*#عكس_التيار《50》* *#الاخيـــــــــــــــــــــــــــــرة* *#بقلم_إيناس_ادم (ننس تمدين)​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ *"بعد مرور خمسة سنوات من الحب/المشاكل/الخلافات/التمسك/ليالي البؤس والسعادة♡"* *"البيت وناسهٌ والخمسة سته ال احنا منهم♡* *"على لسان فرح"* _الملفات دي تصلني كمان ربع ساعه...أنا في المكتب لو في أي شكوى تترفع لي قبل الإجتماع...السكرتيرة قالت:-طيب حاضر يا مدام فرح...دخلت مكتبي..ختيت شنطتي على طرف الطاولة وطلعت النضارة الشمسية...كنت شغالة بتركيز عالي وهِمة♡...مرت تلاته سنوات على وفاة عمو حسن وسنتين على إستلامي شركته وإدارتها..وبقية أملاكه ماسكنها أخوانه وأبوي...عمو حسن كان لطييف ومثال حي وحقيقي للمدير المهذب اللطيف اللي بكون همه الموظف يكون مرتاح وتتوفر ليهو بيئة كويسة للشغل..بحاول قدر ما أقدر أمشي بنفس النهج عشان أحافظ على الأمانة اللي خلاها لي....جاني إتصال من أمي..رديت ب:-صباح الخير...قالت لي:-صباح النور...طبعاً يدوب صاحية وإتفاجأت أنك ما جبتي تاليا وياسين اليوم...سوقتيهم معاك الشغل ولا شنو !!..قولته ليها:-لا والله...بس أبوي من أمس قال عاوز يشوفهم...هم حالياً معاهو...بس بليل كده لو قدرنا نطلع أنا وآسر بنجيك♡...قالت لي:-خلاص تمام...يلا أخليك تشوفي شغلك... _بعد الإجتماع..طلعت عشان أفطر...آسر حبيبي المحل بتاعه أشتهر شديد♡...عمل كذا فرع...بس الإدارة كانت في المحل اللي جنب الشركة وهو طبيعي فيهو عشان يكون جنبي♡...مشيت ليهو عمل لي سندوتش وجاب كرسيين وقعدنا برة المحل...كنا بناكل وبنتذكر في أيام زمان...بنتذكر كل التفاصيل والمشاكل الواجهتنا أول زواجنا...بس رغم كده كنا سند لبعض وما أتخلينا عن بعض...واليوم أنا عندي منهٌ ألطف بت وولد...تاليا سنتين وياسين سنة♡!! *"على لسان ديدا"* _كنت بجهز نفسي عشان أطلع على البيوتي سنتر "بتاعي"...عمار ماسك مجتبى وبحاول يسكته...ومازن أصلاً مسكين ما عندهٌ مشكلة وهاديء شديد...عمار قال لي:-ديدا أنا والله جاني شغل مهم ما ح أقدر أقعد مع الشفع ديل...قولته ليهو:-نعم نعم كيف يعني ما ح تقعد معاهم...عمار أنا اليوم مزحومة والشغل لراسي وأنت عارف ده..قال لي:-ممكن تروقي طيب...قولته ليهو:-أروق !!...أروق كييف يعني...هم تلاته أيام في الأسبوع البمشي فيهم ومعروفين عندك...شغلك ده ضروري يتعارض مع شغلي يعني...كنت منفعلة فيهو...خت مجتبى على الأرض وجاني قريب...بقيت أتمتم...باسني وقال:-سوقي معاك مجتبى لانهٌ مزعج زيك...وأنا ح أسوق مازن....متفقين !!!...قولته ليهو:-عمار ما ح يخليني أشرف على شغلي🥺...قال لي:-أتصرفي...ده الحل الوحيد..يا ديدا أنا لو ما مضغوط وشغلي ده مهم ما كنت ح أمشي أكيد...قولته ليهو:-أوووف طيب...شلت لمجتبى كذا غيار وكل حاجه بحتاجها.....بٌست مازن وكنت طالعة...عمار قال لي:-الله...وأبوهم ده هامل بالنسبة ليك ولا شنو !!!..جراني ناحيتهٌ باس راسي وأعتذر عن أنهٌ ما قادر يسوقهم الاتنين معاهو... _أنا وعمار أتزوجنا من تلاته سنوات...خطوبتنا دامت سنتين بسبب خلافات ومشاكل كتيرة...حتى بعد الزواج كان في مشاكل وحوارات...بس كلها فشلت قدام حبنا لبعض♡....عندي منو تؤام شبه بعض لدرجه الناس بتتلخبط فيهم🤦‍♂️..واحد بنفس طبايعي والتاني شايل صفة الهدوء من أبوهُ... مجتبى ومازن عمار كمال الدين♡ "تسعة شهور" *"على لسان هدى"* _السنين العدت دي علمتني حاجات كتيرة..