*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d *.#لعنة_الفؤاد🤎* #الجزء_العاشر بعد يومين صحي من النوم .. لف حالو للجهة التانية وكان جنبو فاضي .. قام عن التخت وتوجه للحمام .. اخد دوش سريع .. لبس تيابو وطلع من الغرفة .. سمع صوت امو بتصرخ. نزل بسرعة وتوجه للمطبخ ..: خير امي شوفي من الصبح ام فؤاد: تعا شوف هالحيوانة .. ما بتسمع الكلام .. انا تعبت منها نزلت جومانا عيونها بأسف ..: بعتذر مرت عمي والله ما كان قصدي .. خلص اخر مرة .. انتي بس أُمريني ام فؤاد: الزبالة بالليل بتطالعيها .. ما بتخليها للصبح .. لا تكوني مفكرة حالك خانوم بهالبيت .. انت خدامة وبس فؤاد : امي شو هالحكي .. خلص جومانا روحي من هون انا .. قاطعتو ..: معك حق مرت عمي .. هلق بطلعها .. اخدت الكيس وطلعت من المطبخ انصدم فؤاد من ردة فعلها .. من يومين كانت تخانق وتصرخ بوجه اي حدا بحكي معها كلمة مو بمكانها .. شو صار لي هيك انقلبت اطلع فؤاد على امو ..: امي شو هالكلام لي تقوليلها خدامة .. وهالقد الموضوع مستاهل تبلشي نهارك بخناق ام فؤاد : روح من وجهي انت كمان .. مفكر حالك بالشركة عم تنظر عليي .. وانا بعمل اللي بدي ياه ببيتي .. فؤاد: خلص امي .. الحكي معك ما بفيد.. انا رايح ام فؤاد: افطر اول فؤاد: ما بفطر انا ولا هاي كمان ما بتعرفيها عني مسكتو من ايدو وشدتو ..: انت كيف يتحكي معي هيك .. والله ما عرفت ربيك .. روح من وجهي .. روح مسك ايدها وباسها ..: بخاطرك تركها وطلع من البيت .. ___ تكرر هالموضوع كتير .. بكل مرة كانت ام فؤاد تخلق خناقة متل العادة من ولا شي وتكون ردة فعل جومانا باردة .. وكمان تعتذر .. هالشي سبب تساؤولات براس فؤاد وحس بشي مو مزبوط __ كانت قاعدة بغرفتها ماسكة رواية اللي أخدتها من فؤاد رفعت عيونها لما سمعت الباب انفتح اطلعت عليه ببرود شديد..: مسا الخير .. جهزلك اكل لتتعشى قرب منها بخطوات ثابتة وقعد جنبها عالتخت .. اطلع عليها بشك جومانا : شبك !! فؤاد : هدا هو الهدوء ما قبل العاصفة صح ابتسمت بهدوء ..: أي هدوء واي عاصفة .. شو عملت انا ؟ فؤاد : ما عم تخططتي تتركيني وتهربي صح ؟ رجف قلبها بعد ما حست انو شاكك بشو بتفكر حكت ببرود عكس الخوف اللي بداخلها ..: لي اهرب .. واذا هربت وين اروح.. شو اعمل بإبني .. حطت ايدها على خدو …: ما عاد اللي حدا بهالدنيا غيرك .. اذا كنت لحالي كان ممكن خطط اهرب .. ما رح كذب عليك ورح اهرب .. بس هلق ابني معي .. ما رح خاطر فيه لاعيش حرة.. بالعكس .. مستعدة ابقى سجينة هون بس لحتى خليه يعيش عيشة كريمة .. ابني اهم من أي شي بالحياة .. حتى حريتي .. طمن قلبك .. ما رح اهرب ابداً اطلع عليها بشك اكثر .. مو مطمنلها .. بعرفها منيح وبعرف بشو بتفكر ابتسمتلو بحب ..: شو بدك .. بدك ابقى اتخانق مع امك مشان تحس اني عطبيعتي فؤاد: انا بعرفك منيح جومانا جومانا بهدوء مزيف ..: فؤاد .. انا عاهدت حالي كون هادية مشان اعرف اربي ابني بنفسية منيحة .. حالة التوتر اللي كنت فيها صارت باخر فترة تأثر بالسلب على حسن .. مشان هيك عم حاول كون هادية ..حتى لو امك بدها تبقى كل الوقت تخانق ما رح اتخانق مع حدا .. فؤاد : بصير خير ____ بعد بأسبوعين دخل فؤاد للبيت وحاسس كل جسمو مكسر بعد نهار شغل طويل ومتعب دخل للصالة واخد نظرة سريعة .. شاف جومانا حاملة حسن… استغرب قعدتها وهدوئها .. ما كان يقتنع انها قررت تعيش بسلام بلا مشاكل .. قرر يطنش الموضوع بمزاجو فؤاد: مسا الخير يا جماعة ام فؤاد: مسا النور .. تعال ابني شوي .. بدنا نحكي معك بموضوع فؤاد: خير امي اطلعت ام فؤاد على جومانا ..: اطلعي فوق انت .. موضوع عائلي قامت جومانا .: عن اذنكن طلعت من غرفة القعدة وتوجهت للدرج قعد فؤاد..: خير امي .. في شي ابو فؤاد؛ حددنا كتب الكتاب والعرس يوم الخميس الجاي فؤاد: نعم .. كيف هيك بتقررو بدون ما تاخدو رأيي .. شو ابي لهالدرجة انا شفاف مو مبين .. لا مو موافق ومن الأساس كيف بتخطبو البنت وانا مو موافق ام فؤاد: ما عم ناخد رأيك .. نحنا عم نخبرك ابتسم فؤاد نص ابتسامة ..: تمام .. اذا كنت فاضي وما عندي شغل باجي ان شاء الله ام فؤاد بغضب ..: شو عم تخبص فؤاد ببرود ..: انتو بلشتو التخبيص .. ما بعرف لسا جدول اعمالي للاسبوع الجاي .. كانت جومانا واقفة خلف الباب وسامعة كل الحديث .. ابتسمت بشر وطلعت ركض لغرفتها بس حست انو انهوا الحديث دخلت للغرفة وقعدت عالتخت .. دقايق وكان فؤاد بالغرفة قامت لعندو واخدت الجاكيت عنو ..: اسمع