*#عكس_التيار《45》* *#بقلم_إيناس_ادم (ننس تمدين)​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ *"ليتنا كالرموش نلتقي كل ثانيه دون موعد... ♥️"* "مُقتبس" *"صباح أحد الأيام"* *"على لسان عمار"* _عايني الإمتحان ح يفوتك بعدين ما تقعدي تبكي لي...أطلعي سرعة...قالت لي:-هو الواحد لوو ما مشى الإمتحان بنفس ح يمتحن كيف أساساً...أقفل أنت قربت أخلص...قولته ليها:-طيب...قفلت منها وأنا برجف من البرد...كنت مُستنيها في الشارع الرئيسي واقف قدام العربية وبفرك يديني من البرد...شفتها جاية من بعيد لابسة لبس الجامعه ومن فوق بلوفر أبيض وحلوة حلوة يعني♡...قالت لي بإبتسامة:-صباح العسل يا عسل....قولته ليها:-صباح البرد....يلا خلينا نتحرك...ركبنا العربية وأنا أسناني بدت تطاقش...بقت تضحك فيني وقالت:-كنت تكون قاعد في العربية...النزلك منها شنو !!...عطست وقولته:-حبيت فكرة أشوفك وأنتي جاية علي♡...دورت العربية وديدا الطريق كلهُ بتراجع وتسألني وأنا معاها حفظت المادة...أي كلمة بتقولها برددها...لما وصلنا الجامعه...قولته ليها:-ما تنزلي ثواني...قالت لي:-شنوو !!...كنت بعاين في تلفوني لما جاتني مكالمة...رديت ب:-أيوة..طيب ثواني جاي عليك...ديدا كانت لسه بتسأل....نزلت إستلمت من بتاع التوصيل ورجعت ليها....قالت لي:-شاورما !! ...قولته ليها:-أيوة كم سندوتش تأكليهم قبل الإمتحان....قبل الإمتحان يا ديدا...شلت الشيت ودخلتهٌ في شنطتها...ورجعت نبهتها:-أنتي قارية كويييس شديد....ما تراجعي تاني...وربنا يوفقك إن شاء الله...قالت لي:-حاضر حبيبي...قولته ليها:-وأول ما تخلصي تتصلي علي تطمنيني...إتفقنا !!...قالت:-إتفقنا...يلا لبعدين _بعد ديدا نزلت إتصلت على لميس ردت ب:-عمار...لو طريت خزنة كان وقعت قصادي...قولته ليها:-خييير...جايبة سيرتي مع منو !!...قالت:-والله براي...جيت في بالي وكنت ح أتصل عليك..لو قريب تعال الوكالة...قولته ليها:-فطرتي أنتي؟؟...ردت:-لا....قولته ليها:-حلو شديد...ح أجيب معاي فطور وبالمرة نتكلم في الموضوع اللي كل مرة بتأجلي...قالت لي:-طيب...تعال مستنياك... !! *"على لسان فرح"* _كنت بتناقش مع أبوي..أمي طرحت عليهٌ فكرة مشروع..قرر يناقشني ويعرف رأي في الموضوع شنو !!!...قولته ليهو:-هو المشروع كويس...بس أنت ح تقدر تتعامل معاها..قصدي يعني ك واحده شريكة ليك وبس...أبوي أنا ما عاوزة أمي ترجع وتخرب حياتك..أنا شايفاك مبسوط...قال لي:-يا بتي ما بيحصل إلا كل خير...وبعدين أمك عاوزاك تمسكي الإدارة وتشوفي الحاصل شنو !!!...قولته ليهو:-أنا !؟...يدوب فهمت...هي بتعمل كل البتعملهٌ ده عشان تكسبني..أنا ما قادرة أسامحها ولا قادرة ألقى ليها مبررات زي ما أنت بتلقى ليها...قال لي:-فرح...أسمعي الكلام...أمك ندمانة..ما تبقي عليها أنتي وضميرها...خليها ترتاح يا بتي...قولته ليهو:-هي لما تتعب ترتاح عادي...وأنا الشقى يكون مكتوب علي صح !؟...قال لي:-ما تقولي كده..لأنو بحس نفسي قصرت في حقك وما قمت بدوري كامل..بٌست راسه وقولته:-أنت قمت بدورك ودورها وما قصرت يا حبيبي♡أنا أسفة...ربنا ييخليك لي...قال لي:-ويحفظك ويراضيك ويرضى عليك...ح تفكري في الموضوع !!...قولته ليهو:-ما أعتقد...بس عموماً أنا ما عندي مشكلة أنك تعمل مشروع معاها...بعد أذنك...قمت ودخلت غرفتي...لقيت تلفوني بتصل كان آسر...رديت ب:-آسر...قال لي:-حبيبتي...ما جيتي الشركة اليوم؟؟....قولته ليهو:-لا...قال لي:--صوتك مبحوح كده ليه...حصل شنو !!؟..قولته ليهو:-الموضوع طويل..