आज पुण्यात राष्ट्रवादी काँग्रेस पक्षाच्या ओबीसी सेल प्रदेश कार्यकारिणी राज्यस्तरीय बैठक पार पडली. यावेळी सर्व प्रदेश कार्यकारिणी आणि पदाधिकाऱ्यांशी संवाद साधला. ओबीसी समाजाच्या सर्वांगीण विकासासाठी पक्ष सदैव कटिबद्ध असून समाजाप्रति पक्षाची असलेली बांधिलकी राखत सर्वांनी एकत्रितपणे लोकहितासाठी प्रयत्नशील राहावे, असे आवाहन केले. या बैठकीला महिला प्रदेशाध्यक्ष श्रीमती रूपालीताई चाकणकर, ओबीसी सेलचे प्रदेशाध्यक्ष श्री. कल्याणजी आखाडे, प्रदेश सरचिटणीस आमदार श्री. शिवाजीराव गर्जे, मुख्य प्रवक्ते माजी खासदार श्री. आनंद पराजंपे तसेच राज्यभरातील ओबीसी जिल्हाध्यक्ष व प्रदेश पदाधिकारी उपस्थित होते.