چکن منچورین✨ چکن میرینیشن کے لیے دو پاؤنڈ بون لیس چکن ایک انڈہ نمک حسب ذائقہ ایک چمچ لہسن کچلا ہوا ایک چمچ کٹی لال مرچ چوتھائی چمچ کالی مرچ پاؤڈر دو چمچ سویا ساس ایک چمچ سرکہ ایک چمچ ورسٹر شائر ساس (اختیاری) دو چمچ کارن فلور دو چمچ میدہ گریوی کے لیے ایک چمچ تیل ایک چمچ لہسن باریک کٹا ہوا دو چمچ سویا ساس ایک چمچ سرکہ آدھا کپ ٹماٹو کیچپ دو چمچ چلی ساس ڈیڑھ چمچ چینی نمک حسب ذائقہ آدھا چمچ کالی مرچ ایک شملہ مرچ کٹی ہوئی (اختیاری) ایک کپ پانی دو چمچ کارن فلور پانی میں گھول کر طریقہ کار چکن میرینیٹ کرنے کے لیے: ایک برتن میں بون لیس چکن، انڈہ، نمک، کچلا ہوا لہسن، کٹی لال مرچ، کالی مرچ پاؤڈر، سویا ساس، سرکہ، ورسٹر شائر ساس (اگر استعمال کر رہے ہوں)، کارن فلور اور میدہ ڈال کر اچھی طرح مکس کریں تاکہ چکن پر تمام مصالحہ لگ جائے۔ چکن کو کم از کم تیس سے چالیس منٹ کے لیے میرینیٹ کریں۔ میرینیشن کے بعد گرم تیل میں چکن کے ٹکڑے گولڈن براؤن ہونے تک فرائی کریں۔ ایک ایک کرکے فرائی کریں تاکہ اچھی طرح پک جائیں۔ نکال کر رکھ لیں۔ گریوی تیار کرنے کے لیے: اسی پین میں اضافی تیل نکال کر صرف ایک چمچ رہنے دیں۔ اس میں باریک کٹا ہوا لہسن ڈال کر ایک منٹ کے لیے بھونیں۔ پھر سویا ساس، سرکہ، ٹماٹو کیچپ، چلی ساس، چینی، نمک اور کالی مرچ ڈال کر تیز آنچ پر دو منٹ پکائیں۔ شملہ مرچ شامل کریں (اگر استعمال کر رہے ہوں) اور مزید ایک منٹ پکائیں۔ ایک کپ پانی ڈال کر ابال آنے دیں۔ کارن فلور اور پانی کا مکسچر ڈال کر مسلسل چمچ چلاتے رہیں۔ دو منٹ یا گریوی گاڑھی ہونے تک پکائیں۔ آخر میں فرائی کی ہوئی چکن شامل کریں اور اچھی طرح مکس کریں۔ چولہا بند کریں اور گرم گرم پیش کریں۔