*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d *.#لعنة_الفؤاد🤎* # الجزء_السادس رجعت للبيت .. بدلت تيابها ولبست بيجامة للنوم .. قعدت عالتخت تفكر بكل شي عملتو وعم تعملو .. بتكون انسانة عادية وفجأة بس حدا يقرب من فؤاد بتتحول وبتصير متل اللبؤة اللي بتدافع عن اشبالها.. صفنت شوي ..: معقول انا .. سكتت شوي ورجعت همست ..: بحبو!!!!!! الف علامة استفهام طلعت براسها .. كيف وايمتى وليش.. ما لاقت جواب لاي سؤال .. بس النتيجة انها بحبو .. احساس حلو وغريب .. لاول مرة بتحس فيه .. اتذكرت كلامها واسلوبها معو.. شتمت حالها .. وأنبها ضميرها .. بس خلص فات الاوان .. تسطحت عالتخت .. فجأة رن. تلفونها .. اطلعت عالاسم ودق قلبها .. فتحت الخط ..: نعم استاذ فؤاد فؤاد: قلت بلاها استاذ خلص .. طولنا كتير بفترة استاذ جومانا : استاذ .. انا بالبيت ممكن نحكي بكرا فؤاد: عارف انك بالبيت .. لهيك اتصلت .. متأكد ما رح تعطيني محاضرة من محاضراتك المعتادة .. قلت دقلك واحكي انا ورح اضمن ما تحكي كتير جومانا : استاذ .. فؤاد بغيظ..: وبعدين استجنعت قوتها..: فؤاد .. رح اختصر عليك كتير حكي فؤاد: تفضلي .. جومانا : وانا كمان فؤاد : انت كمان شو! جومانا بخجل ..: متل ما قلتلني بالمصعد .. سلام فؤاد: شو جومانا بنبرة خجولة ..: ما بعرف كيف حبيتك سكرت الخط بوجهو بلا ما تسمع ردو ودفنت حالها تحت الغطا ونبضات قلبها متسارعة ابتسمت بغباء ..: جد بحبك ____ عالطرف التاني اطلع فؤاد عالتلفون بعد ما سكرت الخط والابتسامة مزينة وجههو .. طفى محرك السيارة ونزل دخل البيت وكان هدوء .. طلع لغرفتو وتسطح عالتخت مرق عشر دقايق واندق الباب رفع حالو عن التخت ..: ادخل دخل ابوه ..: ما تأخرت اليوم قام فؤاد وساعدو ليقعد عالكنبة..: ما كان شي مهم مدحت : شو وضع الشركة .. تنهد فؤاد ..: انا وعدتك سلمك ياها بعد سنة وتكون واقفة على رجليها ورجعها احسن من الاول .. رح نقدم عالمناقصة الجديدة للشهر الجاي .. ان شاء الله خير مدحت: بعد في مصايب من ورا اخوك ؟ فؤاد: ما كنت بدي احكي بس لازم يكون عندك علم .. من يومين كنت اراجع شوية اورق مع المحاسب ومدير الموارد البشرية .. لقيت في اكتر من عشرين موظف عنا بس ما بداموا.. استغرب مدحت ..: كيف يعني فؤاد.: يعني رواتب بتندفع لموظفين عاساس بشتغلو بالشركة بس ما في موظفين بالاساس .. وكتير متلاعب بالحسابات مدحت بغضب..: وحسن اللي مسؤول رفع فؤاد حواجبو ..: كانت اكبر غلطة ابي .. بس لا تقلق .. انا حليت الموضوع .. وقفت كل رواتب الموظفين وعم زيد الايدي العاملة بالشركة وبالمواقع ليكون الانتاج اكبر .. واليوم وقعنا عقد لمشروع مع عادل الصالح .. لا تقلق .. متل ما وعدتك رح يصير ربت على كتفو ..: لو ما تركتنا من الاول ما كان وصلتا لهون فؤاد : انت وحدك بتعرف السبب .. وهلق رجعت والوضع ما عم يتحسن ابداً .. بس انا وعدتك ما رح ارجع افتح الموضوع مدحت بحنان..: ابني انت العاقل .. وانت اللي مجبور تتحمل امك وتبرّها .. انت بكرها لامك وهي شايفة انه واجبك تنحمل كل شي بدون اعتراض فؤاد: ابي انا ما عدت الولد الصغير اللي اني كانت تضربو ويسكت .. ويوافق على كل شي لانه هيك عقليتها ولاني الكبير لازم اتحمل واسكت .. انا تعبت مدحت : هاي امك وهدا عقلها .. ما فيك تغير شي فؤاد: لا تقلق ابي .. لعلُ خير ان شاء الله قام مدحت وتوجه لغرفته .. بعدها قام فؤاد .. توجه لغرفة هديل دق دقة خفيفة وفتح .. مد راسه ..: الحلو صاحي!!! عبست ولفت وجهها للجهة التانية .. ابتسم بحب ودخل ..: شبو القمر زعلان .. كتفت ايديها ..: لا تحكي معي قرب من تختها وقعد جنبها ..: زعلانة مني اطلعت فيه نظرات عتاب ..: لما سافرت اقنعت حالي بالزور انك سافرت لمصلحتك .. بس تكون هون بالبلاد وما شوفك مسح على شعرها وشدها لعندو ..: حقك عليي .. الشركة اخدت كل وقتي .. سامحيني ما فيي على زعلك بعدت راسها عن حضنه ..: صالحتك .. اطلعت بعيونو..: شبك .. لي عيونك بلمعوا ابتسم ..: كشفتيني توسعت ضحكتها ..: يعني في شي !! هز براسه..: ايه .. هديل بإنفعال ..: مين هي .. حلوة .. قدي عمرها .. كيف عرفتها..