[٤/‏٢ ٨:٠٩ م] ام اميره: انا لست أنثى ه نرجس الشرق مشيت الجامعه وكان عندي صديقه واحده اسمها مريم علاقتنا طبعا م لحقت تبقى قويه شديد لكن كانت زوله طيوبه وظريفه شديد مشينا الكافتريا انا ومريم مريم : خير ي هدى مالك كنتي غايبه هدي: والله ي مريم ظروف بس في البيت مريم : امبارح إيهاب شغال يسأل منك ساي هدى: ده الولد المربت ليهو سنتين ده ما عارفاهو مباريني من مكان لي مكان لي مريم : يمكن يكون معجب بيك هدي: بقت تضحك شديد شوفي ي مريم انا من الله خلقني مافي زول أعجب بي ولا فيني حاجه تعجب اساسا ضعيفه لوني شاحب صوتي خشن يعني مافيني اي معلم بتاع انوثه وإيهاب ده ولد وسيم ومكسر نص بنات الجامعه صحي الله م بدي اي شئ مشكلتو البلاده ريم: ده كلام شنو ي هدى انتي ليه م عندك ثقه في نفسك كده انتي جميله بس صراحه محتاجه شويه اهتمام غايتو كان بقينا حيين ببقيك امزز بت في الجامعة خلصنا محاضرات ومشيت البيت لقيت امي مبسوطه ومتكيفه قلت ليها في شنو قالت لي مروان ود عمك نصر الدين جاهو عقد ومسافر السعودية قلت في سري امي من متين طيبه كده قلت ليها والله ماشاء الله مروان زول طيب ويستاهل كل خير قالت لي يعني موافقه قلت ليها موافقه على شنو قالت لي هو جاني الصباح وقال لي انو انا طالب يد بتك وخجل ومرق كان رفضتي بتدخلينا في مشاكل سكت ومشيت صراحه مروان زول مهذب و وجيه وعكس ابوهو تماما من يوم جينا هنا م شفنا منو حاجه كعبه لحدي المساء كنا بنتغدي درر جات داخله نصر الدين تعالى ي درر اقعدي جمبي هنا عشان تأكلي مروان قال ليهو طبعا ي ابوي انا قبيل كلمت عمتي قلت ليها انا عايز بتك الكبيره درر وعمتي قالت لي انها وافقت يعني هسي رسميا درر بقت بتك نصر الدين تف اللقمه من خشمو وامي شرقت وانا بقيت ما فاهمه حاجه ليه امي كذبت على طيب....... بقلم نرجس الشرق يتبع [٤/‏٢ ٨:٠٩ م] ام اميره: انا لست أنثى ٦ نرجس الشرق قمت على حيلي من الاكل بدون ما أشعر اما درر سكتت بقت ما عارفه تقول شنو واستئذنت جات لاحقاني قالت لي ده كلام شنو ده ي هدى انا متين وافقت قلت ليها عايني ي درر مروان جاهو عقد ومسافر السعودية وافقي احسن ليك الزول ده كويس ممكن بعد يزبط وضعو يجي يسوقك وترتاحي من القرف ده قالت لي انا ما حابه اتزوج خايفه ي هدى خايفه اجيب اولاد واتطلق يطلعو ذي وذيك انا ما ح اتزوج الا اكون واثقه من قراري لأنه مقرره اني لو اتزوجت ما اتطلق ابدا صراحه شفت كلامها منطقي اول مره تقنعني وما اقدر ارد عليها قالت لي صحي عشان ما انسى حجزت ليك عند الدكتور لكن انا يوم الجمعه شغاله أوفر تايم فيهو قروش حلوه معليش ما ح اقدر امشي معاك قلت ليها ما مشكلة نصر الدين مشي لي مروان الغرفه انت مجنون انا مربيك ده كلو عشان تتزوج درر دي مروان مالها درر ي ابوي هسي نصر الدين :بت رخيصه وما مناسبه ليك وبعدين بصراحه كانت بتجيني في الغرفه لمن خالتها تكون مافيشه وبتحصل بينا حاجات لكن انا خفت من ربنا وحذرتها م تعمل كده تاني نصر الدين بقى مصدوم صدمه شديدة وما مصدق البسمع فيهو حتى درر الصباح وهي مارقه لقت مروان اول ما شافاها نزل وشو قالت ليهو عايزه اتكلم معاك قال ليها اتفضلي قالت ليهو انا بصراحة ما عايزه زواج هسي ي مروان انت زول محترم والف بنت... مروان: انا ذاتي ما عايزك ي بت خسارة النقاب وخسارة خالتك المقعداك في بيتها ودخل جوه درر ما فهمت حاجه لكن ما اهتمت والأيام مشت روتينيه مروان سافر وجاء يوم الجمعه وانا من الصباح مشيت الدكتور اول ما دخلت حكيت ليهو مشكلتي قال محتاج اعمل ليك اشعه وشويه فحوصات واداني الأوراق وقال اجيهو بعد النتيجة يتبع