*#خراب_بيوت 《21》 💔* *#بقلمي_ريري_عبدو* ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ *لا تُغيّر هدفك ولا تتخّلى عن حُلمك ربمّا اخترت طرِيقًا خاطئًا وهذا لا يعني أن تُوقف الرِحلة فقط عدّل مسارك ولا تدع شيئًا يُوقفك.☘️🌷🍃* تاني يوم وصيت أمي علي أمل ومشيت الشغل ومن هناك جابني صافي برضو قلت ليهو ساعد أمل بي أي حاجة سفرها من هنا خليها تبعد شوف ليها شغل ف اي بلد وخليها تبداء من الصفر وتنسى أخوها عمل ليها نفسيات ياصافي بشع بيها قدام الناس وضربها وهي مظلومة 😭😭 نحن برضو من الناس الظلم الظلموها عشان كدة عايزة أساعدها عسى ولعل ارتاح من تأنيب الضمير نحن بنحكم علي الناس ونسئ فيهم الظن وان بعض الظن إثم ربنا يسامحنا 😢😢😢 صافي : ما تلومي نفسك ياملاذ انسانيتك وتعاملك الراقي مع الناس دة خلاك تكبري ف نظري أكتر انتي ما بتعرفي أمل من فترة طويلة بس برضو اتعاملتي مع موقفها بحزر وانسانية ووقفتي معاها أكتر من أهلها انتي انسانة عظيمة جدآ❤️❤️❤️❤️ وصلنا البيت صافي دخل معاي لقيت عدي نايم قعدت جمب أمل قلت ليها انتي كويسة قالت لي اااي صافي قال ليها أمل بتقدري تسافري أنا عندي ليك شغل ممكن أسفرك واظبط ليك أمورك أمل : ما قصرتوا انت وملاذ تسلمو بس أنا بالجد محتاجة أبعد صافي : طيب انا بظبط ليك أي حاجة ما تخافي موش عندك جواز قالت ليهو ااااي قال ليها بس خلاص جهزي لي ورقك بكرة الصباح ملاذ تجيبو لي معاها أنا : أهم حاجة ياأمل بعد تصلي تتابعي مع أخصائي نفسي دة ما عشان ان..... أمل : اااي أنا فاهمة ياملاذ واوعدك أمشي صافي طلع وانا قلت ليها بمشي البيت اجيب ليك حاجاتك قالت لي بمشي براي قلت ليها طيب مشت وانا قعدت مع أمي شوية وخشيت استحميت لقيت عدي صحى سلمت عليهو وذاكرت معاهو شوية أمي قالت لي أمل دي أتأخرت أمشي شوفيها فتحت بابنا كنت طالعة لقيتها جات .. *ف بيت حاتم* خالتو العافية : عدي عاد يشبهك شبه ياحاتم النبي بكرة جيبو لينا أشبع منو عاد ظريف جنس ظرافة حاتم : خير ياأمي بجيبو علي الاقل يلعب مع لؤي ويونسو ندى الكلام ما عاجبها لكن ما عايزة تفتح خشمها اتهرشت العولاق 🤭🤭🤭 .. ف بيت صافي صهيب : زولي مالو مهموم ياخي صافي : تعال ياصهيب عايزك ف خدمة انسانية صهيب : شفت أنا من تبدأ الرسميات دي بخاف طواليى😆😆😆 صافي : والله ما وقت ظرافتك صهيب : احم طيب أحكي صافي : ف زولة حاصلة معاها مشكلة وعايز أبعدها من هنا وعايز أظبط ليها أمورها تتخارج من البلد دي وأسفرها قطر لانو لقيت وظيفة شاغرة ليها ومناسبة معاها صهيب : والمطلوب مني شنو ؟؟؟😎😎😎 صافي : تمشي توصلها وتقيف معاها لحدي ما تعتاد علي البلدىوالوضع 🙂🙂🙂🙂 صهيب : ودة علي حساب منو 😎😎😎 صافي : صهيب برتكب فيك جريمة حتمشي ولا لا صهيب : بمشي يازول يمكن البت تعجبني واعرسها واجيكم بيها راجع ساره جات داخلة عليهم سمعت كلام صهيب : What did you say? صهيب وصافي اتخلعو : سارة : جات ضربت صهيب ف صدرو قالت ليهو قلت شنو عايز تتزوج واحدة غيري والله الا اشررحك🔪🔪🔪 صهيب : بس كلامك كلو شرييح وقتل وجثث 💔💔💔😂😂😂 صافي : أتفقنا يازول صهيب : اااي أتفقنا صافي : خلاص يلا امشو انت وهي اتشاكلو وشرحو جثثكم خارج غرفتي 🥲🥲🥲😎 صهيب طلع برة وفهم سارة كل شئ حتى راقت شوية وقالت ليهو : أنا بحبك ما بتخيل انك تتزوج غيري ❤️❤️❤️❤️ (ايوة صهيب وسارة بحبو بعض ليهم أربعة سنة 🥰🥰خلوهم ديل لأنو بجيبو للزول جفاف عاطفي 🤭🤭 ) خلال أسبوع صافي جهز كل حاجة لي أمل وقال ليها حتسافري يوم الأحد الجاي ومعاك صهيب أخوي قالت خير وحاتم جاء سلم علي أمل ف البيت وساق عدي بعد جاء من المدرسة حبوبتو كانت فرحانة بيهو ولؤي وعهود 😒لكن ندى بتحاول تتجاهل