*عــالــم الـــقــصـص والــروايــات🩶📚🖋️* *❴📖❵↵أهلا بك*☠️ *❴🔢❵☟الـــبـــــــــــ❴3️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵تنسيق مشرفين قناة :* *❴📚❵↵عــالــم الـــقــصـص والــروايــات🩶📚🖋️* *❴🖤❵↵ننشر جميع انواع القصص والروايات :* حــب♥️. رعـــب♥️. اكــشـن♥️. حـــــــزن♥️. *❴👑❵↵ان كنت من محبين القصص مكانك عندنا🩶.* *❴♥️❵↵رابط القناة للأشتراك :* https://whatsapp.com/channel/0029VaS7WLxL2ATudkfnyc1U ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ *لمَن يَهوى العبَارات العَمِيقَة التي تلامس الروح،* *ستَجد نفسكَ هُنَا حَتمًا🖤✔️👇🏼.* https://whatsapp.com/channel/0029VaDB49n4yltYlBHoou0Y *_قـنـاة اقتباسات؍♡゙ُ ٫🌸🤍 ۫᭣._* ➖➖➖➖➖➖➖➖➖ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ (( شو في رشا ؟ )) اخدت نفس وجاوبتها (( لا ما في شي .. انتي فيكي شي ؟ )) هزت راسها (( لا )) عتمت الدنيا وصار ليل ، و الوقت كان بطيء كتير وانا راسي رح ينفجر من التفكير .. الصبح احمل حالي وامشي من هون ؟ .. طيب والمصاري ؟ ... بعدين انا ليش خايفه ! عادي الزلمة انتحر محدا بيعرف شو قصتو انا شو دخلني .. اصلاً انا ليش عم دور على هالتفاصيل .. وظيفتي واضحة لشو الحشرية والخوف الزايد ! بعد ما تعشينا وام حسام اخدت دواها ..رحت جبت اغراضي وحطيتهن بغرفتها وقلتلها انو رح نام عندها لان مو حابة اتركها بالليل لحالها ، كنت حاسة انو هي كمان خايفه متلي .. نمت هديك الليلة بصعوبة كبيرة .. والصبح نزلت عالدكانة لعند نزار وعزمني نشرب كاسة شاي .. ما رفضت لان كنت حابة افهم شوية تفاصيل منو #نزار : ايه خبريني كيف كانت ليلتك امبارح ؟ #رشا : تمام افضل من الي قبلها #نزار : غريب كيف اهلك بوافقو تشتغلي هيك #رشا : ليش عفواً شغلي فيه شي عيب ؟ #نزار : لا ما تفهميني غلط بس انتي بتعرفي كيف مجتمعنا #رشا : اصلاً انا محدا دمرني غير مجتمعنا المتخلف #نزار : دمرك ؟ .. كيف هيك ؟ #رشا : خلص قصة طويلة ما تهتم .. المهم انا بدي اسالك عن حسام .. صحيح هو انتحر ؟ #نزار : اوف هي بسرعه عرفتي معلومات .. وبعدك ما هربتي هههه #رشا : ليشل اهرب يعني ؟ عادي #نزار اي واضح انو عادي ليكي كيف الخوف بعيونك #رشا : المهم احكيلي لو سمحت #نزار : شوفي انا ما بدي فوت بتفاصيل كتيرة مشان ما يجيني وجع راس انا بغنى عنو .. بس هاد حسام كان شب مو تمام ابداً هو مرتو .. الكل يتكافى شرهن والي يتعامل معهن يصير منبوذ والعين عليه .. وشوفي بالأخير الإنسان بيشرب من نفس الكاس وهن شربو من كاسهن #رشا : يعني انا هلأ ما فهمت شي ابداً صراحه ! #نزار : شو بدي فهمك ؟ ما في شي مهم بدك الصراحه انتي باينتك بنت طيبة ومن عيلة ومو وجه بهدلة ومشاكل لهيك انا حبيت انصحك ، بالذات لما عرفت انك ما بتعرفي شي عن هي العيلة .. وهي صفاء الي عامله حالها منيحه ليش من سنين تاركه امها بين ايدين هالظالمين ؟ ليش ما اجت وشافت حالة امها كيف ؟ مسكينة محدا اكلها غيرها الله وحدو اعلم شو كانت تشوف منهن وتتحمل #رشا : اوف لهل درجة كان حسام ومرتو سيئين ؟ #نزار : اكتر مما بتتخيلي .. حسام ما سلمو منو لا الأموات ولا الأحياء .. وان شاء الله يكون مات واخد شرو معو قمت وانا متلبكة ومتوترة اكتر (( دايمة عالشاي مافيني اترك ام حسام لحالها اكتر من هيك )) #نزار : طيب .. نقليني رقمك #رشا : عفواً ؟ #نزار : بترجعي وبتفهميني غلط .. مشان ازا بدك وحدات ابعتلك .. ومشان ازا احتجتي شي اغراض بس ابعتيلي مسج وبجبلك ياهن #رشا : طيب .. سجل عندك .. &&&&&&&& لما يجي الليل ببلش خاف .. وانا قاعده وشاده رجلي لصدري .. والساعه 11 بالليل .. رن موبايل .. بالأول نقزت بعدين شفت رقم غريب ورديت #نزار : مسا الخير #رشا : مين ؟ #نزار : انا نزار .. حبيت اسالك بدك شي وحدات ؟ #رشا : بالله ؟ #نزار : ايوه شكلو ما بدك .. طيب بدك شي قهوة شيس شوكلاته جبنة لبنة ؟ #رشا : نزار شو بدك هلأ ؟ #نزار : والله ولا شي بس قلت بتكوني قاعده لحالك بهل بيت ودايقه خلاقك بتطمن عليكي بلشنا نحكي وشوي شوي انسجمت بالحكي .. طلعت من غرفة ام حسام وقعدت بالصالون انا وعم احكي نزار .. اخدنا الحديث لساعتين وربع صرت اتثاوب واتفقنا كل واحد يروح ينام ومنكفي حديثنا بعدين سكرت الخط وانا مبسوطة ما بعرف ليش ، كان واضح انو نزار عم يحاول يتقرب مني وما حسيت انو نيتو سيئة تجاهي بالذات بعد ما فهمت انو هو مدرس فلسفة وناطر دورو بالوظيفه الحكومية ، وانو وحيد اهلو وهي الدكانة كانت لابوه و هو استلمها لوقت ما يتوظف .. وسألني ازا كنت مرتبطة وحكيتلو عن قصتي والشي الي مريت فيه ما بعرف ليش فتحتلو قلبي بهل سرعه هي ، بس يمكن لان كنت جد خايفه ومحتاجة اي حدا يكون معي ويشغلني عن الأفكار المخيفة الي براسي .. __________________________________ صباح اليوم التالي (( اليوم الثالث من الاسبوع المتفق )) _________________________________ الساعه 2 الظهر ، طبخت بامية ورز وطعميت ام حسام وما اكلت معها ، بعد مع اعطيتها دواها اتفقنا فوتها اعمللها دش سريع وتطلع تنام وانا انزل شوي على الدكانة ، كنت حابه اخد سكبة اكل لنزار وشوفو .. ام حسام كانت نحيفة كتير وصحتها قليله ، بس مع هيك كانت عظامها تقيله والها وزن بس الحمدلله عندها لسه قوة لتساعد حالها تقوم ف ما كانت ترمي علي ثقل كل وزنها ، فتنا على الحمام وانا عم شيل تيابها عنها انتبهت على شي كتير غريب ، كان في كدمات بجسمها .. على ظهرها وكتفها ورجليها .. كدمات كبيرة و ملونة أزرق و أحمر .. المخيف بالموضوع انو هي الكدمات ما كانت لما حممتها المره الماضيه ! كان جسمها عادي وما فيه شي .. #رشا : ام حسام انتي واقعه شي من التخت ومو حاكيتلي ؟ ليش هيك جسمك ! #ام حسام : لا .. ما وقعت #رشا : كيف ما وقعتي .. اكيد محاولة تمشي لحالك بغيابي لا تخبي علي .. قعدت قدامها وحكيت معها بعصبيه وصوت عالي لان كنت مدايقه كتير من الكدمات الي شفتهن و فوراً حسبت حساب انو صفاء تشوفهن و اوقع بمشكلة #رشا : ازا بدك شي بتحكيلي انا .. وازا بدك تقومي بتنطريني .. ليش انا هون لكن ؟ لو تشوفي ظهرك ورجليكي كيف مليانين كدمات !! هيك ما بيمشي الحال يا ام حسام انا ما عم قصر معك وتاركه اهلي وكل شي وقاعده هون عندك بصير هيك ؟ تطلعت ام حسام على رجليها وشافت بعض الكدمات ، رجعت تطلعت فيني وتجمعو الدموع بعيونها وصارو شفايفها يرجفو وتحكي بشكل مقطع (( حــ ـ ســ ـ ام .. حــ ـ ـ ســام )) #رشا : خلص خلص لا تبكي طولي بالك .. خلص اهدي مو مشكلة هلأ بحممك وبحطلك عليهن كريم #ام حسام : طلعيني من هون #رشا : قصدك من الحمام ؟ لا صرت مشلحتك تيابك خليني اعملك حمام سريع يلا قمت وبلشت حممها انا ومقهورة كتير من حالي لان حاكيتها بعصبيه وخليتها تبكي هيك .. وضلت طول الحمام عم تبكي بس ما عرفت كيف راضيها ... نشفتها ورحت جبت كريم حطيتو على اماكن الكدمات ولبستها تيابها وعلى تختها ..بعتت لصفاء على الواتس #رشا : مرحبا مدام صفاء ✋ صار معي شي وحابه يكون عندك علم لما تشوفي رسالتي احكي معي لو سمحتي 🌷 بعدين تركت ام حسام صاحيه ولسه عم تبكي .. تسحبت من الغرفة واخدت صحن الأكل معي ونزلت لعند نزار #نزار : اهلا اهلا #رشا : اهلين فيك .. تفضل هاد الاكل الك #نزار: له ليش مغلبة حالك .. يسلم هالايدين #رشا : صحة .. يلا عن اذنك #نزار : لحظة وين رايحه ؟.. وليش هيك مكشرة وزعلانه ؟ #رشا : لا ما في شي بس ما بدي اترك ام حسام لحالها #نزار : طيب ما رح أخرك اقعدي نشرب كاسة شاي #رشا : طيب بس عالسريع .. #نزار : عالسريع ماشي .. قعدت معو عشر دقايق حكالي فيهن عن حالو وعيلتو اكتر بس انا ما كان عقلي معي ضليت شاردة وبالي عند ام حسام ، هيك لرجعت عالبيت فتت اطمنت عليها انها نايمة .. ضبيت المطبخ وجليت الجلي وغسلت تيابي وتياب ام حسام وطلعت نشرتهن ورا البيت جنب شجرة الإنجاص لان كان في حبل غسيل معلق ورا مربوط ما بين الشجرة و البيت .. غابت الشمس وعتمت الدنيا ، لقيت نزار باعتلي رسالة انو ازا فاضية اتصل فيه لنحكي شوي .. بس كنت بدي فوت اتحمم قبل ما صحي ام حسام .. اخدت بيجامتي والمنشفه وفتت على الحمام .. قفلت الباب .. شلحت تيابي .. و نزلت تحت الدش حطيت الشامبو على شعري وغمضت عيوني .. حاولت استرخي وريح حالي من الضغوط الي عم حس فيها .. وانا مغمضة عيوني والرغوة على شعري و وجهي .. رن بأدني صوت طفل عم يضحك صوت قريب كتير كأنو الطفل جنبي بالضبط .. صرت حاول فتح عيوني والشامبو يحرقني وارجع غمضهن ..حطيت راسي تحت المي لاتغسل بسرعه وقلبي رح يطلع من محلو .. بعدين حسيت بايد صغيرة ماسكتني من رجلي .. فتحت عيوني والتفتت لوراي انا وعم اتطلع بالأرض .. شفت بنت صغيرة لابسه فستان اخضر وعم تضحك وتطلع فيني.. كنت بدي اصرخ بس حسيت كأني خرست مره وحده .. ما في صوت عم يطلع مني ولا قادرة حرك شفايفي وانطلق لو حرف واحد .. بس دموعي عم ينزلو انا وعم شوف هاد المنظر قدامي .. كانت ماسكة رجلي التنتين وعم تضحك وتطلع فيني ... بعدين رفعتلي ايدها ... ايدها الصغيرة كانت مليانه دم .. صرت بعد عنها خطوة خطوة وهي تزحف بإتجاهي ، وفجأة انقطعت الكهربا وما عدت شايفه شي بس لسه سامعتها هي وعم تضحك وكأنها قريبه مني .. ركضت على الباب وصرت حاول افتحو وطلعت عن سكوتي وصرت صرخ متل المجنونة ... طلعت من الحمام و فوراً فتت على غرفة ام حسام بدون تياب و مبلولة وعم ارجف واصرخ ، صحيت مفزوعة وصارت تطلع علي بخوف وتسألني شو في قعدت بالأرض ولزقت بالحيط .. حطيت راسي على ركبتي وسكرت اذاني مشان ما اسمع اي صوت .. وضليت ابكي وارجف نزلت