بس نتلاقى بحكي ليك...قال لي:-طيب متين !!...قولته ليهو:-بكرة ح أجي الشركة...قال لي:-أيوة كويس عشان في تفاصيل كتيرة مفروض نتكلم فيها...قولته ليهو:-تمام...وقفلنا على كدا... !! *"على لسان لميس"* _كنت بتكلم مع خالد...قال لي:-الشغل ماشي كيف !!...قولته ليهو:-عال والله...مستنية عمار جاي علي في الطريق...قال لي:-كويس والله...قولته ليهو:-وح نتكلم في موضوعي...يا ربي من التوتر...قال لي:-ما تتخوفي...إتوكلي على ربنا♡...قولته ليهو:-أنت من رأيك خالتو حواء ح تتصرف كيف أو ح تستقبل الموضوع كييف !؟...قال لي:-والله يا لميس ما عارف..بس أكيد ما ح تكون متساهلة...ما بخوفك بس في الحقيقة أمي صعبة حبتين في كم حاجه...أنا ما نفسي أتخيل رده فعلها...خليك بتدعي بس وأكيد ربنا ح يسهلها♡...قولته ليهو:-إن شاء الله...طيب أخليك أسي...عمار شكلهُ وصل...قال لي:-طيب..سلمي عليهٌ...قفلت من خالد...عمار ضرب باب المكتب وجاا داخل...ضماني بالجنبه وباس راسي...قال لي:-البرد ده ما عرفنا حدو وين...قولته ليهو:-شكلك متأزم...قال لي:-شديييد..وجعاااان...طلع السندوتشات..وقتها كنت سرحانة...مد لي السندوتش وخت لي بيبسي قدامي...قال لي:-عايني...مهما حاولتي تتهربي من الموضوع..الحل واحد...المواجهه وبس...وبعدين حتى لو نسابتك عصبوا كم يوم...مصيرهم يروقوا...قولته ليهو:-أنت شايف الموضوع بسيط...وأنا كمان كل مرة بحسهٌ بسيط...بس أول ما تقول لي يلا نكلمهم..بحس نفسي ضاق وما بكون حابة الفكرة...قال لي:-تردد عادي...لميس الوقت كل ما يمر ده ما في صالحك...أنا عاوزك تعرفي مصيرك معاهم من بدري...قولته ليهو:-خالد معاي...هو مستحيل يخليني...ما ح يحصل شيء اصلاً...يا الله...قمت وبقيت لافة في المكتب...عمار قال لي:-أهدي وروقي اعصابك...يوم الاحد ح نكلمهم...بقيت اعاين ليهو مُتفاجأة...قولته ليهو:-الأسبوع الجاي يعني...قال لي:-أيوة...وكفاية خوف وتأجيل...قولته ليهو:-ما فكرت في علاقتك مع ديدا..شكلها ح يكون كيف...بسبب الموضوع ده ممكن..ممكن...قال لي:-ننفصل !!...لميس ما ح يكون ذنبك...وعلاقتي مع ديدا حالياً ما أهم من معرفة نسابتك إننا أخوان... ♡! *"على لسان هدى"* *"مساءً"* _كنت متصلة فيديو كول للميس وفرح...لميس كان واضح عليها مهمومه وفرح كلامها كلهٌ عن الظلم والحياة القاسية...قولته ليهم:-على فكرة..أنا متصلة عشان تفرقوا لي..مش كل واحده تمد بوزها شبرين وتحكي عن بؤس الحياة...لميس في شنو...فرح آسر كسر حنكك !!..فرح قالت:-أريتها لو مشاكل حياتي كلها كانت الإرتباط...أنا مشكلتي أمي..ودي أسوأ مشكلة في الحياة...كانت بتحكي وبتحكي لما خلصت...لميس قالت ليها:-وافقي يا فرح...أنا عارفة الموضوع قاسي ولو كنت محلك..ردة فعلي كانت ح تكون أصعب وأقسى من حقتك...بس ختي دايما القدر قدامك..ما معروف ح يحصل شنو..عشان كده خليك متسامحه...قالت:-متسامحه !!...ظاااابط...قولته ليها:-يا زولة ما تضغطي نفسك...أخدي وقتك وإن شاء الله ربنا ينورك♡...قالت لي:-بركاتك يا شيخه هدى....يخوانا اشتقت لإيناس...لميس قالت:-حتى أنا..اااا...أنا عاوزاكم في موضوع...بس ما ينفع أحكي ليكم أسي إلا إيناس تكون معانا...ح توصل متين هي...قولته ليها:-هي الكلبة دي في زول قادر يصل ليها...قافلة تلفونها مما سافرت...فرح قالت:-كنت متواصلة مع أمها...قالت أتصلت طمنتهم عليها برقم من هناك...حظها الما بخليها تقفل تلفونها شنو !!!...وأنتي كمان موضوع شنو...لو حامل قولي..أصلاً أنا شكلي ح أكون مربية لأطفالكم..