بتحبها بتحبك ضحك فؤاد عإنفعالها .: كل هاي الأسئلة بدي جاوب عليها هديل : ايه ما في مفر فؤاد : حاضر يا ستي .. بس مو هلق .. هلق بدي انت تخبريني كيفك وكيف دروسك هديل بغيظ ..: ليش هالسيرة النكد .. كنا مبسوطين .. كل شي تمام .. لا روحة ولا جية اقل ما فيها ادرس وجيب علامات فؤاد : بدي مجموع عالي مشان تسجلي هندسة وكم سنة وتشرفيني عالشركة عبست هديل ..: قلتلي جامعة .. لي ما عرفت انه امي بعد البكالوريا بدها تصدرني لبيت العريس مسح على شعرها ..: ما دام انا موجود ما رح اسمح لحدا يتدخل بمستقبلك .. نطت على حضنو ..: جد بتحكي .. يعني رح سجل بالجامعة ابتسم بحب ..: التخصص اللي بدك ياه هديل : الله يخليلي ياك فؤاد : يلا عالنوم عندك مدرسة .. وانا تعبان غمزتو..: رايح تحكي مع الحُب فؤاد: ولي .. بلشنا طبع بوسة على جبينها ..: يلا تصبحي على خير هديل : طب اسمها بس !! فؤاد : نامي __ بعد أيام ناطر بالموقف التابع للشركة .. وكل شوي يطلع بالساعة سمع دق خفيف عالشباك ابتسم ابتسامة جانبية..:اركبي جوج جومانا : شو في فؤاد خوفتني فؤاد : لي تخافي جومانا : يعني بدقلي وصوتك ما بعرف شبو .. وانزلي انزلي بسرعة انا بالموقف حط اصبعو عتمها ..: هششش خلص عالسكت .. ما بدي اسمع ولا كلمة شغل السيارة انطلق بعد فترة جومانا : بنفع اعرف لوين رايحين فؤاد: لا خجومانا بضجر ..: فؤاد .. احكي فؤاد: ما بتحبي المفاجئات؟ جومانا : بحبها فؤاد: لكن محضرلك مفاجئة سكتت وبلشت الأفكار تلعب براسها اطلع عليها بطرف عينو ..: أيــة .. هلق سكتت وصارت تفكر .. لا تقولي انه عم تفكري اني ماخدك عمكان نكون فيه لوحدنا انا وانت والشيطان ثالثنا اطلعت عليه بصدمة ..: فؤاد .. اعترف فؤاد : بشو اعترف يا مجنونة جومانا : انت بتقرأ أفكار فؤاد بمزاح ..: بقرأ افكارك المجنونة بس .. شبك يا بنت لي مخك دايماً شمال قرب منها وبعيونو نظرة خباثة..: ما تكوني بدك هيك شي ضربته بخفة..: اختصر .. بلا ما انزل من السيارة واعملك فضيحة فؤاد : لا لا بلاها .. ما ناقصنا فضايح بعد نص ساعة وصل لمنطقة على الجيل عالية نزلوا من السيارة وتوجهو لحفة الجبل وقفت جومانا مذهولة من المنظر اللي تحتها كان محل بطل على المدينة كلها .. التفتت عليه ..: بتصدق اني حلمت اني كنت هون .. معك .. بس هاي اول مرة باجي لهون قرب منها فؤاد ..: وبشو حلمتي جومانا بحماس ..: كنت انا وانت هون .. واقفة عند حفة الجبل هاي والهوا بطير بشعري وما كنت خايفة لانك جنبي .. بس لما قربت مني وكنت بدك .. سكتت بعدما تذكرت تكملة المنام لف ايدو على خصرها وهمس ..: كنت شو ؟؟ اطلعت عليه بخجل ..: ما شي .. ما شي انسى قربها منو اكتر وهمس ..: كنت رح بوسك مو .. واكيد انت اعترضتي على عملتي وكنتي رح توقعي اطلعت عايه بصدمة ..: كنت معي ؟؟؟ ضحك بكل صوتو ..: ايه لا .. جومانا : لكن كيف عرفت فؤاد: قرأت افكارك التفتت للمنظر اللي قدامها ..: شوف هدا الجمال نحنا عايشين فيه بس ما منقدر اطلع عليها بحب ..: انا ما شايف شي غير الجمال اللي قدامي اطلعت عليه وشافتو عيونو عليها .. خجلت منو كتير ..: فؤاد .. قاطعها ..: انا بحبك .. اطلعت بعيونو ورجف قلبها .. نزلت عيونها بخجل شدها لعندو اكتر ..: شبك .. اطلعت بعيونه ..: خايفة .. فؤاد بقلق ..: لي خايفة .. خايفة مني ! جومانا بتوتر..: خايفة من علاقتنا .. ما بعرف لي فؤاد بحب ..: احكي اللي بقلبك .. انا هون لاسمعك .. جومانا : ما بعرف .. بس كل ما نقرب من بعض بحس رح يصير شي .. ما حاسة النهاية رح تكون متل ما بدي .. إحساس غريب فؤاد : انت شو مشاعرك اتجاهي ؟ اطلعت بعيونو وما ردت فؤاد : لساتك متردده جومانا: ما بعرف .. خايفة فؤاد: اتركي حالك .. عيشي اللحظة .. لا تفكري كتير لقدام جومانا : انت شايف انه نحنا مناسبين لبعض.. راسي راكب على راسك .. افكارنا .. طباعنا فؤاد : جمال الحُب بالاختلاف .. انا تفكيري شي وانت تفكيرك شي تاني .. الحُب بخلي اختلاف افكارنا حلو لنصل لفِكِر واحد .. لنخلق شي جديد نتفق عليه نحنا النتين .. الحُب بخلينا نوصل لنقطة وحدة تجمعنا سوا .. جومانا : شو حبيت فيي!؟ فؤاد: كل شي .. بس اول شي عجبني فيكي اصرارك .. طموحك .. عقلك المختلف .. ( ضحك ) .. تفكيرك المتخلف جومانا: هلق انا تفكيري متخلف !! فؤاد: ايه .. لما بتفكري اني فاضي احطلك شي بالقهوة واني تحججت بعدم وجود حجز بالفندق مشان اختلي فيكي هدا تفكير متخلف جومنا بخجل ..: ما بدك تنسى .. فؤاد بمزاح ..: هاي اول قصة رح خبرها لولادنا .. رح خبرون عن امن المتخلفة اللي الروايات مسيطرة على عقلها ومفكرة كل شي بصير بالروايات والأفلام حقيقة جومانا : ايه بحب الروايات وبتمنى عيش قصة حب متل قصص الروايات ابتسملها بحب ..: بوعدك عيشيك قصة احلى من قصص الروايات كمان مسكها من ايدها وشدها لعندو اطلعت عليه بحب فؤاد: رح حقق نص المنام سحبها لعندو اكتر واخدها بحضنو .. إحساس غريب حستو .. خليط من الحب والسعادة والامتنان حطتت ايديها على صدرو عملت متل ما طلب منها .. عاشت اللحظة بكل مشاعرها بعد لحظات .. بعدت عنو .. : فؤاد .. هلق انت كم سنة وبتفوت بالاربعين .. لي ما تزوجت .. ما تكون بتكره جنس حوا وجيت انا غيرتلك كل رأيك ضحك على كلامها جومانا: شبك !! خانتك ومن وقتها ما عدت تحب شي اسمو بنت فؤاد: لا .. عادي متلي متل أي شب مرق بعلاقات اغلبها فاشلة .. ما لقيت البنت اللي بدي ياها .. اما ما بكره جنس حوا .. لك اصحي .. هدا ما في منو بالواقع .. كلو روايات وافلام .. أبو الروايات عابو الأفلام اللي جننتك عقدت حواجبها وضيقت عيونها ..: يعني ما كنت متعقد من البنات وجيت انا فكيت عقدتك فؤاد : لا للأسف ضربت ايديها ببعض ..: يا الله .. كان نفسي هيك يكون فؤاد: لا اله الا الله .. حسبي الله بالروايات ضحكت عليه ..: انا هلق بدي اعملك عقدة من الروايات مو اطلع عليها بحب ..: خليكي هيك اضحكي .. ضحكتك كتير حلوة رجعوا التفتو لمنظر المدينة قرب شفافو من ادنها وهمس بنبرة كلها مشاعر ..: ما بدك حقق النص التاني من الحلم التفتت عليه وقلبها بدق بسرعة وقشعريرة سرت بكل جسمها .. اصتنعت البرود ..: جرب بس .. وساعتها بكمل الحلم على كيفي انا وبرميك من هون شدها اكتر لعندو ..: لا خلص .. بنحققو بعدين __ بعد اشهر .. حطت القلم من ايدها ورمت المخطوطات من قدامها وزفرت بزهق ..: افففف وبعديـــن هالحالة مطولة رفعت جومانا راسها واطلعت عليها ..: خيــر ست ناديا ..شبك كمان .. ناديا : يا اختي نفس اطلع .. شم شوية هوا .. غير جو .. لايمتى هالوضع .. شغل بيت .. بيت شغل .. دوام مخططات بيت .. بيت دوام .. صرخت فيها جومانا ..: ايـــه فهمت .. لازم تعيدي الف مرة مشان افهم معاناتك ناديا بضجر ..: مليت .. من وقت ما دخلنا هالمخروبة ونحنا نفس الروتين .. جومانا : وشو فيني ساعدك.. كان وافقتي عالعريس اللي تقدملك وبتغيري روتين بتصيري تتخانقي وتتقاتلي وتتصالحي معو .. تغير جو والله ناديا : الله يسد نفسك يا بعيدة .. حطت جومانا القلم من ايدها ..: شو بدك اطلعت عليها ناديا نظرات كلها شر وخباثة وكأنها بتلمح لشي خطير رفعت جومانا حاجبها ..: شو ولي !!!! لشو بتخططي !!!! قامت ناديا من مكانها وقربت من جومانا وهمست ..: جــــوج.. تعي اليوم نهرب انا وانت متل زمان .. نروح لشي مكان ونخربها جومانا بصدمة ..: انت كان قصدك بتغير الروتين بأنه نموت او يصيبنا عاهة مستديمة !! ناديا : لك ليش تفاولي .. خلص بتقولي لاهلك انك جاية عندي وانا بكذب نفس الكذبة ونهرب لشي مكان ارتسمت ابتسامة شر على شفاف جومانا ..: اقنعتيني ناديا : الليلة !! جومانا : الليلة .. لحظة لاطمن عالوضع اخدت تلفونها ودقت لرائدة …: اممم الرور كيفك يا عيوني رائدة بخوف ..: مصيبة جديدة جومانا : الله يسامحك .. كنت بدي اطمن عنك رائدة : قولي يا بنت يولاندا جومانا: بدي روح مع ناديا عالسوق بعد الدوام .. كفو تغطي عليي رائدة؛ انا قلتلك قبل انه طلاقي على ايدك ؟؟ جومانا : ايه قلتيلي .. كفو !! رائدة : تمام .. اساساً يامن مو هون .. من شوي اجى اخد شنطة ونزل مع رفقاتو عالبحر وابوكي حاكاني من شوي وراح عالضيعة مع رياض ضحكت جومانا من كل قلبها ..: اقسم بالله بنت حلال .. رائدة: انبسطي .. بس لا تتأخري .. جومانا : تمام تمام .. يلا سلام بشوفك نزلت التلفون واطلعت على ناديا ناديا : شو !! جومانا : بدي روح عند الاستاذ يزن اخد اجازة لاخر النهار .. يلا وانت كمان ناديا : شو انا كمان جومانا : تعي معي ناخد اجازة .. بنقلو حدا من العيلة تعبان وراح عالمشفى ولازم نروح ناديا : هلق بشوفني وما برضى وقفت جومانا وسحبتها من ايدها ..: نزلي دمعتين ما بتعرفي ناديا: لك استني .. مين بدنا نقلو جومانا: ابوكي ناديا ؛ لا يوووو بعيد الشر عنو جومانا: خلص بنقلو تيتا .. والدموع عليي .. بس انت احكي لاني مصدومة وما فيي احكي وارجع عالبيت لحالي ضحكت ناديا ..: ممثلة اخدوا الشنطات وسحبتها وتوجهت لغرفة يزن .. دقت ناديا الباب ودخلت بعدما سمعت الاذن رفع يزن راسو وانصدم بس شاف جومانا الدموع بعيونها ووجهها احمر ومنهارة وقف وتوجه لعندن ..: خير شبك انسة جومانا انصدمت ناديا من كلامو ومو فاهمة عليه .. التفتت لجومانا وشفتها بتبكي وشبه منهارة .. توسعوا عيونها .. ايمتى لحقت عملت بحالها هيك يزن : شبك .. صاير شي تمالك ناديا اعصابها ..: استاذ بدنا اجازة لاخر النهار .. هلق اتصل ابوها لجومانا وخبرها انهن نقلو جدتها للمشفى بعدما اجتها جلطة يزن بشفقة ..: اكيد اكيد .. تفضلوا .. سلامتها وان شاء الله تقوم بالسلامة ناديا بحزن… شكراً استاذ .. شكراً سحبت جومانا المنهارة وطلعوا من المكتب ومن الشركة كلها بعدو عن الشركة مسافة منيحة اطلقت ناديا ضحكتها ..: يا ربي .. رح موووت .. شو عاملة بحالك .. كيف هيك ضحكت جومانا على ضحكت ناديا ..:كيف !! ناديا : استاذ يزن كان رح يغط على قلبو بس شافك بهالحالة ضحكت جومانا ناديا : انت ما لازم تكوني مهندسة انت لازم تدخلي معهد التمثيل .. شو بدك بالهندسة جومانا بفخر ..: انا بنت متعددة المواهب ناديا : هلق خلصنا الجزء الاول من الخطة .. جومانا: شو الجزء التاني ناديا : تعي ننزل عالسوق نشتري قطعتين .. بدنا نروح نسهر بهالتياب المعتة جومانا : يلا .. وبعدها قربت ناديا من وهمست ..: نفسي ادخل ديسكو جومانا بإشمئزاز..: ديسكو يا بيئة .. اسمو نايت كلاب ضحكت ناديا ..: يا خبرة انت جومانا: بدك تفضحينا انت .. لا بنروح عمطعم خفيف لطيف وخلص ناديا : مو مهم .. ( رجعت قربت من جومانا وهمست ) المهم فيه مشروب توسعت عيون جومانا …: مجنونة انت ناديا : مرة وحدة جومانا: برجع عالبيت ناديا ؛ خلص بلاها .. المهم يكون مطعم غالي جومانا : غالي .. تفضلي نصرف راتب الشهر كلو اليوم شنكلت ناديا ايد جومانا وتوجهوا للمول ___ طلعت جومانا من غرفة تبديل التياب .. لابسة فستان ازرق نيلي فوق الركبة ضيق عالجسم صفرت ناديا غصب عنها ..: لــــك شووووو هدا يا مزة جومانا : كيف حلو ناديا : بياخد العقل .. رفعت فستان ..: شو رأيك بهدا !! جومانا : مفتوح من عند الصدر .. بلالك ياه ناديا : انا هيك بدي .. بدي اعمل كل شي بنفسي اليوم جومانا : ما رح نتخانق هلق .. يلا رح بدل ونحاسب _____ بعد ساعتين طلعت ناديا وجومانا من البيوتي سنتر ناديا بمسخرة ..: منيح معنا معاطف .. كيف كنا بدنا نمشي بهالبرد جومانا : المهم قوليلي كيف طالعة ناديا : قمر مصور .. جومانا : بس انت احلى .. لازم قصيت شعري ناديا : مجنونة جومانا : وين السيارة اللي طلبتيها من المكتب .. ناديا : ليكها .. يلا تعي تقدموا من السيارة وركبوا بعد وقت وصلوا لواحد من افخم المطاعم بالبلد كانت الشمس على وشك الغروب .. وانعكاس الغروب على واجهة المطعم وقفت جومانا وجنبها ناديا ..: نحنا رح ندخل هون .. ماني مصدقة رح نحط راتب الشهر والشهر الجاي هون دخلوا للمطعم ووقفت ناديا عند الاستقبال ..: مساء الخير موظف الاستقبال ..: اهلاً يا خانوم التفتت ناديا لجومانا وهمست ..: قلي خانوم كتمت جومانا ضحكتها غصب عنها ناديا بثقة ..: عنا حجز بإسم العامري الموظف ..: نعم موجود تفضلوا .. تقدم الموظف من ناديا واخد المعطف عن اكتافها وبعدها معطف جومانا .. توجه لوحدة من الطاولات بتطل عالجبل