*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d *.#لعنة_الفؤاد🤎* #الجزء_الثاني_عشر بعد ساعة وصل رياض للشركة .. ركن سيارتو بالموقف الخاص ونزل .. دخل لعند موظفة الاستقبال ..: مساء الخير .. الموظفة : اهلاً .. تفضل كيف فيني ساعدك رياض : بدي اسأل عن موظفة .. جومانا السيد .. رفعت الموظفة حاجبها ..: جومانا السيد .. ثواني كبست على الكمبيوتر اللي قدامها .. ورفعت راسها ..: ما في عنا موظفة بهالاسم رياض : بس جومانا كانت تشتغل هون من شي سنة .. الموظفة بتكبر ..: مو مبين عندي شي .. بهاللحظة وصل فؤاد للشركة .. وسمع الحديث قرب من الكاونتر ..: خير نسرين .. مين الاستاذ وقفت الموظفة بإحترام..: اهلاً استاذ فؤاد .. حضرتو بسأل عن مدام جومانا اطلع فؤاد على رياض ..: تفضل يا استاذ .. لي عم تسأل عن جومانا رياض: حضرتك فؤاد العامري .. فؤاد: ايوة .. خير !! رياض: انا رياض السيد .. اخوها لجومانا ابتسم فؤاد برقي ووقار ..: اهلاً وسهلاً .. تفضل لمكتبي .. رياض: بدي اعرف وين جومانا فؤاد : بنحكي بالمكتب دخلوا للمكتب فؤاد: تفضل رياض .. شو تشرب رياض : مو جاي لاتضيف .. انت بتعرف وين جومانا .. هي كانت تشتغل هون بالشركة ومن سنة تركت .. رفع فؤاد سماعة التلفون ..: اطلبيلي تنين قهوة .. وما تحوليلي مكالمات ولا اتدخلي حدا لعندي حط السماعة واطلع على رياض ..: ارتاح .. بدنا نحكي عالواقف ! قعد رياض على مضض ..: هاي قعدت .. من اول ما وصل وانا اسألك نفس السؤال .. جومانا رجعت للشركة من جديد ؟ شلح فؤاد جاكيتو وعلقها ..: اعرف على حالي بالاول .. فؤاد العامري .. اخو حسن وزوج جومانا توسعت عيون رياض ..: نعم !!!!!! ابتسم فؤاد بوقار ..: وبعرف وين جومانا وقف رياض ودقات قلبو سريعة ..: بتعرف وينها .. بس .. انا رحت لبيت زوجها وحكتلي امه انها هربت شبك فؤاد ايديه ببعض ..: صحيح .. بس هي هلق عايشة مع ابنها بأمان .. لا تشغل بالك دخل الاذن ومعو القهوة فؤاد: ارتاح .. رح اعطيك العنوان قعد رياض بتعب ..: ما عم افهم شي من شي .. كيف هربت من بيت زوجها وكيف عايشة مع ابنها .. واساساً جومانا ايمت خلفت ولد .. وكيف انت زوجها .. شو عم يصير .. شد على راسو بقهر ..: ما عم افهم .. قام فؤاد من مكانو وقعد مقابل رياض …: انت اخوها الكبير لجومانا صح هز رياض راسو فؤاد: لازم تكون اقوى من هيك لحتى تقدر تكون سند لجومانا بهاي المرحلة .. اللي مرقت فيه جومانا ما كان بالشي السهل .. اثارو واضرارو لسا معلمة بقلبها .. لازم تكون قوي لتساندها اطلع عليه رياض بإستغراب ..: كيف انت هيك .. مو بتقول صارت مرتك .. كيف هربت وهي مرتك .. فؤاد: رح فهمك كل شي .. بس بدي تكون عارف شغلة بالاول .. كل اللي صار من وقت موت اختي وزواج جومانا من اخي حسن انا ما كنت موافق عليه .. بس حاولت صلح شوي من الغلط اللي صار .. رح احكيلك كل شي .. *** بانت علامات الصدمة عوجه رياض ..: كلو هدا صاير مع اختي وانا ما بعرف .. رجع فؤاد ظهرو لورا ..: انا كان فيني ما احكيلك شي من اللي صار معها .. بس انا حابب تكون بالصورة وتتوقع ردة فعلها قبل ما تروح لعندها .. وتتوقع منها اي شي .. جومانا مجروحة كتير .. واللي صار معها اثر فيها كتير ولسا معلم بقلبها وصعب تتقبل اي حدا .. بس انا شايف انك لازم تروح لعندها وتقابلها .. وحتى لو كانت ردة فعلها صعبة معك لا تيأس وترجع تحاول كتير .. وتحاول تحتويها وتحتوي صدمتها .. جومانا انصدمت بكل اللي حولها نزل وياض عيونو بالارض وكمل فؤاد ..: واسمحلي .. اولها من ابوها وانت واخوها .. نزلت دمعة قهر من عيون وياض ..: كانت كبش فداء .. تحملت كل هالشي مشان استهتار ابي وسفالة اخي .. حاولت كتير روح لعندكن عالبيت بس كان اخوك الله يرحمو يطردني بكل مرة .. وما كان طالع بإيدي اعمل شي .. رفع عيونو وكانو حُمر …: اعطيني عنوانها لو سمحت كتب فؤاد العنوان على ورقة واعطاها لرياض ..: انتبه عليها رياض .. وهدا رقم تلفوني حاكيني طلع رياض من عند فؤاد اطلع فؤاد بالعدم ..: انت عرفت رؤوس اقلام وقسم صغير من اللي صار فيها وانصدمت .. لو عرفت بكل شي كانت تعانيه شو رح تعمل .. الله يستر ___ وصل بسيارتو للبناية اللي ساكنة فيها .. اخد نفس وزفرو ببطئ كان متل اللي بجهز حالو للمعركة .. نزل من السيارة وتوجه لبيتها وقف قدام الباب ودق الجرس .. ثواني وفتحت جومانا الباب اطلع عليها من فوق لتحت وانصدم بشكلها اللي تغير كتير .. تجمعوا الدموع بعيونو .. اطلعت عليه جومانا ببرود ونطقت بعد صمت قصير ..: حضرتك بدك حدا معين .. اكيد متلخبط بالعنوان .. انصدم من كلامها .. ابتسمت وحاولت تسكر الباب ..: بالاذن .. حط ايدو عالباب ومنعها تسكرو ..: سامحيني حبيبتي رجعت تبتسم ببرود قاتل ..: عشو !!!! بهاللحظة استوعب ريااض كلام فؤاد اللي قالو .. وتشكلت الصورة اللي شرحلو ياها .. مسح دموعو وسحبها لحضنو ..: انا السبب .. سامحيني .. ما كنت الاخ المنيح الك .. ما قدرت احميكي وكون السند حطت ايدها على صدرو وبعدتو عنها ..: ما حاملة بقلبي شي عليك وعلى ابوك .. عادي .. مو حاقدة وغضبانة عليك .. انت وابوك ما عدتو تعنولي شي .. متلكن متل الاغراب انصدم من كلامها .. جومانا ببرود ..: انا عندي شغل وابني ببكي جوا .. تفضل .. وايه لا بقى ترجع لهون .. ما بدي حدا من اهل البناية يجيب سيرتي بشي مو منيح .. مع السلامة طرقت الباب بوجهو طرق عالباب وصرخ..: لو قلعتيني الف مرة رح ارجع يا جومانا بقي فترة عالباب وبعدها رجع لسيارتو ولسا كلماتها المسمومة بتتردد بإدنو .. رمت حالها عالتخت ونزلت دمعة ورا التانية .. وفجأة صارت تشهق وتبكي بحرقة وقهر .. عاتبت ولامت حالها كتير عاللي عملتو .. كان نفسها ترمي حالها بحضنو اتضمو .. تشم ريحتو اللي اشتقتلها .. بس كانت بدها ياه يحس بآلامها والوجع اللي هي فيه .. كانت بدها تحسسو بالقهر اللي عاشتو ضلت تبكي هيك لحتى نامت بدون ما تحس على حالها _____ وصل للبيت وهو مقرر انه ما يخبر رائدة بشي .. ما كان بدو يحملها هم فوق همها فجأة رن تلفونو .. اطلع عاسم المتصل وهمس ..: ما ناقصني غير امي هلق .. بكرا بحاكيها حط التلفون عالصامت ودخل ركضت لعندو رائدة ..: ايه ابني طمني .. زفر بضيق ..: ما لقيتها لطمت رائدة على وجهها ..: يا ويلي عليكي يا بنتي .. وين اختفيني دخل لغرفتو وتجاهل ولاويل رائدة .. رمى حالو عالتخت بتعب اخد تلفونو وشاف انه امو صارت متصلة عشر مرات ..استغرب اتصالتها وقرر يحكي معها رياض : مساء الخير امي .. كيف حالك .. لما كل هذه الاتصالات ؟؟ اجى الرد من الطرف الثاني ..: اين جومانا يا رياض .. احاول الاتصال بها منذ فترة ولا تجيب اخد رياض نفس ..: نسيت ان اخبرك ان جومانا تزوجت .. صرخت..: ماذا تقول .. تزوجت دون علمي .. كيف تزوجون ابنتي دون علمي .. لماذا لم تخبرني انت .. واين هي الان .. انفجر رياض فيها غصب عنو ..: فقط هذه اللحظة تذكرتي انها ابنتك.. تزوجت منذ سنة وانجبت طفل .. فقط الان تذكرتي ان تتصلي بها وتسألي عن احوالها .. امي لا اريد ان اخوض حديثاً الان .. اقفلي الان ونتحدث لاحقاً سكر الخط بوجهها .. ما كان قادر يحكي مع حدا بهاي اللحظة .. اللي صار واللي شافو كان مأثر فيه بشكل كبير .. _____ بعد أيام صحيت الصبح من النوم .. رفعت راسها بتعب .. اطلعت عالساعة وكانت سبعة .. تأففت ..: حتى يوم العطلة لازم الواحد يقوم بكير .. التفتت لجنبها .. اطلعت عوجهو البريئ وطبعت بوسة عخدو ..: يا احلى صباح انت .. انت الوحيد اللي بتستاهل عيش مشانك .. حط ايدو عشعرها وشدها لعندو .. فتح تمو وعض خدها ضحكت بحب ..: هيك بتبوس ماما .. اخدتو بحضنها وصارت تطبع بوسات متفرقة عوجهو وتضحك ..: هيك ببوسو يا عمري رفعتو لفوق ..: مين بدو يروح عند عمو حبيبو ؟ ابتسملها حسن بانفعال جومانا : خليني اتصل فيه وازعجو عند هالصبح نيمت حسن جنبها واخدت التلفون ودقت لفؤاد .. اخد وقت لرد فؤاد بصوت مخنوق ..: شو في عند هالصبح .. في حدا بتصل هلق ؟ جومانا باستفزاز..: قوم تعى خد حسن عندي مشاريع اليوم فؤاد : مشاريع شو هاي جومانا : مو شغلك .. بدك تاخدو عندك ولا ابعتو عند مربية الحضانة فؤاد: يلا ساعتين وبكون عندك حومانا: ساعتين كتير .. اذا خلال ساعة ما بتكون هون ببعتو عند المربية ما اعطتو مجال يرد وكانت قافلة الخط ابتسمت ابتسامة صفرا ..: ما بكون اسمي جومانا اذا ما بخليك تكره حالك بسببي اطلعت على حسن ..: يلا ماما قوم نتحمم مشان تروح عند عمو نظيف وحلو اخدتو عملتلو حمام دافي وجهزتلو تيابو واغراضو .. اعطتو الببرونة ولبست بيجامة رياضية وقعدت بالصالة ناطرة فؤاد اطلعت عالساعة وكانت ثماني ونص .. كزت على اسنانها ..: مفكرني بمزح معك يا فؤاد .. يلا ماما خلينا نروح عند خالتو ماجدة حملت شنطة حسن على كتفها .. اخدت تلفونها وحملت حسن وتوجهت للباب فتحت الباب ونقزت .. شافتو قدامها .. عيونو حمر وما بتبشر بالخير فؤاد بعصبية ..: على وين ؟ جومانا بإستفزاز..: قلتلك معك ساعة .. خلص مو بحاجة خدماتك .. تفضل من غير مطرود اخد حسن منها وتخطاها ودخل لجوا البيت وقفل الباب وراه دخل لغرفة نومها وقعد شوي جوا لحتى نام حسن .. نيمو بسريرو وطلع وقف قدامها والشرر بتطاير من عيونو ..: شو عم تحاولي تعملي ؟ قعدت عالكنبة وحطت رجل على رجل ..: شو عملت .. اذا انزعجت اني دقيتلك وكتير صعب تاخد حسن .. قلتلك ببعتو عند المربية اطلع عليها وكان نفسو ينقض عليها .. بس تحكم بأعصابو وقرر ما ينولها مرادها .. قعد عالكنبة اللي مقابلها وكتف ايديه ..: قومي اعمليلي قهوة ما شربت لسا جومانا : مو فاضية .. عندي شغل مهم قلتلك .. بدك تاخد الولد ولا لا .. خلصني .. مو فاضية للاخد والعطى ضرب الطاولة برجلو وقلبها .. قام متل الوحش وراح لعندها .. حاوطها بإيده …: لا تخليني اقلب عوجهي التاني ولي .. قلت قومي اعملي قهوة بتقومي بتعملي قهوة .. دب الرعب بقلبها .. كيف انقلب مرة وحدة متل الوحش .. من شوي كان هادي وبارد صرخ بوجهها ..: قــــــومــــي… اطلعت بعيونو بخوف وسحبت حالها من تحت ايديه..: قمت قمت ركضت للمطبخ وايدها على قلبها ..: يخرب بيتك يا فؤاد .. من ايمتى بتعصب هيك .. افف شكلي تقلت العيار .. هو صحيح في حدا بتغالظ عند هالصبح لسا الساعة ثماني ونص .. افف شو كان بدو .. قهوة .. صح قهوة عملت القهوة واخدتها للصالة .. التفتت حولها وما لقتو ..: وين راح .. سمعت صوتو من البلكون ..: انا هون تعي توجهت للبلكون .. قدمت القهوة وقعدت اخد رشفة من القهوة ..: صايتة جومانا بغيظ ..: مو عاجبك لا تشرب فؤاد : لا تخليني قومك تعملي وحدة تانية جومانا : فؤاد اتركني بحالي .. ماني فايقتلك سكت وما رد عليها .. قام للمطبخ وعمل ركوة تانية ورجع للبلكون قعد بكل هدوء .. صب فنجان لالو ..: بدك؟ هزت براسها بإيجاب صبلها فنجان وقدملها ياه اخدت الفنجان وسرحت شوي وافكارمخربطة براسها .. اطلعت عليه وهو عم يشرب القهوة وحكت بقلبها ..( شو كان صار لو نحنا اليوم مع بعض وعنا ولد متل ما كنا مخططين .. لي كل هدا اللي صار وخلانا نوصل لهاي النقطة.. بعد كل شي قاعدين مقابل بعض ومحدا فينا طايق التاني .. ) فؤاد: شبك ؟ قطع صوتو تفكيرها ..: ما شي .. ايمت بدك تمشي .. وراي شغل كتير رمقها بنظرة خلتها تسكت وتبلع لسانها خلص فنجان القهوة واطلع عليها ..: اغراض حسن جاهزة جومانا : جاهزة عند الباب .. انتبه عليه منيح وابقى معو كل الوقت .. وقف مشان يمشي ..: يلا سلام .. بشوفك جومانا : شو صار باللي حكينا فيه .. ما رديتلي خبر وما بعرف شو ناطر !! اطلع عليها من فوق لتحت …تركها وتوجه لغرفة النوم .. حمل حسن وطلع من البيت دخلت جومانا للصالة .. اطلعت حولها ..: شو كنت بعمل لو حسن مو موجود معي .. سلامة عمرو هو اللي مالي عليي البيت .. اطلعت عالساعة وكانت تسعة .. ضربت رجلها بالارض وتمتمت ..: تأخرت على موعدي .. اخدت تلفونها وشنطتها الرياضية ونزلت من البيت بسرعة .. توجهت للنادي عملت رياضة متل العادة وبعدها توجهت للكافي اخدت قهوتها ورجعت للبيت بالطريق دقت للصالون الشعر ..: كيفك بوب .. اليوم علي موعدنا مو .. ايه بدي اعمل ماسك للوجه وشعر وشوية شغلات .. ايه رح اخد حمام سريع وكون عندك .. لازم عالخمسة كون جاهزة .. تمام .. بعد ساعات مسك بوب الچلوس وحط على شفافها .. لفها عليه ..: هييك بنكون خلصنا .. طالعة قمر ابتسمتلو جومانا ورجعت التفتت للمراي .. كان ميكاب خفيف وناعم بس ظاهر جمالها وجمال عيونها والشعر مرفوع مع شوية خصل نازلة بشكل عشوائي .. بوب : الفستان جوا بغرفة التبديل .. يلا قومي البسي رح تتأخري جومانا : لا بدي ارجع للبيت .. كيف بدك اطلع من هون هيك بوب : كيف بدك حُب .. يا الله شو قمر .. جومانا : يسلمن حبيبي ويخليلي ياك .. يلا بشوفك طلعت من البيوتي سنتر واخدت فستانها ورجعت للبيت دخلت للبيت علقت الفستان وقعدت بالصالة اخدت تلفونها ودقت لفؤاد ..: ايه فؤاد وين حسن فؤاد بعصبية ..: هاي المرة العشرين اللي بتتصلي فيها تسألي عنو .. وبعدين معك جومانا : بلا مبالغة كلها كم مكالمة فؤاد: كم مكالمة لحظة ابعتلك سكرين وشوفي .. جومانا: هلق تركني من سخفاتك وين حسن شو عامل فؤاد بعصبية ..: هاي اخر مرة بتدقي .. لا تخليها تكبر براسي وقفل التلفون وما عاد تعرفي توصليلي جومانا بعصبية .: بجيلك عالبيت وانت بتعرفني منيح .. لا تلعب معي فؤاد فؤاد بإستفزاز ..: هدا يوم المُنى .. بتعرفي اذا جيتي ما رح تطلعي .. عارفة اني ناطرك عنار لترجعي عصبت جومانا منو ..: مستفز قفلت الخط بوجهو والعصبية رح تنفجر من راسها .. : انا ما كان لازم اعطيه حسن .. لازم حطيتو عند المربية امان اكتر اطلعت عالساعة ..: اففف رح اتأخر دخلت لغرفتها ولبست الفستان .. كان فستان اسود طويل على قد الجسم وكمام طويلة .. ما كان ظاهر من جسمها شي اخدت نظرة على حالها بالمراي وابتسمت برضى حطت اللمسات الاخيرة ومع اخر لمسة سمعت رنة تلفونها .. اخدت جزدان مناسب للفستان وردت ..: ايوة استاذ امير .. ايه جاهزة .. نازلة حالاً سكرت الخط وحطت التلفون بالجزدان .. اخدت اخر نظرة وطلعت من البيت نزلت على الدرج الرئيس للبناية وكان امير واقف عند باب السيارة قربت منو وابتسامة خفيفة على وجهها ..: مساء الخير استاذ فتحلها باب السيارة ..: يا مساء الانوار .. شو هالجمال والاناقة خجلت من مديحو ..: شكراً استاذ هدا من زوقك ركبوا السيارة وانطلق بعد مدة وصلو الحفلة نزل امير من السيارة وتوجه للباب الجنب الشوفير فتحلها الباب ومد ايده ..: تفضلي يا اميرة مدت ايدها بتوتر وحطها بإيدو .. نزلت من السيارة ودخلو للقندق اللي كان فيه الاحتفال كان احتفال لواحد من اكبر رجال الاعمال بالبلد بمناسبة مرور عشرين سنة على افتتاح شركتو التفتت بعيونها وكان في كتير ناس بتعرفها منن اشخاص تعرفت عليهون بشغلها الجديد وقسم من شغلها القديم وقفوا عند وحدة من الطاولات اشر امير بإيدو للنادل المسؤول عن توزيع المشروبات بالحفلة قرب منو النادل امير بهمس ..: اغلى مشروب عندك .. لو سمحت تنين حط بجيبتو ١٠٠ دولار النادل: امرك استاذ بعد دقايق حط النادل كاسين مشروب .. واحد قدام امير وواحد قدام جومانا اطلعت جومانا عالكاس بإستغراب ..: شو هدا .. مسك امير الكاس ودقو بكاس جومانا ..: بصحتك جومانا : بعتذر استاذ بس انا ما بشرب اخد الكاس ومسكها ياه ..: اشربي وانسي .. عيشي حياتك متل هالناس .. صدقيني بس تاخدي شفة رح تنسي كل شي .. وهدا اغلى نوع جومانا ..: مو شرط اشرب مشان عيش متل الناس .. ممكن عيش بطريقتي وكون مبسوطة كمان .. بعتذر منك كمان مرة امير : لا هيك رح تزعليني منك .. نحنا حايين لهون مشان نغير جو .. لا.. قاطعتو بحزم ..: استاذ لو سمحت .. هاي الامور ما بحب ناقشها .. رفع حاحبو واخد الكاس ولف وجهو عنها .. : بكيفك انغاظت من هالحركة المقصودة منو وصارت تتلفت حولها وتطلع على الوجوه ابتسمت بس شافت عادل عم يقرب منها عادل : انا اكيد امي داعتلي اليوم .. جومانا : عادل بيك .. كيف صحتك عادل: بشوفتك صرت احسن .. من بعد ما سمعت خبر استقالتك من شركة العامري وانا مو تمام .. بس اكيد راجعة جومانا: لا للاسف .. استقلت لظروف .. اما اليوم انا بشتغل بشركة الاستاذ امير الناصري .. تفضل لعرفك عليه التفتت لامير ..: استاذ امير .. بحب عرفك على عادل بيك .. واحد من اكبر تجار الالماس بالبلد .. وصاحب متاجر الصالح للالماس برقت عيون امير .. صاحف عادل بحرارة ..: تشرفت بمعرفتك عادل ..: شكراً .. جومانا: خلينا نشوفك عنا بالشركة عادل وعيونو على جومانا ..: يعني اعتبرها دعوة صريحة لاترك الشغل مع شركة العامري وبلش شغل معكن ابتسمت جومانا بثقة..: خلينا نكسبك بفنجان قهوة اول .. وبعدها بنشوف .. اكيد في مشاريع جديدة غمزلها ..: طبعاً .. امير: لكن خلينا نجتمع بكرا بالشركة عادل : رح حاكي مديرة مكتبي وبتكون على اتصال معكن .. اطلع على جومانا..: انبسطت بشوفتك كتير جومانا : وانا اكتر عادل : عن اذنك اطلع عليها امير من فوق لتحت وحكى بداخلو ..( طلعتي مانك قليلة يا جومانا .. لا انا كنت مستهونك كتيرر .. شكلو الشركة رح ترجع توقف على رجليها بسببك .. وانا لازم استغلك لاخر نفس ).. قطع حبل افكارو صوت جومانا جومانا : استاذ خير في شي امير : بتحبي نرقص .. صفنت شوي ..: لا .. سكتت بعد ما شافت فؤاد ومعو يزن كان واقف بعيد وعيونو عليها رجعت نظرها لامير ..: ايه برقص مد ايدو واعطتو ايدها ونزلو لساحة الرقص لف ايدو على خصرها وشدها عليه حست بشي غريب .. احساس مو لطيف .. في شي مو صح عم يصير .. واللي زاد احساسها نظرات فؤاد لالها وعيونو اللي بتقدح شرر رقصو على انغام الموسيقى الهادية حطت ايدها على صدرو وحاسة بخنقة بصدرها …: انا تعبت .. امير: تمام تفضلي رجعوا للطاولة .. اخدت كاسة العصير وشربتها على دفعة وحدة .. اطلعت بامير ..: عن اذنك .. هلق برجع اخدت جزدانها وراحت للحمام .. وقفت قدام المراي وعيونها على انعكاس صورتها .. للحظة شافت عيون فؤاد .. حست في شي طابق على صدرها … ما عرفت تفسر شو عم يصير معها .. حاولت تهدي حالها وتاخد نفس بهدوء .. للحظة ارتاحت طلعت من الحمام ووقفت فجأة ..: مبسوطة بحالك هيك !! هاي الحياة اللي حابة تعشيها !!! اطلعت جنبها وشافت فؤاد ساند حالو عالحيط وايدو بجيبتو .. فؤاد: كل عمري بقول انك ذكية وقوية وبتعرفي تتصرفي .. وكنت قول انك متأثرة بالافلام والروايات بس بتعرفي حدودك منيح .. بس اليوم تأكدت من تصرفك الاخرق انك اغبى مخلوق على وجه الكوكب .. لا تفكري تصرفي وكلامي معك غيرة عليكي .. لا .. انت ما عاد تعنيلي شي .. وما عاد بدي منك شي غير شغلة صغيرة .. كوني قد امومتك اللي بحاول