*#خراب_بيوت 《22》 💔* *#الاخيـــــــــــــــــــــــــــــرة* *#بقلمي_ريري_عبدو* ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ .قبل يومين كنت اتصلت لي اسلام كلمتها بالعرس وقلت ليها كلمي رشا وتوتة وشهد عليك الله ☘️☘️☘️ قبل العرس بي يوم خالتو احلام بي بناتها جو الخرطوم للعرس وأمي فرحت شديد بي جيتهم يوم العرس بالصباح عزومتنا كانت فطور خالتي هاجر بي أولاده جات عملتها لينا مفاجأة وكانت أحلا مفاجأة وأنا يادوب حسيت فرحتي إكتملت أولاد خالتي ديل طوالي معاي بالواتس وعاملين قروب سوا كنا عازمين الجيران كلهم جو وحاتم وأمو وعهود جو لانو أمي أتصلت عليهو عزمتو وقالت ليهو تكلم خالتو العافية وعهود ومرتك لكن ندى ما جات أمي وخالتو العافية سلمو علي بعض عااادي جدآ فطرو واعتزرو منها قالو ليها ما بنقدر نجي الصالة لكن حاتم بيجي الساعة ١ أنا ومعاي علا اتحركنا علي الكوفير جاتني رسالة كان محتواها ( أتعلم لما يبدو العناق جميلآ؟ 🥰🥰 لأن الجانب الأيمن منك لايحوي قلبآ، فيكون خاويآ، وعند العناق يصبح لك قلب في كِلا الجانبين.❤️❤️‏أبقيني بعقلك وبقلبك أبقيني بك إلى الأبد. مدمنك صافي 🌹 ❤️ ) أنا : 😳 صافي ؟؟؟ معقول ؟؟؟ صافي طلع رومانسي وبيكتب كلام جميل علا : بتتكلمي معاي ؟؟؟ أنا : لالا 🥲🥲 رديت ليهو ( ‏- مهَدِ لِي الطَريق إننِي أتيتُكَ مَن خَراب الدُنيا، ف‏⁦ أحتُويني⁩ 🥺☘️.) صافي : *عدلت بيك عوج الطريق صححت بيك غلط الزمن ♥️♥️✨أنا دايما معاك ياملاذ صدقيني حاأعوضك عن كل لحظة كنتي فيها براك وما لقيتي سند لا أخو ولا أب ولا زوج أنا وعدي ليك أبقى ليك أب وأخ وصديق وزوج صالح بإذن الله 🥰 ) أنا : 🥺🥺 صافي : بحبك 😍 وعارفك ما بتحبيني بس حيجي يوم وتحبيني زي ما أنا بحبك وأكتر وحاليا ما طالب غير تكوني معاي وجمبي كوني بخير حتى المساء 😉😉😉 اتوترت فجاءة كدة وصلنا الكوفير عملت ميكب خفيف وزفاف جميل وبسيط مع حجاب علا كانت لابسة فستان مع الجسم بالاسود مع اكسسوارات وشبط بالفضي طلعت جميلة شديد الساعة ٧ كنا جاهزين اتصل علي صافي قال لي اجهزو نحن قريب أنا : 🥺🥺 علا عايزة موية أشرب علا : يابت موية شنو عشان ف الصالة تقولي خاشة الحمام صاح 😅😅😅 العريس وصل كان معاهو أصحابو وبكري ود عمو وعلا والبنات الفي الكوفير بقو يزغردو وصافي وأصحابو شغالين أبشروا والله ✊مسك يدي : جميلة وازدات جمال بالحجاب 🌹 ما رديت لاني كنت خجلانة شديد ومتوتره مشينا الصالة وكان كترة عالم زادو علي توتري وما قادرة أمشي بالزفاف حاسة بيهو تقيييل قلت لي صافي نقعد طوالي لاني ما بقدر أرقص قال لي حاضر لكن حاضر دي ما طمنتني دخلنا جوة وطوالي أصحاب صافي وصهيب وبكري ومعاهم صيبة ولينا وسارة وعلا عملو دائرة كبيرة وخلونا نحن ف النص وصافي مسكني قال لي ف زول بيقعد ف يوم زي دة رقصنا اسلو وبعدها