كلام امك وابوك .. ما بتعرف شو رح يصير بكرا .. ممكن تصحى من النوم وما يكونوا موجودين وتندم على كل لحظة عارضتن فيها .. الحياة قصيرة وفانية .. انا كل يوم بنام مقهورة على كل لحظة ضيعتها وما استغليتها مع اهلي .. بيوم وليلة بعدت عنن وما عاد عرفت عنن شي .. لا تخسر كل شي فؤاد .. يمكن امك شايفة مصلحتك اكتر منك .. فؤاد امك ما بقيلها حدا بالدنيا غيرك.. لا تعصيها التفت عليها واطلع بإستغراب ..: انت اللي بتحكي هالحكي .. جومانا : قلتلك .. انا مو الك .. انا اخدت نصيبي بهالحياة واستكفيت .. ما عاد بدي شي غير ابني .. اعطي حالك فرصة .. يمكن تكون البنت منيح وبنت حلال .. لا تظلمها .. واذا شفت حالك مو قد المسؤولية روح .. سافر واترك كل شي وراك .. بس لا تظلم البنت معك فؤاد : وانت نزلت عيونها ..: انا راضية بقسمتي الحمدلله .. وجود حسن بحياتي عوضني عن كل شي .. ووجودك جنبي مصبرني .. شو بعرفك يمكن اذا تزوجت تصير مشاعري تتحرك اتجاهك .. ما بتعرف غيرة النسوان حط ايده تحت دقنها ورفعلها راسها ..: لسا بتحبيني اطلعت بعيونو ..: ايه .. لسا بحبك .. وما رح بطل حبك بعمري .. بس لاني بحبك ما بدي تبقى متعذب معي هيك لف ايدو عخصرها بهدوء وقربها منو ..: اعطي حبنا فرصة .. ما فيي استغني عنك بسهولة نزلت دمعة من عينها ..: ما فيي .. جرحي لسا مفتوح .. اعطيني وقتي .. فؤاد: رح اعطيكي جومانا : وافق عالزواج مشاني.. عيش حياتك لحتى يطيب جرحي .. وانا بوعدك رح وافق كون التانية بحياتك .. لانو اهم شي تكون موجود بحياتي قرب منها اكتر ..:ما رح وافق مشانك جومانا : فؤاد فؤاد: انا بعرف حل مشاكلي بعدتو عنها ..: بترجاك فؤاد .. سحبها لحضنو وضمها لصدرو ..: رح انطرك لو العمر كلو افت ايدها على رقبتو غصب عنها ..: انا نعست .. توجهت لتختها .. تسطحت وغطت حالها بالغطا وحكت بقلبها ..( اووووووف شو صعب التمثيل بس شاطرة ومقتعة كمان كل عمرك ذكية يا بنت ومشروع ممثلة ).. ____ بعد ايام كانت واقفة بالمطبخ .. سمعت صوت صراخ جاي من الصالة طلعت من المطبخ ووقفت ورا الباب لحتى تتسمع فؤاد: امي انا حكيت اللي عندي .. جنى ما بتزوجها وما رح يصير اللي عم تخطط لالو الست جنى هيام بغضب ..: بدك تعصيني فؤاد: انا مو صغير .. امي حلك تفهمي .. ابي شو قصتك .. شايفني صغير لحتى تحددلي حياتي هيام : شو اللي استجد معك .. ما كنت بدك مرت اخوك من الاول شو علقك فيها فؤاد بغضب ..: لا تقولي مرت اخوك .. جومانا هلق مرتي انا .. غصبتوني بالاول ووافقت مشان ابن اخي ما يضيع .. هلق ما في اي سبب يجبرني وافق حس مدحت بتوتر الجو وبفؤاد اللي بلش يقفد السيطرة على اعصابو ..: خلص ابني لا تعصب .. وانت هيام لا بقى تفتحي هالموضوع .. قال ما بدو خلص انسيه هيام : غصب عنو وقف مدحت وصرخ ..: وبعدين هدت هيام شوي ..: خلص .. تمام .. بلا الخطبة بالوقت الحالي .. بس اعمل حسابك كتب كتاب بنت عمك مرزوق كمان اسبوعين على ابن خالتك سهام وبدك تيجي معنا لحالك .. وما تخبر الخانوم بتتركها بالبيت .. فؤاد : بصير خير ابتسمت جومانا وهربت للمطبخ وقفت وهمست ..: ايه اعملوا عليي تمثلية يا ولاد العامري .. __ بعد اسبوعين اجى اليوم الموعود اللي ناطرتو على نار لتغير فيه حياتها.. قربت من الباب وحطت اذنها لتسمع شو بصير برا الغرفة سمعت حماتها بتنادي على فؤاد ..: يلا يا إمي نحنا جاهزين .. بيت خالتك ناطرين فؤاد بدون نفس ..: تمام .. جيت .. استغلت جومانا العجقة وفتحت الباب .. اخدت نفس ونعمت صوتها …: فؤاد .. لو سمحت ممكن شوي .. دخلت لجوا الغرفة خفضت ضوء الغرفة لصار شبة ظلام .. كانت ما بدها يشوف عيونها ويكشفها … توجهت للحمام بسرعة قرب فؤاد من الغرفة ودخل ..: شبك .. في شي .. حرك حجر عينو بكل الغرفة وما كان في حدا ..شاف حسن الصغير بسريرو نايم .. ابتسم بحب وتوجه لعندو طلعت جومانا من الحمام وشافتو بطلع على حسن .. قربت من باب الغرفة بهدوء على روس اصابعها وقفلت الباب بالمفتاح وحطتو بالدرج .. التفت فؤاد لما سمع طقت المفتاح .. شافها واقفة جنب الباب بكامل انوثتها .. كانت بصورة لاول مرة بشوفها فيها .. مرق نظرو على كل قطعة من جسمها وبلش يقرب منها بهدوء .. اخيراً التقت العيون ببعض .. نسي حالو .. ونسي لي دخل لعندها .. ركز بس بعيونها وشفايفها اللي مزينن حُمرة حَمرة وعاطين جمال فوق جمالن .. صحي من شرودو على لمسة ايدها على خدو ارتسمت علامات التعجب على وجههو ..: شو هدا !!؟ جومانا بكل اغراء ..: شبك مستغرب .. مو انا مرتك فؤاد : انت اللي شبك .. لي عاملة هيك ؟ حطت ايها على زر الجاكيت وفكتو .. نزلت الجاكيت عن اكتافو ورمتو عالارض .. حطت ايدها على صدرو ودفشتو لورا ..: بدك مني اتحمل شوفك بكامل اناقتك ورايح لبيت البنت اللي بدن يجوزها الك واسكت .. انت اللي انا ..وحتى لو كل نساء الارض حاطة عينها عليك .. رح اعمل جهدي ما اطلع من راسك وقلبك وعينك ما تشوف غيري .. وقفت على روس اصابعها لصارت لمستوى وجههو .. قربت من شفافو .. قالت وانفاسها بتلفح شفافو ..: ما رح اسمح لمرا تانية تدخل قلبك غيري .. انا اتربعت على عرش قلبك من اول يوم شفتني فيه ولليوم قلبك ملكي انا وبس حطت شفافها على شفافو وطبعت بوسة طويلة .. حط ايديه على وجهها وبعدها شوي عنو وصرخ ..: إمي اسبقوني انا بعد شوي بلحقكون .. لف ايديه حول خصرها وحملها .. قرب تمو من اذنها ..: رح تندمي على هدا الشي اللي عملتي جومانا بثقة ..: بالحرب كل الاسلحة مباحة .. وما رح اسمح لحدا يحتل قلبك غيري فؤاد: عيوني ما بتشوف غيرك .. وما حدا رح ياخد مكانك بقلبي .. قلبي الك وبس .. همست جنب اذنو بحُب ..: بوعدك ما رح تنسى هالليلة.. غمض عيونو والابتسامة على وجهو .. فتحهن ..: رح اسمحلك تستخدمي كل اسلحتك .. غمرها وقرب شفافو من شفافها وطبع بوسة طويلة اخدها معو لعالمو الخاص .. ___ بعد وقت واقف قدام المراي وعيونو على انعكاس صورتها بالمراي .. : يعني ما صار اللي وعملتيها .. ابتسمت بخباثة ..: هدا ختم حُبي الك زبط الكرافة ..: ما رح انسالك ياها .. حمل مفاتيحو وطلع من الغرفة شوحتلو بإيدها ..: هاف فان بيبي .. سمعت صوت تسكير الباب الخارجي .. ابتسمت بخباثة بعد ما طلعت المفتاح من تحت المخدة وحطتو قدام عيونها ..: هدا هوي مفتاح الحياة .. شكراً فؤاد على كل شي قامت عن التخت بسرعة وتوجهت للحمام .. اخدت دش سريع .. لبست تيابها بسرعة .. طلعت شنطة سفر كبيرة كانت مجهزتها حملت ابنها وطلعت من البيت بعد ما تركت عالتخت قميص نوم اسود دنتيل وجنبو ورقة .. ____ وصل لبيت خالتو .. ابتسم بس اتذكر كلماتها المليانة حب .. مسح على وجهو لحتى يخفي ابتسامة الحب اللي مزينة شفافو .. نزل من السيارة بسرعة وتوجه لمدخل البيت .. شاف امو عند الباب … هيام : شبك امي .. صاير شي .. لي تأخرت .. ولي ما بترد على تلفونك فؤاد : يلا إمي وصلت هيام: في شي صاير .. فؤاد : لا امي ابداً.. هيام ..: شو كان بدها هالكلبة !!؟ فؤاد ..: خلص امي مشي .. مرقيلي هالليلة .. هيام: وخطيبتك اللي جوا كيف بتتركها وبتروح لهديك؟ فؤاد بحزم ..: اي خطيبة هاي .. امي لساتك بنفس السيرة .. انا جاي لهون الليلة مشان ابن خالتي معتز وبنت عمي يارا .. لا خطيبة ولا شي .. بانت علامات الغضب على وجه هيام بس حاولت تكتم غيظها .. :مشي معي بس نرجع بنتفاهم توجه للصالة كانو االعيلة كلها مجتمعة قربت هيام من ام جنى وهمست ..: سهام وين العرسان .. خلينا نكتب الكتاب ونرجع عالبيت .. سهام : لشو العجلة هيام : انت عارفة تاركة بنت الكلب بالبيت لحالها .. وبخاف تعمل شي .. سهام: لي ما قفلتي الباب عليها هيام: مقفول .. بس الحذر واجب رن تلفون فؤاد ..: بالاذن شوي وراجع .. رد عالتلفون وهو يتمشى بالبيت وقف عند وحدة من الغرف بس سمع كلام بخصو .. فقل الخط مع المتصل ووقف عند الباب ***** واقفة قدام المراي وبإيدها التلفون وعيونها بتقدح شرار ..: يارا انت متأكدة هاي نفسها اللي كان يحبها؟ يارا بخوف..: جنى اهدي .. مو مستاهل تحرقي اعصابك مشانو .. خلص انسيه ابتسمت بخباثة..: انساه .. انت بتعرفي قدي رسمت وخططت لحتى وقع خالتي بشباكي واقنعها فيني مجنونة انت.. بدك بعد ما وصلت لنص الطريق اتركو بحالو .. لا ما حزر .. قربت منها يارا ..: على شو ناوية ؟ جنى : بصراحة .. انت رفييقتي وحبيبتي ورح تصير مرت اخي اليوم .. ما رح كذب عليكي .. بس فؤاد صفقة العُمر .. هدا هو اللي رح يطلعني انا واهلي من الحضيض .. رح ينشلنا .. من وقت ما مات اخوه واختو بقي هوي الوريث الحصري لمجموعة العامري وغير مجموعتو الخاصة .. فهمتي عليي .. لك لو كان متزوج وعشقان وفي الف وحدة بحياتو بدي ياه .. بدي كون انا كمان وحدة من الالف .. بدي جيب منو بيبي لحتى ما خلي فرصة لحدا تاني يورث املاكو يارا بخوف ..: لك وطي صوتك .. هلق بسمعك حدا من اهلو .. بس ما قلتيلي شو بدك تعملو مع زوجتو وهي عايشة معك بنفس البيت ضحكت جنى بصوت عالي ..: قال بيت قال .. لك قولي فيلا .. قصر … هدا مو بيت .. يعني امو وابو العواجيز لما يموتو انشالله رح يكون كل شي لالي لحالي .. واذا حسيت انو اخرتن تأخرت بقنعو يبعتهن عبيت عجزة وبرتاح منن يارا : وزوجتو ؟ رجعت تضحك..: مانها زوجتو .. هاي خدامة .. كلن بعاملوها مثل الخدامة وما في حدا بحترمها .. خالتي حكتلي انها موجودة لتربي الولد .. وبس يكبر برموها برا البيت .. ورح تكون خدامة تحت امري بالوقت الحالي .. يارا: خلص خلص .. سكري عالموضوع بعدين بنحكي .. سكتت لما سمعت دقة الباب .. دب الرعب بقلب يارا وهمست ..: بخرب بيتك ..بس ما يكون حدا سمعنا همست جنى بغيظ ..: لك خرسي .. اكيد هاي ماما اخدت نفس واستجمعت قوتها ..: ادخل دخلت هيام ..: يلا يا بنتي جاهزة طلعت يارا من الغرفة وشافت فؤاد وعلى وجههو ابتسامة بادلتو الابتسامة قرب منها ..: الف مبروك يارا سلط عيونو على جنى وعوجهو ابتسامة صفرا ..: عقبالك جنى وتحققي اللي ببالك مسكت يارا بإيد جنى وهمست..: شبو هدا فؤاد ببرود ..: خلينا نمشي .. الناس ناطرة .. دخلو للصالة وتوجهو لعند الشيخ .. كتبو الكتاب ..تعشوا وخلصت الحفلة والكل رجع لبيتو قرب فؤاد من امو ..: امي انا ماشي .. سلام جنى: فؤاد اذا ماشي خدني معك رفع حاجبو ..: نعم ؟ اتدخلت سهام امها لجنى ..: ابني وصلها عند رفيقتها فؤاد بإستغراب ..: بهالوقت !! ابتسمت جنى وحست بمشاعر غريبة فؤاد : كيف بدها تيجي معي والوقت متأخر هيك وانا لحالي .. روحي معك امي وابي هيام : نحنا باقيين هون عبس فؤاد ..: تفضلي __ بالسيارة شغل فؤاد السيارة ولسا عابس جنى : ما تكون مستعجل مشان ترجع لعندها فؤاد: لعند مين ؟ جنى: حبيبتك ابتسم فؤاد ابتسامة جانبية ..: هدا الشي ما الك فيه .. جنى: شو كان شعورك وانت شايف حبيبتك بأحضان اخوك وبنفس تختو شحط فرام قوي .. التفت عليها ومسكها من وجهها ..: هدا الكلام ما بدي اسمعو كمان مرة .. جومانا كانت زوحة اخي واليوم هي زوجتي .. وعلاقتي القديمة فيها ما الك شغل فيها .. ويا ويلك اذا بسمع حرف واحد بطلع منك بهدا الموضوع .. ارتعبت من نبرة صوتو وتهديدو الصريح .. بس من داخلها اتأكدت انها نجحت باستفزازو .. وحطت ايدها على نقطة ضعفو .. ابتسمت من داخلها رغم خوفها وصلها لعند رفيقتها ورجع عالبيت _____ نزلو من السيارة .. توجه للباب وقلبو بنبض بسرعة مد ايدو لجيبتو لحتى يطلع مفتاح البيت .. فتش كتير بس ما لقى شي بهالوقت وصلت سيارة اهلو نزلوا امو وابوه هيام :شبك امي واقف هون فؤاد: ما عم لاقي المفتاح هيام : انا معي دخلو للفيلا حس باحساس غريب ..: يلا امي تصبحيي على خير .. ___ وقف فؤاد قدام غرفتو .. حط ايدو عالمقبض وفي شي قابض على قلبو .. ترك القبضة وتوجه للمكتب .. قلب بعشوائية بالاوراق .. مسك تلفونو وقلب فيه .. احاسيسو مخربطة ما عارف يحدد بشو حاسس رمى الاوراق وتوجه للغرفة ودقات قلبو عالية عكس الهدوء اللي بالبيت .. دخل شوي شوي للغرفة وسكر الباب وراه .. انتبه انو الغرفة مظلمة على غير العادي .. بس فسر هالشي انهن غارقين بالنوم توجه لسرير حسن جونير .. شعل الضو الخافت .. بس حسن ما كان بسريرو .. التفت للتخت لكبير ما كان في حدا .. شعل الضو وشاف الغرفة فاضية والتخت ما عليه حدا غير قميص النوم وجنبو الرسالة .. مسك الرسالة وقرأها ( عم بكتب هاي الرسالة وانا راسمة كل شي رح يصير بهاي الليلة ببالي .. انا عارفة انك رح تتجاوب معي وتمشي الخطة اللي رسمتها متل ما بدي .. لانك لسا بتحبني .. متل ما كنت بحبك واكثر .. واذا عم تقرأ الرسالة معنا رجعت من كتب الكتاب وانا رحت .. حبيت ودعك على طريقتي الخاصة واترك ذكرة خاصة فيني بقلبك .. انا خلص ما عاد اللي محل بيناتكون انا وابني .. هدا القميص اللي جنبك شريتو بنفس اليوم اللي قررت فيه ابدا معك حياة جديدة.. الحياة اللي رسمناها مع بعض .. شريتو لحتى نعيش الحب اللي كان بينا وضاع بسبب غلطة انا ما اللي دخل فيها .. حياة كنت راسمتها وانت موجود بكل تفصيلة صغيرة فيها .. بس القدر كانت اقوى مني ومنك ..مع اننا رجعنا تجمعنا تحت سقف واحد .. بس انت كنت قاسي عليي متل قسوة الحياة .. بنفس اليوم سمعت دقك عالباب .. ركضت افتحلك لحتى استقبلك .. وافتحلك باب حياتنا الجديدة .. بس انت يومها كسرتلي قلبي وانت داخل مع خطيبتك .. حطمتلي كل احلامي اللي رسمتها .. ما اعطيتني فرصة اثبتلك حبي الك .. خنتني .. وكسرتني .. ما فكرت بمشاعري .. كنت ظالم متل الكل .. وطبعًا عذرك دايمًا موجود .. اهلي غصبوني .. وما اكتفيت .. حاولت تخبي عني الموضوع وتخلق أكاذيب .. من يومها وانا ارسم لخطة هروبي من البيت .. ما عاد قلبي يتحمل يشوفك مع حدا غيري .. قررت اهرب واوفي بوعدي لابني اعيشو حياة كريمة بعيد عن الاهانات ..