أولها وأهمها أني أبقى أنا بدون نفاق بدون أغش على روحي...بدون أقول أنا قوية ومن جوه هشة....علمتني كيف أواجه نفسي كيف أصلح منها...كيف أحترم الوقت والشغل...كيف أعمل حدود لكل حاجه وأي حاجه...كيف أكون أم بتي وصحبتها الأولى♡...وأنا طالعة الشغل بشرب الشاي بإستعجال شديد ومعاي جوير بتعمل نفس الحركات...ماما قال لي:-براحه يا هدى...عايني خربتي بتك وقعدتي...بابا قال:-نفس العمايل...جوير قالت:-ماما أتأخرنا اللوضة بتكون فتحت...قولته ليها:-أيوة ما عشان كده أنا بستعجل في شُرب الشاي...قلنا بصوت واحد:-خلصنااا♡ودعنا ماما وبابا...مسكت جوير من يدها وشايلة ليها شنطتها...ركبنا العربية وأتحركنا...الطريق كلهٌ كانت بتسمع لي في السور الصغيرة...وصلتها الروضة...نزلتها وبستها في خدها...قالت لي:-بعدين ما تتأخري...قولته ليها:-حاضر عيوني...وح ناكل أيسكريم كمان بعدها نرجع البيت♡...قالت لي:-طيب باي...قولته ليها:-باي _خمسة سنوات مرت كنت فيهم الأم والأب...خمسة سنوات مرت وكل ما جوير تكبر بتسأل "وين بابا_أنا ما عندي بابا؟؟"...خمسة سنوات وأنا لسه ما قادرة أقول حاجه لجوير...جوجو لسه صغيرة وما ح تفهمني...أنا مؤجلة كل القصص والحكايات دي لما تكبر♡ _وأنا في الشغل جاتني مكالمة...دي المكالمة الرابعة من الصباح...رديت ب:-صباح الخير...جاني صوته وهو بقول:-ممكن أشوفك !!...رديت ب:-في الشغل والله...وبعد أخلص ح أمشي عشان أجيب بتي من الروضة...قال لي:-هدى..أعتبرهٌ ده تهرب !!...قولته ليهو:-العفو يا مصطفى بس أنا بجد ما فاضية...قال لي بصورة جاده:-ما فكرتي في موضوعنا !!..سكت سااااي...قال لي:-هدى لو سمحتي فكري...أدي نفسك فرصة وأديني معاك♡...أنا بجد باقي عليك أفهمي♡.. *"على لسان لميس"* _كنت في الوكالة وفاتحه فيديو بتكلم مع صحباتي...فرح في شغلها وهدى كذلك..وإيناس ماسكه واحد من أولادها وبتحاول تنوم فيهٌ...قبل أقفل قولته ليهم:-كان نفسي نتلاقى الليلة بس أنا وخالد طالعين...إيناس قالت:-أبقوا نسوان بس وأتلاقوا من غيري...قولته ليها:-معليش معليش...ح نطلع أصلاً بس للأسبوع الجاي...المهم بايات عاوزة أتصل أشوف خالد وين...قفلت منهم وأتصلت لخالد رد لي ب:-أم عبق...قولته ليهو:-أم عبق في عينك..ح تبقى لي زي ديدا أنت ولا شنو...قال عبق قال...ضِحك وقال:-خلاص ولا تزعلي نفسك يا أم إيفا♡...قولته ليهو:-أيوة كده يا أبو يوسف♡...المهم أنتو وين !!...قال لي:-طالعين من البيت...أنتي كمان أطلعي ونتلاقى في".."...قولته ليهو:-طيب...إيفا لبِسها تقيل وكذلك يوسف...الليلة الجو بارد والله...قال لي:-حاضر... _عدت سنوات طويلة على زواجي من خالد...وكل سنة بحبهٌ أكتر من السنة القبلها...كان عندي مشاكل في الولادة...قبل سنتين بس أتحلت من عند رب العالمين والحمد لله♡...جبت أحلى يوسف خالد الشيخ في الدنيا عنده سنة وإيفا سنتين...عايشين مبسوطين ورايقين الحمد لله...سلمت ل سماح اللي معاي في الوكالة المفاتيح وبعدها طلعت...تعدي سنين وسنين وأنا ما عاوزة أغير عربيتي خالص...لأنها دايما بتذكرني بتفاصيلي زمان وأنها كانت أول حاجه دلت على برجزتي😂♡... *"على لسان خالد"* _اتصلت على لميس كذا مكالمة عشان أشوفها وين بس تلفونها كان مقفول...قعدت شوية جاتني مكالمة من رقم غريب رديت ب:-ألو...جاني صوت بت وهي بتقول:-أستاذ خالد...أنا سماح الشغالة مع مدام لميس في الوكالة...قولته ليهو:-اهلين يا سماح...خير إن شاء الله...سكتت مسافة وقالت:-قبل شوية جاتني مكالمة من...