الدارة اتملت أولاد خالتي وأهل صافي وكل زول يقالد بي صفحة وأمي جات باركت لي شلت منها عدي رقصت معاهو وجاء صهيب شالو مني قال لي انتي عروس 🥲🥲🥲وأبو صافي عم إبراهيم برضو جاء بارك لي وبقى يرقصوا وأنا كان نفسي زول يحس بي بس ويقول لي خلاص أرح أقعدي تعبت تعب وأخيرآ جات صيبة ومعاها لينا قالو لي تعالي ودوني الكوشة ولا شنو دي شوية كدة وشفت اسلام ورشا وشهد جو داخلين وتأكدت انو اسلام رجعت لي راجلها لما شفتها لابسة التوب وراسمة فرحت شديد جو باركو لي ❤️❤️ .. أما صافي دة نهائي ما خلوهو يقعد ينزلوهو أصحابو يرفعوهو أولاد عمو😅😅😅🤭🤭 عملنا الجيرتق وصهيب قال يجرتقوهو مع سارة عشان ربنا يسهل ليهم ويتزوجو سريع 😅😅😅 ضحكنا فيهو بس عشان كان مصر جرتقوهو 😂😂😂 ودعت ناس أمي وعدي وبكيت معاهم قدرتي وأمي وصت صافي علي قال ليها في عيوني ما تخافي عليها 😉😉 صهيب: والله ياخالتي وصينا نحن عليها صافي حدو ينزل شغل تاني ما بيفضى ليها نحن القاعدين معاها 🙃🙃🙃 سارة : وأنت قاعد لمتين ان شاء الله 😒😒😒💔 كلهم بقو يضحكو بعدها طلعنا لأول مرة حفارق عدي دخلنا بيت ناس صافي كان عبارة عن فيلا كبيرة ماشاء الله 😍😍😍 سارة ولينا ساقوني الغرفة فوق اللهي غرفة صافي غرفة كبيرة واسعة ديكورها حلو شديد صافي جاني قال لي حجزنا بكرة لي تركيا شعورك شنو ؟؟🙂🙂 أنا : متوترة 🥲 صافي : هههههههه شئ طبيعي يلا طبعا حناخد ٢٠ يوم ف تركيا و١٠ يوم ف جزر المالديف تمام قلت ليهو خير بس لو مشينا عمرة موش أحسن ( ان شاء الله نمشي كلنا قولو آميييين 🤲 ) صافي : وعد مني ليك ياملاذ حنمشي حتى لو عمرة رمضان تمام أنا : تمام 🙂 تاني يوم قبل نسافر طيارتنا كانت ١ ظهر نزلنا تحت وصافي عرفني علي عائلتو كلها ماشاء الله ناس زي السكر راقين وواعييين ومتفاهمين وعلاقتهم حلوة شديد مع بعض سافرنا تركيا قضينا فيها أجمل الايام زكريات لا تنسى وأحلى عشرة أيام قضيناها في جزر المالديف كنت مبسوطة شديد وصافي أكتر مني 🥺🥺🥺 ورجعنا أخيرا كنت مشتاقة لي أمي وعدي شديد وتفاجأت لمن لقيتهم ف بيت صافي منتظرننا سلامنا كان حااار وعدي يبكي ياماما ما تخليني 😢😢😢 صافي طلب من أمي تستقر معانا ف البيت بس أمي رفضت قلت ليها ياأمي أنا ما بقدر أخليك براك قالت لي برجع البلد عم إبراهيم قال ليها نحن أهلك ودة بيتك كيف ترجعي البلد قالت ليهو البلد كلها أهلي وما بتجيني عوجة أنا كدة أطمأنيت علي ملاذ وعدي وكل فترة وفترة بجي عشان أشوفهم قالو ليها طيب راحتك بس اتأكدي البيت دة ياهو بيتك وفي أي لحظة مرحب بيك 😊😊😊 زعلت علي فراق أمي والله وبكيت بكاء 😭😭😭💔 صهيب : عاينو البت دي جنها بكى شوفي سارة دي هسي أهلها لمن سافرو ما نزلت منها ولا دمعة 😀😀🤭 سارة : ننننننننن ظريف 😒🐸 .. بعد ٣ سنة أنا : صهيب لا نمو حتقع 😨😨 صهيب : ههههههههه نحن ما ولدنا لكن شلنا