*Riwâyât Sâră bưshrâă📚🌸✨:* *#ملح~الحياه 《12》 💛* *#بقلمي~سارة~بشرى*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ *★★★ــــــــــــــــــ♡♡♡ـــــــــــــــــــ★★★* ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ *"بعد مرور سنتين.. في القضاارف"* *.. قاعد في المزرعه تحت شجرة نخيل كبيييرة وبعاين للسبت القدامو الملان سمسم ومنتظر عاين لاخوه وقال شنو يامراد لسه ماخلصتا يااخ انا منتظرك لي سااعةة مراد قال ليهو دقيقة يامجيد لقيت لي شجرة مانقااا هنا فماحبيت اضيع الفرصة دي حالم منها وعزام العامل فيها مفتري مابجي المزرعه داا نجيبو غصب يلم معااناا.. مراد كان بلم في المنقاا في السبت وهو بغني ياسمسم القضااارف الزول صغير ماعااارف الريد الريد ياحبيب الريد تعال نتم الريدة ريدة الحمام لوليدهاا ❤️سمعو صوت بت قالت ليهم مراد وعبدالمجيد انتو هنا عمي خليل سأل منكم ارجعو البيت ومشت على مراد قالت ليهو اديني واحد من السبتات ديل اشيلهم اناا قال ليها لا تقاال خليهم بشيلهم انا شالهم واتحرك مع عبدالمجيد على البيت وهي ورااهم عبدالمجيد اتلفت عليها وقال ابوي ماوراك عايزنا في شنو يارندة؟ قالت ليهو لالا بس قال ينااادوكم رجعو البيت ابوهم سألهم كانو وين مرااد قال في المزرعة قال ليهم اقعدو قعدو قال ليهم بالنسبة لاشغاالكم بما انك يامراد فتحتا عياادتك وبما انو عبدالمجيد اختار شغل الزراعه مع عمو انا قررتا اني انزل اشوف لي اي مكتب صغير برضو انزل فيهو كفاااية زعل وذكريااات كلكم كملتو حياتكم مراد قال ياابوي مافي دااعي كلنا شغالين حتى عزه فتحت ليها كوفير صغير ابوه قال قصدك اني عجزتا وماباقي لي دااعي مراد قال لالا العفو ياابوي ماقصدي كداا اعمل البريحك ابوهو هزا راسو وقال ليهو تمااام حاشوف عزام اذا عندو طريقة يشغلني معااهو مراد دخل السبتات جوه المطبخ ودخل غرفتو المشتركة مع اخوانو عينو وقعت على خاتم الخطوبة في الدرج قال ياترى رفيف بتعمل في شنو بيقول مراد: بعد الحصل من سنتين سافرنا جينا القضارف حي الجنائن عشنا في منطقه قريبه من الزراعه عشان لو زول فينا ملا يجي طوالي على المزرعه طبعا نص اهلنا هناا عشان كدا جيناا لقيت لي محل صغير اجرتو بقا عيادة كنتا محتاج لواحده تقيف لي في الاستقبال بعد تعب حتى لقيت بت والله ماكنتا بقدر افتح عياادة برااي بس مالقيت حل تااني بس يعني عيادتي مزحومه برجع البيت مرهق شدييد زول نوم بس وفي يوم فتحتا حسابي لقيت سامي منزل لي حصتي من بيع العياده زعلتا والله ياريتو ماباعها العياده دي فتحناها نحنا مع بعض خليت القروش في محلها ونزلتا شغل اختي عزه فتحت ليها محل صغير واسي بقا كوفير عزام شغال في مكتب وعبدالمجيد اختار الزراعه مع عمي واولادو ممكن اقول اتعودنا على الحياة هنا وعلى العيشة وعلى الاجواء ونسيناا او ابوي جبرنا ننسى مانعنا نجيب سيرة اي زول منهم مرة اتكلم معااي عن سيرة عرس وقال لي اشوف رندة واديها فرصه اعجابها بي كان ظااهر بس انا قلتا غير رفيف ماعايز حتى لو اضطريت اعيش حياتي كلها اعزب واموت اعزب ______________ *رفيف* قااعدة في الصيدلية جات روان داخلة قلتا ليها اتأخرتي على دوامك يابت قالت لي سلااامه قال في تشطيبات اخيرة لازم نعملها قبل الافتتاح نهاااية الاسبوع زي مابقول هو دا انجازنا نحنا الاتنين🙈 ابتسمتا طبعاا روان وسلااامة للان عاملين فيهاا نفسهم ماعايزين يعترفو بحبهم بس ظااااااهر ممانجيب ليها سيرة سلااامه تقعد تكبكب بس غاايتو شكلو سلاامه مجهز ليها مفاجاءة في الافتتاح داا رؤى وساامي اتخطبو بعد معاناه لانو اول شي كملنا القراية وبعدها التحضير ولسه رؤى كانت عايزه تعمل ترينيغ سامي زهج منها ساقنا ومعاهو قولة الخير ومشينا ليهم في البيت بدون مايوريها او يوري اهلهاا من الباب قال انا عايز رؤى تدوني ليها ولا اعرسها في السر 😹غايتو ماعارفاهو طالع لمنو حاليا هم مخطوبين رغم انو سامي كان راافض بس رؤى اصرت سامي وافق وقال ماعايز ولا جنيه من ابوي في عرسو حيصرف على نفسو براهو اساسا هو عندو بس كان شغاال في مستشفى عشاان يقدر يشتري بيت وكداا فترة سفر مرااد كانت اصعب فترة في حياتي سامي ورنا وروان ورؤى اكتر نااس وقفو معااي وزوجي كمااان يحيى ولد ابراهيم شريك ابوي ابوي ماكان عايز يكون في اي علاااقة غير الشغل مع ابراهيم بس حبا يحيى شدييد فلمن جا وطلبني ابوي طوالي وافق اتزوجنا لينا6شهور يحيى زول كوويس طيب متفهم صلواتو في وقتهاا صراحة انا انساانة باردة هو ماقعد يجبرني على اي شي يعني عااادي هو يجي من الشغل يلقاني ماجهزتا شي يدخل المطبخ يعمل اكل وموظف واحده كل نهااية اسبوع تجي تنظف البيت ماقادرة اتقبل وجود يحيى في حياتي واكتر شي بحرقني انو طيب زياده عن اللزوم بدي بدون ماينتظر مقابل لازم وقتو كلو يقول لي طمنيني عنك 🤍 عااادي جدا هو في الاكل يتونس ويحكي وانا اكون ساكته وسرحانه وما اعبرو ماعارفه البخليه متحملني شنو مرة قال لي ابوي عايزين بعملو ليهو عملية غده اوديك بيتكم ولا تقعدي هنا وتقفلي الباب ماعارفه كيف قلتا ليهو بمشي معاك فرح لدرجة قلتا قدر شنو الانسان دابسيط انا ماعملتا شي يخلي يفرح كداا طلعنا ومشينا المستشفى حتى اهلو وقتها استغربو من يومها بقيت اتجاوب معاهو شوية لو في مناسبة ولا حاجه بمشي معاه هو بفرح بالحاجات البسيطه البعملها ليهو ولا ماعملتا اي شي هو بفرح 🦋انسان بسيط شدييد يحيى مابشبه ابوه في اي شي ولا حتى الشكلل بشبه امو المهم خلصنا قراية انا وروان اشتغلنا في الصيدلية ورؤى دوام مسااائي مع واحد زميلننا طبعا سامي دااقي جررس ويومي لازم يديها طله ويدي زميلها هرشة لدرجة بقا لمن يشوف ساامي من بعد كم متر بطلع من الصيدلية خوف بس😹... قعدنا انا وروان جانا يحيى داخل سلم عليناا وكان جايب لينا سيندتوشات شاورما روان قالت ليهو من ايدك مانعدمهاش ضحك قال ليها بكاااشة بعدين عاين لي وقال كيفك طمنيني عنك كيف مرا يومك قلتا ليهو كوويسة وسكتا بعد مسافة قلتا ليهو انت كيف قال لي وهو مبتسم الحمدلله والله في نعمه 💚 _______________ *رؤى* قااعدين انا وساامي في مقعد قصاد بحر قال لي زمان لمن كنا بنحب بعض كنتا بشوفك كتييير خلاص كنتي كتييرة اسي بعد بقا في شي رسمي