*#عكس_التيار《48》* *#بقلم_إيناس_ادم (ننس تمدين)​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ *"على لسان لميس"* _خالد كان ببكي بحرقة في حضني زي الطفل..خليتهٌ يبكي قدرتهٌ خالص ما وقفتهٌ بكاني معاهو بكى ما عادي...رفع راسه وقال لي:-أنا عايز أمي يا لميس...عايز أمي...مسحت ليهو دموعه وأنا بقول:-هي في مكان أحسن من هنا..ربنا يرحمها ويغفر ليها...أدعي ليها♡...رجع في حضني تاني وصوت بكاهٌ وجع قلبي...فضلنا على الحال ده قريب نص ساعه بعدها سكت لما زحيتهٌ شوية لقيتهٌ نام...ما حاولت اقوم من جنبه خالص..بالعكس رجعت ضميتهٌ وأنا بمسح على شعرهٌ وبقرا قرآن...في اللحظه دي بس أنا حسيت خالد كأنه ولدي مش راجلي♡...صحى بعد مدة بسيطه كان بس بعاين لي...قولته ليهو:-تعال استحمى...قال لي:-أنا عاوز أصلي...قولته ليهو:-طيب استحمى أول وبعدها صلي تعال معاي...قومتهٌ من الأرض...كان ماسك يديني قوي لحدي ما مشينا غرفتنا...طلعت ليهو غيار وخليتهٌ يخش الحمام..في الاثناء دي مشيت عملت عصير..وجيت راجعه جهزت المصلاية والمصحف والسبحه...طلع من الحمام وهو عيونه مورمة...وقف في المصلاية وبدأ صلى...كان بيبكي وبصلي لما خلص.....سلم وفتح المصحف "سورة يس"....بعد وفاة خالتو حواء هو قطع صلاته وما كان منتظم فيها وأحياناً بجمع الأوقات...بعد خلص قراية...بقى يدعي ويتوسل لرب العالمين...لما بدا يبكي تاني...جيت وقومته خليته يقعد في السرير...قال لي:-أنا مصدع شديد...قولته ليهو:-طبيعي من البكى بس...ح أجيب ليك مسكن وعصير ثواني...مشيت المطبخ بسرعة جبت الحاجات وجيت...بلعتهُ المسكن وشربتهٌ العصير...كنت واقفة قصادهٌ قولته ليهو وأنا بمرر يدي على شعرهُ:-محتاج حاجه تانية !!..ضماني من النص وهو بقول:-خليك جنبي....ما تخليني براي. *"بين يداي طفل وأمام قومه سيد الرِّجال♡"* *"على لساني"* _كنت في الشغل وبتكلم مع هدى..معاها فرح وعاملين قعده قهوة...فرح قالت:-تعالي الجو ده ما يفوتك...قولته ليها:-ياريت ياخ..لكن الشغل لراسي...جوير كيف بالله !!..هدى قالت:-أسكتي ساي...بكى شديييد...قولته ليها:-أستحملي أستحملي...فرح قالت لي:-ياخ حاولي تجي...قولته ليها:-والله يا فرح ما بقدر...غير الشغل انا حاسة نفسي ما كويسة...لي يومين ما طبيعية وكل ما أقول أمشي المستشفى بكسر الحنك...قالت لي:-أمشي يا بت..يكون إرهاق...الفترة الفاتت ما ارتحتي انتي...قولته ليها:-أي طالعه من هنا على المستشفى طوالي...هدى قالت لي:-اتصلي بعدين وريني حصل معاك شنو !!...قولته ليها:-حاضر..يلا بايات...قفلت منهم وواصلت شغلي لحدي الساعه 4...هادي إتصل علي وقال ح يتأخر لبعد المغرب عندهٌ كذا مشوار...طلب مني أرجع مع ابوهٌ...خلصت شغلي حوالي الساعة 4:30 وطلعت على المستشفى بدون أكلم عمو الجيلاني....لما وصلت وقابلت دكتورة هناك طلبت مني أعمل فحص...