دي نهايتي...قولته للميس:-صحي موضوع شنو !!..قولي اسي ولما إيناس تجي ح نعمل متفاجئيين عادي...قالت:-لا ما ينفع...الموضوع ده بذات ما لازم تعرفهٌ واحده والباقين لا...لازم كلكم...ح تزعلوا ويمكن تضايقوا مني...بس ح تلقوا لي مبررات واثقة أنا...فرح قالت:-مما جبتي سيرة المبررات معناها مصيبة كبيرة...عموماً يا شبوبة تصبحوا على خير...لميس قالت:-يعني ماف زول فيكم عارف إيناس ح تجي متين؟؟...فرح قالت ليها:-غالباً الخميس حسب كلامها معاي قبل تسافر...يعني بعد اربعة يوم....لميس:-حلو شديييد...فرح بعدها طلعت من المكالمة..وأنا كنت بحاول اعرف لميس مالها بس ما حكت ولا حرف....قالت لي:-عايني ح اقفل..بكرة شغالة بدري...قولته ليها:-اشتقت للشغل والله...قالت لي:-أولدي وتمي اربعينك..وطوالي نشوف ليك أحلى شغل♡♡...ما تشيلي هم انتي بس...كلهٌ ح يترتب...قولته ليها:-إن شاء الله....يلا تصبحي على خير...قالت لي:-بوسات يا حبي♡...قفلت منها وحاولت أنوم...ما قدرت...كل ما اغمض تجيني صور أدهم واخواته..ما عارفة الذكرني بأخواته شنو...من وقت الحصل وماف تواصل بينا خاااالص... !!! *"في منزل عائلة أدهم"* *"على لسان رزان"* _يدوب صليت العشاء...فتحت المصحف وقعدت اقرا قرآن...في الوقت اللي انا بعمل فيهو كده...أمي وغدير وأختي الكبيرة كانوا بشربوا القهوة وبتونسوا...من يوم أدهم مات...بعد ما رفعوا الفراش ما شفت ليهم دمعه نازلة ولا حتى تأثر واضح...كل العملوهُ يوم العزاء كان مجرد تمثيل...أنا الوحيدة اللي ربنا فتح لي عيوني على حقيقة الدنيا...أنا عارفة إننا ظلمنا هدى وجينا عليها كتير شديد....وظلمنا أدهم ومتأكدين كلنا إنه أنتحر بسببنا نحنا..ما بسبب هدى...أمي لصقتها في هدى عشان تخفف على نفسها..بس في الحقيقة هو أنتحر من كترة ما ضغطنا عليهٌ ..يارب غفرانك يارب♡...غدير جات وقالت لي:-الشيخه رزة...قولته ليها:-رأيك شنو نمشي نزور أدهم...قالت لي:-عارفاني بخاف من زيارة المقابر...أمشي براك...فتحت التلاجه طلعت كريماتها وقعدت تتجلبط...كنت مستغربة فيها....مرت اخوي بقيت أعاملها كويس هي وأولادها♡...عسى ولعل ربنا يغفر لي العملتهٌ في هدى...كنت محتاجه أتواصل معاها...بس شفتها صعبة وحتى هي يمكن ما تحب تشوفني وح يكون معاها حق....لكن أكيد أول ما تولد ح أكون أول واحدة تمشي ليها وإن شاء الله تستقبلني.. ♡♡ *"على لسان خالد"* _لميس كانت بتتقلب الليل كلهٌ وما قادرة تنوم..ولعت النور وقولته ليها:-مضايقة !!...قالت لي:-معليش صحيتك..ح أحاول انوم...قولته ليها:-خليك مني...أنا عاوز اعرف ليه التوتر ده كلهٌ..على حاجه لسه ما حصلت...مش قلنا نتوكل على رب العالمين وخلاص♡!!...قالت لي:-يا خالد خايفة..."وبدت تبكي"...خايفة ما يتقبلوني..وأكيد ح تحصل مشاكل ويمكن يختوك في خيار بيني وبينهم..أنا ما عاوزة اتخيل الأسوأ..بس ده الح يحصل يعني...ضميتها وقولته:-أولاً بطلي بكى..ثانياً أنتي في كفة وهم في كفة...وانا قادر تماماً أفصل بين الكفتين...ما تتخوفي ولا تقلقي..أنا هنا جنبك ومعاك♡...فضلت تبكي وأنا بهدي فيها لحدي ما نامت...كنت حاسس بالعجز..إني ما قادر أطمنها...لميس رغم عصبيتها إلا إنها طفلة من جواها وأقل حاجه بتقلق بيها...صح الموضوع كبير ويمكن يكون ليهو ابعاد ما حلوة...بس ده ما بيعني يكون محور حياتنا ونفكر فيهٌ طول الوقت...خليت لميس تنوم وقمتُ صليت ركعتين...دعيت إنهٌ أمورها تتسهل وربنا يحل الموضوع من عندهٌ...