*Riwâyât Sâră bưshrâă📚🌸✨:* *#ملح~الحياه 《09》 💛* *#بقلمي~سارة~بشرى*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ *★★★ــــــــــــــــــ♡♡♡ـــــــــــــــــــ★★★* ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ *مراد* واخيراا جا يوم السبت المنتظرنو انا ورفيف من بداية الاسبوع جاتني طالعه وهي لابسه فستااان قلتا ليها جاهزه لمفاجاءات اليوم قالت لي اي ومتحمسه جداا ركبنا العربية وطلعناا كنا مشغلين اغنية اليسا وسعد من اول دقيقه وبنغنيها سواا ♥️ "بغير من عيني وانا شايفك ودا اللوصلتي ليه لو اسمع اسمي بشفايفك هقولك كرريه وعمري ماهاقدر اوصفلك بحبك قد ايه.. ارسمني في ليلك نجمه ضيها يلمع في العين اكتبني في عمرك كلمه يحكوها الناس بعدين انا نفسي اعيش فوق عمري ياحبيبي معاك عمرين... لو تطلبي مني عينياا لو تطلبي عمري كمان هاديكي سنيني الجااية وهاكون رااضي وفرحان انتي لي وجودك جنبي حسسني اني انا انساان دا من اول دقيقه لحبك قلبي مااال عرفتي في ميت طريقة لغير حال بحال بتوه بين الحقيقه ياعمري والخيااال 🤍🦋" وصلنا مطعم نزلناا سواا مشيت طلبتاا اكل وجيت راجع قعدتا معاها قلتا ليها احكي لي نكات بايخه وختيت يدي في خدي وبقيت اعاين ليها قالت لي حياتنا في السودان عبارة عن بياخه ونحنا النكته يعني كلنا نكته بايخه هزيت ليها رااسي بعدين قالت حاجه وماسمعتها لاني سرحان فيها فضربت لي التربيزه وهي بتقول مراد سامعني انت قلتا ليها طبعا طبعا سامعك ااي قالت لي اها كنتا بقول في شنو قلتا ليها حياتنا في السودان بايخه قالت لي بالجد يامرااد يعني ماسمعتا النكته القلتها ليك زعلتا منك قلتا ليها معلليش عيديها لي قالت لي ابيييت قلتا ليها عليك الله احكي انا سامعك ومركز قالت لي اتنين صلعان بيتشاكلو في المشط انا فكيت ليك الضحكه لمن ضربتا التربيزه قدامي هي عاينت لي مخلوعة قالت لي اسي شنو البضحك للدرجة دي قلتا ليها سمحه سمحه ارح قولي تاني قالت لي 4بقت ٨كييف قلتا ليها كييف قالت لي نزلت رجلهاا انا تااني فكيت الضحكه قلتا ليها يعني كانت خالفاها 😹 ارح تاني تاني قالت لي تنكا كتلها انا فكيت الضحكه هي مخلوعة فيني قالت لي بالجد يامراد مافيهم ولا واحده بتضحك جابو لينا الاكلل قلتا ليها بضحكو والله 😹♥️ المهم اتونسناا وبعدين طلعنا على شاارع النيلل وقفتا العربية وكملنا الباقي مشي رفيف شافت ليهاا بياع بالونااات مسكت فيني وبقت تنطط الا اشتري ليهاا اشتريت ليها مجموعة وربطتهم ليها في يدها فرحت فرح وبقت تنطط 😹😹 مشينا قداام اشترينا غزل بناات واكلنا شيبس وبعدين قررنا نمشي على سينما عفراء نحضر فلم ______________ *خليل* سافرنا على مصر حنكمل باقي شغلنا في الاسكندرية وصلنا ومشينا طواالي على مقر الشركة هناك استقبلنا ابراهيم الفاروقي بذاات نفسو سلم عليناا وقال انو استلام المشاريع نهاااية الشهر واعلااان المشروع الفااايز الشهر الجديد وحجز لينا في فندق وكل امورنا تماام بس لاحظتا لعثمان من لحظة وصولناا زي الكأنو مابعرفني طوالي مع التيم بتااعو ومشاا على غرفة الاجتمااعات انا لحقتو قلتا ليهو ماشي وين ياعثمان مش المفروض نمشي سواا وختيت يدي في كتفو نزل يدي وقال لي بس نحنا حاليا متنافسين ما اصدقاء وغمز لي ومشاا اتخلعتا بالجد اتمنيت ماتحصل مشااكل بيناا بسبب المشروع دا انا اساسا من