عملتهٌ وأخدتهُ المعمل...ناس المعمل قالوا النتيجه بتاخد نص ساعة...كنت قاعده وبدردش مع لميس...حكت لي الحصل مع خالد وأنهٌ بدا يتعافى والحمد لله♡...لما النتيجه طلعت شلتها ومشيت للدكتورة....كانت بتعاين مرة في النتيجه مرة لي...قولته ليها:-في شنو يا دكتورة...قالت لي:-نظراتي وترتك ولا شنو !؟...قولته ليها:-يعني...نوعاً ما...قالت لي:-لا ماف حاجه خطيرة...بالعكس...أنتي حامل....لما قالت كده كنت بعاين ليها بإندهاش على خلعة...مشاعر كده ملخبطه...قولته ليها:-أنتي متأكدة ؟؟...قالت لي:-ودي عاوزة كلام😂...أيوة حامل..وبعدها بدت تتكلم وانا ما معاها أصلاً..إلا لما قالت:-ودي شوية فايتمينات لازم تاخديها وتجيني كل بداية شهر...ألف مبروك♡ _طلعت من المستشفى وأنا ما فاهمه شيء...الدنيا كلها بقت في عيني قلوب قلوب...كنت ببتسم كل ما أتذكر جملة "أنتي حامل"...ما كنت محتاجه وقت عشان استوعب...أنا مستوعبة ومبسوطة وسعيدة جداً♡...وصلت البيت...مسيت على عمو وخالتو...طلعت فوق وأنا البسمة ما فارقت وشي...إتصلت على هادي وقولته:-وين أنت؟!...قال لي:-ربع ساعة وأكون معاك...كويسة أنتي؟؟...قولته ليهو:-أيوة كويسة...قال لي:-طيب عاوزة حاجه !!...قولته ليهو:-لالا...بس اشتقت ليك...قال لي:-ما أكتر مني♡...كده لما أجي...قفلت منهٌ وأقرب توب لبستهٌ ومشيت السوبر ماركت... !! *"على لسان لميس"* _لحدي بعد المغرب خالد كان نايم وبكل هدوء...كنت بعاين في ملامحه وإتأكدت قدر شنو الحزن ممكن يغير البني آدم جوه وبره...صحى لما أنا أتحركت...فتح عيونه وقال:-المغرب أذن !!...قولته ليهو:-أيوة قبيل...قال لي:-ما صحيتيني ليه !!...قولته ليهو:-كنت نايم نومة حلوة شديد وعميقة...قال لي:-طيب ح أقوم أصلي....قمت معاهو...إتوضينا وجينا صلينا...بعدها قعدنا في الصالة...هو ساكت وأنا ساكته...فجأة دموعه نزلت وقال:-أستغفر الله العظيم بس أنا للحظه ما قادر استوعب أنو أمي ماتت...حاسس لو مشيت بيتنا هي ح تفتح الباب وتستقبلني زي كل مرة...ح اشوفها حايمة في الصالة...بتتونس مع بناتها أو قاعده مع خالاتي وبتضحك...حاسس لو دخلت غرفتها ح القاها قاعده بتصلي وزي كل مرة اقول ليها بقيتي عجوزة وبتصلي في كرسي...حاسس لو مشيت ح القاها في المطبخ وزي كل مرة بتبهني على أكلي وتوصيني علي...لميس أنتي فاهماني بقول في شنو !!...قولته ليهو:-مش انت مؤمن وعارف إنو الموت علينا حق...ما تعذب نفسك...أمك محتاجه دعواتك وصدقاتك...صدقني هي مستنية منك كده...ما تخليها تستنى كتير...مسح وشه وقال:-اللهم لا اسألك رد القضاء ولكني اسألك اللطف فيهٌ...الصبر من عندك يارب...يارب تصبرني على فراق أمي...ختيت يدي واحده على كتفه والتانية لفيت بيها وشه ناحيتي وأنا بقول:-إن شاء الله ربنا ح يصبرك ويقويك يا حبيبي...مرت شهور وأنت زي ما أنت...