احترمها لهاللحظة .. حكى هالكلمتين ومشى بدون ما يعطيها حق بالرد وقفت شوي ورجعوا كلماتو على مسامعها .. ما في اي كلام ترد فيه عليه .. مشت بخطوات تقيلة .. طلعت من الفندق بدون ما تخبر امير انها رايحة .. اخدت تاكسي ورجعت عالبيت دخلت البيت ولسا كلمات فؤاد بتتردد على مسامعها .. رمت الكندرة والجزدان وقعدت عاول كنبة شافتها .. مسكت راسها بإيدها وشدت عليه .. بعدها اطلعت حولها .. حست بالفراغ .. وحدة غريبة … كيف هيك صارت بيوم وليلة وحيدة .. ما في حدا جنبها .. اهلها تركوها وحملوها مسؤولية غلط مو غلطها .. ناديا رفيقة عمرها اللي بسبب حقدها وانتقامها سمحت لحالها تستغلها وتستغل محبتها وغدرت فيها بدون ما يرفلها جفن .. فؤاد حب عمرها اللي راح بسبب حقدها وكرها لعيلتو .. ما عاد حدا موجود بحياتها .. نزلت دمعة من عينها وتبعها دموع قهر كتير .. صرخت بقهر وحرقة .. بس ما في حدا يطبطب عليها ويهون عليها وجعها .. بقيت على هالحالة ساعات لحتى نامت بمكانها _____ مرقت أيام هادية وما في شي.. جومانا بدوامها وفؤاد بشركتو كل واحد اخد جنب من التاني وكان التجاهل قرار الاثنين علاقتها بناديا باردة نوعاً ما .. ما عادت متل الاول .. في شي كبير انكسر بهالفترة انتقلت لمكتب جومانا موظفة جديدة وحاولت تتقرب من جومانا بكل الطرق .. كانت جومانا تصدها بأغلب الأوقات بس بالاخر استسلمت .. ما عاد فيها تبقى وحيدة .. كان لازم اتدخل ناس جديدة على حياتها فؤاد كان مشغول بمشاريعو .. كان يحاول دايماً ما يخلي لعقلو وقلبو مجال ليفكروا فيها .. بس كان دايماً قلبو اقوى رياض كان كل كم يوم يروح لجومانا لعل وعسى ترضى عنو او تقبل تحاكي بس كانت تصدو بكل مرة .. برغم هيك ما استسلم وكان مُصر _____ صحيت من النوم بيوم .. حست بنبضها سريع بدون سبب .. قامت بثقل وتوجهت للمطبخ لتعمل كاسة نسكافي .. عملتو وقعدت بالبلكون .. حاسة بثقل براسها ومعدتها مو تمام .. حاسة بلعيان نفس بدون سبب .. قامت عالحمام وغسلت وجهها .. ركزت نظرها على انعكاس صورتها بالمراي .. توسعت عيونها .. وركضت للتلفون .. فتحت عالتقويم وشهقت .. : لالا لا لالا .. مستحيل .. بدلت تيابها بسرعة ونزلت للصيدلية .. جومانا : صباح الخير دكتورة .. الدكتورة: صباح النور .. تفضلي كيف اخدمك جومانا بتوتر..: بدي .. بدي كاشف حمل بس تكون نتيجتو مضمونة الدكتورة: كاشف الحمل نتيجتو مضمونة بس لحتى تتأكدي اكتر وما يكون في شك لازم تعملي تحليل دم .. او اولتراساوند جومانا : فهمت عليكي الدكتورة: تفضلي اخدت كاشف الحمل وتوجهت للبيت عملت الفحص وحطت الجهاز قدامها وعرقها عم يتصبب على جبينها ظهر اول خط .. مرقت دقيقة بدأ الجهاز يظهر الخط الثاني شهقت .. ما كانت عارفة تحدد مشاعرها .. أشياء مخربطة .. شدت رجليها لصدرها ونزلت دمعة من عينها .. ما بتعرف هاي دمعة فرح ولا دمعة حزن .. بقيت على هدا الوضع .. بعدها قامت وتوجهت للمخبر .. عملت تحليل ___ بعد أيام نزلت من التاكسي وحاسة بمزيج مختلف من المشاعر .. فرح، حزن .، فرج قريب، غصة ، خوف، شجاعة، حب.. مشاعر متخربطة بداخلها .. بس كانت خلص حسمت قرارها .. دخلت للشركة وهي من داخلها مقتنعة انو اللي رح تعملو احسن الها ولفؤاد ولمصلحتن .. وصلت لمكتب السكرتيرة ..: صباح الخير .. فؤاد موجود السكرتيرة : موجود .. مين قلو جومانا : انت جديدة هون ؟ السكريتيرة : ايه لفترة صغيرة جومانا : لكن قوليلو جومانا … زوجتو قامت السكرتيرة من مكانها ..: اهلاً مدام .. بعتذر بس انا جديدة هون وما بعرف حضرتك .. تفضلي الاستاذ بمكتبو .. هزت جومانا براسها ودخلت .. ابتسمت بغباء..: والله شكلو المدير زوقو حلو وبعرف يختار .. _____ دخلت جومانا لعند فؤاد عالمكتب ..: صباح الخير اطلع عليها فؤاد بإستغراب .. لاول مرة من وقت ما عرفها بتدخل عليه المكتب هيك كانت لطيفة وهادية على غير العادة رفع حاجبو بإستغراب..: صباح الفل .. قعدت عالكرسي مقابلو ..: كيفك فؤاد !؟ فؤاد بإستغراب واضح ..: كيفك فؤاد .. لا اكيد في شي .. شبك جومانا .. مريضة شي !! ضحكت ضحكتها الساحرة..: انت شبك مستغرب .. فؤاد : يعني للصراحة اول مرة بتفوتي عندي عالمكتب هيك .. بالعادة بتفوتي تصارخي ومعصبة .. بتفوتي متل العاصفة وبتطلعي متل الاعصار حطت رجل على رجل ..: نحكي شوي جد قام من مكانو بعد ما طلب قهوة .. قعد عالكرسي مقابلها ..: بنحكي جد .. شو المشكلة .. تفضلي سامعك بلشت علامات التوتر تبان على وجهها اطلع عليها فؤاد ..: لا تتوتري .. احكي .. لا لحظة .. ما يكون اللي بفكر فيه صح جومانا بتوتر..: شو !! فؤاد بخباثة..: ما عاد بدك ننفصل !! فتحت عيونها بصدمة .. فؤاد: لا تقوليها .. صح هزت براسها بتعجب وحكت بقلبها ( هالقد انا مكشوفة قدامو) اطلع عليها ..: شبك .. عم تقولي بقلبك كيف بعرف كل شي بتفكري فيه استجمع قوتها ..: ايه بدي نرجع ونربي حسن سوا .. فؤاد: موافق جومانا : بس نسكت ببيت لحالنا فؤاد: موافق جومانا : تمام فؤاد: ما اجى ببالي هالقد سهل نرجع لبعض .. تخيلت سيناريوهات تانية جومانا : انا بدي مصلحة حسن بالاخر .. ما بدي يربى بلا اب وانت موجود .. بس عندي سؤال .. شو وضع زوجتك رفع حاجبو واشرلها لتقرب منو ..: تعي لقلك شي.. انا ما تزوجت تمام .. ولا خطبت .. ولا وافقت من الأساس .. وما فيي دخل حدا لحياتي غيرك .. مفهوم .. لا عاد تقولي زوجتك .. ما في غيرك زوجتي جومانا بلامبالاه ..: تمام .. استغرب رد فعلها ..: لهالدرجة مو مهم اللي حكيتو مسكت جزدانها ..: انا صار لازم امشي .. بدك شي فؤاد: لا سلامتك قامت عن الكرسي ..: بخاطرك طلعت من مكتبو .. اخدت تاكسي وتوجهت لحضانة حسن .. اخدتو بعد ما قررت تقضي اليوم كلو معو __ دخل عالبيت وعلى وجهو ابتسامة خفيفة .. بس سرعان ما انمحت الابتسامة بعدما دخل للصالة وشاف جنى قاعدة مع امو وابوه فؤاد: مساء الخير الجميع : مساء النور جنى : خالتو شفتي اللي شفتو .. كان داخل يضحك ومبتسم وبس شافني عبس مرة وحدة .. انا هاي المعاملة ما عاد تناسبني .. بقعد بالايام ما بحاكيني .. واذا طلبت منو طلب بصير بتنفتر فيي .. عنجد الوضع ما عاد يُحتمل قعد فؤاد عالكنبة مقابلها ..: وهدا الشي ما الو تفسير عندك صرخت امو ..: فؤاد !! فؤاد بعصبية ..: شو فؤاد .. انت اعطيتي لحالك مسمى خطيبتي وبتتعاملي معي على هدا الأساس وانا اساساً لا تقدمتلك ولا خطبتك .. وما وافقت على كل خططك .. لي مستغربة معاملتي شو ناطرة مثلاً !! هيام : بدك مني ارجع بكلمتي مع اختي وابنها رجع ظهرو لورا ..: خلص هلق مو مهم ولا موضوعنا .. ما بدي اعكر مزاجي لاني كتير مبسوط .. المهم جايبلكن خبر رح يفرحكن ..( واطلع بحنى).. ويزعلك جنى : خير ابتسم بخباثة ..: جومانا قررت ترجع هي وحسن .. بس مو هون .. رح ناخد بيت لحالنا .. ابو فؤاد بفرحة ..: بتحكي جد ابني .. حمدلله واخيراً فؤاد: جد الجد ام فؤاد : ولي بيت لحالكن .. ترجع تسكن هون فؤاد: شرطها امي وانا وافقت .. وصراحة حكيت مع عمال النظافة ليبلشو شغل بالفيلا .. نيعني أسبوعين تلاتة بتكون جاهزة .. وكمان خبر .. بكرا حسن رح يقضي اليوم عندك .. شو رأيك ام فؤاد وايمت ما بدك رح صير جيبو لهون انتعشت امو مرة وحدة بس سمعت انو حسن رح يجي أبو فؤاد: حمدلله والله اشتقنالو ما شبعت منو من اخر مرة ام فؤاد: وكيف اقتنعت ست الحسن والدلال فؤاد : خلص امي .. انت بدك العنب ولا بدك تقاتلي الناطور .. المهم حسن راجع على طول .. وما بدنا مشاكل .. انت الك عندها الولد ومو اكتر من هيك وقفت جنى بغضب ..: شو هدا حبيبي .. شو ترجع .. لا ما حزرت انت وياها .. ما بترجعلك والسما زرقا فؤاد بكل برود الارض ..: لي يا عيوني .. في حدا اخد رأيك !! ولا انقهرتي لما سمعتي انو في حدا راح يخرب مخططاتك وياخد الورثة منك .. من بعد عمر طويل لامي وابي احمر وجهها وتوترت ..: شو بتخبص .. اي ورثة .. الله يطول بعمر خالتو وجوز خالتو .. فؤاد: هيك سمعت تلاطيش حكي .. وريث حصري وورثة وبيت عجزة جنى بتوتر واضح ..: انا ما حكيت هيك انت عم تتبلا عليي فؤاد بخباثة ..: انا ما قلت انك حكيت هالحكي .. قعدت جنى وصارت تقرط باظافرها وقف فؤاد : هدا اللي عندي ..ومخططاتك انسيها ما رح تتحقق ابداً .. انا رايح .. سلام وقف فجأة واطلع بجنى ..: حاولي خففي زيارات وحكي زيادة ما بدي مشاكل حكى هالكلمتين وطلع كزت جنى عسنانها وتمتمت ..: هي جابتو لحالها __ بعد مرور أيام دخلت جنى لعند هيام متل الاضى المستعجل صرخت بوجهها ..: خالتي نحنا ما كان اتفاقنا هيك .. انا عملت شو بدك بس ما عم اخد اللي وعدتيني فيه نقزت هيام ..: شبك شبك .. لي فايتة تصارخي هيك .. شبك جنى بغضب ..: يعني عاملة حالك مو شايفة شو ابنك بعمل .. انت وعدتيني اذا بقبل اتزوجو رح يعيشني ملكة وقلتيلي هاي اللي كان متزوجها رح تكون خدامة عندي.. وشوفي لا تزوجني ولا شي .. وفوق كل هدا بعاملني معاملة زبالة وكل ما يشوفني هون بطردني .. هيام : قلتلك اقنعي بحالك انت ما بتعرفي تتعاملي معو ولا بتعرفي تتصرفي ولسانك طويل بدو قص جنى بصراخ ..:: انا تعبت .. وهلق طلع بموال جديد بدو يرجع هالواطية ويسكنها ببيت لحالها .. انا ما بناسبني هالوضع .. رفعت هيام حاجبها ..: وبدك تحمليني مسؤولية غبائك .. هدا شغلك يا حبيبة امك .. انا سهلتلك الطريق وقلتلك الباقي عليكي .. اذا