*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d *.#لعنة_الفؤاد🤎* #الجزء_التاني مرق كمان يوم اصعب من اللي قبلو .. مرق كأنو سنة .. لسا ما في اي معلومة عن هديل كان بغرفتو متسطح عالتخت .. مغمض عيونو بحاول ينام لحتى يقدر يوقف على رجليه تاني نهار رن التلفون .. رد بسرعة ..: ايوة ..ايه نعم انا .. يلا حالاً مسافة الطريق لبس تيابو بسرعة .. وطلع من البيت وركب سيارتو وانطلق ما عرف كيف وصل المستشفى .. نزل بسرعة وراح للاستقبال ..: من شوي دقتولي .. فؤاد العامري .. اختي موجودة هون هديل العامري .. اطلعت بالشاشة اللي قدامها .. نزلت عيونها وحكت اخر كلمة كان ناطرها الموظفة: بالمشرحة .. نزلت هالكلمة عليه متل الصاعقة الموظفة : من شوي وصلت جثة لبنت .. يا ريت تتوجه للمشرحة لحتى تتعرف عالجثة وتستلمها .. اطلع عليها وهو مو مستوعب كلامها وهمس ..: قالت مشرحة .. جثة .. يعني ماتت .. غصب عنو تجمعت الدموع بعيونو وحس بقلبو رح يطلع من مكانو.. حرك رجليه بصعوبة وتوجه للمشرحة دخلو الممرض وفتح براد الموتى .. اطلع على وجهها وغمض عيونو .. نزلت دمعة من عينو .. حس بنار شغلت بصدرو قرب من السرير .. اطلع على وجهها .. بشرتها باهتة واللون الأزرق حول شفافها .. حط ايدو على خدها ونزل على ركبو .. قرب تمو من ادنها ..: خلص .. تركتيني ورحتي .. صغيري راحت وما عاد ترجع .. امي قالت انها بتحبك وندمانة على معاملتها القاسية .. رح تشتقلك كتير .. اللي عمل فيكي هيك رح يتحاسب وما رح اهدى غير لاشوفو معلق عحبل المشنقة صحي من حالتو على صوت الممرض الممرض: بتعرفها ؟ وقف على رجيليه ومسح دموعو .. غطا وجهها بالشرشف الابيض ..: ايه هاي اختي .. الممرض : تفضل معي لعند الدكتور توجه لغرفة الدكتور الدكتور : وصلت الجثة لعنا ميتة .. وحسب فحص الطب الشرعي متوفة من يومين بسبب اعتداء جنسي متكرر .. اللي ادى لنزيف حاد والوفاة .. البقاء لله .. اتفضل لحتى توقع عالاورق لاستلام الجثة وقف الزمن فيه للحظة ..همس بحرقة وقهر ..: اعتداء جنسي رفع عيونو واطلع بالدكتور ..: هاي طفلة الدكتور : البقاء لله فؤاد: انعرف مين اللي اعتدى عليها الدكتور : هدا كلو موجود بتقرير الطب الشرعي وتحول للشرطة .. وقع عالاوراق وطلع .. ركب بسيارتو وما كان عارف شو يعمل .. الصدمة كبيرة .. اعتداء جنسي على اختو الطفلة .. مين اللي قدر يعمل بطفلة هيك .. توجه للبيت وحكى لاهلو اللي صار .. راحوا ليستلمو جثة بنتن ويدفنوها .. رجعوا عالبيت لحتى يفتحوا عزاء .. وقفت امو بنص الصالة وصرخت ..: عيب يكون في عندي تنين رجال بالبيت وحق بنتي يروح هيك .. ما في بيت عزاء لهديل لحتى ترجعوا حق دمها .. حسن : حق دم اختي برقبتي انصدم فؤاد من الحديث ..: شو بتخبصوا .. بأي زمن نحنا عايشين .. لساتكن عايشين بزمن التارات .. وين نحنا .. نحنا ببلد فيها قانون .. والقانون بعطي العقاب المناسب للمجرم صرخت امو بكل صوتها ..: انا ما خلفت رجال لحتى يقلي قانون .. انت هلق رجال البيت وانت اللي بدك تجيب راس اللي قتل اختك فؤاد بصدمة ..: امي انت واعية لشو بتحكي .. بدك كون مجرم متل اللي قتل اختي !!! تركتو وطلعت لغرفتها وما في على لسانها غير .. ما بدي شوف وجهك غير لتجيبلي راس اللي قتلها .. ____ كملت التحقيقات واعترف يامن بكل شي عملو .. وهو اللي خبر الشرطة بمكان هديل وحكى كل شي صار معو من اول يوم كان بلاحقها فيه .. وصل خبر لاعمام فؤاد واخوالو بالضيعة .. راحو كلن لعند اهلو .. وعرفوا مين الي قتل هديل حلفوا كلن لياخدو بتارها .. ___ اجتمعوا كل العيلة ببيت اهلو لفؤاد .. وكلن نفس الرأي .. نزلت امو من غرفتها للصالة وين مجتمعين كل رجال العيلة وقفت بالنص ..: حسن من بكرا بتنزل عالمحكمة وبتتنازل عن القضية .. نحنا بنعرف كيف نجيب حقنا .. انصدم فؤاد من كلامها .. وصدمتو الاكبر كانت بتأييد كل الموجودين لكلامها .. وقف فؤاد مصدوم ..: امي .. وحق اختي .. والعدالة اطلعت عليه ..: حقها انت رح تجيبو .. فؤاد: بدك كون مجرم .. حسن : حق اختي برقبتي انا .. واللي بدك ياه بصير .. راس هالكلب رح يكون عندك فؤاد بصدمةً..: لا .. هيك كتير .. امي بدك تفتحي شلال دم ما يتوقف .. واذا صار اللي بدك ياه .. فكرك عيلة القاتل رح تسكت ردت عليه …: يفتح شلال الدم .. ما بهمني .. المهم حق اختك ما يروح .. هز براسو يمين شمال .. وحس انو ما في فايدة .. الكل مجتمع على رأي واحد