*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d *.#لعنة_الفؤاد🤎* #تتمت_الثالث_عشر رجعت للفندق مع امها واخوها استقبلتن رائدة بزعل ..: شفتي شو عملت امك .. ما رضيت تاخدني معها .. صارت تبرطم بالروسي وراحت لحالها ابتسمتلها جومانا بتعب ..: هلق انتو ضراير بس بتتخانقو عليي مو على ابي رائدة : لا تجيبيلي سيرتو .. يلا ادخلو .. وانت على غرفتك ارتاحي دخلت جومانا لغرفتها وماركوس طلع مسكت رائدة ايد يولندا ..: وانت تعي قوليلي شو صار خبرتها يولندا كل شي على حسب ما خبرتها جومانا .. كانت تفاصيل ناقصة كتير بس كانت جومانا مخبرتها الخلاصة .. رائدة: وتركها وراح يولندا : ما بئرف .. بس انا شوف هو بالهوسبيتال ( شفتو بالمشفى ) رائدة : انت ايمت بدك تتعملي عربي متل البشر .. المهم هو شافك يولندا : اه تبئاً .. وهو ئرف انا ( عرفني ) رائدة : مادام عرفك رح يعرف وين نازلة .. لازم ننقل لمكان تاني مسكتها من ايدها ..: تئي مئي لخبر انت وين بتروح مع بنتي جوجو (تعي معي لخبرك وين رح تروحي مع بنتي ) __ دخل للبيت بتعب .. وجهو شاحب وهالات سودا حول عيونو والتعب واضح على ملامحو .. دخل للصالة وكانت امو وجنى وابوه قاعدين اطلع بجنى وزفر بغيظ رمى حالو على اول كنبة شافها قدامو .. تسطح ورفع رجليه اطلعت عليه امو بإستغراب ..: فؤاد ابني شبك .. الك فترة مانك على طبيعتك .. خير ابني صاير شي ابوه بقلق ..: صاير شي بالشركة حرك فؤاد راسو يمين شمال ..: لا ما في شي .. والشركة وضعها منيح ابوه : لكن شبك هيك حامل كل هموم الحياة على ظهرك سلط نظرو على السقف ..: ما في شي .. بس شوي ضغط بالشركة جنى: خالتو ايمت بدكن تطلبوني رسمي .. الناس اكلو جهي اطلع عليها بطرف عينو..: وايمت فاتحتك بالموضوع او حكينا فيه .. باحلامك يعني جنى بغيظ ..: خالتو شايفة ابنك .. ابوه : ابني ما قلتلنا من شهر انو جومانا بدها ترجع .. لي ما رجعت .. انت رجعت حسن .. والولد رح يصرلو شهر هون لي ما بتاخدو لامو .. حرام يا ابني تحرم الام من ابنها امو بغضب ..: وشو بدك بهالسيرة لا ما في داعي تشوفو .. هدا ابن ابني وهي ما الها حق فيه . فؤاد وعيونو عالسقف ..: لا ما عاد ترجع .. وحسن رح يبقى هون جنى : ايه بتستاهل لي اللي عملتو قليل رفع حالو وجلّس قعدتو .. واطلع عليها بطرف عينو ..: لي شو عملت بلعت جنى ريقها وحكت بتوتر ..: انها خطفت الولد وهربت فؤاد : ايه صح خطفتو .. انا طالع .. سلام امو: لك امي وين رايح .. هلق رجعت من الشركة فؤاد: رايح اسهر مع رفقاتي .. سلام ____ بعد فترة وقفت عند المراي ورتبت شعرها وحطت لمساتها الاخيرة قربت منها امها ..: جنى بنتي والله اللي عم تعمليه غلط .. لي عم ترخصي بحالك لواحد ما عندو احساس .. اطلعت بإمها بغضب ..: امي لا تعكري مزاجي .. امها : يا بنتي .. الرجال ما بدو يتزوجك ولا رايدك من الاساس .. لي عم