*#عكس_التيار《49》* *#بقلم_إيناس_ادم (ننس تمدين)​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​*‏​​‏​​‏​​‏​​‏​​‏​​‏​​‏​​‏​​‏​​‏‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​"فلنتقدم نحو... الأحداث المٌرضية♡" "على لسان ديدا" _ لما عمار قال كلامهُ ده بقيت أعاين ليهو مسافة...قال لي:-سكتي يعني يا أم كلام كتييير...قولته ليهو:-كلام كتير في عينك..كيف تقول لي كده😭...قال لي:-الله !! وأقول شنو مثلاً..يا بت أنا بحبك وشيء طبيعي أتزوجك...مستنية مني شنو أنتي غير دبلة !!...دموعي جات نازلة وبقيت امسحها بهبل وأنا بضحك...قال لي وهو بمسك يدي:-خلاص ما نتزوج...تجي نمشي ال...فكيت يدي منه وحمرت ليهو...ضحك وقال:-أحلى حاجه فيك بعد كلامك الكتير طبعاً...أنك خجولة لأبعد حد..وأنا شماسي ساي يا ديدا خجلك ده ما بنفع معاي لقدام...سكت ساااي ولساني كأنه إتبلع...واصل كلامه ب:-أنا حكيت ليك بعلاقاتي السابقة وصارحتك بأي شيء...أنا قدامك عمار كمال الدين زي ما هو جوه وبره...حبيتك ومليتي عيني وما أظن عيني تزوغ تاني إلا على واحده بس غيرك...قولته ليهو بسرعة:-ودي منووو كمااان !!...قال لي:-بتي وبتك...بتنا♡ _ونحنا في العربية ما فتحت خشمي بحرف..عمار بس اللي كان بتكلم وبخطط للجاي وبكل حماس كمان♡...أنا مبسوطة شديد...سبحان الله كيف أول ما عرفته كان غياظ وسغيل وتقيل...وحالياً ماف أحن ولا ألطف ولا أروق منه...لو كان بمقدوري أحكي للعالم كله قدر شنو أنا بحب الإنسان ده...ما ح أقصر والله♡ "على لسان عمار" _ديدا الطفلة الرغاية♡..البت الوحيدة القدرت تكسبني والقدرت تخليني أحبها وأتعلق بيها وكأنه ماف غيرها في الدنيا....من واحد نسونجي درجه أولى...لواحد ماسكه قلبه وعقله بت وااااحدة....ما لقيتها بالساهل...ومستحيل أفرط فيها....قبل تنزل من العربية...قالت لي:-أنا لما فتحت ليك قلبي صراحه صراحه ما كنت متوقعة منك تحافظ عليهٌ...بس أنت كل مرة بتثبت لي أنك متمسك بي وعاوزني بكل العيوب الفيني...قربت منها شوية وقولته:-عيوب !!...لا معليش يا أستاذة أنا حبيبتي خالية من العيوب والمساويء...أنا حبيبتي كلها على بعضها مميزات...ولو حتى أتوجدت العيوب دي...ففي النهاية هي فيك أنتي وأنا بحبك أنتي كلك على بعضك...جملة وتفصيل♡! "نفس اليوم ليلاً" "على لساني" _خالتو سٌهير وعمو الجيلاني طلعوا لعرس قرايبهم...أنا وهادي كنا تحت متابعيين برنامج...بعدها هادي مسك تلفونه وبدا ينزل ألعاب جديدة...قمتٌ ودخلت المطبخ نفسي هفتني على كيكه...ناديت هادي ب:-يا هادي...هادي...حبيبي ممكن تجيني ثواني بس...جاني وقال:-في شنو...عاوزة حاجه!؟...قولته ليهو:-عاوزاك تعمل لي كيكه...قبل اليوم حرقت واحده لو متذكر...فأنا حالياً عاوزاها...