انت ما عم تعرفي تقنعيه بحالك .. انا شو ذنبي حنى بغضب ..: وكيف بدك اقنعو بحالي والست جومانا مسيطرة على عقلو هيام : عم تتوهمي .. ما بفكر فيها ابداً ولا بتعنيلو شي .. هاي أوهام لانك بتغاري عليه ضحكت جنى ..: شو قلتي . .. أوهام .. ما بفكر فيها قربت منها وهمست ..: هل تعلمي انو حضرة المهندس ابنك كان على علاقة فيها قبل ما تتزوج حسن بانت علامات الصدمة على ملامح هيام جنى بمسخرة ..: والله شكلك ما بتعلمي .. كان بعلاقة معها وكان يحبها .. والله اعلم شو كان يصير بينن وهي متزوجة حسن .. ما قلتي انه من وقت ما رجع وهو يدافع عنها .. ولما رجع فجأة صارت حامل .. رفعت حواجبها ..: ما بعرف شو كان يصير معو .. الله يستر عالعبيد كانت صدمة هيام كبيرة بأبنها من بعدما سمعت كلام جنى المسموم ودخل راسها ربتت على كتف هيام ..: خالتو .. شبك .. انا هون لساعدك وتساعديني .. انا وانت هدفنا واحد ..انا بدي فؤاد وانت بدك حسن بدنا نبعدها عن هدا البيت وعن فؤاد بالذات ..ما لازم نبعدها عنو بس نحنا لازم نخليه يكرها .. لازم نعمل شي لنكرهو فيها .. نخليه يحقد عليها ويطلقها وياخد حفيدك منها ويرجعو لحضنك .. نحنا لازم نمحيها عن الوجود ولحالي ما فيني هيام : شو بدك تعملي جنى بمكر ..: تعي لخبرك … ____ بشركة الناصري كانت جومانا قاعدة وعم تشتغل على واحد من المشاريع قربت منها زميلتها بالمكتب ..: جوج .. الشلة عاملين قعدة اليوم .. تعي معي .. ما حابة روح لحالي .. اطلعت عليها ..: جيهان بتعرفي انه ما فيني اطلع بعد الدوام مشان ابني .. جيهان : لك أي طلعة ..كلها ساعة بعد الدوام .. ما رح نتأخر جومانا: ما فيي اترك ابني كل الوقت بالحضانة .. صعب .. خليها لنهاية الأسبوع جيهان : انت كمان بدك تبقي حابسة حالك بين الأوراق والمشاريع .. والله اللي بتعمليه انتحار عالبطيء .. لازم تتطلعي وتسهري مو بس مشانك .. مشان ابنك .. اذا طلعتي ورحتي وإجيتي رح تتحسن نفسيتك وتكوني مرتاحة .. وهيك ابنك كمان بكون مرتاح ركزت جومانا بكلامها .. معها حق .. بيوم وليلة صارت حياتها روتينية وما فيها جديد .. ما عم تشوف حدا ولا حتى عم تطلع مع ابنها .. دافنة حالها بالشغل وما عم تعيش حياتها .. اطلعت على جيهان ..: معك حق .. خلص بنروح .. مسكت تلفونها ..: كيفك ماجدة .. بدي حسن يبقى عندك اليوم .. ايه .. ما بعرف لسا .. تمام .. شكراً حبيبتي .. سلام جيهان: شفتي .. ما في اسهل منها _____ وقفت هيام بصدمة ..: يخرب بيتك .. انت داهية .. شيطانة جنى ببرود ..: ارتاحي خالتو ارتاحي .. انت كمان مو احسن مني .. كنتي تعملي اكتر من هيك هيام بصدمة ..: لا .. مستحيل وافق جنى: انا رح نفذ .. بس ما بضمن يرجع حفيدك لحضنك .. يلا سلام مشت شوي وبعدها وقفت ..: شو قلتي اطلعت هيام بالعدم ..: انا معك جنى : لكن ايدك عالمصاري .. انا صراحة ما بدي كذب عليكي .. بس بلشت نفذ الخطة هيام :ومضمونة .. جنى ؛ مية بالمية .. انت اقعدي وتفرجي على الفلم هيام بخوف..: ما رح ننكشف رفعت حاجبها بثقة..: ولا من شاف ولا من دري .. اهم شي كوني لطيفة معو هالفترة .. بس مو بطريقة تلفتي نظرو فيها هزت راسها بالموافقة جنى : خالتو المصاري قامت من مكانها ..: يلا ثواني جابت المصاري من الخزانة واعطتن لجنى اخدت منها ورمت بوسة بالهوا ..: يلا سلام .. _____ بعد ساعات انتهى الدوام جيهان : اففف هالنهار شو طويل .. حاسة حالي اللي عمر بشتغل جومانا: بالعكس .. حسيت الدوام خلص بسرعة وما لحقت انهي كل شي .. جيهان : قومي نمشي .. احسن حاسة حالي رح طق طلعوا من المكتب ومن الشركة كلها اخدوا تاكسي وانطلقوا بعد نص ساعة وصلوا للمكان اللي رح يسهرو فيه نزلت جومانا من التاكسي .. اطلعت عالمكان وبعدها وجهت نظرها لجيهان ..: شو جيهان .. ما قلتيلي هون المكان .. حيهان : لي شبو المكان .. كافي صغير .. جومانا بغضب ..: جيهان لا نجننيني .. هدا كافيه !!! هدا كلّاب جيهان ؛ لا تكبري الموضوع .. نحنا جايين نلتقي بالشلة .. ومن كتر ما حكيتلن عنك اصروا كلن يتعرفوا عليكي .. نحنا جايين نشرب شي سخن ونقعد ساعتين ونرجع لبيوتنا .. لا تكبري الموضوع انت كمان ترددت جومانا كتير بس مع إصرار جيهان دخلت كان الجو مريب .. بار كلو مشروبات روحانية .. وشباب وبنات برقصوا .. قربت جومانا من جيهان ..: لك شو هدا .. الناس تاركة اشغالها واعمالها وبترقص هون جيهان : حبيبتي هاي ناس عايشة الحياة صح .. مو متلنا ميتن عالدنيا وبنركض عالفاضي وما في مستقبل واضح جومانا: وهيك بنظرك الحياة صح جيهان : لك عيشي اللحظة وبلاها الحكم والمواعظ هلق .. تعي لعرفك على رفقاتي قربت من شلة شباب وبنات قامو