ومن يتوكل على الله فهو حسبهٌ♡ *"اليابان_طوكيو"* *"على لسان هادي"* _في يوم قررت أطلع أنا وإيناس بس برانا...بدون مٌرشد بدون اي زول يزعجنا...صحيت الصباح أستحميت وطلعت شغلت أغنية وبدندن معاها بتقول :- This is perfect Come kiss me one more time I couldn't dream this up Even if i tried You and me in this moment Feels like magic only I'm right where I wanna be Everybody's talking about heaven like they just can't wait to go Saying how it's gonna be so good, so beautiful Lying next to you, in this bed with you, I ain't convinced Cause, I don't know how, I don't know how heaven, heaven Could be better than this I swear you're and angel Sent to this world What did I do right to deserve you, girl? I could stay here forver I'd be fine if we never had to even leave this room Everybody's talking about heaven like they just can't wait to go Saying how it's gonna be so good, so beautiful Lying next to you, in this bed with you, I ain't convinced Cause, I don't know how, I don't know how heaven, heaven Could be better than this Could be better than this Everybody's talking about heaven like they just can't wait to go _إيناس صحت وكانت بتعاين لي مستغربة...كنت لافي البشكير في راسي وبعاين ليها ومرة مرة أغمز ...مسكت يدها وقومتها من السرير...كنا برقص بمنتهى الجنون والعوارة....بعد خلصنا..كنت ماسكها من خصرها وعيوني مقابلة عيونها...قولته ليها:-ممكن حبيبي يجهز نفسهٌ عشان نطلع طلعة صباحية؟؟؟...طلعت البشكير من راسي ورمته في السرير وهي بتقول:-امممم ما ممكن...قولته ليها:-تصدقي الطلعات النهارية ارحم...بقت تضحك♡ *"مخمُورُ أنا بعينيكِ وعسل الشفاه...مجنونُ سيدتي ومصحتي كتِفاكِ والعنق...لا زلت أٌمارس أبسط الطرق لتقبيلك والإنتشاء...ولكني الآن تغلبني إبتسامتك المليئة بالتحديات واللعنة..لعنة التفاصيل...أشتم بلسم الشعر خاصتك والعطر...لِما يداي لا تتوقفان...عن لمس وجهك..وجنتيكِ...أنفك الصغير...الرموش تلك...وضمةُ الكف مِعلناً إنتصاري...واستسلامك !!"* *"على لساني"* _حووالي الساعه 12..قمتٌ ودخلت الحمام...طلعت سرحت شعري ولبست بنطلون جينز سماوي ومن جوه فنيلة سوده وقميص كاروهات...شنطه سودة وشبشب اسود..بعدها طلعت لهادي فنيلة بيضاء مخططه بكحلي كم طويل وردا كحلي...حتى صحيتهٌ🤣...قال لي:-بعد تظبطي أمورك تصحيني...أنانية...قولته ليهو:-لو صحيتك من بدري ح تعطلني..يلا قوم...كان عاوز يجرني من يدي...زحيت منهٌ وطلعت ليهو لساني...جهز نفسه وبعدين نزلنا تحت...هادي كان مخطط لليوم من بدري...واحد من عٌمال المطبخ ادانا مفرش قطني...وكان في سلة عليها معلبات وأكل جاهز ونواشف ومشروبات غازية...وفوق لده كنا ح نتمشى للمكان برجولنا...قولته لهادي:-ح نمشي برانا !!...قال لي:-أيوة...بتخافي مني لا سمح الله !!...قولته ليهو:-أخاف عليك مني والله...دي ح تكون مغامرة مجنونة...قال لي:-أووووبس...نسيت الmp3 ثواني أجيبه وأجي..قولته ليهو:-وبلوفري معاك بالله...قال لي بزعلة:-حضني بسوي في شنو 😒!!! ....إبتسمت وفضلت مستنياهٌ تحت...جاب الmp3 وهو مشغل "SENORITA".... _الحته اللي مشيناها كانت كلها خٌضرة وجبال...عصافير في كل حته وبكميات...فراشات ألوان وأشكال...أخدنا في الأول صور كتيرة وبعدها قعدنا في حته بعيدة عن الناس...رصينا الحاجات كلها...