*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d *.#لعنة_الفؤاد🤎* #الجزء_الرابع بعد أسبوع صحيت جومانا على صوت المنبه وصوت رائدة عم تنده عليها وبتصحيها دخلت رائدة لعندها ..: لك جوجو قومي .. اول يوم دوام الك رح تتأخري نقزت جومانا من صوتها ووقعت عن التخت ركضت لعندها رائدة ..: اي اي تقبريني .. والله مو بقصدي .. صرلك شي حبيبتي !؟ جومانا : تمام تمام .. قوميني رفعتها من ايدها ..: خفت تتأخري على دوامك جومانا : قدي الساعة رائدة: سبعة ونص ركضت جومانا عالحمام ..: يا ربي رح اتأخر .. كلو من ناديا .. الا بدها تچر وتحكي اخر الليل رائدة : عمهلك ما رح يطير الشغل دوامك عالتسعة جومانا من الحمام ..: هلق لاجهز بدي ساعة .. ولاوصل كمان ساعة .. رائدة : حضرتلك الفطور وكم ساندويشة توخديهن معك طلعت جومانا من الحمام ..: يخليلي ياكي يا احلى حدا بالدنيا طلع يامن من غرفتو معصب ..: شو هالدوشة عند هالصبح .. رائدة بفرح ..: اختك اتوظفت واليوم اول يوم الها بالدوام يامن بعصبية ..: ومن وين طلعتي هالشغل هلق .. قلتي جامعة ومرقناها وهلق شغل .. يلا خدلك هلق على زميلي ورفيقي ومديري وسهرات وروحات وجيات .. رائدة : لا تدخل انت .. ابوك موافق يامن: ايه خليكي دافعي عنها انت لنشوف لوين حابة توصلي طلع رياض من غرفتو ..: احترم حالك وانت عم تحكي مع امك .. يامن : وانت شو الك علاقة .. امي وبحكي معها متل ما بدي .. لتكون امك وانا ما عندي خبر قربت رائدة منو وصرخت بوجهو ..: من ايمت عنا بالبيت امي وامك يامن : خليكي هيك دايماً .. اقفي بصفهن عليي كانو هنن اللي ولادك وانا ابن ضرتك .. انا رايح طلع من البيت وطرق الباب وراه قرب منها رياض وحط ايده على كتفها وباس راسها ..: يخليلي ياكي لا تزعلي منو .. لساتو طايش رائدة : الله يحميكن كلكن طلعت جومانا من غرفتها بعد ما جهزت حالها ..: كلو بسببي .. اساساً يامن ما برتاح غير لما اتجوز .. وعالاغلب كلكن ترتاحو رائدة : لا يعمري .. انا مني وعليي بدي تبقي جنبي كل العمر جومانا : يخليلي ياكي رياض: شو جوجو شو هالجمال جومانا: طالعة لاخي .. يلا انا صار لازم روح ادعولنا رياض : انتبهي عحالك حبيبتي رائدة : الله يبعد عند ولاد الحرام ويوقفلك ولاد الحلال يا رب .. الله يحميكي طلعت حومانا من البيت ودقت لناديا ..: شو يا حلوة جاهزة .. ايه تمام ناطرتك اول الحارة _____ وصلو للشركة وكانت الساعة لسا ثماني ونص جومانا : حمدلله وصلنا بكير .. كنت خايفة نتأخر ناديا : في كافي هون .. تعي نجيب قهوة خلينا نفوت عالشركة حاملين قهوة متل الناس الاكابر جومانا: يييي عليكي .. شو هالافكار .. ناديا : هيك بشوف بالمسلسلات الكوري جومانا : يلا روحي يمكن نخبط بشب حلو ونعمل مشكلة متل الروايات ناديا : خليكي عايشة بالروايات انت جومانا : احسن ما أعيش بالمسلسلات الكوري دخلو للكافي وفجأة طرقت جومانا بشخص وانكبت القهوة اللي كانت بإيدو على قميصو رفعت راسها شوي شوي لحتى تعتذر .. وفجأة اجتها الجمدة وصارت اتأتأ ..: اســ .. اســـتاذ .. فــ .. فــؤاد .. شتمت حالها بكل انواع الشتائم .. وشتائم اخترعتها بهاي اللحظة قربت منها ناديا بشماتة ..: طلبتيها ونلتيها .. يلا اعملي مشكلة لشوف اطلع عليها فؤاد من فوق لتحت وما اعطى ردة فعل ومشى بالزور ناديا كاتمة ضحكتها .. بس ما قدرت .. ضحكت بصوت عالي ..: يا ربي لي هييك حظك .. جومانا بعصبية ..: خلص ما عاد بدي اشرب قهوة .. مشى عالشركة ___ بعد شهر دخلو للشركة وتوجهو لمكتبهن .. خمس دقايق وكان داخل يزن لعندن ..: عالساعة ١٠ ونص في اجتماع .. كونو جاهزات حط ملف قدام جومانا ..: راجعي هالمشروع رح ناقشو بالاجتماع .. انسة ناديا تفضلي معي لمكتبي مسكت جومانا الملف وبلشت تقرا فيه بمكتب يزن قعد يزن خلف مكتبو ..: انسة ناديا .. انا طلبت من فؤاد تكوني بهالفترة مساعدتي .. في كتير اشياء لازم تتنظم .. هدا الملف في كل التفاصيل وكل شي مطلوب منك .. يا ريت تخلصي كل المطلوب منك قبل الاجتماع اخدت ناديا الملف ..: ولا يهمك يزن اطلع عليها يرن ..: يزن كمان مرة نايا بظرافة..: خلص صعب اقلك استاذ .. خليها يزن .. بس وعد قدام الموظفين بقلك استاذ .. او بحاول يزن : على شغلك .. لحظة عالساعة وحدة في عنا اجتماع مع عميل برا المكتب ،، كوني جاهزة ناديا : عُلم وينفذ _____ رمت الملف من ايدها ..: لك والله في شي مو زابط .. في غلط كبير بالتصميم ناديا: غلط شو .. خلص انت اعملي شو قلك يزن وما تبلشي تتفزلكي جومانا: اي فزلكة .. اساساً الملف ما في خرايط انا رايحة عند الاستاذ يزن احسن .. لسا ما بلشت جابلي مصيبة وبدو يناقشها بالاجتماع .. شو بدو يخليني اطلع غبية من اولها ناديا : لا تكبري الموضوع حملت الملف ..: هلق برجع توجهت لمكتب زين وما كان موجود .. سألت واحد من الموظفين عنو وقلها انو بمكتب فؤاد اطلعت على ساعتها وكانت عشرة .. اخدت نفس وراحت لمكتب فؤاد دقت الباب واستنت جواب .. دخلت بكل ثقة ..: صباح الخير استاذ اطلع عليها يزن ..: تفضلي انسة قربت منو وفتحت الملف ..: راجعت الملف مثل ما طلبت .. بس حاسة في شي مو زابط .. حاسة في غلط بالتصاميم فؤاد وعيونو عالاورق اللي قدامو ..: حاسة !! رفع راسو واطلع عليها بنظرة ما قدرت تفسرها ..: انت مو موجودة هون لتحسي .. اذا ما كنتي متأكدة من شي لا تحكي غير لتتأكدي .. احساسك ما بلزمنا هون رجف قلبها وشعرت بشوية خوف .. حست حالها وقعت حالها بورطة .. بس سرعان ما استجمعت ثقتها وبلشت تشرح لفؤاد ويزن الغلط .. وشو الاقتراحات اللي عندها لتصحيح الغلط الموجود .. اطلع عليها يزن بإعجاب ..: شكلك يا جومانا حدا فاهم منيح ورح تكوني بمكانة عالية بالمستقبل جومانا بثقة ..: استاذ انا كنت الاولى على دُفعتي بالجامعة ومن قريب سلمت مشروعي التخرج وكان قريب نوعاً ما على هدا المشروع فؤاد بغرور..: مرتبتك الاولى ما رح تعملك شي اذا ما عندك خبرة يا انسة التفت للكمبيوتر ووجهلها الكلام ..: اعملي التعديلات عالمشروع بسرعة وكوني عالعشرة ونص هون مشان نروح عالاجتماع جومانا: حاضر استاذ طلعت جومانا من مكتب فؤاد وهي عم تشتمو بسرها دخلت لمكتبها ورمت الملف عالطاولة ..: مغرور وشايف حالو وقليل أدب ناديا : لك مين ؟ جومانا بغيظ ..: مين بدو يكون .. في غيرو قليل أدب هون ناديا بمسخرة … الاستاذ فؤاد .. بس ما بكون بهدلك كمان مرة جومانا : لي في عندو شغلة تانية يعملها بالحياة غير ييهدلني .. لك من اول ما شفتو وانا شتمت شتايم بكل عمري ما فكرت الفظها .. غليـــــــظ… يا ربي معي اقل من نص ساعة لعدل عالمشروع بلشت تشتغل عالمشروع وناديا كملت شغلها ___ بمكتب فؤاد اطلع يزن على فؤاد ..: لك لي هيك حكيت مع المخلوقة .. ما بعرفك قليل زوق هيك ابتسم قؤاد ابتسامة جانبية ..: تار قديم.. ضحك يزن عليه ..: ليكون عاجبتك البنت فؤاد: لا عاجبتني ولا شي .. بس بدها تكسير راس .. سيبني من سيرتها هلق .. شو الوضع بالشركة التانية يزن : من نص ساعة بعتلي معتز هاي التقارير .. حسب التقارير كل شي تمام والامور بخير .. لا تحمل همها .. معتز قد المسؤولية وانا متابع معو اول باول .. خلص خفف عن حالك انت كمان وركز هون احسن فؤاد: الله يمرق هالفترة على خير يزن: يلا نقوم للاجتماع كان رح يقوم بس رن موبايلو ..: ايوه .. شو صاير .. ووين المهندس حسام .. ماشي. انا جاي يزن : شو في !؟ حمل مفتاح سيارتو ..: في مشكلة بموقع البناء .. الالات وقفت وحسام مو موجود يزن : كيف مو موجود فؤاد: ما بعرف .. انا رايح .. انت ادخل عالاجتماع واعتذر بالنيابة عني يزن : لك وقف ما بصير .. انت المفروض تحضر الاجتماع واذا صار غير هيك العميل رح يعتبها اهانة بحقو .. انت بتعرف قدي اخدنا وقت لحتى نقنعو بشغلنا اخد فؤاد نفس ..: تمام .. روح انت وانا رح انهي الاجتماع باسرع وقت واجي عالموقع طلع يزن من المكتب بعد ما خبر ناديا تأجل اجتماعو وانطلق للموقع اندق الباب فؤاد : ادخل دخلت جومانا ومعها الاوراق ..: انا جاهزة استاذ اطلع عليها من تحت لفوق بإستفزاز : رح نستنى مدير الحسابات انغاظت من نظراتو الاستفزازية وقررت تحكي..: لو سمحت أستاذ ممكن اعرف شو سبب هالنظرات .. من اول ما شفتني عند الدكتور رأفت وانت نفس النظرات رجع رمقها بنفس النظرة .. وابتسم نص ابتسامة عصبت جومانا وحكت بنبرة صوت عالية شوي ..: استاذ لو سمحت ببرود قام من ورا المكتب .. حط ايدو بجيابو وقرب منها ..: شو اللي مو عاجبك بنظراتي جومانا : استاذ اذا وجودي هون مزعجك او مخليني هون غصب عنك انا فيني امشي قرب منها اكثر ..: غصب شو؟؟ ارتعبت جومانا من قربو ..: عنك ابتسم بوجهها ..: هدا شكل واحد بعمل شي غصب عنو !؟ ركزت بملامحو الجدية رغم ابتسامتو .. ونسيت كل شي وبقيت سرحانة بإبتسامتو الجذابة.. فقش باصابعو قدام عيونها ..؛ شو يا انسة وين صرتي ؟ طلعت من سرحانها ..: انا بعتذر .. انا برا شافها كيف توترت منو ومن نظراتو ولملمت حالها وطلعت .. ابتسم ابتسامة نصر ..: رح توقعي قريب .. وقريب حداً ____ طلعت من مكتبو بسرعة راحت للحمامات .. وقفت قدام المراي واطلعت عوجهها … كان احمر وحاسستو بغلي من الخجل ..: لك شبك يا هبلة .. من ايمت نظرة وابتسامة بتوترك هيك .. سرحت بالعدم .. وحكت .: لك الابتسامة .. شو هدا معقول في هيك .. متل ابطال الروايات ضربت حالها كف لتصحى ..: جومانا شبك .. هدا مديرك .. من اول ابتسامة وقعتي .. لك اصحي ..: مين هدا اللي وقعك بإبتسامة ولي خفيفة نقزت من الصوت …اطلعت حولها وما كان حدا بالحمام فتحت ناديا الباب وطلعت من التواليت ..: بس ما يكون اللي ببالي احمرت جومانا بزيادة وانربط لسانها راحت للتواليتات التانية فتحتها وتأكدت انو ما في حدا .. قربت منها ومسكتها من شعرها ..: لك يخرب بيتك ولي جومانا .. داخلة على حمامات الشركة وبتحكي مع حالك عن مديرك .. لتكوني مجنونة .. تخيلي كان حدا تاني غيري وسمعك جومانا بتوتر ..: انا انا .. انا ناديا : انت شو .. جاية لهون لتتمعشقي ولي سحبت شعرها من بين إيد ناديا ..: شو اتمعشق انت كمان .. انا ناديا بمكر..: طبستي مو .. لك هو للامانة مُز .. وبوقع اكبر انثى بجمالو ورجوليتو .. بس مو بهالسرعة .. اثقلي شوي رجعت خجلت اكثر ناديا بصدمة ..: بس ما تكوني اصفريتي واحمريتي هيك قدامو سكتت جومانا وهزت راسها ضربت ناديا على صدرها ..: يقصف عمرك يا بعيدة .. اغسلي وجهك خلينا نروح رح تتأخري عالاجتماع كانت رح تغسل وجها .. بس منعتها ناديا ..: لك لا لحظة لحظة يا هبلة اطلعت عليها جومانا بإستغراب ناديا بمسخرة ..: انا اسفة .. بعتذر اني طلبت منك تغسلي وجهك جومانا : لي في شي ناديا بمسخرة ..: ما تكوني مفكرة مكياجك من اغلى الماركات وضد المي .. هلق اذا غسلتي وجهك بتطلعي متل الحردونة .. خلص خليكي هيك بلا ما يشوف خلقتك بلا مكياج وينصدم ضربتها على كتفها بخفة ..: اساساً انا مع وبلا مكياج بجنن ناديا بإستهزاء..: حردونة .. روحي خلصيني طلعت جومانا من الحمام وتوجهت مرة تانية لمكتب فؤاد وقفت بسرعة بس سمعت صوتو بالممر فؤاد: شو يا انسة .. بدنا نبقى كل النهار ناطرينك ؟ خجلت جومانا ..: لا أستاذ كان فيك تبدا بدوني فؤاد بنبرة كلها غرور ..: ما تكوني مفكرة الشغل واقف عليكي .. اكيد فينا نبدا بدونك بس حضرتك يا انسة حاضنة الاوراق .. ما فينا نبدا بلا الملف والاوراق إحمر وجهها ونزلت عيونها ..: بعتذر فؤاد: من اول النهار صرتي معتذرة الف مرة .. روقي شوي ____ بعد ساعة ونص خلص الاجتماع .. طلع فؤاد من غرفة الاجتماعات ومعو مدير الحسابات والمحامي ووراه جومانا وقف فؤاد مرة وحدة وهالشي خلى جومانا تصطدم فيه لانو كان عيونها بالاوراق ومو شايفة قدامها جومانا بإرتباك ..: بعتذر استاذ ما كنت منتبهة .. ابتسم فؤاد ..: تفضلي عمكتبك راحت جومانا عمكتبها وبقي فؤاد واللي معو المحامي : ايمت توظفت هاي الموظفة عندك فؤاد: من شي شهر المحاسب : للصراحة انا لسا مصدوم .. كيف قدرت تقنع العميل بالتعديلات .. لا وفوقها كمان بدو يدفع زيادة وهو مبتسم وراضي ابتسم فؤاد بوقار ..: هدا موا إعجاز .. هدا ببساطة شغلها المحامي : يعني لسا هي تحت التدريب .. انا برأيي تثبتها فؤاد: عسيرة التثبيت .. جيبلي اوراق التوظيف وتعال لعندي بدي عدل بالبنود شوي المحامي: تمام عشر دقايق رجع لمكتبو وبعد عشر دقايق دخل المحامي المحامي: هاي اوراق التوظيف .. شو رح تعدل عليها اخد فؤاد الاوراق وابتسم ابتسامة جانبية..: حط بهدا الملف شرط بحالة الاستقالة دفع كل مستحقات التأمين والصحة ومبلغ ٥٠ الف المحامي : بس هيك كتير .. ونحنا ولا مرة كتبنا هيك بمبلغ بعقد التوظيف فؤاد: انت شفت قدرتها .. وصراحة هيك موظفة ما رح استغني عنها بسهولة استغرب المحامي قرارو ..: حاضر .. مع انه حاسس رح يكون في ظلم للموظفة .. فؤاد: انت اعمل اللي بقلك عليه وخلص .. ___ بعد أيام وقفت سيارة التاكسي مقابل مدخل الشركة نزلت جومانا ومعها ناديا .. دخلو للشركة ناديا بنشاط ..: اما شفتيلي هالاستاذ يزن .. والله متل قطعة السكر .. جومانا بغيظ ..: ناديا في حدا بقوم من على بكرا جوعان حكي هيك .. لك افصلي .. من اول ما ركبنا بالتاكسي وانت تحكي ما سكتي ابداً .. ناديا : لك تضربي من بين الرفقات .. كيف في رفقات بتجمعو من الصبح مشان الدواوين .. وانت مو طايقة مني كلمة ضغطت جومانا على زر المصعد .: كلمة .. كلمة يا ناديا .. لك انت ما سكتي .. ما اخدتي نفس .. وفري حكياتك الحلوة للنهار .. لسا الدنيا صبح ناديا بمزح ..: لا تخافي ما راح انقطع من الحكي .. بلاقي كتير قلبت جومانا عيونها ..: الله يصبرني .. التفتت ناديا بعيونها ..: لك شوفيلي هالموظفين .. ما في حدا طايقنا .. تقولي قاتلين قتيل لواحد منن .. شبهن جومانا بفخر ..: لكن حبيبتي .. هون ما بتعين غير اللي عندو خبرة خمس سنين .. وانا وانت وظفنا الأستاذ فؤاد هون بلا خبرة ساعة وحدة حتى لفت ايدها حول رقبتها ..: الله حيو .. كلو من يباسة راسك مع المدير .. يخليلي العنيد انا ركبو المصعد وتوجهو لمكتبن دخلو المكتب وكل وحدة قعدت خلف مكتبها رفعت ناديا سماعة التلفون ..: ام مازن جبيلنا قهوة وواحد نسكافي بلاك .. ايه بلا سكر .. شكرا دقايق وكانت الاذنة جايبة القهوة اخدت رشفة..: ايه.. هلق الواحد بعرف يصحصح ويحكيلو كلمتين قلبت جومانا عيونها ونفخت ..: لك اشتغلي .. تعي لهون .. في مهمة كلفك فيها الاستاذ يزن خلصتيها رفعت ايدها لورا راسها ..: لا لسا .. عشو مستعجلة جومانا : انا مستعجلة .. لا انا شو دخلني .. بس لاني رفيقتك وواجبي انصحك .. فبحب انصحك واقلك اذا هلق الاستاذ يزن طلب الملف ولقاه مو جاهز .. رح تتبهدلي ابتسمت ناديا بإستهزاء ..: لا تخافي ما رح يبهدلني .. اساساً ما لاحظتي طريقة تعاملو معي قدي مختلفة عن باقي الموظفين جومانا : انا واجبي انصحك .. انت حرة كملت جومانا شغلها وناديا بقيت تشرب قهوة مرق دقايق .. رن تلفون ناديا ..: نعم .. لوت تمها ..: اهلا انسة ريماس .. لا لسا بشتغل عليه .. ما بلحق اليوم .. بدي كمان وقت .. اوك خبريه ما في مشكلة نزلت السماعة اطلعت عليها جومانا ..: قلتلك ناديا ببرود ..: ما رح يعمل شي جومانا: ما رح دافع عنك من هلق بقلك بلشت تتغير ملامحها ..: رح يبهدلني هزت جومانا راسها بدون ما تجاوب حملت ناديا الملف وتوجت لعندها بتوسل ..: حبابة ساعديني جومانا : سوري .. عندي شغل .. من الصبح وانا عيد وزيد بنفس الحكي وانت مطنشة .. ناديا بتوسل ..: حبابة مو انا رفيقتك الوحيدة دبلتلها عيونها قلبت جومانا عيونها وحكت بتأفف..: أمري لله .. هاتي الملف اعطتها الملف ورجعت لمكتبها تكمل فنجان القهوة جومانا بغضب ..؛ شو حبيبتي .. قلتي ساعديني مو اشتغلي عني وانا بشرب قهوتي رمت الملف عليها ..: خدي طبشي راسك .. صحيح ما بتنعطي وجه قلبت ناديا شفافها .: انا بحل اموري .. هلق بتشوفي جومانا: وكيف بدك تحلي امورك ناديا بثقة..: انا بقلك .. لانو واضح انو الاستاذ معجب فيني جومانا: حلو وبعدين .. شو علاقة اعجابو بالشغل نازيا: بعني ما رح يرضى حدا يحاسبني ناديا : بس الرجال ما بربطىا الاعجاب والحب بالشغل .. بنسبة الن كل شي لوحده .. والشغل اهم من اي شي ناديا : هدا الحكي بنطبق عكل الرجال .. يزن ما بعتقد ثواني وكان يزن داخل للمكتب متل الاعصار .. وقف مقابل مكتب ناديا وصرخ ..: شو يا انسة .. من الاسبوع الماضي والملف عندك وعلى اساس تنهي .. لي لسا ما سلمتي وقفت ناديا وجومانا مرعوبات يزن بصراخ ..: ما عم اسمع جواب .. لي لهلق الملف مو جاهز ناديا بخوف ..: استاذ .. جاهز جاهز .. بس اعطيني ساعة وبكون عندك يزن بعصبية ..: اسبوع وما جهزتي .. بدك تقنعيني انك رح تنهي بساعة اتدخلت جومانا ..: استاذ اقل من ساعة وبكون عندك .. رح نشتغل عليه هلق لا تقلق ضرب عالمكتب ..: نص ساعة وبكون عندي .. الاجتماع كمان ساعة .. انا بتمنى يكون جاهز لانو ما حاب تشوفي وجهي التاني انت ورفيقتك طلع من المكتب متل ما دخل قعدت جومانا بعد ما حست برجليها ما عاد حملوها ..: الله لا يوفقك يا ناديا .. سببتيلي بهدلة من ورا اهمالك .. اعطيني هالمضروب لشوف هالمصيبة .. بدو ياه بنص ساعة .. يا ربي .. بس ما