وهو الدم .. طلع من المجلس ومن البيت كلو .. ___ تاني يوم نزل حسن للمحكمة وتنازل عن القضية .. عرفو اهل يامن باللي عملوه اهل هديل وفهمو على شو ناويين .. اتصل ابو رياض باهلو بالضيعة لحتى ييجوا يساندوه بهالمحنة وبلاقو حل بعيد عن الدم وصلوا اهل ابو رياض من الضيعة لحتى يجتمعوا مع اهل هديل ليصلو لحل بعيد عن الدم __ بقاعة كبيرة كانو مجتمعي اهل ضيعة يامن وعلى راسهن كبير الضيعة وابو رياض .. واهل هديل وعلى راسهن كبير الضيعة اللي بكون عمها وابوها .. وقف كبير ضيعة هديل ..: نحنا رح نتنازل عن الدم بالمقابل تدفعو الدية .. ارتاح ابو رياض واخد نفسو براحة .. بس انصدم وقت سمع الجملة اللي بعد الدية ( بدنا نوخد بنتك محل بنتنا ) اطلع رياض على ابوه بصدمة ..: كيف يعني ياخدو اختي؟ طبطب ابو رياض على رجل رياض ..: ونحنا موافقين .. ايمت ما بدكن بتقدرو تاخدوها .. _____ دخل ابو رياض للبيت ودخل وراه رياض وجهو ما بيتفسر ركضت عليه رائدة ..: طمني يا ابني .. قعد رياض عاول كنبة ..: عيلة البنت تنازلو عن حقهن مقابل الدية زلغتت رائدة ..: حمدلله .. حمدلله رياض: لا تفرحي كتير.. رائدة : لي ما افرح .. ابني رح يطلع وما بدك مني افرح رجعت تزلغت طلعت جومانا على صوت الزلاغيط وسمعت اخر شي كانت متخيلة تسمعو .. لا ما كانت بيوم من الايام تفكر بهيك شي ولا حتى خطر ببالها رياض : رح ياخدو جومانا مقابل البنت اللي قتلها ابنك وقعت هالكلمات على مسامع رائدة وجومانا متل الصاعقة اطلع عليها رياض ..: يلا زلغتي كمان .. صار الفرح فرحين صرخ ابو رياض عليه ..: لكن بدك اخوك ينعدم اطلع عليه رياض والدموع محبوسة بعيونو ..: لا اختي تتحمل نتيجة عمايلو .. ابي انت غلطت .. يامن لازم يتحمل نتيجة اخطائو .. لازم يتعاقب على عملتو الشنيعة عصب ابو رياض ..: هلق انت برأيك اختك تتزوج ولا انت او اخوك تموتو رياض : انا مستعد قدم روحي عكفني مشان اختي اذا هالشي برضي عيلة البنت .. واموت مشانها ابو رياض بعصبية ..: اخرس .. بدك توطي راسي وتقدم كفنك .. اختك بتتزوج وانت واخوك بتضلو بامان .. انا ما حيلتي غيركن اطلعت عليه جومانا والدموع بعيونها والغصة بقلبها ..: ما حيلتك غيرون .. صرخ ابو رياض ..: روحي من وجهي .. كلو بسببك .. لو ما دقيتي للشرطة كان يامن هرب وما حدا قدر يمسكو صرخت بكل صوتو ..: رح يقدر يهرب من عقاب الدنيا .. اما ما فكرت بعقاب السما ورب السما .. هدا ما فكرت فيه قام من مكانو وهجم عليها ونزل فيها ضرب .. ما كانت تعرف من وين بجيها الضرب ورياض ورائدة عم يفكوها من بين ايدي .. بس هالمرة كانت غير كل مرة .. كانت بدها تبقى تحت ايديه .. كانت بدها ياه يضل يضرب لحتى يموتها .. كانت بدها تموت ولا تستنى مصيرها المجهول سحبها رياض من بين ايدين ابوه ضمها لصدرو ومسح على شعرها .. وهمس ..: اهدي حبيبتي .. لا تخافي رح ساعدك دفشتو عنها وصرخت جومانا بوجهو..: خليه يضرب .. خليه يكمل عليي يمكن موت بين ايده .. اساساً انا حشرة .. وما اللي اهمية وما بفرق وجودي مع اي حدا بهالبيت قعد ابو رياض عالارض ..: كلو منك .. انت السبب .. لو تموتي وارتاح .. كسرتي ظهري .. يا رب تموتي وارتاح منك _____ بالمقابل ببيت هديل. قام من مكانو بغضب .. ولاول مرة بعملها بحياتو صرخ بوجه امو وابوه ..: انت شو عم تحكوا .. انا اتزوج بهاي الطريقة .. شو ذنب البنت بالموضوع .. هيك بتنحل الامور برأيكن … انا مستحيل اعمل هيك عملة .. مو انا اللي بتزوج بهاي الطريقة .. شو هالعقلية الرجعية .. المجرم يطلع من السجن ويعيش حياتو وبنت ما الها ذنب غير انها اختو تتزوج بهاي الطريقة وينحكم عليها هالحكم .. لا انتو مستحيل تكونو اهلي اللي عشت معن كل هالعمر .. كأنو اول مرة بعرفكن اطلعت عليه امو ..: خلصت محاضراتك .. ما رد اطلعت على ابوه وبعدها عليه …: فؤاد .. رح تتزوجها ان قلت ايه وقلت لا .. هدا قرار نهائي ضحك بمسخرة ..: قرروا اي قرار بدكن ياه انا مو موافق على هدا التخلف صرخ ابوه ..: احترم حالك يا ولد اطلع عليه ..: لا ابي مو ولد .. انا مو ولد لحتى انتو بيوم وليلة تحددولي مستقبلي .. انا مستقبلي عارفو منيح .. وما عاد اللي عيشة هون .. انا رايح وما رح تشوفو وجهي .. كملو الخرافات اللي عم تخططولها .. ويكون بعلمكن .. خطية هديل والبنت برقبتكن .. دفش الكرسي برجلو وطلع لغرفتو .. طلع الشنطة ووضب كل تيابو .. اخد جواز سفرو من الخزنة ونزل كان