*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d *.#لعنة_الفؤاد🤎* #الجزء_الاول نزلت من التاكسي بثقل .. اخدت الشنطة وتوجهت للبيت قربت منها رفيقتها ..: جومانا حبيبتي بكرا بتنحل الامور .. لا تفكري كتير جوج اطلعت عليها بنظرات مو مفهومة ..: هدا اللي كان لازم يصير .. هيك احسن .. يلا ناديا بشوفك.. قربت منها وحضنتها ..: جومانا انتبهي عحالك .. هزت راسها وسحبت الشنطة وراها وراحت للبيت دخلت البيت بهدوء لحتى ما تزعج حدا .. ..: حلو حلو .. الشباب قاعدة بالبيت والبنت اللي مو عارفين نربيها راجعة عالثلاثة وجه الفجر التفتت للصوت ببرود ..: يامن لا تبلش .. راسي واجعني .. وبدي .. سكتت بعد ما هجم عليها ومسكها من شعرها ..: وليش راسك واجعك يا حلوة .. لي ما انبسطي مع مديرك .. فتحت عيونها بخوف وصدمة .. كيف عرف .. هي عملت حسابها منيح .. اطلعت عليه بخوف ..: انت شو بتخبص .. شو مديري .. انا كنت عند ماما بدبي .. يامن بغضب ..: كنتي عند امك بدبي .. وانا المفروض صدقك كانت رح تحكي بس فاجئها بكف على وجهها صرخ بكل صوتو بعدما مسكها من شعرها وشدها ..: يا واطية .. بتضحكي على ابي المسكين وبتقوليلو رايحة عند امك وانت مع مديرك نزلو الدموع من عيونها ..: حاج بكفي .. ما عاد اتحملك صرخت بكل صوتها ..: يا رياض الحقني .. خالتو رائدة .. رياض رح يموتني طلع رياض ورائدة على صوتها قرب منو رياض وبعدو عنها ..: شو في .. شو صاير هون قربت رائدة منها وحضنتها ..: شبك .. لي هيك عامل بأختك يامن بغضب ..: اسأليها .. للكذابة الرخيصة رياض بغضب ..:اخرس .. ما في حدا رخيص غيرك جومانا بخنقة ..: عم يتهمني انو ما كنت عند ماما بدبي .. رياض حاكي امي .. قلها تخبرو اني كنت عندها فهم رياض الوضع ..: وليش اثبتلو شي هو ما رح يصدقو من الاساس .. وقف بوجهو والغضب واضح على ملامحو ..: لاخر مرة بحذرك .. اترك اختي .. ولا تتعاطى معها وما الك كلمة عليها مادام انا وابي موجودين .. روح من وجهي قبل ما صحي ابي وخليه يشوف شغلو معك .. اطلع عليه يامن بنظرات نارية ..: انا ما بحكي شي من فراغ .. انا رحت للشركة اللي حضرت اختك المصون بتشتغل فيها وسألت عنها وحكو انها اجازة ومديرها مسافر لدبي فاكيد هي حابكتها معو .. اذا بيوم جبتها من حضن عشيقها ما رح اتدخل بالموضوع ابداً .. لانو حذرتك تنتبه لاختك المصون ..: اخــــــرس التفت للصوت وكان ابوه واقف عند باب الغرفة قرب منو والغضب بنقط من وجهو .. وقف مقابلو ورفع اصبعو ..: اذا بتكرر هدا الكلام مرة تانية انا بعرف شغلي معك .. اطلع على رائدة ..: دخليها لجوا بسرعة تحركت من مكانها وبعدت رائدة عنها .. طلعت تلفونها من جزدانها وقربت منو .. فتحت على معرض الصور .. قربت التلفون من وجهو بعدما فتحت على صورة الها ولامها ..: تفضل شوف .. تفضل .. مو مصدق .. يلا قول فوتوشوب .. شو لي ما عاد حكيت .. شبك .. انا شو علاقتي بالشركة اذا طلعوا لدبي بنفس التوقيت .. ولا بدك تلبسني تهمة وخلص صرخ ابوها ..: جومانا .. عغرفتك بسرعة مسكت شنطتها وسحبتها وراها وتوجهت للغرفة دخلت وسكرت الباب .. وقفت عند الباب وسندت ظهرها .. اخدت نفس عميق وهمست ..: اففف كنت رح روح فيها الله لا يوفقك يا يامن .. منيح ما انتبه انو الصور مو بدبي .. افف كان رحت فيها قفلت الباب بالمفتاح ورمت حالها عالتخت .. اطلعت بالسقف ..: شو كان صار لو انا عايشة بعيلة متفتحة .. لازم كل شغلة اعملها يصير وراها مشكلة .. اففف تعبت .. لازم كذب واعمل الف حيلة لاخد اللي بدي ياه .. غمضت عيونها وبدون ما تحس غفيت بتيابها _____ تاني يوم طلع يامن من البيت وتوجه لمحطة الباص .. اخد الباص المتوجه لمدرسة البنات .. نزل من الباص ووقف جنب الحيط وعيونو على بوابة المدرسة زبط وقفتو بس شاف السيارة اللي ناطرها .. نزلت من السيارة بنت بشعر طويل خروبي .. حطت شنطتها على ظهرها وحركت عيونها يمين شمال .. نقزها قلبها بس شافتو واقف وعيونو مسلطة عليها وبتقدح شرر .. سكرت باب السيارة وركضت للمدرسة وقلبها بخفق بسرعة من الخوف .. كز يامن على اسنانو ..: اخرتك رح توقعي بين ايدي يا هديل .. ووقتها ما رح ارحمك .. دخلت هديل لفصلها وكانت رفيقتها ناطرتها هديل : صباح الخير يمنى يمنى: صباحك .. شبك لي لونك مخطوف !؟ هديل بتوتر ..: ما في شي .. يمنى : ما تقولي انو كان برا هديل : مين؟ يمنى: نفس الشب الي بكون واقف عند البوابة لما يخلص الدوام سكتت هديل وما ردت يمنى: خلص لازم تشتكي عليه .. هديل بخوف ..: لك شو اشتكي عليه .. اذا عرفو اهلي بدبحوني يمنى بعصبية ..: يدبحوكي .. لي حبيبتي .. نحنا بغابة .. هو اللي عم يتعرضلك بالروحة والجية مو انت .. هديل : انت بتعرفي عقل امي كيف .. يمنى: لك يا ربي شو هالتخبيص .. لكن قولي لاخوكي الكبير مو قولتيلي بيجي متفهم هديل : انت مجنونة .. بدك قول لاخي في شب بتعرضلي .. لا ما فيي يمنى: لكان انا بعرف شو رح اعمل .. انت ما دخلك ___ بعد انتهاء الدوام .. طلعت هديل ويمنى من الفصل .. وصلوا لبوابة المدرسة .. سحبت يمنى هديل من ايدها ومدت راسها .. شافت يامن واقف عند السور وعيونو عالبوابة مسكت يمنى ايد هديل ووقفتها قدامها وظهرها ليامن طلعت تلفونها وفتحت عالكاميرا..: لحظة خليكي واقفة اخدلك صورة حلوة .. ثبتت هديل مكانها بدون ما تفهم شي عملت يمنى زوم على وجه يامن وصارت تصور وابتسامة انتصار على شفافها هديل بضجر …: ما خلصتي ؟ قربت يمنى لعندها وفتحت عالصور …: شوفي انصدمت هديل ..: شو هدا يمنى: يلا مشي معي لمركز الشرطة نشتكي عليه .. هديل بخوف ..: قلتلك ما فيي .. انسي هالموضوع يمنى : يا هبلة لك مارح يعملو شي غير بجبوه وبوقع على تعهد ما يتعرضلك هديل : بس هو ما بتعرضلي .. شو بدي قلن .. بطلع عليي من بعيد .. لك حتى ما بعرف اسمو .. يمنى : خلص لكن قولي لاخوكي الكبير .. هديل : اي اخي يعرف ويقول لامي لانو خايف عليي وامي بتبلش فيي وبتقعدني عن المدرسة .. خلص ما بدي وجع هالراس حست يمنى انو هديل خايفة جد والموضوع رح يسببلها مشاكل مع اهلها .. قررت تتراجع ..: خلص حبيبتي .. بلا ما نعمل شي .. بس رح خلي صورتو معي للاحتياط هديل : يلا انا صار لازم روح الشوفير ناطرني الو حصة يمنى: تمام انتبهي عحالك .. بشوفك بكرا ركبت السيارة وراحت بهالاثناء ركب يامن عالماطور ولحق السيارة بدون ما حدا ينتبه عليه ..ضل ماشي ورا السيارة لحتى انتبه انه السيارة بتعطي اشارة عاليمين وقربت من مكتبة ووقفت وقف الماطور بعيد عن السيارة وضل يراقب من بعيد شاف هديل نزلت من السيارة وتوجهت للمكتبة .. اطمن انها دخلت .. قرب من السيارة ووقف الماطور عجنب نزل ودخل للمكتبة .. حرك حجر عينو لحتى شافها واقفة جنب رف كتب التاريخ .. قرب منها بهدوء وحط ايده عالرف وحبسها بينو وبين الرف وهمس ..: واخيراً .. انصدمت بس سمعت صوتو .. التفتت عليه واستوعبت انها بين ايديه .. انربط لسانها وما عاد طلع معها الحكي .. اطلع بعيونها وعيونو مليانة شر ..: بس ما يكون عقلك مصورلك انو ما فيي اوصلك .. همست بصوت مخنوق ..: انت شو بدك مني اطلع عليها بنظرات شهوانية ..: بدي ياكي .. بدي تكوني لالي .. انا وبس استجمعت قوتها ..: بعد عني بلا ما صرخ ولم عليك العالم .. يامن : انا متمني تعملي هيك .. طلع من جيبتو قلم ..مسك ايدها وسجل رقم تلفونو عليها ..: هدا رقمي .. بكون مبسوط اذا بنتحاكى بالليل .. رح كون ناطر تلفونك على نار .. معك اليوم بس زاد الرعب بقلبها اكثر بعد عنها ..: بتمنى تاخدي القرار المناسب لالي .. لانو ما بحب فرجيكي وجهي التاني .. رجع قرب منها اكثر ..: لانو اذا ما عملتي اللي طلبتو رح تندمي كتير .. سلام يا قطة .. طلع من المكتبة تاركها وراه مرعوبة والف سيناريو براسها لتهديدو .. شدت قميصها لتحت ورجعت للسيارة هديل : رجعني عالبيت … ____ وصلت للبيت وقلبها بخفق من الخوف .. دخلت على غرفتها على طول بدون ما تسلم على امها وابوها .. رمت الشنطة عالارض وتوجهت لتختها .. دفنت حالها بالتخت وصارت ترجف .. ** هديل بنت رقيقة هادية منطوية على حالها .. عاشت بأسرة متشددة .. بنت وحيدة على شبين اكبر منها بفارق كبير .. ما الها رفيقة غير يمنى .. امها مشكلتلها رعب بحياتها .. ولاول مرة بحياتها بتمرق بهيك تجربة .. كانت تسمع من البنات اللي معها بالفصل عن تجاربن بالحب والعشق ..