يدرى الاستاذ فؤاد .. والله لنتعلق من ورا غبائك قربت ناديا منها وهي بترجف اطلعت عليها جومانا ..: شبك .. من شوي كنتي يا ارض اشتدي محدا قدي ناديا بتأتأة ..: اخرسي .. اخخخرسي .. اشتغلي عالسكت سكتت شوي وبعدها همست ..: بتقولي سمعني!! اخدت الملف منها وفتحتو .. توسعو عيونها ..: اشوف فيكي يوم يا ناديا يا بنت مديحة .. لك والله لنتقلع وانشالله يكون سمعك لحتى تتبهدلي ناديا. : حاج تندبي .. ابدي فيه من تم ساكت سكتت جومانا وبلشت شغل بالملف .. بعد نص ساعة رن تلفون المكتب .. ارتعبت ناديا ..: جاوبي انت .. قوليلو ناديا ماتت قامت جومانا وجاوبت ..: نعم .. نعم استاذ .. ايه جاهز .. ناديا رح توصلو لحضرتك .. تمام .. شالت السماعة عن ادنها ..: قفل الخط بوجهي .. اشوف فيكي يوم يا ناديا يا بنت مديحة .. قومي لمكتبو شكلو راكبتو الجنونة .. بدو الملف ليراجعو قبل الاجتماع ناديا بخوف ..: حبابة خديه انت .. رجلي ما عم تحملني .. رمت الملف قدامها ..: ما اللي صالح .. طالبك بالاسم قومي انت حملت ناديا الملف وقامت …: كل العالم متآمر عليي .. يا ربي انا مسكنية.. حسبي الله .. حسبي الله ضحكت جومانا على ناديا ..: افردي ظهرك وخليكي قوية .. الله معك .. بآمان الله ضمت الملف لصدرها وتوجهت لمكتبو وقفت مقابل السكرتيرة ..: الاستاذ موجود ابتسمت السكرتيرة ابتسامة شماتة ..: ايه جوا ناطرك كزت ناديا على اسنانها ..: شمتانة ما .. لا تشمتي كتير بلا ما حطك ببالي السكرتيرة : ايدك وما تعطي .. ادخلي شكلو مو طايقك ابداً .. صحيح يا غبية شو حاكية عليه الشركة كلها مطبولة طبل بكلامك الفارغ ناديا : اخرسي ما الك علاقة اخدت نفس وشدت الملف لصدرها اكتر ودقت الباب سمعت الاذن من جوا دخلت ولسا رجليها برجفوا تقدمت من مكتبو ببطئ وحطت الملف عالمكتب وحكت بصوت يا دوب مسموع ..: تفضل استاذ .. الملف جاهز اطلع عليها ولاحظ توترها ..: شو قلتي ما سمعت بلعت ريقها وهمست ..: جاهز .. استاذ الملف استاذ جاهز يزن بمسخرة ..: شبك داخلة ببعضك .. من شوي لسانك ما كان يقبل يفوت لحلقك رفعت راسها ..: استاذ كل كلمة نقلتلك ياها هالشرنة ريماس غلط .. انا ما حكيت شي يزن بخباثة… : لكن شو حكيتي؟ شبكت اصابعها بتوتر ..: لا تصدقها استاذ قام من مكانو وتوجه لعندها ولف حولها ..: بس مو هي اللي حكتلي همست ناديا بخوف ..: لكن جومانا قرب منها يزن ..: تسؤ تسؤ مو جومانا انربط لسانها ونفسها تخربط من قربو يزن بهمس جنب اذنها ..: انا سمعتك بادني .. ما حدا قلي .. سمعتك وانت تقولي لرفيقتك اني اكيد معجب فيكي .. واضح عليي هالشي توسع عيونها وشتمت حالها بافضع الشتايم بسرها بعد عنها شوي ..: كيف اكتشفتي عالاكتشاف العظيم !! شبكت اصابعها ببعض ..: لا استاذ اكيد انت مخربط .. انا مستحيل احكي هيك .. يعني مين انا ومين انت .. انا ما برضاها اساسًا .. ضرب عالطاولة بغضب مصتنع ..: من ورا هالدواوين والكلام الفارغ عم تطلع اشاعات عني بالشركة .. هدا اول واخر تحذير الك .. اذا عاد بسمع هيك اشاعات رح قلعك من هون .. تفضلي عمكتبك تملو عيونها دموع واطلعت فيه نظرة ما قدر يفسرها .. نزلت راسها بخجل ..: بعتذر استاذ .. ما رح تتكرر طلعت من المكتب ركض وتوجهت لمكتبها قعدت ورا المكتب وحطت راسها عالطاولة وما في غير صوت شهقاتها خافت جومانا عليها ..: ناديا شبك .. لي عم تبكي .. ما يكون الاستاذ يزن تقل العيار هالمرة .. ناديا شبك حبيبتي .. لك ناديا رفعت راسها والدموع على الخدودها ..: سمعني وانا اقول انه معجب فيني .. وبهدلني .. ولا طلع معجب ولا شي .. وانزعج مني وقال اني بطلع اشاعات عنو جومانا بخباثة ..: ولي لينزعج او لي الموضوع هالقد مهم عندو صفنت ناديا بعيون جومانا ..: شو قصدك جومانا : ما بعرف .. بس من الاساس اذا هو مو معجب ولا بهمو الامر لي ليحكي معك بالموضوع .. اذا ما بهمو ما بفرق معو .. وهو اساساً لا خاطب ولا مجوز .. شو معنا ناديا ببلاهة ..: شو معناه مشت جومانا بالمكتب وهي حاملة القلم بإيدها وبتشرح فيه ..: متل الروايات .. معنا بجر ناعم معك وبدو يفتح احاديث وسيّر وهيك لحتى يبين حالو انو ارتحلك ويكشف قدامك انو معجب فيكي ناديا بقهر..: عليكي وعلى رواياتك اللي مخربة بيتك .. اهدي اهدي ولا مشهد من مشاهد روايات زبط معك .. هلق جاي تعطيني حكم ومواعظ جومانا بتحدي ..: بدك نتراهن ناديا بقهر ..: اخخخ بهدلني .. بهدلني جومانا : الحب من اول بهدلة … ضحكت بصوت عالي ناديا بشماتة ..: متل بهدلتك انت مو اطلعت عليها جومانا ..: عم بتشمتي فيني ناديا : ويا ريت طالعة بشي من ورا هالبهادل .. خلص اسكتي احسن مو ناقصني حكم ومواعظ _____ بعد فترة كان قاعد بمكتبو حاسس بضيق بصدرو .. في شي كاتم على نفسو ومو عارف السبب اندق الباب فؤاد : تفضل دخلت جومانا وبإيدها ملفات .. قربت من المكتب وحطت الملفات عالطاولة ..: استاذ .. هاي الملفات اللي طلبتها .. راجعت كل شي وجاهزات للاجتماع فؤاد : تمام تفضلي فجأة رن تلفونو .. اطلع عالرقم .. استغرب لما شافو رقم دولي .. فتح الخط ..: الووو .. نعم انا فؤاد العامري .. ايه انا اخوه.. شوووو .. جرعة مخدرات زايدة !! قام عن الكرسي ..: ايمت صار هالشي .. وين هو هلق .. تمام تمام .. رح اخذ اول طيارة واجي .. سلام قعد عالكرسي بتعب رجع ظهرو واخد نفسو بصعوبة اطلعت عليه جومانا بخوف ..: استاذ .. استاذ فؤاد .. في شي بلش العرق يتجمع على جبينو وصار ياخد نفسو بصعوبة قربت منو جومانا بخوف .. فكت اول زرين من القميص ..: استاذ .. استاذ .. خد نفس .. خد نفس عميق اخدت كاسة المي اللي كانت جنبو وحاولت تشربو .. شرب شوي كبت الباقي على ايدها ومسحت وجهو ..: استاذ .. تنفس .. اطلع