*Nam ngailut* I-nam ngailut uhi itobang ham chomkhat gah gelkhom ute. •Meilhei gal jih'a genthei natokhah jih'a meilhei ho navetda jih'a nam ngailu nahim? •Naga gal'a genthei tokhah jih'a Naga ho vetda jih'a nam ngailu nahim? •Gal sunga isopi teovin lungthim choum akeng uvin thildang joh'in akisabui uve tia sopi ho kisahdan navetda jih'a nam ngailu nahim? •Ka area hon area dangho sangin galmi te aha kap joh'in kamoh um+ pouve tijih'a nam ngailu nahim? •Social media langa kanam mipite dingin pan kalajinge nati man'a nam ngailu nahim? •Sum tonading kamu jousen sum katoh'e tijih'a nam ngailu nahim? Chunga hung kisei hokhu nam ngailu lou ahipouve, ibon cheh uva i-nam ngailut dan uhi achoumbleh ahin hichejeh chun khangthah hihen ahan hileh min nang ngailut banga nam angailut lou jih'a chu nam ngailulou ahipoi ti ihet ngai'u ahi. Hinlah nam ngailutdan hijat lah'a khu hoichepen khu nam natoh hinam? Nam ngailu jouse ngailut ding ahi; nam ngailut chu nam natoh sodoh ngai ahi. Khangthah hon i-nam ngailut uhi hitahi imoh kichaisah loudiu, mudoh leh hetthei aso nadinga nam ngailu khom hotoh pankhom'a nam phatchoumna ding pouva thase louvin pang jingu hite chumabanleh i-namsung uva hin akitohmo atam khopset tai, ki si to ki kal to hi ngahphat ahitai, akilungtoh lou jong chu nam ngailu ma+ hithei ahe ti heohitin ngaidan kibang hihle jong nampi ding ahileh khanglui lungel'a "ithusei pomlou lou ei dou" ti lunggel ipeilhah uva thu seimin khomji kithemchuh dinghi ilungsung uvin kichintup jing'u hiute. *Na nam ngailutna chu aga hung so tei hen!* *YOUNG KUKI*