*#خراب_بيوت 《19》 💔* *#بقلمي_ريري_عبدو* ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ .جاراتي الله يديهم العافية رتبوا معانا البيت حتى فاتو فقدت أمل حقيقة يعني فقلت خلاص بكرة بمشي ليها ان شاء الله تاني يوم من الصباح كان اليوم جمعة قمت علي الغسيل وقلت لي أمي عايزة دمعة دجاج بي قراصة حاااااارة 😋🤤🤤🤤 خليتها تعمل فيها وع بال ما الفطور طلع كنت انتهيت من الغسيل شلت صحن قراصة ومشيت أديتو لي رغدة قالت لي عاد الليلة وشك منووور ضحكت الغريبة أصلا ما قالت لي اتفضلي 😕 وقلت ليها تعالي بعدين للجبنة وكلمي ناس اعتدال وآسيا وعواطف كلهن عليك الله قالت لي خير .. بنفطر أنا وأمي وحبيب قلبي عدي الباب دة دقة شديد أمي : خير ان شاء الله دة منو البخبط ف الباب دة كدة أنا : دقيقة خليك أنا بفتح مشيت فتحتو لقيتو حاتم 😳😳😳😳😳 ( دة مالو داير يسوينا شغله ) أهلا 🙄🙄 حاتم : انتي صحي عقدتي ياملاذ أنا : وعرسي الشهر الجاي ومعزوم بإذن الله مالك 🤨🤨🤨 حاتم : وبدون علمي كدة كدي خليني أتكلم مع خالتو الهام جاء خاشي توووووش خالتو الهام معقولة تجي منك تعقدي لي ملاذ من علمي ما كلفتو خاطركم توروني أمي : كدي أهدأ أول حاجة عشان نتفاهم حاتم : نتفاهم ف شنو ماهو الحصل حصل المزعلني انكم ما أخدتو راااي ولا شاورتوني أنا : جيت مسكتو من يدو ولفتو قلت ليهو بي صفتك شنو عشان ناخد رايك ولا نشاورك انت منو أصلا 😠😠😠 حاتم : حبي...........😪😪😪😪 أنا : تمها حبيبي ؟؟؟ هههههههههههههه شخص استفزازي حاتم انت كنت بالنسبة لي صفحة واتحرقت وانت الحرقتها تمام بيني وبينك عدي دة وبس لو عايز تقوم بدورك كأب ليهو زي ما قلت أوكي ما عايز خلينا ف حالنا لأنو بيك وبلاك كان عايش وأمورو سااالكة الحمدلله وانت ما محرم عشان تجي وتقتحم بيتنا بالطريقة دي نحن نسوان برانا والبتعملو دة ما صاح منك لو عايز تجي عشان تشوف عدي اتصل قبل ما تجي 🤨🤨🤨🤨 أمي : كلامها صاح ياحاتم انت ود بلد وبتعرف الاصول ما صاح تخش علينا كدي الشئ التاني انت اتزوجت وواصلت حياتك صاح ملاذ من حقها كمان تتزوج وتكمل حياتها واذا عايز تقيف ف عرسها كأخو ليها مرحب بيك ويسعدنا 😊😊 حاتم : آسف ياخالتي أنا كنت منفعل ولمن سمعت الخبر قررربت أجن يمكن لانو لسة بحب ملاذ 😔😔😔😔 بس كلامكم صاح أنا الخسرت ملاذ من سنين ولازم أتحمل وزي ما قلتو ما بقدر أكون أناني وأحرمها من انها تواصل حياتها رغم انو صعب علي اعتبرها زي أختي بس بحاول ان شاء الله 😢😢😢 خلوني أسلم علي عدي وأمشي أمي : نادت عدي جاء سلم عليهو وحضنو شديد قال خلوني أسوقو لي أمي تسلم عليهو وأجيبو ليكم قالت تموت وتشوفو أنا : 😳😳😳كنت عايز أقول ليهو مستحيل طبعا أمي : 🤫🤫 قالت ليهو سوقو ياحاتم ياها حبوبتو برضو أنا : قلبي دة وجعني شديد زي الما حشوفو تاني وجاتني مية حاجة في راسي ( عايز يخطفو أو مثلا يسوقو ويسافرو أو حيحصل ليهو حاجة المهم هلوسااات الأمهات ديلك 💔💔🥺 ) ساقو ومشى وكأنو ساق روحي ما عارفة بس أنا فكرة فجاءة جاء قال عايز يسوقو لي أمو دي شوشت تفكيري ياربي حبوبتو حتكون حنينة عليهو ولا لا 😭😭😭😭 زي الساقو مني للموت تاني الفطور يسمني ما مشيت عليهو أمي : يابت قومي خلي قلبك الزي الطيرة دة حاتم ياهو أبوهو ما بيديهو عوجة والليلة الجمعة قاااعد ما بيفارقو والمساء قال بجيبو قومي وختي الرحمن ف قلبك قومي جهزي حاجات جبنتك هسي النسوان ديل يجوك 🙁🙁🙁🙁 مشيت استحميت وصليت الظهر كان أذن وجهزت صندوق الجبنة والحاجات وقلت لي أمي مسافة يجو واصلا هنا وجاية مشيت لي أمل دقيت ليها الباب أمل : 😳😳😳😳 أنا : مافي اتفضلي ولا شنو ؟؟؟ كان وشها مخطوف وعيونها واااقعة أمل : اتفضلي 😟😟 خشيت جوة كانت براها قلت ليها انتي قاعدة براك أمل : لالا معاي بت خالتي أهلها ف أمدرمان وقاعدة معاي هنا يوم الجمعة بتمشي تقيل مع أهلها وتجي أتفضلي أقعدي وألف مبروك ليك كمان قلت ليها الله يبارك فيك وقعدت أمل : ملاذ والله أنا خجلانة منك شديد يمكن الزول ما بيعرف غلطو ويتراجع عنو الا يتخته ف مواقف أو يمر بي ظرف صعبة يخليهو يعرف قدر شنو الدنيا غاشاهو أنا : أنا ما جيت أعاتبك ولا جيت أوريك الغلط من الصاح لاني متأكدة انتي واعية وعارفة البتعملي فيهو دة غلط لكن جيت أقول ليك نحن كبشر كلنا بنغلط ياأمل وحلو الواحد يتعلم من أغلاطو وتاني ما يكررها لكن برضو ما تقطعي علاقتك الحلوة مع الناس بالأخص الجيرة يعني كل شئ بي دربو وبعدين الزول لمن ربنا يبتليهو بيستر نفسو ما ببشع بيها انتي تغلطي وتمشي قدام الناس تبيني غلطك ياأمل كدة صاااح الرسول قال فإذا بليتم فأستترو 🥲🥲 والله كلامي ليك دة بس عشان ما يجي زول ف يوم من الأيام يزلك بالحاجة الكنتي بتعمليها لو الغلط بقى بينك وبين ربك يوم تستغفري وتتوبي حيكون بينك وبين ربك لكن لو بقى كل الناس عارفة حتى لو ربنا هداك ورجعتي عن الغلط وتبتي الناس ما بتريحك يابت أمي صدقيني أسمعيها نصيحة مني كأخت ليك بس ❤️❤️❤️❤️ أمل بقت تبكي وقالت لي فعلا كلامك صاح والله ياملاذ أنا : ما تبكي ياأمل حصل خير بس عشان تبقى ليك عظه من الليله نسأل الله انو ربنا يهدينا ويتوب علينا ويسترنا أمل : أنا يحي طلقني ياملاذ 😭😭😭😭😭 أنا : 😳😳😳 شنو أمل : دة الحصل دة نتيجة أغلاطي ما عارفة منو المشى اتصل عليهو وكلمو ياملاذ واتصل علي طلقني أخوي ما عرف الكلام دة لو عرف بكتلني ياملاذ ( خراب بيوت 💔 ) أنا : حسبي الله وهو نعم الوكيل ياخي لية كدة بس أمل : استاهل أنا ياملاذ استاهل أي شئ يحصل معاي لاني انسانة كعبة وخاينة أستاهل أسواء من كدة كمان😭😭 أنا : لا حولاااا استغفري ياأمل الإنسان بمر بمراحل صعبة كامتحان ليهو من ربنا عشان يختبر قوة صبرو وتحملو ان شاء الله الكان السبب ف خراب بيتك ربنا ينتقم منو يارب قومي اتوضئ وصلي وادعي لي ربنا أبكي لي ربنا شديد وهو القادر يقلب الموازين ويغير حياتك هسي قومي ياأمل ولو حسيتي نفسك بقيتي كويسة تعالي أشربي معانا الجبنة تمام 🥺🥺🥺🥺 شكرتني وجيت راجعة والله الدنيا مسخانة علي أكذب عليكم دخلت البيت لقيت جاراتي جو ورغدة تقلي ف البن وآسيا تعمل ف الفنكوش ويتونسن مع أمي ويضحكن قالن لي أسم عملتي الجبنة وبالغصب جاملتهم وابتسمت 😊 شربنا الجبنة ورجعو والمساء حاتم جاب عدي وفات 🥺🥺🥺🥺😭 ما مصدقة نهائي الليله اليوم دة كان أطول يوم يمر علي . . . . . *☆ ابقو عافية ✋☆* *☆ريري💙☆* -------------------------------------- --------------------- *☆يتبــــــــــــــــــــــــــــــــــــــــــــع☆☆* *بــــــــــــــيــــــــــــــــــــجــــــــــــــة*