وكنت فعلاً في حضن هادي طول الوقت🙈❤....قال لي:-عايني حنك المفاجأت ما قاعد يأكل معاي....نحنا مش بكرة متحركين من هنا...هزيت راسي ب"ايوة"...قال لي:-ما ح نرجع طوالي...ح نمشي حته بتحبيها...قولته ليهو بلا مبالاة:-مثلاً....قال لي:- طوكيو ديزني لاند... ♡ *"على لساني"* _قٌمت من حضنهٌ وقولته ليهو:-والله كذاب...قال لي:-والله صادق...ح نمشي بكرة ومساء اليوم نقعد في أي أوتيل والصباح موعد طيارتنا أصلاً...قولته ليهو:-يعني كنت بتغشني وبتقول موعد ما حقيقي...قال لي:-ما غش بالمعنى الحرفي...بس حبيت أفاجئك...قولته ليهو:-بحبك أنا♡...قال لي:-وأنا ما حبيت غيرك ولا ح أحب♡...عدلت قعدتي ووجهت ليهو سؤال:-هو أنت ليه ولا مرة ما إرتبطت ؟؟!..خت يدهٌ على كتفي وقال:-عشان كنت بحسب كل حاجه...واحد زي بختار الناس وبغربلهم هو قبل المواقف ما تعمل كده..تفتكري ح يرتبط بالساهل ؟؟...وبعدين كنت بتخوف شديد من حكاية أكسر قلب بت..وأنا عندي بت في البيت♡...يعني بإختصار كنت ببعد عن الحاجات دي عشان ما أضر نفسي ومشاعري ولا أتسبب لغيري بضرر ...أنا ممكن أكون قليل أدب/مشاغب حبتين/الضحك عندي أساسي وقد أٌصنف عند ناس كتار إني ما مسؤول..بس فوق ده كله عندي مميزات...منهم إتنين بحبهم...ما بكذب ولا برضى الظلم♡...بستهٌ في خدهٌ وقولته:-مفروض إني محظوظه صح...عشان اول واحده قدرت تكسر الحاجز ده وتخش هنا❤...قال لي:-هههه القصة ما كده...أنا من أول لحظة شفتك فيها ما كنتي بتغيبي عن بالي...وكل ما تجمعنا صدفة بحس نفسي ما عاوزة حاجه من الدنيا تاني...أحاسيس كتيرة حسيتها معاك أنتي لأول مرة...وما كان ينفع أوقف إحساسي ناحيتك..لأنهٌ صادق ونيتي كمان نضيفة....ولي غيري ما كنتي ح تكوني♡ _قضينا يوم حلو وممتع لحدي ما الدنيا ضلمت وبردت شديد...رجعنا وحرفياً كنت برجف من البرد...لا قدرت أغير ملابسي ولا قدرت أخش الحمام...هادي كان في الحمام..ما إستنيته يطلع...نمتُ *"على لسان هادي"* _طلعت من الحمام لقيت إيناس نايمة بملابسها..ما حاولت أصحيها..عدلت ليها رقدتها بس وغطيتها...قبل أزح جرتني من التي شيرت...رقدت جنبها وضميتها...ما كان جايني نوم وما حبيت أصحيها...قمت من جنبها براحة ومشيت فتحت تلفوني...فضلت أصورها كمية من الصور وهي ما حاسة بشيء....لما غلبني أنوم صحيتها...كانت بتعاين لي بعين مغمضة وعين مفتحه..قالت لي:-يا حبيبي المصحيك ومساهر بيك شنو...نوم نوم...قولته ليها:-غلبني...بقت تحرك يدها على شعري وهي بتقول:-أنت بس استرخي وما تفكر في شيء ح تلقى نفسك نمت...وبعدين أنا نعسانة شديد...قولته ليها:-جيبي حِتة طيب !...قالت لي:-أوووف ما وقتهٌ...مسكت وشي بين يديها وقالت:-بس بعدها تغمض عيونك وتنوم...قولته ليها:-متفقين... !! *"نجوم تحترق غِيرة لا تبعث الضوء...وشموع أضاءت ثقاب الكبريت لا العكس....وأنا !! مهلاً يا حماقى وحاملي جنسية العزوبية...فأنا تٌقبلني حبيبتي😆♡"* *"السودان"* *"صباح اليوم التالي"* *"على لسان ديدا"* _خلصت إمتحان ونفسيتي كانت زفت...تلفوني إتصل كان عمار..رديت ب:-الو...قال لي:-إمتحنتي كيف؟؟بشري...قولته ليهو:-زفت ياااخي "وبقيت ابكي"...قال لي:-أنتي وين طيب؟؟...قولته ليهو بصوت متقطع:-ب..برة الجامعه...الامتحان كان صعب..أنا ما..ما ح انجح...قال لي:-طيب خليك أنا جاييك أسي...بطلي بكى...أثناء ما بتكلم معاي سمعت واحده بتأكد ليهو إنو في إجتماع بعد ساعة....ما قفل الخط لما وصلني♡...أول ما شفتهٌ زدت في البكى...قال لي:-يا حبيبي ده أمتحان دنيا..