من مستشفى "..."كلموني إنهٌ...إنهٌ يعني...قولته ليها:-في شنو يا سماح...قالت لي:-مدام لميس عملت حادث...بقيت أقول ليها:-حادث...كيف يعني حادث !!...قفلت منها وشلت أولادي...ما عارف كيف وصلت المستشفى بس كنت برجف من الخوف...أول مرة في حياتي أخاف بالطريقة دي...أول مرة أحس أني بجد ح أفقد جزء مني...سألت من لميس وأستفسرت عن حالتها...ماف زول كان بجاوبني...لحدي ما جاا الدكتور...مسكت فيهو وأنا بقول:-مرتي...لميس حصل عليها شنو...يا دكتور لو سمحت طمني...ساكت ليه أتكلم معاي وفهمني....كان ساكت بس وبعاين لي بأسف واضح... *"الكويت"* *"على لساني"* _سنتين مرت وأنا حياتي واقفة بالمعنى الحرفي...صح الأيام بتمر وكذلك السنين بس أنا واقفة في اللحظه اللي خلاني فيها هادي...اللحظه اللي فرقتنا..أنا ما قادرة على حياتي بدونهٌ أبداً...صبرت كتير ولسه ح أصبر كمان...بس كل مرة بضعف أكتر من أول...كل مرة بحس نفسي بفقد فيني...أنا كنت بتقوى بيهو..بس أنا حالياً ضايعة وما عارفة ألقاها من وين ولا وين...ياريتك لو كنت هنا يا هادي !! _مما أستقريت في الكويت لي سنتين مع عمر أخوي ومرتهٌ غدير "أيوة أخت أدهم"...إنسانة مستفزة لأبعد حد...قدام أخوي ملاك ووراهو شيطان رجيم...في اليوم ده تحديداً كانوا طالعين...عمر قال لي:-ننوس نحنا ما ح نتأخر طيب...خلي بالك من نفسك وأولادك لما نرجع...قولته ليهو:-طيب...بعد طلعوا قفلت الباب وراهم... _عندي من هادي الجيلاني ولدين...كريم وعمرهٌ أربعة سنوات...كرم وعمره سنتين ♡♡ !! _كنت في المطبخ بجهز لكرم حاجه ياكلها...جاا كريم وقال:-ماما نزلي لي الكوره من فوق...ماما عاوز ألعب...قولته ليهو:-أوف يا كريم اليوم كله لعب لعب لعب...أسي لو قلت ليك نقعد نذاكر ما ح تقعد لي...نزلت ليهو الكورة وجهزت لكرم أكلهٌ...خالتو سٌهير إتصلت علي مكالمة فيديو...كنت بتونس معاها وبسألها عن الحاصل عندهم وهكذا...قالت لي:-ياهو عايشين يا بتي نعمل شنو...أنتي كويسة وأولادك كويسين طمنيني عليكم !!...قولته ليها:-كويسين الحمد لله...بس أنا زهجت وعاوزة أنزل السودان...سكتت وبقت تشاغل في كريم...سمعت جرس الباب برن...قلت لنفسي يكون عمر نسى حاجه وجاا راجع....قولته لكريم:-خليك بتتكلم مع ماما سٌهير وما تقفل الخط طيب...ح أفتح الباب وأجي....شلت كرم وفتحت الباب...أول ما رفعت راسي إتفاجأت ب سيذر واقف قدامي.. !!؟ *عكس التيار_نهاية الجزء الأول* *البداية يوم:-13\10\2021* *النهاية يوم:-27\1\2022* كل مرة برغي وبرغي وبرغي يدي وجعتني *أحب جداً أسمع منكم المرة دي وأشوف طلعتوا بشنو من الرواية دي♡♡ وإن شاء الله أكون قدرت اسلط الضوء على مواضيع حقيقية وواقعية ومفيدة... !* *وقبل ده أنا شاكرة ليكم جداً جداً لصبركم وتعاونكم ولطفكم...أنا حرفياً بتعامل معاكم كأنكم جزء من أسرتي أو جزء من عالمي الخاص...الله يسعدكم دايماً♡* *نتلاقى في ساعة خير...في جزء جديد من رواية عكس التيار* *بأسم يحمل معاني أٌخرى تفاصيل أخرى وأدق....يناقش قضايا ومشاكل تانية وربنا يوفقني إن شاء الله...* *إستنوني في الجزء التاني* *#وفق_التيار تكمِلة ل* *#عكس_التيار* *#ننس_تمدين* *#الخسيسة💋* *ألـنـهـــــــأيــــــــــــTHE END🔚🔚ـــــــــــــــﻬـﮧ'ةTHE END* *كـــــــــــــــــــــــــــــل الـــــــــــــــــــــــــــــود🌹🌹* *لو عندك رواية دايرة تنسيق في اي وقت مرحبا بيك* *++++966537457485* *#عبد الباقي أحمد محمدزين*