انا لست أنثى ٨ بقلم نرجس الشرق درر صحت مخلوعه في شنو ي هدى انتي بتعملي في شنو قلت ليها انا كنت بحلم قالت لي حلم شنو ده البخليك تعملي كده انتي ما طبيعيه شكلك لو سمحتي اطلعي سريرك بره اول مره درر تتكلم معاي كده زعلت من نفسي شديد وحلفت ما اطاوع أفكاري الحقيره دي تاني هسي انا فرقى شنو من نصر الدين طلعت سريري بره وعشان اشغل نفسي بقيت بذاكر لحدي الصباح صحيت عملت ليهم الشاي وكتبت ورقه اعتذار لي درر اني والله م عارفه نفسي عملت كده ليه وطلبت منها تسامحني ختيتها لي تحت المخده ومشيت الجامعه دخلت القاعه لقيت الناس كلهم بباركو لي مريم جات حضنتني وقالت لي مبروك نتيجة السمستر الأول طلعت وجبتي امتياز قلت ليها انتي جاده فرحت فرح ساقتني مشينا البورد لقيت كلامها جد ولقيت إيهاب واقف في البورد قال لي مبروك قلت ليهو الله يبارك فيك وانت عملت شنو قال لي انا جبت مقبول الحمد لله دي اخر فرصه لي كنت ح اتفصل وبقي يضحك قال لي لو ما عندك مانع عايز اعزمكم على حاجه في الكافتريا حلاوة نجاحنا صاح نجاحي ما زيك لكن انا مبسوط بيهو ما عارفه ليه وافقت ومشيت معاهو بقينا نتونس وحكي لي عن نفسو وانو امو وابوهو منفصلين وهو عايش مع حبوبتو حسيت ظروفو قريبه من ظروفي بس الفرق انو هو اهلو كانو مرتاحين شديد وكلمني انو ما عندو أصحاب خالص المهم قضينا اليوم كلو وإيهاب معانا واخد ارقامنا انا ومريم وطلعنا قال عايز يوصلنا بالعربيه اعتذرت ليهو وقلت ليهو انا اصلا عندي مشوار قريب وعايزه مريم تمشي معاي قال لي خلاص اوصلكم مكان ماشين وبعدين اوصلكم الموقف تركبوا ماشين وين؟ قلت ليهو المعمل عندي فحوصات كده عايزه اعملها قال لي انتي عيانه قلت ليهو لا لا إرهاق بسيط مريم عاينت لي طبعا ما فاهمه حاجه لمن مشينا لقينا الفحوصات غاليه شديد وانا ما معاي ولا تمن المبلغ وحتى لو ابوي رسل المصاريف ولا مصاريف تلاته شهور م بتغطي قلت ليها ما شايله معاي قروش ارح مشينا لقينا إيهاب واقف اها عملتو الفحوص مريم عايزه تتكلم قاطعتها عملناها ايوه رجعت البيت اول ما وصلت لقيت درر.... بقلم نرجس الشرق يتبع