ام حسام من التخت وحاولت تمسكني وتهديني وصارت تسألني (( شو شفتي .. شو شفتي !! )) مسكت فيها بخوف واشرتلها على الحمام (( في بنت هنيك .. في بنت صغيرة بالحمام )) حضنتني وشدتني لصدرها هي وعم تمسح على شعري ... سحبت الغطا ولفتني فيه وضلت حاضنتني لبلشت ارجع للوعي ... راحت الرجفة .. والمكان كان هادي ما فيه اي صوت والكهربا رجعت .. كأنو ما صار شي #رشا : انا مو مجنونة .. لمستني من رجلي ... حسيت فيها كانت حقيقيه وعم تضحك .. ضلت تزحف بإتجاهي #ام حسام : بعرف انتبهت على حالي انو بعدني بلا تياب .. قمت وقفت على رجلي وانا حاسة حيلي مهدود ..لبست وربطت شعري ورجعت قعدت انا وعم اتذكر الي شفتو وام حسام بس قاعده عالأرض وعم تطلع فيني بنظرات ما عرفت فسر شو هن .. هل هن شفقه .. ولا خوف علي .. ولا خوف مني .. ولا هي عارفه شي ومو قادرة تحكيه .. ما كنت قادرة افهم .. كان موبايلي عم يرن كل شوي .. كنت تاركتو بالصالون .. سندت حالي على الحيط ورحت مشان جيبو لان خفت يكونو اهلي الي عم يتصلو و يخافو علي لان ما عم جاوب .. طلعت على الصالون وعيوني عم يتحركو بكل الإتجاهات ودموعي عم ينزلو من الخوف .. مسكت الموبايل .. اتطلعت فيه لقيت 7 مكالمات 4 من اهلي و 3 من نزار .. والساعه 8:30 المسا رجعت اتصلت على اهلي وعم امسح دموعي .. جاوبت رغد #رغد : شو ما بتشبعي حكي انتي خلص حكينا ومشي الحال اتركيني ادرس ؟ #رشا : اسفه كنت بالحمام لهيك ما رديت #رغد : كمان بدك تعيدي نفس الحكي ؟ خلص من شوي اتصلتي وقلتيلي انو كنتي بالحمام لهيك ما رديتي .. وقلتيلي انو طبختي بامية ، وقلتيلي انو شربتي شاي مع نزار .. وقلتيلي انك غسلتي .. وقلتيلي انك عصبتي على ام حسام وزعلتيها.. لك حتى قلتيلي انك لبستي بنطلون البيجامة الأخضر على الكنزة الحمرا هههههههههه اتركيني ادرس بقى هي حفظت كل حكيك منيح ؟ تطلعت على حالي وفعلا كنت لابسة البنطلون الأخضرة على الكنزا الحمرا .. لبستهن بدون وعي كنت بس عم دور على اي شي البسو .. #رغد : الوووو ؟؟ شو وين رحتي ؟ ؟ ... الوووو ... الووو سمعت صوت متل مفتاح عم يفتح قفل .. وطق تلات طقات وبعدا صوت فتحة باب .. سكرت الخط وتركت الموبايل من ايدي وتطلعت باتجاه الصوت كان صوت قفل الغرفة المقفولة الي ما قدرت افتحها من اول ما فتت البيت .. كان بابها مفتوح ومردود ... والغرفة جوا عتمه كيف انفتح الباب .. وشو في جوا ... ما كان عندي أي فكرة !!!!!!!!!!!! بس مشيت باتجاها بدون إرادة .. وبدون ما اقدر اتحكم برجلي *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵تنسيق مشرفين قناة :* *❴📚❵↵عــالــم الـــقــصـص والــروايــات🩶📚🖋️* *❴🖤❵↵ننشر جميع انواع القصص والروايات :* حــب♥️. رعـــب♥️. اكــشـن♥️. حـــــــزن♥️. *❴👑❵↵ان كنت من محبين القصص مكانك عندنا🩶.* *❴♥️❵↵رابط القناة للأشتراك :* https://whatsapp.com/channel/0029VaS7WLxL2ATudkfnyc1U ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ *لمَن يَهوى العبَارات العَمِيقَة التي تلامس الروح،* *ستَجد نفسكَ هُنَا حَتمًا🖤✔️👇🏼.* https://whatsapp.com/channel/0029VaDB49n4yltYlBHoou0Y *_قـنـاة اقتباسات؍♡゙ُ ٫🌸🤍 ۫᭣._*