والناس عارفين علاقتنا بقيت مابشوفك الاماندر قلتا ليهو وزعلان يعني حمر لي بطرف عينو وسكت 😹جو شفع ولدين وبت ببيعو علب شوكلاتات مدو لسامي وقالو ليهو اشتري للحلوة المعاك دي اصلاا الحلو مابجي معاهو الا الحلو سامي ضحك وقال ليهم اي ادوني البت قالت انتو حلوين حتتزوجو صح سامي عاين لي وقال ليهم انتو سامعني صح قالو ليهو اي قال ليهم انتو عارفين انا شاب اخر شي ممكن افكر فيه الزواج والاستقرار عاينتا ليهو مخلوعه قال حابب اعيش حياتي يااخ بس خالتكم رؤى بتحبني وبتموت مووت فيني هي مصره يلا نتزوج يلا نتزوج لا وكمان بتحسب عدد الاولاد الحنجيبهم وحياتنا بعدين انا زول المواضيع دي كلها مابتهمني بس يعني زي ماشايفين انا انسان جازبيتي لا تقاوم وغمز لي 😹عاينتا ليهو ورفعتا حاجبي قلتا ليهو خالتكم؟؟ قال لي اسي من الكلام دا كلو لقطتي دا بس البت قالت ليهو ظاهر من وشك انك بتكذب وانك انت المصر على الزواج قلتا ليها هااا تسلمي حبيبتي دا الكنتا عايزه اقولو بس يعني نعمل شنو اذا عمكم سامي مابيقدر يتنفس بدوني قلتا ليهو خلينا نأجل شوية بس قال لاا هو مابقدر يعيش بدوني الشفع مشو وسامي عاين لي قال لي معناها اتفقناا على العرس صح سكتاا وسفهتو 😹قلتا ليهو اصبر قال لي جد يارؤى مافاهم انت خايفه من شنو ماعارف ليه بتأخري في الموضوع ماشايف اي اعذار يارؤى طيب قولي لي بتحبيني بالجدد لينا فترة قلنا عشان نفسية رفيف بعدين عشان القراية بعدين تدريب وحاليا ماناسي حكاية زميلك الشغاله معاهو دوام مسائي قلتا ليهو براك قلتها زمييلللل يعني مابهمني ياسامي قال لي خلاص تماام فهمتك ارح اوصلك البيت لمن تعرفي نفسك عايزه شنو وعزرك لتأخير العرس شنو وقتها بنتفاهم قلتا ليهو ياسامي انت مافاهمني انا بس متوترة من الموضوع قال لي انا بوتر؟ عاينتا ليهو وسكتا طلعنا وركبنا العربية رجعني لغاااية البيت وهو فاتح الرادي ومعلي الصوت يعني عديلل ماعايز اسمعك وصلني لغاية البيت ودخل سلم علليهم وبعدين مشاا انا قعدتا امي قالت لي مالو سامي قلتا ليها فتح موضوع العرس قالت لي وانتي بتأجلي مالك قلتا ليها متوترة من الموضوع قالت لي بري بت غبيه سااي سبب يخليك تأجلي مااف الا اذا كنتي غاشه ولد الناس قلتا ليها امييي كيف يعني غاشاه قالت لي دا بتعرفيه انتي ومشت مسكتا تلفوني وضربتا لساامي قال الو قلتا ليهو طيب ياسامي خلينا نعمل العرس مافي سبب للتأجيل قال لي ماتجبري نفسك بسبب كلامي اذا ماجاهزه مامشكله قلتا ليهو لالالا جااهزه مافي مشكله قال لي تمام بعد شهر قلتا ليهو سامي شهر بس قال لي تمام خلاص 15يوم قلتا ليهو سامي قال لي 10سكتتا قال لي مالك اتكلمي وخليني اعملو اليوم واسي قلتا ليهو بصوت حنين سااامي 🥺 ققال لي اهاااا دا الكلام المابنفع اي اكتلي لي حيلك كداا 🙂ارح وريني انت عايزاهو بعد كم قلتا ليهو خلينا نرجع لكلامك الاول ونقول شهر قال لي مع انو كتيير بس تمام مامشكلهه قلتا ليهو طيب قال لي حاتكلم مع ناس البيت وبعدين نشووف وقفل الخط ______________ *روان* كنا انا وسلاامه جارين شدييد ورا موضوع الفندق طبعا خلص منو وتصميمو