وانت متل عادتك كنت عارف بشو بفكر وكنت متأكد بس انا حاولت كتير اتوهك .. تعبتني بصراحة.. بس نجحت .. لا تفتش عليي لانو ما رح تلاقيني .. لا تتعب قلبك .. بس وقف على رجلي رح ارجع وجيب حسن معي .. انا مو ظالمة متلكن .. ما رح احرم حدا من ابني .. بس ابني بحاجتي انا وبس .. واخيراً بدي قلك مبروك على كتب كتابك .. كانت حركة حلوة منك ومن امك توهموني انو كتب كتاب حدا تاني بس انا مو غبية .. عيش حياتك مع اللي خترتها .. ما رح قول اللي قلبك ختارها لانو ما في بقلبك غيري .. بحبك كتير .. ) ضغط على الورقة بإيده بقوة .. : غبية .. غبية .. قام عن التخت وطلع من الغرفة شافتو امو .. قربت منو بخوف..: شبك يا امي .. ؟ فؤاد بعصبية..: ارتحتي هلق امي .. جومانا هربت من البيت .. ارتحتي هلق .. اخدت حسن وهربت شهقت هيام ..: حسن راح .. وين هربت .. روح فتش عليها .. جيبلي حسن .. بدي ابن ابني .. طبطب فؤاد عكتف امو ..: بصير خير طلع من البيت .. ركب سيارتو وانطلق .. فكر كتير بالمكان اللي ممكن تروح عليه .. استبعد انها تكون عند اهلها .. ما الها رفقات .. ما معها جواز سفر لحتى تسافر برا البلد .. ومو غبية لحتى تروح عند ناديا صداع قوي سيطر عليه .. فتل كل الشوارع ما الها اثر .. مرق اكثر من ثلاث ساعات وما في جدوى ..الفجر طلع وما في الها اثر .. قرر يرجع عالبيت ويراجع كاميرات الفيلا ييمكن يقدر يصل لطرف خيط دخل لغرفة المكتب وفتح اللابتوب .. فتح تسجيل الكاميرات بعد ما طلع من البيت .. شافها طالعة بعد نص ساعة من البيت ساحبة شنطة وراها وبايدها حسن وفي سيارة ناطرتها قدام المدخل .. وقفت قدام الكاميرا وشوحت بإيدها كانها بترسلو الوداع الاخير .. طلعت عالسيارة .. وقف التسجيل وحاول يشوف مين داخل السيارة .. لاحظ انها وحدة ست .. ابتسم . ركز نظرو على نمرة السيارة وسجلها .. بس للحظة حكى بقلبو ( جومانا اذكى من انها تسمح للسيارة تدخل للمدخل قدام الكاميرات والنمرة موجودة .. وهي اكيد عارفة ومتأكدة اني فيني جيب صاحب السيارة من رقمها ..) احتفظ بالنمرة وتوجه لغرفتو قعد عالكرسي وشعل سيجارة .. سحب منها نفس ونفخو بقهر .. حاول يهدي حالو ويجمع افكارو .. حاول يراجع كل تصرفات جومانا بالفترة الاخيرة من بعدما انفتحت سيرة خطبتو من جنى .. بس بالعكس.. كانت كتير هادية على غير العادة .. كان كلامها قليل وما كانت تذكر فكرة الهروب ابداً .. بس كانت هاي النقطة بحد ذاتها اكبر شك الو .. كان حاسس لا كان متأكد انو هدوئها كان وراه عاصفة قوية .. واليوم ضربت العاصفة شد على راسو بقوة لعل وعسى يتذكر شي صار ليمسك طرف الخيط .. بس عبث كأنها كانت حاسبة خطواتها عالشعرة .. ابتسم ابتسامة جانبية بعد ما تذكر شي قام من مكانو دخل للغرفة فتح واحد من الدروج .. توسعت ابتسامتو بس شاف اللي بفتش عليه ..: ذكية صح بس مو عليي .. رجع للبلكون طلعت الشمس وهو لسا قاعد عالبلكون وما في شي جديد قرر يدخل ينام لحتى يرتاح شوي ___ تقلب كتير بالتخت .. ما عم يعرف ينام .. من ساعات يحاول ينام بس النوم مجافيه رفع حالو وسند ظهرو عالتخت .. اخد تلفون جومانا وصار يقلب في .. كان فارغ تماماً .. كأنو جديد ابتسم وهمس ..( يعني اذا محيتي كل شي من التلفون ما رح اعرف استرجع شي ).. رمى التلفون جنبو اخد تلفونو ودق لرقم ..: كيفك هاشم .. يسعد صباحك .. بتعرفني بدقلك بدون مصلحة .. هلق لا تبلش تفتح احاديث وما تسكت .. بدي اسألك .. عندي تلفون انمحى منو كل شي .. شو بدك كيف انمحى .. فيك ترجعلي شو كان عليه .. انا عارف انك خبير .. بس يا ريت ما تعرف مشان اعرف شغلي معك .. لا ظالم ولا مفتري بس انت بتحكي كثير وانا ما بحب اللي بحكو كتير .. بدي شوف شطارتك والك الحلاوة ..