بس والمغرب جابو .. يوم الخميس اهل صافي جابو حاجات الدخان و الشيلة وسد المال الما خمج وجاء يوم الأحد وصافي أتصل علي أمل قال ليها صهيب واقف ليك برة وانا وملاذ بانتظاركم ف المطار طلعت ودعت خالتو الهام وبكت معاها شديد وخالتو الهام دعت ليها وطلعت ركبت وراء وسلمت وبقت ساكتة قالت ليهو ممكن تغشيني القسم قال ليها وهو مستغرب خير وقفها وهي نزلت طلبت من الضابط يخليها تقابل خالد وجابوهو خالد : انتي 😳 واحدة قليلة ادب وكمان عينك قوية 😡😡 جاية لي شنو أمل : انت كنت ام وأب بالنسبة لي من بعد أمي وأبوي ماتو نحنا اتربينا مع خالي وخالتي ولاقتنا مصاعب كتيرة اتخطيناها سوا كنت أكتر من أخو بس اليوم نفس الزول الكان بقول لي ما بخلي الدنيا تكسرك كسرني سمع كلام الناس وما سمع مني أيوة أنا كنت بطلع وبلاقي حاتم وعارفة انو غلط بس ما وصلت بي لي درجة أبيع شرفي وابقى لافة زي ما قلت لي كلنا بنغلط بس انتو ما اديتوني فرصة أبرر غلطي سمعتو كلام ريان الأنا كنت جاعلاها أخت لي وقاعدة معاي وما سمعتوني كل القالتو ليكم ريان غلط ياخالد أنا غلطانة وأي حاجة لكن انا ما بتاعت رجال انا اختك انت ياخالد الإنسان ما معصوم من الغلط ابدا يحى صدق وطلقني من غير يسمع مني وانت كنت حتقتلني بدون رحمة أنا مسامحاك ياود أمي وابوي ودعتك الله أنا مسافرة 😩😩 ومشت للضابط قالت ليهو انا عفيت عنو 😇😇 وطلعت علي المطار أنا وصافي كنا منتظرنها لحدي ما جو نزلت كنت بتكلم مع أمل وصافي كان بوصي في صهيب أمل : عاجزة عن شكرك ياملاذ انتي دعمتيني ووقفتي معاي كتير صحي زي ما قالو جارك القريب ولا ود أمك البعيد😪😪 أنا : ما عملت حاجة أنا ابقي عشرة علي نفسك ياامل بس عايزة أسألك ياامل منو الوصل الكلام لي أهلك بالصورة دي ؟؟؟😕😕 أمل : ريان بت خالتي مع الأسف 😔😔😔😔 أنا : 😳😳 ريان الكانت معاك ما غيره أمل : اتخيلي ياملاذ خربت بيتي وسمعتي وانا الأديتها فرصة أنا كنت طول اليوم بتونس مع حاتم كان مالي علي يومي وحياتي وكتير بطلع معاهو ما برجع الا الساعة ٩ ودة خلا الناس تظن فيني ظن السوء استاهل لانو الواحدة بتكون عارفة الغلط وبتغلطو حتى لو ف نفسها مافي حاجة بتخلي كل الناس الحوليها تأول أنا : كل الحصل لي خير ما تفكري تاني ف الماضي فكري ف المستقبل وابدي حياة جديدة تمام قالت لي تمام وودعناها ودخلو سمعنا صوت بناديها اتلفتنا لقيناهو حاتم جات راجعة قال ليها أعفي لي ياأمل لانو ونحن بنطلع ونتونس نسينا انو مجتمعنا بسئ للمرأة وبحاسبها دون الرجل أمل : صديقي الكان مالي علي حياتي ما بنساك نهائي والله يمكن نحن عندنا حاجة غريبة مرة تصادق راجل بس كنت نعم الصديق أشوف وشكم بخير كان نفسي أحضر عرسك ياملاذ وفاتت والله أنا بكيت بكاء 😭😭😭😭 رجعت البيت والمفروض آخد اجازة وانزل دخان طوالي كلمت صافي اني ما عايزة عرس في صالة أعمل حنتك وتعال سوقني رفض قال لي انتي تستاهلي كل خير وأنا حابي أعمل ليك أحلا عرس المهم ما قدرت أقنعو وصيبة أختو كان بتتصل علي فيديو تتونس معاي وتقفل مرت الأيام مسرعة وباقي يومين للعرس ورغدة بقت تجي مرة مرة من موقف أمل ما عارفة زعلانة مني عشان وقفت مع أمل ولا ف حاجة تانية المهم ما سألتها .. وصهيب رجع بعد ظبط الأمور هناك لي أمل وبقت متواصله معاي 😊😊😊 أهل صافي جو عمو ومرة عمو الفي السعودية بي بناتهم وعمو ومرتو بي بتهم الفي كندا ومعاهم صيبة كلهم جو وعملو حنة كبيرة لي صافي وجاء يوم العرس 🥺🥺 *☆ ابقو عافية ✋☆* *☆ريري💙☆* -------------------------------------- --------------------- *☆يتبــــــــــــــــــــــــــــــــــــــــــــع☆☆* *بــــــــــــــيــــــــــــــــــــجــــــــــــــة*