كان حلو شدييد والافتتااح كان نهااية الاسبوع يوم الجمعه ما خلينا شي ضربنا لشركة تصميم عشان حفلة الافتتاح طبعا عمي عثمان انبسط شدييد وكان فخور بسلامه ومنتظر يوم الافتتاح بفارغ الصبر في يوم انا وسلامه قاعدين في الكافتريا قلتا ليهو نسيناا اهم شي قال لي شنو قلتا ليهم اسم الفندق حنسميهو شنو رجع لورا وابتسم قال لي مافاتتني الحاجه دي قلتا ليهو بالجد اها شنو قال لي حاسميهو الانجاز❤️للانو دا باعتبارو انجازنا نحنا الاتنين عاينتا ليهو نظرات امتنان قلتا ليهو شكرا لانك معتبرني انجزتا معاك ابتسم وقال لي دي الحقيقه... ماعارفه كيف مرت الايام وجا يوم الجمعه سقتا معاي مؤيد جو ناس كتار للافتتاح بقيت واقفه ساااعه قدام المراية وانابعاين لنفسي ومبتسمه بسأل نفسي ياترى حيعترف لي الليله اساسا زهجتا منو بعد دا لو مااعترف انا حاعترف وضحكتاا قلتا مافيها حاجه اساسا ايلول هي الطلبت من علي الارتباط "ابطال الازهار الحزينه" 🙈وصلنا الفندق وكان زحمه لافتة فندق الانجااز كبييرة فندق باللون البني عبارة عن اربعه طوابق ❤️ككنتا مبسوطه شدييد وانا بعاين ليهو جا عمي عثمان وخالتي احلاام كانو في مجموعه واقفين وهم لابسين لبس موحد باللون البني شكلهم موظفين الفندق بتذكر كيف اخترناهم بعنااية انا وسلااامه ❤️ شوية وجا سامي مع رؤى ومعاهم اخواتها جات سلمت علي وبعدين جو رفيف ويحيى كانت ملامحها عادية بس اول ماوصلتني ابتسمت قلتا ليحيى المدلعنا قال لي البكاااشة سلم علي ووقفنا كلنا منتظرين سلااامه بعد شوية جا وهو ساايق وقف قدامنا نزل باطلالة حلوة ببدلتو البنيه بقا يسلم على الناس لغاية وصلني همس قال خاطفه للانظار عايزك تكوني معاي لمن اقطع الشريط فعلا وقفتا جنبو بعدين القى كلمه وقال بشكر الانساانه البسببها قدرتا انجز الشي داا وعشان كدا سميتو الانجاااز وقال كم كلمه وبعدين مسك يدو مع ابوه وقطعو الشريط الناس صفقت وكلنا دخلنا على الفندق كانت تجهيزات الحفله حلوة ❤️ اي ناس مشو على طاولة وسلااامه مشا على الديجي انا بعااين ليه قلتا دا وقتو ومشيت ليه وقفتا وراه خلص كلامو واتلفت علي وهو مبتسم قلتا ليهو انجزنا صح الحمدلله شووف قدر شنو الفندق حلو قال لي فعلا انجزنا انا حققتا هدفي انتي قلتي لي كلام زي السم ضربتيني كف بدون ماتمدي يدك وضربتيني كف عديل وكسرتي لي الخلفي حق العربيه وما حانسى الاهانات كمااان قلتا ليهو سلامه مافاهمه قال لي اتوقعتي اني حاعترف ليك بحبي الليله لييه نسيتي لمن ضربتا ليك في التلفون وكنتي بتقفلي الخط وبعدين رديتي نسيتي قلتي شنو نسيتي اهانتك لي لو انتي نسيتي سلامه عثماان مابنسى انا مستحيلل اسمح لبت تهيني وتمر مرور الكراام انا اتحملتك سنتين يابت اتحملتك وضغطتا نفسي شدييد عشان اصل للحظه دي اللحظه البتأكد فيها انك بقيتي بتتنفسي حبي اناا بتحبيني ياروان صح اني اخليك تحبيني دي ماكانت شغله صعبه ابداا وكسرتي ليك الحاليه دي انتي بتستاهليهاا بقيت اعاين ليهو قلتا ليهو انا مافاهمه شي ياسلامه انت بتهظر صح ضحك قال لي اهظر معاك ليه بعرفك انا؟ يابت شنو المافهمتيهو للان مهمتي هي اكسرك وانتقم منك وحققتا هدفي طلع تلفونو وقال لي دا رقمك صح شوفي وداس على كلمة حظرر وقال لي واخيرا تمت المهمه بنجااح خلصتا من هم حاقدر اتنفس بعد داا كان ماشي تاني جاني راجع قال لي اوو بس خليك عارفه انتي بتتحبي بس مامن مستواي وغمز لي ومشاا انا كنتا واقفه زي الصنم وبعاين لجهه واحده حسيت برفيف قدامي بتهز فيني قالت لي روان يابت انتي كوويسة عاينتا ليها وقلتا وين مؤيد قالت لي ماعارفه بشوفو وين وبناديه ليك انتي كوويسه رفيف مشت مني سريع ونادت مؤيد جاا قال لي روان مالك انتي كوويسة الحاصل شنو قلتا ليهو سوقني من هناا انا ماعايزه اقعد هناا قال لي طيب رفيف قالت ليهو خلي بالك منها وبتصل عليك قال ليها تمام وطلعنا سواا وقف ركشه وركبنا واتحرك ______________ *سلاامه* ماتستغربو انا الحاجه دي بفكر فيها من لحظة اتلاقيناا وقالت لي كلامها الزي السم دااك مستحيل كنتا امرر ليها الحاجه دي معقول واحده تهيني كداا واعاملها عاادي لا واحبها كمااان هه والله نجوم السماء اقرب 🙂 كنتا واقف مع المعازيم وهم بباركو لي ابوي ناداني يعرفني على جمااعه وقفتا معاهم وانا بتذكر نظرة روان كانت كسره على حسره على خذلاان لي لحظه قلتا ياريتني لو ماعملتا كدا انا كسرتا قلبها بس تاني قلتا يلا تستاهل ابتسمتا وكملتا يومي زي الماحصل شي لمن طلعنا رفيف سألتني عملتا شنو لروان حصل شنو ليه كانت منهاره عاينتا ليها وقلتاا وريتها الحقيقه قالت لي حقيقة شنو حكيت ليها الحديث الدار بيني انا وروان اتفاجاءتا ونططتا عيوني لمن لقيت كف حاااار بنزل على خدي من رفييف باعلى حس قلتا ليها رفييف انا اخوك لو نسيتي قالت لي ياريت لو بقدر اتبرا منك واقطع الصله دي كنتا عايز اضربهاا سمعتا صوت سامي بيقول لي لو راجل اضربها كدي يدك دي تصلها جا وقف بيني وبين رفيف وقال تسلم يدها نهاااائي ما غلطت تستاهل يااسلااامه مامن الرجولة انك تكسر قلب بت ختت كل امالها فيك عاينتا ليهو وقلتا ياخي شوفو منو البتكلم حتى عزه كانت بتحبك وانت خليتهااا ولا حلال ليك وحرام ليناا قال لي انا ماعملتا كدا مع عزه قلتا ليهو انا عملتا الشي البنفع معااي والشايفو صح وانا ماشاافع بعمل البعجبني ماتدخلو 🙂ومشيت سقتا العربيةة سرريع ووقفتا قدام البحر بقيت اتنفس بسرعة وذكرياتي مع رواان جات ماره قداامي غمضتا عيوني شدييييد وبقيت اقول انت عملتا الصح انت عملتا الصح ياسلامه ماتتذكرها وماتهتم ____________ *عثمان* بعد الحصل عشتا نجاحات كتييرة واموري ظبطت قلتا سبحان الله اتاري خليل دا كان سبب مصائبي كلها واحسن قرار اخدتو اني زوجتا رفيف ليحيى هو احسن من مرااد وخياار موفق عملو عملية لابراهبم حقت غده مشيت ليهو في البيت حمدلتا ليهو السلااامه *لأي زول كان مفتكر انو سلامه طيب اتذكر شاهيكا في التفاح الحرام لمن قالت"انا ليس لدي اصدقاء لماذا لان الاصدقاء يخونون كيف تعلمين انك ستتعرضين للخيانه قالت في داخل كل شخص منا خيانه"* *•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *♡بــــــــــــــيــــــــــــــــــــجــــــــــــــة♡*