أخوانك كلهم مستنين رجعتك دي...شغلك دراستك...في حاجات كتيرة ما ينفع زول غير خالد يعملها...وأمك ح تكون مبسوطة بإذن الله♡...شال يدي وباسها...قال لي:-ربنا ما يحرمني منك...لا اشوفك في ضيق ولا اشوف فيك شر....ضميته وانا من جواي بقول اشتقت ليك شديد يا خالد...همس لي ب:-حقك علي...قولته ليهو:-هشششش...ما عاوزة أسمع حاجه...أنت حالياً كويس وأنا بيك ببقى كويسة شديد.... ! *"على لسان هادي"* _رجعت البيت مٌرهق وكنت بس عاوز متين اصل السرير وأنوم...طلعت فوق..إيناس كانت راقده في السرير...قولته ليها:-يا إيناس..مساء الأناناس...ينفع أتباس؟؟...قالت لي:-نعسانة يا هادي...قولته ليها:-أنا نعسان أكتر منك...ح أستحمى وأنوم أصلاً ما ح أشتغل بيك...عاينت ناحيتي وقالت:-هادي في التسريحه خاته تلفوني..ناولني ليهو...قولته ليها:-عاوزة بيهو شنو !...قالت:-الشمار بقتلك لو ما عرفت...جيبو يااخ...مشيت التسريحه ورفعت التلفون...قبل أتحرك عاينت للمراية...كان فيها جٌملة مكتوبة بالروج...كنت بعاين لإيناس وبعاين للجملة...وهي خاته يديها في خدها...قريت الجٌملة وأنا بعاين ليها :-I will eat you again...عايني بتهظري أنتي ولا بتتكلمي بجد عشان بس ما اتحمس ويطلع هظار بايخ...ضحكت وقالت:-لا والله...سأنجبك مرة أخرى جد جد يا بيب😂♡....مشيت وقعدت جنبها في السرير وبهمس قولته:-أها أقنعتك ولالا !!...ضربتني في خدي وقالت:-أحترم نفسك...ختيت يدي على بطنها وأنا بقول:-يا حلو أحم أحم...أنا أبوك♡....كانت بتعاين لي وبتضحك..قالت:-مجنون يا هادي...ضميتها وأنا بقول:-يا حبيبي إن شاء الله ربنا يحفظه ويجينا بألف صحه وسلامة.... _فرحتي بحمل إيناس كانت بتساوي فرحة زواجي منها...أنا عمري ما أتوقعت في يوم أتزوج واحده زيها وأحبها الحب ده كلهُ وتحبني كده !!...دايما أقدار ربنا لطيفة ومٌبهرة...الحمد لله دايماً وأبداً... !! *"أحداث تمحورت فيما بعد"* *"على لساني"* _شاركت صحباتي وكل البحبهم بالخبر الحلو ده...هادي كان بوصلني الشغل وبرجعني منهٌ..وعمو الجيلاني ما قصر بخليني اطلع قبل نهاية الدوام بساعتين😂😂...ومن منبري هذا بقول ليكم أنا عندي ألطف حبيب وأحن زوج في العالم.... ! _هدى تمت الاربعين والحمد لله...ابوها عمل ليها ارهب سماية ومن بعدها طوالي جهزت كافة اوراقها ومشت قدمت في شركة إتصالات غير الكانت شغالة فيها وإتقبلت♡... رغم إننا كلنا عارفين قدر شنو متعلقة ببتها وما نفسها تخليها وراها...بس الشغل كان ضرورة لابد منها...هدى رجعت لشغلها وإيفنتاتها وكل تفاصيلها القديمة...بس الفرق إنها رجعت قوية بحق وحقيقة مش مجرد كلام يتقال وخلاص♡ _لميس زوجها رجع طبيعي والحمد لله والفترة دي هي مضغوطه معاهو لانو في أخر سمستر إضافة لشغلها وإجتهادها فيهٌ...في الحقيقة لميس مثال للزوجة الحقيقية...لانو كلمة مثالية هنا ماف...