ترمي حالك عليه والله حرام .. جنى: امي اسمعيني .. هاي حياتي انا .. انت خليكي بالطبخ والنفخ ولا توجعي راسي بحكمك .. حملت جزدانها وتمتمت ..: بعد ٣٠ سنة اتذكرت انها ام وعم تنصحني .. انرسمت معالم الحزن على وجه امها ..: الله يهديكي ويرحم ابوكي اللي كان السبب ركبت سيارتها وانطلقت لبيت فؤاد .. بعد وقت وصلت اطلعت على يمينها وابتسمت ابتسامة عريضة بس شافت سيارتو مركونة نزلت من السيارة وتوجت للباب قبل ما ترن الجرس انفتح الباب ..وكان فؤاد توسعت ابتسامتها ..: كنت حاس اني برا فؤاد بغيظ ..: لا والله شفتك عالكاميرات وقلت لاهرب تخطاها ومشى مسكتو من زندو ..: انا ما عاد اتحمل معاملتك هاي .. احترمني فؤاد حط ايدو على ايدها وطبطب ..: خلي عندك كرامة واعرفي اني لهاي اللحظة عم حاول احترمك وما اجرحك جنى : انا بحبك فؤاد .. ايمت رح تفهم اني بحبك فؤاد: تسوء تسوء .. اسمها بحب اموالك فؤاد .. بحب املاكك فؤاد .. مو بحبك فؤاد دفش ايدها عنو ومشى صرخت جنى ..: رح ندمك فؤاد دخلت لجوا وتوجهت لغرفة القعدة اطلعت عليها هيام ..: شبك .. لي معصبك قعدت بغضب …: بسبب ابنك .. هيام : تحملي .. فترة وبتمرق .. لسا الموضوع طازة وبعدو مصدوم .. سمعت صوت مدحت عم ينادي عليها..: رح شوف عمك شو بدو وراجعة حملت ريموت التلفزيون وصارت تقلب بين القنوات فجأة رن تلفونها .. اطلعت وكان رقم غريب جاوبت ..: الو .. عالطرف التاني…: هدا اتفاقنا يا مدام جنى فتحت عيونها عالاخر واطلعت حولها .. قامت بسرعة وسكرت باب الغرفة.. وهمست .: عماد انت مجنون .. كيف بتدقلي عماد: انت اختفيتي وما عاد سألتي جنى: وعن شو بدي اسأل عماد : باقي حسابي جنى بغضب ..: اي حساب يا ابو حساب .. اخدت حقك كامل مكمل .. شو بعد بدك مني عماد: لا .. كان اتفاقنا المبلغ واخد المزة معي بس المزة ما عادت موجودة وانا بدي حقي ناشف جنى : عماد بلا جنانك هلق .. بتدقلي مشان هيك .. اسمعني منيح .. انت ما بتعرفني لسا .. ولا بتعرف مين معارفي .. والله بكلمة مني بصفوك عماد: ما بدي اعرفك ولا اعرف معارفك .. بس اعرفي انو كل مقابلاتنا واتفاقاتنا مسجلة صوت وصورة حست للحظة قبلها رح يوقف ..: عماد .. لشو الجنان .. خلص بنلتقي وبنتفق عماد : بتعجبيني .. يلا ناطرك بنفس المكان .. لا تتأخري .. واذا فكرتي تلعبي معي ما رح تتوقعي ردة فعلي جنى: خلص جاية جاية طلعت من غرفة القعدة واصطدمت بشخص رفعت عيونها وشافت فؤاد على وجهو ابتسامة جنى بتوتر..: انت ايمت رجعت فؤاد بنفس الابتسامة..: نسيت شغلة جنى بخوف داخلي ..: ولي عم تتبسم هيك فؤاد : رفيقي حكالي نكتة بتحبي احكيلك ياها ما ركزت معو وطلعت لعند هيام دخلت لغرفة هيام مسرعة ..: خالتو بدي مصاري ضروري هيام: وبعدين معك .. من كم يوم اخدتي .. ما تكوني مفكرة اني قاعدة على بنك جنى : خالتو مو وقتو .. اذا ما دفعت مصاري للكلب رح