كفاية بكى..وح تنجحي إن شاء الله...قولته ليهو:-ما ح انجح ياخي...الدكتور سغيل..الدفعه كلها اشتغلت زفت...قال لي:-طيب تعالي...خلينا نتحرك من هنا...ركبت معاهو العربية وأنا ما عارفة ماشين وين وبشكي ليهو من الدكتور وخشمي ما سكت لحظه...وصلنا كافيه كده رهيييب وحتته بعيدة...قولته ليهو:-جايبني هنا ليه؟....قال لي:-تهدي شوية وتروقي أعصابك...الامتحان وخلاص أنتهى..البكى ما ح يفيدك...ما بحب اشوفك كده...نزلنا وقعدنا في طاولة أخر الكافيه...وكل ما أتذكر شغلي وخمجي ابكي زيادة...عمار قال لي:-أنتي حلك حضن بس...حمرت ليهو...قال لي:-صدقيني حضن بخليك تهدي أو كمان تبكي بمزاااج...زي ما بقولو الكٌتاب "فلتبكي على إتساع صدري يا ديدا♡"...قالها بطريقةة مضحكه خلتني اضحك ...قال لي:-أيوة كده...مسح لي دموعي بمنديل...قولته ليهو بخلعه:-أنت عندك إجتماع بعد ساعة صح ؟؟...قال لي:-ما مهم...أنتي أهم من ألف إجتماع♡...قولته ليهو:-أهم من الإجتماعات بس...قال لي:- والناس وأي شيء...مبسوطة !!...قولته ليهو:-الإمتحان😭😭😭...قال لي:-الله يحرق الإمتحان على دكتوركم على المادة على الجامعه....ختيت راسي على الطاولة وبقيت أعاين ليهو...قال لي:-لا حوا ولا قوة إلا بالله العلي العظيم...جضوم دي يا ديدا ولا قلبي !!؟ *"على لسان فرح"* _تاني يوم صحيت جهزت نفسي وطلعت على الشغل...قبل ادخل الشركة..مشيت لآسر في المحل...المكان كان مزدحم...الحاجه الكويسة إنهٌ معاهو عٌمال...طلع لي برة وقال:-صباح الخير...قولته ليهو:-صباح النور...قال لي:-وشك مالو ؟؟!..ما نايمة كويس ؟؟...قولته ليهو:-يعني...في حاجات عاوزة اقعد وأحكيها ليك...قال لي:-وأنا كمان...بس ح اقول اول..قولته ليهو:-سامعاك...قال لي:-الحاج إن شاء الله ومعاهو أعمامي نازليين السودان قريب عشان موضوعنا يبقى رسمي♡...بقيت أعاين ليهو مسافة..إتلخبطت...نسيت موضوع أمي وكل الحاجات المزعلاني...الخبر ده فرحني فرحني♡...قولته ليهو:-بجد...قال لي:-جد الجد...أنتي كنتي عاوزة تقولي شنو !!...قولته ليهو:-شوية قصص ما تشغل بالك...ح امشي اشوف شغلي وزمن الفطور ح أجييك...وانا ماشة..سحبني من يدي ولبسني خاتم فضة وقال:-بدل البصلة الخطبتك بيها♡♡♡...إبتسمت ليهو وواصلت طريقي....آسر هو العوض الحلو عن كل حاجه مريت بيها...وأنا داخله الشركة صادفت سلطان "السيد العريس"...باركت ليهو على الواقف ومشيت ناحية مكتبي... _اثناء ما انا شغالة...أبوي إتصل علي في الاول كان بطمن علي عادي...بعدها قال لي:-ما وريتيني قرارك؟...قولته ليهو:-أبوي أنا ما عندي مشكلة في شراكتكم...بس ما تدخلوني في المواضيع دي لو سمحتوا...قال لي:-فرح أنتي ح تفضلي شايلة منها كتير !!...ما لقيت جواب لسؤالهٌ...لأني بقيت ما قادرة افسر تصرفاتها...قولته ليهو:-يمكن مع الوقت أقدر اتعامل معاها...بس نظرتي ما ح تتغير...هي عمرها ما عرفت تكون أم...او بمعنى أصح...ما عرفت تكون أمي... ! *'اليابان_طوكيو"* *"على لسان هادي"* _نحنا إتحركنا من المنتجع بدري...بعربية "تويوتا سنشري2020"إيناس لبست فستان أوف وايد وشال ملوون مع شبط بدرجه من درجات الأوف وايد...وأنا لبست قميص زيتي وبنطلون جينز...إيناس قالت لي:-معلوماتي كانت شوية ضعيفة...ما كنت متخيلة إنو في ديزني لاند هنا...يعني علشان الاغلب ذكرها بس في الولايات المتحده...قولته ليها:-إتعملت من زمان...ما من فترة قريبة ...ح تتفاجئي...معمولة بنفس تنسيق ديزني لاند اللي موجودة في كاليفورنيا...قالت لي:-حماس حماس....