البداية ماكنتا مطمن ليهو شديييد المهم دخلناا غرفة الاجتماعات وابراهيم شرح لينا التفااصيلل وعاااد لينا تاااني عايز المشروع يكون كيف وشروط المشروع ما خلاا شي رغم انو اول اجتماااع قال لينا يلا امشو ارتاااحو الليلله مشيت على الجناح الحجزو لي ضربتا لي ناس البيت طمنتهم اني وصلتا بالسلااامة وحكيت بالاجتماع مخاوف مرااد كانت زيي انو تحصل مشاكل بيني وبين عثمان بسبب المشروع دا ياريت من البداية لو ما وافقنا علليه طبعا عزام كان معااي في الرحلة دي وهو الكان مشرف على التيم كلو وعلى شغلو ولو في اي غللطه براجعها وبصلحها قبل ماتكبرر كنتا بتمنى بالجد انو عثمان هو اليربح بس عشان مانختللف ________________ *رواان* جدول الامتحانات طللع ماعارفه اصلاا الجابني الجامعه يوم السبت شنو ونحنا ماشغااالين مع دخلتي شفتا جدول الامتحااناات في خلقتي قلتا والله ما اتخللع برااي دقيت لرؤى ردت لي وصوتهاا نشييط شكلها فرحانه اللخت طواالي ابتسمتا بالجنبه ابتسااامة خبيسسسسسه 😏😏 قلتا ليها رؤى شايفاك فرحاانهه قالت لي جداا مهما حصل ماحيتخرب قلتا ليها يازولة طيب جدول الامتحاناات طللع طبعا صنت مساااافةة زي العايزه تستوعب قالت لي بتهظري صح قلتا ليها ادخلي الواتس برسلو في قروب الدفعه اسي وشوفيني بحب الهظاار كيف طووالي قفلت فيني الخط صورتا الجدول ورسلتو في قروب الدفعه ودخلتا لرفيف قلتا ليها الحقي بس كانت ماداخله فضربتا ليها ردت وقالت لي عفوا هذا الرقم غير موضوع في الخدمةة الرجااء التاكد ومحاولة الاتصال لاحقااا وقفلت رجعتاا ليها قالت لي هذا الرقم مشغول بمكالمة اخرى الرجاء الانتظاار ومعاااودة الاتصااال لاحقااا قفلت تاني رجعتا ليها قالت لي بعمري ماشفتا زول لايووق زيك ياروان قفلتا في وشك مرتيين يابت قلتا ليها معلليش دا ماوقت كراامةة جدول الامتحانات نزل يابت ادخلي قروب الدفعه وشوفي قالت لي كذااابة صح وقفلت للمرة الثالثه 😃 طلعتاا من الجااامعه ضرب لي سلااامه رديت ليهو قال لي فاااضيةة قلتا ليهو طالعه من الجامعه قال لي خليك قبلك سايقك معاي مشوار ماتطللعي بقيت واقفه منتظراه لغااية جا دقا لي بووري مشيت عليه وركبتا قلتا ليهو ماشين وين؟ قال لي موديك عشان تشوفي واحد من انجازاتك عاينتا ليهو باستغراب قلتا ليهو مافهمتاا قال لي حتفهمي واتحرك مشيناا مساافة لغااية وصلنا منطقة رااقية كداا وملانه نااس ومحلااات واصوات بوري العربااات وقف عربيتو بالجنبه وقال لي انزلي نزلتا وانا مستغربه مدا لي يدو وقال لي امسكي كم القميص خايفك تروحي مني في الزحمه دي طوالي صريت ليهو قلتا ليهو شايفني شافعه؟ قال لي بنتفااهم في الموضوع دا بعدين اسي امسكي مسكتا كم القميص ولمن دخلنا حته زحمتها شدييده نزل يدي من الكم ومسكها هو شبك اصابعينو باصابعي وجاريني وراه اتوترتا شدييد من الحركة دي لغااية ما وصلنا محلل فيهو مساااحة كبييرة في نص المحلللااات دي وفي كم نفر واقفين قصاادها لابسين لبس مهندسين والطااقية الصفراء حقت المهندسين دي وفي واحد بوجههم مشينا عليه سلامه فكاني وسلم عليه سلااام معرفة طبعا انا للان مافاهمه شي قال ليهو اها يامازن الامور ماشة كيف مازن قال ليهو والله الامور طيبه الحمدلله ماشين كوويس اتفضل معااي على المكتب اوريك شكل المجسم الحيكون علليه قال ليهو حتلاقينا زحمه قال ليهو لالا سلامه عاين لي وقال برضو امسكي الكم مسكتا كم القميص واتحركنا كان مكتبو في طابق عالي طلعنا فووق ضيفنا شااي وطللع المجسم طبعا انا عجبني الشكل شديييد عاينتا لسلامه مبهوورة قال لي رأيك حلو؟ قلتا ليهو حلو شنو مززززهللل رررهههيب حلو شدييييد ضحكو قال لمازن كنتا عاارف اني اخترتا صح لمن اخترتك تعملو مازن قال دي شهاده اعتز بيها والله قلتا ليهو سلااامه ماوريتني دا حق منو؟ عاين لي وابتسم قال لي حقي دا انجااازي الوحيد في الحيااة الانجزتو بسبب كلامك لي اليوما ديك لمن قلتي لي اديني اسم حاجه وحده حقتك انت بتخصك انت ولمن لقيت نفسي في شغل الفندق حاكون كوويس قررتا ابني واحد حابب اعملها مفاجاءة لامي وابوي قلتا ليهو اسفه على كلامي القلتو يومها قال لي لالا يااخ كوويس انك قلتي شوفي بسبب كلامك انا وصلتا وين وعشان كدا لمن جيت سقتك قلتا ليك موديك لواحد من انجازاتك الحمدلله 🦋ابتسمتا ليهو سلاااامه القدامي حاليا شخصيةة مختلفه تماااما عن سلاااامه العرفتو في البدااية قال لي فطرتي؟ قلتا ليهو لالا وجيعااانه قال لي معقولاا ارضى ليك تجوعي في محل شاااورما قريب حناااكل ونشبع ودعنا مااازن ومسكني من يدي تاااني بنفس الطريقه وانا اتوترتااا ودخلنا على محل الشاورماا ♥️ _______________ *رفيف* يعني روان التقول قاااصدةة كنتا مبسوووطه شدييد قبل ما اشوف جدول الامتحانااات حسيت اطراافي كلها بردت صدقوني لو قلتا ليكم انا عندي فوبياااا من الامتحااااناااات فوبيااا عدييللل مابقدر اقرا بقيت ارجف مراد قعدني وجااب لي موووية قال لي اهدي يارفيف شااف الجدول قال لي كالعااادة انا وسامي حنعمل ليك معسكر وحنكون واقفين معاااك لغااية ماتخللصي قلتا ليهو بس انا مابركز يامرااد انت بتعرف انو تركيزي بطئ وياالله ياالله اجيب معدل 3.00ما حازيد منو يامرااد ماحازيد قال لي ليك علي يارفيف ودا وعد مني في اخر سنه ليك دي حتتخرجي بمعدل من4.00ولفوق بقيت اعاااين ليهو بعدم تصديق قال لب ما واثقه بي ما واثقه اني بقدر اعمللهاا المعلومات حتدخل عقلك غصب يا رفيف تمااام ماتخااافي بقيت ابكي بس انا مامطمنه نهااائي مرااد قال لي انسي اسي انسي انك شفتي جدول الامتحااانات وتعاالي سايقك معااي قلتا ليهو وانا بهنق ماشين وين مسح لي دموعي وقال معقولاا يارفيف دموع وانا موجود انتي مابجي معاك غير الفرح بس 💛اضحكي كدي وخلي شمسي تشرق مما قال كدا ابتسمتاا قال لي هاا بس بطلي بخل انا طلبتا ضحكه عديللل يازولةة فضحكتاا ختا يدو في قلبو وقال لي رفقا بقلبي 💛 ضحكتا زيااادة قال لي بتناا كفااية خلااص عايزه تموتيني الليله قومي المهم عندنا موضوع تاااني قمتاا معااهو ومشيناا على مدينة الملاااهي قلتا ليهو حنركب السفينه قال لي ماناقصني اضاااني تطق حمرتا ليهو وقلتا قصدك شنووو؟؟ ضحك قال لي ولا شي مشينا ركبنا الحصين البتلف زي الدايرة دي وركبنا الساقيه 😹 غااايتو كمية فرح ماعادية عشناها في اليوم دا وكملنا طفولتناا كللهاا 💛 بعدهااا طلعنااا مشيناا قريب من الجامع دخلنا صلينا الظهر ومشينا قعدناا في بنابر ست شااي قالت ليناا حلاااتكم اها انتو ناس البيوت ولا نااس حباني وحبيتو مراد قال ليها لا الحمدلله نحنا ناس البيوت رفع ليها يدي ويدو قال ليها نحنا مخطوبين ابتسمت وقالت لينا ربنا يتم ليكم على خيرر قلنا ليهاا امييين 💛 _______________ *سلااامه* بعد