بس هي كان اول رجال غريب حكت معو من بعد ابوها واخوتها كان استاذ المدرسة .. ***** دخلت أمها لعندها عالغرفة وشافتها متسطحة بتياب المدرسة قربت منها ..: لي نايمة بتياب المدرسة رفعت راسها لفوق ..: امي .. ممكن نحكي ! رفعت ايدها بلامبالاة ..: عندي تنظيف .. قومي خلصي واجباتك واذا ما عندك واجب تعي ساعديني هديل : وين فؤاد ..رجع من دبي ؟؟ وجهتلها نظرة خرستها ..: ما سمعتي شو حكيت .. وشو بدك بفؤاد .. قومي بدلي تيابك وتعي ساعديني بسرعة هديل بخوف ..: تمام تمام طلعت أمها من الغرفة وبقيت هديل واقفة مكانها سرحت شوي وحكت ..: فؤاد ما رح يعملي شي .. رح خليه يوعدني ما يخبر امي بدلت تيابها بسرعة وتسللت لغرفة اخوها .. دخلت وسكرت الباب وراها كان ظلام وما في أي ضو قربت من تخت اخوها .. شغلت الفلاش بالتلفون .. كان نايم على بطنو مدت ايدها وهزتو بلطف ..:اخي .. فؤاد . فؤش .. يا ختيار زفرت بقهر ..: اكيد ما رح يصحى هلق لو انفجرت قنبلة جنبو طلعت من الغرفة وتوجهت للمطبخ دخلت وقعدت عالكرسي ..: ماما .. انت وابي كيف تعرفتو على بعض فتحت أمها عيونها بعد ما سمعت كلامها .. قربت منها ومسكتها من ايدها بغُل ..: وشو مناسبة هالسؤال ولي هديل .. متعرفة على حدا هديل بخوف ووجع ..: ماما .. لا لا .. بس بسأل .. اسفة ما كان قصدي هيام :انت كلك على بعضك ما عاجبتيني .. كل تصرفاتك ما عاجبتي .. والله .. والله يا هديل .. بخبر حسن اخوكي .. وانت بتعرفي حسن .. يا ريت تكوني عاملة شي من عمايل بنات هالايام تجمعوا الدموع بعيونها ..: ماما والله ما عاملة شي .. ولا رح اعمل هيام : انا بتمنى .. تركتها وصارت تبرطم ..: ينعن البنات وخلفة البنات بهاللحظة دخل فؤاد للمطبخ وشاف هديل واقفة وجسمها برجف .. قرب منها بهدوء ..: مين مزعل صغيرتي صرخت هيام فيه ..: كم مرة فهمت انك مو عايش لحالك بهالبيت .. بدك تنزل للطابق الأول البس شي على حالك .. هدا بيت عيلة تجاهل كلامها .. وحط ابدو على دقن هديل ..: شبك يا عمري .. لي زعلانة مسحت دمعتها بكم البلوزة بحركة طفولية ..: ما في شي اطلع فؤاد على امو وهمس بمزاح ..: بهدلتك متل ما بهدلتني هلق هزت راسها بإيجاب سحبها من ايدها ..: امي انا خطفت هديل .. سلام اطلعت هيام عليه ..: محدا مخربها ومدلعها غيرك فؤاد بصوت عالي..: هاي صغيرتي الغالية ام فؤاد وجه كلامو لهديل ..: روحي بدلي تيابك .. انا رح البس ونطلع مشوار .. هزت راسها بعد دقايق نزل فؤاد .. مسك ايد هديل ومشى ..: امي نحنا رايحين سحبها للسيارة فتح باب السيارة …: تفضلي اميرتي اطلعت عليه ..: اذا بخبرك بشي ما بتخبر امي حط ايديه على خدودها وحكى بنبرة كلها حنان ..: انت بتعرفي اني بئر اسرارك .. واي شي بينا ما رح يطلع لبرا .. قولي شو بدك اطلعت فيه ..: بس نرجع .. هلق بدي اكل .. جعانة فؤاد : احلى مطعم لاغلى هديل بعد وقت وصلوا للمطعم كان مطعم اطلالته عالبحر ببعد نص ساعة عن مركز المدينة .. دخلوا المطعم واخدوا طاولة بالخارج .. سحب الكرسي لهديل ..:تفضلي يا اميرة قعدت عالكرسي وقعد مقابلها طلع علية السجاير من جيبتو اخد سيجارة .. شعلها ونفخ دخانها ..: ايه حبيبتي .. شو كنت بدك تحكي هديل بتوتر ..: اخي .. بعد الاكل قرب جسمو من الطاولة ..: شغلتي بالي .. احكي .. شو صاير معك هديل بتوتر ..: لا تشغل بالك .. شي تافه فؤاد بتفهم ..:تمام .. بعد الاكل .. بس بتوعديني تخبريني .. حتى لو تافه هزت راسها فؤاد: شو بدك تاكلي ! هديل : أي شي .. على ذوقك اشر للنادل وطلب الاكل .. بعد وقت فؤاد: ايه حبيبتي .. انا سامعك .. نزلت هديل راسها بتوتر وخوف واضحين ..: اخي ما بدي مشاكل .. خلص انسى فؤاد : في حدا بتعرضلك رفعت راسها بصدمة ..: كيف عرفت فؤاد: قوليلي مين مسكت ايده ..: فؤاد مشان الله ما تقول لامي طبطب على ايدها بحب ليطمنها ..: شو مسمتيني على تلفونك !! نزلت راسها بخجل واضح ..: الختيار فؤاد : يعني ما شايفتيني ولد صغير .. هزت براسها فؤاد : احكي ولا تخافي بلعت ريقها ..: في واحد .. بـ .. بـضل .. سكتت بس سمعت رنة تلفونو فؤاد : لحظة .. فتح الخط ..: ايوة .. ( قام عن الكرسي وصرخ).. شو بتخبص .. كيف صار هيك .. ايمتى اشر بإيده لهديل مشان يمشو .. حط مصاري عالطاولة وتوجه للسيارة بسرعة .. ركب وانطلق بأقصى سرعة شال التلفون عن ادنو وعمل اتصال ..: يزن .. وين انت .. صار حريق كبير بموقع البناء .. ما بعرف لسا اذا في إصابات .. انا بدي وقت لاوصل .. ايه العمال خبرو الإطفاء والشرطة والاسعاف على وصول .. يلا روح وانا وراك .. سلام بعد وقت وصل البيت اطلع بهديل ..: انزلي حبيبتي .. بس ارجع بنحكي هديل بخوف..: شو صاير فؤاد: لا تقلقي .. ان شاء الله خير .. هديل : طمني .. كون بخير قربها منو وطبع بوسة على جبينها ..: انت خليكي قوية .. واي كان اللي زاعجك رح اعرف وقفو عند حدو .. انا جنبك لا تخافي يا عمري ابتسمتلو بحب ونزلت بادلها الابتسامة وانطلق لموقع البناء بعد نص ساعة وصل للموقع نزل من السيارة وعيونو على النار اللي عم تاكل بالمبنى .. حط ايده على راسو بحسرة وهو شايف تعبو عم يروح قرب منو يزن وحط ايدو على كتفو ..: استهدي بالله اطلع عليه ..: في إصابات يزن بحزن ..: في إصابات طفيفة و اربع عمال بحالة خطرة والحارس اتوفى بعدما انقذ العمال .. فؤاد بقهر ..: كيف صار هيك .. يزن: لسا ما بنعرف .. فؤاد : بدي تقرير كامل من المهندس المسؤل عن المشروع .. هز براسو ..: لحتى نطمن على باقي العمال .. وجه عيونو على النار اللي ما كانت تنخمد رغم وجود رجال الإطفاء ___ تاني يوم صحيت من النوم .. اخدت دوش ولبست تياب المدرسة .. نزلت للمطبخ ..: صباحو ماما اطلعت عليها هيام ..: هديل شدي حنكك نزلت عيونها بالارض ..: بعتذر ماما .. فؤاد صحي هيام بشك ..: شو عم تخططي انت واخوكي .. هديل : شو بدنا نخطط .. عادي ما في شي .. عم بسأل عادي .. بس مبارح صار حريقة بموقع البناء .. بس بطمن اذا رجع هيام: لا ما رجع لسا .. تعي افطري .. ايه قبل ما انسى الشوفير مو موجود .. اليوم رح ترجعي مشي عالبيت .. ضحكو عيونها لا ارادي زورتها هيام..: من المدرسة للبيت .. لا بتروحي ولا بتيجي .. هديل بفرحة داخلية ..: من المدرسة للبيت .. قعدت افطرت وبعدها توجهت للمدرسة _____ بنهاية الدوام ضبت كتبها بالشنطة وحطتها على ظهرها يمنى : لو تعرفي قدي مبسوطة اليوم .. واخيراً رح نرجع سوا للبيت هديل : تروحي ناكل بوظة .. والله من فترة بنفسي .. يمنى: اي لي لا بنروح طلعو من الفصل ومن المدرسة كانت الفرحة مو واسعتها .. واخيراً السواق اخد اجازة ورح ترجع عالبيت مع رفيقتها هديل : بتعرفي قدي فرحانة اني راجعة عالبيت معك يمنى: ولو لهدرجة هديل : حاسة حالي رح اختنق .. كل شي ممنوع .. ممنوع روح لحالي عالمدرسة .. ممنوع اطلع مع حدا برا البيت غير امي واخي .. ممنوع ممنوع .. يمنى: انسي .. ما رح يتغير شي هديل : طالعة بموال جديد .. قال ما في جامعة .. خلص ثانوي وعبيبت العريس .. يمنى : قلتلك انسي .. خلينا نعيش اللحظة شنكلتها يمنى ومشو لمحل البوظة .. اخدت كل وحدة حبة وكملو مشي للبيت .. وصلو لبيت يمنى يمنى : يلا بشوفك بكرا .. ولا بتعرفي بدي اسال الماما اذا فيني زورك اليوم .. شو رايك هديل بفرح ..: ايه لي لا .. اسمو اخوتي مو بالبيت .. يمنى: يلا روحي وانا ربع ساعة وباجي هديل : لا تتأخري حضنو بعض ويمنى دخلت لبيتها وهديل كملت مشي للبيت كانت تمشي بخطوات بطيئة لتحس بلذة الشعور اللي ما رح يتكرر كان بيتها ببعد عن بيت يمنى خمس دقايق مشي .. قررت فجأة تغير الطريق لحتى تتمشى اكتر دخلت بزقاق بوصل للشارع التاني خلف بيتها .. وقفت شوي بالزقاق بعد ما حست في حدا وراها .. التفتت وراها وما كان في حدا بلش قلبها يدق بسرعة .. اسرعت بخطواتها .. بس القدر اسرع منها قرب منها واحد من وراها وحط ايدو على تمها وكتم نفسها .. حاولت تصرخ بس بدون فايدة .. سحبها معو لسيارة كانت واقفة بالشارع التاني وواحد ناطرو فيها … كان الشارع فاضي وما في حدا .. حطها بالسيارة وانطلق بسرعة للشارع الرئيسي شدها لعندو وهمس جنب ادنها بصوت مرعب ..: من زمان وانا اقلك اعملي اللي بدي ياه وانت بطنشي كلامي وما فرق معك بشي .. هلق انت مبسوطة ..؟ رفعت عيونها بخوف وشافت عيونو .. دب الرعب بقلبها .. حركت راسها بمين وشمال بخوف حسس على وجهها ..: لا تخافي بس بدنا نحكي كلمتين ورجعك .. رح شيل ايدي بس كوني عاقلة شال ايدو عن تمها وصارت تصارخ بهستيريا رجع ايدو على تمها ورش على وجهها مخدر ونامت بحضنو بعد نص ساعة وصلو لمستودع بعيد عن المدينة حملها ودخل للمستودع .. قرب الشخص اللي معو عليه..: يامن انتبه منيح بلا ما تهرب منك يامن بشر ..: لا تخاف .. روح انت وانا بدقلك بس لخلص شغلي معها لترجعها نيمها عالارض وجاب كرسي وقعد مقابلها .. بقي يتأملها لمدة لحتى بلشت تصحصح .. فتحت عيونها بتعب .. التفتت حولها .. شافتو قاعد عالكرسي وعيونو عليها وابتسامة نصر عشفافو رفعت حالها شوي شوي ..: شو بدك مني رجع ظهرو لورا ..: هاي بدها سؤال يعني .. شب متلي شو بدو من بنت حلوة متلك.. طلع من جيبو كيس ابيض صغير .. حط شوية بودرة على ايدو واستنشقهن .. اخد نفس قوي وزفرو ببطئ حكى بهدوء..: هلق عدلنا الدماغ .. حركت راسها يمين شمال بخوف قام عن الكرسي وراح لعندها ..: انت خليكي هادية وكل شي رح يخلص عخير .. اذا بتعاندي بصير الشي صعب قرب عليها عالاخر ومسح على شعرها صارت ترجع لورا وتصرخ ..: بعد عني .. بعد عني يامن وعيونو بنقطو شر ..: شايفة هدا عنادك هو سبب وجودك هون .. يعني لو وافقتي من الاول ما كان وصلنا لهون وصلت الحيط وهي ترجع .. اطلعت عليه بقهر وضعف ..: مشان الله .. ما اهتم لتوسلاتها .. ما تحرك فيه اي ذرة رحمة .. هجم عليها متل اي حيوان بهجم على فريستو .. كان معمي وما شايف شي .. كان يلتهم كل قطعة من جسمها بوحشية وما فارق معو بكاها وتوسلاتها قاومتو كتير بس كان اكبر منها بالحجم .. ضلت تقاوم لاخر نفس .. بس ما عاد فيها قوة .. ارتخى جسمها وما عاد طلع صوتها ما فرق معو شي .. كمل الشي اللي كان جايبها مشانو بعد شوي سند ظهرو للحيط .. طلع سيجارة وهمس..: شايفة ما كان بدها كل هالعناد .. سحب نفس وطلع دخان كثيف .. اطلع عليها وكانت مسكرة عيونها .. هزها برجلو ..: يلا قومي خلينا نمشي ولا حبيتي الشي ما ردت عليه ولا بحرف يامن : اعتبر سكوتك علامة للرضا وبدون اي ذرة رحمة .. رجع كرر اللي عملو مرة تانية بس هالمرة بدون مقاومة منها بلش يلهث والتعب واضح على وجههو .. بعد عنها وشعل كمان سيجارة ولحقها بالتانية رجع هزها برجلو ..: خلص يلا قومي تأخر الوقت ورح تغيب الشمس ما كان في رد نزل عيونو لتحت .. فتحهن عالاخر بس شاف بقعة دم كبيرة تحتها قرب عليها وهزها بقوة من وجهها من جسمها .. بس ما كانت تتحرك .. قرب وجهو جنب انفها .. بانت علامات الصدمة .. كانت قاطعة النفس .. رجع يهزها بقوة وما في امل .. كان فات الاوان .. وقف على رجليه وما عارف شو يعمل .. قرر بالاخر انو يهرب ويتركها لحالها .. هرب من المستودع تاركها وراه بدمها بدون رحمة ___ بعد نهار طويل .. رجعت للبيت .. حاسة حالها الها شهر بالشغل .. اشتغلت على كتير مشاريع لحتى تشغل بالها بإشياء تانية غير الموضوع اللي براسها .. من يوم ما رجعت من السفر وهي مانها مرتاحة .. في شي مو زابط دخلت للحمام اخدت دوش دافي لتريح اعصابها .. خلصت حمامها وتوجهت لغرفتها .. تسطحت عالتخت وما كان شاغل بالها غير شغلة وحدة .. مسكت تلفونها ودقتلو .. كان يرن وما في رد ... رجعت حاولت مرة وتنين وتلاتة وعشرة .. بس ما في فايدة .. تسطحت عالتخت وحاولت تنام __ ببيت هديل الساعة داخلة على خمسة .. كانت امها بنص الصالة رايحة جاية وما في على لسانها غير كلمة ..