رح يطلع من البيت .. بس وقف بس سمع اسمو التفت وكانت امو واقفة وراه امو : اذا طلعت من هالباب لا انت ابني ولا انا امك قرب منها وباس راسها …: بالاول انت خسرتي بنتك .. ما رح قلك بسببك لحتى ما تشعري بتأنيب الضمير.. بس بعد قرارك هدا اخسرتيني انا كمان .. وهالمرة رح قلك خسرتيني بسببك وبسبب تفكيرك .. مشى خطوتين ورجع التفت لامو ..: من اول ما وعيت على الدنيا وانت عم تحاولي تتحكمي فيي وبحياتي .. كنتي تتحكمي بشو البس شو اكل أي ساعة انام مين رافق شو اتخصص شو اتعلم .. كنت اخلق حجج لحتى ابرر تصرفاتك بإني صغير وغير واعي وانت اكبر مني وافهم مني .. وانت امي اكيد كل شي بتعمليه صح .. بس يلحظة فهمت انه كل تصرفاتك مو نابعة من خوف او حب .. كلها كانت حُب السيطرة .. انت كنت بدك تثبتي لكل اللي حولك انك السلطة وانت المسيطرة على اولادك .. بس خلص امي .. انا ما عدت طالب البكلوريا اللي رح يسمحلك تفرضي عليه التخصص اللي لازم يدخلو .. انا اليوم المهندس فؤاد العامري .. صاحب اكبر شركة مقاولات وانشائات بامستردام .. انتبهي على حالك امي .. سلام حمل شنطو وطلع من البيت كلو .. صرخت بكل صوتها وراحت على صورو نزلتها عن الحيطان وكسرتها كلها ..: انت مانك ابني .. مانك ابني .. _____ كان سياق بسرعة جنونية .. ما شايف شي قدامو .. وصل للمطار .. اخد الشنطة وتوجه لعند الموظفة .. فؤاد: ايمت اول طيارة على امستردام ؟ الموظفة : كمان خمس ساعات .. فؤاد: شو في طيارة بالوقت القريب ..! الموظفة: كمان ساعة ونص على روما فؤاد: تمام .. اخذ التذكرة وتوجه للتفتيش .. بعد ساعة ونص كان بالطيارة رامي كل شي ورا ظهرو .. __ عودة لبيت جومانا .. زحفت عالارض لورا ودخلت على غرفتها .. حملت تلفونها .. دقت لناديا بس تلفونها كان مغلق ..: ناديا مشان الله .. ردي جربت كتير وما في أي نتيجة حططت على رقم تاني ودقت .. .. رن كتير .. رن رن وما في رد واخر شي فصل بوجهها .. بعتت مسج في كلمتين بس .. اعطت المسج اشعار انها وصلت وتم قرائتها ..فرحت .. مسحت دموعها ورجعت دقت كمان مرة بس هالمرة اعطى مغلق .. رمت التلفون من ايدها وصارت تضرب على وجهها وتصرخ ..: ليـــــش انا .. ليــــش __ بعد يومين قاعدة عالتخت ضامة رجليها لصدرها .. يومين ما غفلت عينها .. محبوسة بالغرفة .. دخلت لعندها رائدة حاملة صنية عليها اكل .. قربت لعندها وحطت الصنية جنبها .. اخدت شقفة خبزة وغطتها بالعسل وقربتها على تمها ..: حبيبتي خدي هاي من ايدي .. الك يومين بلا اكل .. جومانا : ما بدي رائدة: انت عارفة عنادك هدا ما رح يغير شي .. وابوكي ما رح يغير رأيو .. اساساً هدا مو رأي هدا قرار وفرض علينا كلنا وما بإيدنا شي نعملو. . لازم تاكلي لحتى تقوي ... اطلعت عليها بعيون دبلانة وهالات سودا تحتن .. رائدة بحنية …: ممكن يكون ابن حلال.. جومانا : حتى لو ابن حلال .. رح يبقى ابن حلال بعد عملت يامن .. لو انت محل امها للبنت شو شعورك لو صحيتي بيوم ولقيتي بنتك ميتة و.. ( غصت من بشاعة الشي الي عملو يامن ). لك طفلة لسا ما خلصت ثانوي شو كان فيها شي يحرك مشاعرو ليامن .. وهو ما يتعاقب .. انا اللي رح اتعاقب .. خلص روحي من هون بدي ابقى لحالي قامت رائدة وفي غصة بقلبها جومانا: خالتو .. بدي تلفوني .. لو سمحتي .. بدي احكي مع ناديا عالاقل رجعت لعندها وحضنتها ..: والله لو بيدي بهربك من هون مو بس بعطيكي التلفون .. بس انت بتعرفي ابوكي .. اذا هربتك بكون وقعت على ورقة موتي ارتفع صوت بكاها ..: مشان الله .. انت سهلي الطريق وانا بهرب لحالي .. مشان الله انا بتحمل المسؤولية لحالي اذا هربت انت ما دخلك .. لازم اهرب .. ما رح اتزوج حضنتها اكتر .. ___ بالليل دخلت رائدة لعند جومانا ومعها صنية الاكل متل العادة .. ثواني ودخل رياض .. قرب من صنية الاكل ورمى المفتاح بطبق الشوربة قرب منها وهمس..: النسخة التانية من مفتاح البيت صار بطبق الشوربة .. خديه واهربي بس ينام ابي .. انا حكيت مع رفيقي ينطرك برا .. رح ياخد لمكان امان وانا بكرا الصبح بكون عندو مع الباسبورت وبنسافر عند امي لروسيا .. نزلت دمعة من عينها حاوط وجهها بإيده ..: ما بدي تبكي .. كوني قوية لحتى نعرف ونطلع من هالمصيبة .. ولا تنسي اني دايماً جنبك شو ما صار .. ورح اعمل كل شي بطلع بإيدي لاحميكي ابتسمت جومانا بحب ..: يخليلي ياك .. بس التلفون رائدة بهمس ..: هدا مع ابوكي ما فيي جيبو .. خلص اطلعي