بس حقيقية بمعنى إنها إنسان بيغلط وبطبطب وبصلح الغلط وبواسي وبرحم نفسه وغيرهٌ وكل التفاصيل دي...فأنا مبسوطة منها شديد♡ _فرح الباطلة زي ما بتسميها هدى زمان😂بتجهز الأيام دي لعرسها والتفاصيل الحمااااس ألف...أي نعم العريس وضح ظروفه وإنه ح يعمل عرس على الضيق..بس نحنا ما صحبات من فراااغ ابداً ولا ح نكون...إتفقنا أنا وهدى ولميس نعمل ليها حفلة حنه صغيرة وإن شاء الله ح تعجبها... !! *"على لسان عمار"* _اليوم أنا متواجد في بيت خالد ومعانا أحمد وعمهم الكبير...عاملين قعدة صغيرة...أنا طلبت نقعدها عشان اوضح لأحمد كل التفاصيل الفايته عليهٌ هو والبقية....لميس كانت واثقة فيني وسمحت لي أتكلم واوضح كل حاجه حتى بدون أخد رايها في اي كلمة أقولها...فتحت الموضوع وأتكلمت بكل صراحه ووضوح...عم خالد كان متفهم الوضع أساساً وزول ماشاء الله عليه عاقل جداً...أحمد في الأول كان ساكت...بعدها قال:-الموضوع ده جد جد صعب...أنا ما عندي مشكلة في القلتو ده ومتقبلهٌ وفاهمكم...بس يا خالد أنت فكرت اخوانك وأخواتك ردة فعلهم ح تكون كيف...أمي لو كانت هنا ح تتصرف كيف ؟؟!..أنا ما ضد لميس ولا ضدك يا عمار...بس قصتكم دي تشيب الراس وتخلي الواحد مستغرب وما ح يعرف يتصرف كيف...عمو قال ليهو:-أسمع يا ولدي...القصة دي لا بدت الليلة لا أمس...ليها سنين وعدت...وأبوهم ذاتو ربنا يرحمه ويغفر ليهو...يعني ماف زول مننا ليهو الحق يحاسب لميس أو أمها...الكبير الله...نحنا علينا نتقبل الوضع الحاصل وخلاص...وأمك الله يرحمها أتوفت ماف داعي تقول ح تتصرف كيف ولا ما ح تتصرف كيف..نحنا بنتكلم في اللحظه دي وعلينا بالناس الموجودين ولا شنو يا ولدي...أحمد هز راسه بتفهم وقال:-بس أنا ما ح أقدر أكلم البقية بحاجه زي دي....الموضوع حساس...وأنا ما بقدر أتوقع ردات الفعل...عمو قال:-أنا بتفاهم معاهم وبوضح ليهم...من دربي ده مارق عليهم...قولته ليهو:-أجي معاك يا عمي...قال لي:-لالا يا ولدي...ما تخاف عمك شديد وحاسم...بتكلم معاهم وإن شاء الله ما يحصل إلا كل خير... _بعدها أحمد وخالد طلعوا مع عمهم..لميس كانت مدمعه...ضميتها وأنا بقول:-في شنو اسي بتبكي مالك !!...قالت:-ولا شيء...حسيت براحه بعد الحصل...قولته ليها:-ولسه ح ترتاحي... مش قلت ليك أخوك جنبك ما تشيلي هم♡! *"على لسان خالد"* _ونحنا هناك...عمي قاعد بين نون و ديدا...والبقية قاعدين جنبي أنا وأحمد...عمي كان بيحكي القصة وسط دهشتهم وإستغرابهم التام..وكل واحد بعاين لي بعين براهو...بعد عمي خلص كلامه...أول زول إتكلم كانت نون...قالت:-يعني أنت كنت عارف هي شنو وبعد ده إتزوجتها...ليه يا خالد تعمل كده وأنت واثق ومتأكد إنو ماما ما كانت ح ترضى !!...قولته ليها:-بعيداً عن موقف أمي...كيف هي شنو؟؟..لميس بت ناس ومتربية أحسسن تربية وما شفت منها شيء شين يخليني اتراجع عن قرار الإرتباط بيها...