انا لست أنثى ٧ نرجس الشرق رجعت البيت ساعدت عملت الغداء وغسلت العده وجيت قعدت في العريشه اذاكر امي جات سألتني اها ي هدى الدكتور قال ليك شنو هدي: اداني فحوصات قال لي اعملها امي: انتي ي هدى درر قالت حاجه لي مروان ولا عملت حركه من حركاتها للولد عشان كده خلاها وسافر صاح هدى:ما عارفه ي امي لكن درر ما عايزاهو قالت امي : البت لمن تكون سمحه خطابها بكونو كتار والغريبة انو بت خالتك طلعت جميله ذي عكس امها كانت شينه ذيك انا ذاتي استغربت لمن مروان قال دايرك وقعدت تضحك صراحه ما عرفت ده هزار ولا جد ولا الحاصل شنو كلامها جرحني شديد حتى الكم مره البتتونس معاي فيهم ذي الأمهات تكون دي ونستها كتمتها في حناني وابتسمت معاها نصر الدين جاء طلب الغداء ختيت ليهم وقلت ليهم انا بنتظر درر درر جات شايله كيس اسود قلت ليها اشي اشي ده شنو كمان جبت ليك حاجات حار حار بقروش الأوفر تايم قالت لي شوفي فتحت الكيس لقيت فيهو لاب كوت واسبورت اسود ودفتر قلت ليها ده شنو قالت لي دي الحاجات القلتي لي خالتي انك محتاجه ليها لكن ابوك لسه ما رسل ليك القروش انا يومتا سمعتكم طوالي قعدت في السرير ودموعو نزلني درر جات قالت لي عايني لمن تبقى دكتوره ما تفتري على فاهمه قلت ليها لو افتريت على الدنيا كلها انتي لا شكرا ليك بالجد قالت لي اها والدكتور عملتي شنو حكيت ليها الحصل قالت لي ح تفحصي متين قلت ليها ما عارفه والله كدي اشوفهم بي كم اول قالت لي ابوك لسه ما رسل ليك مصاريفك شوفيهم بي كم وتعالى وريني فاهمه قلت ليها نتغدي قالت لي تعبانه خلي نرتاح شويه بعد الساعه تمانيه كده درر نادتني جوه المطبخ ناكل وبقينا نتونس لي عشره كده شايفين نصر الدين بتحاوم درر قفلت باب المطبخ وشباك المطبخ علينا وقالت لي كده احسن عشان يقنع وبقينا نضحك درر جات قعدت جمبي وبقت تونس فيني لمن نمنا صحيت بليل بقيت اتأمل فيها ويدي بدون اشعر بقيت امررها عليها وحضنتها لمن هي صحت....... يتبع بقلم نرجس الشرق