يفضحنا هيام بصدمة ..: شو بتخبصي فهميني قعدت جنى وخبرت هيام بالمحادثة اللي دارت بينها وبين عماد ضربت هيام عصدرها ..: يخرب بيتك يا جنى .. رح تجيبي اخرتنا جنى بغضب..: مو وقت تندبي .. بدي حل .. والحل مصاري هيام: واذا اعطتيه هلق رح يرجع يطمع ويصير بدو كمان جنى: هلق اعطيني المصاري وانا بعرف اخرسو قامت هيام لعند الخزانة .. طالعت رزمة مصاري واعطتها لجنى ..: اسمعيني ولي .. اذا فؤاد بعرف انو اللي ايد بالموضوع ما رح تشوفي خير .. انت بتحملي المسؤولية جنى بإستعجال ..: تمام تمام .. سلام ___ وصلت للمكان اللي اتفقت عليه مع عماد بقيت بالسيارة وعيونها عم تتلفت يمين شمال فجأة انفتح الباب ودخل عماد عماد : مواعيدك عالشعرة طالعت المصاري من شنطتها ..: هاي باقي حقك .. لا عاد تفرجيني وجهك ولا تسمعني صوتك اخد منها المصاري ..: بهالسهولة !! جنى بعدم فهم ..: شو بدك ؟ عماد برغبة وعيونو عجسمها ..: انت ثواني لاستوعبت طلبو ..: انت شو عم تخبص .. انا مخطوبة ورح اتزوج عن قريب عماد : شو المانع .. اللي كنا نعملو من قبل بنعملو هلق .. وين المشكلة جنى بغضب ..: عماد .. اذا كمان مرة بتدقلي ما تلوم غير حالك .. انا اللي بفضح كل شي .. وعليي وعلى اعدائي .. ما عندي شي اخسرو عماد بخباثة ..: والثروة اللي ناطرتيها.. رح تتنازلي عن البنك المركزي جنى: انا حذرتك طلع تلفون من الجيبة ..: بس بدي تشوفي هالشي وبعدها قرري فتحلها على فيديو الها والو بالسرير اطلعت عليه بصدمة وما عاد قدرت تحكي حرف عماد: ما رح اضغط عليكي .. ايمتى ما بتكوني جاهزة خبريني انا جاهز .. سلام يا قطة نزل من السيارة .. ثواني ورجعلها ..: لا تفكري تلعبي معي جنجون .. رمالها بوسة بالهوا ومشى ____ بالمقابل قاعد بمكتبو اللي بالبيت عيونو على اللابتوب .. فجأة وصلتو مسج .. فتحها كانت معلومات وتفاصيل شخصية قرأها بتمعن .. بعدما خلص المسج .. فتح عجهات الاتصال ودق لرقم ..: ايوة .. بتراقبها منيح .. ما بدي تغيب عن عينك لحظة .. اهم شي شوف مين بتقابل ووين بتروح .. تمام .. ورح ابعتلك اسم وصورة بتخلي رجالك يشوفو شغلن .. سلام سكر اللابتوب ورجع ظهرو لورا .. اخد تلفونو ورجع لغرفتو بدل تيابو وتسطح عالتخت افكار مخربطة براسو .. الشك دخل قلبو .. اخد تلفونو ودق لهاشم فؤاد: يلا قبل ما تقول اني ما بتصل غير لمصلحة .. بدي مصلحة هاشم : هدا اللي مهديني .. انك عارف حالك فؤاد: اسمع هاشم اللي رح احكي ما بدي حدا يدرى فيه هاشم : لكن قوم وتعى لعندي احسن فؤاد: تمام مسافة الطريق وصل فؤاد لعند هاشم .. دخل للمحل فؤاد: كيفك بالاول هاشم : بخير حمدلله .. فؤاد شغلت بالي شو الموضوع فؤاد: ما بدي حذرك .. اللي رح تسمعو ما تفكر فيه حتى .. لانو اذا صار وفكرت فيه بينك وبين حالك ..