*#ﻋﺮﺱ_ﺑﺎﻟﻐﺼﺐ《19》*🥺💔 *#بقلم_ديما_الشاذلي* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ ال الكل مستنيه في ال مستنى عشان يعترف بحبه ال مستنى عشان يشوف حبيبه وال مستنى ينتقم ! مصطفى : مها مها مها مها اصحى اصحى مها بكسل : مالك يا مصطفى دي شنو الجوطه دى مصطفى : يلا عشان الرحله مها : طيب طيب مالك فى شنو مصطفى : ولا شي حاسس انو ح يبقى يوم حلو مها بابتسامه : ان شاء الله مصطفى : يلا ح نغشى سلمى ؟ مها : طيب ال نفطر اول مصطفى : نفطر على البحر معانا اكل كتير يلا قومى نصلى جماعه ونمشى مها : حاضر قومت ،،،،،،،،،،،،،،،،،،،،،،،،،،،،،،،،،،،،،،،،،،،،،،،،، وكالعاده فى اي بيت سوداني اصيل يوم رحله الاب : لازم يعنى تمشي يا سلمى ماتمشي ياخ اصلا كدا كدا نحنا ح نصيف سلمى : ياحاج انا طالعه مع اصحابى الاب : موش بورتسودان مصيف سلمى : اي بس نحنا ماشييين نغير جو اكيد ما ح نصيف في الشتا الاب : بتفضلى اصحابك على اهلك كووويس سلمى : اهاااا نفس الكلام بتاع كل مره يلا مها اتصلت منتظراني انا ماشة الاب: خلى بالك من نفسك سلمى : حااااااااضر سلام ياحاج *وفي البص* مصطفى : لسه باقي لينا كتير ؟ سلمى : لا خلاص قربنا مصطفى : حاسس انى فى رحله مع شفع مراد : ههههههههههههه والله كلامك صاح سالى وضربته ف ايده : هو شنو هو ال كلامك صاح مها بغيظ : قصدك شنو يعنى ؟ مصطفى وطلع لسانه : يعنى انتو شفع مها : بالمناسبة يعنب انت ما اكبر منى بكتير مصطفى : في النهاية اكبر سلمى : هههههه خلاص ياجماعه صلو علي النبى الكل : عليه الصلاه و السلام مها : خلوني اركز في الطريق مصطفى : ركزي ب راحتك مها : شايفين منظر الجبال رهيييييب سبحان الله مصطفى : فعلا سبحان الله سلمى : انا كان نفسى اجى من زمان مصطفى : ماحصل مشيتي بورتسودان قبل كدا ؟ سلمى : لا ابدا مراد : انا حنست لي ناس كدا قلت نقضى فيها شهر العسل بس مارضو ب كلامي سالى : احم احم مصطفى : هههههه الكلام ليك يا جاره سالى : كسلا احلى لكن مشرف الرحله : يلا ياجماعه جهزو نفسكم عشان ح ننزل هنا مصطفى : بسم الله الرحمن الرحيم توكلنا على الله ،،،،،،،،،،،،،،،،،،،،،،،،،،،،،،،،،،،،،،،،،، *وفى نفس الطريق* محمد بعصبيه : يعنى شنو مابتقدر تجى انا واقف فى نص الطريق ياغبى ميكانيكى : يا استاذ انا اجازه الليلة والناس كلهم اجازه ما ح تلاقى تصليح زي الزمن دا خلي العربيه فى مكانها وانا ح اجى بكره محمد : اوووووووووووووف يسرا : فى شنو محمد : مافي تصليح الليلة يسرا : وح نعمل شنو محمد : نفتش على اقرب محطة بنزين يسرا : يعني ما ح نمشي بورتسودان ؟ وح نسيبهم كدا ؟ محمد : عيب عليك وابقى محمد كيف ؟ انا عملت حسابى ورسلت وراهم ناس ،،،،،،،،،،،،،،،،،،،،،،،،،،،،،،،،،، المشرف : حمد الله على السلامه يا جماعه اسي وقت جوله حره على البحر وفي كافيهات كتير لل عايز يفطر التجمع هنا الساعه 11 *نرجع لابطالنا* مراد : مصطفى مشى وين ؟ مها : مشى يجيب صاحبه وغمزت لسالى سالى بخبث : صاحبه منو يا ميهو مها : ياسر سلمى باستغراب : ليه هو جاى ؟ مها : اي سالى : ومالك يا سلمى اتهجمتي كدا سلمى بعتاب : لا ابدا يا سالى ما اتهجمت مها : هدا جا مصطفى : اتأخرت عليكم ياسر بابتسامه : السلام عليكم الكل : وعليكم السلام مصطفى : دكتور ياسر صاحبى ياجماعه مراد : تشرفنا ياسر : شكرا مها غمزت لسالى سالى : طيب يا جماعه يلا كل زول في طريقو يلا يا مراد نمشى نحنا سلمى : ماشين وين ؟ سالى وطلعت لسانها : خلى عندك ذوق واحده مع راجلها مالك انتى مها : هههههههههههههه وانا وراك يا سالي يلا يا مصطفى ؟ مصطفى : يلا ارح سلمى وشدت مها وقالت بصوت واطى : ح تسيبونى براي ياكلبات مها وقربت من اضانها : استلقى الفرصة ياجميل سلمى : يعنى شنو ! مصطفى : يلا يا مها انا جعاااااااااان ومشو ومافي زول غير ياسر وسلمى ! ياسر : احم احم واضح انو الناس سابونا سلمى باحراج : اي وانا كمان ح اشوف اصحابى ياسر بسرعه : استنى ماشة وين ح تسيبينى براي انتى كمان سلمى ووشها حمر : معليش اسفه لكن ... .. ياسر قاطعها : ما تخافي انا عارف انك ما بتكلمى شباب وهم ما ح يتأخروا معليش خليكى معاي ،،،،،،،،،،،،،،،،،،،،،،،،،،،،،،،،،،،،،،،،،،، مها : هههههههههههههههههههه في رايك سلمى ممكن تولع فيني؟ مصطفى :لا لا ماتقلقي ح تدعي ليك مها : اصلا انا ما فاهمة هى بتخجل جدا وما ح تعرف تتكلم مصطفى : ماتخافي انا واثق فى ياسر مها : يارب مصطفى بغمزه : ويا بخت من وفق راسين فى الحلال مها : ههههههههههههه ربنا يستر ما ح تاكل ؟ انا جوعت مصطفى : ملاحظ انك بتجوعى كتير اليومين ديل حامل ولا شنو سكتت مها وصرت وشها مصطفى : انا انا اسف ما كنت قاصد طلعت كدا براها مها بابتسامه : واسف ليه يعني انا ح اكره اني ابقى حامل مصطفى : ربنا يرزقك بالزوج والذريه الصالحه مها : الحمد لله رزقنى مصطفى : اها وحامل برضو ؟ مها وضربته : هههههههه مصطفى بطل سقالة مصطفى : طيب يلا ناكل مها : ح نقعد وين ؟ مصطفى : فى اى كافيه هنا مها : لا عايزه اقعد هنا على الشاطي مصطفى : تمام يلا ،،،،،،،،،،،،،،،،،،،،،،،،،،،،، ياسر : حلو منظر البحر سلمى : اي المنظر كله جميل ياسر : بتحبى الطبيعه ؟ سلمى : وهو في زول ما بيحبها ؟ ياسر : يعنى فى ناس مابحبو الطبيعه ولا بيكونو مركزين مع حاجات تانيه اكتر سلمى : اي معاك حق ياسر : تعالى نقعد سلمى : طيب بس ما نبعد معليش عشان لو رجعوا ياسر : ديل ما ح يرجعو اسي لانهم كابلز و وبهمس : عقبالنا سلمى : نعم ؟ ياسر : لا ولا شي ياسر : انتى كنتى حابه تدخلى الكليه ولا لا ؟ سلمى : لا انا بحب الرياضه والحسابات وكنت علمى ياسر : وما دخلتي هندسه ليه ؟ سلمى : دخلت وحولت ما حبيت الهندسة شوفت نفسى اكتر في تجاره ياسر : تمام حلو ان الواحد يحدد نفسو وطريقو سلمى : اي فعلا وسكووت رهيب ياسر ( لا حول الله المواضيع كلها خلصت اقول شنو بس ) ياسر : احم تحبى تشربى شنو ؟ سلمى : لا شكرا ياسر : لا لازم تشربي انا بردان شويه وح اجيب حاجه سخنه تشربي معاي ؟ سلمى : اوك ماشى ياسر : اوك ح امشي اجيب واجى ،،،،،،،،،،،،،،،،،،،،،،،،،،،،،،،،،،،،،،، مصطفى : ياسر!! متين كدا؟ ياسر : ايوا يا زفت البت ساكته وانا خلصت كل الكلام ما عارف اقول شنو تاني مصطفى : ههههههههههه فاشل والله حاول تلمح من بعيد وبعدين قول ليها ياسر : ما عارف ياخ كل ما اعاين ليها بسكت مصطفى : وبعدين ياخ اجمد ياصاحبى ياسر : طيب ح تجو متين ؟ مصطفى : ماعارف ح اتصل ليك يلا غوور وبعد ما قفل مها : فى شنو مصطفى : هههههههه اتلخم وما عارف يتصرف مها : هههههههههه تلاقى سلمى قلبت على الوش الخشب اصلا لما بتخجل بتقلب جاد الله مصطفى : هههههههههه انا قولت ليهو يتصرف فكرنى يوم اتقدمت ليك ابوكي هو ال كان بكمل الكلام مها : ههههههه الله يرحمو انت واصحابك شبه بعض مصطفى بابتسامه : اي بس فيه فرق بينا مها : اللي هو مصطفى : يعنى هى معجبه بيهو وهو كمان وان شاء الله ح يحبو بعض وانحنا لا مها سكتت مصطفى قام واداها ضهره وبصوت ضعيف : تعرفى كان نفسى تحبينى زى ما بحبك انا .. انا اسف انى بقول كدا مها بحنان : اسف على شنو مصطفى : معليش ح امشى شويه وارجع ليك مها : استنى ح تمشي وين ؟؟ مصطفى : ما ح اتأخر مها وشدته وحضنته : ما تسيبني وتمشى مصطفى بعدها وعاين ليها بعيون مدمعه مها : عيونك ما ح تدمع وانا موجوده مصطفى بصدمه : قولتي شنو؟؟ مها بحنيه : ال سمعته مصطفى : يعنى شنو مها : يعنى احنا زينا زى ياسر وسلمى مصطفى وما مصدق : انتى بتقولى شنو مها بابتسامه : الاكل تخن ليك مخك ولا شنو مصطفى : يعنى انتى بتح....... مها وقاطعتو : بحبك مصطفى : مها انا ما مصدق مها : ليه لكن مصطفى : بالجد بتحبينى ؟؟ مها : والله بحبك يا مصطفى مصطفى : كيف مها : كيف دي طبعا من ربنا المهم انى بحبك مصطفى : الحمد لله الحمد لله مها : مالك هو انا كنت معذباك كدا مصطفى بتنهيده : معذبانى بس ؟ ومطلعه عينى كمان مها : هههههههههههههه ماقدر دا انا ملاك مصطفى : ربنا يخليكى ليا مها بابتسامه : ويخليك ليا مصطفى عاين على البحر : رأيك شنو ناجر يخت او مركب ؟ مها : بخاف من البحر مصطفى ومسك ايديها : ماتخافي طول ماانا معاكى ياسر : كويس انك طلعتى بتحبى الكابتشينو سلمى بابتسامه : شكرا ياسر : انتى عندك اخوان ؟ سلمى : اي بنوته اصغر منى داخله 2 ثانوى وانت ؟ ياسر : انا عندي اخت برضو بس اكبر وبتشتغل كيميائيه فى امريكا انا عايش هنا براي وامي مع اختي و ابوي متوفي من زمان سلمى : واضح انكم بتحبو الكيمياء انت صيدلي وهى كيميائيه ياسر : اهي جدا عشان بابا وماما دكاتره كيمياء فى كليه العلوم سلمى : ههههههههه ما شاء الله ياسر : طيب ما انتى بتقدري تضحكي هدا طيب مالك ساكته سلمى : لا عادى بس ياسر : انتى طوالي بتكوني قلقانه كدا ؟ سلمى : لا ابدا عادى ياسر : اهااا سلمى : فى حاجه ولا شنو ؟ ياسر : بصراحه عايز اقول ليك على حاجه سلمى : اتفضل ياسر وخد نفس طويل : اسمعيني ومن الاخر كدا انا مابعرف لللف ولا الدوارن واول مره فى حياتى اتختا في الموقف دا بصراحه جدا انا معجب بيك وعايز اتقدم ليك رايك شنو ؟؟ سلمى وعاينت ليهو بصدمة ياسر : انا عارف انى فاجأتك بس بصراحه ما بعرف اتكلم فى الحاجات دى والصراحه احسن حاجه لو موافقه على كلامى وريني وانا ح اكلم ابوكي واحدد موعد معاه سلمى وسكتت ياسر : سلمى ؟ سلمى فجاه : ارح خلينا نشوف سالى ومراد وين ؟؟ ياسر بلخبطه : ما موافقه يعني ؟ سلمى خجلانة : طيب شيل رقم بابا ياسر : بالجد ؟ سلمى : ح تسجلو ولا لا ؟ ياسر : لاااااااااااااا شنو ياخ بس حرام عليك وقعتى قلبى سلمى : طيب هدا ياسر سجل الرقم على موبايله سلمى : تمام كدا ؟ ياسر بابتسامه واسعه : تمام جدا سلمى : طيب يلا نمشي مها بفرحه : الهوا هنا حلو جدا مصطفى : رأيك شنو لسه خايفه ؟؟ مها بابتسامه : لا خالص مصطفى : يعنى بقيتى بتطمنى معاي ؟ مها : لولا الامان ال انا شوفتو معاك ما كنت عرفت انى بحبك مصطفى : يااااااااااه انا ما مصدق نفسى مها : طيب يلا انا جعانه مصطفى : مالك يا بت انا بديت اشك فيكى مها : البحر بيجوع مصطفى وقرب منها وحضنها : طيب ما تخلينا هنا شويه مها بصوت واطى : طيب وحضنتو وغمضت عيونها سكتت شويه وقالت : عارف انا بحمد الله انى حبيتك بعد العرس عشان اعرف اتكلم و احس تخيل لو كنت اتحرمت من الامان ال في حضنك دا مصطفى وابتسم : الحمد لله انا كنت بدعى ربنا طول الوقت يحببك فيني مها : يعنى ما كنت ح تطلقنى ؟ مصطفى : ماقدرت حتى لو لاحظتي انو المده ال حددتها فاتت من زمان مها : فعلا مصطفى : مابقدر اخليك ابدا انا ما صدقت بقيت معاك مها : ان شاء الله مع بعض على طول مصطفى : يارب مها بمرح : عايزه اعوم مصطفى : هههههههه وعد منى ليك شهر عسل وح نعوم ونعمل كل ال عايزينو مها : لسه كتير على الشتا مصطفى : الايام بتمشي بسرعه مها : ماشى خلاص مصطفى عاين فى الساعه : يلا الساعه 11 الا ربع يادوب نقدر نرجع مها : ماشى ونشوف ياسر وسلمى عملوا شنو مصطفى وقف قدامها وهمس ف اضانها : لسه لي فيكى حاجات كتيرة ح اشيلها اوعى تنسى مها خجلت : يلا ح نتأخر ،،،،،،،،،،،،،،،،،،،،،،،،،،،،،،،،،،،،،،،،،،،،،،، مها اول ما وصلت مشت لسلمى مها : ها ها عملتو شنو سلمى بغيظ : يعنى كنتو كلكم عارفين وعاملين علي فيلم مها : ههههههههههه اي بالظبط كدا احكي لى يلا سلمى : ابيييييييييىييييييت سالى وجات عليهم : ريحى نفسك يا مها ما ح تقول ليك اسي سلمى : استنى لما نقعد برانا مراد : يلا ياجماعه عشان ما نتاخر ،،،،،،،،،،،،،،،،،،،،،،،،،،،،،،،،،،،، وبعد ما رجعو لمكان التجمع المشرف : ح نعمل جوله ع الشواطئ هنا قدامنا لحدي الساعه 2 وبعد كدا ح نمشي قريه سياحيه وفى مفاجأه فى اخر اليوم مصطفى بصوت واطى : ما ح يحجزو لينا نقضى شهر العسل هنا ؟ مها ضربتو : لم نفسك ياود مصطفى : طيب ومشو كلهم وصلو عند شط من الشواطئ المشرف : تمام دا اخر شط ح نكون فيهو والغطس هنا حلو جدا ال عايز يغطس يجى مراد : تمااااااااام يلا نمشي يارجال الحته دى حقتنا ياسر : يلا سالى : ليه نحنا زاتنا عايزين نغطس مها : هههههههههه تغطسى وين يابت بال في بطنك دا خليكى انتى يلا ياسلمى مصطفى : لا ياحلوين نحنا قلنا الرجال الحريم يقعدو هنا يستنو رجالهم مها : دا ظلم انا بطالب بالمساواه مصطفى : هههههههههه ارجعى يا حبيبتى مع صحباتك ما ح نتأخر وبعد ما مشوا سالى : اها احكى نتسلى لحد ما يرجعو سلمى : ياسلام على اساس انها حكاية يعني مها وضربتها : ما تبطلى سقالة سلمى : طيب وحكت على ال حصل مها : ههههههههههههه يخرب بيتك طلعتى عينو سلمى : اعمل شنو يعنى سالى قامت حضنتها : ربنا يتمم ليك على خير ياحبيبتى سلمى بابتسامه : يارب يا سولى مها : احم احم عندى ليكم خبر سلمى : اهااااااا حامل ؟ مها وضربتها : هههههههههههههه دي شنوحكايه الحمل معاي سالى : استنى بس يا سلمى هوي يا مها لو خبر كعب خليهو وقت تانى ما تعكري مزاجنا اسي مها : شوف شوف سلمى : ههههههههه قولى ياخي خلصينا مها : احم احم احم بسم الله الرحمن الرحيم انا ياجماعه وبلا فخر قولت ل مصطفى بحبك ! *وفـى مكان تانى* محمد : يعنى هم على الشط اسي طيب تمام خليك وراهم واعمل اللى قولت ليك عليهو بعد ما قفل يسرا : ناس ليها بحر وشط وناس ليها شمس وقرف محمد : بعوضك يا حبى يسرا بحقد : بيكونو منسجمين اسي ياربي بيعملو في شنو محمد : ماتقلقي كل حاجه ح توصلنا كأننا معاهم ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، وبعد الغطس وفتره الغدا قدام البحر وقت الغروب والشمس بلونها الاحمر مها : يا الله بعشق منظر الغروب مصطفى : وانا كمان مها : تحسو انو الشمس بتغطس فى الموية مصطفى : وممكن نقول نار بتطفى واحده واحده عشان اللون الاحمر مها : اي المهم فى كل الحالات المنظر حلو مصطفى : سبحان الله مها : مصطفى ما تجى نتصور كلنا في المنظر دا مصطفى : طيب يلا وبعد ساعه سالى : يلا نرجع للتجمع مراد : ياريتنا كنا جينا برانا بدل شغل طابور الحضانه دا مصطفى : ههههههههههه معليش حكم القوى مها : انتوا الاتنين اخرتكم كعبة المشرف : انا وعدتكم بمفاجأه اتحاد الطلبه عمل ليكم حفله سمر كامله ال عايز يجى يتفضل معاانا والل ح يكمل جوله حره التجمع جنب الباصات الساعه 11 واحد من الطلاب : ليه يادكتور هى الرحله اخرها 11 ؟ المشرف : للاسف اي عشان الظروف الامنيه لازم نمشي بدرى ياسر : ياجماعه ح نمشي ولا لا ؟ مصطفى : انا عن نفسى ومرتى موافق مراد : وانا معاك ياسر بابتسامه : وانا وخطيبتى المستقبليه موافقين ولا شنو يا سلمى سلمى بكسوف : تمام ،،،،،،،،،،،،،،،،،،،،،،،،،،،،،،،،،،،،،،،،،، ومشو مكان الحفله واشتغل الدى جى اول اغنيه رومانسيه ورقص مصطفى ومها مع بعض مصطفى : اتذكرت يوم العرس وانتى ما كنتي راضيه تعاين لي مها : ياخ انسى مصطفى وضماها اكتر : حاضر ح انسى مها بعدت : مصطفى اتحرجت من زمايلى خلاص مصطفى : مراد كان عندو حق ياريتنا جينا برانا مها : موش قولت لي ح تعوضنى ؟ مصطفى : اي طبعا ياحبيبتى سالى : انا فرحانه جدا مراد : وانا فرحان عشان انتى فرحانه سالى : متذكر رقصتنا يوم العرس ؟ مراد : ودا يوم يتنسى ؟ احلى يوم فى حياتى سالى : بالجد يا مراد يعنى انت لسه بتحبنى ؟ مراد : انتى عويره ؟ ما بحبك بس انا بعشقك سالى : يعنى العرس ماقلل من حبك لي ؟ مراد : فكرة كل الناس الغلط انو العرس بيضيع الحب مع انو مفروض العكس صدقينى حبى ليك بيزيد اضعاف من ساعه ما عرسنا ياحبيبتى طول ما نحنا متفاهمين وقادرين نمشى تمام مافي حاجه ح تقل سالى بابتسامه : انا بحبك جدا ربنا يخليك لي مراد : ويخليكى لي ياحبيبتى ياسر : عقبال يوم عرسنا لما نرقص كدا مع بعض سلمى بخجل : ان شاء الله ياسر : احلى حاجه فيك خجلك دا سلمى وزاد حمره وشها : ربنا يخليك ياسر : مافي ربنا يخليك لي ؟ سكتت سلمى ياسر : طيب انا عارف انو دا ماوقتها وقتها فـى البص مصطفى : كان يوم حلو جدا وسعيد بمعرفتك يا مراد مراد : تسلم يادكتور ربنا يخليك مها : يارب دايما متجمعين كدا سالى وسلمى : امين ياااااااااارب مراد : ان شاء الله نسمع عنك خير يا ياسر انت وسلمى عايزين نبقى كلنا كابلز ياسر : ان شاء الله -------------------------------------- --------------------- *☆يتبــــــــــــــــــــــــــــــــــــــــــــع☆☆* *بــــــــــــــيــــــــــــــــــــجــــــــــــــة*