أنتي نفسك يا نون..شفتي منها حاجه كعبة ؟؟...سكتت ساي...قولته ليها:-حصل عملت تصرف ما عجبك...حصلت بالغلط عملت حاجات زعلتكم !؟؟...لميس ما بتقدري تقولي فيها حاجه...لأنكم كلكم ما شفتوا منها غير كل خير...قالت لي:-بس دي بت...قاطعتها:-حاجه وحصلت وهي ما عندها ذرة دخل فيها....أسمعوا كلكم وبإختصار شديد أنا متزوج لميس دي ومبسوط معاها وعارف تماماً هي شنو...لا شفت منها كعب لا شفت من أخوها كعب...أولاد أصول ومتربين صاح...عاوزين تتقبلوها أهلاً وسهلاً...ما عاوزين براحتكم ما ح أجبركم....دي مرتي ودي حقيقتها...وأنتو أخواني على العيين والراس بس كل كوم وحقهٌ براهو....سلام عليكم "قلت كلامي ده وطلعت خليتهم♡" *"قبل حنه فرح بيومين"* *"على لساني"* _يعني عاوزة تمشي وترقصي وداك يا الحماس والإنفعال مش !!...ده هادي كان بتكلم معاي وبناقشني في موضوع الرقيص...قولته ليهو:-يا حبي...رقيص شنو البرقصو هو أنا فيني حيل...والله من الكرسي ما بقوم...قال لي:-لا ما بضمنك...قولته ليهو:-أعمل شنو طيب...قال لي:-تتكلمي معاي فيديو لما الحفلة تخلص عشان أتأكد جد جد أنك ما ح تقومي من حتتك...قولته ليهو:-ده جن جديد صح...يا ود والله ما برقص...شترة ذاتي ريح نفسك...قال لي:-بطلي بطلي بالله...ده شرطي يا إما توافقي يا إما...رفعت حاجبي...قال لي:-يا إما ما توافقي..في الحالتين ح تمشي يعني...ما بقدر على زعلك♡...قولته ليهو:-ايوة كده إتعدل....قال لي:-إيناس بجد...أنا عارف إنك ما بتتوصي...بس خلي بالك على نفسك شديد وطول ما انتي هناك لو اتصلت ردي وطمنيني...قولته ليهو:-بس كده...حااااضر♡...باسني وقال:-بحبك♡وبتموتي فيني.. ! *"على لسان عمار"* _حوالي الساعة 5 كنت مع ديدا في شارع النيل...بنتكلم عن كذا موضوع...أو بالأحرى هي بتتكلم وأنا سرحان فيها وبسمعها...قالت لي:-هي ها...ح تسحرني ما تعاين لي بالطريقة دي...قولته ليها:-غني لي طيب...وبعدها ح اقول ليك حاجه سمحه...قالت:-أممممم طيب Drawing me in, and you kicking me out You"ve got my head spinning, no kidding, I can"t pin you down What"s going on in that beautiful mind I"m on your magical mystery ride And I"m so dizzy, don"t know what hit me, but I"ll be alright My head"s under water But I"m breathing fine You"re crazy and I"m out of my mind Cause all of me Loves all of you Love your curves and all your edges All your perfect imperfection Give your all to me I"ll give my all to you You" قولته ليها:-ممكن الزول بعد الطرب الجميل ده يقول ليك...تتزوجيني عادي صاح !!♡ -------------------------------------- --------------------- *☆نتلاقي💙☆☆* *بــــــــــــــيــــــــــــــــــــجــــــــــــــة*