( ابتسم ) بتعرفني هاشم بخوف ..: يخرب بيتك .. شكلو مصيبة فؤاد : هيك شي طلع تلفونو وفتح عالتسجيلات ..: هاي التسجيلات وصلتني من فترة وجربت دق للرقم بس خارج الخدمة .. كيف فيني اوصل لصاحب الرقم اخد هاشم التلفون وسمع التسجيلات ..: الصوت واضح انو معدل بس الرسائل كلها مو مبعوتة من رقم .. فؤاد: لكن ؟ هاشم : مبعوتة عن طريق الانترنت .. فؤاد : يعني ما رح نعرف مين صاحب الخط هاشم : خليني كفي كلامي .. نحنا بهاي الحالة بنفع نعرف موقع اللي بعت الرسائل وفينا نجيب صاحبو ابتسم فؤاد ..: سبحان الله بعرف اختار رفقاتي هاشم بدون تفكير ..: بس عن مين بحكو بالتسجيلات طلع الدم لراس فؤاد .. قرب منو ومسكو من ياقة القميص .. كز على اسنانو ..: بظن اني نبهتك انو الموضوع هدا ما تفكر فيه .. واشتغل وانت ساكت ارتعب هاشم من منظرو ..: بعتذر .. ما قصدي فؤاد دفشو لورا ..: اعرفلي الموقع .. انا برا طلع برا المحل وشعل سيجارة اخد منها نفس ونفث دخانها بغضب بعد دقايق رمى السيجارة عالارض جنب باقي السجاير اللي شربها ودخل لجوا قرب من هاشم ..: شو صار معك .. هاشم: لا لسا بدي وقت فؤاد فؤاد : تمام اذا وصلت اشي حاكيني هز براسو طلع فؤاد من المحل بعد ثواني رجع للمحل ..: هاشم انت بتعرفني منيح صح اطلع عليه هاشم بعدم فهم قرب منو ..: اذا بتشوف فيديو قصير بتعرف اذا مفبرك او حقيقة تغيرت معالم وجه هاشم ..: بشوف قرب منو اكتر ..: ولسانك !! هاشم بخوف ..: بقصو فؤاد : بتعجبني طلع تلفونو وقلبو متل النار .. كان غصب عنو بس ضغط على حالو .. فتح عالفيديو تفرج هاشم عالفيديو بصمت فؤاد : شو !! شال التلفون من قدامو وسلمو لفؤاد ..: ذكاء ااصطناعي فؤاد بعدم فهم ..: كيف يعني هاشم : مفبركً مو حقيقي .. واللي عامل الفيديو عاملو بطتبيق رخيص .. واضح جداً انرسمت ابتسامة على شفايف فؤاد هاشم: ارتاح فؤاد .. كلو مفبرك ورح اعرفلك مين عمل هيك .. اعتمد عليي اخي نزلت كلمات هاشم على قلب فؤاد متل المطر الأول اللي بسقي الأرض .. غمض عيونو ..: انا رايح اذا بصير معك شي جديد حاكيني .. ورجع للبيت ____ دخل للبيت وتوجه لغرفة القعدة .. تسطح عالكنبة .. بهالاثناء دخلت جنى للغرفة متوترة وعرقها عم يتصبب على جبينها .. اطلعت عليه وهو متسطح وبقلب بالتلفون وقفت مصدومة..: ايمتى رجعت بدون ما يرفع راسو ..: شو دخلك .. متمني اعرف كيف هيك ما عندك كرامة .. عم تتعاملي مع بيتنا كأنو بينك جنى بتوتر .. : ماني جاية عندك .. وين خالتو رفع عيونو واطلع عليها بشك ..: شبك .. قربت منو بهدوء عكس الخوف اللي بداخلها ..: ما شي .. هلق دقتلي رفيفتي من المشفى .. تعبانة ولازم شق عليها .. ركز نظرو عملامحها ..: ولي متوترة .. ولي من الاساس بتخبريني اخدت نفس ..: انت ما رح تطلع من البيت رفع حالو وسند ظهرو ..: لا .. شو بدك بخالتك اذا انت رايحة عند رفيقتك جنى بتوتر ..: بدي منها شي .. يلا سلام رفع حاجبو ومسكها من ايدها ..: عاملة شي ومخبتيه