قال لي:-الفتيات غالباً يفشلن في صنع الحلويات، لأن الأشياء لا تصنع نفسها♡..قولته ليهو:-لا يحبيبي أنا فاشلة في كلو..بعرف أحبك...ينفع أحبك وبس ولا يفتح الله !!...قال لي:-فصلتيني فصلتيني🙈...عاوزة كيكه شوكلت ولا عادية !!...قولته ليهو:-أي شيء بس...روحي حرقتني...قال لي:-طيب حاضر...إرتاحي أنتي بس وأنا ح أظبط الوضع...شلت تلفونه وفتحت لي لعبة...كنت بلعب وهو بونس فيني وعلى أساس بفهمني كيف أعمل كيكه... _خلص منها وجابها لي...قولته ليهو:-الله...شكراً♡...قال لي:-تأمريني أنتي بس...حقيقي هادي طباخ طباخ...تاكل من أكلهٌ ما تدي الجنبك🙈♡...بعد خلصتها كلها طلعنا فوق...وقفني قدام التسريحه وقال:-بالله دي حالة واحده عرس صحبتها الجمعه الجاية...قولته ليهو:-ياااخي تسريحهٌ غلبني...قال لي:-أنا بعمل في شنو...وريني بس...أسرحك وأحممك وأشيلك فوق راسي بس أنتي تكوني مرتاحه♡...قولته ليهو:-هاااادي ما مطمنه ليك...شنو الرومانسية والحنية المفرطه الوقعت فيك دي...أتزوجت علي ولا حاجه!!...فكاني وقال:-تصدقي غلطان...يلا سرحي شعرك براك...نازل أعمل قهوة... نزل وخلاني بضحك عليهٌ... !! "على لسان آسر" _كنت بتكلم مع فرح عن تفاصيل العرس وحنتها♡...كانت مبسوطة وهي بتحكي لي عن إنهٌ صحباتها إتبرعوا ليها بحفلة الحنة...قولته ليها:-أها وح تلبسي فستان كيف !!...قالت لي بخجل:-رسلتو ليك واتسب...قولته ليها:-أمممم...الحفلة مقفولة هي صح !! بنات بس !!...قالت لي:-أيووون...عازمة بنات الجيران والأهل وزميلاتي في الشغل واللي كانوا معاي أيام الجامعه وخلاص...قولته ليها:-لالا تمام...بس عايني الصور تصلني قبل الحفلة مفهوم...ضحكت وقالت:-قبل أطلع من الكوافير ح أتصور ليك صور كتييييرة...قولته ليها:-كلها ايام بس...قادرة تصدقي !!...قالت:-قادرة اصدق...عارف ليه !!...عشان أنت حبيتني بجد وعشان أنت نضيف من جوه وعشان كل حاجه حقيقية...أنا بحبك بجد والله العظيم يا آسر...قولته ليها:-يا روح آسر أنتي♡...طيب عايني قدامي شغل اخلصه وأرجع ليك...قالت :-طيب حبيبي....وعلى كده قفلنا _فرح البريئة حبيبتي♡...أنا ممتن لكل التجارب الظروف والقدر الجمعوني بيها...لولا التجارب دي أنا ما كنت كسبت قلبها...صح إتعذبت شوية في الأول...بس بعدها فهمتها...حولت خوفها لطمأنينة...وزرعت جواها أمل وحب ما ح ينتهوا مع الأيام ولا حتى السنين.... "سيدة قلبي والملكة...أنا لكِ الآن إلى النهاية وما بعدها" "على لسان خالد" _كنت بقرا ولميس نايمة نوم عميق...قفلت الشيت وجيت رقدت جنبها...كنت بهبش شعرها بحنية وبتذكر كيف كنت بعاملها ايام وفاة أمي...كيف هي كانت بتحتويني..برغم من كل الطلع مني علبها من زهج وعصبية وتصرفات غريبة...هي إختارت قٌربي ما بٌعدي♡...بٌستها في راسها مسافة...