بستها في راسها وقولته:-ح تنبسطي♡... *"مدينة ملاهي في منتجع طوكيو ديزني_أوراياسو تشيبا"* _وصلنا المدينة...ومن البوابات أنت بتحس نفس داخل جوه عالم كبيير وحقيقي...كمية من الزوار وكمية من الاطفال....فيها سبع مناطق مختلفة..اولها البازار العالمي بالإضافة للأراضي التقليدية الاربعه...اللي هي ارض المغامرة وارض الغرب وارض الخيال وارض الغد..وفيها بلدة المخلوق وميكي تونتاون المناطق دي صورة طبق الاصل من ديزني لاند البنشوفها في الافلام♡...إيناس كانت مندهشة وأنا كمان...مع إني قريت عن المكان وشفت صور كتيرة وبحث اكتر..بس الواقع غييييير♡.... البازار العالمي ده عبارة عن ممر للدخول الرئيسي ومنطقة التسوق الرئيسية في طوكيو ديزني لاند عليهٌ مظلة بتغطي مناطق الشارع الرئيسية وشارع المركز .. البازار عندهٌ شارعين متقاطعين...الممر الرئيسي دخلنا بيهو وصلنا لمدخل قلعة سندريلا أخدنا صور كتيرة وعملنا فيديوهات ..بعدها مشينا بالممر التاني وده ماخد شكل خط عمودي مع الممر الرئيسي...فبالتالي لقينا روحنا في أرض المغامرة من جهه وأرض الغد من جهه تانية...♡ مشينا ارض المغامرة ودي عندها منطقتين مميزات ومكتملات...منطقة إسمها نيو اورلينز ومنطقة الغابة...مصصمة تقريباً بنفس التصميم الموجود في الولايات المتحده...بعدين مشينا ارض الغرب وارض المخلوق...وحقيقي كانت تجربة من اعظم تجارب الحياة♡....إيناس كانت ماسكه فيني وكل مرة تنبهني على حاجه والسعادة ظاهرة في عيونها وتصرفاتها...يومها نحنا الإتنين كنا أطفال ♡♡! *"على لساني"* _هادي واحد ما بتكرر...زوج لطيف وصديق ألطف..أنا واثقة إنهٌ حياتنا مع بعض ح تكون حلوة بكل تفاصيلها بكل المشاكل والخلافات...انا ح احافظ على علاقتي بيهو وهو ح يعمل كده♡....اليوم كان حلو وكلمة حلو عليه بسيطه شديد...بعد خلصنا لف وأشترينا هدايا للناس الهناك♡...مشينا اوتيل قريب من المطار...الغرفة كانت صغيرة لكن مظبطة...نص الليل كنت راقدة في حضن هادي وهو خاتي يدهٌ على خدي...قولته ليهو:-عيشتني احلى ايام في حياتي♡...قال لي:-اعيش واعيشك أحلى منهم♡...أنا اهم حاجه عندي تكوني مرتاحه ومبسوطة...قولته ليهو:-طالما نحنا سوا اكيد ح اكون مبسوطة...قال لي بإستهبال:-مبسوطة اسي عشان نحنا برانا...بعد ننزل السودان...الواحد عشان...قفلت ليهو خشمه وانا بضحك...قولته ليهو:-عشان قلة ادبك دي السكنة مع اهلك افضل حل...قال لي:-الواحد كان نفسه يغير رأيه بس تقولي شنو...الشباب ديل ما عاوز اخليهم براهم...قولته ليهو:-الفترة دي بكونوا ارتاحوا منك...قال لي:-ابوي ممكن لانو ما بحب نقتي...بس امي ح تكون أشتاقت لي أكيييييد♡...قولته ليهو:-خلينا ننوم طيب...ورانا سفر وجرجرة..باس راسي وقال:-تصبحي على خير يا حبيبي... ! "لستٌ بحاجه لمنزل كبير وجدران وسقف...عليّ إحتضانك كل ليلة لإحظى بالدفء الذي تقصدهٌ أمي في كل حكايات الطفولة♡" *"مساء الجمعه"* *"على لسان لميس"* _كالعادة كل جمعه انا وخالد بنغشى أمي بالصباح والمساء السهرة بتكون مع اهلهٌ...كل ما يقرب يوم الأحد خوفي بزيد أكتر وأكتر...ديدا كانت عاملة شاي لبن وبسكويت...و نون وزوجها كمان جوو...كنت طول الوقت قاعدة جنب خالتو حواء..لأنو كل ما اقوم اعمل حاجه وارجع بتقول لي "تعالي اقعدي جنبي"...عقلي ما كان معاهم خالص...خالتو حواء قالت لي:-كده يا لميس تعالي معاي جوه...قولته ليها:-حاضر...قمت ومشيت معاها غرفتها....مشت ناحية الدولاب طلعت البوم صور...قعدت على السرير وعاينت لي...