( انا بربيها ).. دخل ابوها للصالة ..: لسا ما رجعت هيام : لا لسا .. بس وين بدها تروح .. رح ترجع .. وبس ترجع بعرف شغلي معها.. مدحت : خلص اهدي يا مرا.. الغايب حجتو معو هيام : اي حجة .. والله شو ما كانت الحجة الا تقعد عن المدرسة .. وما في مدرسة بعد اليوم .. عرفت هلق لي كانت تترجاني تروح لحالها.. وفرحتها اليوم لما عرفت ما في شوفير .. كان في شغلة براسها .. بس اشوفها شعراتها لنتفهن مدحت : وبعدين معك .. لا تخليني اتصرف تصرف ما يعجبك .. هيام : كلو بسببك انت .. دلعك الزايد هو اللي عمل هيك ابوها : لا حول ولا قوة الا بالله .. خلص اسكتي .. لسا بتقطشي وبتلحشي من عندك .. خايف يكون صاير معها شي قعدت على اول كنبة شافتها وصار تضرب على رجليها ..: يقطع البنات وخلفة البنات .. مدحت : لا انت النقاش معك عقيم . ___ رفعت حالها عن التخت بعد محاولات كتيرة لتنام بس ما عرفت .. بالها مشغول وعقلها مو مرتاح .. ملت من التفكير ومن غرفتها .. طلعت لغرفة القعدة وما كان في حدا .. شغلت التلفزيون وقعدت تقلب بالمحطات فجأة سمعت صوت الباب .. ابتسمت وقالت بحالها ..( هدا اكيد يامن .. يلا لروح انتخانق معو واتسلى بلا هالملل اللي انا فيه ) طلعت من غرفة القعدة .. اتمسمرت مكانها بس شافتو تيابو مبهدلة وجهو اسود وكلو عرق.. كان ساند حالو عالباب ووجهو كلو عرق .. والصدمة كانت لما شافت في على تيابو بقع دم .. صرخت بوجههو ..: شو هدا .. قبل ما تكمل كلامها .. هجم عليها وحط ايدو على تمها وخرسها وهمس جنب ادنها ..: اذا ما سكرتي تمك بلحقك فيها فتحت عيونها عالاخر وبلشت تفهم قصدو .. تسارعت دقات قلبها من الخوف دفشها عالارض بقوة صارت تصرخ طلعت رائدة وأبو رياض من غرفتهن وقفوا مصدومين وما في حدا عارف شو صاير لحتى صرخت جومانا ..: يامن قاتل وحدة ... قلي رح يخلص عليي ويلحقني فيها .. اكيد قاتل شي حدا .. شوفو الدم عتيابو هز يامن براسو بهستيرية ..: ما قتلتها .. ما قتلتها .. ماتت لحالها .. ماتت لحالها .. وقع الكلام على مسامع الكل متل الصاعقة انهارت رائدة الارض وصارت تصرخ قرب ابو رياض من يامن ومسكو من بلوزتو وصار يضرب فيه ويصرخ بكلمة وحدة ..( شو عملت ) وما في على لسان يامن غير كلمة ..( ماتت لحالها ) اتدخل رياض بعد ما حس انو يامن رح يموت بين ايدين ابوه .. سحب يامن لغرفتو وقفل عليه الباب اطلع على اهلو جومانا قاعدة عالارض وضامة رجليها لصدرها وبترجف .. رائدة منهارة عالارض وبتبكي وابو رياض قاعد عالكرسي وعم ياخد نفسو بالزور قعد رياض جنب ابوه ..: لازم نخبر الشرطة صرخ ابو رياض..: لا .. انت بدك اخوك ينعدم سمعوا صوت تكسير من جوا الغرفة ركض رياض وابوه وفتحوا الباب كان يامن يكسر بكل شي بطلع بوجهو وما في على لسانو غير كلمة ..( كان لازم تموت لانها رفضتني من الاول ).. ___ قام عن الكنبة ..: انا لازم خبر فؤاد .. الساعة داخلة على سبعة ولسا ما بينت .. معقول تكون معو مو هيك هيام : ما بعرف .. انا ما خطرلي اسألو .. قلت بكفيه اللي فيه حمل تلفونو ودق لفؤاد ..: ايه ابني .. كيفك .. كنت بدي اسألك هديل معك .. مو معك .. ابني .. اختك لسا ما رجعت .. ما بعرف وين .. ابني كنت بدي خبرك بس قلنا بكفي اللي صار.. تمام تمام .. اطلع على زوجتو ..: كان لازم خبرناه من ساعات قعد عالكنبة مقابلها ..: ما بتعرفي رفقاتها .. ما كان الها رفيقة مقربة هيام : كان في الها وحدة اسمها يمنى .. بس اكيد بدها تخبي عليها .. ما بتعرف البنات ابوها: يا ربي .. وبعدين .. لسا بتحكي نفس الحكي .. روحي جيبي تلفونها من الغرفة خلينا نحكي معها يمكن اطمنا عليها طلعت هيام لغرفتها .. قلبت الغرفة قلب وبالاخر لقت التلفون نزلت لتحت ودقتلها .. بس كان اسرع منها وسحب التلفون من ايدها مدحت : السلام عليكم يا بنتي .. انا ابوها لهديل يمنى: اهلاً عمو مدحت : يا بنتي بدي اسألك عن هديل .. انت شفتيها اليوم يمنى: ايه عمو شفتها ورجعنا مع بعض عالبيت .. تركتها عند بيتي وكملت لحالها .. بس عمو.. مدحت بقلق ..: بس شو يمنى بخوف ..: عمو كنا اتفقنا اني اجي لعندها .. بس من