*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d *بدوية الجبل🤎* البارت الخامس - سلم سيف على أبو مسعود وشرب قهوتو وطلع لانو لازم يروح على المعمل .. طلع بالسيارة وشاف مياسة جاية ناحيتو .. -مياسة: ماطولت؟ -سيف: ولله عندي شغل بالشركة -مياسة: أيوا ، سلملي على أهلك خصوصاً وعد -سيف: بيوصل -مياسة: إن شاء الله - ركب سيف سيارتو ومشى ولوحتلو مياسة بإيدها هزلها براسو ، قطع مسافة صغيرة وضل عم يتطلع عليها من مراية السيارة ويبتسم .. _____ -ومرت الأيام وسيف يتردد على الجبل كتير وكل مايشوف مياسة يحس بسعادة مو طبيعية لهيك كانت تكثر زياراتو لعندهم ، وحتى صالح تقرب منو كتير حتى يعزز فكرة الزواج من البنت براسو ، سيف كان عندو حنكة بالكلام بتخليه يقنع أعند زلمة وواثق من نفسه وذكي جداً .. وصالح بعد ماشاف البنت على الحقيقة من بعد لقائين طار عقلو فيها وصار يفكر فيها ونسي مياسة كلهاا😂 طبعاً الطبيعة الإنسانية تبحث عن الأجمل دائماً ؟! ويا مأمن بالرجال متل المي بالغربال😂 -وغدير كانت كل ماشافت سيف أكتر تغرق فيه أكتر وتعشقو ! خلصنا من الأخ إجت أختو شو هالعيلة هي😒 وكانت تحاول تخلق الفرص لتحاكيه ويحاكيها ومفكرتو بحبها كمان ! بس ماكانت تقدر دوم تفشل خططها بإنو يبقو لحالهم.. _____ - واليوم خطوبة صالح على رؤى ( بنت طويلة وجسمها بجنن شعرها أسود فاحم وبشرتها بيضا وعيونها زرق غامقات ، جمالها نادر وثمين ، بتشتغل عاملة بمعمل سيف ودائماً بتتعرض للمضايقات من الشباب لإنها ملفتة للنظر لهيك طلبت من سيف يزوجها شخص حالتو ميسورة وتنستر ببيتها لإنها يتيمة ومحتاجة) - أهل مياسة جنو لما سمعو بالخبر ومسعود وفهد كانو رح يروحو وينزعولو الحفلة بس أبو مسعود وقفهم ، مياسة كانت مبسوطة وكل اللي عم تشعر فيه هو الإمتنان لسيف لانو بطريقتو هي بعدو لصالح عن طريقها للأبد.. وصالح طاير عقلو برؤى لانها حلوة كتير ، هو كان بدو مياسة لانو ما لقى أحلى منها وهلق بس شاف الأجمل منها ركض لعندها.. - وسيف اجى على الحفلة ، غدير كانت مراقبتو من بعيد حتى شافتو راح للحمام ولحقتو.. وبعد ما طلع لقاها بوجهو وكأنها ناطرتو -سيف بإستفهام: مرحبا؟ -غدير وهي متوترة: كيفك سيف -سيف: الحمدلله مشى من جنبها مسكتو من ذراعو لتوقفو ، اتطلع على ايدها وأفلت ذراعو منها -سيف بإمتعاض: أنا لازم أمشي مو حلوة وقفتي معك يا آنسة -غدير: لحظة بس مسح سيف وجهو وهو عم يتطلع عليها وهي عم تطالع منديل من جيبتها -سيف: شو هاد -غدير وهي بتتطلع فيه: خدو هاد ذكرى مني ☺️ -سيف مسكو وشمو كانت ريحتو عطر نسائي ومكتوب عليه اسمها ، عقد بين حواجبو ورجعلها ياه -سيف: آسف مافيني أقبلو -غدير: لييش -سيف: أنا فهمان عليكي شو بتقصدي -غدير إبتسمت بخجل -سيف: إنتي لساتك صغيرة والعمر قدامك -غدير اتطلعت فيه وعيونها صارو يدمعو -سيف: انتي متل أختي الصغيرة -غدير مسحت دمعة سالت من عينها وقالت بغضب: كذااب أنتا كذاب انتا بتحبني بس خجلان من أخي وبس -سيف: لو بحبك مافي حدا بوقفني يا غدير -غدير قعدت بالأرض وصارت تبكي بقوة -انحنى سيف لعندها ليهديها: اهدي يا آنسة انتي منيحة ؟ أنا مابدي زعلك وأجرحك بس مابدي خليكي تتأملي -غدير رفعت راسها ووجها أحمر وكلو دموع وصرخت: انقلعععع لك انقلعع من هوون انقلععع ماابدي شووف وجهك ياا واطي.. مشى سيف بسرعة وراح بارك لصالح مرة تانية واستأذن وركب سيارتو وغادر وهو مزعوج... - كان عم يسوق وهو معصب اجتو رسالة على الجوال ، فتح وقرأها وإبتسم - من مياسة: سيف أناا مبسوطة ومو عاطية فرحتي لحدا بس عاطتك ياها😂❤️ لانو انتا سببها -سيف ضحك بفرح ووقف السيارة بالعتمة ووصل السماعات بأذانو ودقلها -مياسة: ألوو -سيف: كيفك -مياسة: طاايرة طااايرة -سيف: خديني معك -مياسة: هههههه -سيف صار قلبو يخفق من جديد لما سمع ضحكتها ، حط ايدو على صدرو وغمض عيونو.. -مياسة: وينك؟ -سيف: معك ليكني -مياسة: اي فكرت التغطية راحت شو كيف الحفلة؟ كنت هنيك مو؟ -سيف: مياسة أنا جاي لعندكم -مياسة: هلق؟ الوقت متأخر وأبوي وأخواتي نامو -سيف: انتي بتكفي -مياسة: عم تحكي جد ! اكيد عم تمزح ومابترضى تشوفني لحالي بنص الليل -سيف: اه اي بمزح ههههه بس كنت بدي أمر آخد سطل حليب من عنكن -مياسة: ايواا اذا هيك تعال رح أعطيك واحد -سيف: تمام يلا جاي ، باي الله معك -سكر الخط وابتسم ومشى بسرعة تجاه خيمتهم.. _____ وصل وركن سيارتو ومشى تجاه الخيمة وهو بيلمح ظل من بعيد قاعد قدام النار وبيحركها ، لما قرب توضحت الرؤية قدامو كانت مياسة قاعدة ولما شافتو قربت لعندو وهي بتضحك -مياسة: يا أهلاً وسهلاً -سيف عم يتطلع فيها بتأمل: أهلين فيكي -مياسة: انتظرني هنا راح أجيب السطل وأجي -هز براسو وهو بيتطلع على أثرها وبيبتسم بحالمية.. غابت دقايق