يلا مسافة الطريق قام من مكانو بدل تيابو بسرعة واخد التلفون وطلع طلع من البيت وتوجه لعند هاشم دخل لعندو ..: هدا التلفون هاشم بغيظ ..: قول صباح الخير بالاول فؤاد : صباح الخير بالاول هاشم : لو ما بدك مني مصلحة ما بشوف وجهك فؤاد: لسا ما خلصت اللي طلبتو هاشم : لك فؤاد .. روق عليي هلق مسكت التلفون قعد فؤاد عالكرسي ..: لو ما بتحكي كان صرت مخلص شغلك سكت هاشم وبلش يشتغل بالتلفون بعد ساعة رفع هاشم راسو بثقة ..: شو ما طلبت بتعطيني مو وقف فؤاد بتوتر ..: انت بس قول انو زبط هاشم: زبط .. بس فؤاد التلفون ما عليه شي فؤاد بإستغراب ..: كيف يعني عاشم : التلفون مو مستعمل .. ما نزل عليه غير تطبيق الفيسبوك وفي رسائل لشخص واحد حط ايديه عالطااولة ..: فتحتها !! هاشم: لا ابداً فؤاد: بيكفيني الرسائل.. اعطيني اشوف اخد التلفون منو وصار يقلب بالرسائل .. ابتسم بنصر لما شاف محادثتها مع ناديا اطلع على هاشم ..: لك انت عبقري هاشم: بعض ما عندنا .. ايمتى بدنا نسهر .. فؤاد: قريب قريب هاشم : عارف انك ما رح تيجي فؤاد : يلا بشوفك .. طلع من المحل وركب سيارتو وانطلق وعلى وجهو ابتسامة عريضة ____ بعد أيام قاعدة قدام الشباك رافعة رجليها عالحيط وكوب النسكافي بإيدها طلعت ناديا من غرفتها وتوجهت لعندها ..: نفسي افهم كيف بتشربيه هيك رشفت بهدوء ..: اذا ما كان مر وبلدع ما بعدل الدماغ ناديا بإستغراب ..: لكن اشربي قهوة بتعدل ابو ابوه للدماغ اطلعت عليها ..: القهوة بشربها لما بكون رايقة .. مبسوطة .. عشقانة .. القهوة للعشق لفت ناديا حالها ورفعتلها ايدها ..: ناقصني مواعظ وحكم على هالصبح .. ما بدك تنزلي تفتشي عشغل جومانا بهدوء عكس الغضب اللي بقلبها ..: توظفت .. طلعت ناديا راسها من باب المطبخ ..: توظفتي ؟؟ استوعب ناديا الكلمة وركضت لعندها ..: بتحكي جد ؟ هزت جومانا راسها بدون ما تحكي حضنتها ناديا بحب ..: ايه الف مبروك غمضت جومانا عيونها ..: انا عارفة اني تقلت عليكي كتير .. امهليني شهر ورح استأجر بيت ضربتها بخفة على كتفها ..: لي هالحكي هدا .. لا والله ما بتطلعي من هون الا رجلي على رجلك .. بنستأجر بيت انا وانت .. والله ما بتركك اطلعت عليها جومانا ..: جد بتحكي .. ناديا : ايه.. اللي استأجرت منو الشقة امهلني اسبوعين لحتى اطلع منها .. ما بدو يشمس العمارة اطلعت عليها جومانا بغضب ..: لي ما قلتي من قبل حكت ناديا راسها ..: خفت لتعصبي قامت عن الكرسي ..: ايه وهلق دريت ورح ارتكب جريمة مسكتها من كتافها ..: لا روق ابو الشباب .. خلينا نطلع بهدوء بلا فضايح وشرطة .. وانت مو ناقصك اخدت نفس ..: بس بوعدك اخر يوم اللي هون لاخليه يلعن حالو الف مرة لانو اجرك هون ضحكت ناديا ..: قدها ابو الشباب .. صحيح ما قلتيلي .. وين توظفتي؟ ابتسمت جومانا بهدوء ..: بشركة الناصري فتحت ناديا عيونها عالاخر ..: لا تقوليها !! جومانا : قلتها ناديا : كيف !؟ دبلت عيونها ورجعت خصلة من شعرها بغرور ..: هيك .. تحركت لوحدة من الغرف اللي فيها ابنها حسن وضحكتها بكل البيت ناديا : والله مانك قليلة .. توظفتي عند اكبر عدو زوجك طلعت جومانا راسها من الباب ..: السابق .. زوجي السابق ست ناديا همست ناديا ..: والله لساتك بتحبيه جومانا : قلتي شي !؟ ناديا : بقول يلا البسي خلينا ننزل عالسوق ____ بعد اسبوعين سكرت جومانا خزانة المطبخ .. اخدت نفس ..: واخيراً خلصنا ترتيب .. لازم روح جيب حسن من الحضانة تأخرت عليه.. ناديا : يلا رايحة معك. .. بعد في كم شغلة بالبيت القديم بدي جيبن وسلم المفتاح لابو صطيف جومنا : منيح ذكرتيني .. مشي نزلو من البيت واخدو تكسي وتوجهو للبيت بالاول جومانا : عمو انطرنا هون رح نجيب شغلة وننزل .. لا تقلق رح حاسبك على كل شي.. اخدت ناديا اغراضها وقفت جومانا عند الشباك ومدت نظرها لبرا ..: ناديا تعي شوي ناديا : شو في جومانا: شايفة هدا اللي واقف عند عامود الانارة .. من الصبح معنا .. ما فارقنا ولا دقيقة ناديا : ما يكون .. اطلعت عليها جومانا ..: فؤاد باعتو ناديا : ممكن .. جومانا: يلا مشي .. هلق بنشوف بالمقابل شاف الشب اللي تحت جومانا وناديا قرب من شب واقف عالطرف التاني وفتح معو احاديث .. نزلت جومانا ومعها ناديا وعيونها عليه اخدو الاغراض الاخيرة وحطوها بالسيارة وقفت جومانا قدام بيت ابو صطيف وكانت رح تصرخ سكرت ناديا تمها ..: جومانا مشان الله لا تفضحينا جومانا : لازم علمو الادب .. ناديا : هلق بطلبلنا الشرطة شو بدك بهالمشاكل .. الله يصطفل فيه .. روحي عالتاكسي وانا بسلمو المفتاح .. خلينا نشوف شو قصة التاني سحبتها للسيارة وركبتها انطلقت سيارة التاكسي وعيون جومانا عالشب .. بس كان بعدو واقف وما مشى ورا السيارة جومانا بإرتياح ..: لا ما لحقنا .. شكلي من القلق صرت شك بهالوا الطاير ناديا: يعني انت متخيلة فؤاد يتركك انت وابنك هالفترة وما يعرف وين انت .. جومانا: صحيح .. مستحيل .. كان اجى من اول يوم بدو يستنى أسبوعين ____ مرقوا أيام هادية وما في أي جديد صحيت جومانا من النوم على صوت المنبه .. اطلعت عالساعة وكانت ستة قامت جهزت تيابها وتياب حسن وطلعت من الغرفة بهدوء .. توجهت للمطبخ عملت كوب نس كبير وقهوة لناديا دقت عالباب عند ناديا ..: يلا ناديا قومي نشرب قهوة طلعت ناديا من الغرفة فاتحة نص عين ..: لك ريحة القهوة بتصحي الميت قعدوا بالبلكون ناديا : احلى شي بالبيت البلكون والمنظر .. والله زوقك بجنن جومانا وعيونها بالعدم ..: شو اخبار الشغل ناديا بتأفف ..: لي بتذكريني .. خليني مبسوطة بالمنظر الساحر جومانا : لي شو صاير ؟ نزلت ناديا فتجان القهوة من ايدها ..: الشركة كلها مقلوبة قلب مشان المناقصة اطلعت عليها جومانا بطرف عينها ..: اي مناقصة ! ناديا : مناقصة ارض الساحل .. لي مديرك ما مقدم عالمناقصة .. مو معقول .. هاي مناقصة كبيرة واستاذ فؤاد حاط كل تقلو فيها لحتى يكسبها جومانا : ما سمعت شي بالشركة .. لي هالقد كبيرة ؟ ناديا : بينا هالكلام .. فؤاد يا قاتل يا مقتول بهالمناقصة .. وكلنا بنتمنى تخلص هالمناقصة لحتى نرتاح .. يا رب يخلص هالشهر .. صحيح انا تأكدت من اسماء الشركات .. شركة الناصري كانت موجودة كيف ما بتعرفي .. غريب جومانا : انا عم اشتغل بدون نفس وما اللي خلاق ادخل بشي .. وما بدي وجع هالراس رفعت ناديا حواجبها جومانا : وين المخططات ؟ ناديا : وين بدها تكون .. بالمكتب جومانا : ما عندك باك اب عاللابتوب !؟ قامت ناديا وجابت اللابتوب ..: لكن معي كلشي .. انا كمان اشتغلت عالمشروع .. شي خيالي يا جومانا توسعوا عيون جومانا بعد ما شافت المخططات .. لمعوا عيونها اخدت رشفة من الفنجان .. وبعدها اخدت نفس وزفرتو ببطئ ناديا : النا اكتر من شهر بنشتغل عالمشروع لحتى نقدمو جومانا : هدا شغل فؤاد ناديا : مين بدو يكون غيرو .. مبدع صراحة بلش حسن يبكي جومانا: ناديا حبيبتي اعملي رضعة لحسن ناديا : على راسي حسن وام حسن قامت ناديا لتحضر رضعة وبقيت جومانا عيونها عالابتوب وتضغط عالازرار وعلى وجهها ابتسامة شر بعد شوي رجعت ناديا ومعها حسن ..: وهاي البطل شرف ليشاركنا الجلسة جومانا : شو رايك تتركي الشغل وتيجي تشتغلي معي بالشركة سرحت ناديا : لا ما بدي اطلعت عليها جومانا..: لساتك علقانة بيزن !؟ ناديا : ما بعرف كل حركاتو غريبة .. مرة بحسو غيران مرة مطنش ومرة ما بعرف جومانا : وانت بدك تبقي رابطة حالك فيه هيك .. العمر بركض ناديا بحزن ..: هالقلب الشرشوح شو اعمل فيه .. جومانا : انت الغلطانة .. انت كل الوقت بوجهو وايمت ما كان بحاجتك بتكوني جاهزة .. جربي ابعدي عنو وشوفي شو رح يعمل .. ناديا : واذا ما لاحظ عدم وجودي جومانا : ادعسي عقلبك وامشي اطلعت عليها ناديا بنظرات مو مفهومة جومانا : شبك ؟ ناديا : وانت مرتاحة هيك ؟ جومانا بغضب ..: لا تفتحي معي هالموضوع .. وايه مرتاحة كتير .. ولو يطلع بإيدي اطلع قلبو من محلو وادعس عليه ما بقصر ناديا : هاي هي مشاعر الحُب والغيرة صخرت بوجهها ..: ناديا سكري عالموضوع ناديا : لا ما بدي سكر .. شايفتيني هبلة .. رحتي اخترتي اكبر عدو لفؤاد واشتغلتي عندو .. لحتى تقهري … شفتك اكتر من مرة وانت تتفقدي صفحتو عالانستاجرام وتتمعني بصورو .. وشفت الدمعة بعيونك .. وشفتك.. ضربت جومانا فنجان القهوة برجلها وصرخت بوجهها ..: ناديا لا تخليني اتغابى عليكي .. دخلت لغرفتها وطرقت الباب وراها .. وقفت مقابل المراي..: رح دمرك ودمر كل عيلتك بإيدي هدول .. اطلعت ناديا بخسن ..: امك لساها بتحب عمك بس بتكابر ____ بشركة الناصري دخلت عمكتبها .. حطت شنطتها عالمكتب واخدت اللابتوب وتوجهت لمكتب المدير وقفت عند السكرتيرة ..: رانيا الاستاذ امير موجود ! رانيا : ايه بمكتبو جومانا : ممكن ادخل رانيا : لحظة حملت سماعة التلفون ..: استاذ .. المدام جومانا طالبة تشوف حضرتك .. حاضر استاذ اطلعت رانيا عليها وابتسامة عوجهها ..: مشغول .. يا ريت تمري عليه كمان ساعتين كزت على اسنانها ..: الموضوع مو متحمل ساعتين .. رانيا : يا مدام .. ما استنت لحتى تخلص كلامها .. اتوجهت للمكتب ودخلت بدون اذن وقفت بنص المكتب ..: استاذ بعتذر على دخولي بس الموضوع مهم جداً بخص المناقصة دخلت رانيا وراها ..: استاذ انا خبرتها ترجع بعد ساعتين .. اشر لرانيا بإيدو ..:خلص روحي انت .. طلعت السكرتيرة وقف امير وتوجه لعندها وعيونو عليها ..: شبها المناقصة جومانا بثقة ..: استاذ لازم نعمل تعديلات لحتى نقدر نكسب المناقصة .. وصلتني معلومات انو شركة العامري داخلة بتقلها وعالاغلب المناقصة رايحة لالها امير : ومن وين هاي المعلومات؟ ابتسمت نص ابتسامة وحكت بثقة ..: استاذ .. السبب الاول والاخير لتعييني هون بشركة هون انا وحضرتك بنعرفو منيح .. ابتسم ..: بحب اصلح كلامك .. السبب الاول لتعيينك هون انك ذكية والسبب الثاني اللي انا وانت بنعرفو .. توجهت لطاولة المكتب وفتحت اللابتوب ..: لازم نعمل شوية تعديلات عالمخططات الموجودة عنا مشان نقدر نربح المناقصة .. وهاي المناقصة رح تكون كتير مهمة .. ورح ترفع اسهم كتير .. امير: وش سبب هالتعديلات رفعت راسها بثقة ..: هلق بالاجتماع بطرح على الفريق التعديلات .. وبتقرروا يا بتوافقوا يا لا امير بفخر ..: دايماً نظرتي بالناس ما بتخيب .. توجه لمكتبو ورفع سماعة التلفون ..: كمان نص ساعة بدي الفريق كلو بغرفة الاجتماع اطلع على جومانا ..: جهزي حالك لحتى تشرحي للفريق التعديلات اللي رح تعمليها عالمخططات _____ بعد ساعتين طلعت جومانا من غرفة الاجتماع وابتسامة عريضة عوجهها .. وقفها امير ..: هاي الابتسامة بدي شوفها يوم المناقصة وانت معي لما نكسبها استغربت كلامو امير : لا تستغربي .. بدي تكوني معي هزت راسها ..: بتأمر استاذ .. عن اذنك رح كمل شغل ____ بعد اسبوعين بيوم المناقصة دخلت ناديا لعند جومانا للغرفة .. وقفت عباب الغرفة وصفرت ..: اوووو ناس فايقة ورايقة وناس ماكلة هوا بهالحياة .. اطلعت عليها جومانا بطرف عينها ..: شبك .. في شي ناديا : اطلعي عحالك واطلعي عليي .. جومانا : ما فهمت ناديا بتأفف ..: لك ما نمت كل الليل وانت واقفة عم تتمكيجي عند هالصبح .. شو هالرواق اللي انت فيه .. يلا انا جبتو لنفسي .. لازم اعمل حالي شاطرة واعرض خدماتي جومانا : ما قلتيلي .. رح تروحي مع يزن عالمناقصة ناديا : لا .. لي مين انا مشان ياخدوني.. فؤاد ويزن والمحامي بس جومانا وعيونها عالمراي ..: مو انت مساعدة نائب المدير ضحكت ناديا ..: وشو يعني مساعدة نائب المدير.. الأستاذ فؤاد اللي اشتغل عليه كلو .. ما ترك حدا يعمل شي .. ابتسمت ..: يلا خلصي لبس .. رح وصل حسن عالحضانة ونلتقي عند محطة الباص باخر الشارع ناديا بتأفف ..: لا تقوليها رح نروح بالباص جومانا: لا بتاكسي .. بس ما بدي ارجع للبيت بنلتقي هناك وبناخد تاكسي اخدت جومانا ابنها وكانت رح تطلع وقفت والتفتت لناديا ..: ناديا .. لي فؤاد ما سألك عني وهو بيعرف انو نحنا رفقات .. استغربت كلامها ..: لي ليحكي معي بأمور خاصة ر فعت حاجبها وطلعت من البيت رن تلفون ناديا .. اطلعت عاسم المتصل وتسارعت دقات قلبها ..: شبك ناديا .. اهدي كلو تلفون .. لو انو شايفك من سانتي شو بتعملي اخدت نفس وردت ..: ايوة استاذ .. مسافة الطريق .. لا مارح اتأخر .. تمام .. اس.. سكتت واطلعت عالشاشة كان منهي المكالمة .. شتمتو بافظع الالفاظ واخدت شنطة اللابتوب وطلعت بوجهها لمحطة الباص _____ وصل التاكسي لقدام الشركة الناصري نزلت جومانا من التاكسي ..: يلا بشوفك المسا .. سلام اطلعت عليها ناديا ..: اعملي حسابك رح اعزمك عالعشا حلوان المناقصة ابتسمت ابتسامة صفرا ..: اكيد ناديا بحيرة ..: شبك ؟ غمزتها ..: بشوفك تركت ناديا ودخلت للشركة وفجأة حست بضيق غريب .. التفتت خلفها وكانت سيارة التاكسي رايحة دخلت لمكتبها وقعدت مقابل المكتب .. رمت الشنطة من ايدها وصوت داخلها ( انت عم تأذي رفيقة عمرك وشريكتك بكل شي .. ) حاولت تسكت الصوت بأعذار ما الها معنى .. اخدت نفس وتوجهت لخلف المكتب .. جهزت كل اوراقها واللابتوب وحملتهن وراحت لمكتب امير دخلت بكل ثقة ..: انا جاهزة استاذ اخد نظرة طويلة عليها من فوق لتحت وابتسم ..: انا مستبشر خير .. ومتأكد وجودك معنا هون رح يفرق كثير غمضت عيونها وهزت راسها بإحترام ..: بتمنى كون قد ثقتك استاذ حمل تلفونو ومفتاح السيارة وطلع من المكتب وجومانا وراه ___ وقف سيارتو بموقف مبنى البلدية اطلع عليها امير وحكى بحزم ..: بتمنى مشاكلك العائلية ما تأثر على الشغل .. حكت بكل ثقة واضحة ..: استاذ انا هون لاشتغل مو لانتقم من حدا .. انا اليوم عضو من فريق الناصري .. وما رح اسمح لمشاكلي تتحكم فيي ورح اعمل كل شي لمصلحة الشغل حتى لو عحساب حياتي الخاصة .. مشاكلي وحياتي بعيدة كل البعد عن الشغل .. بوعدك بهالشي استشعر الثقة بكلامها وحس انو لاول مرة حط الشخص المناسب بالمكان المناسب ..: بوعدك اذا كسبنا هاي المناقصة .. رح تحصلي على ترقية ما حلمتي فيها رفعت راسها ..: وانا موجودة هون لاثبت حالي .. امير: خلينا ننزل حركت راسها يمين وشمال ..: استاذ لا تستعجل .. معنا وقت .. حضرتك لازم تفوت اخر الناس ما فهم لشو عم تخطط بس وافق على اقتراحها يتبع..🥀🥀