*🔰അപ്രന്റിസ് നിയമനം* 🔅ജില്ലയിലെ വിവിധ സര്‍ക്കാര്‍ ആശുപത്രികളില്‍ നഴ്സിങ്, പാരാമെഡിക്കല്‍ യോഗ്യതയുള്ള പട്ടികജാതി വിഭാഗം യുവതി യുവാക്കളെ കരാര്‍ അടിസ്ഥാനത്തില്‍ അപ്രന്റിസ് ട്രെയിനികളായി നിയമിക്കുന്നു. 🔅ഗവ. അംഗീകൃത സ്ഥാപനങ്ങളില്‍ നിന്നും ജനറല്‍ നഴ്‌സിങ്/ ബി.എസ്.സി നഴ്‌സിങ് കോഴ്സ്, ഡി.എം.ഇ അംഗീകൃത പാരാമെഡിക്കല്‍ കോഴ്സ് പാസ്സായവരായിരിക്കണം. പ്രായപരിധി 21 നും 35 നും മധ്യേ. രണ്ട് വര്‍ഷമാണ് നിയമന കാലാവധി. ബി.എസ്.സി നഴ്‌സിങ് യോഗ്യതയുള്ള ഉദ്യോഗാര്‍ഥികളെ പരിഗണിച്ച ശേഷമായിരിക്കും ജനറല്‍ നഴ്സിങ് യോഗ്യതയുള്ള ഉദ്യോഗാര്‍ഥികളെ പരിഗണിക്കുക. 🔅ബി.എസ്.സി നഴ്സിങ് യോഗ്യതയുള്ളവര്‍ക്ക് പ്രതിമാസം 18,000 രൂപയും ജി.എന്‍.എം യോഗ്യതയുള്ളവര്‍ക്ക് 15,000 രൂപയും ഹോണറേറിയമായി ലഭിക്കും. പാരാമെഡിക്കല്‍ യോഗ്യതയുള്ളവര്‍ക്ക് 12,000 രൂപയാണ് ഹോണറേറിയം. 🔅താല്‍പര്യമുള്ളവര്‍ ജാതി, വരുമാനം, വിദ്യാഭ്യാസ യോഗ്യത, വയസ്സ് എന്നിവ തെളിയിക്കുന്ന സാക്ഷ്യപത്രങ്ങളുടെ പകര്‍പ്പുകള്‍ സഹിതമുള്ള അപേക്ഷകള്‍ ഫെബ്രുവരി 10 ന് വൈകീട്ട് അഞ്ചിനകം പാലക്കാട് ജില്ലാ പട്ടികജാതി വികസന ഓഫീസില്‍ ലഭ്യമാക്കണം. ഫോണ്‍: 0491 2505005.