من هون والله بدبرها .. طلعت رائدة ومعها رياض من الغرفة قامت جومانا عن تختها راحت لخزانتها طلعت شنطة ظهر صغيرة حطتت فيها بلوزة وبنطلون وكم قطعة داخلية قعدت على تختها وعيونها عالساعة .. ناطرة تصير ١٢ وينامو كل اللي بالبيت .. حست بالوقت كانو شهور وما عم يمشي .. بعد وقت .. اطلعت عالساعة وكانت ١٢ .. فرح قلبها ونط من مكانو .. قامت عن التخت حملت الشنطة عظهرها .. فتحت باب غرفتها شوي شوي .. اخدت نظرة سريعة وما كان في حدا .. كان في صوت بداخلها بقوللها تروح لغرفة ابوها وتتأكد اذا نايم بتختو .. بس طنشت الصوت وتسحبت للباب الرئيسي .. حطت المفتاح لتفتح الباب وتفاجأت بقبضة ايد على شعرها لفت راسها وكان ابوها صرخ بوجهها ..: بدك تهربي من البيت وتفضحيني .. بدك تحطي راسي بالوحل نزل فيها ضرب .. ما كانت تقدر تحمي حالها .. استسلمت .. خلص ما عاد في مهرب من الواقع .. هدا قدرها .. بعد عندها ابوها بعد ما تعب .. زحفت على غرفتها ..قعدت بزاوية الغرفة وما في غير شهقاتها ___ تاني يوم كان اليوم الموعود .. اليوم اللي اتفق فيه ابو رياض مع عشيرة ابو فؤاد ليسلمون بنتو .. يختلط الدم ويسقط التار .. اندق باب البيت فجأة .. راح ابو رياض وفتح الباب .. كانت ناديا ابو رياض : خير ؟ ناديا : عمو جومانا موجودة .. اللي يومين بدقلها وتلفونها مفصول كان الخبر لسا ما انتشر وما كان حدا بعرف باللي صار غير عشيرة ابو رياض بالضيعة .. وما كان ابو رياض بدو حدا يعرف بالوقت الحالي لانو ما كان بدو حدا يساعد جومانا .. وخاصةً ناديا واهلها .. ابو رياض : جومانا بالمشفى .. ومانعين عنها الزيارة انصدمت ناديا : شو مشفى ما مشفى .. شبها ؟ ابو رياض: حادثة .. طرقتها سيارة ناديا : بأي مشفى لازم زورها ابو رياض: مانعين عنها الزيارة .. يلا يا بنتي روحي لبيتك سكر ابو رياض الباب بوجهها وفقت ناديا عند الباب ومو مصدقة كلام ابو رياض .. وسمعت من الجيران انو اجت الشرطة لعندن عالبيت واخدو يامن وما حدا بعرف السبب .. فخطر ببالها يكون يامن ضاربها ودخلت بسبب هيك المشفى .. توجهت للبيت واخدت شنطتها وراحت تفتش عليها بالمشافي .. __ قاعدة قدام مرايتها .. تحت عيونها هالات سودا .. عيونها مورمين من البكي .. وجهها شاحب .. وكدمات متفرقة على وجهها قربت منها رائدة وضمتها لصدرها ..: سامحيني .. انا السبب .. انا اللي جبت يامن على هالدنيا وانت بسببو هون .. اطلعت عليها جومانا بعيون دبلانين..: شو بدو يصير يعني .. خلص .. هدا نصيبي .. دخل ابو رياض لعندها عالغرفة ..: جاهزة هزت رائدة راسها .. ابو رياض : يا رياض تعا خد شنطة اختك .. يلا قومي قدامي .. قامت من مكانها ووقفت بوجه ابوها .. ولاول مرة بتحكي معو بهاي النبرة ..: انت مقتنع باللي عم تعملو ..( حطت اصبعها على صدرو).. هدا موافق وراضي ترمي بنتك ؟ ضربها كف على وجهها نساها اسمها ..: لا تخليني اقتلك بأرضك .. اطلعت عليه بعيون كلها شر ..: كون عارف .. شو ما يصير تذكر انك انت اللي عملت فيي هيك .. ورح قلك ياها .. انا هلق رح روح .. بس بوعدك اهرب وما رح تعرف عني شي .. واذا هلق رايحة لحتى كون كبش فدا لابنك لحتى ترفع واسك بين العالم .. كزت على اسنانها بقهر وغصة كبيرك ..: اعرف بعدها رح اعمل كل شي بطلع يإيدي مشان اهرب واعمل كل شي بوطي راسك.. ما عاد عندي اب واخ وعيلة .. تخطتو ومشت للسيارة .. ركبت وما كان همها شي حتى لو بدها تموت بهاي اللحظة .. بالوقت اللي وافقوا على زواجها بهاي الطريقة دفنو قلبها ودفنوها معو .. ركب ابوها ورياض وانطلقوا .. وصلو لبيت ابو فؤاد .. وصلو سيارات عشيرة ابو رياض .. ونزلت جومانا وابوها من السيارة كانت متل الشبح .. جسد بلا روح كان واقف ابو فؤاد وزوجتو وابنن عند الباب مع الشيخ تقدمو للطاولة .. قعد الشيخ وعلى يمينو حسن وعلى شمالو ابو رياض الشيخ لابو رياض: انت وكيل العروس جومانا السيد ؟ هز ابو رياض بإيجاب الشيخ لحسن : العريس حسن العامري .. حسن : ايوة .. يا ريت تشوف شغلك بسرعة انتفض جسمها مرة وحدة .. وشردت بالعدم صحيت من شرودها على صوت الشيخ الشيخ :يا بنتي .. انت موافقة ؟ اطلعت بالشيخ والدموع بعيونها يمكن يفهم انها مغصوبة واللي عم يصير غصب عنها اطلع ابوها عليها نظرة غضب مسكت بإيد رياض وبعيونها عم تتوسلو غمض عيونًو بقهر وإحساس العجز مسيطر عليه جومانا بصوت مخنوق : مواقفة الشيخ : وين الشهود تقدم واحد من عشيرة ابو فؤاد وواحد من عشيرة ابو رياض الشيخ لحسن : حط ايدك بإيد ابو العروس يا ابني اطلع حسن على ابو رياض بقرف...: لمعلوماتك .. ما بشرفني حط ايدي بإيدك بس مضطر كتب الشيخ الكتاب الشيخ : قربي وقعي يا بنتي قربت من الطاولة ورجليها مو حاملاتها .. كان كل جسمها برجف والخوف من المجهول واصل لاعلى مستويات وقعت على الورقة وكأنها وقعت على ورقة موتها .. الشيخ : وقع يا ابني وقع حسن .. كز على اسنانو واطلع عليها وعيونو بقدحو شرر الشيخ : زواج مبارك . مسكها ابوها من ايدها وتوجه لابو فؤاد..: هاي بنتي سلمتك ياها .. راح من عندك بنت وانا اعطيتك من عندي بنت .. مسكت ام فؤاد ايد جومانا وشدت عليها ووجهت كلامها لحسن ..: خدها لغرفتك نحنا ناطرين العلامة عقدت جومانا حواجبها ..: علامة شو !! اطلع رياض بأبوه ..: ابي .. علامة شو !!! ام فؤاد : خدها سحبها حسن من ايدها متل الدبيحة وهي مو فاهمة شي من شي .. اخدها لغرفتو دخلها للغرفة ورماها عالارض بقوة وقفل الباب بالمفتاح وقعت عالارض وعلامات الصدمة عوجهها اطلع عليها حسن بقرف ..: مالك مصدومة.. لا تكوني فكرة انك جاي لهون لتعيشي معززة مكرمة .. قبل ما تجاوب كان هاجم عليها وماسكها من شعرها .. سحبها ورماها عالتخت .. نفذ كل شي طلبتو امو صارت تتحرك من تحتو بطريقة عشوائية .. ثبتها مكانها واطلع بعيونها وعيونو كلهن شر وحقد ..: جهزي حالك لتعيشي اللي عاشتو اختي بأخر ليلة الها فتحت عيونها عالاخر بعد ما فهمت شو بقصد رجعت تتحرك يمين شمال .. بس كان حجمو اكبر من حجمها وبنية جسمو قوية شرط تيابها من فوق ..: اتحملي عذاب اختي الصغيرة .. نزلت من عينها دمعة قهر على حالها .. ضربها كف على وجهها بكل ما عندو من قوة .. ولحقو كمان كف.. وبعد ثالث كف ما عادت حست بشي .. _____ كان قاعد بغرفتو بالفندق وبإيدو فنجان القهوة .. كان يتأمل المنظر اللي قدامو بقهر .. اخد رشفة من الفنجان واطلع على تلفونو .. حط الفنجان عالطاولة جنبو مسك التلفون وفتحو .. كان كتير مكالمات ومسجات .. بس وجعو كان اقوى من انو يحكي مع حدا او يجاوب حدا.. تذكر جثة اختو .. وعلامات العنف اللي كانت على جسمها .. غمض عيونو بقهر وغصب عنو نزلت دمعة من عينو .. فتح على صورة الو والها .. قلبو انشلع عليها .. كانت مرحة كتير خاصةً معو .. كان الها كل شي .. الاب الاخ الصديق .. كانت تركض لحضنو وقت تخانقها امها .. كان يتخانق مع امو بسبب اسلوبها معها .. كان دايماً يعوضها عن كل شي .. كان يعرف عقلية امو صعبة بس كان يوقف بوجهها لما يكون الموضوع بخص هديل .. نزلت دمعة ورا التانية .. لاول مرة ببكي .. الدموع حرقت خدودو.. تذكر قبل الحادثة بيوم .. تذكر انها كانت رح تخبرو عن اللي بلاحقها .. بس القدر كان اسرع وما قدر يحمي صغيرتو .. كان قلبو موجوع عليها .. راحت بلا ما يودعها .. ____ وقف بكل فخر .. حاسس حالو انجزعَمل بطولي .. اخد اللي بدو ياه واللي بدها ياه امو .. سحب الشرشف من تحتها الي كان مليان دم من وحشيتو .. رفعت حالها وكل جسمها موجوع .. سحبت الغطا وغطت حالها فيه .. لملمت حالها وضمت رجليها لصدرها وصارت تبكي بقهر .. طلع من الغرفة وبإيدو الشرشف الابيض .. طلعو لكل الموجودين .. ابو فؤاد: بنتكن صارت النا .. وما عادت بتخصكن بشي .. اعتبروها ماتت متل ما ماتت بنتي.. نزل ابو رياض راسو وسند حالو على رياض ..: خلينا نمشي .. ركبو السيارات وراحوا تاركين حدا ما الو ذنب رح يتحمل الخطيئة .. __ بعد ليلة مريرة .. صحيت على حالها وكانت لسا نايمة بوحدة من زوايا الغرفة .. دموعها نشفو خلص .. حاسة بعطش غريب .. حاسة بجفاف بحلقها كأنها كانت بصحراء ايام وليالي .. اطلعت حولها وشافتو نايم عالتخت .. اشمأزت منو ومن منظرو .. كان وسيم بس وساختو غطت على كل شي.. اطلعت من الشباك وكان لسا ما طلعت الشمس .. مسحت على وجهها وقامت تفتش على مي تشربها .. بس ما كان بالغرفة .. توجهت للحمام .. غسلت وجهها ووشربت من مي الحنفية .. طلعت من الحمام وتوجهت لشنطة تيابها .. طلعت بيجامة ورجعت للحمام .. نزلت غطا التخت عن جسمها ودخلت تحت المي .. صارت تفرك بجسمها بتحاول تمحى اي اثر على جسمها منو .. صار جسمها لونو احمر من كثر الفرك وصارت المي تسلخ بجسمها وتزيدو احمرار .. طلعت من تحت المي ولبست تيابها بعدما نشفت جسمها .. طلعت من الحمام .. تسطحت عالارض لتحاول تنام .. ما كانت عارفة شو ناطرها الصبح بس كانت حاسة انو رح يكون اسوء من الليلة هاي .. غمضت عيونها وراحت بالنوم بدون ما تحس على حالها .. ____ انتفضت من نومها على ضرب قوي بكل جسمها .. كان واقف فوق راسها وبضرب فيها بكل حقد ..: قومي .. انا جايبك لهون لتنامي .. قومي رجع ضربها برجلو على بطنها فتحت عيونها عالاخر وما عاد فيها تاخد نفس .. حست الدنيا وقفت .. سحبها من شعرها بكل قوة وجرها وراه متل الدبيحة .. رماها عالتخت وحاول يرجع يكرر اللي عملو ليلة مبارح .. بس هالمرة قاومت بكل قوتها .. دفشتو عنها بقوة وقامت عن التخت ..: اذا سمحتلك تعمل اللي عملتو مبارح غصب عني لانو كنت مصدومة ومو بوعيي .. بس من اليوم لا تحلم تقرب عليي يا كلب جحض عيونو ووقف على رجليه وصار يقرب منها بهدوء ..: طلع عندك لسان وبتعرفي تحكي .. رفعت اصبعها وحكت بنبرة كلها قوة بس كانت عم ترجف من داخلها ..: استرجي قرب عليي .. والله بقتلك .. قرب عليها اكتر وسحبها من شعرها لعندو ..: مو بعيدة عنك وانتو الكن سوابق .. بس هالمرة الادوار تغيرت .. وموتك على ايدي انا .. ومو موتة وحدة .. لا بوعدك باليوم تموتي الف موتة وموتة .. رح موتك عالبطيء .. رح خليكي تتمني الخلاص وما تلاقي وبكل ما عندو من قوة ضربها كف وقعها عالارض من قوتو .. نزل لعندها وضربها كمان واحد .. اطلع بعيونها بحقد ..: انا فيني اضرب لحتى تفقدي الوعي .. بس لا رح اعمل كلشي وانت صاحية لحتى بكل مرة تحسي باللي حستو اختي الصغيرة ورجع هجم عليها وكرر الي عملو معها ليلة مبارح باوسخ واوحش الطرق.. وكل مرة كان يغمى عليها كان يصحيها ويكب عليها مي باردة بعد وقت .. وقف على رجليه وتف عليها ..: قومي حضريلي الفطور .. بسرعة كأنها ما سمعتو .. سحبت غطا عن التخت وغطت حالها فيه .. لملمت حالها وقعدت بالزاوية .. كانت الدموع تنزل على خدها تحرقو.. قلبها متل النار .. وما في شي تعملو غير تبكي .. طلع من الحمام وشافها لسا بمكانها .. :معك خمس دقايق ويكون الفطور جاهز صرخ بكل صوتو ..: يلاااا قامت من مكانها بخوف وراحت للحمام .. تحممت بسرعة .. لبست تيابها وتوجهت للمطبخ وقفت بنص المطبخ ما عارفة شو تعمل .. اطلعت يمين شمال ولساتها بحيرة .. دخلت هيام للمطبخ .. شافتها واقفة ..: شو بتعملي هون نقزت جومانا من صوتها ..: بدي حضر الفطور اطلعت على الكدمات اللي عوجها وجسمها .. ابتسمت ..: حسن عامل معك الواجب وزيادة .. هدا ابن بطني اطلعت عليها جومانا ..: مفكرة بعمايل ابنك هاي بنتك رح ترتاح بقبرها حكت هالكلمة ويا ريتها ما حكت .. نزل عوجهها كف من ام حسن نساها اسمها شدتها من شعرها ..: سيرة بنتي الطاهرة ما بتجبيه على لسانك .. صرخت بكل صوتها ..: حســـن اجى حسن عصوت امو ..: خير امي اطلعت عليها بقرف ..: لسانها طويل وبدو قص .. شوف شغلك وحرمها تجيب سيرة اختك على لسانها بعد اليوم اطلع عليها بعيون بتقدح شرر ..: يا بنت الكلب سحبها من شعرها للغرفة وما في غير صوت صرخاتها وصوت الضرب على جسمها .. وشتايم حسن خلال اقل من ٢٤ ساعة جربت كل انواع العنف .. الجسدي واللفظي والجنسي .. __ دخلت اشعة الشمس بعيونو .. فتح عيونو بتعب .. اطلع عالساعة وكانت لسا ستة .. كان التعب واضح على وجهو .. مرق بليلة صعبة وصحي مو تمام ..في شي واجع قلبو .. فسر الوجع بالزعل على وفاة اختو حبيبة قلبو .. قام عن التخت وتوجه للحمام .. اخد دوش سريع وطلع .. وقف قدام المراي .. اطلع على انعكاس صورتو بالمراي وشاف الشيب ملى شعرو اكتر من الاول .. اخد نفس ولبس تيابو .. نزل من الغرفة وراح لواحد من الكافيهات بالشارع الموجود فيه الفندق .. طلب قهوة ومسك تلفونو .. فتحو ووصلتو مسج من يزن .. حط على رقمو ودقلو ..: صباح الخير يزن يزن بلهفة ..: شو اللي صاير عندك .. وانت وين مختفي .. ولي ما بتخبرني .. هاي هي رفقتنا .. فؤاد : هوب هوب عمهلك عليي يزن : اول شي البقاء لله .. لي ما قلتلي .. فؤاد : انت كنت مسافر وما كان بدي اشغل بالك .. يرن : شو يعني مسافر .. برجع .. كيف صار هيك فؤاد: ما بدي احكي بالموضوع يزن : وين انت هلق فؤاد: بروما .. ويومين ورح سافر لامستردام يزن : وضع الشركة بامستردام منيح .. ومو مستدعي تسافر .. انا رتبت كل الامور هناك فؤاد: خلص انا تركت الإدارة ورح ارجع لشغلي بأمستردام .. يزن: بس في صفقات ومشاريع لازم تشرف عليها انت . واذا تركت كل هدا بهالوقت بذات رح ترجع الشركة تخسر اكتر من اللي خسرتو .. هدا تعبك فؤاد: انا اخدت