وقفت بنص الغرفة..: شو عم تعمل معي تحقيق .. انت اللي عم تجبرني اتصرف هيك من معاملتك لالي فؤاد: اي معاملة .. انا وعدتك بشي وما وفيت .. كلك على بعضك مو شايفك .. بس بدك الحق .. حابب العب شوي.. من يوم كتب كتاب اخوكي والكلام اللي سمعتو منك.. قاطعتو …: اي كلام فؤاد : انت بتعرفي اي كلام .. وانا حطيتك براسي .. مسكها من معصمها وشد عليها ..: انا رح سامح بكل شي واغفرلك كلامك كلو لانو ما رح يطلع بإيدك تعملي شي من اللي حكتيه .. بس بدي تعرفي معلومة وتخليها قدام عيونك كل عمرك .. حسن ابن اخي خط احمر .. فهمتي عليي .. ولا تفكري اني ما بعرف بعمايلك … لا عارف وساكت بس بدي اعرف لوين بدك توصلي .. قومي روحي عند رفيقتك اللي مرضانة بالمشفى احسن ما تموت وانت بعيدة عنها اطلعت عليه ودموع مزيفة بعيونها ..: كلو هدا بسبب معاملتك اللي .. انت السبب .. انت اللي عملتني هيك مسكها من زندها وشدها لعندو لدرجة اتخربط كيانها ..: اذا انا بارد معك وقاسي وانت حابة تقنعيني بنفسك المفروض تعملي شي منيح لتكسبيني .. وانت عم تعملي العكس .. بس انا بحذرك ورح يكون التحذير الاخير .. حسن ابن اخي خط احمر .. اذا ايدك بتنمد عليه مرة تانية انا اللي رح كون بوجهك مو امي .. فهمتي عليي رفعلها حواجبو ..: روحي .. بسرعة حملت حالها وهربت من الغرفة رجع مسك التلفون وصار يقلب فيه .. رن تلفونو ..: ايوه .. شو صار معك .. كيف يعني اختفت .. شو يعني فص ملح وذاب .. بتقلب البلد عليها وبتروح عالضيعة واذا لزم الامر بتفتش على اسمها بالمطارات .. انشالله تدقلي كمان مرة وانت ما عندك اخبار منيحة ..سلام رمى التلفون من ايدو بغضب …: وين بدها تروح .. سكت شوي بعدما اجت فكرة براسو ..: معقول سافرت لروسيا عند امها .. مسكت تلفونو ودق لشخص ..: كيفك ابراهيم .. حمدلله بخير .. نشكر الله على كل شي .. تسلم .. ايه كنت بدي منك خدمة .. رح ابعتلك اسم وحدة تفحص اذا سافرت لروسيا او اي رحلة تانية .. يعني من فترة منيحة .. يلا ثواني والاسم عندك .. قدي بدك وقت .. تمام .. سلام بعت اسم جومانا بالكامل برسالة لابراهيم رمى التلفون من ايدو ورجع تسطح .. وجه نظرو لسقف صوت من داخلو ..( من ايمت بتاخد قرارات وحُكم سريع .. من ايمت بتخلي حدا بتحكم بقراراتك.. رح تكون مبسوط اذا ضاعت من بين ايديك .. ).. صوت تاني ..( لا تسمع كلامو .. انت اخدت بالادلة .. وكل شي واضح من يوم الحفلة .. شفتها بين ايدين شخص تاني .. شو كان بدك اكتر من هيك .. والدليل التاني شفتو بعيونك .. والصور .. كذبها .. شو كان مفروض تتصرف .. تاخدها بحضنك واطبطب عليها ).. الصوت الاول ..( لا تسمع كلامو .. شوف وضعك .. كانت بالاول بعيدة عنك .. بس حولك .. هلق بعيدة وما بتعرف عنها شي .. مرتاح هيك .. ولا تنسى لما اجت لعندك قبل الحادثة باكم يوم وطلبت ترجعو لبعض .. شو فكرك السبب .. مو لانها بتحبك .. وكل شي صار رجعتلك مرة تانية لتخبرك بحملها ) الصوت التاني ..