وربينا 🥲🐸 سارة : أنا ما عارفة انت حتقعد لمتين تشيل شفع الناس ما نفسك تشيل أولادك ياخ 🥺🥺 أنا وبكري وصيبة وصافي وعم إبراهيم بقينا نضحك🤣🤣 صافي : عدي وين ياملوذ 🙂🙂 أنا : جاهو حاتم ساقو انت نسيت الليله الجمعة 🙃🙃🙃 شلت نمار من صهيب وطلعت فوق أيوة أنا جبت بنوتة أمراية وسميتها نمار 😍🥰صافي جاني قال لي ياملاذ أنا وانتي وخالتي حنمشي عمرة يوم ٢٥ ١١ أجهزي أنا كلمت خالتو وحتجي الاسبوع الجاي انشاء الله 😊😊😊😊 أنا : بالجد ياصافي انت أحلى حاجة حصلت لي أنا بحبك شديد❤️❤️❤️ صافي : اوووو شنو هههههههههه ااااااااااااااخ لالا ياملاذ أنا ما سمعت قولي بي صوت عالي قلتي شنو أنا ما مصدق 😳 كان بكورك الحيوان دة لمن صهيب وصيبة وسارة وبكري جو جارين مالكم ف شنو 😳😳😳 صافي : ملاذ قالت لي بحبك ياناس عاينو ليهو كدة 😒🐸🐸 ورجعو 🙊🙊 صافي : ديل مالهم 🥲🥲🥲 أنا : 😅 مستغربين لانو الحب بي تصرفات الزول انت بتعرفو وكلهم كانو ملاحظين لي حبي ليك الا انت ما كنت ملاحظ يعني الا اقولا ليك 😏 😅😅😅 مصطفى سيد احمد لخص معنى الاكتفاء لمن قال: انتي اول، وانتي تاني، وانتي تالت، وانتي رابع❤✨🔐🤤🌸 💛💛💛 خلال التلاتة سنة دي أنا أتحولت من بنك النيل لي بنك الخرطوم وسعيد خطب علا 😍 علا بقت صحبتي الانتيم أما صهيب وسارة ديل لا عرسو لا خطبو ما معروف فهمهم شنو بكري أتقدم لي لينا 😍 . وصيبة أخيرا خلصت وجات راجعة السودان أمي بتجينا كل فترة وفترة بتاخد معانا شهر شهرين وبترجع 🥺🥺 عدي كبر ماشاء الله وصافي بيحبو شديد وما محوجو لي حاجة وبخاف عليهو أكتر مني وعدي بناديها بابا 😊 وحاتم بجيهو كل جمعة بسوقو بقعد معاهم الجمعة والسبت وبجيبو بالليل .. (أيوة ورغدة طبعا بقت تتجاوز ملاذ لانو زوجها مدحو لي ملاذ كتر شديد وف الآخر بقى يقول ليها لو ما كنت متزوجك كان اتزوجتها دة السبب الخلاها بقت مع ملاذ ما زي أول 🙊🙊) أمل أتصلت علي كانت فرحانة قالت خالد أخوي عرف مكاني وجاء أعتذر مني واتصالحنا وحنرجع السودان سواء 😊😊 ( كويس انك كنت صادق معاي ياخالد واعتزرت منها واتصالحتو ما غلطت لمن وريتك مكان أمل 😊😊😇) *النهـــــــــــــــــــ❤ـــــاية* *طبعآ أكيد عرفتو العبرة من الرواية* *خراب البيوت كعب والله 💔 أتأكدي* *لو خربتي بيت زول ما بيعمر ليك بيت* *حبيت تكون الرواية واقعية أكتر* *وحقيقة كل السردتو ف القصة حاصل للأسف 😔😔 كما تدين تدان..🍃🎶* *ليس فقط في الانتقام ؛ 💚* *بل ستدان حين تجبر خاطرا ؛ 💙* *او تزيل هما ؛ 🖤* *او تسعد شخصا ؛ 💛* *سيأتي اليوم الذي يدان لك فيه جميلك..💜* *أتمنى تعجبكم ومنتظرة تفاعلكم* *أبقو عافية وصلو ع الحبيب* *والي حين الملتقى دمتم ف أمان الله ✋* *كـــــــــــــــــــــــــــــل الـــــــــــــــــــــــــــــود* *خـــــــــــــــــــــــــــــالد بــــــيـــــــــجـــــــــــــه*