صحت وعاينت لي...قالت:-ما نمت لسه أنت !!...خلصت الشيت ولالا !!...قولته ليها:-لسسسه...قلت أجي أستمد طاقة من هنا وأرجع أواصل...باستني في خدي وقالت:-بالتوفيق يا حبيبي...قولته ليها وأنا بمرر يدي على خدها:-كنا وين وبقينا وين !!...الأحلام طلعت بتتحقق فعلاً...قالت لي:-أنا حلم وعمر لخالد وح افضل كده♡...باقي حلم التخرج...شد حيلك بس وفرحني بيك♡...ضميتها وقولته:-حاضر.... _لميس...أو البت الما كنت بحلم بغيرها...ما ح أقول عنها ولا كلمة...لأنو ماف كلمة بتوصفها..ح أكتفي بس بدعوة وهي :-اللهم أحفظها لي وأحفظ قلبي لها وأجعلها مباركة محبوبة اينما حلت وأجعلني ليها خير زوج وخير سند...إن مالت إتكأت على قلبي يا الله ♡ "على لسان هدى" _جوير أقيفي...يعني ما ح تلبسي البامبرز ولا شنو....وقفي لِعب...سمعت ضحكه ماما..إلتفت على باب الغرفة..لقيتها واقفة وماسكه البِزة...قالت لي:-نفس حركاتك وأنتي طفلة...قولته ليها:-مستحيل...كنت شليقة كده !!...قالت لي:-يييك اسكتي...بقيت اشاغل في جوير وأقول:-معقولة ماما كانت زيك كده...لالا...لبستها البامبرز وملابسها...شلت من ماما الحليب وبقيت أشرب جوير...ماما باست راسي وقالت:-غطيها كويس...يلا تصبحوا على خير...قولته ليها:-تلاقي الخير....بعد ما جوير خلصت الحليب...رقدتها جنبي وبقيت أعاين ليها...أنا مبسوطة بيها...عشان التغيير الحصل أخر فترة كلهٌ بسبب جوير♡...أنا قوية بيها...كمان يومين تلاته وتعمل شهرين...أحلى شهرين في حياتي كلها...ولسه الجاي أجمل وأظبط بإذن الله....بُستها وحصنتها وبعدين نامت. !! _بكرة عندي إيفنت مهم جداً بالنسبة لي...ح أتكلم عن المرأة المطلقة والحياة ما بعد الطلاق...قبل أنوم ودايما كنت متعودة أصلي ركعتين وأقعد أدعي لأدهم...أهله لسه زي ما هم ما أتغيروا ولا ح يتغيروا...رزان الوحيدة المتواصلة معاي وكل نهاية اسبوع بتجي تشوف بت اخوها ♡♡ "يوم الحنه" "على لساني" _صحيت الصباح بمكالمة من هدى..رديت ب:-يا بتي...قالت لي:-يا أمي...قومي صحصحي ورانا حننننه💃...قولته ليها:-يدوب صاحية..أظبط أموري بس وبتحرك عليكم...قالت لي:-طيب تمام..أنا في الشغل تخيلي ومعاي جوير...عاوزة بس أقعد ساعتين وأتحرك...قولته ليها:-طيب حلو...قفلت منها وقمت على الحمام...طلعت لقيت هادي بتكلم بالتلفون...مكالمة فيديو مع سالي♡...قال لي:-دي سالي...وقفت جنبه وسلمت عليها وسألتها من اخبار إيهاب...بعدها خليتها تواصل كلام مع أخوها...محور كلامهم كله "أنتي كويسة صح..مبسوطة هناك...أنا الفاقدك ما أنتي...هادي نفسي أنزل السودان عشانك..هادي محتاجه أطلع معاك زي زمان...هادي هادي... الخ♡♡"....كنت مبسوطة بحواراتهم دي..بس ابداً ما حاسدة سالي...