قالت لي:-واقفة جنب الباب مالك...تعالي قريب...مشيت وقعدت جنبها...فتحت الالبوم وورتني صور لطفل صغير...قالت لي:-ده خالد...خالد ده يا لميس انا بعتبرهٌ أخوي وولدي وراجل البيت وبدون مبالغة مرات بحسه أبوي♡...لما أأخر موعد دواء الضغط ولا لما أتعب وما انتبه على صحتي..بكون واقف في راسي وبعاملني زي الشفع ههه...حنين زي ابوهٌ بالضبط...عارفة لما جاا وقال لي يا أمي انا عاوز اتزوج..قدامه فرحت...بس بيني وبين نفسي جاتني الغيرة...ياها الغيرة العادية دي...كنت حاسة بيك ح تخطفي مني...خالد ده بذات انا ما برضى فيهو♡...بس لما شفتك وعاشرتك وشفت كيف بتهتمي بيهو وبتهتمي بينا...عرفت إنو إختار صح..وغيرتي دي كانت عريضة ساي ههه...إبتسمت ليها...قالت لي:-أنتي بت حلال وطيبة...وأنا متأكدة أنو ولدي مبسوط معاك...حافظي عليهٌ...هو زي الطفل بالضبط مهما أظهر ليك أنو عاقل وواعي...خليك شاطرة وابقي ليهو أنا♡... ! _كلام خالتو حواء بكاني...ما عارفة ليه بكيت كده...مسحت لي دموعي وبعدها مسكتني الالبوم في يدي وقالت:-الصور دي اولادكم لازم يشوفوها هههه....هزيت ليها راسي...بعدها طلعنا برة وكملنا سهرة عادي....لما رجعنا البيت انا وخالد كنت مضايقة وهو حس بي...كان بحاول يعرفني مالي...بس ما كان في شيء يتقال...نمت وأنا خايفة من الحيحصل...خايفة من مصيري💔 *"صباح السبت"* *"على لسان فرح"* _كنت بتكلم مع آسر وتقريباً بقينا عارفين تفاصيل بعض كلها...ما دسيت عليهٌ حاجه وكذلك هو...أثناء ما بنتكلم جاتني مكالمة من هدى...قفلت من آسر ورديت ليها ب:-بت يا هدى...قالت لي:-يا معفنه إيناس توصل وما توروني...قولته ليها:-بسم الله وصلت متين...مستنيناها من الخميس لما ما جات قنعت أنا...قالت لي:-ما عارفة بس قبل شوية رسلت لي..وأتصلت اشاكلك...قعدت أضحك...قولته ليها:-طيب براحه على نفسك...الحمد لله إنها وصلت بالسلامة...ها..أظبط ونجيك ولا كيف !!.. قالت لي:-طبعاً دي عايزة كلام....بكرة دي لو قدرتوا تعالوني...قولته ليها:-قدااام...قفلت من هدى وأتصلت لست الناس♡...ردت بصوت تقيل:-ألو...قولته ليها:-العروس القفلت تلفونها من صحباتها طيلة فترة سفرها وما فتحته إلا لما رجعت...بالذمة انتي صحبه !!...قالت لي:-فرح...قولته ليها:-صوتك مالو بقى باطل كده يختي...قولي فرح فرح بضخامه كده...صوتك مشى وين !!....سكتت مسافة ورجعت قالت:-أنا وصلت منتهية...فترانه شديد...اصحصح وأتصل عليك...قولته ليها:-لا الصراحه ما أتعرفنا..أنا لازم اعرس عشان صوتي يتغير كده...ضحكت وقالت:-خلاص باي... !! *"على لسان خالد"* _كنت بذاكر وجنبي لميس بتتكلم بالتلفون مع واحده من صحباتها...بعد خلصت وإلتفت علي وقالت:-محتاج اي مساعدة ؟؟!...قولته ليها:-المادة فقرية والإمتحانات خلاص قربت....قالت لي:-لسه يا خالد لا قربت لا شيء...أنت بس عاوز تحفر..عامل زي بروف دفعتنا...قعدت أضحك...تلفوني كان برن في الغرفة...لميس قالت:-خليك ح أجيبه انا...مشت بسرعة وجات وهي بتقول:-دي ديدا...فتحت الخط جاني صوتها وهي بتصرخ كانت بتقول:- ما ماتت ياخي انتي حيوانة ولا شنو...أحمد قول ليها ما تبكي....نون قفلي خشمك ده...وجن زحي منهاااا..وقفت على حيلي وبقيت:-أقول ألو..ألو...ديدا في شنو مالكم ؟؟؟...كنت سامع كواريك نون ووجن....ديدا قالت:-يا خالد ماما....ماما ماتت يا خالد واااااي... !! -------------------------------------- --------------------- *☆نتلاقي💙☆☆* *بــــــــــــــيــــــــــــــــــــجــــــــــــــة*