*♡اسكربينت♡*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *جروب روايات للأحبه🌚💌🌷>>>>* *https://chat.whatsapp.com/Dwlx9FiMx1GBTFh1S6YIQh* بكلمه كل يوم، مركزة معاه وفي تفاصيله، بستناه يفتح علشان اكلمه بخلص شغلي بسرعة علشان اجري واحيكله يومي بستنى رنته بلاقي قلبي بيدق لما بكلمه مش عارفه في أية ! شكله الحُب. ° كملي. _ وبس. ° وشايفه اية؟ _ شايفاه عادي. ° عادي؟ _ اة عادي. ° عادي يا جميلة ؟ _ مش أوي. مش معنى أني بحب اكلمه يبقى بحبه. مش معنى أني عايزة اسمعه يبقى بحبه. مش معنى أن اي اغنية بسمعها هو بيجي في بالي يبقى بحبه. مش معنى أني بفكر فيه قبل ما أنام يبقى بحبه! ومش معنى أني خوفت عليه لما خد دور نزله يبقى بحبه! لا مبحبهوش ده شيء عادي يعني ! الشيء الوحيد الغريب أني سمعت منهم، سمعت من كتير عارفين إني بكلمه، أن عيني بتلمع لما وأنا بتكلم عليه! هو كل لمعة عين تكون حب؟ أكيد لا. _ وبعد ما خلصت قومت عملت شعري سنبلة. = عملتي أية؟ _ سنبلة يا آدم، متعرفهاش؟ = لا. _ أزاي ده! = وريني صورتك بيها طيب. _ لا. = أزاي ده! 'لقيته ضحك، أنا كنت عارفة أن ضحكته حلوة بس معرفش أن ضحكته حلوة أوي بتفاصيلها وكأني بغزلها من خيط حرير شايفه كل تفاصيلها وخايفة اغلط في لضم الأبرة لتطلع وحشة، ومش في الشكل المظبوط. بس ده ميمنعش إني عيب أبعت له صورتي لا. بيتأخر في مواعيده، مبقاش يرد دايمًا بقى يسيب المسدج بتاعتي بالدقايق ويكون أونلاين مش بيرد دايمًا على كل مسدج بيسيب مسدجات كتيرة ميردش عليها زعلت اضايقت قفلت الواتس وفضلت اعيطت ساعة ونص وأنا حاسه أني بكره بس لما رد عليا سامحته عادي. مكالمتنا اتحولت لشيء اساسي مبعرفش أنام غير لما اكلمه لكني! مش عايزة اواجه نفسي، مش عايزة يعرف أنه مهم عندي. خايفة خايفة ليعرف يقوم يسبني. _ علشان بحس أن عندك حل لكل حاجة = دي حاجة جميلة. _ جدًا يا آدم. = بس مش أجمل منك. كلمة متخافيش منه، كلمة سهل تتقال من اي حد بس صعب تتحس من اي حد. يقولي متخافيش. مبخافش فعلًا طيب أنا بعرف الحُب لما بطمن! يبقى كدة أية؟ حبيته ! أنا بقيت العن المسافات البعيدة بنا، بقيت حابة اشوفه اسمعه وهو قصادي هو شخص بسيط، وكسوف بطبعه مش بيتكلم كتير ومش بيحكي كتير اللي يشوف ردوده من برة يحس أنه شخص جاف في مشاعره! لكن هو بكل بساطة مبيعرفش يفتح مواضيع! أنا كمان مبعرفش بس بحب اركز في تفاصيله وأعرف عنه أكتر. أنه بعيد عني بيخنقني ببقى عايزة اشوفه كل دقيقة أنه مش بيكلمني دايما بيضايقني بس بطمنه انه أول واحد في خيالي دايمًا قبل حفلة تخرجي كنت بحكي دايمًا معاه على تفاصيل الحفلة نفسي البس فستان عايزة يكون يوم مختلف وسط صحابي مش عايزة أكون لوحدي مش عايزة أحس اني محققتش انجاز وسط سنين جامعتي عايزة أكون مختلفة حتى في لبسي! تعرف؟ مش عايزة البس فستان اصلًا عايزة البس شيء متلبسش قبل كده أعمل حاجة متعملتش أكون أنا مش حد تاني. يوم حفلة تخرجي لبست لبس بسيط، بلوزة سودة على بنطلون اسود واسع سيبت شعري وحطيت ميكب خفيف. كنت كل لحظة بتخيله معايا فوقت من خيالي لما افتكرت أنه في بلد تانية غير بلدي ومواصلات وزحمة، عشان يوصلي ياخد ساعات! ساعات حرفيًا ! مستحيل يجي مستحيل كمان يكون موجود واقفة وسط الناس بتأمل ملامحهم حاسه إني هشوفه هشوفه عن قرب وهضرب المسافات زي النونو اللي بيضرب أي حاجة توجعه سمعت اسمي في المايك "جميلة إبراهيم" اتخضيت! فكرت هيسلموني الشهادة روحت عند المايك ووقفت متنحة. "فيه حاجة برة جاية بـ اسمك مش أنتِ جميلة إبراهيم" _ ايوة. بدون ما أستاذن سبت القاعة ومشيت يا ترى لافف نفسه في هدية وجاي ليا؟ خرجت بره القاعة لقيت واحد واقف بـ ورد ورد كبير في إيده وردات كتيرة حلوة، حلوة أوي فيهم روح ونفس أسود، وأصفر زي ما بحب وسطهم وردة حمرة كبيرة. بس ده مش آدم لا! الراجل بص عليا. ~ أنتِ جميلة؟ جميلة.... مسك الكارت اللي على الورد ~جميلة إبراهيم! _ أيوة أنا. ~ أتفضلي امضي ليا هنا. مسكت منه ورقة الأستلام ومضيت سلمني الورد مسكت الكارت اللي فيه وبدأت أقرأ، قطع أبتسامتي نفس الشخص ~ والظرف ده علشانك. اخدت منه الظرف والورد. و روحت عند الباب الخلفي للقاعة، فتحت الكارت اللي متعلق في البوكية " مبروك، يا رب الورد يعجبك" آدم. اااه قلبي ينيلك ! قليل الكلام ومتخلف معرفش يلفلي نفسه بدال الورد؟ شميت الورد وخرجت النفس بحُب. أول مرة أحس أني بحب الورد أوي كدة، أو بحبني لو عايز تملك قلب بنت، هاتلها ورد! هتحبك! هتحبك أوي لفت انتباهي الظرف اللي كان في إيدي فتحته " شكرًا على كل مرة سمعتيني، وكل مرة حبتيني فيها بدون مقابلك أيوة ياستي بحبك!" محستش بنفسي غير وأنا برفع عليه سماعة التليفون وبضحك! مقولتش الو أنا فضلت اضحك وهو كمان فضل يضحك وتقريبًا قضيت حفلة تخرجي ويااه وياه قلبي. هو معنى أني بحب اكلمه يبقى بحبه. معنى أني عايزة اسمعه يبقى بحبه. معنى أن اي اغنية بسمعها هو بيجي في بالي يبقى بحبه. معنى أني بفكر فيه قبل ما أنام يبقى بحبه! و معنى أني خوفت عليه لما خد دور نزله يبقى بحبه! لا مبحبهوش ده شيء عادي يعني ! لما كنت بقول كدة كنت عبيطة معنى الكلام ده حُب وأنا بحب اه وعارفه ورضيت خلاص! اصله جبلي ورد! *"إذا اردت النجاة؛ فأمسك بقلبي"*