وما إجت ، لحقها وارتكى على الباب وتأملها وهي بتحاول تحمل سطل الحليب من كل الجهات وتتأفف وتحاكي حالها ، قرب منها وحط ايديه فوق ايديها وحاول يساعدها بحملو ، رجفت واقشعر جسدها ، انتفضت وسحبت ايديها بسرعة ووجها تلون باللون الأحمر ، سيف ترك السطل على جنب واتطلع فيها وانسحر لما خجلت زادت حلاوة بعيونو ، صار يقترب منها لا شعورياً وهي تبعد حتى تعثرت بتنكة حليب ووقعت كان راسها رح يرتطم بالتنكة قبل ما يتدخل سيف ويحط ايدو تحت راسها .. -مياسة فتحت عيونها لقت وجهو مقابيل وجها وايدو تحت راسها ، صفنت بعيونو ثواني وقامت بسرعة وهي خجلانة ومعصبة ، صارت تنفض تيابها من التراب -سيف بإهتمام: انتي منيحة؟ -مياسة بدون ما تتطلع فيه: منيحة شكراً الك -سيف: عفواً -مياسة: وهي تنكة الحليب فيك تاخدها -سيف: تمام أديش سعرها؟ -مياسة: 4000 -سيف: تفضلي -مياسة: معوضين -أخد سيف تنكة الحليب حطها بالسيارة وركب ، اتطلع ناحية الغرفة عسى يشوفها قبل مايروح بس ما بينت ، مشى بسرعة وهو عم يفكر فيها.. وراح لعند أهلو ونام عندهم والصبح قام ليروح .. -أم سيف: وين رايح ياروحي اقعد عم نحضر الفطور .. -سيف: بدي أمر على بيتي آخد الملفات وأطلع على الشركة.. -وعد عم تتطلع على ساعتها: اي بكير لسا -مسكتو من ايدو وتوجهت فيه للطاولة.. -وعد: اقعد هي أنا عندي مدرسة ومو مستعجلة متلك -سيف: اي كيف الدراسة؟ شدي الهمة ها -وعد: الحمدلله عال العال -سيف شرب شفة شاي وحكا: اي الحمدلله -وعد: أخي -سيف: نعم -وعد: انتا بتعرف أديش بحبك مو -سيف: شو عندك اختصري -وعد: دخيلو اللي بيفهم عليي ، أناا حابة شوف مياسة خدني لعندهاا زيارة -أم سيف: انتبهي لدراستك وحاج تلتهي بشغلات فاضية -وعد مسكت ايد سيف: بلييز أخي ولله طقت روحي من البيت والمدرسة -سيف: طيب رح آخدك -وعد بفرح: عنجدد رح تاخدني؟؟؟ -سيف: اي بس يكون عندك عطلة خبريني بنروح -وعد قامت وضمتو بحماس: لك يخليلي ياااك شو بحبك -سيف: وعد خنقتيني خليني أتنفس -أم سيف: الله يثبت علينا العقل والدين لك بعدي عن اخوكي وليك -وعد بعدت عنو: يلا أنا رايحة للمدرسة ركضت وهي مبسوطة وعم تقول: يا سلااام -سيف ابتسم على شكلها وشرب كاسة الشاي وقام _____ -هديل: شبك أختي من مبارح ومانك على بعضك -غدير: تركيني بحالي هديل مو رايقتلك -هديل: اي تصطفلي أنا رايحة ساعد أمي -غدير بقلبها: أناا يحكيلي هالحكي؟؟ رفضني الحقير رفضني ولله لخليك تندم يا سيف ومارح خليك تتهنى متل ماكسرتلي قلبي رح أكسرك وأنا غدير.. _____ -محمود قلبو وعقلو عند هديل كل الوقت وقرر يحاكي أبوه مشان يطلبولو ياها -محمود: أبوي بدي حاكيك بموضوع -أبو مسعود: احكي -محمود: أنا ناوي أخطب -أبو مسعود: انت لساتك صغير اخوانك لسا ماخطبو -محمود: أنا بس رايد أخطب البنت عشان ماتروح لغيري -أبو مسعود: ومين البنت؟؟ -محمود: هديل أبوي -أبو مسعود: مينو هديل -محمود: هديل أبوي هديل بنت عمي -أبو مسعود: يلا رح اروح بكرا أخطبلك ياها -محمود: 😍 -أبو مسعود: صاير بعقلك شي؟ انتا حمار ولا شنو ماتفكر يعني؟ نسيان انها أخت الكذاب صالح -محمود خاب أملو: بس هي مادخلها بأخوها أبوي -أبو مسعود بغضب: تريد تذلني بآخر عمري؟ هو ترك أختك وتريدني أخطبلك أخته ؟؟ أقول انقلع من وجهي ولا تفتح هالسيرة مرة ثانية .. -محمود: بس يا أبوي -أبو مسعود ضرب بعكازه على الأرض بعصبية : انقلع من هون لعنة الله على وجهك هذا.. -طلع محمود وهو مقهور وزعلان.. _____ - سيف كان عم يشرف على الشغل خلص وطلع لمكتبو واتصل بمياسة ماردت ، بعتلها رسالة: صباح الخير وانتظر فترة ومافي رد ، قلق عليها بالعادة بترد عليه فوراً او بعد وقت قصير -سيف: الو نجلاء تعي لعندي -نجلاء: حاضر استاذ - بعد دقيقة فتحت الباب وقالت: نعم استاذ -سيف: ناديلي أبو زياد -نجلاء: حاضر استاذ -طلع أبو زياد لعند سيف بسرعة -سيف: سحبت المصاري الزايدين لأبو مسعود؟ -أبو زياد: أي جاهزين -سيف: جبلي ياهن رح آخدلو ياهن -أبو زياد: ليش لتروح انتا يا ابني ارتاح هلق ببعت علاء -سيف: رح روح انا ووصل الأمانة بإيدي يلا استعجل -أبو زياد: اي انتا أدرى _____ ركب سيف سيارتو وطار وكل شوي يراقب جوالو بقلق ويزيد من السرعة حتى وصل ونزل مسرع ، دخل الخيمة ماكان في حدا ، ركض للخيمة الصغيرة وكمان كانت فاضية ، وشاف الاسطبل كمان مو موجودة -سيف: ياربي وينها ، احسن شي اقعد استنى بلكي بيجي حدا .. قعد قدام الخيمة وبعد شوي لمحها جاية من بعيد وحاملة خروف صغير .. مياسة: سيف؟ -تركت الخروف من ايدها واجت لعندو -سيف: انتي منيحة؟ -مياسة بإستغراب: أي منيحة شوفي؟ -سيف بإرتياح: الحمدلله، اتصلت فيكي وبعتلك رسالة ومارديتي قلقت كتير عليكي -مياسة إتطلعت فيه وإبتسامة واسعة انرسمت على وجها -سيف توتر من جمالها: طيب وين كنتي؟ -مياسة: جوالي تركتو جوا ولحقت شعاع المشاكس لانو هرب من جديد -سيف: شعاع؟؟ مين شعاع؟ -مياسة حملت الخروف وابتسمت وهي بتمسح عليه: هاد شعاع -سيف ضحك ببلاهة: أيواا -مياسة: تحملو؟؟ -سيف: أناا -مياسة: خدو حملو بين ايديه وهي بتلمسو وبتضحك بنعومة وسيف صفن فيها ، رفعت عيونها واتطلعت فيه -مياسة: بس مشان هيك اجيت لهون؟ -سيف: اه لا مو بس مشان هيك - أطلق الخروف وطلع من قميصو كيس المصاري -مياسة: شو هاد -سيف: مصاري لأبوكي -مياسة أخدتهم: يسلمو -سيف: وماعندك أصدقاء غير شعاع كمان؟ -مياسة بفرح: مبلى تعال افرجيك -مشى معها بفرح كبير ، وجوالو عم يرن من الشغل طلعو وحطو صامت -مياسة نادتلو: تعاال شوف -سيف حط جوالو بجيبو: يلاا -دخلو وصارت تفرجيه الأرانب ومسميتهم كل واحد اسم -مياسة: هي ورد أحلى واحد مو؟ -سيف: اي حلو كتير بس ليش مسميتيه ورد ؟ -مياسة: لانو عيونو ورديات ههههه -سيف: لك اي ولله هلق انتبهت -مياسة: تعال نطلع قبل مايهرب شي واحد من الباب بيفضحني محمود -سيف: يلاا -طلعو وقعدو برا عند الخيمة .. -مياسة: تشرب قهوة؟ -سيف بإبتسامة: لا يسلمو -مياسة: براحتك -سيف: وين الأهل؟ -مياسة: أمي راحت لعند خالو وأبوي أخد الحليب للحلاب وأخواتي بالشغل -سيف: وانتي؟ -مياسة بعفوية: أنا معك -سيف حب الجملة وابتسم -سيف: مياسة انتي مابتدرسي؟ -مياسة: لا -سيف: ليش لساتك صغيرة حتى تبطلي -مياسة: مو من هلق بطلت من زمان كتير -سيف: ايمت يعني؟ -مياسة: من الابتدائي -سيف انصدم: من الابتدائي؟؟؟ كيف هيك -مياسة: اي هيك صار -سيف: وليش ماكملتي بعدين -مياسة: أبوي ماسمحلي ، حاولت كتير بس من سابع المستحيلات يخليني أبوي أنزل المدينة وأدرس -سيف: درسي اونلاين -مياسة: كيف يعني؟ -سيف: على النت وبتقدمي بكلوريا حرة بعد سنتين -مياسة: بس انا ماعندي نت هون وراح عليي كتير معلومات بالسنين اللي فاتت -سيف: مشان النت أنا بقنع أبوكي بركب راوتر ، ولما تفوتي على النت رح تلاقي مجموعات للتأهيل المدرسي هي للطلاب اللي راحت عليهم صفوف الدراسة ، وأنا واثق انك ذكية وبتقدري توصلي -مياسة صفنت بكلامو وبلش الأمل يدخل قلبها -مياسة: بس أبوي مارح يرضى اني أدرس -سيف: لا تخليه يدرى وأوعك تخليه يشوف الجوال -مياسة: ولما رح قدم امتحان بعد سنتين كيف؟ -سيف: لوقتها فرج ورحمة وقتها بتدبري حالك ماعندك حدا بالمدينة؟ -مياسة: في خالي -سيف: اي وقتها بتروحي لعندو أساس عطلة أو زيارة وبتبلشي تقدمي امتحاناتك -مياسة: فكرة حلوةةة -سيف: أنا رح كون معك خطوة بخطوة لا تهكلي هم -مياسة بفرح: شكرا سيف مو عارفة شو أقلك -سيف: بكفي عم تنطقي اسمي -مياسة: كيف؟ -سيف: ولاشي ، يلا أنا صار لازم روح ، صحي هالكم يوم رح أجي أنا وأختي وعد زيارة لعندكم -مياسة: أهلا وسهلا فيك وفيها بتشرفو -سيف: اهلين فيكي يلا سلام -مياسة: الله معاك _____ بعد أسبوع..... -سيف: اي وعد مابدي نبهك بتعملي حالك مابتعرفيها لمياسة أوعك تغلطي -وعد: لك فهمت أخي هي عاشر مرة بتقلي -سيف: معلش الاحتياط واجب ، يلا جهزتي؟ -وعد بحماس: أيي يلا نروح -وصلو وكانت وعد طايرة من الفرح سلمت على مياسة بالإيد وبعيونهم شوق كبير لبعضهم وبعد شوي راحو مع بعض يقعدو لحالهم -سيف: أختي وبنتكم اتفقو مع بعض بسرعة -أبو مسعود: الله يخليلك ياها يا ولدي -سيف: تسلم عمي ويخليلي ياك ، أي تذكرت شي -مسعود: شوفي؟؟ -سيف: أنتو لازم تركبو راوتر -أبو مسعود: شنو هاذا راتور؟؟ -فهد بهمس: أبوي لا تفضحناا مشان الله -أبو مسعود: إخرس -مسعود: وحنا مالنا بهذي الأشياء ، مانحب التكنولوجيا ياسيف خلنا بعيدين عنها -أبو مسعود: شنو يقول هذا؟؟ -فهد: ابوي سيف يريدنا نجيب راوتر يعني شي متل الجهاز بيفتحلك كل شي بدك ياه -أبو مسعود: وشو لزمتو يا سيف؟ -سيف: بصراحة كتير انتو بحاجتو مشان التواصل معنا وفي مجموعات للشغل ، يعني مهم كتير مشان الشغل -أبو مسعود: اذا يفيد شغلنا على بركة الله -سيف إبتسم وأول خطوة نجح فيها .. _____ مياسة ووعد ضمو بعضهم بقوة .. -وعد: أديش اشتقتلك يا رووحي -مياسة: وأنا أكتر ولله -وعد: اي طمنيني كيف أهلك معك شو عملو لما شافوكي؟ -مياسة: اقعدي لأحكيلك شو عمل أخوكي معي -وعد: أخي؟؟ -مياسة: لما وصلنا لهون.... -وحكت مياسة كلشي صار لوعد اللي كانت متفاجئة ومبسوطة من أخوها .. -أم مسعود: يلا يابنات قومو على الغدا -مياسة: غدا؟ أمي عملتي غدا لحالك؟ ليش ماناديتي عليي أساعدك؟ -أم مسعود: لا ياروحي أنا ماعملت شي أبوكي وأخواتك ذبحو خروف وعملو كباب على النار -مياسة: ايواا ، تفضلي وعد خلينا نتغدى -وعد: الله يزيد فضلكم -طلعو مع أم مسعود وقعدو على المائدة الكبيرة ، وعد صارت تحكي مع ام مسعود والتهو بالحكي ومياسة التفتت لسيف اللي كان عم ياكل انتبه عليها ونظرلها بعمق إبتسمتلو بدون ماحدا ينتبه.. -وخلصو أكل وشربو شاي على الحطب .. -وعد: حابة شوف المكان كلو باين حلو -مياسة: صح حلو كتير -وعد: خدونيي -بعد ما زنت وعد طلعو هنن الأربعة هي ومياسة ومحمود وسيف لأعلى الجبل .. -وعد: صح طقو رجليي لوصلنا بس هالمكان بيستحق كل التعب -مياسة: صح قليل لأطلع لهون بس هالمكان المفضل عندي.. -محمود: كنتي كل ماتزعلي أدور عليكي ألاقيكي هون -كان المكان عالي كتير والأرض وعرة وبالقمة محل ما واقفين في شجرة كرز والهوا عم يمر بارد ومنعش والهدوء مهيب💙 - وعد كانت صافنة بالجو وعم تتمتع باللحظة ومحمود ومياسة متلها بس سيف صافن بمياسة وغرقان فيها.. -وبعد وقت حلو قضوه مع بعض ودعو بعض وخلصت هالزيارة .. وما كانت الأخيرة بالنسبة لسيف لانو كل كم يوم يتحجج بأية شي ويزورهم حتى صارت مياسة هوسو مابيمر يومو اذا ما ماشافها او سمع صوتها ، صار مدمن على عيونها وصوتها وكل شي فيها ولما صار عندها انترنت زاد قربهم صارت مياسة كل شوي تبعتلو وتسألو عن أصغر الشغلات وهو مبسوط جدا فيها وبلشت مياسة تاخد دروس على النت وتتعلم من أول وجديد وتخبر سيف بكل شي وهي فرحانة.. -على الواتساب..... -مياسة: سيف سيف وينك -سيف: أنا هون -مياسة: أناا مبسوطة كتيير اليوم صرت بعرف أحل مسائل الفيزياء😍 -سيف: ياا سلاام شكلو عقلك علمي يابنت -مياسة: أيي سيف رح قدم البكلوريا علمي -سيف: حماسك كبير وجاي عبالي شوفو -مياسة: اي طايرة من الفرح وأخيرا حلمي عم يتحقق -سيف: رح دقلك فيديو ردي عليي أي -مياسة: كيف برد سيف مو عرفانة -سيف: كبسي على الأخضر -اتطلعت مياسة على الشاشة ولمست الزر الأخضر وظهر سيف قدامها صارت تضحك بعفوية.. -سيف إبتسم على الخفيف ومد ايدو على شاشة اللابتوب وصار يلمس وجها -مياسة ابتسمت وقربت وجها من الشاشة -مياسة: شو بتعمل عم تنظف الشاشة؟ -سيف بإبتسامة: لا -مياسة: لكاان -سيف: عم حاول المس وجهك الحلو -مياسة: هههههه حاج تتغالظ سيف بلاه مزحك الثقيل -سيف بحزن: صح مزح يلا إجاني شغل رح سكر -مياسة: الله معاك -سكرت مياسة وصارت تلف وتدور وهي بتضحك -مياسة: رح أدرس رح أدرس يا سلاااام -أم مسعود: شبك لك بنتي -مياسة: ولا شي أمي بس أنا بحبك يلا رايحة حط علف للبقرة -ركضت من قدامها والضحكة على وجها وأم مسعود عم تراقبها بإستغراب _____ -محمود وهديل كانو متعلقين ببعض كتير وماكان يقدر الا بدو يشوفها لهيك كان يومياً يروح وينطر تحت بيتها ويضربلها جحار صغيرة على شباكها وهي ماترضى تشوفو -هديل فتحت الشباك وهمست: لك شوو بدك حل عني بقى ماابدي شوفك -محمود: كذابة انتي بدك تشوفيني وقلبك عم يحرقك من الشوق لإلي -هديل: انتا الكذااب وماوفيت بوعدك ومابعتت اهلك يطلبوني وهلق بدك ياني شوفك بالسر ؟! -محمود: بشو احلفلك إنو قلت لأبي وهو مارضي لانو أخوكي صالح ... -هديل: روح من هون محمود -محمود: مارح روح لتنزلي وتشوفيني وهي قعدة مافي ورايي شي -هديل اتطلعت فيه بغضب وسكرت الشباك .. قعدت بغرفتها تاكل أظافرها بقلق وكل شوي تتطلع من الشباك وتلاقيه لساتو قاعد وماتزحزح.. -هديل: هاد مجنون لك اذا ما أكل قتلة من أخي رح يموت من البرد لك هففففف -حملت بطانية ونزلت ركض لتحت فتحت الباب شوي شوي وطلعت لعندو ، لما شافها وقف على حيلو بفرح -محمود وهو عم يرجف: وأخيراً إجيتي كنت واثق بإنك مابتفرطي فيني -هديل عطتو البطانية وهي بتتزاورو: خود رح تموت من البرد -محمود أخدها وحطها على كتافو وهمس: وخايفة عليي يا فصعونتي -هديل بغضب: شو شاايف قدامك ياا سيد محمود -محمود قرب وجذبها من ايدها لعندو وقال: شايف كل شي بحلم فيه ، شايف كل أحلامي.. -هديل بتوتر: محموود اترك ايدي شوو عم تعمل -محمود بحب: أناا بعشقك حسي فيني قرب أكتر ليبوسها ودفشتو عنها بقوة -هديل: اوعى على حاالك محموود مابصير اللي بتعملو -محمود: هديل -هديل: اعمل اللي عليك لتحصل عليي بالحلال مو بهالأساليب يلا باي -محمود اتطلع عليها هي ورايحة ومشى بيأس _____ تاني يوم قام محمود بعد ليلة طويلة مانام فيها وهو يفكر وقرر يروح لحالو ويطلبها من اخوها.. -صالح: طلبك على عيني وراسي بس -محمود: بس شو -صالح: لا تواخذني يعني أنا مابعطي واحد أختو هربت بيوم عرسها -محمود: انتااا كمااان لك شوو هالحكيي -صالح: متل ماسمعت واعتبر ماعندي أخوات الله معك -محمود: لك لحظة صالح -صالح: الله معك ، رح اخدلك طريق -طلع محمود من البيت خايب وأحلامو كلها تدمرت وهديل كانت عم تتسمع صارت تبكي ودخلت غرفتها وتغطت بالحرام لتكفي نحيبها.. _____ -يزن كان عم يحاكي موظفة وعم يضحكو وشاف سيف طالع من الشركة .. -يزن: يلا برجعلك ياقطة لحظة صغيرة بس -البنت: تماام -لحق يزن سيف وكان طالع على السيارة ووقفو.. -يزن: وقف وين رايح؟ -سيف: شو سيد يزن عم تحقق معي؟ -يزن: لا بس اذا نسيان بدي ذكرك انو بعد نص ساعة موعدنا مع الإستاذ زهدي وهاد اجتماع مهم -سيف: اجتمع معو انتا وأبو زياد أنا لازم روح -يزن: أكيد رايح للجبل شو قصتك لك أخي رح تسكن عندهم شو مخبي عليي -سيف: مافي شغل -يزن: وهون في شغل وانتا أهملت شغل الشركة كتير كل وقتك يا قاعد ع الجوال يا بالجبل ومين بدير الشركة؟ -سيف: انتا عم تتوهم أنا بس عم أجربك حتى تصير قد المسؤولية بالشركة وتتعلم تديرها بدوني -يزن: بقطع ايدي اذا كلامك صحيح -سيف: هلق خلصني بلا كتر حكي مستعجل يلا سلام .. -ترك سيف المكان بسيارتو السودا ويزن ابتسم من طرف تمو.. -يزن وايديه بجيبو ، نشق وفات للشركة وهو بيهمس: عشقاان هالمجنون.. _____ -مياسة: سيف؟؟ -سيف: كيفك مياسة -مياسة: منيحة ، أبوي وأخواتي مو هون -سيف: أنا جاي مشانك -مياسة: مشاني؟؟ -سيف: أي مشانك انتي وبس -مياسة بضحك: عم تحكي كأنك عشقاان ههههههههه بكفي غلاظة سيف -سيف بإنكسار: اي عم أمزح يعني اجيت مشان الشغل -مياسة: معقول يجي أخوي ومانضيفو تفضل رح أقهويك -سيف بقلبو: ايمت رح تبطلي هالكلمة اللي عم تذبحيني فيها ، أخوي هه -مياسة: تفضل -سيف: لا خلينا برا أحسن -مياسة: براحتك يلا رح جيب القهوة.. راحت مياسة تجيب القهوة وهو ضرب ايدو بالأرض بعصبية.. ورجعت ومعها القهوة ، ابتسم من برا قلبو وحاسس حالو متضايق ومقهور ومكسور بحياتو ماكان ضعيف هالقد قدام بنت .. -شرب شفة وعيونو بالأرض حتى طعمة قهوتها غير ماحدا بيعملها متلها وبتسبب الإدمان من كتر مو طيبة.. -مياسة: شبك سيف تعبان؟ -سيف: اي راسي واجعني شوي -مياسة: سخنان؟؟ -رفع عيونو واتطلع فيها ورجع اتطلع بالأرض: لا -مياسة: سلامتك رح جبلك حبة وجع راس من جوا -سيف: مافي داعي -مياسة ماردت عليه وركضت لجوا -سيف: انتي سلامتي.. _____ -غدير: اهدي أختي حاج بكاء -هديل: كل الطرق تسكرت بوجهنا لييش هييك😭ومحمود الله اعلم كيف حالتو هلق لك بدي شوفو واتطمن عنو رح جن -غدير: انتي مافيكي تطلعي أوعك اذا بيدرى أخي انك رح رحتي لعند بيت عمي بيذبحك خصوصا بعد ماعرف انو محمود بحبك -هديل: طيب شوو الحل شوو الحل بدي أعرف أخبارو بدي وصلو أخباري -غدير: أنا بروح -هديل: انتي؟؟ -غدير: أي أنا رح حاكيه وبصير مرسال بيناتكن -هديل: عم تتمسخري مو وقت المزح يا غدير -غدير: ماعم أمزح عم احكي جد رح روح -هديل: ياعمري مارح أنسى معروفك -غدير: لكان ليش نحنا أخوات ، رايحة البس وأروح -هديل: أختي قليلو إني مارح أتخلى عنو أبداً -غدير: رح قلو -هديل: يلا ديري بالك على حالك.. _____ -مياسة اجت وعطتو الحبة وكاسة مي اخدها وشربها منها وبعدين فتحت الجوال صارت تفرجيه الدروس اللي عم تاخدها وهي مبسوطة وهو شاركها فرحها بإنجازاتها.. -غدير وصلت ولما شافتهم وقفت ورا الخيمة بحذر -غدير: لعمى مين هاد اللي قاعد مع مياسة وماحدا من أهلها هون؟ -سيف دار وجهو و شافتو غدير واجتها الجمدة وصارت تتنفس بسرعة -غدير بقلبها( هاد سيف اي سيف بذاتو بس شو عم يعمل مع بنت عمي لحالهم ) اتطلعت عليهم بتركيز وهنن عم يضحكو وقلبها انقسم نصفين وهي بتتذكر رفضو الها.. وعادت ادراجها وهي مهزوزة .. -سيف: يلا أنا صار لازم أمشي توجه نحو سيارتو ومياسة ماشية وراه ولما دخل ع السيارة رجع نزل وبإيدو هدية مغلفة بطريقة انيقة.. -مياسة عم تتطلع بدهشة.. -سيف: تفضلي -مياسة: إلي؟؟ شو في جواتها؟ -سيف: فتحيها وشوفي -صارت تفتحها بحماس كبير وهو عم ينظرلها وعلى تمو ابتسامة حب❤️🦋 -مياسة: لاااا معجم انكليزي 😍😍😍 -سيف: لما قلتيلي على التلفون انو كتير حابة يكون عندك منو مشان تتقوي بالانكليزي قلت بجبلك ياه -مياسة بفرح: شكرااا شكرااا كتيير قفزت لعندو وطبعت قبلة قوية على خدو وهي بتضحك ، وبعدها اختفت ضحكتها لما اتطلعت فيه وحطت ايدها على تمها -مياسة والدموع بعيونها: اسفة أنااا اسفة متعودة اعمل هيك مع أخي محمود أناا عنجد آسفة🥺 ومن الخجل ركضت من قدامو وهي عم تلعن نفسها وتبكي.. -سيف وكأنو بغير عالم لساتو بنفس اللحظة وقلبو عم يرجف ، تنفس بإضطراب ولمس خدو ورجع غمض عيونو وكأنو تخدر مو قادر يتحرك من مكانو ولساتو علقان جوات هديك اللحظة ، مشى ببطىء نحو سيارتو ركبها وانطلق.. *_كل الحب أختصره في عبارة وأن كنت شوكاً في سبيلي لعبرت إلى طريقك حافياً🖤...... _____ -هديل: وأخيرا اجيتي شو قلك شو قلتيلو احكي نطف قلبي -غدير بشرود: ماشفتو -هديل: اوف يا الله على هالحظ اللي عليي -غدير توجهت لسريرها نامت وقلبت لتاني جهة وعقلها بسيف ومياسة -غدير بقلبها: هدول شو علاقتهم؟ باينة بحبها وبتحبو بس ليش عم احكي من عندي بكرا بروح وبسأل المياسة أكيد رح تحكيلي أيي أنا لازم أعرف لازم أعرف.. _____ -مياسة عم تنشق: الله يلعني الله ياخدني نشالله بمووت شوو اللي عملتو أنااا شووو 😭 لك مرة بشوفني بدون حجاب وبالكنزة وبالبنطلون وعم أرقص ومرة ببوسو ، لك شوو بدوو يحكي عنيي لك نشالله بمووت ، ياارب موتني وريحني ياارب😭 -أم مسعود اجت من برا: شبك يا مهجة قلبي ليش تبكي؟؟ حدا ضربك؟؟ قولي -مياسة مسحت دموعها: لا ماحدا ضربني بس وقعت برا ورجلي وجعتني -أم مسعود: تعالي ياقلبي رح حطلك مرهم واقعدي لا تشتغلي شي -مياسة: أي _____ -سيف وهو بالسيارة اجتو مكالمة ورد بسرعة -سيف: أي عامر -عامر: هات البشارة -سيف: ابشر -عامر: السمكة وقعت بالشبكة واعتبرها انتهت -سيف: بربك؟؟ -عامر: ولله وبكرا بتكون بالسجن -سيف: لك دخيل ربك أحلى بشارة -عامر: بدنا الحلوان -سيف: اي مو تكرم عينك بربي بتستاهل -عامر: بكرا فيك تزورها بالسجن -سيف: حلال عليك أخي _____ -مياسة: أهلين غدير تفضلي -غدير: محمود هون؟ -مياسة: لا راح مشوار صغير بس راجع اقعدي -غدير: اي بنقعد -مياسة: كيفها هديل -غدير: كيف بدها تكون بعد اللي صار -مياسة بحزن: أنا السبب بكلشي -غدير: أي لو ماهربتي ماكان صار كل هالشي بس يلا مشي الحال -مياسة: 🥺🥺 -غدير: شبك عم أمزح لا تبلشي دموع -مياسة: رح أجيب القهوة -غدير مسكتها من ايدها: قعدي مابدي قهوة -مياسة: طيب -غدير: اي شغل أهلك كيفو منيح؟ -مياسة: الحمدلله -غدير: هنن عندهم شبين مو كأنو الكبير بضل بيجي لعندكم؟ شو كان اسمو؟؟ -مياسة: اي سيف ويزن ، اي هاد الكبير سيف -غدير: ودخلك كيف معاملتهم معكم؟ مناح؟ -مياسة: كتير أكابر ومحترمين وسيف أكتر الأيام عنا -غدير: شو بيجي بيعمل؟ وانتي بتقعدي معو؟ -مياسة بإبتسامة: مابعرف احياناً بيجي بلا سبب بيقعد معي وبروح -غدير بقهر: باين ورد وجهك وابتسمتي لما حكيتي عنو -مياسة: اي لانو كتير بنبسط بحكيو وهو كتير منيح ، لحظة لفرجيكي شو جبلي -غدير: اي مياسة صارت تفتش بالغراض وطلعت كتاب من تحت فراشها -غدير: شو هاد -مياسة بفرح: هاد معجم انكليزي هو جبلي يااه😍 -غدير بإستغراب: وليش ليجبلك ياه وانتي لاعم تدرسي ولا شي -مياسة: اه لا لانو أنا وصيتو على كتاب طبخ وجبلي هاد بالغلط اي عرفتي كيف🤥 -غدير بقهر: أيي -محمود دخل الخيمة: غدير عناا مية أهلا وسهلا -غدير: اهلين فيك -مياسة خبت الكتاب بسرعة -مياسة: اهلين اخي فوت غدير بدها تحكي معك أنا رايحة أعمل شاي -وقعد محمود وصارت غدير تنقلو كلام أختها وهو صار يحكيلها انو تصبر ورح يلاقي حل بأسرع وقت.. وبعدها راحت.. _____ -سيف: كنتي مفكرة رح تضلي طول عمرك حرة - البنت: مين انتاا أنا مابعرفك -سيف: مو مهم تعرفيني ، انتي تجرأتي وأذيتي بنت وحيدة ورح تاخدي جزائك -البنت: مين البنت -سيف: مياسة -البنت: .............. -سيف: كنتي مفكرة حقها رح يضيع متل ماضاع حق البنات الباقيين بس هي صارت سبب لتضلي طول عمرك بالسجن ... - طلع لبرا واتصل برقم من الأرقام -سيف: الو محمود -محمود: اي سيف -سيف: القضية خالصة ، وشبكة تجارة الأعضاء كلهم صارو بالسجن وعراسهم جواهر -محمود بفرح: شكرا عنجد بتشكرك لولاك ماكان حدا رجع فتح القضية -سيف: أنا ماعملت شي -محمود: كيف ماعملت شي انتا اللي خبرت رفيقك وضليتو ورا القضية حتى أنا ماكنت عرفان لولا مايخبرني الشرطي اللي بالمخفر انو القضية رجعت انفتحت وانو انتا ورا هالشي -سيف: هاد واجبي وبكرا فيك انتا وأختك تروحو تشوفوها بالسجن ، واحكي مع عامر مشان موعد المحكمة .. -محمود: الله يعطيك ليرضيك يا أخي ، تمام رح اتواصل معو _____ -غدير: هيك لكاان متل ماتوقعت بتحبوو ايي وبحبها لهيك رفضني لانو حاططها بعقلو ولهيك لعب بعقل أخي ليخطب رؤى مشان يبعدو عن حبيبة القلب ، بس مارح ترفرفوا كتير ياعصافير الحب هههههههه .. _____ محمود: مياسة يا مياسة -مياسة: اي أخي -محمود: رح خبرك خبر يخليكي تطيري من الفرح -مياسة بحماس: شوو -محمود: جواهر انمسكت صارت بالسجن -مياسة بصدمة: عنجد عم تحكييي؟؟ -محمود: ولله العظيم عم قلك صارت بالسجن هي وكل عصابتهااا -مياسة قفزت وطارت ضمتو بقوة: ماني مصدقة أنا بحلم ولا بعلم -محمود: صدقي أختي صدقي ، سيف من وقت اللي عرف بقصتك من اختو فوراً خبر رفيقو وتابعو القضية -مياسة باستغراب: سيف؟ -محمود: اي سيف مو الو معارف بالشرطة -مياسة ابتسمت: مابعرف كيف رح ردلو كل جمايلو معي -محمود: اي مابدك تشوفيها؟ -مياسة: مين جواهر؟ -محمود: اي -مياسة بخوف: لا -محمود: مبلى لازم تواجهيها وتشوفيها ورا القضبان وتشفي غليلك منها خليها تعرف انو العدالة الالهية تحققت -مياسة: ....... -محمود: يلا جهزيلي حالك خلينا نروح قبل مايجو ابوكي واخواتك -مياسة بخفوت: طيب _____ -وراحو محمود ومياسة للمدينة تحديدا للسجن المركزي هنيك شافت مياسة جواهر من ورا القضبان متغيرة كتير عن قبل بس نفس النظرة الثاقبة بعيونها ، محمود ترك مياسة لتحكي وبعد عنهم شوي.. -مياسة: خدعتيني أي أنا وثقت فيكي كتير لدرجة اني صرت أعتبرك أمي بتعرفي ليش؟ لاني كنت مكسورة وضعيفة ووحيدة ومهزوزة لهالدرجة! كيف فيكي تكوني قاسية لهالدرجة؟ كيف بتوصل معك تأذي بنت أساساَ متأذية من أهلها ومن نفسها بما فيه الكفاية ؟ جاوبيني؟؟ -جواهر : .......... -مياسة: طبعاً ماعندك جواب ، أنا هلق عايشة بكلية واحدة بسببك يعني اذا تضررت الأولى عندي ممكن أموت؟! بسيطة عندك مو؟؟ احكي جاوبيني لك انطقييي ، الله يحرق قلبك الله يحرمك أغلى مااعندك -جواهر ببكاء: بكفي لا تدعي أكتر بكفي مشاان الله -مياسة بدموع: طلعتي بتعرفي الله ، الله لا يسامحك .. مشت ورجعت لعندها بزقت بقرف وطلعت.. -محمود: شو أختي خلصتي؟ انتي منيحة؟ -مياسة مسحت دموعها: منيحة أخي منيحة خلينا نمشي.. -محمود: يلا حبيبتي -طلعو من السجن وأخدها محمود لمطعم ليحسن من مزاجها وقبل مايطلبو اجاه اتصال.. -محمود: اي سيف -سيف: وين انتو هلق؟ -محمود: هلق دخلنا على المطعم -سيف: اترك كلشي وتعالو على بيت أهلي أختي وعد عازمتكم على الغدا -محمود: هههه طيب يلا جايين -سيف: يلا سلام .. -سكر محمود تلفونو ووقف وهو عم يقول: قومي أختي قومي -مياسة: لوين؟ -محمود: وعد عازمتك على الغدا ببيتهم -مياسة بفرح: يلاا نروح _____ -وصلو واستقبلوهم وعد وأمها بحرارة -وعد: أهلا وسهلا ، فرحتلك كتيير لما عرفت انو السافلة دخلت السجن الف مبرووك -مياسة: ياعمري الله يبارك فيكي -وعد بضحكة: وأمي انبسطت كتير لما عرفت -مياسة اتطلعت بأم سيف بفرح -أم سيف: تفضلو الغدا جاهز ، وعد وينهم أخواتك لهلق؟ هلق بيبرد الأكل -وعد: هلق حاكيتهم قال جايين على الطريق -أم سيف: تمام -بعد خمس دقايق اجو سيف ويزن ، يزن سلم على محمود بفرح ورحب فيه وسلم على مياسة من بعيد وباركلها.. أما سيف فكانت عيونو على مياسة طول الوقت وهي منزلة راسها وماعم ترفعو خجلانة منو من بعد اخر موقف.. - قعدو كلهم على السفرة وكان الغدا عبارة كبسة ومقبلات ووعد مبسوطة فيهم وكل شوي تحطلها لمياسة لحمة قدامها ومياسة تخجل وسيف يبتسم .. -مياسة: يسلم ايديكن الأكل كتير طيب وزاكي -أم سيف: الله يسلمك ، قعدي بنتي ما أكلتي منيح -وعد: كأنك خجلانة اليوم؟ شو السبب؟ -سيف نظرلها بتركيز وهي فاتت ببعضها وقامت: لا دايمة أنا شبعت رح روح غسل ايديي -راحت مسرعة وهنن صارو يضحكو -يزن: تضربي شو بدك بالبنت -وعد: شو دخلك انتا بقى -أم سيف: كلو من تم ساكت انتا وياها -سيف خلص أكل وقام وراح لقاها بتغسل .. -سيف: مياسة -مياسة ارتعبت لفت عليه وايدها على صدرها -سيف: اسف رعبتك؟ -مياسة: أنا خلصت فيك تغسل. -مشت مسرعة من جنبو وهو لحقها ووقف قدامها مباشرة ليقطع طريقها -مياسة عيونها بالأرض وعم تلعب بإيديها وبعدين اتطلعت فيه بتوتر -سيف: حاج تهربي مني ، مافي داعي تخجلي لانك بستيني -مياسة بتوتر بالغ: بترجااك لا تقولها -سيف وهو بيتطلع فيها: طيب مارح قولها بس لاتنحرجي مني أنا نسيت اللي صار -مياسة: شكرا -سيف: اي -مياسة: وشكرا لانك ساعدتنا بالقضية مارح أنسى معروفك أبدا -سيف: وأنا لا تنسيني كمان أبدا -مياسة: معقول أنساك انتا كتير بتعنيلي انتاا أ.. -وعد قاطعتهم: اي شوو هااد في عناا حب جدييد😍😍 -مياسة ركضت لعندها وحطت ايدها على تمها لوعد: سكتي لاا لا لا مو حب مو حب أنا بس كنت عم أتشكرو -وعد بضحك: اي اي صدقت -سيف كان واقف على جنب وعم يضحك عليهم.. _____ تاني يوم اجت غدير لعند مياسة ، مياسة من فرحها حكتلها لغدير انو زارو أهلو لسيف وانبسطو .. -مياسة: سيف أكتر شخص بحبو بالدنيا -غدير: بتحبيه؟؟! 🥺 -مياسة: أي بحبو متل أخي محمود بالضبط -غدير بقلبها( متل أخوكي؟ اي على مين عم تضحكي؟ لك الله ياخدك انتي وياه ) -غدير: اي وشو صار كمان -مياسة: هو لحقني وأنا عم غسل وصرنا نحكي واجت وعد فكرتنا حابين بعض هههههه تخيلي -غدير: ايواا هههههه -غدير بقلبها( فكرتكن حابين بعض؟؟ على هامان يافرعون؟؟ يخربيتك شو كذابة وفلتانة ، نشالله بتموتو ) -غدير: يلا أنا صار لازم روح -مياسة: مابدك تشوفي محمود -غدير: بعدين بعدين -طلعت مسرعة من الخيمة وبعدها صارت تركض ودموعها عم تتناثر وقعدت بالأرض وصارت تبكي من قهرها .. -مسكت التراب بايديها ونثرتو بغضب وكملت للبيت .. -دخلت غرفتها ومو شايفة قدامها من الحقد على سيف ومياسة.. _____ بعد يومين كانت غدير بالحقل عم تقطف فول وتحط بالكيس ، اجا من وراها شخص ، ارتعبت ولما شافتو قالت: هاد انتاا خير؟ -رامي: ايمت رح تعطيني فرصة وتحسي فيني -غدير رفعت حالها: أنا مابحبك افهمها بقى -رامي: بس أنا بحبك وبعمل كلشي مشاانك -غدير: روح من هون رامي روح بلا حكي فاضي -رامي: يعني اذا أنا عامل بأرض أخوكي عم تعامليني هيك -غدير: لا مو لانك عامل بس الحب مو غصب فهمان مو غصب -مشى وهو بيلتفت عليها وبيصرخ: أنااا بعمل كلشي مشاانك كلشيي - قامت الكيس من الأرض ومشت للبيت ، دخلت حطتو بالمطبخ وطلعت لغرفتها ، قعدت تفكر بكلامو لرامي وتفكر بسيف ولما تتذكر حكي مياسة عنو يدخل الحقد لقلبها .. -غدير( رامي بيعمل كلشي نشاني لنشوف اذا الكلب وفي لصاحبو هههههه ) راحت للهاتف الأرضي وطلبت رقمو : ألو رامي أنا غدير -رامي: غدير؟ -غدير: أي انتا عنجد فيك تعمل أية شي حتى أعطيك فرصة؟؟ -رامي: اي صدقيني بحرق الدنيا مشانك -غدير: مابدي تحرق الدنيا ولا شي ، طلبي صغير اذا نفذتو أنا رح كون معك -رامي: وأنا جاهز _____ -بعد يومين... -كان سيف بالشركة وبعد ماطلع من الاجتماع اجاه اتصال من رقم مجهول -سيف: الو -الشخص: اسمعني منيح مياسة بين ايديي اذا ما اجيت وجبتلي مصاري اعتبرها ماتت -سيف: يا ابن**** ميين انتاااا وأناا بدي اثباات -الشخص: هدي اعصابك سكر ورح دقلك فيديو وشوف بعيونك.. وثواني واجتو مكالمة فيديو رد عليها وايديه عم ترجف وشاف مياسة مربطة وتمها مسكر واجى شخص ملثم وفكلها العصبة عن تمها وعيونها وشافت سيف على الشاشة صارت تصرخ -مياسة بانهيار: سيف لااا تتركني هوون سيف بترجااااك -سيف: انتي لا تخافي أنا جاي لعندك لا تخافي ياروحي -الشخص: برافو عليك ، يلا تعال بسرعة رح ابعتلك الموقع ع السريع وبثواني اجاه الموقع كان بمنطقة الجبل ، اخد مصاري وطلع عم يركض من الشركة ، وصل ترك سيارتو مفتوحة من عجلتو واتطلع قدامو كان بيت خشبي صغير كتير ، خبط على الباب وماحدا فتح ومافي صوت تملكو الخوف وخلع الباب ودخل ، كانت مياسة مستلقية بسرير ومغطاية بحرام وكتافها عاريات ، انحنى لعندها وصار يهزها وهو بيبكي وماحس الا بإيد عم تحط شي على أنفو وبثواني وقع فاقد الوعي .. -وإجا الشخص الملثم شلحو تيابو بالكامل وحطو بجنب مياسة اللي كان مشلحها تيابها كمان وفتح جوالو وصورهم وبعت الصورة لرقم من الأرقام وفورا اجاه اتصال.. -الشخص: اي غدير -غدير: رامي برافو ممتاااز انتا عجبتني كتيير ، بس ناقص شغلة صغيرة بدنا الشغلة تبين مقنعة أكتر -رامي: شو هي -غدير: خلي نومتهم رومانسية أكتر ، افتح مخك حبيبي -رامي: حبيبي؟؟ طيب بتأمري أمر هلق بفرجيكي كيف حتى انتي رح تصدقي .. -غدير: يلا حبيبي -سكر رامي الخط وراح حط مياسة بحضن سيف ولفلو ايديه على خصرها وصورهم مرة تانية وبعتلها الصورة -رامي: كيفني معك؟؟ -غدير: هههههه منظرهم مغري ولله حلوين ، برافو يلا تركهم واطلع هيك خلصت مهمتك.. -رامي: بأمرك _____ -بعد ساعة... -أبو مسعود: مبارح حطيت بذور البندورة والخيار بالبيت الخشبي ،روحو جيبوهم مسعود وفهد : حاضر - البيت الخشبي هو بمثابة مستودع بيحطو فيه أهل مياسة غراض الزراعة وهو قريب من أرضهم لهيك اختارتو غدير لتنفذ فيه خطتها النكراء.. -وصلو فهد ومسعود واستغربو وجود سيارة سيف برا البيت .. -فهد: هاذي مو سيارة سيف -مسعود: اي ولله وتاركها مفتوحة؟؟ غريب -فهد: امشي نشوف -فتحو الباب بالمفتاح وعيونهم توقفت عن الحركة لما شافو هديك الشوفة ، انصدمو وفار دمهم -مسعود استوعب وصرخ: لك شوووو هااااد -فهد: يا ولاد الكللللب -مسعود ركض وصار يهزها : ياااا وسخة *** قومي ياا بنت**** - وفاقو هنن التنين مياسة ارتعدت وصارت تغطي حالها وتصرخ وسيف ماعاد عرف شو يعمل ومسعود وفهد انهالو عليهن بالضرب من كل الجهات .. -سيف بصراخ من وسط الضرب: صدقونا نحنااا ماعملنااا شي ولله مو نحناا ، خلينيي أحكي ، في واحد خطف أختكم وقلي أجي وأجيب مصاري ولما اجيت خدرني واكيد هو اللي عمل هييك -مسعود ضربو بالعصاية على راسو بقوة: لك خرااااس وعم تكذب يا ***** يا ابن الكلللب -فهد: رح اتصل بأبوي خليه يتصرف -مياسة وهي عم تسحب الحرام: لااااا أمانة لااااا صدقوني ماعملت شييي صدقوني ولله العظيييم حيبولي القرآن أحلف علييه -مسعود: خرسييي ياعاهرة انتييي لازمم تموتييي يا *** ورجع حمل العصاية وصار يضربها بكل قوتو ووقف سيف قدامها وصار ياكل الضربات عنها وصار ينزف -مسعود ضرب العصاية بالأرض ونزلت دمعة من عيونو: لك تفوووو الله يلعنكم على هالمنظر -فهد: اهدى أخوي بوعدك رح ننظف شرفنا ونغسل عاارنا وماحدا رح يوقفناا -مسعود مسح راسو: قلت لأبوك -فهد: ماطلعت معي بس قلتلو في شي ضروري تعال -مسعود: خليه يجي يشوف بنتو مع هال**** _____ -أبو مسعود اجا وشاف ولادو واقفين برا البيت ووجوههم مابتتفسر -أبو مسعود: شوفي؟؟؟ -فهد: ادخل وشوف أبوي -أبو مسعود ضرب الباب برجلو وشافهم وماعاد قدر يحكي وايديه تجمدو وكان رح يقلب بالأرض -مسعود: الحق أبوووك -فهد: أبوووي أبوي تماسك -أبو مسعود نطق بصعوبة: سكرو هالباب وخليكم واقفين هون وأوعكم تخبرو حدا بالموضوع ، المسا رح أذبحهم وأنظف شرفي .. *يتبع.......*