لأنهٌ أنا عندي أربعة شباب كل واحد بنافس أخوهٌ في طريقة يبسطني بيها....الأخوان نعمة من رب السماء..بغض النظر عن كل التصرفات الما حلوة اللي أحياناً بتطلع منهم...بس هم نعمة وسند حقيقي♡ _جهزت نفسي وطلعت طوالي على بيت ناس فرح...بيتهم كان مزحوم ببنات أهلها والجيران....حبوبتها اول ما شافتني أنا ولميس قالت:-هيي يا بناتي كيفنكن...طولتن عديييل...سلمنا عليها وطمنتنا على صحتها...سألتها:-يا حبوبة وين العروس...قالت لي:-ها المجنونة دي حايمة من غرفة لغرفة..لميس قالت لي:-حايمة !!...فرح دي مستحيل تكون طبيعية...قولته ليها:-كده تعالي...قلبنا البيت فوق تحت...لقيناها قاعده في غرفة أبوها...ماسكه صورتهٌ وبتبكي...لميس قالت ليها:-وه..إتخلعت وعاينت لينا...ضمتني وهي بتقول:-ما عاوزة أعرس انا...ما بقدر أخلي أبوي...قولته ليها:-خلي الهبل والعبط...أبوك بمرتهٌ...الدور والباقي عليك...بكت أكتر وهي بتقول:-عمري ما أتخيلت يجي يوم وأمشي اخليهٌ...إيناس ما عاوزة ياخ ما عاوزة...زحتيها مني ومسحت ليها دموعها وأنا بقول:-عمو ح يمشي وين يعني..قااااعد بعد تقضي شهر عسلك تجي وتقعدي معاهو😂😂بطلي بكى وعوارة أنتي عروس♡...لميس قالت ليها:-أيوة يلا ألبسي ليك اي عباية...ح أمشي معاك الكوافير...قولته ليها:-يا سلام تمشي معاها وتخليني أتمرمط هنا براي...قالت لي:-ما تثيري الجدل...أنا أمس الليل كله مساهرة مع خلودي بنذاكر...قولته ليها:-مذاكرة لكن...قالت لي:-والله بنذاكر🙈♡...المهم خليك هنا...هدى بتجي أسي...ساعدوا الناس لو في أي شيء ناقص...ولو أحتجتوا حاجه برضو أتصلوا علي...جرت فرح من يدها وطلعوا خلوني... _أستنيت هدى جات...كنا قاعدين وبنتفرج في الناس بس😂😂😂أنا بوصف ليهم يعملوا شنو ويخلوا شنو...وهدى ماسكه جوير وبتلعب فيها...غايتو ح يكون كرهونا شديد😂😂😂....لحدي بعد المغرب لميس إتصلت علينا وكلمتنا أنهم خلصوا خلاص...هدى قالت ليها:-غايتو الصالة المتحركة أتعملت قبيييل والتصوير جاهز وكل حاجه...حتى الفنانة جات...لميس قالت:-وأنتو لبستوا ولالا؟؟...قولته ليها:-صراحه انا بتحول من سرير لسرير وهدى مع جوير شغلتها...قالت:-كلبات أنتو !!..أتنفضوا سرعة اجهزوا....بعد مكالمتها دي إحترمنا نفسنا وقمنا بسرعة جهزنا روحنا😂❤... !! "على لسان لميس" _وأنا بعاين لفرح بتذكر عدد المرات القلنا ليها فيها باطلة وما قادرة تتجاوز او تعيش من غير عمار...سبحان الله كيف هي حالياً مع واحد تاني تحبه وبحبها اضعاف...مبسوطة والسعادة مالية وشها..كانت لابسة فستان اقل ما يقال عنهٌ خُرافي...بسيط في تصميمه بس جاذب...أنا كنت لابسة توب رمادي فاتح عليه كحلي غامض...راسمة رسمة بسيطه...عم فرح هو اللي جاا ساقنا من الكوافير♡...لما وصلنا البيت الحفلة كانت شغالة...