اكلنا وصلتا روان لمحل قريب من بيتهم وبعدها رسلتااا رسالة لعبدالمجيد واتحركتاا وصلتا المحل القاصدو ودخلتا غرفة تغيير الملابس وبعدين مشيت على الحلبة ولابس القفازات ومتكل على الحبل ومنتظرر شوية وسمعتا صوتو بيقول لي سلامه انت كوويس اتلفتا عليه وقلتا ليهو في احسن حااال الحمدلله وضربتا القفاازات مع بعض قلتا ليهو يلا امشي جهز نفسك وتعاال قال لي مافاااهم قلتا ليهو المشكله البينا طولت وجا وقت انها تنحلل قال لي وكدا حتنحلل قلتا ليهو المهم اننا نخللص من كل الشايلنو تجاه بعض جوانا ونرجع زي ماكنا لانو بصراحةة كداا انا اشتقتا ليك يامجيد عاين لي مسااافة زي الكأنو بتأكد اذا دا انا سلااامة فعلاا قال لي انا الحافوز وحاكسرك لانو الشايلو جواااي منك كتيييير قلتا ليهو خلينا نشوف عبدالمجيد مشااا غير وجاني رااجع في الحلبه قال لي لي فترة بتخيل وشك بدل كيس الملاكمة وكنتا بضرب بغضب اتخيل حاليااا بما اني شايفك قدااامي حاعمل فيك شنو وضربني في وشي قلتا ليهو ملاحظ ليك دايما بتضربني في وشي عشان ماسمح زيي صح قلتا تقطع الوجاهه حقتي دي ضحك وقال لي شكلك بديت تقرا افكاري لانو قبل يتم جملتو ضربتو في بطنو قال لي ااخ حركة مباغته جميللةة بس مالو ماكعب ضربني في ركبتي اتسديها ورميتو وقع في الحلبه عايز اضربو في وشو زحا بالجنبه وقام سريع ولحقني ضربه في ضهري قال لي القانون الاول عشان تكون ملاكم اتعلم انك تكون سريع 😏اثناااء كلااامو ضربتو جاا واقع قلتا ليهو القانون التاااني اتعللم انك ما تثق في خصمك ابداا وماتكتر كلامك جيت عايز اضربو تاااني رفعني ووقعني في الحلبه وضربني قال لي القانون الثالث ماتدي ضهرك لخصمك رفستو برجلي فوقع على ضهرو كنتا عايز اضربو في وشو بس وقفتاا هو عاين لي ابتسمتا وقلتا ليهو القانون الرابع الاخوان بفضلو طول عمرهم اخوان وقفتا ومديت ليهو يدي ابتسم مسكني من يدي بدل ما ارفعو هو لزاني رماااني جنبو قال لي القانون الخاامس والاخيرر الاخوه مهما اتشاكلو وحصل بينهم خصااام وقت الحاجه واحد فيهم بمد يدو للتاني وضربني بالقفازه في بطني ضحكتااا قال لي ايااام يااخ من وين خطرت في بالك الملاكمه قلتا ليهو لاني بعرفك واحد جنك تشوه خلق الناس ضحك شدييد وقال لي مبسوط انك بتعرفني قلتا ليهو اسي ماحنيت علي انا زول حتيتوني كدا قدامك ضحك قال لي يازول جسمك اضخم من جسمي حتيتوني شنو قلتا ليهو اها طقني عين اصلي عاارفك غيراان قال لي وحاموت من الغيررة بقيناا نضحك قال لي تاني مانتشاكل ياسلااامة تمام قلتا ليهو الفاضي ليك منو عندي مشروع شغال فيهو الفترة قعد قال لي بالللجد قلتا ليهو اي قوم خلينا نغير وبحكي ليك الحاصل بالتفصيلل اول ما وقفنا هو نازل مسكتو لفتو علي وحضنتو شدييد قلتا ليهو بالجد اشتقتا ليك يامجيد قال لي وانا كماااان ❤️ _______________ *سامي* قااعد في البيت ومالي ملل ماطبيعي فتحتا التلفيزون مالقيت اخبار مهمه مسكتا تلفوني لقيت رؤى خاته جدول الامتحانات وكاتبه خلاص البل بدا 😹رديت ليها قلتا ليها رفيف عارفه قالت لي ماعارفه بتكون روان كلمتاا قلتا ليها خلااص بتكون اتجررست لمرااد لمن قالت بس قالت لي اي والله معاها حق الامتحانات صعبه قلتا ليها اجتهدو يابت دي اخر سنه ليكم قالت لي حاصر لو انت البتقريني 🙈انا حاسي انو الادوار بيناتنا مقلوبة لانو البت دي بتخليني