : ﻣﻔﺎﺟﺄﺓ ﺷﻮ ؟ ﻟﻤﻴﺎﺀ : ﺍﻟﻤﺴﺎ ﺑﺘﻌﺮﻑ ﺑﻨﻔﺲ ﺍﻟﻴﻮﻡ ﺍﻟﻤﺴﺎ .. ﺍﺟﺖ ﺍﻡ ﻳﺰﻥ .. ﺩﻗﺖ ﺍﻟﺒﺎﺏ ﻭﻓﺘﺤﻼ ﻳﺰﻥ .. ﺍﻧﺼﺪﻡ ﺑﺲ ﺷﺎﻓﺎ ﻋﺎﻟﺒﺎﺏ .. ﺗﻠﺒﻚ ﻭﺍﻟﺘﻔﺖ ﻭﺭﺍﻩ ﺍﺗﻄﻠﻊ ﻋﻠﻰ ﻟﻤﻴﺎﺀ .. ﻗﺮﺑﺖ ﺍﻣﻮ ﻋﻠﻴﻪ ﻭﺿﻤﺘﻮ ﻭﺻﺎﺭﺕ ﺗﺒﻜﻲ ﺑﺤﺮﻗﺔ .. ﺍﺑﺘﺴﻤﺖ ﻟﻤﻴﺎﺀ .. ﻟﻤﻴﺎﺀ : ﺗﻔﻀﻠﻲ ﺭﺡ ﺣﻀﺮ ﻋﺸﺎ ﺍﻡ ﻳﺰﻥ : ﻻ .. ﻣﺎ ﺑﺪﻱ ﺷﻲ ﻟﻤﻴﺎﺀ : ﻣﺎ ﺑﻴﺼﻴﺮ ﻭﻟﻮ ﺍﻫﻼ ﻭﺳﻬﻼ ﻓﺮﺡ ﻳﺰﻥ ﻭﻣﺎ ﻋﺮﻑ ﺷﻮ ﻓﻲ ﺑﻌﺪ ﻫﺎﻟﻤﻔﺎﺟﺄﺓ .. ﺩﺧﻠﺖ ﻟﻤﻴﺎﺀ ﻋﺎﻟﻤﻄﺒﺦ ﻭ ﺩﻗﺖ ﻟﻌﺎﺑﺪ .. ﻟﻤﻴﺎﺀ : ﻋﺎﺑﺪ ﻣﺸﺎﻥ ﺍﻟﻠﻪ ﺣﺎﻭﻝ ﺗﻮﺻﻞ ﻟﻴﺎﻣﻦ ﻭﺧﺒﺮﻭ ﺍﻧﻲ ﺭﺡ ﺍﺗﻄﻠﻖ ﻭﺍﻋﻴﺶ ﺍﻧﺎ ﻭﺍﻭﻻﺩﻱ ﺑﺒﻴﺖ ﻟﺤﺎﻟﻨﺎ ﻭﻋﺪ ﻣﺎ ﻋﺎﺩ ﻓﻜﺮ ﺍﺗﺠﻮﺯ ﻋﺎﺑﺪ : ﻻ ﻣﺎ ﺭﺡ ﺍﺳﻤﺤﻠﻚ ﺗﺨﺮﺑﻲ ﺣﻴﺎﺗﻚ ﻟﻤﻴﺎﺀ : ﻋﺎﺑﺪ .. ﺍﻋﻤﻞ ﻣﺘﻞ ﻣﺎ ﻗﻠﺘﻠﻚ .. ﺍﻧﺎ ﻫﻴﻚ ﺑﻜﻮﻥ ﻣﺮﺗﺎﺣﺔ ﻋﺎﺑﺪ : ﺧﻠﺺ ﻻ ﺗﻌﺼﺒﻲ ﻣﺎﺷﻲ ﺭﺡ ﺍﻋﻤﻞ ﻣﺘﻞ ﻣﺎ ﺑﺪﻙ ﺣﺎﺿﺮ ﻫﻸ ﺑﺤﺎﻭﻝ ﺍﻭﺻﻠﻮ ﻭﺧﺒﺮﻭ ﺑﻌﺪ ﻧﺺ ﺳﺎﻋﺔ ... ﻋﺎﺑﺪ : ﺍﻟﻮ ﻟﻤﻴﺎﺀ .. ﻋﻤﻠﺘﻲ ﺷﻲ ؟ ﻟﻤﻴﺎﺀ : ﻻ ﻟﺴﺎ ﻋﺎﺑﺪ : ﻟﻴﻜﻲ .. ﺍﻫﻞ ﻳﺎﻣﻦ ﻭﻳﻦ ؟ ﻟﻤﻴﺎﺀ : ﺍﻣﻮ ﻭﺍﺑﻮﻩ ﻣﻴﺘﻴﻦ ﻭﺍﺧﻮﺍﺗﻮ ﻛﻠﻦ ﻣﺘﺠﻮﺯﻳﻦ ﺑﺮﺍﺕ ﺍﻟﺒﻠﺪ ﻋﺎﺑﺪ : ﻭﻳﺎﻣﻦ ﺍﻧﺤﺒﺲ .. ﻋﻤﻞ ﻣﺸﻜﻠﺔ ﻭﻗﺘﻞ ﺷﺐ ﻭ ﻟﻴﻜﻮ ﺑﺎﻟﺤﺒﺲ ﺭﺟﻔﺖ ﺍﻳﺪﺍ .. ﺗﻨﻬﺪﺕ ﺑﺨﻮﻑ ﻭﻗﻠﻖ ﺷﻬﻘﺖ ﻭﺻﺎﺭﺕ ﺗﺒﻜﻲ ﺑﺤﺮﻗﺔ ﻭﻗﻌﺪﺕ ﻋﺎﻷﺭﺽ ﻟﻤﻴﺎﺀ : ﻭﺑﺲ ﻳﻄﻠﻊ ؟ ﻋﺎﺑﺪ : ﺑﻴﻜﻮﻧﻮ ﻭﻻﺩﻙ ﻓﻮﻕ ﺍﻟﺴﻦ ﺍﻟﻘﺎﻧﻮﻧﻲ ﻳﺎ ﺟﺪﺑﺔ .. ﺑﻴﺨﺘﺎﺭﻭﻛﻲ ﺍﻟﻚ ﺍﻛﻴﺪ ﻟﻤﻴﺎﺀ : ﻃﻴﺐ ﺗﻌﺎﻝ ﺑﺴﺮﻋﺔ ﺍﻧﺎ ﺧﻠﻴﺖ ﺍﻡ ﻳﺰﻥ ﺗﺠﻲ ﻟﻌﻨﺎ ﻋﺎﺑﺪ : ﻭﺍﻟﻠﻪ ؟ ﻃﻴﺐ ﻳﻼ ﺟﺎﻱ ﻣﺴﺤﺖ ﺩﻣﻮﻋﺎ ﻭﻃﻠﻌﺖ ﻟﻌﻨﺪ ﻳﺰﻥ ﻭﺍﻣﻮ .. ﻟﻤﻴﺎﺀ : ﺍﻫﻼ ﻭﺳﻬﻼ ﻣﺮﺕ ﻋﻤﻲ ﺍﻡ ﻳﺰﻥ : ﻳﻼ ﺍﻋﻤﻠﻲ ﻳﻠﻲ ﻭﻋﺪﺗﻴﻨﻲ ﻓﻴﻪ ﻟﻤﻴﺎﺀ : ﺍﻧﺎ ؟ ﺍﻱ ﺻﺢ .. ‏( ﻏﻤﻀﺖ ﻋﻴﻮﻧﺎ ﻭﺗﻨﻔﺴﺖ ‏) ﻳﺰﻥ .. ﺍﻧﺖ ﺑﺘﺴﺘﺎﻫﻞ ﺑﻨﺖ ﺍﺣﺴﻦ ﻣﻨﻲ ﻭﺗﺠﻴﺒﻠﻚ ﺻﺒﻲ ﻳﺤﻤﻞ ﺍﺳﻤﻚ .. ﻭﺍﻧﺎ ﻫﺎﻟﺸﻲ ﺍﻟﻠﻪ ﺣﺮﻣﻨﻲ ﻣﻨﻮ .. ﻭﻣﺎ ﺭﺡ ﺍﻗﺪﺭ ﺣﻘﻘﻠﻚ ﺍﺣﻼﻣﻚ ﻭﺟﻴﺒﻠﻚ ﻃﻔﻞ ﻳﻘﻠﻚ ﺑﺎﺑﺎ .. ﻟﻬﻴﻚ .. ﻃﻠﻘﻨﻲ ﻳﺰﻥ : ﺑﺎﻟﻠﻪ ؟ ﺟﺪ ﺑﺘﺤﻜﻲ ؟ ﺍﻧﺎ ﻣﺎ ﺑﺪﻱ ﻭﻻﺩ ﺍﻧﻲ ﺑﺪﻱ ﻳﺎﻛﻲ ﺍﻧﺘﻲ ﻟﻤﻴﺎﺀ : ﻭﺍﻧﺎ ﺑﺪﻱ ﻳﺎﻙ .. ﺑﺲ ﻣﺎ ﻋﺎﺩ ﻓﻴﻨﻲ ﺍﻇﻠﻤﻚ ﻣﻌﻲ ﺍﻛﺘﺮ ﻃﻠﻘﻨﻲ .. ﻭﺭﻭﺡ ﻣﻊ ﻣﺮﺕ ﻋﻤﻲ .. ﺭﻭﺡ ﻣﻌﺎ ﺑﺲ ﻭﺣﻴﺎﺓ ﺍﻟﻠﻪ ﻳﺎ ﻣﺮﺕ ﻋﻤﻲ ﺍﻧﺎ ﻣﻮ ﺳﻴﺌﺔ ﺍﻧﺎ ﻣﻦ ﺳﻨﻴﻦ ﻣﻊ ﺍﺑﻨﻚ ﻟﻮ ﺷﺎﻑ ﻋﻠﻲ ﺷﻲ ﻣﺎ ﻛﺎﻥ ﺗﺮﻛﻨﻲ ﻋﻠﻰ ﺫﻣﺘﻮ ﺍﻧﺎ ﺑﺲ ﺗﺠﻮﺯﺕ ﻭﺍﺗﻄﻠﻘﺖ ﻭﻫﺎﻟﺸﻲ ﺍﻱ ﺑﻨﺖ ﻣﻤﻜﻦ ﺗﺘﻌﺮﺿﻠﻮ .. ﻭﻣﺮﺿﺖ ﻭﺷﻠﺖ ﺍﻟﺮﺣﻢ ﻛﻤﺎﻥ ﺷﻲ ﻣﻮ ﺑﺈﻳﺪﻱ .. ﻫﻴﻚ ﺍﻟﻠﻪ ﺑﺪﻭ ﺍﻧﺎ ﻣﻮ ﺫﻧﺒﻲ .. ﻃﻠﻘﻨﻲ ﻳﺰﻥ ﻳﺰﻥ : ‏( ﻭﻗﻒ ﻭﻗﺮﺏ ﻟﻌﻨﺪﺍ ﻭﺣﻂ ﻋﻴﻮﻧﻮ ﺑﻌﻴﻮﻧﺎ ‏) ﺍﻧﺘﻲ ﺑﺪﻙ ﻳﺎﻧﻲ ﻭﻻ ﻻ ؟ ﺑﺘﺤﺒﻴﻨﻲ ﻭﻻ ﻻ ؟ ﺑﺘﺮﺗﺎﺣﻲ ﻟﻮ ﺍﻃﻠﻘﻚ ؟ ﻟﻤﻴﺎﺀ : ﺑﻤﻮﺕ ﻟﻮ ﺗﺒﻌﺪ ﻋﻨﻲ ﻭﺑﺪﻱ ﻳﺎﻙ ﻭﺑﺤﺒﻚ .. ﻭﻣﺸﻜﻠﺔ ﻭﻻﺩﻱ ﺍﻧﺤﻠﺖ ﺑﺲ ﻫﻸ ﺑﺪﻱ ﻳﺎﻙ ﺗﻄﻠﻘﻨﻲ ﻣﺸﺎﻧﻚ ﺍﻧﺖ ﻣﻮ ﻣﺸﺎﻧﻲ ﺍﻡ ﻳﺰﻥ : ﻃﻠﻘﺎ .. ﻃﻠﻘﺎ ﻳﺎ ﺍﺑﻨﻲ ﺍﻧﺖ ﻛﻤﺎﻥ ﺑﺤﺎﺟﺔ ﻃﻔﻞ ﻫﻲ ﻋﻨﺪﺍ ﻭﻻﺩ ﻭﻣﻮ ﻓﺎﺭﻗﺔ ﻣﻌﺎ ﻣﻮ ﻣﺘﻠﻚ ﻳﺰﻥ : ﻣﺎ ﺭﺡ ﻃﻠﻘﺎ ﺍﺯﺍ ﻃﻠﻘﺘﺎ ﺭﺡ ﻣﻮﺕ ﻣﺎ ﺑﻄﻴﻖ ﺍﻟﺤﻴﺎﺓ ﺑﺪﻭﻧﺎ ﻋﺎﺑﺪ : ﻣﺮﺣﺒﺎ ﻳﺰﻥ : ﻫﻼ ﻋﺎﺑﺪ .. ﺗﻌﺎﻝ ﺷﻮﻑ ﺍﺧﺘﻚ ﻗﺎﻝ ﺑﺪﺍ ﻃﻠﻘﺎ ﻣﺸﺎﻥ ﺟﻴﺐ ﻭﻟﺪ ! ﺍﻡ ﻳﺰﻥ : ﺍﻱ ﻭﻳﻄﻠﻘﺎ ﺷﻮ ﻣﺎ ﺿﻞ ﺑﻨﺎﺕ ؟ ﻋﺎﺑﺪ : ﺍﻭﻝ ﺷﻲ ﺣﻀﺮﺗﻚ ﺑﺒﻴﺘﻨﺎ ﻭﻋﻢ ﺗﺤﻜﻲ ﻋﻦ ﺍﺧﺘﻲ ﺗﺎﻧﻲ ﺷﻲ ﻛﻮﻧﻲ ﻣﺤﻀﺮ ﺧﻴﺮ .. ﺗﺨﻴﻠﻲ ﻟﻮ ﻟﻤﻴﺎ ﺑﻨﺘﻚ ﻭﺟﻮﺯﺍ ﻋﻤﻞ ﻓﻴﻬﺎ ﻫﻴﻚ ﺭﺡ ﺗﺴﻜﺘﻲ ؟ ﺭﺡ ﺗﺤﻜﻲ ﻋﻨﻮ ﻗﻠﻴﻞ ﺍﺻﻞ ﺻﺢ ؟ ﺗﺨﻴﻠﻲ ﻟﻤﺎ ﻳﻜﻮﻥ ﺑﻴﺤﺒﺎ ﻭﺑﺪﻭ ﻳﺎﻫﺎ ﻭﻳﺮﺩ ﻋﻠﻰ ﺍﻫﻠﻮ ﻭﻳﻄﻠﻘﺎ ! ﺑﻴﻜﻮﻥ ﺧﺮﻭﺀ ﻣﺎ ؟ ﻳﺰﻥ : ﺍﻣﻲ .. ﻫﺎﺗﻲ ﺍﻳﺪﻙ ﻟﺒﻮﺳﺎ ﺧﻠﻴﻨﺎ ﻧﺮﺟﻊ ﻧﺤﻜﻲ ﺳﻮﺍ ﺍﻡ ﻭﺍﺑﻨﺎ ﺍﻧﺎ ﻭﺍﻧﺘﻲ ﻭﻧﺘﻘﺮﺏ ﻣﻦ ﺑﻌﺾ ﻭﻧﺤﺐ ﺑﻌﺾ ﺑﺲ ﻣﺸﺎﺍﺍﺍﺍﻥ ﺍﻟﻠﻪ ﻻ ﺗﺠﺒﺮﻳﻨﻲ ﺍﺧﺘﺎﺭ .. ﺍﻧﺎ ﺑﺪﻱ ﻫﺎﻱ ﺍﻹﻧﺴﺎﻧﺔ ﻭﺑﺲ ﺳﻜﺘﺖ ﺍﻡ ﻳﺰﻥ .. ﻭﺑﺲ ﺷﺎﻓﺘﻮ ﻋﻢ ﻳﺒﻜﻲ ﺿﻤﺘﻮ .. ﺍﻡ ﻳﺰﻥ : ﺧﻠﺺ ﺍﻟﻠﻲ ﺑﺮﻳﺤﻚ ﺍﻋﻤﻠﻮ ﺑﺲ ﻻ ﺗﺒﻜﻲ .. ﺍﺷﺘﻘﺘﻠﻚ ﻳﺎ ﻛﻞ ﻋﻤﺮﻱ ﺍﺗﻄﻠﻌﻮ ﻋﺎﺑﺪ ﻭ ﻟﻤﻴﺎﺀ ﺑﺒﻌﺾ ﻭﺿﺤﻜﻮ ... ﻋﺎﺑﺪ : ﻟﺤﻈﺔ ﻣﺎ ﺑﺘﺘﻜﺮﺭ .. ﺗﻌﺎﻟﻮ ﻧﺘﺼﻮﺭ ﺳﻮﺍ ﺍﺗﺠﻤﻌﻮ ﻛﻠﻦ .. ﻭﺍﺟﺖ ﻟﻴﻼﺱ ﻭﻟﻴﺚ .. ﻭﻗﻔﻮ ﺑﺎﻟﻨﺺ ﺑﻴﻦ ﻟﻤﻴﺎﺀ ﻭ ﻳﺰﻥ .. ﻭﺗﺼﻮﺭﻭ ﺳﻮﺍ ﻭﻫﻴﻚ ﺑﺘﻜﻮﻥ ﺍﻧﺘﻬﺖ ﺍﻟﻘﺼﺔ ﻳﻠﻲ ﻋﻢ ﺍﻛﺘﺒﺎ .. ﻟﻴﻼﺱ .. ﻟﻴﺚ .. ﻳﻠﻲ ﺭﺡ ﻳﻘﺮﺃ ﻫﺎﻟﻘﺼﺔ ﻳﺘﺄﻛﺪ ﺍﻧﻮ ﻗﻠﺒﻲ ﻣﺎ ﻛﺎﻥ ﻗﻠﺐ ﺍﻡ ﻋﺎﺩﻳﺔ .. ﻓﻲ ﺍﻣﻬﺎﺕ ﺑﺘﻮﻟﺪ ﻭ ﺑﺘﻜﺐ ﺍﻟﻄﻔﻞ ﻋﻠﻰ ﺟﺎﻧﺐ ﺍﻟﻄﺮﻳﻖ ﻷﻧﻪ ﺍﻟﻤﻮﻟﻮﺩﺓ ﺑﻨﺖ ﻭﺟﻮﺯﺍ ﺑﺪﻭ ﺻﺒﻲ .. ﻭﻓﻲ ﺍﻣﻬﺎﺕ ﺑﺘﺤﺒﻞ ﻭﺑﺘﻮﻟﺪ ﻭﺑﺘﻌﺬﺏ ﺍﻃﻔﺎﻻ ﺑﺤﺠﺔ ﺍﻟﺘﺮﺑﻴﺔ .. ﺍﻧﺎ ﺩﻟﻠﺘﻜﻦ ﻭ ﺗﻌﺎﻣﻠﺖ ﻣﻌﻜﻦ ﻋﻠﻰ ﺍﻧﻮ ﺍﻧﺘﻮ ﺟﺰﺀ ﻣﻦ ﺟﺴﻤﻲ .. ﺟﺮﺏ ﺍﻗﺮﺹ ﺟﺴﻤﻚ ﺑﻴﺘﻮﺟﻊ ﺻﺢ ؟ ﻭﺍﻧﺎ ﻣﺎ ﻛﻨﺖ ﺍﻗﺴﻰ ﻋﻠﻴﻜﻦ ﻭﻻ ﺍﺗﺤﻤﻞ ﻓﻜﺮﺓ ﺍﻧﻮ ﺍﻟﺤﻴﺎﺓ ﺗﻘﺴﻰ ﻋﻠﻴﻜﻦ ﻷﻧﻪ ﻭﺟﻌﻜﻦ ﻣﻦ ﻭﺟﻌﻲ ﺍﻧﺘﻮ ﺑﺘﺘﻮﺟﻌﻮ ﻭﺍﻧﺎ ﻳﻠﻲ ﺑﺸﻬﻖ ﺑﺼﺮﺧﺎﺕ ﻭﺟﻊ .. ﻋﻤﻮ ﻳﺰﻥ ﺍﻛﺘﻔﻰ ﻓﻴﻜﻦ ﻷﻧﻜﻦ ﻗﻄﻌﺔ ﻣﻨﻲ ﻣﺎ ﺭﺿﻲ ﻳﺘﺠﻮﺯ ﻭﻻ ﻳﻄﻠﻘﻨﻲ ﻭﻳﺘﺠﻮﺯ *☆آلَــنِــٓـهّــٓـ{ͳḫẻ}ــٓـآيَــٓـ{end}ــٓـةّةّ☆*~ ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ 🦋قُصّـ📚ـصّ مًبًتٌعٌدٍيَنِ🐉عٌنِ آلَعٌـ🌏ـآلَمً ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ 🎀══════ آنِِرتٌٌمًً قُُنِِآهّّ مًًبًًتٌٌعٌٌدٍٍيََنِِ لََنِِشُُر أفُُضلََ قُُصّّصّّ 🎀══════ 🔱لََقُُنِِوٌٌآتٌٌ أّلََمًَشٍُتٌّرګةّّ 🔱 ════════════ قُنِآةّ وٌآتٌسِآبً لَلَمًلَصّقُآتٌ🦋🤎: https://whatsapp.com/channel/0029VaGVrAoKgsO0ZokZz72K قُنِآةّ وٌآتٌسِآبً لَلَقُصّصّ🦋🤎: https://whatsapp.com/channel/0029VaFcFDSHrDZp5tqeeu23 قُنِآةّ وٌآتٌسِآبً لَلَتٌيَآبً 🦋🤎: https://whatsapp.com/channel/0029VafM7Uz0VycNCW8pgX3H قُنِآةّ وٌآتٌسِآبً لَلَأقُتٌبًآسِآتٌ🦋🤎: https://whatsapp.com/channel/0029VadtUJoLo4hfVXykIi2z قُنِآةّ وٌآتٌسِآبً آسِلَآمًيَةّ 🦋🤎: https://whatsapp.com/channel/0029Vae7ue66BIEadanrDT3d قُنِآةّ وٌآتٌسِآبً نِکْتٌ 🦋🤎: https://whatsapp.com/channel/0029Vaj6zUj8F2pJVAuppw0B قُنِآةّ وٌآتٌسِآبً سِتٌوٌريَآتٌ 🦋🤎: https://whatsapp.com/channel/0029VadzZ9VJUM2gZmDItU00 قُنِآةّ وٌآتٌسِآبً آنِآقُةّ🦋🤎: https://whatsapp.com/channel/0029VapTrOL2P59dbEHIEW16 (◕‿◕✿) قُرآءةّ مًمًتٌعٌةّ لَلَجّمًيَعٌ (◕‿◕✿) 🪴🌸═════ღღ═════🪴🌸