*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d *.#لعنة_الفؤاد🤎* #الجزء_الحادي_عشر بقاعة المناقصات بالبلدية كان قاعد فؤاد ويزن جنبو المحامي .. كان فؤاد ماسك تلفونو وبقلب فيه بعشوائية وبتوتر قرب منو يزن ..: شبك متوتر .. خلص المناقصة بجيبتنا .. ولا ليكون نفس الموضوع شاغلك ؟ اطلع عليه فؤاد بطرف عينو ..: ما في شي شاغلني غير المناقصة .. هز يزن راسو..: ايه ايه صدقتك .. اطلع عليه بحدة ..: سكر عالموضوع يزن .. مو ناقصني غيرك حرك حجر عينو بالقاعة ..: هلق هدول من كل عقلهن مقدمين عالمناقصة .. لي في وحدة من هالشرك كل ميزانيتها بتيجي نص ميزانية المشروع .. والله شي بضحك ضحك بصوت خافت وعينو على باب القاعة ..: ايمت رح نبلش المناقصة توسعت ابتسامتو اكتر بس شاف امير داخل من باب القاعة ..: لك شوف شوف النمرة اللي داخ.. سكت .. يزن : مين ؟ وجه نظرو لباب القاعة وضحك .. بس بسرعة سكت واطلع على فؤاد وعيونو متحجرة .. عيونو عليها .. هي بكل تفاصيلها اللي حافظون متل اسمو .. نفس التسريحة اللي بحبها تعملها بشعرها .. نفس المكياج اللي بحبو عليها … اناقتها وثقتها بنفسها اللي بتخلي اكبر الرجال توقع بشباكها .. دقات قلبو تخربطو بعد ما تغلل عطرها اللي جابلها ياه اخر لقاء بينن .. ما عاد شاف غيرها بالقاعة ضل عيونو عليها .. شاف امير ببسحبلها الكرسي وبأشرلها تقعد .. تخربط كل كيانو .. مشاعرو اللي بميت الف يا ويلاه قدر يتغلب عليها رجعت وبقوة .. قرب يزن منو وهمس جنب ادنو ..: من ايمت جومانا بتشتغل عند امير الناصري !؟ طلع من شرودو وركز نظرو بالاوراق اللي قدامو وحاول يتصنع القوة والبرود ..: اخر همي .. صدح صوت مدير المناقصة بكل القاعة .. اللي رجع فؤاد لوعيو ..: رح نبدأ المناقصة على ارض الساحل .. بلشت المناقصة وتم مراجعة كل المخططات اللي قُدمت للبلدية ____ بعد ساعة رفعت جومانا كتافها بكل ثقة وهمست جنب اذن امير ..: جاهز استاذ للحظة الحاسمة مدير المناقصة ..: بعد مناقشة جميع المخططات والمشاريع .. قررنا ..والميزانيات ابتسم فؤاد بثقة وعيونو على جومانا .. مدير المناقصة ..: المناقصة رح تروح لشركة الناصري .. بإدارة السيد امير الناصري .. وقع هالكلام على مسامع فؤاد مثل الصاعقة .. ونفجر الدم بعروقو بعد ما شاف المخططات معروضة على الشاشة يزن بصدمة ..: لك.. لك هدا .. كيف هيك اطلع فؤاد على الجهة الموجودة فيها جومانا .. ولاول مرة من بدأ المناقصة اطلعت عليه جومانا وعوجهها ابتسامة النصر .. رفعتلو حواجبها وكتافها بمعنى ( هدا اللي صار .. حظاً اوفر) قام امير من جنبها ومدلها ايده ..: تفضلي مدام جومانا حطت ايدها بإيده وعيونها على فؤاد ..: شكراً استاذ مشت بكل ثقة وطلعت هي وامير من القاعة وابتسامة النصر ما فارقت وجهها .. وكل هدا تحت نظر فؤاد ويزن ركبو بالسيارة وانطلقو ___ طلع فؤاد من القاعة والشر بعيونو ..ركب سيارتو وانطلق باقصى سرعة رن تلفونو باسم زين .. فصل اول مرة وتاني مرة رد بثالث اتصال ..: شو بدك يزن يزن : وين رحت .. ما تكون صرخ فؤاد..: ارجع عالشركة بسرعة انا جاي قفل الخط بوجه يزن وعمل تلفون تاني فؤاد: لاقيني بنفس المكان بسرعة بعد عشر دقايق وصل للمكان اللي اتفق عليه هو والشخص اللي حكى معو نزل من السيارة والشرر بتطاير بعيونو .. كان في شخص بستناه جنب الماطور قرب منو ومسكو من بلوزتو وشدو عليه ..: لي ما قلتلي انها اشتغلت بشركة الناصري ارتعب منو ومن نبرة صوتو ..: مين .. ميين .. مييين يا معلم فؤاد بغضب ..: مين بدها تكون .. جومانا .. انا كلفتك تراقبها وتنقلي كل تحركاتها .. واهم شغلة ما قلتلي عليها رجفو رجليه ..: يا معلم .. من شي أسبوعين او ثلاث جيت للشركة لخبرك باخر تحركاتها .. وقلتلك انها نقلت عبيت جديد وكنت بدي خبرك انها بلشت شغل بهاي الشركة .. بس انت قلتلي مو مهم وما سمحتلي كفي للاخر. .. وانا حسيت انو الموضوع مو مهم وما رجعت راقبتها .. يا معلم انا .. شد قبضتو على رقبة الشب ..: انت عارف شو عملت بغبائك حس انو رح يختنق وما عاد قدر يوخد نفس ..: يا مع .. يا معللللم .. رح موت رخى قبضة ايدو ودفشو لورا ..: بترجع بتنقلي كل تحركاتها .. ما بتغفل عينك عنها .. فاهم حط ايدو على رقبتو واخد نفس بصعوبة ..: حاضر حاضر تركو مرمي عالارض وركب سيارتو ورجع للشركة .. ____ وصل للشركة ولسا الغضب مسيطر عليه .. دخل مكتبو ودق ليزن ..: اجمعلي كل الموظفين بسرعة خلال ربع ساعة كانو كل الموظفين بغرفة الاجتماع .. ماحدا كان فاهم سبب الاجتماع .. بس الاغلب فسرو انو فؤاد رح يهني كل الموظيفين بعد فوزهن بالمناقصة دخل فؤاد للقاعة والشر بعيونو وقف عند راس الطاولة وكل الموظفين حواليه واقفين .. حكى بهدوء عكس البركان اللي بداخلو …: معكن ساعتين .. اللي سرب المخططات لشركة الناصري يجي لعندي من حالو ورح خفف عنو العقاب اذا اعترف من حالو .. بحالة