اول ما تركتها ما عادت ردت عتلفونها .. مدحت بخوف ..: يا بنتي هديل لسا ما رجعت عالبيت .. وتلفونها هون بالبيت .. يعني انت اخر مرة شفتيها بعد انتهاء الدوام يمنى : مزبوط عمو .. مدحت : هديل لسا ما رجعت .. عمو لا تخافي .. انت بتعرفي شي ممكن يساعدنا .. يمنى بخوف : عمو والله ما بعرف شي .. وهديل مو شغل هالاشياء .. هديل كل عمرها من البيت للمدرسة ومن المدرسة للبيت .. مدحت : عارف يا عمو .. بس وين بدها تروح!! سكتت يمنى وما ردت مدحت : خلص عمو ارتاحي انت .. بس اذا عرفتي شي او دقتلك خبريني .. الله معك سكر الخط مع يمنى هيام : شفت اكيد هربانة مع شي حدا صرخ بوجهها ..: وحدي الله يا مرا .. لك انت امها مو مرت ابوها .. لك هاي تربايتي رن تلفونو ..: ايوه .. يا ربي وين بدها تروح .. خبرت الشرطة .. شو يعني بدنا نستنى ٢٤ ساعة عاختفأها .. تمام الله معك قعد عالكنبة وحط ايديه فوق راسو بقهر ..: وين بدها تروح .. قلبي مو مطمن ابداً .. حاسس صايرلها شي .. __ مرق اكتر من اربع ساعات .. حكو مع المدرسة مع الشرطة .. فتشوا بكل المستشفيات .. وما الها اي اثر .. واخوتها الاثنين بالشوارع بفتشو عليها ____ دخل للبيت وكانت الساعة تنتين بعد منتصف الليل واضح التعب على وجهو .اكتر من ٢٤ ساعة برة البيت وبلا نوم .. وساعات بس بفتل بالشوارع بدون فايدة .. كبر بهالساعات عشرين سنة دخل للصالة كان ابوه وامو قاعدين .. امو لافة راسها بشال وعاقدتو وابوه ماسك راسو بين ايده بتعب رمى مفاتيحو عالطاولة ..: في شي جديد مدحت : لا .. هيام : معقول هربت .. صرخ بكل صوتو ..: بكفي امي اطلعت عليه والدموع بعيونها..: معقول هربت من معاملتي القاسية الها .. معقول انا قسيت عليها زيادة .. انا كنت بحميها من العالم .. من الوحوش اللي برا .. قرب عليها وقعد جنبها .. اخدها بحضنو ..: رح نلاقيها لا تخافي .. الصباح رباح حل الهدوء على الصالة وما في غير شهقات هيام .. بقيو على هاي الحالة للصبح اندق الباب .. كانت الساعة سبعة اتنهدت هيام بفرح ..: اكيد هي قام من مكانو وراح للباب .. فتح الباب وكانت يمنى يمنى: بعتذر جيت بكير .. بس ما قدرت نام مبارح .. رجعت حرك راسو يمين شمال ..: لا يمنى: في شي بدي خبرك ياه .. ما بعرف اذا راح يساعد .. بس لازم خبرك انت لحالك .. ما بدي خالة هيام تعرف .. مسكها من ايدها وسحبها لمكتب ابوه دخلها وسكر وراه الباب ..: احكي اخدت يمنى نفسها بصعوبة ..: عمو فؤاد .. كان .. كان في واحد .. كان في واحد يضل يلاحق هديل .. كان .. كان يضل يلحقها من مكان لمكان .. واكتر .. اكتر من مرة تعرضلها ومن يومين لحقها عالمكتبة وهددها .. واعطاها رقمو مشان تحاكيه قرب عليها ومسكها من ايدها ..: انت بتعرفيه لهدا الشخص .. يمنى بخوف والدموع بعيونها ..: انا ما دخلني.. ما بدي ماما تعرف حط ايده على راسها بلطف ..: حبيبتي لا تخافي .. انا ما قصدي اني خوفك .. بعتذر .. بس انت عارفة الوضع .. احكيلي بتعرفيه يمنى بخوف ..: ما بعرف اسمو .. بس بس .. مرة صورتو من بعيد بلا ما ينتبه واخدت رقمو من هديل طلعت تلفونها بسرعة وفتحت عصورتو ..: انا قلتلها اكتر من مرة تشتكي عليه بس كانت تخاف منك ومن خالة مسك التلفون وصار يتمعن بالصورة ..: يعني احتمال يكون هو سبب باختفائها هزت راسها ..: انا شاكة .. لانو كان يهددها دايماً .. وهي كانت خايفة منو .. اعطاها تلفونها ..: ما بتعرفي اسمو او أي شي عنو .. هزت راسها بالنفي اعطاها رقمو وبعتتلو الصورة مع. رقمو يمنى: لازم روح عالمدرسة .. طمني اذا صار شي جديد طلعت من بيت هديل وتوجهت للمدرسة طلع للصالة عند اهلو ..: انا رايح للشرطة طلع من البيت ركب سيارتو وتوجه لقسم الشرطة قدم بلاغ رسمي واعطاهن صورة الشخص اللي بعتتلو ياها يمنى مع رقم تلفونو ___ ببيت يامن طلعت جومانا من غرفتها مستعجلة .. ركضت للتلفون ودقت للشرطة شافها ابوها .. هجم عليها وسحب السماعة من ايدها ..: شو بتعملي ؟ جومانا بغضب ..: رح خبر الشرطة .. لك في بنت الله اعلم اذا ميتة او عايشة .. ابي ممكن تكون عايشة ونلحقها .. ابي بترجاك ابو رياض بعصبية ..: بدك تحبسي اخوكي .. جومانا : يا بابا اخي اللي حط حالو بهيك مشكلة .. ولازم يتحمل نتيجة اعمالو .. ابو رياض : ولي ما تكون البنت الي رضيت تيجي معو .. بكون بتستاهل اللي صار فيها اطلعت عليه بصدمة ..: ابي معقول اللي بتحكيه .. انا لازم خبر الشرطة واللي بدو يصير يصير ركضت لغرفتها .. بس كان اسرع منها وسحبها من شعرها وصار يضرب فيها بكل قوتو .. حاولوا رئدة ورياض يفكوها من بين ايده .. سحبتها رائدة لغرفتها وصارت اطبطب عليها صرخ ابو رياض بكل صوتو ..: ما حدا بخبر الشرطة .. والبنت الها الله .. راح لغرفة يامن وقعد جنبو عالتخت ..: قوم ابني ضب اغراضك اطلع عليه يامن بإستغراب .. ابو رياض : روح عالضيعة ومن هناك انا بحكي مع واحد معرفة رح يهربك برا البلد .. قوم ابني ما رح اسمح انك تدخل عالسجن او يصيرلك شي .. ولو هدا الشي رح يكلفني عمري .. قوم برضاي عليك قام يامن بسرعة وجاب شنطة .. حط فيها كم قطعة تياب وشوي من اغراضو طلع من الغرفة هو وابوه طلعت جومانا من غرفتها ..: هاي تربايتك ابي .. بدك تهربو .. بدك تكافئو على عملتو الوسخة .. تخيل انا مكان هالبنت راح ابوها لعندها والشر بعيونو .. مسكها من شعرها وشدها ..: اذا كنتي مكان البنت .. اذا ضليتي عايشة انا بدبحك بإيدي واذا متي بكون كلبة وفطست ترك شعرها وراح لعند يامن .. بسرعة سحبت تلفونها عن الطاولة ودخلت لغرفتها وقفلت على حالها .. دقت للشرطة جومانا : الحقوني .. بترجاك اخي قتل بنت .. ما بعرف وين هي هلق .. بس هو اعترف قدامنا وتيابو عليها دم منها .. لحقوني بدو يهرب هلق .. اي سجل العنوان .. اعطت الشرطة اسمها الكامل واسم يامن والعنوان كان ابوها عم يخبط عالباب ورح يكسرو جومانا: الحقوني بسرعة .. عم يكسروا الباب .. تخبت بزاوية الغرفة وضمت رجليها لصدرها ودموعها على خدودها ابو رياض من ورا الباب ..: افتحي يا كلبة .. افتحي الباب التفت ليامن ..: روح من هون .. اختك خبرت الشرطة عنك .. اهرب ابني .. اهرب كز يامن على اسنانو ..: موتها على ايدي ركض للمطبخ .. تناول سكينة من الدرج .. رجع لغرفة جومانا .. حاول يكسر الباب .. دور يضرب عالباب باجرو ودور بالسكينة وابوه واقف وراه عم يترجاه ليهرب قبل ما تيجي الشرطة .. بس كان حالف ليقتلها قبل ما يهرب .. بعد وقت فجأة اندق باب البيت بشكل مرعب .. وقفوا كلن يطلعوا ببعض .. انفتح باب غرفة جومانا .. ركضت من بينن وراحت لعند باب البيت .. فتحتو واحتمت خلف واحد من رجال الشرطة .. دخلوا رجال الشرطة رافعين المسدسات واحد منن..: سلم حالك .. تجمد يامن مكانو .. هجموا عليه ثلاث رجال من الشرطة .. سحبوا السكينة وكلبشوا ايده وسحبوه لسيارة الشرطة لحقو رياض وابوه .. ___ بعد ساعات بقسم الشرطة الشرطي : انت مقدم ضدك بلاغين واحد بخطف المدعوة هديل العامري والتاني قتل فتاة بإعتراف منك لاهلك .. يامن : انا ما عملت شي .. الشرطي: الانكار ما رح يفيدك يامن : ما عملت شي .. الشرطي: وشو سبب الابلاغ اللي قدمتو اختك الشرطة يامن: اختي مريضة نفسي ودايماً بتتوهم بإشياء مو موجودة الشرطي: مقدم ضدك بلاغ بملاحقة المدعوة هديل العامري والتعرض لها يامن: وينها .. تيجي تشهد اني تعرضتها من قبل .. او بتعرفني من الاساس الشرطي: صديقتها شهدت انك كنت دايماً تلاحقها وتعرضتلها وهددتها اكتر من مرة يامن: كذب .. لو صحيح هالكلام لي ما قدمت بلاغ من الاول بهدا الشي الشرطي : يا عسكري .. ( وجه كلامو ليامن ) .. اقوالك رح تتحول للنيابة .. خدوه __ ببيت هديل دخل فؤاد للبيت توجه للصالة ..: مسكوه مدحت : مين هو؟ قعد فؤاد عالكنبة …: واحد كان يضل يلاحقها .. هيام : وين هديل ؟ حط ايده على راسو ..: لسا ما لقوها .. وهو ما اعترف انو بعرفها مدحت : ولي مسكوه فؤاد : انا قدمت فيه بلاغ انو كان يلاحقها ويتعرضلها .. لسا الطريق طويلة .. عممو اسمها وصورتها وعم يفتشو عليها مدحت : واذا ما اعترف ؟ سكت فؤاد وما جاوب يتبع 🥀🥀