أنا والبنات وبمساعده من ابو فرح و بدون ما هي تعرف جبنا الصالة المتحركة دي والفنانة... "ندى القلعة" لأنه فرح بتحبها جداً...هي لحدي لحظه وصولنا ما كانت عارفة الفنانة منو....وسط الإضاءة والتصوير وكمية الزغاريد وبوري العربية...نزلت أنا وفتحت الباب لفرح..نزلتها براحة ودخلت بأغنية "سمحه وسمحه مافي زول بشبهها♡"....لما وصلنا نص الساحه وعاينت لندى اللي إبتدت تغني "عٌزاز علينا♡"....كانت بتعاين لي مرة ومرة تعاين لهدى وإيناس اللي كانوا واقفين جنب ندى وبرقصوا بحماس عالي....الحفلة كانت مٌبهجه شديد....هدى لبست فستان وإيناس لبست توب لونه زيتي عليه دهبي...كنا محتليين الساحه وما قعدنا ولا لحظه...بس إيناس لما تنفعل بنخليها تقعد...ما بنقدر على هادي بعدين والجوطه😂😂♡.. !! _ندى ختمت الحفلة ب أغنية "الليلة سار عجمي♡" وحبوبة فرح كانت الملكة💃❤...بعد الحفلة وقبل ما نمشي بيوتنا...فرح مسكت فينا وقالت "أنتو ما صحبات..أنتو أخوات والله يا بنات ♡" "على لساني" _هادي جاني بعد الحفلة خلصت...غلطت غلطة عمري لما قلت ليهو رجولي وجعتني...طوالي هاج فيني:-كلمتك أنا وحذرتك صح...بتموتي والله يا ننا بتموتي لو ما سمعتي كلامي...أها وإن شاء الله ضهرك برضو واجعك !!...بقيت أعاين ليهو وساكته ساي لانهٌ فعلياً ضهري واجعني...قولته ليهو:-عاوز الصراحه !!!...قال لي:-ايي..قولته ليهو:-واجعني والله يا هادي...قال لي:-الله أكبر...ده الكان ناقصك...عايني انتي يوم العرس الواحد يربطك في كرسي ولا يعمل شنو بالضبط عشان تسمعي الكلام...كدي وريني بس...مسكت يدهٌ وقولته:-والله والله...وأهو حلفت ليك...ما ح أرقص ولا شيء...قال لي:-صدقتك...وصلنا البيت خلاني اطلع السلم درجه درجه لما وصلنا فوق...غيرت ملابسي وجيت رقدت...كان بعصر لي رجولي وهو زهجان مني 😂...لحدي ما نمت... "على لسان آسر" _كنت مخطط لعرس بسيط وما مكلف أصلاً...إتفاجأت لما عرفت أنهٌ عمر ح يعمل صالة متحركة وعامل قومة وقعدة...قدر ما حاولت أوضح ليهو إني كده مرتاح وما عاوز جووطة وحفلة...كان مٌصر...قال لي:-عاين العرس ده ما حقك براك...ما عاوز ترقص نحنا عاوزين نرقص يا زول...أنت خليك قاعد جنب مرتك وأتفرج فينا...قولته ليهو:-أنا مساعده من أبوي رافضها...عليك الله يا عمر مالك...قال لي:-بلا مالك بلا بتاع...وبعدين مساعدة شنو....أنت صحبي وأخوي♡...عرسك ياهو عرسي♡♡♡ "رب أخ لك لم تلدهٌ أمك" الحلقة الجاية تكلمة لدي ذاتها...فحتكون بنفس رقم الحلقة...ظابط !! ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​-------------------------------------- --------------------- *☆نتلاقي💙☆☆* *بــــــــــــــيــــــــــــــــــــجــــــــــــــة* ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