قراري .. وانت اذا بدك تبقى عندك ما عندي مانع .. رح عينك مدير تنفيذي لحتى تخلص السنة واي شي بدك ياه ابي موجود .. واذا بتحب تكمل معي ما عندي مشكلة .. انت شوف شو مناسب واعملو .. يزن: ما بدي تخسر كل تعبك يا صاحبي .. الفترة هاي انت رجعت الشركة متل ما كانت ووقفتها على رجليها من بعد ما كانت غرقانة بالديون فؤاد بحزم : خلص اخدت قراري ما في مناقشة .. انت شوف شو مناسبك وخبرني يزن؛ فكر كمان مرة .. روح عامستردام وشوف الوضع هناك .. خد فترة ارتاح من الضغط .. بس ارجع لهون .. فؤاد: لعلو خير يزن: المهم انت كيفك .. حاول يتصنع القوة ..: بخير .. حمدلله .. يزن : قلبي معك .. الله يرحمها ويحسن اليها سكت شوي .. يزن : بدك شي .. عاوز شي .. قلي لا تخجل فؤاد بقهر ..: انتبه عالشركة .. يزن: ما بدك شي تاني فؤاد: سلامتك.. بنحكي .. سلام _____ مرق شهر كامل والوضع متل ما هو .. كانت كل ما تقرر تستسلم للامر الواقع وترضى بالوضع اللي هي فيه وتحاول تتعايش مع حياتها .. كان في شي بداخلها يمنعها .. ما كانت البنت السهلة .. كانت متمردة على كل شي .. خلال هالشهر حاولت تهرب من البيت ثلاث مرات .. وبكل مرة كان حسن يرجعها ويزيد العذاب .. جسمها اعلن الاستسلام وما عاد قادر يتحمل .. بس عقلها رافض الفكرة .. ودايما كان عندها امل تهرب وترجع لحياتها الطبيعية .. فتحت عيونها وكانت الساعة خمسة ونص .. حاولت تختصر شوي من المشاكل والمعاناه وتعمل لو قسم صغير من اوامر حسن وامو اطلعت عليه وكان نايم جنبها .. شتمتو وشتمت امو بقلبها .. قامت وتوجهت للمطبخ .. بلشت تجهيز للفطور بالاول .. وبعدها راحت لتنفذ الاوامر اللي اعطتها ياه حماتها .. رتبت البيت كلو مسحت غبرتو وطالعت السجاد .. اقنعت حالها انها بهاي الطريقة رح تشغل تفكيرها عن حياتها وعذابها .. وقفت بنص الصالة بعد ما خلصت قسم كبير من الشغل .. اطلعت على الجدران .. ركزت نظرها على واحد من الجدران ..: لي هيك هدا .. اكيد كان في صور هون وحدا شالها .. طلعت من شرودها على قبضة ايد على شعرها التفتت وكان حسن حسن : شو عم تعملي .. عم تفكري بالهرب كمان مرة اطلعت عليه وعملت الشغلة اللي كل مرة بتسبب بعذابها .. كزت عاسنانها ..: طول ما فيي نفس فايت وطالع رح ضل فكر بالهرب .. مو انا اللي بتنحط تحت الامر الواقع .. لو شو ما عملت اطلع عليها من فوق لتحت وترك شعرها ..: كنت بتمنى اعملك قتلة اعيد تربايتك . بس صراحة هلق مو فاضي .. طبطب على خدها وغمزها ..: راجعلك يا حلوة بالليل .. ابتسمت نص ابتسامة ..: بس بهاي الشلغة بتثبت رجولتك مو .. والله بشفق عليك حسن بغيظ ..: راجعلك تركها وطلع من البيت بقيت تتفتل بالبيت .. وبراسها الف خطة والتنفيذ سهل بس النجاح مو مضمون .. ___ كان قاعد بالكافي .. فتح تلفونو وصار يقلب بالصور .. رن تلفونو فجأة اطلع عالرقم وبقلبو غصة .. بس قرر يرد ..: ايوه عالطرف التاني : واخيراً حن قلبك عليي وجاوبت عمكالماتي .. فؤاد يا ابني .. امك تعبانة بس عم تكابر على بعادك .. لي تعمل هيك .. خلص اللي صار صار .. ارجع برضاي عليك .. ما بكفي فراق اختك عم تزيدها علينا انت كمان .. اذا نحنا مو فارقين عندك .. ما فارق معك مستقبل الشركة اللي تعبت فيها لحتى كبرتها .. برضاي عليك ترجع وتفرح قلب امك .. وجعو قلبو على ابوه ..: خلص ابي راجع .. رح احجز طيارة وارجع .. لا تزعل حالك .. بس كنت بحاجة اني ابعد .. لو بقيت كان كبرت الامور اكتر ابوه : انا مقدر موقفك .. وانا كنت معارض اللي صار .. بس خلص شي وصار .. انا ما رح خبر امك .. فؤاد: خبرها ابي .. ابوه: لا تعال انت وفرح قلبها بتشوفها كبيرة منك .. فؤاد: حاضر ابي .. ابوه : ناطرينك لا تتأخر .. قفل الخط مع ابوه وطلعت بوجهو صورة .. عقد حواجبو وطلع من معرض الصور حكى مع مكتب السياحة وطلب حجز مستعجل للبلاد .. _____ بعد يومين بعد ليلة صعبة مرقت عليها متل كل الليالي اللي صارت تشبه بعضها من يوم ما دخلت لهدا البيت من شهر .. رفعت راسها بثقل .. اطلعت عالساعة وكانت ستة ونص .. اطلعت عجنبها وكان حسن نايم عاري الصدر .. دعت عليه بالموت ولملمت بقايا ثوبها المخزق وراحت عالحمام .. وقفت قدام المراي وعيونها على انعكاس صورتها .. علامات الضرب عوجهها .. دم ناشف نازل من شفتها ..