ومن اسفلو البحر سحب الموظف الكرسي لناديا وموظف تاني لجومانا ناديا بأكابرية ..: مرسي اطلعت ناديا بجومانا وهي شايفتها بتحاول تكتم ضحكتها ..: جومانا اخرسي احسن ما خرسك .. بدك تفضحينا جومانا : ناديا رح يطقوا خواصري .. وبعدين .. انتبهت ناديا للنادل اللي قرب من الطاولة .. همست لجومانا ..: اخرسي قرب النادل ومعو قائمة الطعام .. قدمها لناديا ووحدة لجومانا عضت جومانا عشفافها بمسخرة ..: شو بدك تطلبي ناديا بهمس ..: عم تحاولي تحرجيني لاني ما بعرف ايطالي .. حبيبة قلبي رفيقتي اللي بتعرف ايطالي .. تفضلي اطلبيلنا حضرتك ابتسمت جومانا …: كيف خطرلك تعملي الحجز بإسم العامري .. بتنسبي حالك لعيلة العامري كتمت ناديا ضحكتها .. : لو تعرفي المصييبة الاكبر جومانا: شو ناديا بهمس ..: قلتلو زوجة الاستاذ فؤاد العامري غصب عنها طلعت ضحكتها بس حاولت تكتمها توسعت عيون جومانا ..: الله لا يوفقك يا بنت ال**** ناديا : يلا شو بدك تطلبيلي .. بدي شي فاخر ما تقوليلي لزانيا رفعت عيونها واطلعت عالنادل .. النادل : تفضلي مدام جومانا بثقة ..: بدي ستيك فيلة ميديوم دان مع مشروم صوص وكمان سوب .. وختمت جملتها بكلمات بالايطالي لتغيظ ناديا اللي مو فاهمة شي هز النادل راسو قبل ما يروح .. ناديا : بدي كمان ريد واين هز النادل راسو وراح ناديا بهمس ..: شو طلبتي !! ضحكت جومانا ..: لزانيا بعد وقت قليل وصل الاكل عالطاولة اطلعت ناديا بجومانا ..: مدام العامري .. جاهزة لنعيش حياة اول واخر مرة بنعيشها ضحكت جومانا ..: جاهزة اخدت الشوكة والسكينة وبلشوا بالاكل _____ ركب فؤاد سيارتو وجنبو يزن فؤاد: وكيف بتعطيها اذن بلا ما شوفها .. ما قالت بإي مشفى يزن ،: كانت حالتها صعبة ما لحقت سألتها شي اخد تلفونو ودق لجومانا .. كان يرن وما في اجابة زفر فؤاد بضيق ..: والله انشغل بالي .. من ساعتين ما بترد .. ما معك رقم ناديا يزن بإحراج ..: وشو بدي اعمل برقم ناديا ليكون معي فؤاد بغضب..: مساعدتك .. مو حامل رقمها يزن؛ مساعدتي بالمكتب والشركة مو برا فؤاد : فهمت فهمت يزن: يلا بدي اتعشى .. فؤاد: هلق وقت عشا يزن : وانا شو مشكلتي اذا حبيبتك ما بترد عليك.. بدي اتعشى فؤاد : لا تعيط .. فهمت شغل السيارة وانطلق .. بعد وقت وصلوا للمطعم نزل يزن من السيارة ..: ما بحلالك الا هالمطعم فؤاد: ايه طبعاً .. دخلوا للمطعم استقبلن النادل عند الباب ..: اهلاً وسهلاً فؤاد بيك .. فؤاد : اهلا .. طاولتي جاهزة النادل : طبعاً المدام ناطرتك رفع فؤاد حاجبو وهمس ..: المدام قرب يزن من فؤاد ..: مدامتك .. تزوجت وما عزمتني يا فؤاد اشر النادل عالطاولة اللي قاعدة عليها جومانا وناديا توسعت عيون يزن وفؤاد وهو شايف جومانا وناديا عالطاولة بأحلى لبس ومكياج همس فؤاد ليزن ..: ما يكونوا عم ياخدوا عزا جدتها لجومانا هون.. يزن بغضب ..: عم يستغفلوني فؤاد بمسخرة ..: ضحكوا عليك .. قلتلي منهارة ووضعها صعب .. تعال معي يا فهيم تقدم فؤاد ببرود من الطاولة ويزن النار شاعلة فيه وقف فؤاد جنب الطاولة ..: نقول البقاء لله مدام جومانا العامري !! غصت جومانا باللقمة بعد ما سمعت صوتو .. ضربت على صدرها بقوة رفعت عيونها وشافتو واقف بكل هيبتو وعشفافو ابتسامة باردة فؤاد: كيف صارت تيتا .. منيحة ولا ماتت !! انربط لسان جومانا وما عرفت تجاوب قرب منها بشكل كبير وهمس جنب ادنها ..: رحتي بشفاعة مدام جومانا العامري جومانا بخوف ..: هاي مو انا ابستم ببرود ..: لكن مين اشرت بإصبعها على ناديا ..: خطة ناديا .. مو انا فؤاد: وناديا غصبتك تمثلي دور المنهارة اطلعت بناديا وشافتها بتعض على شفافها .. : بعتذر .. اخر مرة تقدم يزن وسند ايده عالطاولة وقرب وجهو من وجه ناديا ..: شو يا مساعدتي .. كيفها جدتها لرفيقتك .. بلعت ناديا ريقها ..: استاذ انا .. يزن : عم تشربي نيبد عن روحها يعني !!! ناديا بتوتر ..: استاذ .. انا .. انا .. انا .. يزن : انت شو يا انسة ناديا ناديا: مو زاكي وريحتو بتلعي النفس .. ما قدرت حطو بتمي ضربو عيونو على فتحة الفستان .. بلع ريقو وبعد عنها والتوتر واضح