*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d *.#لعنة_الفؤاد🤎* # الجزء_الخامس طلعت من الحمام لافة شعرها بالمنشفة ولابسة الروب تسطحت عالتخت ومسكت تلفونها .. دقت لناديا مكالمة فيديو ردت ناديا ..: يلا بسرعة بدي اعرف شو صار ولشو قلتيلي دقلك وشو قصدك بالخبابيص اللي خبصتيها جومانا : هوووب .. روقي عليي .. ناديا : طيب احكي .. جومانا : ما بعرف شو كنت خبص ناديا : لي شو صار .. جومانا : اذا بقلك ما بعرف بتصدقيني .. لك ما بعرف ما بعرف .. ناديا : يعني كنتي بدك تلمحيلو انك مرتبطة مثلا جومانا : ما بعرف .. غريب هالشخص .. ما فيكي تتوقعيه ابدا .. بفهم كل شي .. غير مبتذل .. ناديا : طيب هاتي من الاول .. شو صار جومانا: انت خربطي عقلي لما سالتك لي ماخدني معو وصرتي تطلعي بخباثتك اللي مو غريبة عليي.. خلتيني شك فيه للزلمة ناديا : كيف ؟ جومانا : يا ستي بكل قلب طيب نزل يجبلي قهوة .. صارت الافكار تلعب براسي انو بدو يحطلي شي وانزلك متل الوحش للكافي .. وشك فيي وعالاغلب عرف بشو بفكر .. تقولي بقرا افكاري مو هيك ضحكت ناديا عليها ..: هاي اخرة الروايات جومانا : لا في مصيبة تانية .. حكتلها جومانا على موقف الفندق وشو صار بالتفصيل بطللت ناديا تقدر توقف ضحك .. جومانا بعصيبة ..: اذا بدك اضلي تضحكي رح قفل وبوجهك ناديا بمسخرة ..: فضحتينا .. الله لا يوفق عدوينك .. هاي عملة بتعمليها .. قلتيلي غرفة زوجية وحمام .. والله هالاستاذ فؤاد ليجننك بالاخر .. ادفع عمري واعرف كيف متحمل اسلوبك هدا جومانا : ما عندو مجال للاعتراض .. هدا الموجود ناديا : يا خوفي يقلعك ويقلعني معك جومانا : ما بستغني عني ناديا : لك جوجو .. بس ما يكون اللي بفكر فيه صحيح جومانا : شو ؟ ناديا : ليكون معجب فيكي .. يعني معقول كل عمايلك هاي ولسا ساكتلك اجت براسها لحظة ما حكت معو بأسلوب غير لبق ورمتلو كلام مو بمحلو واعترافو الصريح انو معجب فيها ناديا : شبك سكتي .. جومانا : خلص روحي بدي ارتاح شوي .. يلا سلام بدون ما ترد عليها كانت مسكرة الخط بوجهها سمعت طرق عالباب .. اطلعت بالعين وكان واحد من عمال الفندق .. فتحت ودخللها الغدا .. اكلت وراحت تسطحت عالتخت وعقلها مشغول بس بفؤاد وتصرفاتو رفعت حالها فجأة وصرخت ..: لي هالقد شاغل بالك راحت عالمراي وابتسمت لحالها ..: اساساً انت حلوة وجذابة شي طبيعي يُعحب فيكي رجعت ابتسمت اكتر ..: شو اول واحد يعني .. شالت المنشفة عن شعرها وقعدت تنشف فيه اطلعت عالساعة كانت اربعة .. جابت من شنطتها علبة الماكياج وعملت مكياج خفيف .. رغم انو كان خفيف جداً الا انه ابرز جمالها خلصت ولسا بالها مشغول .. اعترفت لحالها وأخيراً انه خربطلها كيانها بتقلو .. جابت تلفونها ودقت لناديا ..: ناديا انت منقذتي .. بدي اعترفلك بشي ولازم تساعديني خبرتها بكل شي صار وبإعترافو انو معجب فيها سكتت ناديا شوي جومانا بغيظ ..: انا دقيتلك لحتى تسكتي ناديا : اسمعي شو تعملي .. البسي فستان مغري قاطعتها ..: ما معي فستان ناديا بغضب ..: يعدملي ياكي .. قلتلك خدي فستان جومانا : اتخطي هالجزء .. شو اعمل ناديا: ركزي معي … _____ بعد ساعة اندق باب غرفتها راحت لعند الباب .. رجعت شعرها لورا واخدت نفس وفتحت الباب كان فؤاد عالباب .. اطلع عليها من فوق لتحت ..: شو هدا ؟ جومانا بإستغراب ..: شو .. فؤاد : لي لابسة هيك ؟ جومانا : هدول تيابي .. شو المشكلة ؟؟ فؤاد : انا ماخد معي سكرتيرتي لحتى تسجل ملاحظات جومانا :… مدلها كيس مكتوب عليه ماركة غالية ..: تفضلي جومانا : شو هدا فؤاد بخباثة ..: لاحظت انك خيالك واسع ومتعلقة كتير بالافلام والروايات .. قلت لكملك افلامك للاخر .. هدا فستان مناسب للسهرة .. يلا بدلي تيابك وانا ناطرك برا رمت الكيس عالتخت ودقت لناديا ناديا : خير .. لسا ما رحتي جومانا بانفعال..:لك جبلي فستان .. وبعدين ضحكت ناديا عهبل رفيقتها ..: انت متل الصبار .. جومانا بغباء ..: كيف يعني؟ ناديا : يعني من برا شوك وبتأذي ومن جوا ما في اطيب منها .. وانت عاملة البنت القوية البتخرمش ومن جوا هبلة ما بتعرف تتصرف .. وبعدين معك .. جبلك فستان .. طلعيه والبسي .. شو المشكلة .. مو عاشية حضرتك برواية .. يلا قصرلك نص الطريق .. والله هالرجال فهمك مزبوط وانت لسا عاملة حالك فهمانة وبتحكي حكم جومانا بغضب ..: طيب طيب حاجة فلسفة روحي الحق عليي بسألك عاساس انت الخبرة يعني .. مانت اطقع مني ولا حدا معبرك ضحكت ناديا ..: يلا نشد شعرنا انا وانت ونترك الزلمة واقف برا .. يلا البسي الفستان اشوفو بالاول جومانا : ما حزرتي .. يلا طيري ناديا : امانة امانة اشوف ذوقو جومانا : يلا خليكي شوي حطت التلفون عجنب وراح بدلت تيابها ولبس الفستان كان فستان اسود قصير لعند الركبة كمام طويلة مسكر لعند الرقبة مع فتحة كبيرة لنص الظهر وقفت قدام المراي تطلع عحالها بإعجاب صحيت من شرودها عصوت ناديا اخدت التلفون وحطتو بوضعية تقدر ناديا تشوفو ناديا : ليك الضرسان ليك .. هدا طلع مزوق .. بجنن جومانا بغرور ..: القالب غالب حبيبتي ناديا : روحي .. الزلمة خلل برا .. يلا وافيني بالتفاصيل .. سلام اخدت تلفونها والجزدان وطلعت .. شافتو رايح جاي بالممر تنحنحت ..: جاهزة استاذ وقف مكانو بس شافها قدامو .. اخد نظرة سريعة عليها من فوق لتحت … ركز الكرافة ..: نمشي ! هزت راسها بتوتر من نظراتو فؤاد : تفضلي مشت جنبو ورجليها مو حاملتها .. كان ماشي جنبها وكل شوي يطلع عليها ويبتسم وقفو عند المصعد فؤاد: عجبك الفستان هزت براسها بدون ما تجاوب استغربها ..: شبك .. في شي هزت براسها بالنفي دخلو للمصعد فؤاد : هلق رح عرفك على كم واحد .. هدول عملاء عنا .. بدي الكل يعرفك هون .. ويعرفوا انك اهم حدا بالشركة اطلعت عليه ..: اهم حدا فؤاد: مممم وصلو اللوبي .. وتوجهوا للسيارة .. طلعوا وانطلقوا للافتتاح كان بأستقبالن مدير الفندق نزل من السيارة وراح لعندها .. فتحلها الباب لتنزل نزلت من السيارة .. وقف جنبها ومدلها ايدو لتشنكلو مسكت بإيدو ودخلو وقفت فجأة بعد ما وصلو للمكان الموجود فيه كل المدعويين .. وقفت تطلع حولها .. عالم مختلف عن عالمها .. بعيد كل البعد عن حياتها .. بس كان مشابه للعالم اللي رسمتو بخيالها .. اول ما تخرجت من المدرسة بمجموع عالي كان بأهلها تدخل طب بشري .. بس رفضت كل المغريات وقررت تحقق حلمها اللي حلمت فيه بالصغر .. الهندسة .. دايمًا لما حدا يسألها شو حابة تصيري بالمستقبل .. كانت تجاوب بإنفعال .. مهندسة معمارية .. كان حلمها من الطفولة تكون مهندسة كبيرة.. كل الناس تعرفها .. الها اسم بين رجال الاعمال .. حققت حلمها واجتهدت ودخلت كلية الهندسة وتخرجت منها بتفوق .. وكان الحظ حليف الها بمسارها .. بالوقت اللي كانت على ابواب التخرج.. القدر سخرلها فؤاد لياخدها معو من ايدها للعالم التاني اللي بتحلم فيه .. كانت الصدفة كفيلة بتغير كل حياتها .. بس بإجتهادها ومثابرتها قدرت بوقت قياسي تثبت حالها بهدا العالم اطلع عليها فؤاد ..: شو رأيك بادلتو النظرات ..: شكراً الك استاذ .. انا لولاك ما وصلت لهون فؤاد: وجودك هون بسبب اجتهادك وشغلك .. انا ما اللي فضل عليكي .. انا كنت فرصة وانت استغليتي الفرصة صح لوصلتي لهون.. تعبتي واشتغلتي على حالك .. لا تقنعي حالك انو انا اللي عمتلك .. انا مجرد وسيلة .. كنت معك ورح ابقى معك لتوصلي اعلى من هون كمان تخربطت دقات قلبها فجأة .. لاولى مرة بتسمع منو هيك كلمات .. حست بالامتنان فؤاد : تعالي لعرفك على عادل الصالح .. هدا اكبر رجال الاعمال بالبلد ورح نبلش معو شغل جديد وانت رح تستلمي المشروع لحالك قربوا من تنين كانو واقفين بحكو بامور الشغل فؤاد: عادل بيك .. واخيراً التقيتا بعيد عن الشركة والشغل عادل : شايف .. العمر بخلص والشغل ما بخلص .. فؤاد: بدي عرفك على جومانا .. ايدي اليمين بالشركة .. وهي اللي رح تستلم مشروعك صافحها ..: اهلا بالانسة جومانا .. فؤاد حكالي عنك كتير .. جومانا : اهلا فيك .. شرف كتير كبير اني اتعرف عليك عادل : من بعد ما شفت الفندق اصريت على فؤاد انو يسلم المشروع للمهندس اللي اشتغل على مشروع الفندق .. وانصدمت صراحة لما عرفت انو انت .. كنت متخيل يكون مهندس مع خبرة طويلة .. بحييكي على شغلك صراحة .. كل الاحترام جومانا : شكراً الك جد كلامك بعنيلي كتير .. قرب عادل على فؤاد وهمسلو ..: لي ما قلت انها هالقد حلوة .. هيك رح تخرب بيتي وتخليني فلس .. كيف رح ارفضلها طلب انا انغاظ فؤاد من كلامو واكتفى بابتسامة قرب فؤاد على جومانا ..: تشربي شي معين!! جومانا: مو مهم متل ما بدك فؤاد: يلا تواني وبرجع راح فؤاد للبار وبقيت جومانا واقفة مع عادل واللي معو التفتت على فؤاد وشافت عيونو عليها وبراقبها متل الصقر اللي براقب فريستو .. تذكرت كلام ناديا واللي قلتلها ياه لحتى تختبر غيرتو .. قررت تنفذ اللي اتفقت عليه معها بدأت تحكي مع هدا وتتساير مع هدا وعيونها على فؤاد لتشوف ردة فعلو .. بس ما اعطى اي ردة فعل غير طبيعية جاب العصير واعطاها ياه ..: هلق باجي .. استغلت انو راح وبدأت تتعرف عالناس الموجودة والاغلب كان رجال بس ما في اي نتيجة .. خلصت الحفلة قرب منها فؤاد ..: نمشي هزت براسها بغيظ ركبو بالسيارة والغيظ عم ياكل فيها من جوا .. ما في شي صار من اللي حكتو ناديا .. لا سحبها ولا اخدها من ايدها ولا عصب ولا اعطى اي اشارة لاي شي .. وصلت لنتيجة وحدة ما في غيرها .. فؤاد مو معجب فيها ولا شي ولا شايلها من ارضها اساساً واذا كانت شاكة بنظراتو فأكيد هاي نظرات أي رجال لاي انثى عادية .. وكلامو كان مجرد كلام بلا معنى وصلو للفندق وكان الاحباط مسيطر عليها .. ما كانت تعرف السبب .. هي من الاساس ما بتكنلو مشاعر .. بس غرورها وكبريائها انجرحوا .. دخلو للمصعد وكبس فؤاد عزر الطابق المقصود بلش المصعد يطلع ووصل للطابع العاشر وفجأة طلع صوت خبط ووقف المصعد بحركة لا ارادية قربت عليه مسكت بإيدو وجاكيتو..: شو صار فؤاد: اهدي كبس على زر الجرس وبعدها على زر الطوارئ ..: لا تتوتري .. ممكن بكون عُطل وهلق بتصلح مسكت بجاكيتو اكتر ..: شو عُطل .. لا يا ربي ما بدي موت هون مرق خمس دقايق وكأنن خمس ساعات وما في اي شي صار .. لسا عالقين بالمصعد بلش التوتر يظهر على ملامح جومانا ونفسها بلش يتخربط لاحظ فؤاد توترها قرب منها ولف ايدو على اكتافها ..: اهدي جومانا ولا تتوتري .. حاولي اضبطي نفسك .. اطلع عليها .: بتعرفي انك كنتي احلى وحدة بالحفلة .. اطلعت عليه وحكت بقلبها ( اي كنت شايفني اساساً) للحظة فهم بشو بتفكر ..: كنت شايفك ..