ما حدا اعترف .. رح اتخذ اجراءات تانية واكتشف لحالي .. واذا اكتشفت لحالي مين اللي سرب المعلومات رح يكون عقابو عسير وقعت هالكلمات على مسامع ناديا متل الصاعقة .. ولما سمعت اسم الناصري وما اجى ببالها غير رفيقتها جومانا حاولت تبين طبيعية لحتى ما حدا يفهم شي انهى فؤاد الاجتماع وتوجهوا كل الموظفين لمكاتبون ____ توجه فؤاد لمكتبو .. قبل ليدخل مكتبو وقف مقابل مكتب ناديا وشافها متوترة وبتحاول تعمل تلفون .. كمل لمكتبو ولحقو يزن يزن : ما كان لازم تعمل هيك .. هلق اللي عمل هيك رح يهرب وما رح نعرف نمسك شي عليه قعد فؤاد ورا المكتب وشبك ايده ببعض ..: اطلبلي مساعدتك ما فهم يزن شو سبب طلبو لناديا .. ركز شوي ..: لا مو معقول فؤاد .. لا تظلم حدا وانت مو متأكد .. فؤاد بحزم ..: اطلبها انت ولا بدك انا اطلبها يزن : لا لا انا بطلبها مسك تلفونو ودق لناديا ..: ايه ناديا .. ممكن تيجي لمكتب فؤاد وتجيبي معك مخططات البناء اللي اعطيتك ياهن مبارح .. يلا بإنتظارك انا عندو اطلع عليه فؤاد ورفع حاجبو ..: شووو صاير تعرف تكذب .. ما عرفتك يزن بجدية ..: فؤاد لا تتسرع بالحكم بعد خمس دقايق ،،، دخلت ناديا وبإيدها الملف اللي طلبو يزن .. لاحظ فؤاد توترها ..: اقعدي قربت ناديا من الكرسي ورجليها مو حاملاتها ..: خير استاذ في شي ؟ وقف فؤاد وتوجه للكرسي مقابل ناديا ووقف مقابلها..: انا اللي لازم اسألك .. انت في شي حابة تحكيه .. او شي مخبتيه علينا اطلعت ناديا على يزن وكأنها عم تترجاه يتدخل .. يزن : فؤاد روق شوي .. فؤاد بعصبية ..: انت روح لشغلك يزن : فؤاد .. خلص قعد عالكرسي بهدوء ..: خلص .. ما رح احكي .. تفضل انت شوفلي اذا الانسة ناديا .. انسة مو ولا مدام .. انسة انسة .. شوفلنا اذا في شي بتحب تخبرنا فيه مسك يزن ايد ناديا واخدها للكنبة اللي بالمكتب ..قعدها وقعد جنبها ..: ما رح خلي حدا يأذيكي ولا رح تتركي الشغل هون .. بس قوليلي كيف اخدت جومانا المخططات .. لا تخافي انا معك فؤاد بمسخرة ..: اوووو .. ابرد ما عندك .. مو مهم شي الا مشاعر الانسة زورو ..: فؤاد قلتلك خلص عصب فؤاد وضرب الطاولة الصغيرة اللي قدامو برجلو ..: شو اللي خلص يا استاذ .. اهم مشروع واكبر مشروع لالنا راح .. اشتغلنا عليه ست اشهر .. راح وتبخر .. وانت بتقلي خلص .. خايف على مشاعر الانسة .. اسمعيني منيح ناديا .. بتقولي لرفيقتك ما رح ارحمها من اليوم وطالع .. رح كون متل عملها الاسود .. اذا اللي فترة ساكت وما عم اعمل شي مو لاني مو قادر اعمل او ما بعرف وين هي .. انا ساكت احتراماً لمشاعرها وامومتها .. وعاطيها حريتها اللي طلبتها .. بس لهون وبس .. وصليلها هالكلام متل ما سمعتيه .. وانت اذا بعرف انو التسريب صار بإرادتك وبتخطيط منك ما رح ارحمك مسك تلفونو ومفاتيحو وطلع من المكتب ومن الشركة كلها اطلع يزن على ناديا ومسك ايدها ..: احكيلي شو صار .. انت اللي اعطتيها المخططات مسحت ناديا دموعها …: بترجاك .. ما تخلي الاستاذ فؤاد يأذي جومانا .. انا متأكدة عملت هيك غصب عنها .. انا بتحمل المسؤولية بس ما يأذيها .. والله جومانا مو هيك يزن: يعني انت ما سلمتيها المخططات ناديا : انا ما سلمت شي لحدا .. بس انا بتحمل كامل المسؤولية .. ورح قدم استقالتي يزن: لي لتتحملي هيك مسؤولية وانت مو السبب .. انت قوليلي شو صار وانا بوعدك احميكي سحبت ايدها من بين ايدي ..: لي عم تتعامل معي كأني بلا ذمة ولا ضمير .. انا غرقانة بخير الشركة مستحيل اعمل هيك شي ولا افكر بهيك شي يزن : خلص اهدي ما كان قصدي .. انا مصدقك .. بس .. ناديا: بس شو ؟؟ يزن: المخططات اتقدمت للبلدية متل ما نحنا عاملينا منحوتة نحت مع شوية تعديلات سكتت ناديا بعد ما تذكرت اليوم اللي جومانا طلبت فيها تشوف المخططات .. بتعرف رفيقتها ذكية بس ما فكرت للحظة انها تخونها وتعمل هيك شي وقفت ناديا ..: انا رح قدم استقالتي .. وكل المسؤولية عليي .. واذا الاستاذ فؤاد بدو بعتبرني سلمت المخططات لشركة الناصري انا موافقة واي اجراء قانوني بدو يتخذو معي انا جاهزة .. بالاذن طلعت من المكتب لمكتبها .. اخدت كل متعلقاتها وطلعت من الشركة وتوجهت للبيت __ وصلت البيت وكل تفكيرها كيف بدها تواجه جومانا .. شو رح تقلها .. رح تقدر تواجهها اساساً .. كيف رح ترجع تتعامل معها .. اطلعت عالساعة وكانت لسا ثلاثة تسطحت عالكنبة وعيونها مسلطة عالسقف بعد ساعة قامت عن الكنبة وتوجهت لغرفتها .. طلعت شنطة السفر وبلشت تحط تيابها فيها .. قعدت عالتخت بعد ما خلصت .. بهالوقت سمعت صوت الباب طلعت من غرفتها وشافت جومانا داخلة وحاملة ابنها بإيدها جومانا : يلا بدلي تيابك خلينا نروح نحتفل .. رح بدل تيابي وتياب حسن ناديا: دخلي حسن جوا وتعي شوي جومانا : يلا ثواني دخلت ابنها جوا ورجعت للغرفة القعدة .. وقعت عينها على شنطة السفر ..: وين مسافرة؟ لا تقوليها رحلة عمل وقفت ناديا بوجهها ..: انت من شو مصنوعة .. انت بشر متلنا عادي ولا شيطانة!! صرخت جومانا بوجهها ..: هووووب هوووب .. شبك .. مين دعس على طرفك ناديا بعصبية ..: لك من اسبوعين وانت تشتغلي عالمشروع اللي سرقتي مني وانا متل الهبلة .. لك كيف قدرتي تقعدي معي وتضحكي معي وتحطي عينك بعيني وانت سارقة تعبي وتعب شركتي .. كيف قدرتي تخونيني هيك وتخوني ثقتي فيكي .. كيف اجي من قلبك تعملي برفيقة عمرك هيك .. صرخت جومانا ..: ايـــــه خلص بكفي .. هو كان مال ابوكي!؟ مسكت ناديا راسها بغضب ..؛ لك لساتك عم تكابري .. لك شو انت .. انت شووووو .. ما توقعتي يعرفو انو انا اللي بسرب معلومات .. ما عملتي حساب يحاسبو رفيقتك واختك على غلط هي ما الها علاقة فيه.. جومانا ببرود ..: خلص انت كمان .. من وين بدو يعرف .. وكيف بدو يعرف اننا مع بعض .. شايفتي كونان ناديا : لا .. مو كونان .. بس انت غبية .. يعني متخيلة فؤاد يتركك كل هالوقت وهو ما بعرف وين انت وابنك .. مفكرتيه بهالسذاجة .. لا حبيبتي انت الساذجة واللي على نياتك .. فؤاد بعرف وين انت وبعرف عنك كل تفصيلة صغيرة بحياتك .. جومانا بعصبية ..: ومادام بعرف وين انا لي لهلق ما اجى يرجعني ناديا : لانو ما عاد تفرقي معو .. ما عاد بدو ياكي ولا بدو يرجعلك .. ولا عاد تعنيلو شي .. اصحي على حالك .. ولا تفكري انو ما اجى واخد ابن اخوه معناتو ما بعرف وين انت .. لا حبيبتي هو محترم امومتك بس .. وانت بعملتك هاي خربتي كل الدنيا حست جومانا بسكين وانغرزت بصدرها .. كلمات ناديا كانو متل السيف .. رجفوا رجليها .. قعدت على اول كنبة شافتها .. خلال ثواني راجعت كل شي عملتو وحست بحجم المصيبة اللي عملتها وكيف وقعت رفيقتها بمصيبة وهي ما الها علاقة بشي .. اطلعت عليها ناديا ..: انت عملتي متل ما اهلك عملو فيكي .. غدرتيني وسلمتيني كبش فدا .. اطلعت عليها بعيون دامية ..: ناديا .. انا قاطعتها بحدة ..: انا ما عاد اللي محل بهالبيت .. انا رايحة طلعت ظرف فيه مصاري ورمتو عليها ..: هاي المصاري الك .. اجار البيت .. لا عاد تفرجيني صوة وجهك جومانا .. واذا شفتيني بالشارع حاولي غيري مسارك .. لانو رح اعمل شي ما رح يعجبك .. وما تفكري اني ما عملت شي لاني خايفة منك .. لا .. انا محترمة رفقتنا وبس مسكت شنطتها ..: سلام يا رفيقتي عيونها على ناديا وشايفتها متجهة للباب بدون ما تطلع وراها .. مسكت راسها بين ايديها وصوت داخلها ( انت شو عملتي بحالك .. لي وصلتي حللك لهون .. شو كان بدك بهالقصص .. ) رفعت راسها وحدقت بالعدم وصوت تاني بداخلها ( كل انتقام الو ضحايا .. لا تستسلمي من اول جولة .. لسا الجاي اعظم ..) اطلعت حولها ..: اكيد فؤاد بعرف العنوان .. لازم روح من هون قبل ما يوصل توجهت عالغرفة طلعت شنطة .. لمت كل تيابها وتياب ابنها واخدت كم غرض ضروري والمصاري .. طلبت تاكسي وقعدت بغرفة القعدة والتوتر الف عندها دق جرس الباب .. دق قلبها معو بقوة .. نبضها مضطرب .. بالزور قدرت توقف على رجليها … توجهت للباب ورجليها برجفو .. اخدت نظرة بالعين وما كان حدا رجع رن الجرس .. تشجعت وفتحت ..: عمو ابو ابرهيم ابو ابراهيم : في تاكسي تحت ناطرك يا بنتي جومانا بارتياح ..: تمام .. تساعدني بالشنطة ابو ابراهيم : على راسي حملت ابنها ونزلت للتاكسي بعد ما قفلت الباب .. ركبت التاكسي وعيونها بتحركو يمين وشمال .. انطلقت السيارة وحست بإرتياح وصلت لواحد من الفنادق بالبلد .. حجزت غرفة قربت من الموظفة …: اذا حدا سأل عني لا تعطيه اي معلومات الموظفة بإستغراب : حاضر مدام طلعت للغرفة والراحة غامرتها .. وقفت عند الشباك .. فتحتو وسحبت نفس طويل .. مسكت تلفونها ودقت لمديرها بالشغل ..: مسا الخير استاذ .. بدي اجازة لنهاية الاسبوع .. حاسة بتعب .. شكراً استاذ رمت التلفون عالتخت وراحت لعند ابنها جومانا: حبيبي انت .. اخدتو بحضنها وكأنو الامان الها .. تركتو عالتخت وراحت تجهزلو قنينة حليب .. شربتو الحليب ونيمتو توجهت للشنطة فرغت تيابها بالخزانة وراحت تاخد دوش دخلت تحت المي وافكار مخربطة براسها واخرهن انها تجهز جواز سفر لابنها وتطلع من البلد اخدت قرارها النهائي .. طلعت من تحت المي .. نشفت حالها ووقفت قدام المراي وبلشت تحط شوية مكياج لوجهها .. كانت بهاي الطريقة تخفي الهالات السودا من تحت عيونها .. ابتسمت برضا لنفسها وتمتمت ..( هاي جومانا اللي بعرفها ) طلعت من الحمام لبست بدي نص بطن وشورت .. قعدت وطلبت عشا دقايق وكان الباب بيندق اطلعت على حالها لبست روب الحمام ..: افف كيف نسيت .. يلا مو مهم فتحت الباب وكانت اكبر صدمة بتتلقاها بحياتها كان واقف قدامها بكل هيبتو كان اخر شخص بخطر ببالها يدق عليها الباب سكرت فتحة الروب من عند صدرها .. دخلها لجوا بقوة وسكر الباب وراه .. ما التفتلها ابداً .. وجه عيونو عالطفل البريئ اللي نايم عالتخت بكل اطمئنانية وامان .. توجه لعندو وطبع بوسة على جبينو بهدوء لحتى ما يزعجو التفت عليها وشافها متمسمرة عند الباب .. ابتسم ابتسامة خفيفة ..: شبك مصدومة !؟ قام عن التخت وراح لعندها …: يعني من كل فنادق البلد .. ما اخترتي اللي هدا الفندق !؟ .. ولا هدا الفندق الوحيد اللي من مستواكي ؟ لسا عم تحاول تاخد نفسها .. حط ايدو على خدها ..: اهدي .. ما بدها هالقد .. دفشت ايده عن وجهها ..: شو بدك ؟ فؤاد ببرود ..: جاي شوف لوين وصلتي بمخططاتك .. دفشتو من قدامها وراحت لعند الشباك وحاولت تصتنع القوة ..: الشغل ما في عواطف .. الشغل شغل .. ما المفروض اشرحلك فؤاد : والشغل بقول انك تدعسي على رفيقتك وتمشي من فوقها بدون ما يفرق معك .. الشغل بقول تسرقي تعب غيرك التفتت عليه ..: شوووو .. مين عينك محامي دفاع عن رفيقتي .. انا ورفيقتي نصطفل ما اللك فينا .. ولا محروق عالمناقصة اللي ما اخدتها وراحت بسهولة لمنافسك .. الدنيا للقوي والذكي قرب عليها شوي شوي ..: وانت مفكرة بالسرقة بتطلعي ذكية وقوية .. هاي مبادئك يا مدام جومانا بعصبية ..: ايه لا تحاكيني بالمبادئ والاخلاق هلق .. وين كانت مبادئك لما كنت استنجد فيك واخوك عم يعتدي عليي ويضربني .. وين كانت مبادئك لما كانت امك تتلذذ بإهانتي وتأذيني قدام عيونك .. وين كانت مبادئك لما امك وابوك اخدو مني ابني وهو لحمة باللفة ورموني .. وين مبادئك لما حرموني من ابني شهرين كاملين وانت تتفرج وساكت قربت عليه وضربتو على صدرو بقهر وصرخت ..: ويــــــن .. قلي ويــــــن فؤاد بقهر ..: فكرك اذا ضليتي تحكي هالحكي رح يحن قلبي عليكي .. واغفرلك اللي عملتي جومانا : ماني ناطرة مغفرتك .. اللي بطلع بيدك اعملو فؤاد : انت تماديتي كتير جومانا .. لا تخليني فرجيكي وجهي التاني .. انا لسا متساهل معك .. والشغل عند امير الناصري رح تتركيه جومانا بإستفزاز..: لا خفت منك .. لحظة لدقلو او ابعتلو استقالتي مسكها من ايدها وشدها عليه وعيونو بتتنقل بين عيونها وشفايفها.. : جومانا .. لا تستفزيني .. انا ساكت لهلق لاني مقدر امومتك .. انا من اول يوم هربتي فيه كنت عارف وين انت .. وبعرف كل خطواتك .. ولا تنسي انت لسا عاسمي سقفت بإيديها ..: برافو استاذ فؤاد .. فضلت على راسي .. اسمعني منيح فؤاد ..انا ما عدت البنت الصغير اللي بتعرفها .. ما عدت البنت الهبلة اللي بتتلبك بحضورك قربت منو وحطت اصبعها على صدرو وشدت ..: انا هلق بهاي اللحظة مستعدة ادعس على اي حدا مشان مصلحتي انا وابني وبس .. وقصة اني لسا عاسمك .. لا تخاف رح ارفع عليك قضية خُلع واصغر محامي بخلعك بجلسة وحدة اطلع عليها من فوق لتحت بأسف ..: شو صرلك .. ما كنتي هيك .. لي كل هالسواد اللي بقلبك ضحكت بقهر كبير وكل أطرافها بترجف ..: بدك تعرف من وين هالسواد اجى .. منيح انك لسا زوجي لحتى تعرف فكت الزنار عن خصرها ونزلت روب الحمام وبقيت بالتياب اللي كانت لابستها اطلع على جسمها والصدمة على وجههو قربت عليه وعلامات القهر عملامحها ..: شفت السواد اللي بقلبي من وين اجى .. عرفت هلق لي كنت البس تياب شتوي بالشوب .. عرفت لي كنت اهرب منك .. لانو ما بدي شو هالنظرة بعيونك مسكتو وسحبتو للمراية ومسكت دقنو ..: شوف وجهك بالمراي بس شفت العلامات اللي على جسمي .. هاي العلامات انا كل يوم بشوفها على جسمي وقلبي بنحرق .. لسا عم تسأل من وين هالسواد استاذ فؤاد .. لا تفكر اني عم استعطفك ..( ضحكت بمرار ).. لا ما مستنية منك عطف .. بس اتركني بحالي لانو لسا ما شفت شي من سواد قلبي .. هاي كانت البداية بس حاولت كل جهدها تخفي الدموع اللي تجمعوا بعيونها .. لفت حالها واخدت الروب ولبستو بسرعة وظهرها لالو ..: تفضل روح من هون .. ولا عاد تخليني شوفك .. لانو كل ما بشوفك برجع الحقد ينتشر بجسمي اكثر .. روح فؤاد .. روح اطلع عليها بأسف .. توجه لعند حسن طبع بوسة عجبينو واتوجه لعند الباب وقف وعيونو عليها ..: لا تخفي دموعك .. انا بعرفك اكتر من حالك .. وما رح اتنازل عنك بسهولة ___ بعد أيام فتحت عيونها بعد ما دخلت اشعة الشمس بعيونها .. اطلعت جنبها وابتسمت بس شافت حسن عم يلعب جنبها .. قربت عليه وطبعت بوسة طويلة عخدو ..: يسعدووو اللي ما بحب يصحي ماما وتاركها على راحتها لتصحى .. بادلها حسن نفس الابتسامة .. جومانا : حبيب ماما بدو رضعة .. يلا رح جهزها يا عيوني قامت بسرعة وراحت جهزت الرضعة لابنها قعدت جنبو واخدتو بحضنها .. بلش يشرب وهي تحكيلو عن مغامراتها .. وحسن عيوني عليها دور يشرب ودور يبتسم .. وهي نفس الشي دور تضحك ودور يتجمعو الدموع بعيونها .. بس كانت تحكي معو وهو مركز معها .. كان هو الوحيد انيس وحدتها .. خلص الرضعة وابتسملها ضمتو لصدرها ..: شو نفسي نبقى هيك .. انا وانت بس .. نفسي اعيش هيك انا وانت بدون اي حدا على طول دق الباب نيمتو جنبها ..: اكيد جايين يرتبو الغرفة .. ثواني وراجعتلك راحت فتحت الباب نص