على وجهو .. فؤاد: تسمحولنا نقعد وقفت ناديا بإنفعال ..: اكيد اكيد استاذ .. المطعم مطعمك اطلع عليها يزن من تحت لفوق وشرد بملامح وجهها الجميلة .. حس بنار وشعلت بصدرو لما شافها بالفستان القصير والمكشوف .. ناديا : استاذ يزن ما بدك تقعد سحب يزن الكرسي وقعد فؤاد : شو بدك تتعشى يزن : اي شي مو مهم سلط عيونو لبرا وحاول يهدي قلبو اللي ما عاد هدي من لما قعد جنبها قرب فؤاد من جومانا وعيونو عم تاكلها اكل ..: وين كنتي مخبية كل هالجمال عني .. زاد توتر جومانا اكتر ..: فؤاد لو سمحت فؤاد: وانا بموت الف موتة مشان ترافقيني على عشا او سهرة وما بترضي اطلعت فيه بتوسل ..: مشان الله خلص قلتلك اخر مرة ابتسم ابتسامتو الساحرة ..: يسلمولي هالعيون هاي .. خلص بلاها هالتكشيرة مسامحك .. بعدت عيونها عنو بعدما حست انه قلبها رح يوقف بي ضلوعها .. اشر فؤاد للنادل وطلب وجبتو المتعود عليها وطلب ليزن سحبت جومانا الفوطة عن رجليها وقامت ..: بالاذن حاولت تطلع بناديا مشان تقوم معها بس ناديا كانت عيونها بالصحن وكأنها بتتجنب تطلع بالموجودين استسلمت للامر الواقع وتوجهت للحمام رفع يزن نظرو بفؤاد واشرلو مشان يقوم فؤاد: بالاذن اخد يزن نفس وزفو ببطئ ..: ايه ست ناديا .. شو هدا اللي عاملتيه رفعت ناديا عيونها .. حركت حجر عينها وما شافت حدا عالطاولة غير يزن ..: وين راحوا مسكها من ايدها وفتلها عليه ..: وشو هدا اللي لابستيه عقدت حواجبها ..: شو يزن : ما شفتي حالك بالمراي اخدت نظرة سريعة على حالها ..: مبلا شفت حالي .. شبني مو حلو كز يزن على اسنانو وحس انه تورط ..: لا مو حلو .. هدا مو لبس موظفة محترمة ناديا : بس انا هلق مو موظفة .. انا هلق خارج الدوام يزن بغيظ …: تعي نصلح جملتك .. موظفة هربانة من الدوام .. بعد ايده عنها وهو حاسس النار بتاكل فيه من جوا .. وما كانت اي نار .. كانت نار الغيرة وشعلت بقلبو .. رفعت ناديا حاجبها ..: استاذ .. شو عم يصير معك .. هالقد زعجك موضع كذبنا عليك .. ولا في شي تاني ومو عارف تحكيه احتدت نظراتو ..: شو قصدك يا انسة ناديا ببرود ..: ما شي .. ممكن كمل اكلي كملت ناديا اكلها ببرود شديد وحاسة بالسعادة من غير يزن عليها .. ويزن كل شوي يسترق نظرات عليها ____ طلعت من الحمامات .. ..: شو يا حلو نقز قلبها لما سمعت صوتو .. اطلعت عليه كان واقف ساند حالو عالحيط عدل وقفتو وقرب منها بهدوء وعيونو عليها وعلى جسمها ولبسها ..: لابقلك كتير الفستان .. طالعة فيه متل اميرة هربانة من رواية احمر وجهها من غزلو الصريح ونزلت راسها لتحت .. قرب منها اكتر وحط ايدو تحت دقنها ورفع راسها ..: ايمت بدك تقبلي تصيري مدام فؤاد العامري جومانا بإنفعال واضح ..: ناديا اللي عملت الحجز وهي اللي خبصت هالخبصة .. انا ما بعرف شي اطلع بعيونها بحب ..: انت مو حابة تكوني مدام فؤاد العامري دابت بعيونه وقلبت شفافها انتفض قلبو بحركتها الطفولية .. قرب وجهو من وجهها وعيونو عشفافها .. على اخر لحظة بعدت عنو ..: شو كنت ناوي تعمل اطلع عليها وابتسامة عشفافو..: كنت ناوي اضعف .. مسكها من ايدها وسحبها لعندو ..: ما بدك تجاوبيني رفعت عيونها وجسمها برجف بين ايده ..: شو ..!! ما قدر يسيطر على حالو اكتر وهي بين ايده بجمالها هدا .. قرب من شفافها وطبع بوسة صغيرة بعد عنها واطلع بعيونها الفيروزيات ..: حققت شغلة صغيرة من شو كنت ناوي اعمل جومانا برجاء ..: فؤاد خلص .. غمض عيونو اخد نفس بقوة استنشق كل عطرها ..