الكل وسلمو على جيهان بالاحضان تحت نظرات جومانا جيهان : وهاي جبت معي جومانا اللي حكيتلكن عنها قربت من واحد وهمست ..: عماد هدا هالصاروخ .. عماد: لك هدا الصاروخ مطلق مين الحمار الي بتركها جيهان: هاي جبتلك ياها .. شوف شغلك انت عماد بنوايا حقيرة ..: اجت لملعبي قرب منها بهدوء ..: هلق انت الملاك اللي جننتا فيه جيهان .. اطلعت عليه بإستغراب عماد: بعتذر .. نسيت عرفك بنفسي .. انا عماد مد ايدو ليصافحها ترددت كتير لتصافحو جيهان : شبك جوجو .. هدا عماد اعز رفيق عندي صافحتو ببرود ..: اهلاً فيك عماد : تفضلي ارتاحي لي واقفة قعدت جومانا وقلبها متل النار .. عيونها بتتحرك يمين شمال والتوتر واضح على ملامحها جيهان بهمس ..: لك افردي وجهك .. كانت رح تجاوب بس رنة تلفونها منعتها .. اطلعت عالشاشة وقلبها قبضها .. اطلعت على جيهان ..: ثواني راجعة قامت من عند جيهان وتوجهت للمدخل وجاوبت ..: ايوة فؤاد .. ايه خلصت دوام .. أي أغاني اطلعت حولها بإرتباك ..: ايه صح أغاني .. بعيد رفيقتي بالشركة .. نعم .. اسم المطعم .. ما بعرف اول مرة باجي لهون .. فؤاد شبك .. لي لاتوتر .. انا عادي .. حسن عند المربية بالحضانة .. فؤاد لا تبلش .. لا .. لا تيجي .. انا شوي وطالعة .. خلص فهمت تمام تمام .. سلام فقلت الخط وحاسة برجفة باطرافها ..: شو هالورطة .. لازم امشي قبل ما تكبر براسو ويجي يشوف هالشوفة توجهت لعند جيهان ..: جيهان انا لازم امشي .. المربية حكت معي .. يلا بشوفك ما اعطتها مجال لترد ولفت حالها ومشت .. اخدت تاكسي وتوجهت للحضانة اخدت حسن ورجعت للبيت نزلت من التاكسي وقلبها بخفق بقوة .. زادت ضربات قلبها لما شافت سيارة فؤاد تحت البناية تقدمت بخطوات ثقيلة متل اللي عامل عملة مشينة نقرت عالشباك اطلع عليها فؤاد بشك ..: شبك لونك مخطوف جومانا بتوتر ..: من وين بتجيب هالحكي .. شو لوني وشو مخطوف .. انزل طفى محرك السيارة ونزل منها اخد حسن منها وسبقها للبيت دخلت وراه ..: لي تارك الشركة وجاي لهون اطلع عليها ..: اشتقت لحييبة قلبي وصغيرها نبض قلبها بقوة من كلماتو بس حاوت تخفي مشاعرها ..: اتفضل.. رح بدل تيابي واعملك قهوة غمزها بمشاكسة ..: بدك مساعدة جومانا بغيظ ..: اختصر فؤاد: يلا روحي وانا بعمل قهوة بعد دقايق طلعت من غرفتها بعدما نيمت حسن وتوجهت للبلكون مكان ما فؤاد قاعد فؤاد: أسبوع .. سبع أيام ورح ترجعي لحضني خفق قلبها بقوة ..: البيت جاهز فؤاد: تسعين بالمية .. بس ناقص لمساتك .. بدي انت تفرشي على ذوقك .. ايمتى ما بدك نروح نختار اثاث للبيت ابتسمت بحب ..: ما في مشكلة .. قلي ايمت بتكون فاضي وانا جاهزة فؤاد: كنت بقلك هلق .. بس صراحة مشتقلك كتير مد ايدو ومسك ايدها وسحبها لعندو وقعدها جنبو ..: شبك حبيبتي .. في شي مخبتيه عني .. احكي لا تخافي ارتجف جسمها ..: شو بدو يكون مخبى .. فؤاد بشك ..: هدوئك هدا مو مطمني جومانا بحزن كبير ..: بدك نبقى نتخانق فؤاد مشان تحس اني عطبيعتي.. انت لي دايماً رابط هدوئي بالمصايب حاوط خدودها بإيده ..: لا جومانا .. بس قلبي واجعني .. ما حابب اكل صدمة تانية .. اخر مرة كنتي هادية هيك بعدها هربتي مني .. ابتسمتلو بحب ..: لا فؤاد خلص .. انا استسلمت لقلبي .. قلبي رافض البعد عنك ومتعلق فيك للموت .. انا تعبت .. ما عاد فيي اتحمل اكتر .. ونفسيتي متل الزفت وعم تأثر على حسن .. وكمان عم فكر قدم استقالتي .. فؤاد: ما رح اضغط عليكي بالنسبة للشغل جومانا : لا .. انا اخدت قراري .. بتقبل ترجعني عندك عالشركة ابتسملها بحب ..: لك هدا يوم المُنى .. رح جهزلك مكتب جنب مكتبي مشان تبقي قدام عيوني على طول اطلعت بعيونو بنظرات غريبة استغرب نظراتها .: شبك ؟ نزلت عيونها وشبكت اطراف اصابعها ..: احضني توسعت ابتسامتو ..: هدا بس .. شدها لحضنو وكأنو بدو يدخلها جوا صدرو ..: هالحضن نفسي فيه من فترة وانت مانعتيني جومانا بهمس ..: بحبك فؤاد رفع راسها عن صدرو .. حط جبينو على جبينها ..: وانا بحبك يا روح فؤاد .. ___ بعد أسبوع قاعد بمكتبو والشغل لفوق راسو .. دخل لعندو يزن ..: جهزت الملف والعميل بغرفة الاجتماع .. هدا املنا الوحيد فؤاد: ما حدا جايبلنا الفقر غيرك .. تفائل يا رجال والله تعبتني .. يزن : قوم قوم .. بهاللحظة وصلت مسج لتلفون فؤاد من رقم غريب .. اطلع فؤاد عالمسج وكانت فيديو … فؤاد: يلا روح اسبقني وانا لاحقك يزن: لا تتأخر طلع يزن من المكتب. قعد فؤاد عالكرسي وفتح الفيديو توسعو عيونو بعد ما شاف الفيديو .. طلع الدم لراسو .. تخيل كل شي بالحياة الا هاي اللحظة .. كز على اسنانو وشد على قبضة ايدو ..: حقي.رة .. هوب هوب ستوب يتبع ..🥀🥀