انا لست أنثى ١٦ صحيت لقيت نفسي في المستشفى وسامعه الدكتور بتكلم مع امي وبقول ليها لازم تعرضوها على طبيب نفسي اكيد في سبب خلاها تفكر في الانتحار انتظرت بعد امي مرقت وناديت الدكتور وطلبت منو يتصل بي إيهاب يكلمو وياجل خروجي من المستشفى انشاء الله ٢٤س الدكتور فعلا اتصل بي إيهاب وخلاهو يقابلني إيهاب كان خايف على شديد وسألني عن الحاصل حكيت ليهو واديتو رقم ابوي وقلت ليهو امشي قابل ابوي و وديهو للدكتور وخليهو يفهمو وضعي بالضبط انا لو رجعت مع امي وراجلها ح يقتلوني والعمليه ح تضيع على حياتي واقفه على ال ٢٤س دي ي إيهاب انا م عندي زول أثق فيهو غيرك درر ما جمبي هسي عشان تساعدني إيهاب مشي لي الدكتور في العياده وحكي ليهو والدكتور اتعاطف معاي شديد وقرر يمشي مع إيهاب يقابل ابوي وفعلا مشو لي ابوي وحكو ليهو كل حاجه بالتفصيل وكانت الصدمه انو ابوي رفض بي شده وقال للدكتور بالحرف لو عملت العمليه دي لا بتي لا بعرفها ولو هي حاولت تنتحر عشان عايزه العمليه دي انا ح اقتلها لو عملتها الدكتور كان متأثر شديد وقال لي إيهاب خلاص احنا عملنا العلينا وتاني ده نصيبها كده انا ح أبلغ الطبيب الألماني انو هي اعتذرت وما بتقدر تعمل العمليه ايهاب: لا ي دكتور هدى لازم تعمل العمليه الدكتور : ح تعمل شنو يعني اصلا هي م بتقدر تسافر بدون إذن ولي أمرها إيهاب ايوه فعلا لكن ده لو كانت بت بس هسي على حسب التقارير حقتك انت والطبيب الألماني ممكن نقدر نعمل ليها استثناء وتسافر الدكتور : بس الإجراء ده عشان يتنفذ عايز زمن والدكتور الألماني ما ح ينتظر إيهاب المهم انت م تعتذر ليهو انا ح احاول كل جهدي انها تستعيد حياتها الطبيعية إيهاب مشي المستشفى ولقي هدى براها امها ونصر الدين مشو خلوها وإيهاب حكي ليها الحصل و اخدها وطلعوا من المستشفى قبل الصباح يكتبو ليها خروج وامها تستلمها بقلم نرجس الشرق يتبع...