بعد ايده عنها وتركها ..: روحي .. اطلعت عليه بإستغراب !! زفر بقوة ..: روحي من هون جومانا رفعت حاحبها وهمست … : هدا جن رسمي تركتو ورجعت غمض عيونو ..: فيكي .. جنيت فيكي .. _____ بعد شهور خلص الاجتماع .. سكر فؤاد اللابتوب وبعده على جنب .. شبك ايده ببعض ..: الاسبوع الجاي رح يكون عنا سفر لدبي .. رح نجتمع مع الوفد الايطالي والصيني .. بدي تكونو جاهزين بكرا رح يكون اجتماعنا عالساعة ثماني الصبح .. رح تعرضو المشاريع اللي رح نقدمها .. هاي صفقة العمر .. ما بدي ولا غلطة .. واهم شي فريق التصميم والديكور .. بدي يكون كل شي على اعلى مستوى .. مفهوم الكل ..: مفهوم استاذ اخد اللابتوب وتلفونو ..: تفضلو ع مكاتبكن .. طلع من غرفة الاجتماع ووراه يزن .. قربت ناديا من جومانا ..: وهاي كيف رح اتدبريها .. جومانا : بسيطة .. الاعتراف بالحقيقة او نص الحقيقة ناديا : كيف! جومانا : رح تشوفي .. بس اكيد اكيد هالسفرة ما رح اتضيع من بين ايدي .. لك انت فاهمة رح نتعرف على ناس جديدة… وهدا كلو لمصلحتنا ناديا: يلا قومي عالمكتب لنعمل شوية مراجعات للمشروع _ بعد نهار طويل بالشغل .. رجعت على بيتها .. دخلت لغرفتها بدلت تيابها وتوجهت للمطبخ قربت من رائدة ..: يسعدلي عالمسا .. كيفو الحلو رائدة : مادام كيفو الحلو .. معناه في طلب تعجيزي جومانا : مو تعجيزي تعجيزي .. نص نص .. وين رياض رائدة: بغرفتو جومانا بهمس ..: يامن وابي ؟ رائدة: يامن لسا ما رجع .. وابوكي عالقهوة جومانا : تمام تمام سحبتها من ايدها ..: لكن تعي معي شوي .. بدي الضغط يكون اكبر رائدة : لك يا بنت لحظة .. عمهلك .. سحبتها وتوجهت لغرفة رياض .. دخلت متل الاضى المستعجل ووقفت بنص الغرفة بعدما سكرت الباب ..: بدي ياك بموضوع حياة او موت .. ارتعب رياض ..: شبك .. خوفتيني جومانا : عندي سفرة مهمة لدبي مع الشركة .. رياض : نعم نعم .. ومن ايمتى البنات عنا بتسافر لحالها قربت منو وقعدت عند ركبو ..: مو لحالي .. مديري المباشر ومدير الشركة ومساعد المدير وناديا وثلاثة موظفات كمان وفي كمان مدراء رجال وستات من اقسام تانية رح يسافرو معنا .. رياض : والمطلوب ؟ جومانا بتوسل ..: بدي تكذب على ابي كذبة صغيرة هالقد .. رياض: نعم نعم جومانا : قلو انو نحنا مسافرين عند الماما لروسيا رياض: بدك ياني كذب جومانا : كذبة بيضا ما بتضر حدا .. واذا بدك بنحاكي ماما نلاقيها بدبي .. شو قلت .. وانا ما رح سافر لحالي .. انت رح نكون معي .. بس وقت الاجتماع والمؤتمر رح كون مع الشركة . .. ريــاض الموضوع مصيري .. اذا وافقوا على مشروعي رح اترقى ويصير اسمي يلامع رياض… دبلت عيونها ..: ريـــــاض . اتدخلت رائدة ..: لك ابني وافق .. انت رح تكون معها مو لحالها رياض : بس انا عندي شغل رائدة : خد اجازة .. انت بحاجة اجازة .. والصيف مطول .. ابني لا تقطع بنصيب اختك .. الموضوع فيه فايدة الها .. والبنت ما كذبت عليك .. قلتلك كل شي على بياض رياض: انا إجازة ما فيني اخد .. بس بقنع ابي انك تروحي لحالك .. شو قلتي جومانا : واذا ما وافق .. رياض : بقلو امي جاية لهون تاخدك .. بوافق بسرعة ولا يشوفها ضحكت جومانا ..: الله عليك .. يلا عليهم .. روح عندو عالقهوة ما رح يصرخ عليك هناك .. فيك تقنعو بين الناس قام رياض ..: وانت قلتيها _____ وقف قدام القهوة .. ابتسم بس شاف ابوه قاعد عوحدة من الطاولات قرب منو ..: ابي يسعد مساك .. كيفك أبو رياض : بخير .. شو جابك لهون .. خير رياض : حاكتني امي من شوي أبو رياض : الله ينزع مساك .. لشو هالسيرة هلق .. خير شو بدها رياض : مشتاقة لاختي .. وهي طلبت مني خليها تسافر عندها الأسبوع الجاي .. بس انا ما رضيت لانو ما فيي اخد إجازة بهالفترة .. وصراحة اقترحت انها تنزل عالبلد .. بس انا قلت لاسألك قبل ما اعطيها جواب .. أبو رياض: لا .. ما تيجي لهون .. خلص خلي اختك تسافر لعندها .. انا ما ناقصني شوفتها .. هلق بتيجي وتبلش مشاكلها الما بتخلص رياض : كيف رح تسافر لحالها.. لا خلص .. بقول لامي تيجي أبو رياض بعصبية ..: انا قلت تسافر ما بدي شوف امك هون .. رياض بفرحة داخلية ..: حاضر ابي .. متل ما بدك رجع عالبيت خبر جومانا بموافقة ابوها .. ____ بعد أسبوع وقبل السفر بيوم بغرفة الاجتماع .. دخل فؤاد ووراه يزن توجه فؤاد لراس الطاولة .. اخد نظرة سريعة عالموظفين ..: كل فرد بالشركة هو عضو مهم عندي .. بس اليوم انتو اهم طاقم موجود عندي بالشركة.. بكرا رح يكون عنا اهم اجتماع بتاريخ الشركة .. المشاريع اللي رح نوقع عليها بكرا من اهم المشاريع بتاريخ الشركة .. ورح تكون نقلة كبيرة للشركة.. بس اهم مشروع هو مشروع الفندق بدبي .. نحنا العشرة الموجودين هون تعبنا