عيني ما نشالت عنك .. وحركاتك كنت فاهمها .. بالاول قلت اكيد مو بقصدها بس بعدين تأكدت انو كل شي مقصود جومانا : شو قصدك ؟ ابتسم بخباثة ..: انت فاهمة عليي شو قصدي خجلت من حالها ومن كل شي عملتو ..: اذا ما متت هون رح قدم استقالتي .. خلص ضحك.: لي بدك تقدميها غطت وجهها بإيديها ..: استاذ خلص بترجاك رجع يضحك عليها ..: كلو من الروايات خربو بيتنا جومانا بخجل..: يا ربي فؤاد : هلق انتِ شو كنتي متخيلة اعمل .. اسحبك من ايدك وادخلك للسيارة غصب واخدك لغرفتي ووو اطلعت عليه بصدمة ضحك فؤاد..: لا مو انت اللي مكشوفة ولا انا بقرا افكار بس هالحركة معمولة بالف فيلم ورواية جومانا : يا ربيييي قرب منها وهمس جنب ادنها ..: بس ما بخبي عليكي كان نفسي اعمل هيك بالحرف .. وكمان .. اطلعت عليه بصدمة ..: كمان شو اطلع بعيونها وبعدها بشفايفها ..: انت لسا ما فهمتي ؟ شافت نظراتو وفهمت بس اصطنعت الغباء ..: فهمت شو !؟ قرب شفافو من ادنها وهمس ..: اني بحبك !! فتحت عيونها عالاخر وسرت رجفة بكل جسمها .. هالكلمة نستها كل شي حولها والمصعد العطلان .. دقات قلبها تخربطو .. كأنو هالكلمة دخلت لقلبها على طول.. حست بمشاعر اول مرة بتحس فيها .. عم الصمت .. ما في غير صوت انفاسها المخربطة مضت كمان خمس دقايق وما في جديد فجأة قطعت الكهربا .. ارتعبتت لف ايدو عكتفها وقعدها عالارض وقعد جنبها ..: هاي كنتي تتخيلي كل شي بالروايات يصير بالحقيقة .. يلا نبسطي .. هاي تحقق مشهد من الروايات وعلقنا هون ابتسمت على مزحتو فتح الكشاف بتلفونو ..: اكيد عم بشتغلو ليصلحوه لا تخافي جومانا: مين قال اني عاشية بالروايات فؤاد بخباثة ..: القهوة .. الغرفة الزوجية .. تصرفاتك بالحفلة .. الكلام اللي قلتي لما دقتلي اختي ونحنا بالطريق لهون جومانا بإستغراب ..: اختك ؟ فؤاد : ايه اختي الصغيرة عمرها ١٧ سنة وفي فرق كبير بيني وبينها وهي اللي مسمية حالها عتلفوني صغيرتي ومسجلتني الختيار خجلت جومانا من حالها وكيف فاهم كل حركاتها وحاولت تغطي على حالها ..:ايه بحب الروايات .. عالم اخر بعيد عن عالمنا .. بس لي هالقد انا مكشوفة؟ فؤاد : لا مو مكشوفة .. بس صراحة انا مركز معك شوي زيادة .. عجبتيني بقوتك من اول يوم شفتك فيه .. عجبني كبريائك تاني مرة التقينا بالصدفة بالجامعة .. وعجبني اكتر غرورك يوم جيتي للشركة .. وعجبني اصرارك على اثبات انك مو بحاجة واسطة من حدا .. جومانا : لي عم نحكي بهاي الامور هلق .. هاي هي النهاية يعني ؟ فؤاد بنفي ..: لا .. بس اول مرة بشوفك هادية على غير العادة .. دايما كانت نقاشاتنا حادة وهاي اول فرصة بنكون هيك .. لا تقولي النهاية .. انا بدي نبدأ مع بعض .. وشكلو هاي فرصتي الوحيدة اللي فيها بقدر عبر عن مشاعري لالك بدون ما كبريائك وغرورك يمنعوني .. ركزت عيونها بالعدم وحكت ..: بتعرف يوم اجاك التلفون بخصوص اخوك .. حسيت قدي الشي صعب .. انا كمان اخي دخل بنفس العالم المقرف هاد .. من شي سنتين دخلت عليه مرة لغرفتو .. كان قاعد عالارض جنب الطاولة وفي قدامو بودرة بيضة .. شمها مرة وحدة ودخل بحالة غريبة .. حاولت كذب عيوني وقول اني عم اتوهم .. بس لما شافني قدامو قرب عليي متل الوحش وهددني اذا جبت سيرة لحدا رح يقتلني .. اخي من اول ما وعي عالدنيا وهو بكرهني .. ما بعرف السبب .. بس زاد كرهو وحقدو عليي لما شفتو بهالحالة .. حاول اكتر من مرة يأذيني بس كان عاخر لحظة يتراجع .. لليوم عندي هاجس منو .. من سنتين ما نمت متل البشر .. دايما بحس انو رح يجي ويقتلني وانا نايمة .. احساسك لما عرفت انو اخوك بتعاطى وصلني بلا ما تحكي بالموضوع وبس ردة فعلك تجاهي كانت صعبة عليي حس بالقهر اللي بداخلها ..: ما فيي انصحك بشي .. انا متلك وبنفس المشكلة واخي عم يضيع مني وما طالع بإيدي اعمل شي .. بس الشي الوحيد اللي فيني ساعدك في .. احكي لاهلك .. لا تضلك كاتمة بقلبك .. لانو اذا صار شي رح تحملي حالك المسؤولية وانت ما الك ذنب بشي جومانا: فكرت بهيك شي .. بس هو صار ياخد احتياطو ضمت رجليها لصدرها ..: لايمتى رح نبقى هون .. حاسة حالي رح اختنق مسك تلفونو وما كان في شبكة .. وما في مجال للاتصال غير لمكالمة طوارئ .. قرر يتصل .. خبرن بالشي اللي صار … خبرو انو عم يتم تصليح العطل فؤاد : لا تخافي كل شي رح يكون تمام .. بس شوية وقت اطلعت عليه جومانا ومشاعر مخربطة بداخلها .. لسا الكلمة اللي قالها مسيطرة على قلبها .. لمعة عيونو وترتها اكتر .. حاولت تفكر بأشياء تانية لحتى ما توقع حالها بشي رح تندم عليه التفت عليها ..: ما جاوبتي التفتت عليه ..: شو حط ايده ورا ادنها وقربها من بهدوء وعيونو تتنقل بين شفافها وعيونها .. قربها منو لدرجة ما عاد في مسافة فاصلة .. كانت مخدرة ومو حاسة بشي .. قلبها بنبض بسرعة وصدرها عم يعلى وينخفض .. انحنى براسو لمستوى شفافها .. فجأة رجع نوّر المصعد .. توسعت عيونها .. بعدت راسها للجهة التانية وهو حس انو اتسرع .. ثواني ورجع يتحرك لا ارادي مسكت ايدو ..: ما رح نموت ابتسملها ..: شكلو لا .. وقفت بسرعة وحضنت جزدانها وعيونها على الشاشة اللي بتعرض ارقام الطوابق .. حست الثواني كأنن ساعات .. ما كان المصعد يوصل للطابق ١٥ .. حاولت تهدي حالها وتنسى اللي كان رح يعملو وصل المصعد .. طلعت منو بسرعة واخذت نفس طويل وزفترو ببطئ توجهت لغرفتها تاركة وراها فؤاد عم يتابعها بنظراتو بدون ولا اي كلمة دخلت للغرفة ورمت حالها عالتخت وصارت تبكي بدون سبب .. بقيت على هاي الحالة ساعة كاملة وما كانو دموعها ينشفو .. وقفت بكي بس سمعت صوت من تلفونها .. فتحت التلفون وكان مسج من ناديا تجاهلت المسج ودخلت للحمام .. اخدت دوش دافي لتريح اعصابها .. رجعت للتخت وكان في مسج من فؤاد … فتحتها وقرأتها الف مرة ( لا تفكري اعترافي بحبي لالك كان لحظة ضعف .. ابداً .. انا فعلاً بحبك وحابب كمل حياتي معك لنعيشها سوا متل الروايات .. ناطر جوابك ).. تخربطت دقات قلبها … ورجعت تتذكر كلماتو لالها .. غمضت عيونها بتعب وراحت بسابع نومة 🌹 *****🌹 واقفة على حفة جبل والهوا بطير بشعرها الطويل .. شعرت بأيدين عم تلف حول خصرها.. احساس لاول مرة بتحس فيه .. احساس بالامان رغم المكان الخطر الموجودة فيه .. اي حركة غلط رح تنهي حياتها لفت حالها وكان فؤاد حاضنها وعيونو كلها حُب .. همست بصوت خافت ..: لي انا فؤاد بحب ..: ما بعرف .. دخلتي قلبي بدون استأذان .. وبدي كمل معك حياتي .. انت البنت اللي عم فتش عليها من زمان .. قرب منها بهدوء وطبع بوسة رقيقة على شفافها نقزت من الشي اللي عملو وحركت رجلها لورا وكانت رح توقع .. بس مسكها واخدها بحضنو جومانا : مستحيل .. ما فيي .. لا دفشتو لورا لحتى تبعدو عنها .. ووقعت لورا فتحت عيونها بتعب بعد ما وقعت عن التخت .. وسكرتن بعد ما دخلت اشعة الشمس لعيونها .. دقات قلبها مخربطة .. مدت ايدها واخدت كاسة المي اللي جنبها وشربت شفة وكبت الباقي عوجهها .. وصرخت ..: لك لي تيجي على منامي كمان .. رفعت حالها واخدت تلفونها ..دقت لرائدة .. طمنتها عن حالها وخبرتها رح تكون بساعات الظهر بالبيت حطت التلفون جنبها وفجأة ون رجعت للتخت وقلبت حالها عبطنها وغطت راسها بالمخدة .. كانت عارفة انها ناديا اللي عم ادقلها .. بس ما كانت قادرة تحكي حاولت تغمض عيونها لترجع تنام بس عبث .. كان مسيطر على تفكيرها .. دور تتذكر المنام ودور تتذكر كلامو الليلة الماضية وحركتو الاخيرة .. رجع رن تلفونها .. اخدتو وفتحت الخط بلا ما تطلع عالاسم وصرخت ..: ايه ناديا .. خلص زن .. رن رن رن رن وبعدين عالطرف التاني..: هيك متعودة تردي عالتلفون الصبح ..؟ سمعت صوتو وقلبها دق .. عدلت قعدتها ..: استاذ .. استاذ بعتذر ما كنت بعرف انو حضرتك عالخط .. فؤاد : جهزي حالك رح نمشي بعد شوي .. جومانا بتوتر ..: تمام .. عشر دقايق استاذ سكرت الخط وركضت للحمام .. اخدت دوش سريع ولبست تيابها .. عملت مكياج خفيف .. رتبت اغراضها وطلعت كان ناطرها عند الباب ..: جاهزة رجعت خصلة شعر كانت نازلة على وجهها ..: جاهزة استاذ فؤاد: تشربي قهوة جومانا : يا ريت استاذ فؤاد بخباثة ..: تعالي معي نطلبها سوا لحتى تكوني مرتاحة احمر وجهها وتلبكت ..: استاذ .. انسى.. انا حدا خيالو واسع فؤاد بمسخرة ..: واضح مشت قدامو من خجلها وقفوا قدام المصعد .. تغيرت ملامح جومانا فؤاد : بتحبي ننزل عالدرج ؟ جومانا : لو سمحت استاذ توجهو لدرج الطوارئ .. بعد اربع طوابق فؤاد: متأكدة بدك تكملي جومانا : رياضة استاذ لاحظ عليها فؤاد انها بتحاول تتجنبو وانها بتحاول كل شوي تذكرو انه مديرها وهي مجرد موظفة بنطق كلمة استاذ .. احترم رغبتها وقرر ما يضغط عليها وصلو الريسيشن وتقريباً قاطعين النفس قعدو شوي وطلبو قهوة وبعدها توجهو للسيارة ركبو بالسيارة وانطلقوا .. كل الطريق كان اغلب الوقت صمت .. وباحسن الحالات كانت الاحاديث بخصوص الشغل كسر فؤاد الصمت ..: بدك تكملي شغل ولا ترجعي عالبيت ؟ جومانا : اذا في مجال ارجع عالبيت بكون ممنونة .. __ وصلو للشركة بعد ثلاث ساعات سفر نزلت جومانا من السيارة .. اخدت شنطتها فؤاد : كان خلتيني وصلك للبيت جومانا : مو مشكلة استاذ .. اساساً لازم مر عالمكتب بدي اعطي ناديا شغلة هز براسو تركتو ودخلت للشركة وتوجهت لمكتبها شافتها ناديا داخلة وعلامات الارهاق على وجهها مسكت فيها وقعدتها عالكرسي .. : لي ما عم تردي عتلفونك .. من الصبح عم دقلك جومانا بتعب ..: ناديا مشان الله .. تركيني بحالي قامت وراحت لمكتبها .. طلعت ورق واعطتو لناديا .: هاي الاوراق لاجتماع بكرا .. ولازم الاستاذ يزن يوقعون .. ناديا :لي ما انت كمان رح تتواجدي بالاجتماع جومانا : ما تكتري حكي .. انا تعبانة وبكرا ما رح اجي عالشغل .. رح اخد اجازة يومين .. يلا سلام حملت شنطتها وطلعت من المكتب ومن الشركة كلها _____ وصلت البيت ما كان حدا غير رائدة سلمت عليها ودخلت لغرفتها .. رمت حالها عالتخت بتعب .. مدت ايدها واخدت تلفونها عملتو وضع طيران وراحت بسامع نومة مرق نص ساعة فجأة فتحت عيونها على صوت صراخ برا الغرفة .. قامت عن التخت وقبل ما تعمل اي شي .. دخل يامن على الغرفة متل الوحش مسكها من شعرها وشدها ..: وين كنتي يا بنت الكلب انربط لسانها وما عرفت ترد مسكتو رائدة وحاولت تبعدو عنها ..: لك اترك اختك .. وين بدها تكون .. كانت عند ناديا يامن بصراخ ..: كذابة .. انا رحت مبارح عبيت ناديا ودقيت كتير ما حدا فتح رائدة بصراخ ..: انا وابوك قلنالها ما تفتح لحدا .. وانت لي تروح لهناك اساساً .. حسابك بس يرجع ابوك .. ترك شعرها ودفشها عالارض .. وقف بوجه امو ..: انت خليكي دافعي عنها .. بكرا بتجبلنا العار وانت ساكتة نزل عوجهو كف متل فراق الوالدين ..: انت اللي رح تجبلنا العار والمصايب من ورا عمايلك .. انت مفكر اني ما بعرف بعمايلك السودا .. بس انا ساكتة لحتى ما خلي ابوك يرتكب جريمة فيك .. انت ولد سافل .. انقلع من وجهي ولا تفرجيني وجهك .. انقلع برا .. انقلع وقعت عالارض وهي تصرخ وتبكي قربت منها جومانا وهي تبكي وحضنتها ..: انا اسفة .. انا اسفة شهقت رائدة ..: انا اللي اسفة .. هدا ابني وانا دلعتو زيادة بقيو يبكو مع بعض سمعت رائدة صوت بالباب انفتح مسحت دموعها بسرعة ..: هدا ابوكي روحي نامي .. لا تخلي يشوفك .. وانا بقلو انك رجعتي من الشغل لانك تعبانة ركضت جومانا لتختها وتغطت بالغطا بسرعة _____ تاني يوم وصل فؤاد للشركة .. نزل من السيارة ومتل العادة الابتسامة على وجهو .. دخل للشركة وبعدها لمكتبو .. طلب فنحان قهوة وباشر بالشغل قلب بشوية اوراق وحاسس في شي ناقصو .. رفع سماعة التلفون وطلب يزن دخل لعندو يزن وحكو بشوية شغل يزن : صحيح الاجتماع كمان نص ساعة .. وهاي الاوراق وقعت عليها وباقي توقيعك رفع سماعة التلفون ..: اطلبيلي جومانا .. لي في شي .. من مين اخدت اجازة .. تمام نزل السماعة بنرفزة رفع يزن حاجبو ..: شبك .. فؤاد: انت اللي وافقت على الاجازة لجومانا !؟ يزن : ايه شو المشكلة .. قالت انها حاسة بتعب ..( اطلع عليه بإستغراب ).. شو المشكلة سكت فؤاد وما رد رفع حاجبو وحكى بخياثة..: بس ما تكون علقت الصنارة .. انا كنت عارف .. من وقت ما خبرتني انو ما داعي روح معك عالافتتاح ورح تاخد جومانا قلت في شي مو طبيعي ..( سكت شو ورجع حكى ) .. بس ما يكون .. اطلع عليه فؤاد بنطرة قسمتو نصين ..: تخرس ولا خرسك بطريقتي يزن بخوف مزيف ..: خرست .. بس امانة قلي شو صار !! فؤاد بنرفزة ..: وبعدين .. يلا عمكتبك يزن بمرح ..: ماني خايف منك .. بس رح اطلع حقناً للدماء قام وتوجه للباب .. التفت على فؤاد ..: ما بدك تحكيلي شو صار؟ رفع فؤاد المكبس وكان رح يضربو في بس يزن انسحب من المكتب بسرعة وابتسامة صفرة عوجهو مسك فؤاد تلفون وحط على رقمها .. وبقي محتار يدقلها او ما يدقلها طفى تلفونو بعد ما تسلل لقلبو شعور غريب وقرر يتركها على راحتها حس للحظة انو تسرع بالتعبير عن مشاعرو اتجاهها بلا ما يعرف هي بشو بتفكر مسح على وجههو واخد تلفونو والاوراق وتوجه لغرفة الاجتماعات _____ بعد كم يوم دخل للمكتب معصب والشرر بتطاير من عيونو بعد ما سأل السكرتيرة عن جومانا وخبرتو انها لسا إجازة دخل يزن لعندو بعد ما سمع بصراخو ..: شبك شبك .. لي كل هالصراخ ضرب اول شغلة شافها قدامو ..: هدا مو شغل .. شو يعني موظفة الها اسبوع إجازة يزن : روق فؤاد ما بدها كل تعصيب .. وبعدين كلن كم يوم من وين صارو اسبوع فؤاد بعصبية ..: بدتقلها هلق تيجي عالاجتماع واذا ما بدها تيجي .. خبرها تيجي تسلم اوراقها ومع السلامة اطلع يزن عليه بخباثة ..: ولو .. بعصبيتك هاي محسسني انو الشغل واقف .. ولا في شي تاني انا ما بعرفو ؟ فؤاد بعصبية ..: روح من وجهي بلا ما طلع جناني عليك رفع ايده ومشى لورا..: رايح رايح طلع يزن من المكتب وابتسامة صفرة عوجهو ركز فؤاد باللي عملو ولام حالو .. ما كان مستاهل كل اللي صار .. بس حس بشي ناقصه .. ايامو ما بتكمل بلا ما يشوفها .. حاسس بشعور غريب.. ولام حالو اكتر لما انكشفت مشاعرو قدام يزن .. اخد نفس وزفرو بغيظ ودفن حالو بين الاوراق .. ____ دخل يزن لمكتبو والتلفون على ادنو ..: انسة جومانا صباح الخير .. جومانا : اهلا استاذ صباح النور يزن :اعذريني على اتصالي بس يا ريت تقطعي اجازتك .. جومانا : خير استاذ في شي ؟ يزن : عنا اجتماع مع عادل الصالح ومتل ما فهمت الملف معك .. جومانا : بس محد خبرني يزن: المفروض من أسبوع بعتت السكرتيرة الموعد بايميل .. اذا ما فيها ازعاج لو تيجي تحضري الاجتماع وبعدها تكملي اجازتك لنهاية الاسبوع .. جومانا : اكيد اكيد استاذ .. مسافة الطريق يزن : شكراً كتير الك .. خفض صوتو استقصد يسمعها هالكلمتين ..: لانو اذا ما جيتي رح يكون قتلا كتير اليوم .. المدير ضاربة عندو الجنونة .. سلام كب هالكلمتين بوجهها وسكر الخط ابستم يزن بخباثة ..: انا تخبي عني يا فؤاد .. بس على مين عليي انا .. والله كاشفك من زمان .. شو اسمي رفيقك هيك لله ____ بعد ساعة بقاعة الاجتماع .. دخل فؤاد للقاعة .. التفت على كل الموجودين وما لقى الشخص اللي بفتش عليه .. توجه لمقعدو والدخان بطلع من راسو ..: وين الباقي !؟ قرب منو يزن ..: فؤاد روق .. على وصول .. ضرب فؤاد عالطاولة ..: هدا مو شغل .. هدا تسيب .. حاول يغطي عحالو ..: وين سامح لي اتأخر .. دخل سامح من الباب ..: بعتذر عالتأخير .. غمض فؤاد عيونو واخد نفس .. دخلت مسرعة للقاعة وبإيدها ملفات وأنفاسها مخربطة ..: بعتذر عالتأخير .. اطلع عليها بعيونو متل الصقر اللي بدو ينقض على فريستو .. اطلعت عليه وشافت عيونو وللحظة فهمت كلمات يزن الاخيرة .. تلبكت من نظراتو واختارت كرسي بعيد عنو وقعدت ورا واحد من المهندسين لحتى تتخبى من نظراتو بس كانو عيونو متل الصقر فؤاد : انسة جومانا لهون تعي جنب سامح .. المشروع انتو المسؤوليين عنو تلبكت زيادة .. حملت اوراقها وتوجهت للكرسي اللي اشر عليه مرق عشر دقايق وكان هدوء .. ما في غير صوت فؤاد بكل القاعة دخل عادل ومديرة اعمالو رينا ومعو المحامي وقف فؤاد ويزن وتقدمو للترحيب بعادل واللي معو صافحو بعض وقعدوا كانت عيون رينا كل فترة الاجتماع على فؤاد كل ما فؤاد يوجه سؤال لعادل .. كانت رينا تتولى الاجابة عنو وجومانا تراقب بعيونها الوضع ومو عاجبها شي .. طلعوا اغلب الموظفين بعد ما تم الاتفاق على المشروع وبقي فؤاد ويزن وجومانا وسامح ومعن عادل ورينا قرب عادل من جومانا وصافحها ..: كتير مبسوط اني رجعت شفتك جومانا بإرتباك ..: وانا اكتر اتدخلت رينا وصافحت فؤاد وبقيت ماسكة ايده..: استاذ عادل اسمحلي بس انا كان من زمان نفسي قابل الاستاذ فؤاد .. واللي فترة بحاول يكون النا شغل معو .. لقائو اليوم كان رائع .. وبتمنى ما ينتهي شغلنا مع بعض فؤاد: شرف كبير اللي الشغل معكن .. قربت رينا من فؤاد وحطت ايدها على صدرو وحكت بدلع ..: لكن من بعد اذن الاستاذ عادل يا ريت تقبل دعوتنا اليوم عالعشا لنحتفل بتوقيع العقد رفعت جومانا حاجبها وما كان عاجبها الوضع فؤاد: اكيد .. بس اليوم صعب.. قاطعتو..: استاذ فؤاد .. ما بدي اعذار .. اليوم عالساعة سبعة انحرج فؤاد من اصرارها ووافق رينا: اكيد استاذ يزن رح تكون موجود .. من هلق ما بدي اعذار اتدخل عادل ..: والانسة جومانا .. قاطعو فؤاد..: جومانا ما فيها .. عادل: لا ما بصير فؤاد: جومانا تعبانة وكانت اجازة ونحنا قطعنالها الاجازة مشان الاجتماع اطلعت عليه جومانا بغيظ ..: انا بخير .. اكيد رح لبي دعوتك استاذ عادل ابتسملها عادل ..: نحنا صار لازم نمشي .. بنشوفكون المسا طلع عادل ورينا .. وبقي يزن وفؤاد وجومانا جومانا : انا لازم امشي .. كان فؤاد بدو يحكي بعد ما رمقها بنظرة قسمتها نصين اتدخل يزن بسرعة ..: فؤاد في اوراق مهمة لازم توقعها هلق .. جومانا عمكتبك سحبو من ايدو وطلعوا من قاعة الاجتماع بقيت جومانا منغاظة من تصرفات فؤاد ولسا عيون رينا ونظراتها لفؤاد ما عم تروح من بالها توجهت لمكتبها .. دخلت للمكتب انصدمت ناديا من وجودها ..: انت شو عم تعملي هون .. مو انت اجازة كزت على اسنانها ..: استاذ .. ( كانت رح تشتمو ) .. ولا بلاها ناديا ببمسخرة..: جابك بالغصب !؟ جومانا بعصبية ..: لك لا تستفزيني ما بدي اغلط عليه .. الاستاذ يزن اتصل يترجاني مشان احضر الاجتماع .. صحيح .. لازم نمرق عالسوق بالرجعة بدي جيب فستان ناديا : فستان مشان شو رفعت جومانا اكتافها ..: مدعوة عالعشا مع العميل الجديد ناديا بفرحة ..: ايــــه لا .. يا ربي .. حظك ضارب بالسما .. جومانا : والله يا ناديا .. عم يتحقق كل شي بحلم فيه ناديا : شو بدك تقولي لاهلك ؟ جومانا : هاي شغلتك يا حلوة .. ناديا بفخر ..: بسيطة .. باجي لعندك متشيكة وبنقول انو في حفلة بالشركة وبوصلك لاول الشارع وبرجع للبيت .. وانت بتروحي بتاكسي للمطعم جومانا بخوف ..: لا .. انت ما بتعرفي يامن شو عمل من يومين ناديا : شو عمل خبرتها باللي عملو يامن ناديا بغضب ..: يكسر ايده .. نفسي اعرف كيف بتسمحيلو سكتت جومانا وما ردت رن تلفون مكتبها ..: ايوه .. شو بدو .. تمام تغيرت ملامح وجهها ناديا : شو في ؟ جومانا بغيظ ..: استاذ فؤاد طالبني .. شوي وبرجع .. فكري بشي حجة منيحة اخدت الملف وتوجهت لمكتب فؤاد وقفت قدام الباب وقلبها بدق بسرعة .. خلال الأيام الماضية اكتشفت مشاعر جديدة بقلبها .. حست شوي بالسعادة .. بس اتذكرت نظرات رينا لفؤاد رجعت عبست دقت الباب ودخلت وقفت بنص المكتب ..: طلبتني استاذ بدون ما يلتفت عليها وعيونو بالاوراق ..: اعطيني الملف كزت على اسنانها وتقدمت لعندو .. مدت الملف … تفضل بحركة سريعة مسك ايدها وشده عليها.. حست برعشة بكل جسمها وبان الارتباك عملامح وجهها اطلع عليها ..: شو .. شبك تخربطي هيك .. من شوي كنتي واقفة وكلك ثقة وبتحكي مع عادل وما عندك مشكلة حاولت تسحب ايدها منو ..: استاذ لو سمحت .. وقف وهو ماسك ايدها ..: شو يا انسة .. ما خبرتيني لي كنتي بإجازة .. خير سحبت ايدها منو بالقوة ..: كنت مريضة مشى لعندها وصار يقرب شوي شوي عليها ..: عين الله عليكي ما بك شي .. وين المرض جومانا بغيظ ..: استاذ عم اتكذبني !؟ قرب منها اكتر ..: اعوذ بالله .. بس لما تعذرت عنك قلتي انك مو مريضة ولا تعبانة .. صرخت جومانا بوجههو ..: وانت ناسي حالك .. فرحان بالست رينا وهي عم تتغزل فيك وبشبوبيتك وكل الاجتماع عينها عليك .. كان ناقص تاخدها بحضنك .. جد بلا مستوى سكتت فجأة ووعيت عحالها على شو حكت .. اطلعت عليه وشافت ابتسامة صفرا على وجهو فؤاد : كملي .. وشو كمان ؟ حاولت تهرب من قدامو .. لف ايدو على خصرها وسحبها لعندو ..: ضيفي على الاشياء اللي عجبتني فيكي .. غيرتك .. وبلا ما تحكي .. شفتها بعيونك .. تخربطت دقات قلبها وهي بين ايده ووردو خدودها مسك ايدها وحطها عقلبو ..: بس اتأكدي هاد ما شايف غيرك .. حط ايدو على دقنها ورفع وجهها .. اطلع بعيونها ..: عيوني ما شايفة غيرك .. سحرتيني تركها وبعد عنها ..: عمكتبك .. وقفت مصدومة وهي شايفة حالها مكشوفة قدامو لهدرجة صحيت من صدمتها على صوتو فؤاد: روحي قبل ما اتهور اكتر .. ما عرفت كيف طلعت من المكتب لمكتبها .. بس اللي كانت عارفتو انها وقعت بشباكو خلص .. دخلت لمكتبها وعلامات الصدمة عوجهها .. سرحانة بكلماتو اللي دخلت لقلبها .. خلص بهاي اللحظة تأكدت انو وقعها بحبو وقدر يسيطر على قلبها _____ رجعت عالبيت وعم تفكر كيف رح تخبر اهلها .. اجت براسها فكرة مو مضمونة بس قررت تجرب ما رح تخسر شي .. دخلت للبيت وكان ابوها على غير العادة بالبيت جومانا : مسا الخير ردو..: مسا النور رائدة : شو انشالله كل شي منيح جومانا بفرحة ..: ايه .. وقعنا العقد .. هدا رح يكون اول مشروع اللي لحالي وتاني مشروع تحت اشراف الأستاذ فؤاد رائدة؛ الف مبروك حبيبتي .. عقبال ما بصير عندك شغلك الخاص .. حركة جومانا حجر عينها بالغرفة.. بس اللي بتفتش عليه مو موجود رائدة : يامن مو هون قربت جومانا من ابوها ..: منيح انو يامن مو هون .. ابي كنت بدي استأذنك اني روح على عشاء عمل ..مشان العقد اللي وقعتو اليوم عبس ابوها ..: وشو قصة يامن مو هون .. مين اللي بقرر بهالبيت ضربت جومانا ضربتها ..: اذا هون ما رح يوافق ورح يعمل مشكلة عصب ابوها ..: محد بقرر شي بهالبيت مادام انا عايش غيري .. جومانا : مديري بالشغل رح يكون موجود وفي كمان مديرة العميل .. يعني مو لحالي ابو رياض: روحي بس لا تتأخري قربت وباست راسو ..: يخليلي ياك يا احلى اب ركضت لغرفتها لحتى تجهز حالها عرفت تضربها صح .. بتعرف طبع ابوها .. ما بسمح لحدا يقرر اي قرار وهو موجود .. رجعت طلعت للصالة ..: وين رياض .. رائدة: طلع مع رفقاتو جومانا : رح دقلو ليجي يوصلني .. ما بدي روح لحالي دخل يامن من باب البيت فجأة ..: خير انشالله .. على وين ؟ رائدة: عندها عشاء عمل بامن : ايه لا ما في روحة وقف ابوه وعلامات الغضب عوجهو ..: ومين حضرتك لتقرر اذا تروح ولا لا وانا موجود يامن: ابي اذا فتحت عحالك هالبواب ما رح تنقفل .. اليوم عشا بكرا حفلة اللي بعدو بدي انام عند مديري .. بدون سابق انذار .. نزل كف على وجه يامن من ابوه ابو رياض : اخرس يا كلب .. صوتك ما بدي اسمعو .. واذا بسمعك كمان مرة بتحكي عن اختك هيك بدفنك بارضك .. انقلع من وجهي بسرعة قبل لارتكب فيك جريمة تملت عيون جومانا دموع طبطبت رائدة على كتفها ..: لا تهتمي حبيبتي .. روحي جهزي حالك وانا بحاكي رياض كانت رح تمشي وقفت بس سمعت صوت ابوها ابو رياض : كوني قد ثقتي فيكي .. انتي بتعرفي اني كنت معارض الجامعة والشغل من الاساس .. بس شفت اجتهادك واصرارك وافقت .. لا تهزي ثقتي فيكي قربت منو وباست ايدو ..: ما رح اخسر ثقتك صدقتي مسح على راسها ..: الله يوفقك دخلت لغرفتها قعد ابو رياض رائدة بحب ..: متل ما قلتلك لازم تبقى جنبها وما تسمح ليامن يتدخل فيها ولا تعطيه مجال .. بنتك تربايتك وما رح تغلط .. هي كبيرة وواعية ابو رياض : على خير ان شاء الله ___ عالساعة سبعة كانت جومانا جاهزة .. غيرت رايها وما لبست فستان متل ما كانت مخططة .. لبست جاكيت سودا وتحتها بادي ابيض وبنطلون اسود .. عملت مكياج خفيف .. طلعت من غرفتها وقفت قدام رائدة ..: شو رايك خالتو قامت من مكانها وحضنتها وبوستها ..: بتجنني يا عمري جومانا : يخليلي ياكي ابو رياض. عالتسعة بتكوني هون .. ما بدي تأخير جومانا : ايه قلت لرياض يجي ياخدني عالتسعة .. واذا خلص العشا عبكير . بحكي معو .. لا تقلق سمعت صوت زمور سيارة برا جومانا : شكلو رياض وصل .. يلا سلام طلعت من البيت وركبت جنب رياض وانطلق _____ وصلت للمطعم رياض : يلا اختي انزلي كمان ساعتين برجع باخدك اطلعت من الشباك وشافت سيارة فؤاد ..: يلا اخي هاي سيارة مديري .. سلام نزلت من السيارة وتوجهت لسيارة فؤاد .. دقت عالشباك شافها ونزل جومانا : مساء الخير استاذ لف لعندها .. اطلع عليها من فوق لتحت ..: مساء الخيرات استغربت نظراتو ..: خير استاذ .. في شي !؟ فؤاد : ابداً .. خلينا ندخل تخطها ومشى قدامها .. انغاظت منو ودخلت وراه عند الباب .. بعد ما عادل انتبه انهن داخلين .. قام من مكانو لاستقبالن .. عادل : اهلاً استاذ فؤاد .. قرب من جومانا .. مسك ايدها وباسها بكل اكابرية .. : نوّر المطعم .. شكراً لانك لبيتي دعوتنا قربت رينا فجأة من فؤاد .. صافحتو وباستو من الجهتين ..: استاذ فؤاد .. اكيد امي داعيتلي لحتى اجتمع فيك مرتين بيوم واحد رفعت جومانا حاجبها .. وضربت رجل فؤاد بِغُل اطلع عليها بعدم فهم وهمس ..: شو عملت ؟ عادل : تفضلوا يا جماعة توجهوا للطاولة وقعدو حولها بعد دقايق دخل يزن وانضم لالن كانت جومانا قاعدة بين يزن وعادل وفؤاد مقابلها وجنبو رينا اطلعت جومانا على رينا اللي كانت تحكي مع فؤاد ومندمجة معو بطريقة ملفتة للنظر .. اخدت نظرة على لبسها .. كان مكشوف جداً .. كانت كاملة مكملة .. جسم مثير ومغري بطريقة مستفزة .. جميلة جدا واللي زاد جمالها المكياج اللي عملتو .. كانت لابسة فستان قصير ضيق عالجسم مع فتحة عند الصدر انغاظت وهي شايفة فؤاد منسجم معها بالاحاديث الجانبية وعيونو عليها فجأة قرب منها عادل ..: رينا بتسحر اي حدا بشوفها .. الشي الوحيد اللي توفقت فيه من سنين .. هزت براسها بدون ما تجاوب اخد نظرة سريعة عليها وغمزها ..: واكيد فؤاد كمان توفق فيكي انت كمان .. صدقيني لو ما انت اللي رح تكوني مسؤولة عن المشروع كان ما وافقت وما وقعت العقد اطلع عليها فؤاد وشافها خجلانة ومتلبكة ..: خير عادل بيك .. عادل : عم خبر الانسة جومانا انك موفق كتير بانها بتشتغل عندك .. وانا متأكد رح تدخل مشاريع كتير بسببها وبسبب جمالها فؤاد: لا انت غلطان .. جومانا موجودة هون بسبب اجتهادها واتقانها لشغلها .. انا متأكد اني مو معتمد على جمالها عادل : لا هيك بدك تزعلني .. صحيح انو الشغل عجبني .. بس لولا جمالها ما كنت اصريت حس يزن انو الموضوع احتد بين الطرفين .. وحاول يتدخل ..: اسمحلي عادل بيك .. جومانا بنفسها معتمدة على شغلها الاكثر من رائع .. وانا بقول بكفي نخجل الانسة بكلامنا .. اتدخلت رينا ..: رح تقولو عن تفكيري غريب .. بس الكاريزما والجمال عنصر اساسي لحتى الواحد يتقدم ويتطور اكتر جومانا بحدة واضحة ..: كل واحد وتفكيرو .. لو كلنا بنفكر بنفس طريقتك كان كلنا اليوم عاه.. قاطعها فؤاد بسرعة قبل ما تغلط ..: نحنا رح نبدأ من بكرا نشتغل علمشروع .. بما انو الميزانيات جاهزة والمخططات جاهزة .. عمال البناء رح تكون بكرا بالموقع مع المهندسين وجه عادل كلامو لجومانا ..: اكيد انت رح تكوني متواجدة جومانا : اكيد عادل : كتير حلو فؤاد : ومتل ما اتفقنا .. خلال ثلاث اشهر رح نسلم المشروع .. حطت جومانا الفوطة على الطاولة ..: عن اذنكن .. قامت وتوجهت للحمام .. وقفت قدام المراي وهي معصبة ..: انا شو جابني لهون .. ناقصني مسخرة لانو .. شي مقزز .. ما في غير كلمة وحدة توصفها .. والله عيب .. غسلت ايدها .. مسكت تلفونها ودقت لرياض ..: ايه اخي انا خلصت .. كلو عشا مو حفلة .. يلا ناطرتك .. اخي لا تبلش .. تمام تمام اخدت جزدانها وطلعت كان واقف ناطرها عند الباب .. ضربت فيه ..: شو بدك .. رفع الخصلة اللي كانت على خدها ..: شبك معصبة جومانا بدون وعي ..: مبسوط بحالك .. قول في كلبة قاعدة معي عنفس الطاولة ولازم احترمها واحترم مشاعرها.. ولا خلص ما عاد في حياء .. رفع حاجبو ..: لي احترم مشاعرها متلاً .. في سبب هالقد مقنع ؟ ضربتو عصدرو ..: وعامل حالك ما بتعرف .. بس انت شايفني اداة للتسلاي .. وعم تعلقني فيك لتتسلى بس واتضيع وقت مو اكتر حط ايده عالحيط حولها وهي صارت قريبة لصدرو ..: انا مو صغير .. واعتقد اني كبير بما فيه الكفاية عالتسلاي .. واذا انا ما حكيت لانو ما بدي تعتبريه ضغط مني عليكي .. وانا مو مسؤول عن تصرفات غيري .. نزلت عيونها لتحت وقلبها بنبض بقوة حط ايدو عدقنها ورفع وجهها ..: لا تحرميني من عيونك .. جومانا بإرتباك ..: اســ.. اسـتااذ لووو .. لووو سمحت فؤاد : لا بقى تقوليلي استاذ .. نزلت راسها ومرقت حالها من تحت ايدو ..: انا صار لازم ارجع عالبيت .. فؤاد : لك لحظة وين رايحة .. ما حكيت شي .. لك استني .. مين رح يوصلك جومانا بإستعجال ..: بتنحل مو قضية طلعت من المطعم بلا ما تودع حدا .. وقفت عباب المطعم ..: يا ربي كان لازم انسحب من لساني واعملو محاضرة.. يلا يا رياض دقايق وكان رياض واصل .. ركبت جنبو وانطلق كل هدا تحت انظار فؤاد .. افكار بداخلو .. لي عم تتصرف هيك .. واضح انها مغرومة فيه بس ما بدها تعترف لحالها بالاول رجع للطاولة واعتذر بالنيابة عن جومانا كمل السهرة .. يتبع ..🥀🥀