انا لست أنثى ٤ بقلم نرجس الشرق نصر الدين اتخلع وقال لي دي انتي بسوط واطي كده دايره اصرخ خت يدو في خشمي قال لي امك دي دواها طلاق وانتي وهي وبت خالتك ح تكونو في الشارع عشان كده نومي كانو ما حصل حاجه مفهوم ومشى طوالي قمت مشيت على درر لقيتها بتبكي قلت ليها انتي صاحيه قالت لي الكلام ده بتكرر ليهو شهرين وانا تعبت ي هدى انا م ذيك م بعرف اتصرف هسي انتي ليه الناس بحترموك ومافي زول بغلط عليك انا اكيد فيني حاجه غلط صاح وريني ي هدى انا بعمل حاجه غلط تخليهم يتصرفو معاي كده انا لو طلعت الشارع الدكان اي مكان بتعرض لمضايقات انا زوله ما محترمه يعني وبقت تبكي وانا ساكته بعاين ليها قالت لي مالك ساكته انتي قايلاني عامله علاقه مع راجل امك ولا شنو والله ي هدى قلت ليها ليه ما كلمتيني من اول مره حصل كده قالت لي خفت م تصدقوني وخفت خالتي تكرهني وتوديني لي ابوي وانا م دايره افارقك ي هدى قلت ليها انا بتصرف قالت لي اوعي تكلمي خالتي قلت ليها اكيد م ح أوري امي لكن احنا تاني م عندنا قعده في البيت ده قالت لي ح نمشي وين قلت ليها ما عارفه لكن اديني فتره قالت لي والصباح اعمل شنو قلت ليها هو الصباح بتعرض ليك كيف قالت لي لو خالتي نامت أو مرقت طوالي بجي يعمل لي حركات قلت ليها بكره من الصباح نفتش ليك شغل فعلا سقت درر الصباح وقبل نطلع مشيت اشتريت ليها نقاب واديتها عبايه واسعه مني قلت ليها انتي ي درر لبسك وكلامك وحركاتك هي البتجيب ليك المضايقات وانتي ماشاءالله جميله ي اختي والجمال سحار عشان كده حافظي على جمالك ده للبستاهلو في مصانع قريبه من هنا ح نمشي نشوف ليك فيها شغل لكن وشك ده م تفتيحيهو ولبساتك الضيقه دي م تلبسيها مفهوم قالت لي حاضر وفعلا لقينا ليها فرصه في مصنع شوكولاته دوامو صعب شويه ١٢ س بس هي وافقت وقالت دايراه تشتغل انا رجعت البيت امي: مرقتو وين من صباح الرحمن انا : مشيت مع درر قالت عايزه تشتغل في مصنع الشوكولاته امي : وانا هنا قاعده سد خانه بتمرقوا وتشتغلو وما تكلموني انا: ي امي قعدت البيت حاره خليها تشتغل وتغير جو امي: والنضافه والطبيخ والغسيل انتي تطيري الجامعه وهي تشتغل وانا اخدمكم قلت ليها انا متكفله اعمل الحاجات دي كلها قبل امشي الجامعه درر جات من المصنع وكانت مبسوطه وبتحكي لي عن الشغل وكده قلت ليها دخلي سريرك المطبخ واقفليهو عليك تاني انتي ح تنومي في المطبخ وانا بنوم هنا بره مسكت يدي قالت الله يخليكي لي ي هدى وحضنتني سكتت مسافه وقالت لي انا في حاجه خجلانه اقولها ليك قلت ليها شنو قالت لي هدى انتي بقيتي كبيرة ولحدي هسي م جاتك حقت البنات ليه انا جاتني قبل خمسه سنه وانتي لسه قلت ليها والله ما عارفه ي درر انا كلمت امي قبل فتره وقلت ليها نمشي الدكتور. لكن م ردت على درر انتي مش دكتوره المفروض تكوني عارفه السبب وبقت تضحك قلت ليها انا في سنه اولى ثم انا أسنان بعدين الطبيب ذاتو عشان يعرف محتاج فحوصات واجهزه درر خلاص خلاص انا ماشه انوم لكن يوم الجمعه ح احجز ليك عند دكتور جمبنا يتبع