اتذكرت تفاصيل الليلة اللي مرقت .. حطت ايدها عالجرح اللي جنب شفتها ودموعها شلال بتحرق بخدودها .. شالت بقايا تيابها ودخلت تحت الدُش وافكار تاخدها وافكار تجيبها .. طلعت من الحمام بعد ما لبست تيابها .. اطلعت عالتخت شافتو بتقلب .. دعت عليه بالموت بقلبها وطلعت من الغرفة دخلت للمطبخ ..: الله لا يصبحك بالخير .. اخدت نفس وحاولت تكتم غيظها وردت برد مزيف عكس الغضب اللي بقلبها ..: يسعد صباحك حماتي هيام : جهزي الفطور هلق بصحوا الشباب من النوم .. بدي يكون الفطور جاهز عالطاولة قبل ما يصحوا جومانا بإستغرب وجكر ..: شباب .. مين الشباب .. حسن محسوب من الشباب !!! مسكتها من ايدها وشدتها لعندها وهمست … :ما رح جاوبك هلق .. انا بعرف كيف جاوبك بعدين .. حاولي تمرقي هالفترة على خير .. ما بدي مشاكل بالبيت .. فهمتي ولي .. حاولي اتضبي لسانك ولا تستفزي حسن ..اخوه رجع من السفر بالليل ما بدي مشاكل معه ... عم حذرك ابتسمت نص ابتسامة ..: خايفة من ابنك الثاني .. لي انت وابنك بتعملو شي غلط .. شدتها من شعرها ..: بتخرسي ولا خرسك بطريقتي صرخت بكل صوتها ..: لا ما رح اخرس .. كتمت هيام صوتها بعدما حطت ايدها على تمها ..: الله ياخدك .. اخرسي عم قلك اطلعت جومانا عليها بنظرات شماتة ..: خلينا نكون متفقين لكن .. تلزموا حدودكن معي بلا ما اعمل مشاكل وشعل نار بهالبيت تحرق الأخضر واليابس دفشتها من كتفها ..: تحركي وقفت جنب المجلى وعيونها على سكينة اللحمة وافكار شيطانية براسها وابتسامة خباثة عشفافها .. اطلعت وراها وشافت حماتها طلعت من المطبخ .. همست بخباثة..: يعني اذا اخوه عرف باللي بعملو حسن ما رح يسكت ورح يعمل مشكلة .. واضح انها عاملة حساب كبير لابنها التاني .. أيــــه شو عليـــه ضحكت ضحكة الفرج القريب واخدت السكينة .. لفتها بفوطة المطبخ وحطتها بتيابها .. بلشت تحضير الفطور وحطتو عالطاولة توجهت لغرفة نومها وشافت حسن لسا نايم .. قربت من التخت وطلعت السكينة من تيابها .. مسكتها بإيديها التنتين ورفعتها بوضعية الطعن موجهتها لصدرو كانت رح تغرزها بصدرو .. بس على اخر لحظة فتح حسن عيونو وشاف السكينة موجها لصدرو صرخ بكل صوتو ..: يا بنت الحرام .. استجمعت قوتها وحاولت تطعنو .. بس كان اسرع منها وتحرك بسرعة للجهة التانية .. وغرزت السكينة بالفرشة صرخ حسن بكل صوتو ..: حفرتي قبرك بإيدك .. قام عن التخت بسرعة ومسكها من شعرها ورماها عالتخت ..: بدك تقتليني يا بنت الحرام .. اخرتي موت عإيد وحدة واطية متلك نزل فيها ضرب بكل قوتو .. وهي تحت ايديه تحاول تفلت حالها منو وصراخها بكل البيت .. اجت امو عصوت صراخها وصراخو .. صارت تخبط عالباب وتصرخ ..: لك امي اتركها .. ما بتستاهل تنحبس مشانها .. برضاي عليك تفتح .. هلق اخوك بصحى وبعملنا مشكلة.. لك ابني تركها هي عم تستقصد تعمل هيك مشان تتخانق مع اخوك .. تركها رماها عالارض وحط ايديه على رقبتها وبلش يخنقها ..: بدك تقتليني يا حشرة .. موتك رح يكون على ايدي حست جومانا انها رح تموت بين ايديه ..استجمعت قوتها وحطت رجلها على بطنو ودفشتو بكل ما فيها من قوة .. توجع كتير ووقع عالارض .. ركضت لعند الباب فتحتو .. دفشت حماتها وهربت .. ما لقت قدامها غير باب غرفة اخوه مفتوح .. دخلت للغرفة وسكرت الباب بالمفتاح وراها .. وقفت عند الباب وسندت حالها وانفاسها مخربطة .. فجأة بلش خبط قوي عالباب حسن بصراخ ..: افتحي يا بنت الحرام .. مفكرة فيكي تهربي مني .. دب الرعب بقلبها وشافت نهايتها على ايديه لا محال .. ركضت لعند زاوية الغرفة وقعدة الارض ضمت رجليها لصدرها وصرخت ..: بعدوه عني .. رح يموتني .. طلع فؤاد من الحمام بسرعة لافف على خصرو منشفة بعد ما قطع حمامو على اثر صراخون .. شاف جومانا مكومة بالزاوية وما مبين منها شي .. توجه للباب وفتحو ومسك حسن ..: شبك شبك .. حسن بغضب ..: بعد من وجهي خليني خلِص عليها .. مسكو من ايدو وسحبو بعيد عن الغرفة ..: مشي معي .. امي خديه من هون .. سحبتو هيام لغرفتو وحاولت تهديه .. رجع للغرفة وشاف جومانا لسا عنفس الوضعية وبتصرخ بكلمتين (بعدوه عني… بعدوه عني) حكى بنبرة هادية..: قومي .. خلص راح .. قومي رح البس تيابي وحل المشكلة دق قلبها بسرعة كأنو اجاها الفرج .. ابتسمت لما حست من نبرة صوتو انها راهنت على الحصان الرابح .. حست للحظة بنجاح خطتتها .. قطــــع ….. هل رح يكون فؤاد شعاع النور الموجود بأخر النفق .. !!! هل رح يحميها من بطش هيام وقذارة حسن ..!!! هل رح يكون طوق النجاة اللي عم تفتش عليه وينقذها الغرق !!!!! يتبع..🥀🥀