واشتغلنا على المشروع هدا وكل واحد حط لمستو .. قراري هلق ما رح يقلل من شأن ولا واحد موجود هون .. وبدي تفهمو قراري اخدتو على حسب ظروف الشخص مو عحسب اجتهادو او عملو بالمشروع .. متل ما حكيت .. كلنا تعبنا وكلنا ابدعنا قربت ناديا على جومانا وهمست ..: شبو حبيبك .. بس ما يكون اللي بفكر فيه صح وهالمقدمة هاي بقولها ليسلمك انت المشروع ضحكو عيون جومانا لا ارادي وما علقت تنحنح فؤاد..: مدام يسرا .. أستاذ مؤمن .. انتو التنين رح تستلمو الاشراف عالمشروع .. وخلال شهر رح تنتقلو لدبي .. وقعت هالكلمات على مسامع جومانا متل الصاعقة .. حست بنار شعلت قلبها .. حبيبها فضل موظفين تنين عليها وحرمها من اكبر فرصة كانت بتحلم فيها اطلعت عليها ناديا وشافت عيونها مسلطة على فؤاد وبتقدح شرر حطت ايدها على ايد جومانا ..: اهدي مو مستاهلة فؤاد :الاختيار كان على حسب معايير معينة ما الها علاقة بالتاريخ المهني لاي شخص هون .. إقامتكن رح تكون على حساب الشركة وكل شي رح يكون مأمن هناك.. الاجتماع انتهى .. فيكن ترجعوا للبيت لتجهزوا حالكن للسفر بكرا حملت اوراقها وطلعت متل الغضب من غرفة الاجتماع دخلت لمكتبها ورمت الأوراق على الطاولة ..: حيوان .. قربت منها ناديا ..: حبيبتي جوج .. اهدي والله مو مستاهلة اطلعت عليها جومانا وعيونها بقدح نار ..: ناديا بعدي عني احسن .. توجهت لورا مكتبها اخدت شنطتها واغراضها وطلعت من المكتب ومن الشركة كلها ___ بالمطار كان واقف فؤاد ويزن عم يحكو بأمور الشغل .. قطع فؤاد حديثو بعد ما شاف جومانا واقفة مع واحد من الموظفين .. شد قبضة ايدو لاحظ يزن الغضب عوجه فؤاد ..: شبك .. في شي اطلع مكان ما مسلط عيونو ..: فؤاد .. لا تعمل مشاكل هون تحرك فؤاد لعند جومانا يزن : لك فؤاد .. لحظة قرب من جومانا وعيونو بنقطو سم ..: يا انسة .. ممكن لحظة تحرك الموظف اللي كان جنبها ..: بالاذن أستاذ شد ايدو على معصمها وشدها وراه ..: تعي معي جومانا بصدمة ..: فؤاد .. شبك .. لوين ساحبني اخدها لمكان بعيد عن عيون الموظفين شد على معصمها اكتر ..: شو هدا اللي عم تعمليه حضرتك جومانا : فؤاد اترك ايدي .. عم توجعني.. لك تركني .. شو بدن يقولو عنا الموظفين فؤاد بعصبية ..:هلق فرق معك كلام الموظفين .. من شوي كنتي عم تمزحي وتضحكي وخاربتيها سحبت ايدها منو بالقوة ..: ايه لا .. انت ما الك علاقة فيني .. اعمل اللي بدي ياه .. ما الك علاقة فؤاد بإستغراب ..: شبك من مبارح .. رجعتي عالبيت بدون ما شوفك وما بتردي عمكالماتي جومانا بغضب ..: وانت ما بتعرف شبني .. سكت شوي وفكر بالموضوع وحاول يستنتج شبها ..: لا تقولي زعلانة لاني سلمت مشروع دبي لحدا غيرك جومانا بإستهزاء ..: ما بك شي طلعت ذكي وبتلقطها وهي طايرة فؤاد بإستغراب ..: من كل عقلك بتحكي انت جومانا : ايه من كل عقلي .. لي شبني يعني .. لي ما استلم المشروع .. ناقصني شي .. لا ما ناقصني شي .. بس انت دايماً بتفضل العالم عليي .. فؤاد : انت بعقلك شي .. كيف بتفكري هيك .. بدك عينك مسؤولة عن المشروع وتنتقلي لدبي وتبعدي عني وما اعرف وين انت ومع مين كل هالمدة لك انا بغار عليكي من النسمة جومانا بصدمة ..: بدك توقف بوجه طموحي ومستقبلي مشان ابقى جنبك لااااا .. انت صرت لا تتطاق .. شو هدا .. هدا جنون هاي مو غيرة فؤاد: غيرتي عليكي اسمها جنون جومانا : ايه جنون .. اذا حكيت مع موظف بتجن واذا ضحكت مع عميل بتجن واذا واذا اذا ..وهلق منعتني من اكبر حلم بحياتي لانك بتغار وما بدك تبعدني من جنبك .. انا ما عاد اتحمل هدا الوضع .. انت عم توترني .. ما عاد فيي عيش هيك .. خلص شوف حل لهالقصة .. انا ما فيي ابعد عن العالم .. نحنا طبيعة شغلنا هيك .. وانت اكتر حدا بعرف هدا الحكي .. ما فيك تبعدني عن العالم وما فيك تحاسبني على كل حركة وكلمة .. فؤاد بغضب ..: مفكرة اذا طرقتيني هالمحاضرة رح اتغير .. انا اسلوبي عادي .. بس حضرتك اللي ما عندك حدود .. جومانا : شو قصدك .. فؤاد : ما قصدي شي تركها وراح جومانا : ايه هدا اللي شاطر فيه تقلب الطاولة عليي .. ماشي يا فؤاد يتبع 🥀🥀..