عليها بعيون دبلانة ..: انا منيح حطت ايدها على وجههو بخوف ..: اطلبلك دكتور مسك ايدها وقامها عن وجهو ..: انا منيح لا تخافي جومانا بقلق ملحوظ..: شو صار .. شو هدا التلفون اللي اجاك.. في شي … وشو علاقة المخدرات .. شبو اخوك أستاذ .. اطلع عليها بعيون دامية ومسكها من ايدها وسحبها لعندو بغضب ..: كل كلمة سمعتيها هون بتدفنيها هون .. واذا بعرف انك حكيتي كلمة من اللي صار.. يا.. سكت بعد ما شاف الدموع بعيونها .. ترك ايدها ..: عمكتبك بعدت عندو ..: اسفة .. ركضت للباب وتوجهت لمكتبها .. مسك تلفونو واتصل لشركة السياحة ..: بدي حجز لمالطا اليوم .. شو يعني ما في .. ما بعرف هاي مشكلتك .. خلال ساعة بدي التكت مو ضروري طيارة وحدة .. تنتين تلات عشرة مو مهم .. حمل اغراضو وطلع من المكتب وقف مقابل مكتب جومانا وعيونو عليها .. رفعت راسها وشافتو بطلع عليها بنظرات غريبة .. نزلت عيونها بخوف وكملت شغل توجه للمصعد وبعدها للسيارة وانطلق ____ بعد اسبوعين قدم جوازات السفر للموظف الموظف : فؤاد العامري وحسن العامري .. انتو مع بعض فؤاد : نعم الموظف : شو كنتو تعملو بمالطا فؤاد : سياحة ختم الموظف على الجوازات ورجعن لفؤاد ..: حمدلله على السلامة هز فؤاد راسو ومسك حسن ومشوا بعد ساعة وصلو لللبيت .. نزلوا من السيارة مسك فؤاد زند حسن وسحبو للبيت دخلوا للصالة ودفشو عالارض ..: تفضلي امي هدا ابنك عندك ركضت لعندو بخوف ..: يكسر ايديك .. لي هيك عملت فؤاد بغضب ..: حابة تعرفي لي هيك عملت .. اسألي .. تفضلي ليكو قدام عيونك .. قلها لامك لي لحقتك متل المجنون لمالطا .. احكي لامك شو كنت تعمل بمالطا هيام بصراخ ..: شو ما كان عامل ما بسمحلك تمد ايدك عليه .. بكسرلك ياها فؤاد بغضب ..: اكسري ايدو لابنك الدلول .. ابنك كان مرمي بعيادة مقززة بعد ما اخد جرعة زايدة من المخدرات .. كان رح يموت ..او ينسجن بمالطا .. لولا معارفي كان ما شفتيه مرة تانية .. يلا اشوف شو رح تعمل قامت والغضب بعيونها وضربتو كف على وجهو ..: وصلت فيك الكراهية لتتهم اخوك بهيك اتهام اطلع عليها بعيون بتقدح شرر ..: كراهية .. أي كراهية .. اذا كان كلام صحيح وكنت بكرهو لابنك الدلول كنت تركتو بالمكب اللي كان فيه .. بتعرفي امي خلص .. انا طالع كان رح يمشي .. بس رجع التفت على امو …: ما رح احكي شي غير انتبهي لابنك.. ابنك عم يدمر مستقبلو ورح تخسريه امي اطلع على حسن ..: من اليوم ما في مصروف .. واي شي بدك ياه امي بتجيبو .. واذا بتكرر الشي الي عملتو رح بلغ عنك .. امي نصيحة روحي عالجي طلع من البيت وما في غير شهقات امو بادنو ركب سيارتو وصار يلف بالشوارع بدون هدف فجأة غير طريقو وتوجه للشركة بعدما اجت صورة اللي شاعلة بالو قدام عيونو وقف السيارة بالموقف ونزل… دخل بكل ثقة لشركة .. وصل للطابق الثالث .. وقف قدام مكتبها وما كانت موجودة .. استغرب وكمل طريقو وصل لمكتب السكرتيرة الخاصة فيه ..: ما بعرف ايمتى برجع .. بس والله المكتب بدونو صعب .. لك لا شو عصبي .. الاستاذ فؤاد رواق كتير .. لك متخيلة ما سمعت صراخو ولا مرة من اول ما تعينت .. اطلع عليها كانت عم تحكي بالتلفون وتحط حمرة شافتو واقف قدامها .. رمت الحمرة وسكرت التلفون .. وقفت بسرعة ..: حمدلله على السلامة اطلع عليها وابتسامة عوجهو ..: كملي كملي .. تركها ودخل للمكتب رفع سماعة التلفون وطلب يزن ..: ايه يزن .. تعى لمكتبي .. ايه رجعت .. هلق وصلت .. تمام دقايق وكان يزن بالمكتب يزن: شو هالسفرة المفاجئة هاي .. كيف بتسافر بلا ما تخبرني فؤاد : هوب هوب .. شبك.. حسن كان بمالطا وتعب .. رحت لعندو يزن؛ ايه .. وكيفو هلق … انشالله صحتو منيحة فؤاد : حمدلله بخير .. يزن : حمدلله على السلامة فؤاد: شو الوضع هون .. مشيت كل الامور بغيابي يزن بتردد .. : ايه كل شي تمام ... حكى معي عادل الصايغ .. وطلب يجتمع معنا قريب .. فؤاد بحماس ..: عادل الصايغ .. خبر حلو .. شو رديت عليه يزن: هو حدد الموعد على حسب جدول اعمالو للاسبوع الجاي .. صراحة كنت خايف ما تكون رجعت وحضرتك ما كنت تجاوب عالتلفون فؤاد : حصل خير .. لكن خبر فريق سامح مشان الاجتماع ويجهزو الافكار يزن بتوتر ..: منيح انك فتحت الموضوع فؤاد : اي موضوع ..! يزن : فريق سامح .. الموظفة اللي مع سامح قدمت استقالتها رفع حاجبو ..: استقالة .. مين يزن بخباثة..: انت شو عامل للمخلوقة اصتنع فؤاد الغباء ..: عامل مع مين .. مو لاعرف بالاول مين اللي قدمت استقالتها يزن بعصبية ..: لا تجنني فؤاد .. جومانا الموظفة اللي بفريق سامح .. قدمت استقالتها وكتبت بالاستقالة انها ما بتشعر بالراحة بالشركة وحاسة بضغط نفسي وعم تتعرض للاهانة فؤاد ببرود ..: وانت وافقت عالاستقالة ..؟ يزن : لا .. قلت بس تيجي انت بتوقع .. فؤاد : وينها هلق يزن: من اسبوعين ما اجت عالشغل .. اجازة مفتوحة بدون راتب لحتى ترجع انت فؤاد : لكن جيبلي ياها يزن بغباء ..: مين جومانا من وين بدي جيبها .. هلق بدقلها لت.. فاطعو بحدة ..: الاستقالة يا غبي .. شو بدي بالموظفة .. بدها تستقيل الله معها .. يزن بصدمة ..: شو .. فؤاد بخباثة ..: حاكيها وخبرها بموافقتي على استقالتها بس بطريقك خبرها انه في شرط بالعقد .. خليها تطلع عليه وبعدها بتقرر اذا بدها أوقع الاستقالة بشكل رسمي يزن : شرط شو .. فؤاد : ابعثلها عقد التوظيف وخبرني شو بصير معها .. وبطريقك خبر سامح بالاجتماع .. طلع يزن من المكتب رجع ظهرو لورا ورفع ايده فوق راسو ..: كنت عارف اني رح استخدم الشرط ضدك يا جومانا بس مو بهالسرعة.. _____ بمكتب يزن يزن : يا انسة انا ما اللي علاقة .. المسألة ما بدها صراخ .. نسخة العقد عندك راجعيه .. واي مشكلة بفضل تتوجهي للمدير