فتحة وشافتو قدامها ..: هدا انت !! حط ايدو عالباب ودفشو .. دخل واطلع عليها من فوق لتحت ..: كيف هيك بتفتحي الباب بهاي التياب اطلعت على حالها ..: شبها التياب .. فؤاد : مبسوطة بحالك .. بعدي هيك .. مو جاي عندك اساساً جومانا بغيظ ..: لا تمثل دور الغيور مو لابقلك .. اذا عندك مشاعر روح فرغها بزوجتك اطلع عليها من فوق لتحت وضحك ..: زوجتي !! جومانا: لسا ما تزوجت بس كتبت كتابك .. لي حارم حالك من ملذات الحياة فؤاد: شو عم تخبصي بس ما تكوني لسا بتغاري عليي استوعبت اللي حكتو ..: لا تتهاضم فؤاد: كل اللي براسك أوهام تركها عند الباب وتوجه للتخت عند حسن وصار يلاعبو اخدت نفس وتوجهت لعند التلفون ..: يسعد صباحك .. اذا ممكن تنين نيسكافي بلاك لعندي .. اكبر حجم ..( سكتت واطلعت على فؤاد ).. ايوة مدام فؤاد العامري سكرت التلفون واطلعت عليه ..؛ قريباً رح بطل مدام فؤاد العامري اطلع عليها بطرف عيونو ..: من ايمت بتحلمي وانت صاحية كانت رح ترد بس اندق الباب وقفت مشان تروح تفتح .. بس وقفها فؤاد فؤاد: وين وين .. فوتي لجوا بلا مسخرة جومانا : روق على حالك شوي .. ولا تعيش الدور قعدت عالكرسي مقابل الشباك الكبير ورفعت رجليها قرب منها وبإيدو كاسة النس ..: تقضلي جومانا: مرسي اخدت رشفة ..: الله .. بتعدل الدماغ حست للحظة بأنفاسو جنب ادنها فؤاد بهمس ..: ما رح تبدلي تيابك .. بدك تبقي هيك قدامي التفتت عليه وصار وجهها مقابل وجهو ..: لي في شي اطلع على جسمها المكشوف ..: انا بشر .. نزلت رجليها بعد ما فهمت مغزى كلامو وراحت عالتخت جنب ابنها قرب من التخت وحمل حسن جومانا : شو عم تعمل فؤاد : لا تخافي بدي نيمو بالسرير حطو بالسرير ورجع لعندها ..: اعتبرها دعوة مبطنة ؟ استغربت كلامو ..: دعوة شو ؟؟ قرب منه وحط ايدو جنب راسها ..: لايمتى يا جومانا جومانا بنزفزة ..: لايمت شو .. شو بدك مني عند هالصبح فؤاد بحب ..: بدي ياكي .. بدي كون معك على طول ابتسمت نص ابتسامة ..: بتقدر تكون معي .. ما رح يغصك قلبك بس تشوف هالعلامات عجسمي .. ما رح تتذكر اني كنت بيوم من الايام زو.. حط ايدو على تمها وسكتها ..: لا تكملي .. جومانا انا ما بدي جسمك ولا بدي منك شي من اللي بتفكري فيه .. انا بدي روحك .. قلبك .. بدي جومانا القديمة .. حبيبتي اللي ضاعت من بين ايدي غمضت جومانا عيونها بقهر ..: روحي سودا وقلبي اسود .. قلبي عماه الحقد .. روحي قتلها القهر .. جومانا القديمة ماتت من اول يوم دخلت بيتك وما عاد الها اثر قرب منها اكثر لدرجة انفاسو لامسو وجهها ..: رح رجع قلبك وروحك .. حطي ايدك بإيدي وتعي ننسى.. تعي نبدأ حياة جديدة .. قربو منها سببلها توتر .. ما عرفت بشو ترد او تحكي .. التفتت بعيونها واجت عينها على ايدو الشمال .. مسكتها ..: لي مانك لابس دبلتك ؟ ابتسم فؤاد ..: لاني مو متزوج رفعت حاجبها ..: لكن وزوجتك اللي بالبيت ؟ فؤاد: أي زوجتي واي بيت يا هبلة انت .. رفع ايدو اليمين وبين الدبلة ..: لساتي خاطب استغربت كلامو ..: خاطب ..(ضحكت).. لك انت متزوج تنتين ولسا بتقول خاطب انرسمت ابتسامة على شفافو ..:وبعدين مع مخك السميك .. انا بعرف انك اذكى من هيك .. انا ما تزوجت ولا كتبت كتابي على حدا .. وايه لسا خاطب .. لسا ما اعلنت للناس والعالم عن حُبي الك تلبكت كتير وصارت تتلفت حوليها .. خبت وجهها بإيدها ..: فؤاد روح ابتسم على توترها .. وشال ايديها عن وجهها ..: ما رح روح .. رح ابقى .. جومانا انا ما نسيت اخر ليلة كانت بينا .. لسا عم اتخيلها كأنها هلق .. اطلعت بعيونو وشافت نفس لمعة الحب اللي كانت تشوفها زمان .. زاد توترها اكثر ..: اقلك شغلة .. اخر مرة قلتلك شي وكذبت .. اللي قلتو مو صحيح ابتسملها بحب ..: بعرف .. انت لساتك نفس البنت اللي وجودي بلبكها وبفوتها بالف حيط خبت وجهها بإيدها ولفت حالها للجهة التانية واعطتو ظهرها ..: صح رجع لفها عليه وما حست غير شفايفو عم تلتهم شفايفها بحب .. وبدون وعي غرقت معو بأحاسيسها كلها حطت ايدها على وجهو وفتحت عيونها .. تقابلو العيون وحكو كل الكلام اللي لازم ينقال فؤاد: انا لسا بحبك وبدي ياكي .. حطت ايدها على جاكيتو ورفعت حالها لعندو ودفنت راسها بصدرو ..: شتقت لحضنك حط ايده على شعرها ..: ما رح اسمحلك تبعدي عني ابداً .. رفعت راسها واطلعت بعيونو .. خلص الكلام .. ما عاد في شي ينقال .. طبع بوسة عشفافها واخدها لعالمو الخاص ____ رفعت حالها عن صدرو واطلعت بعيونو ..: لي بتعمل فيي هيك اطلع عليها بإستغراب نزلت راسها وغمضت عيونها ..: كل ما ابعد عنك وقول خلص اتخطيت .. بترجع بتدخل لحياتي وبتكركبها من جديد .. انا تعبت حط ايدو على دقنها ورفع راسها للتقوا العيون..: نحنا خلقنا لبعض .. وكل شي صار ورح يصير ما رح اسمح لشي يبعدني عنك .. انا وانت واحد مو تنين .. روحي روحك … لو شو ما صار رح ضل متمسك فيكي لاخر نفس بعمري .. وما رح