انا لست أنثى ٩ نرجس الشرق لقيت درر واقفه جمب الباب منتظراني جيت جاريه قلت ليها في شنو ي درر قالت لي ابوي ضرب عايز يسوقني معاهو انا ما عايزه امشي ي هدى انا من غيرك ما بقدر اعيش قلت ليها كدي تعالى داخله قالت لي ارح البقاله نشتري حاجات للبيت قلت ليها ي بت انتي ابوك برسل ليهم قروش وفري مرتبك ده قالت لي لا لا انا ما عندي غيرهم اديهو من قروشي اشترينا الحاجات ودخلنا امي طبعا فرحت فرح شديد لمن شافت الحاجات قالت لينا خلاص ارتاحو لمن اجيب ليكم الاكل غيرنا وقعدنا درر سألتني من الفحوص خجلت اوريها السعر واقول ليها م عملتهم قلت ليها عملتهم لكن النتيجه م طلعت اتغدينا ودرر دخلت جوه وقفلت عليها شكلها بقت تخاف حتى مني وانا قعدت بره اذاكر جاني اتصال رديت الو إيهاب م الخير في شنو ايهاب:كنت قاعد زهجان قلت اتونس معاك شويه هدي: طيب م تذاكر ي إيهاب بدل تقعد زهجان و بقينا نتونس انا وإيهاب لحدي ما سألني من الفحوص بقيت ما عارفه ارد قال لي بصراحه ي هدى انتي ما عملتي الفحوصات صاح قلت ليهو عرفت كيف قال لي سألت مريم واعترفت لي وقالت ما اوريك م توريها اني وريتك حاضر قلت ليهو شوف الكلبه عليك الله وبقينا نضحك قال لي انتي وريم بقيتو ذي اخواتي صاح هي خوة يوم واحد لكن انا حاسي كده قلت ليهو وانا برضو والله ي إيهاب بقيت عاداك اخوي قال لي خلاص بكره تجيني من الصباح تشيلي مني قروش الفحوصات قلت ليهو بس انا قال لي اسمعي هنا ي هدى القروش دي دين م تفرحي ترجعها كلها فاهمه رفضت كتير بس إيهاب بقى مصر وفعلا اول ما جيت داخله الجامعه الصباح جاني شايل ظرف دخلو لي في الشنطه ومشى وهو ماشي قال لي بعدين م تطلعو بوصلكم المعمل مفهوم مريم عاينت لي قمت صريت ليها قالت لي والله عصرني في الكلام وكلمتو وطلعت قروش قالت لي انا برضو كلن عندي قروش موفراها جبتها ليك تتمي عليها لكن شكلك تاني ما محتاجه وبقت تضحك لكن ي هدى دي فحوصات شنو بالضبط ممكن توريني ؟؟؟؟ يتبع نسبه للتاخير ح انزل تلاته اجزاء بقلم نرجس الشرق