او تيجي الشركة لحتى نحلها .. أي مؤامرة .. هل برأيك نحنا بالشركة عنا وقت لنعمل مؤامرات .. انسة جومانا الاستقالة على مكتب المدير .. انا خبرتك بكل شي قالو .. شوفي شو مناسب واعمليه .. سلام الله معك رمى التلفون عالطاولة ..: فؤاد كل خبصة بخبصها بتيجي براسي .. بلعب مع البنت بس وفار .. انا متأكد عاملا شي .. مو معقول اصرارها عالاستقالة .. ولي .. هلق بتشوف العقد والشرط .. الله يستر اطلع بملف العقود .. فتح الملف الخاص بناديا وقلب فيه للحظة انصدم ..: يخرب بيتك يا فؤاد .. شو هدا اللي عاملو قلب بكل العقود لكل الموظفين ..: يعني عاملها بالقصد .. حمل الملفات وراح لعند فؤاد رمى الملفات عالطارلة ..: يعني انت قاصد اللي عملتو مع البنت اطلع عالملفات وفهم انو يزن عرف بعملتو .. اطلع عليه ببرود ..: مشالله نبيه .. يزن : يخرب بيتك عهيك عملة .. لك ما تكون عاجبتك البنت سكت فؤاد وما رد يزن بمسخرة ..: ايـــــه عاجبتك ما في شك .. لك يا بني ادم .. اذا عاجبتك روح قلها لشو عم تتمقطع فيها للبنت .. لشو حركات المراهقين هاي رفع فؤاد ايده ورا راسو ..: لا عاجبنتي ولا شي .. بس بدها تكسير راس .. من اول ما دخلت لهون وهي راسها كبيرة وفرحانة بمرتبة الشرف وكنت عارف رح تعمل هيك بيوم .. قلت لاخد احتياطي معها .. هاي الالاعيب كلها بعرفها انا مو صغير اطلع عليه بخباثة ..: الاعيب قلتلي .. برافو .. لكن لخبرك .. انا حكيت معها وخبرتها بالعقد .. خلال ساعة رح تكون فوق راسك وتاكلك باسنانها .. ومن واقع خبرتي بالحياة .. اللي متلها ما بفرق معو شي .. وشوف كلامي كيف رح يطلع مزبوط قرب حالو من الطاولة وشبك ايده ..: واذا واقع خبرتك طلع غلط .. يزن : بعطيك اللي بدك ياه . بس لا تستخدم اساليب رخيصة لتثبت نظريتك رفع حاجبو ..: بالحرب كل الاسلحة مباحة ..عمكتبك يزن بمسخرة ..: لكن جهز حالك للحرب طلع وضحكتو بكل المكتب فؤاد : اضحك اضحك .. الشاطر اللي بضحك بالاخر بعد ساعة ونص وصلت للشركة والغضب بعيونها وقفت قدام مكتب السكريترة ..: وينو اطلعت فيها السكريترة بإستغراب ..: مين جومانا بغضب ..: مديرك السكريترة : بمكتبو .. تفضلي تركتها ودخلت .. السكريترة بهمس ..: نفسي افهم عشو شايفة حالها هاي .. محد عمل مشروع غيرها .. يا ربي الواسطات شو بتعمل دخلت للمكتب بدون ما تطرق الباب .. دخلت متل العاصفة رمت الملف من ايدها عالطاولة عندو ..: شو هدا اطلع ببرود ..: عقد توظيف جومانا بغضب ..: ولي في شرط جزائي بالمبلغ هدا بعقد التوظيف .. من ايمتى في هيك شي قام من مكانو وتوجه لعندها ..: هاي شركتي وانا حر .. انت وافقتي ووقعتي.. ما ذنبي اذا وقعتي العقد بدون ما تقرأي البنود جومانا بغضب ..: ما كنت بعرف فؤاد : وهلق عرفتي .. شو بدك تعملي .. جومانا : انا مصرة على استقالتي .. ما برضى ابقى بمكان كل الوقت بتعرض فيه للاهانة .. وما رح ادفع الشرط الجزائي .. واعمل اللي بدك ياه .. واذا بدك قدم الاوراق للمحكمة ما بتفرق كانت رح تمشي .. كان اسرع منها ومسكها من ايدها وقربها عليه لدرجة ما عاد مسافة بينها وبينو اطلع بعيونها ..: وليش المحاكم اذا القضية بتنحل بإعتذار من مديرك عالغلط اللي عملو اطلعت بعيونو بتوتر ..: استاذ نقل عيونو بين عيونها وشفافها ..: بعتذر على تصرفي .. ما كان قصدي .. الشي صار غصب عني .. زادت دقات قلبها من قربو وصار واضح التوتر على ملامحها .: تم.. تماا .. تمام استا.. أستاذ اطلع عليها وشاف خصلة من شعرها نازلة على جبينها .. مد ايدو ورفعها .. تخربطت أنفاسها لاحظ توترها وبعد عنها ..: عمكتبك .. وما رح حاسبك على تغيبك عن الدوام وتعطيل العمل جومانا : شكراً .. شكراً استاذ طلعت من المكتب ركض لمكتبها ابتسم فؤاد بخباثة ..: انحلت القضية بدون خسائر __ بعد يومين كان قاعد بمكتبو دق تلفون ليزن ..: ايه يزن تعى لمكتبي شوي .. تمام دقايق وكان يزن بالمكتب يزن : خير .. فؤاد : اطلبلي دعوة للافتتاح باسم الموظفة الجديدة يزن بخباثة ..: أي موظفة جديدة .. فؤاد: هلق لا تبلش ظرافة .. ما رح تيجي معي للافتتاح يزن: لي يا حبيبي .. بدك تاخد حدا اهم مني باش فؤاد يتوتر ..: لا .. بس كيف بدنا نترك الشركة نحنا الاثنين اطلع عليه بطرف عينو ..: تمام تمام .. ..( غمزو ).. فهمت عليك فؤاد بغيظ ..: شو فهمت يزن بخباثة ..: بس تكبر بقلك .. هلق ببعتلك الدعوة باسم الموظفة اللي فضلتها عليي .. يا مدييير كز يزن على اسنانو ..: لك كـــاشفك انا طلع يزن رفع سماعة التلفون ودق للسكريترة ..: وصلت جومانا .. خليها تيجي لعندي دقايق وكان الباب عم يندق..: ادخلي جومانا : طلبتي استاذ!؟ بدون ما برفع راسو ..: حضري حالك بعد يومين رح نروح للشمال .. رح نحضر افتتاح الفندق الجديد شبكت حواجبها بعدم فهم ..: ما فهمت اطلع عليها ..: شو اللي مو مفهوم بكلامي حطت اصبعها عصدرها ..: انا اسافر..( ضحكت ببلاهة ).. كيف يعني .. فؤاد : شو تسافري .. كلو مشوار للشمال يوم واحد ورح نرجع على اخر النهار جومانا : حاضر استاذ ابتسم : جهزي حالك جومانا : يعني رح نرجع بنفس النهار فؤاد: لسا ما بعرف .. اذا مو بنفس النهار معناه تاني يوم الصبح هزت راسها ..: حاضر استاذ .. بتريد شي تاني ..