يفرقني عنك غير الموت جومانا بقهر ..: ما عاد اتحمل شي تاني يوجعلي قلبي .. انوجعت بما فيه الكفاية .. ما عاد اتحمل صدمات تانية ضمها لصدرو اكتر ..: خلص انسي كل شي مضى .. كوني معي وبس التفت بس سمع صوت حسن عم يكاغي ويطلع اصوات .. ابتسم ورفع حالو لعندو واخدو من سريرو وصار يلاعبو اطلع عليها ..: ايمت بدنا نجيب اخت لحسن لوت تمها ومو عاجبها ..: ايه انا اجيب اخت لحسن وكل التعب عليي وانت اكتر شي بتعملو تحملها عشر دقايق وترجعلي ياها .. لا حبيبي مو هلق .. يعني ايمت الله بريد رفعلها راسها عن صدرو وبعدها عنو ..: هدا مكان حسن اطلعت عليه بصدمة ..: هيك يعني .. اخدت حسن منو ..: هدا ابني عفكرا .. يلا روح من هون من غير مطرود لو سمحت رجعها لحضنو وضمها هي وحسن .. ___ بمكان تاني وصل تحت بيتها .. اخد تلفونو ودقلها .. رن كتير وما في رد جرب كمان مرة وردت تنحنح ..:ناديا .. انزلي انا تحت ناديا :أستاذ يزن لشو جيت انا قدمت استقالتي وما عاد بدي ارجع حكى بجدية وحزم ..: لا تناقشي .. انزلي قطع الخط وبقي بالسيارة ثواني وكانت نازلة .. ركبت جنبو ..: نعم استاذ يزن اطلع عليها يزن ..: بتقبلي اعزمك على فنجان قهوة ناديا : اذا مفكر انو بفنجان قهوة بتنحل المشكلة يزن بخباثة ..: ومين قال بدي احل المشكلة .. اطلعت عليه بإستغراب يزن ؛ ما اللي علاقة .. مشكلة بين فؤاد وجومانا .. انا شو اللي علاقة بالموضوع ناديا بقهر ..: عادي يتهم اي حدا الو علاقة بجومانا لكن اطلع بعيونها وبدون سابق انذار ..: انا بحبك ناديا .. وبهدا الاسبوع تأكدت من مشاعري اتجاهك لما مشيتي .. حسيت اني رح اخسرك وانا ما بدي هالشي .. يمكن تأخرت لعبرتلك عن مشاعري .. بس انا بحبك اطلعت عليه وسكتت يزن بإستغراب ..: تخيلت كل ردود الفعل الا هاي .. لساها على نفس الوضعية يزن : احكي شي ناديا: وانا المفروض افرح وطير من الفرحة لانه حضرتك اعترفتلي بمشاعرك .. يزن: لي هيك عم تحكي ناديا بقهر ..: انت ما واعي عحالك شو كنت تعمل فيي.. ناسي شو كنت تبهدلني .. وتهيني وناطر مني اعطي ردة فعل غير شكل .. انا بعتذر منك .. انا ما حاسة اني جاهزة لادخل علاقة بالوقت الحالي .. اذا شفت حالي جاهزة بحاكيك فتحت الباب وكانت وح تنزل .. سحبها من ايدها واخدها بحضنه .. حط جبينو على جبينها وهمس ..: انا اسف .. كنت مخربط .. لهلق لحتى لقيت حالي .. انا مو بس بحبك .. انا بعشقك ناديا بعدت عنو والتوتر واضح على ملامحها سحبها من ايدها وطبع بوسة على شفافها .. ___ بعد ساعة فؤاد : انا جعت .. ( اطلع عليها وغمزها ).. ضربتو على صدرو بخفة .. : اختصر .. فؤاد : روحي اعملي دوش وانا بطلب الفطور قامت عن التخت رجع سحبها من ايدها ..: غيرت رايي لسا ما شبعت منك .. تعي سحبت ايدها منو ..: جعت انا كمان اطلب فطور بسرعة دخلت للحمام .. فتحت المي ووقفت تحتها .. ركزت بالعدم وحكت بقلبها ..( لي ما تبقى حياتي هيك .. حلوة وسعيدة .. ) طلعت من الحمام لافة حالها بالمنشفة وشعرها بنقط مي على اكتافها وجسمها انصدم لما شافها وكأنو بشوفها لاول مرة ومو من شوي كان معها قرب منها وعيونو كلها حُب .. سحبها من خصرها …: شو هدا هلق .. شكلي بغير رايي وبلغي الفطور تلبكت بين ايديه ..: نسيت اخد تياب معي غمزها بمشاغبة ..: لا … انت اذكى من هيك جومانا بغباء ..: شو قصدك !؟ للحظة استوعبت قصدو .. فكت حالها من بين ايديه ..: خلص فؤاد .. افطر وروح عشغلك .. رجع سحبها لعندو ..: انت شغلي اليوم .. فلتت حالها منو بمعجزة وسحبت تيابها وراحت للحمام .. لبست وطلعت .. قعد عالكنبة وبلشت تاكل .. فجأة رن تلفونها اطلعت عالاسم وردت ..: اهلا استاذ امير .. حمدلله بخير .. لا ما في شي وعكة صحية خفيفة.. الله يسلمك .. شكراً لاهتمامك .. اكيد يوم الاثنين رح داوم .. شكرا لحضرتك قفلت الخط والابتسامة عوجهها وناسية البركان اللي قاعد جنبها اطلع فيها وعيونو بتقدح شرر ..: شو هدا يا مدام ؟ اطلعت عليه وشافتو عم يغلي ..: شغل .. فؤاد : وما تكوني مفكرة رح اسمحلك ترجعي تشتغلي عندو اطلع فيه بإستغراب ..: تسمحلي !!! فؤاد بغيظ ..: طبعاً .. انت رح ترجعي عالشغل عندي بالشركة وما في نقاش بالموضوع .. ركزت عيونها بعيونو وابتسمت ابتسامة جانبية …: كل المسرحية اللي عملتها من الصبح مشان ارجع اشتغل عندك .. كل المسرحية هاي لحتى اترك الشغل .. بتخدعني وبتستغل مشاعري مشان مناقصة يا فؤاد استغرب كلامها جومانا : كان فيك تقلي اتركي الشغل عند امير ويا بوافق يا برفض .. ما كان في داعي تدخل عليي هالدخلة وبحبك وما فيي انساكي وهالكلام المصدي والمستهلك هدا .. ما كان في داعي تستغل مشاعري ووحدتي لحتى توصل لهون فؤاد بإستغراب ..: كلام مصدي ومستهلك !! وقفت جومانا وصرخت بوجههو ..: انا مو ضعيفة فؤاد .. ولا بسمح لحدا من اليوم يحددلي طريق مستقبلي .. فشرت انت وكل عيلتك .. هلق بتقلي اتركي الشغل .. بكرا بتقلي ارجعلي لعند امي .. لا ما حزرت . وقف مقابلها ..: انت مجنونة .. في براسك شي !؟ صرخت فيه ..: روح اطلع برا .. لا عاد تفرجيني وجهك فؤاد .. برا يلا اطلع عليها باستغراب .. : كيف هيك بتتحولي .. انت صار بعقلك شي انت مو طبيعية .. قربت عليه وابتسامة استهزاء على شفافها وهمستلو ..: كان اغلب الضرب على راسي .. لا توخزني حمل تلفونو ومفاتيحو .. اطلع عليها نظرة ما قدرت تفسرها وقف عند الباب .. اطلع عليها بنظرات خيبة .. : انت لازم تتعالجي بأسرع وقت ممكن .. وانتبهي مني منيح .. ما فيي خاطر بجود ابن اخي معك وانت بهاي الحالة .. قعدت على الكنبة بإحباط .. مسكت راسها وشدت عليه ..: لي هيك بصير معي .. يا ربي. .. يا رب رجعت ظهرها لورا واجت براسها ناديا .. مسكت تلفونها ودقتلها .. رن كتير وما ردت ..: ايه اكيد ما رح ترد ضمت رجليها لصدرها وما في غير جملة فؤاد الاخيرة براسها ( انت لازم تتعالجي بأسرع وقت ممكن .. وانتبهي مني منيح .. ما فيي خاطر وبجود ابن اخي معك وانت بهاي الحالة .. ) عاتبت حالها كتير ووقفت عند نقطة وحدة صفنت وحكت ..: رح ياخد ابني مني!!!!!!! رجعت دقت لناديا مرة وتنين وتلات اخر مرة ردت ناديا: شو بدك جومانا جومانا بخوف ..: ناديا مشان الله الحقيني .. انا بحاجتك .. لا تتركيني .. كلكن تركتوني لحالي .. فؤاد رح ياخد ابني مني .. ناديا مشان الله بلشت تبكي بهستيريا ناديا بخوف ..: جومانا شبك اهدي .. وين انت ابعتيلي موقعك .. انا جاي حالاً بعتتلها العنوان ____ بعد ساعة كانت ناديا عندها وحاضنتها ناديا : خلص اهدي .. ما عم افهم عليكي .. جومانا ببكاء وخوف بقطع القلب ..: قلي رح ياخد ابني مني .. فؤاد رح يحرمني من ابني .. رح يحرقلي قلبي عليه .. رح موت ناديا رح موت .. قوليلو اني غلطت ورح اعمل كل شي بقلي عليه بس ما يحرمني من ابني .. لا ياخد روحي مني ضمتها اكتر لحضنها ..: خلص حبيبتي .. ما رح يعمل شي .. فؤاد بحياتو ما رح يأذيكي انت بتعرفيه منيح اكتر مني اطلعت عليها جومانا وعيونها منفخة وحُمر متل الدم ..: هددني وقلي رح ياخدو .. سمعتو بإدني .. وكانو عيونو بنقطو شر طبطبت عليها ..: صدقيني ما بعملها ..لو بدو ياخدو كان اخدو من زمان .. متل ما فهمت انو كان يعرف وين انت وكيف هربتي من اول يوم حاولت ناديا اطمنها جومانا : لازم اهرب برا البلد انا وحسن ناديا : لا .. اذا عملتي هيك رح تكبر الامور اكتر .. ( حطت ايديها على خدودها ).. جومانا لازم تهدي وتحلي الامور برواق .. فؤاد احن من هيك .. بس انت قليلي شو اللي صار مشان نحل الموضوع حكتلها جومانا كل شي صار ناديا : كل هدا مشان شغلك بشركة الناصري .. لك يا ستي اتركي هالشغل وارتاحي .. الرجال بدو ياكي تكوني جنبو جومانا : ما فشر يتحكم فيي ناديا : يا ربي .. انت بدك العنب ولا بدك تقاتلي الناطور .. خلص اتنازلي عن كبريائك شوي عصبت من كلامها ..: كبريائي .. لي انا لسا عندي كبرياء .. لك ما بقى عندي شي ضمت رجليها لصدرها وسرحت ..: ناديا سامحيني .. كان معمي على قلبي وما خطرلي انك تنأذي بسببي .. سامحيني ناديا بحب ..: انا ازعل منك انت يا مجنونة .. لك انت رفيقة عمري ودربي قربت عليها وحضنتها بقوة ..: لا تتركيني مرة تانية ابتسمت ناديا ..: رُب ضارة نافعة جومانا : كيف ناديا : يزن اعترفلي انو بحبني ورح يتقدملي قامت من مكانها وحضنتها ..: الف مبرووووك ناديا : الله يبارك بعمرك .. كلو بسببك شفتي جومانا بمزاح ..: لو بعرف كان من زمان عملتها .. لا تحملي كلامي جد .. انا اسفة ناديا ____ مرقت فترة هادية ما فيها جديد بشركة العامري للمنشئات .. كان فؤاد قاعد ورا مكتبو وعم يجري مكالمة مع واحد من العملاء .. قطع حديثو بعد ما اندق الباب … رفع راسو واتطلع بإتجاه الباب .. وقبل ما يسمح للطارق بالدخول .. كان الباب مفتوح ابتسم ابتسامة جانبية وهو شايف جومانا قدامو .. واقفة بكل ثقة وهي بكامل اناقتها المعتاد عليها .. انهى المكالمة مع العميل بسرعة .. وقف وراح لعندها ..: شو .. كأنك صاحبة الشركة .. داخلة بدون اذن .. ذكرتيني باول يوم دخلتي فيه لهون وانت تترجيني اقبل شغلك معنا ابتسمتلو ابتسامة جانبية ..: وشوف اليوم انا وين وانت وين .. بادلها الابتسامة ..: وين؟ تقدمت جومانا بثقة وتخطتو وقعدت عالكرسي المقابل لمكتبو ..: انا اليوم بشتغل باكبر شركة منافسة لزوجي اللي رح يكون زوجي السابق .. بمنصب اعلى بكتير من المنصب اللي كنت فيه هون .. وانت تارك كل اشغالك واعمالك وراكض وراي لحتى ترجعني لالك .. اطلعت عليه بتحدي ..: شفت انا وين وانت وين قعد عالكرسي مقابلها ..: انت اليوم بهدا المنصب بسببي .. امير عم يستغلك وانت عم تستغلي رفيقتك .. بس اتس اوك .. عادي بالنسبة اللي انا pناطر لشوف لوين حابة توصلي .. نشربك شي ولا جاي عالسريع حطت رجل على رجل ..: اطلبلي قهوة .. الموضوع طويل .. اخد سماعة التلفون ..: جبلي تنين قهوة جومانا : بدون سكر اطلع عليها ..: بدون سكر .. قفل الخط ووجه نظرو لعندها ..: تفضلي سامعك جومانا : نشرب القهوة اول فؤاد: على عيني دخل الاذن وقدم القهوة لجومانا ولفؤاد اخدت جومانا الفنجان ورشفت رشفة فؤاد: ايه..!! فتحت شنطتها وطلعت ملف منو وحطتو قدام فؤاد.. اخد فؤاد الملف ..: شو هدا جومانا : اوراق الطلاق رفع حاجبو جومانا : كنت عند المحامي اليوم وجهز كل شي .. ناقص توقيعك .. يا ريت توافق على قراري .. لانو ما عاد يناسبني هدا الوضع فؤاد : لي في شي ببالك .. عم تخططي لشي معين ؟ رجعت ظهرها لورا ..: اكيد .. انا لسا صغيرة .. وناطرتني حياة لازم عيشا .. ما عاد يناسبني ضل رابطة اسمي باسمك .. ومبادئي واخلاقي ما بتسمحلي كون عاسمك وعيش حياتي متل ما بدي .. لو سمحت وقع عالارراق خلينا نخلص فؤاد: وحسن .. جومانا : رح اسمحلك تشوفو انت بس يوم بالاسبوع رمى الاوراق عالطاولة …: انت قررتي .. انا مو موافق .. جومانا بحزم ..: فؤاد لو سمحت .. حسن خط احمر .. وما رح اسمح لحدا ياخدو مني فؤاد: جدو وجدتو الن حق فيه كمان جومانا بعصبية ..: بدك سلم ابني لامك لحتى تخطفو وتسافر برا البلد .. ما حزرت فؤاد ببرود ..: حافظي على كلامك معي .. امي ما رح تحرمك من ابنك جومانا بعصبية..: كيف .. قلي كيف .. وهي اخدتو مني وهو عمرو ايام .. خطفتو من المشفى .. فؤاد : انا هلق موجود وما رح اسمح لحدا يعمل شي بدون اذنك جومانا بعصبية ..: وقع عالاوراق خليني روح .. ماني فاضية لضيع وقتي معك حط رجل على رجل ..: بوقع عالاوراق .. بس بشرط جومانا بغضب ..: انت مو بمكان يسمحلك تشرط .. فؤاد ببرود ..: رح وقع ووافق تكون حضانة حسن الك بس بحال تزوجتي رح اخدو منك على طول وتروح الحضانة لامي بما انو امك مو هون .. ما رح اسمح لابن اخي يعيش مع رجال غريب .. جومانا : مو من حقك فؤاد : حقي ونص .. شو قلتي .. نروح سوا لعند المحامي ونعدل العقد ؟ قامت من مكانها بغضب وضربت الطاولة الصغيرة برجلها ..: ما رح اسمحلك تتحكم بحياتي اكتر من هيك .. وانا لغاية هاللحظة عم اطلب ننفصل بلطافة .. لا تخليني ارفع عليك قضية خُلع .. لا تضطرني اعمل اشياء ماني حاببتا .. خلينا ننفصل بدون فضايح بالصحافة .. وانت عارف الشي ما رح يمسني على قد ما رح يضرك .. معك يومين تفكر .. يا الطلاق بهدوء وبدون فضايح .. يا بكشف كل الاوراق اللي عندي .. اخدت شنطتها ومشت .. كان اسرع منها .. وقف وراح لعندها ومسكها من ايدها ودفشها عالحيط وحاوطها بإيدها بانت معالم الام على وجهها ..: شو عم تعمل قرب وجههو من وجهها ..: شايفك عم تهددي ومو عاملة حساب لحدا .. رفعت حاجبها ..: ما عندي شي اخسرو فؤاد : انا لسا تاركك على راحتك .. لا تفكري اني لسا باقي عليكي .. لا انت ما عاد تعنيلي شي غير انك ام حسن .. اطلعت عليه بتحدي ..: كيف ما عاد اعنيلك شي .. شوف انفاسك كيف تخربطت وانا بين ايديك .. اسمع دقات قلبك المخربطة وبعدها تعا قولي وانت عم تطلع بعيوني اني ما عاد اعنيلك شي .. ابتسم بخباثة ..: لا تتوهمي كتير .. عادي لو حضنت اي بنت تانية رح يصير هيك .. مشاعري مو مخصصة الك انغاظت من كلامو .. رفعت رجلها وضربتو بعد عنها بوجع ..: مجنونة .. رفعت شنطتها عكتفها ..: لحتى تتعلم تتباهى بمشاعرك .. فكر باللي حكيتو وقلي شو قررت .. ما معك وقت كتير طلعت من المكتب وعوجهها ابتسامة.. ___ رفع راسو عن الطاولة وبثقل .. اخد نفس وزفرو يقهر .. حمل تلفونو واطلع عالخلفية ..: هيك تفرقنا عن بعض .. بيوم وليلة وما عدتي موجودة .، شو ذنبك .. شو ذنبي .. اهــــه لو فيني افديكي بعمري وروحي يا اختي حس بإيد انحطت على كتفو .. رفع عيونو: خالتي رائدة .. حكى بنبرة كلها قهر ..: ما حميتها .. ما دافعت عنها ..ما عملت كل جهدي لهربها .. انا السبب رائدة : لا تحط اللوم على حالك .. كلنا غلطنا .. والغلط الاكبر عليي .. انا ما عرفت ربيه .. انا دلعتو زيادة نزلت دمعة من عينو ..: وين بدها تكون هلق .. شو عم تعمل … كيف عايشة .. رائدة : روح لعندها .. لازم تعرف انه نحنا ما بعناها .. رياض بقهر ..: رحت رحت .. حماتها قالت انها هربت من بعد موت زوجها حاوطت اكتافو ولفتو عليها ..: شو بتقول .. هربت .. وين راحت .. قوم فتش عليها .. قوم جيبها .. ابوك اذا عرف ما رح يرحمها رياض : ابي .. اتركيه لابي شاعل حالو بطلعة يامن من السجن .. ومو معطي فرحتو لحدا .. كانو ما جاب غيرو .. وناسي الي دفنها بالحياة وما بنعرف عنها شي رائدة : يا ويل قلبي عليكي يا بنتي .. ما سألت حدا من معارفها .. روح اسأل بالشركة اللي كانت تشتغل فيها .. رياض : وكيف بدن يعرفوا قعدت رائدة جنبو ..: مو بتقول تركت بيت زوجها .. اكيد بدها مصروف .. واكيد رجعت تشتغل بنفس الشركة رياض : معقول ترجع للشركة .. خلص وانت قلتيها .. قام من مكانو واخد مفتاح سيارتو وطلع رائدة : طمني برضاي عليك .. يتبع.🥀🥀