افصل سريع 😹 قلتا ليها ماعندك مشكلله بقريك طواالي قالت لي جد قلتا ليها حبوبةة قالت لي ماتتظارف ياساامي قلتا ليها ظ رافه ولا ز رافه حسيتها حتحظرني بس لقت احسن انو تسفهني 😹المهم بالليل مرااد ورفيف جوو وكانو مبسوطين شدييد ورفيف شايلة دبدوب وبوالين وبتاكل في غزل بنااات وشايلة ليها كرتونة بااسطةة عاينتا لمرااد وقلتا ليهو اي دلعها دلعها خليك مواصلل قبل مايرد جو سلاامه وعبدالمجيد داخلين وهم بهظرو ومبسووطيينن كلنا فرحناا لانهم اتصااالحو خالتي ابتساام عزمتنا على بيتهم عشان نقعد قعدة جميللة مع بعض قعدنا كلنا واتصلنا على ابهاتنا اتكلمنا معاهم ووريناهم انو جمااعتنا اتصاالحو وفرحو ليهم الاجوااء كانت حلوة وكل الموجودين فرحانين والضحكه مابتفارقهم ماعارف لي قلبي قبضني الفرح الكتييير دا حسيتو غريب زي الكأنو ماحيدوم حاولنا مانجيب سيرة الامتحانات قدام رفيف عشان مزاجها مايتعكر بس بعد كداا... عملنا معسكر للبنات جو قعدو معانا في البيت فترة اسبوع الردينيغ بتاعهم انا ومرااد نشرح ليهم فيه كل المواد سلامه قال لينا ادوني روان بشرح ليها اناا اديناهو نظرة كداا خليناهو لفااا وتاني ماجانا رااجع رفيف عزبتناا عزااب طول الوقت تبكي وتقول مافااااهمه ونحنا نعيد ليها الشرح زهجتا منها نهرتها قلتا ليها ديل احسن منك في شنو زايدين يد ولا رجل لي هم يفهمو وانتي لاا بكت زيااادة مراد قال لي سااامي ماعندك بيها شغلله ماتتكلم معاها كداا ساقها وطللع وطبعا رؤى تحمر لي كيف يعني اصرخ في صحبتها المهم يوم بالليل وانا قاااعد قصاد البيت جاتني عزه قالت لي سااامي عايزه اقول ليك حاجه جريت ليها كرسي جنبي وقلتا ليها اقعدي واحكي بقت تفرك في يدينها ومتوترة وانا بعااين ليها قالت لي ممكن ماتعااين عشان اقدر اتكلم قلتا ليها جدا بقيت اعاين قداامي قالت لي بصراحةة ياسامي هو الموضوع دا مامن الليله ولا من امبارح من وقت كنتا صغيررة كنتا قايلااك حتنتبه بس ما انتبهتاا كبرتا ومشاعري بتكبر معااي لمن لقيتك ماشغاال بي قلتا ارتبط بواحد احتمال اقدر انساك ارتبطتا بس ماقدرتا انساك فخليتو وكان عزام ششافني معاهو وعمل لي مشكلله انا ابداا ماكنتا ناوية اكلمك ومستعده اخبي الموضوع دا جوااي لاخر العمر بس لو ماظهرت رؤى في حياتنااا ومن بعدهاا حسيت تصرفاتك بدت تتغير زي الكأنك بديت تميلل ليها وانا قلبي مابتحمل يشاركك مع اي بني ادم تاااني ناهيك من انها تكون بت غريبه مابتحملل بس انا بحبك من وقت كنتا صغيرة وللان بحبك وشكلي كدا حافضل احبك.. كنتا بعااين قدامي لغاية خللصت اتلفتا عشان ارد ليها شفتا رؤى واقفه قريب مننا بمسافة بسيطه وفي دموع في عيونهاا انا بقيت مركزز معاها هي ليه بتبكي معقولاا سمعت كلام عزه طيب على الاقل اسمعي ردي ماتبكي طواالي لفت ومشت بدون ماتنتظر مني اي حرف كنتا حامشي وراها بس لاحظتا لعزه دي كمااان انا لازم اديها ردد ________________ *عثمان* انتهت المدة المحدده والمشاركين كللهم سلمو المشاريع حقتهم وبقينا في الانتظار منو المشروعو حيربح وحيشتغلل مع ابراهيم الفاروق انا عايزاك تفضل جنبي سندي وفارس احلامي قلبي في قربك مطمن خليك دايما قدامي انا قبل مابنطق كلمه بتكمل ليا كلامي 😔❤️ *•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *♡بــــــــــــــيــــــــــــــــــــجــــــــــــــة♡*