بالاذن طلعت من مكتبو وافكار تاخدها وتجيبها دخلت لمكتبها وقعدت عالكرسي مقابل المكتب ناديا : شبك .. في شي .. ما يكون بهدلك كمان مرة هزت راسها ..: لا .. بدو مني رافقو لافتتاح الفندق بالشمال ناديا : وشبك هيك جومانا: شو بدي قول لابي .. ما رح يوافق انت بتعرفي عقلو .. وانا ما بدي ضيع عحالي هيك فرصة قربت منها ناديا وغمزتها ..: حابة تروحي مع الاستاذ فؤاد .. اي والله فرصة ما بتتعوض انغاظت منها ..: شو روح معو وشو فرصة .. ما بدي ضيع عحالي فرصة التعرف على كبار رجال الاعمال يا هبلة .. انت فاهمة افتتاح هيك فندق شو رح يكون فيه رجال اعمال .. يا ربي ناديا بخباثة ..: بسيطة انا بقلك شو تعملي .. قربت منها وبلشت تفهمها شو تعمل __ رجعت عالبيت .. دخلت ومتل كل يوم ما في غير رائدة بالبيت دخلت لعندها عالمطبخ .. حضنتها وطبعت بوسة عخدها ..: كيفو الحلو رائدة : بخير نشكر الله .. شو اليوم راجعة مشقرقة .. خير شو في شدتها من ايدها وهمست ..: الك ولا للديب اطلعت رائدة حولها ..: خسى الديب سحبتها من ايدها واخدتها لغرفتها .. قعدتها عالتخت ونزلت على ركبها وهمست ..: بدي روح مع مديري على افتتاح الفندق اللي بالشمال .. بتعرفي قدي تعبت عالمشروع ولازم كون موجودة مع الاستاذ فؤاد .. وبدي تغطي عليي ابتسمتلها ..: انا طلاقي على ايدك يا بنت يولندا.. شو المطلوب جومانا بهمس ..: ولا شي .. بنفس اليوم تقولي انو اهل ناديا مو بالبيت وطلبتي مني نام عندها رائدة: واذا شافو اهل ناديا بالحارة جومانا : لا تخافي .. اساساً اهلها مسافرين وهي عند بيت جدها .. يعني ما في حدا منن هون رائدة بمزاح ..: حابكتيها منيح رفعت راسها بتكبر ..: هاي لاني بنت حلال .. الله سهلي اموري رائدة : خلص ولا يهمك اعتبريه حصل قربت عليها وحضنتها .. يسعدها ماحلاها ____ بعد بيومين صحيت جومانا من النوم بكير على غير العادة .. جابت اكبر شنطة عندها بتنحمل عالظهر وحطت فيها بنطلون اسود وبادي اسود مع جاكيت .. اختارت شي يكون مناسب للافتتاح .. اخدت علبة الميك اب وكم شغلة بتلزمها .. جهزت حالها للدوام وطلعت دخلت للمطبخ وصبحت عاهلها وغمزت رائدة فهمت رائدة واستغلت عدم وجود يامن وحكت : ابو رياض .. اذا بتسمح لجومانا تروح تنام عند ناديا اليوم .. اهلها مسافرين وما بدها تبقى لحالها ابو رياض : لا .. قوليلها تيجي هي لهون رائدة : ابو رياض كلك مفهومية .. في عنا شباب بالبيت .. كيف بدها تيجي البنت لهون .. ما بصير .. ولا تقلق انا رح مر لعندن بالليل قبل لينامو وبطمن اقتنع ابوها بكلام رائدة ..: تمام روحي قربت جومانا على رائدة وباستها.. ولعند ابوها وباست ايدو .. : ادعولنا _____ وصلت للشركة توجهت لمكتبها .. دخلت ناديا للمكتب ..: طمنيني شو صار جومانا بفرح ..: تم بنجاح ناديا : جهزتي اغراضك !؟ جومانا بإستغراب ..: شو بدي جهز .. كلو بنطلون وجاكيت ناديا : ما جبتي فستان جومانا بإستغراب ..: فستان .. شو انا رايحة على حفلة .. كلو افتتاح قلبت عيونها ..: شوووو .. صحيح ما انت كل يومين بافتتاح .. خلص خلص البسي شو بدك رن تلفون المكتب ..: نعم .. ايه استاذ جاهزة حملت شنطتها واغراضها وطلعت ومشت لعند الباب وقفت فجأة ..: ناديا .. لي ماخدني انا .. ناديا بخباثة..: هلق اتذكرتي تسألي هالسؤال .. مشان تتعرفي على رجال الاعمال غمزتها ..: روحي حبيبتي روحي توجهت لعند مكتب فؤاد وافكار مخربطة براسها طلع من مكتبو وشافها واقفة ناطرتو .. وقف عند السكرتيرة واعطاها شوية تعليمات اطلعت عليه .. لاول مرة بتسمحت لحالها اتدقق بملامح وجهو .. اطلع عليها وعشفافو ابتسامة ..: جاهزة ركزت بإبتسامتو وبعدها وعيت على حالها وهزت براسها تخطاها ومشى..: يلا .. قدامنا طريق طويل وصلو موقف السيارات .. اخد منها الشنطة وحطها بشنطة السيارة ركبت ومسكت تلفونها وصارت تقلب فيه وكل تفكيرها بسؤال واحد ( لي هي) ارتبكت شوي بس بعدها اخدت نفس وقامت كل الافكار السيئة من راسها ركب جنبها ..: شبك .. تعبانة شي؟ هزت راسي بنفي شغل السيارة وانطلق بعد نص ساعة مشي بالسيارة .. كانو بالطريق برا المدينة .. شارع مقطوع وما في حدا تقريباً حل الصمت على الجو .. وما في غير صوت اظافر جومانا اللي ظاهر وهي تقلب بشاشة التلفون اطلع عليها وحس بتوترها ..: شبك متوترة هيك .. في شي انا ما بعرفو .. كنتي متحمسة كتير انزعجت كتير لانو حس بتوترها وارتباكها..: لا استاذ .. ما في شي .. بس انا بتعب من السيارة فؤاد بقلق ..: بدك وقف شوي وتنزلي ترتاحي .. او افتحلك الشباك جومانا بنفي ..: لا استاذ .. عم حاول هدي حالي فؤاد: اذا حسيتي حالك تعبتي قوليلي بوقف .. عكل حال كمان عشرين دقيقة بنصل لاستراحة .. اخدت نفس ..: تمام وصلوا للاستراحة وقف فؤاد السيارة ..: بدك تشربي شي معين جومانا بتوتر ..: نسكافي بلاك ابتسملها ..: حاضر نزل من السيارة ركزت جومانا شوي .. وحكت بقلبها ..( شبو لطيف هالقد .. مو عادتو .. ليكون بدو يحطلي شي بالنس ويوخدني لمنطقة …) سكتت بعد ما وصلت بمخها لهاي الفكرة حست بضيق .. نزلت من السيارة ولحقتو للكافي .. اطلع عليها بإستغراب بس شافها ..: شبك جومانا بتوتر ..: مو معقول تجيبلي حضرتك القهوة.. روح ارتاح بالسيارة وانا بجيب رفع حاجبو باستغراب ..: لا تمام ما في مشكلة .. ارتاحي انت برا وانا هلق باجي جومانا باصرار ..: ما بصير استغرب تصرفاتها ..: تمام انا برا بقيت واقفة لحتى جهز الطلب .. اخدتو وتوجهت للسيارة .. ناولتو فنجان القهوة ..: تفضل استاذ .. صحة اخد منها الفنجان..: نمشي ولا كمان شوي اطلعت عليه نظرات غريبة وحكت بقلبها ..( قبل شوي كان طبدو نرتاح .. هلق بدو يمشي .. ما زبطت معك يا شاطر ).. اطلع عليها وشافها بتفتح وبتسكر بعيونها وهي بتطلع عليه ..: بنفع اعرف شو صابك .. كنتي من شوي منيحة .. شو اللي صار رفعت حاجبها واخدت شفة من القهوة بفخر كانها عاملة انجاز رهيب ..: ما في شي ركز نظرو للقهوة وضحك جومانا : لي ضحكت ؟ شغل السيارة ..: اذا اللي بفكر فيه صح مصيبة .. جومانا: شو اللي بتفكر فيه !؟ انطلق و ما رد عليها سكتت وما حكت بس فضولها قتلها جومانا : هلق بدك تقلي شو اللي بتفكر فيه .. اطلع عليها نظرة عابرة ورجع ركز بالطريق ..: ملاحظة شغلة !! جومانا : شو فؤاد : انت بتتعاملي معي كاني زميل معك بالشغل .. لا ومو اي زميل .. بتتعاملي معي كأني زميل اقل منك درجة او بتمرن تحت ايدك .. خجلت من حالها ومن طريقة كلامها معو .. وصارت اتأتأ ..: لا .. لا .. مــو مو بقصدي ابتسم ..: لا خدي راحتك.. رجع الصمت سييد الموقف .. كسر فؤاد الصمت ..: كيف حاسة حالك جومانا : احسن .. محلا الطريق كلها خضار فؤاد : بتعرفي .. مفكر بس ارتبط اسكن بمنقطة كلها خضار وشجر .. جومانا وعيونها عالطريق ..: احلى شي .. والله المكان بياخد العقل ابتسمت جومانا بداخلها وحكت بقلبها ( يلا هلق اسألني اذا مرتبطة .. اساليب قديمة ).. حاولت تغير الموضوع لتجاكرو..: لي تركت شركتك التانية .. متل ما بعرف عندك شغلك الخاص برا البلد فؤاد : ايه صحيح عندي شغلي الخاص برا البلد .. بس وضع الشركة كان مو تمام وانجبرت اسلمها لرفيقي لحتى يستقر وضع الشركة هون هزت براسها بدون ما تجاوب وهو ركز نظرو عالطريق وضل ساكت لا سأل شي ولا فتح موضوع تاني كزت على اسنانها بغيظ بعد ما حست انو مو مهتم يعرف عنها شي .. خطرت ببالها فكرة وقررت تنفذها بسرعة مسكت تلفونها بالخفى وبعتت لناديا مسج وطلبت منها ادقلها ضروري رن تلفونها ..: ايه ناديا .. حكيت معو مبارح وكان موعدنا ليوم .. لا اجلتو .. بعتلك .. الاستاذ فؤاد جنبي ما فيي احكي هلق .. خلص طمنيه .. اكيد ارتحتلو لو ما رتحتلو ما بحاكيه .. تمام بس اوصل بدقلك .. سلام اطلع عليها فؤااد بطرف عينو ما علق تتمه الفصل الرابع جومانا بغرور..: اكيد لازم كون فهمت انك معجب فيي وبالضروري ابادلك نفس الاعجاب .. لانك مفكر انك حلو وجذاب .. لازم كل بنت تعرفها تعجب فيك .. مبسوط عحالك وانت تجمع البنات حولك متل اللي بجمع غطي علب الكولا .. رفع حاجبو جومانا : طبعاً مو عاجبك كلامي .. كنت ناطر مني قلك اني معحبة فيك ومغرومة ودايبة فيك فؤاد: انت مسحوبة من لسانك يا بنت جومانا بغرور..: مو عاجبك !؟ التفت عليها ..: عاجبني .. عاجبني ومكتر .. بس ما تفكري بغرورك وكبريائك فيكي تضحكي عليي .. عيونك فاضحتك يا انسة اطلعت عليه وعيونها بعيونها ..: لا ما في شي من ناحيتي لالك .. هدا غرورك صورلك هالشي المو موجود اساساً ابتسملها نص ابتسامة ورجع التفت للطريق وانطلق كتفت جومانا ايديها وسكتت فؤاد : قبل ما انسى .. ادخلي لموقع الفندق واعملي حجز بغرفتين .. ما رح نلحق نرجع اليوم .. وانا ما بحب سواقة الليل هزت براسها وعملت حجز بقيو كل الطريق ساكتين.. فؤاد مركز بالطريق وجومانا بتقلب بالتلفون دور وبتتراسل مع ناديا دور تاني وصلو للفندق بعد ساعتين سفر ما حكو فيهن ولا كلمة نزل شنطتو واعطاها شنطتها اخدت الشنطة منو ورفعت حاجبها بدون ما تحكي اطلع عليها ..: في شي .. ما تكوني مفكرة رح احملك شنطتك تخطتو ومشت ..: ما فكرت شي دخلو للفندق فؤاد: ارتاحي هون رح جيب مفاتيح الغرف واجي قعدت بالرسبشن وهو توجه لعند الموظفة رجع لعندها وعلامات الغضب على وجههو اطلعت عليه وبان عملامحها القلق..: خير فؤاد: في خربطة بحجز الغرف رفعت حاجبها واطلعت عليه نظرات غريبة ..: وهلق لازم تقلي ما في غير غرفة زوجية بكل الفندق وبسرير واحد ومجبورين نبات فيها انا وانت .. صح ابتسم ابتسامة صفرا وخباثة شديدة ..: انتِ هيك بدك .. وغمزها احمرت واصفرت وما عاد عرفت شو تحكي فؤاد : لو شايفة شغلك مزبوط كان انتبهتي للحجز اللي حضرتك عاملتي انو بتاريخ ٣٠ الشهر بدل ٢٠ يا شاطرة زاد توترها وارتباكها ..: والحل ؟ فؤاد بخباثة .:: غرفة زوجية .. هيك قلتيلي للحظة بلشت دقات قلبها تزيد ونفسها تخربط وصدرها يطلع وينزل من التوتر فؤاد : شبك شبك .. رح اعمل حجز بفندق تاني .. مو ضروري نكون هون بهدا الفندق اللي رح نحضر افتتاحو .. اساساً عجقة كتير وانا ما بحب العجقة مد ايدو واخد شنطتها ..: اعطيني .. يا دوب تحملي حالك من الرعبة.. قرب عليها وما كان في فاصل بينهن وهمس جنب ادنها بخباثة ..: الغرفة الزوجية وسرير واحد بس بالافلام والمسلسلات وبالروايات .. بالحياة الواقعية اذا في هيك مشكلة بحجزو بفندق تاني عادي .. مشى قدامها وهي لسا متجمدة مكانها .. اطلعت عليه من بعيد وشافتو عم يأشرلها براسو .. ركضت لعندو ووجهها احمر على تفكيرها البايخ والمبتذل .. ركبوا بالسيارة وتوجهو للفندق التاني .. نزل وحجز غرفتين رجع لعندها عالسيارة ..: كيف صرتي احسن جومانا بغضب ..: استاذ لو سمحت فؤاد بمزاح ..: خلص بعتذر .. يلا انزلي .. عملت حجز بغرفتين .. يلا انزلي لنرتاح شوي قبل الافتتاح نزلت من السيارة واخدت شنطتها وتوجهو للفندق .. طلعوا بالمصعد .. فؤاد: ما كان في بالفندق غرف غير بالطابع ال ١٥ جومانا : احلى .. بحب الاماكن العالية فؤاد: انا جعت .. رح اطلب اكل النا .. وقبل ما تشغلي خيالك .. ما عم احكي هيك لحتى اقلك تعي تغدي معي بالغرفة .. بطلبلك اكل لغرفتك واكل لالي خجلت من حالها ونزلت راسها فؤاد : والله هالافلام خربت الدنيا .. وصلو للغرف .. اطلع عليها ..: بدك شي معين ؟ جومانا : ما بفرق اي شي هز براسو واعطاها الكرت ..: هاي غرفتك .. تفضلي .. عالساعة ستة رح مر واخدك لحتى نروح عالافتتاح .. كوني جاهزة اطلع عليها وعلى وجهو ابتسامة صفرا ..: مو هلق تدخلي للحمام وما يكون في مي دافية وتيجي عندي لحتى تاخدي دوش بغرفتي .. عارف هالحركات انا .. ولأنه اذا صار هيك النهاية ما رح تكون عمزاجك اطاعت عايه بخجل واضح قرب منها وهمس جنب ادنها ..:رح تكون عمزاجي وانت لسا ما بتعرفي مزاجي أعطاها الكرت ومشى يتمتم ..: الأفلام والروايات خربت الدنيا .. احمر وجهها من كلامو وزادت نبضات قلبها .. دخلت وما عرفت اي غرفة من الغرف غرفتو يتبع 🥀🥀