الموضوع الي هتكلم فيه النهارده هو الغيبه (الذنب الخطير) الذنب ده كلنا بنقع فيه (نقول على المنايفه كلهم بخله ونشتم دي ونشتم ف ده وهكذا) طيب انت عارف ان الذنوب نوعين نوع في حق ربنا ده ربنا بيغفرهولنا ونوع في حق العباد ده ربنا لازم يخلي كل عبد ياخد حقه من التاني وده مش بيتغفرلنا غير لما الشخص التاني يسامحنا شايف الكارثه؟؟ هتيجي يوم القيامه معاك جبال حسنات وفي الاخر هتبقا مفلس عشان كل واحد هيجي ياخد حقه ده غير عذاب ربنا طبعا طيب اعمل ايه؟ اولا التوبه النصوحه تبعد عن النميمه ومتقعدش مع حد بينم حتى لو هتقعد ساكت هتتحاسب زيهم تاني حاجه يا تستغفر ليك وللي اغتابتهم حتى لو ناسيهم ( اللهم اغفر لي ولمن اغتبته) وتطلع صدقات بنيه الغفران من الغيبه يا أما ( تروح للي اغتبته تقوله انا والله اغتبتك وعايزك تسامحني) يا اما شوف انت اتكلمت وحش عليهم فين وتروح تذكرهم بالخير في نفس المجلس الي اتكلمت وحش عليهم فيه وتسأل الله أن ربنا يغفرلك وتدعي للناس الي اغتبتهم دي واهم حاجه التوبه النصوحه *`غفر الله لنا ولكم وتاب علينا وعليكم⁦⁠♡`*