*#خراب_بيوت 《12》 💔* *#بقلمي_ريري_عبدو* ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ أمي : يابتي شيلي الصبر والله باين عليهو ود حلال وشاريك والا ما كان نزل وسلم علي حركتو دي عشان يختني أنا ف الصورة غايتو الولد عجبني قلت لي اسمو منو 😊😊 أنا : صافي 😏 أمي : عاد يايمة صافي والقلب صافي والنية صافي الله يصفي هموم حياتك يارب قلت ليها آمين ودخلت استحميت وصليت جينا نتغدى رغدة جات قلنا ليها اتفضلي قالت سبقناكم والله اتغدينا وشربنا الشاي واتونسنا زيييين رغدة : وصلتي لي وين ف موضوعك ؟؟؟؟😉 أنا : بري مافي جديد 😅😅😅😅😅 أها تمينا الونسة استأذنت مننا ورجعت كان بكرة الجمعة وراس السنة واتفقنا حنعمل شنو .. ف بيت رغدة :- راجلها قال ليها كنتي وين ؟؟ قالت ليهو كنت مع ملاذ هو أنا قاعدة أطلع وين .. أيوااا ومالا هي بقت ما بتجي ... قعد تجي لكن انت بتكون مافي .. ايواااا لكن بت جميلة ياخ حرام نصيبها ف الدنيا تكون وحيدة كدة غايتو راجلها دة الا كان ما واعي لمن طلقها .. رغدة ابددت تشعر بالغيرة واتضايقت من كلامو لكن تاني قالت يمكن ما قاصد حاجة 😇😇😇 .. *ف بيت حاتم :-* جاهم بالمساء قال ليهم أها كتبتو حاجاتكم ندى قالت ليهو اااي خالتي كتبتها قال ليها خلاص اتغداء وأطلع أجيبها ليكم أمو قالت ليهو أصلا بكرة اجازة خليهن جيبن بكرة قال ليها لالا بكرة ما عايز أصحى بدري .. قالت ليهو خلاص كويس أتغدى وطلع جهز الحاجات وجاء قال ليهم جهزوا حاجاتكم من بدري عشان الساعة ٥ بنطلع قالو ليهو الله يحيييينا 😄😄😄😄 أها تاني يوم كل الأسر أصبحت تتشلهت وتجري ساااي ويجهزو ف أمورهم الساعة ٤ ملاذ بقت تضرب ف التلفونات يلا نطلع عشان الطريق زحمة جهزوا نفسهم وطلعو ورجالهم جابو ليهم كريزز مأجرنو ماشي وجاي وأتحركنا كنا أنا وأمي وسهيبة ورغدة وعواطف وأمل والشفع أما لمياء سافرت لي نسابتها واعتدال اعتذرت قالت ما بتقدر المهم وصلنا بعد تلتله الساحة كانت مزحومة شديد نزلنا حاجاتنا وخشينا فرشنا فرشاتنا صلينا المغرب وقعدنا والشفع كان شايلين كورة بقو يلعبو ونحن نصور فيهم شربنا الشاي بالكيك وبعدها بقينا نشرب ف الجبنة اترشينا بالموية جنس رش 😄😄🤦‍♂️🤦‍♂️والله ضحكنا ضحك وأمي قامت صلت العشاء قالت عاد أنا ما بقدر علي السهر دة ورقدت نامت ف طرف الفرشة 😅😅😅😅 أمل طبعا كل دقيقتين تلفونها يضرب تشيلو وتمشي بعيد تتكلم وتجي وبعدها قامت مشت بعيد وأنا متابعاها بي عيوني لمن أختفت وسط الناس عدي جاء قال لي أمي عايز أمشي الحمام سقت مشينا الحمام ولمن جايين راجعين لمحت ليك أمل واقفة مع زول قلت الليله أصلو ما أخليها لأنها زي أختي لازم أشاكلهاعشان تعرف غلطها وأوعيها قربت منهم شديد وقلت ليها أمل 😡😡😡 خليتها ليك مهجومة علي خجلانة واتلفت الراجل الكان واقف معاها 😱😱😱😱😱😱😱😱😱😱😱😱 .. ناس ندى وخالتو العافية وعهود كانو قاعدين ف فرشة برضو يتونسو ويشربو ف الشاي ولؤي كان قاعد جمبهم مشترييين ليهو لعبات مشدوه معاهن ندى : انتو حاتم مشى وين 🤔🤔🤔 عهود : احتمال مع أصحابو هسه بجي .... جات ملاذ ماشة سريع وماسكه عدي يلا ياجماعة نرجع بي صوت كلو خوف وتوتر البنات اتخلعو قالو ليها نحن جايين شايلين حاجاتنا عشان نطفي الشمعة هنا ما بنمشي ثم ثانيآ القلب مزاجك فجأة شنو 🤨🤨🤨🤨 أنا : خلاص انتو أقعدو لكن أنا ماشة يلا ياأمي صحيت أمي قلت ليها أرح أمي : نمشي وين يابت ومالك عاملة كدي 😨😨 أنا: بفهمك ف البيت قومي أرح 😕😕 رغدة : بسم الله ياملاذ مالك فجاءة قلبتي كدة أقعدي نتم السهرة ونرجع مع بعض كلنا هسي حتمشي بشنو ☹️☹️ أنا : حنمشي بالمواصلات أمي أرح ولا أخليك تجي معاهم شلت شنطتي وجري علي الباب وأمي أعتذرت منهم علي تصرفنا وجات وراي يابت ما تقيفي تفهميني الحاصل في شنو أنا : أمي بفهمك ف البيت وأجرت ترحال وطار بينا طير لقينا نفسنا قدام بيتنا نزلت وأنا خامة عدي دة وماسكاهو شديد هو كان نام ف الترحال رقدتو ورقدت جمبو وبقيت أبكي ومرة أبوسو 😧😧😧😧😥 أمي: جات داخلة شفتي انتي يوم بتشليني بحركاتك دي مالك هسي زي الجابو ليك خبر فزعتيني كدة وعملتي حركتك البايخة دي لي جاراتك 😒😒😒😒 قمت مسكت أمي وبقيت أبكي قلت ليها أنا شفت حاتم يأمي أنا شفت حاتم 😭😭😭😭😭😭💔 . . . . . . . *☆ ابقو عافية ✋☆* *☆ريري💙☆* -------------------------------------- --------------------- *☆يتبــــــــــــــــــــــــــــــــــــــــــــع☆☆* *بــــــــــــــيــــــــــــــــــــجــــــــــــــة*