( اي حُب هدا اللي بتحكي عنو .. بعمرها ما عرفت تحب .. وجودك بحياتها كان لتملا الفراغ اللي عندعا لتملا النقص اللي بحياتها .. وجودك كان مصلحة لتقدر توصل للي وصلتلو بهالفترة القصيرة ..والحمل .. انت غبي لحتى تدبس بطفل مو ابنك ) الصوت الاول ..( روح قوم فتش عليها .. وضعها باخر مرة شفتها فيها كان صعب .. اذا عملت بحالها شي ذنبها برقبتك .. لا تسمع كلام عقلك .. روح وفتش عليها ..) الصوت الثاني ( لا تفتش عليها .. وجودها بحياتك للوجع ) الصوت الاول ( المفروض تشوف مين اللي عمل هالشي .. لو عقلك بشتغل كان عرف انو الموضوع مخططلو .. مخطط من الالف للياء .. واللعبة كانت عمقاسك انت وهي .. روح شوف مين عمل فيها هيك .. ) الصوت التاني ( يلا اقنعو انها ملاك ..) غمض عيونو بتعب وشد على راسو ..: وبعدين ___ وففت جنى سيارتها مقابل كافيه معروف نزلت مسرعة ودخلت .. وقفت عند الباب وحركت حجر عينها لحد ما شافت اللي جاي تقابلو قربت من الطاولة وقعدت والغضب واضح عملامحها ..: شو قصتكن اليوم .. كل واحد بطلعلي من جهة .. جيهان اسمعيني منيح اذا عماد باعتك قوليلو يروح يبلط البحر .. وانت اذا كمان مرة بتدقيلي بكون حسابك عسير اطلعت عليها جيهان ببرود ..: انت روحي بلطي البحر مو انا جنى بعصبية ..: شو بدك .. لي اتدقيلي .. كان بينا اتفاق وخلص شو بعد بدك .. الكلب التاني فهمت قصتو .. وانت شو قصتك جيهان ببرود اكتر..: حبيبك براقب فيي ثواني لاستوعبت كلماتها .. انربط لسانها وما طلع معا حرف جيهان: سأل عني بشركة الناصري وعرف تاريخ جدود جدودي .. وموكل واحد يراقب كل تحركاتي .. ومتأكدة انو قاصد يخليني اعرف اني مراقبة .. بس ما بعرف السبب صراحة .. بس بعتقد عم يعمل هيك لحتى يوقع الراس الكبيرة حركت راسها يمين شمال ..: شو قصدك يوقع الراس الكبيرة جيهان: المخططة لكل العملية .. حضرتك شدت حزام جزدانها بقوة ..: يخرب بيتك يا جيهان .. رجعت ظهرها لورا ..: متأخرة كتير .. وكوني عارفة انا ما بوقع لحالي .. اخدت جزدانها وطلعت من الكافيه بقيت جنى قاعدة ما عم تقدر تقوم من الخوف اخدت تلفونها ودقت لحماتها ..: خالتو الحقيني هيام: شبك .، شو في هالمرة جنى بخوف شديد ..: عالاغلب فؤاد عرف كل شي حكتلها شو صار بالحرف هيام : اطلعي حولك .. شايفة حدا عيونو عليكي شي .. حدا مريب التفتت جنى بخوف ..: لا هيام بغضب ..: يا غبية عم يعملو هيك ليخوفكي ويقدروا يبتزوكي .. انت متخيلي اذا فؤاد عرف رح يبقى ساكت .. لك قبل ما تتنفسي رح يكون قاتلك .. شغلي مخك شوي .. اخدت نفس براحة..: صح صح كلامك .. اليوم كان على طبيعتو .. ولو عرف رح تتغير معاملتو معي .. او يمكن يعمل حالو حنون ليوقعني .. مزبوط خالتو هيام : مزبوط يا روح خالتك .. ارجعي عبيتك وحسابنا بعدين يتبع 🥀🥀