কৰেন্ট এফেয়াৰ্ছ (১৯ জানুৱাৰী, ২০২৫) ১. প্ৰধানমন্ত্ৰী নৰেন্দ্ৰ মোদীয়ে ১৮ জানুৱাৰীত ভিডিঅ’ কনফাৰেঞ্চৰ জৰিয়তে স্বামিত্ব আঁচনিৰ অধীনত ৬৫ লাখতকৈ অধিক সম্পত্তি কাৰ্ড বিতৰণ কৰিব। ২. কেন্দ্ৰীয় বাণিজ্য আৰু উদ্যোগ মন্ত্ৰী পীয়ুষ গোৱেলে ১৮ জানুৱাৰীৰ পৰা তিনিদিনীয়া ব্ৰাছেলছৰ সফৰ আৰম্ভ কৰিছে। তেওঁ এই সময়ছোৱাত ইউৰোপীয় বাণিজ্য আৰু অৰ্থনৈতিক সুৰক্ষা আয়োগৰ আয়ুক্ত মাৰোচ শেফকোভিচৰ সৈতে উচ্চ-স্তৰীয়া আলোচনা কৰিব। ৩. ৱাক্‌ফ (সংশোধনী) বিধেয়ক ২০২৪ সম্পৰ্কীয় সাঙুৰা সংসদীয় সমিতি ১৮ জানুৱাৰীত পাটনাত আলোচনা অনুষ্ঠানত মিলিত হয়। জগদম্বিকা পালে নেতৃত্ব দিয়া এই সমিতিয়ে ৰাজ্যিক শিয়া আৰু ছুনী ৱাক্‌ফ ব’ৰ্ডৰ প্ৰতিনিধিসকলৰ সৈতে আলোচনা কৰে। ৪. সংসদৰ বাজেট অধিবেশন ৩১ জানুৱাৰীৰ পৰা আৰম্ভ হ’ব। ৰাষ্ট্ৰপতি দ্ৰৌপদী মুৰ্মুৱে লোকসভা আৰু ৰাজ্যসভাৰ সাঙুৰা বৈঠকত ৩১ জানুৱাৰীত ভাষণ প্ৰদান কৰিব। কেন্দ্ৰীয় বাজেট ১ ফেব্ৰুৱাৰীত উপস্থাপন হ’ব। ৫. কেন্দ্ৰীয় গৃহ আৰু নগৰীয় উন্নয়ন মন্ত্ৰী মনোহৰ লাল খট্টৰে ১৭ জানুৱাৰীত নৱম স্বচ্ছ সৰ্বেক্ষণ সংস্কৰণৰ টুলকিট উন্মোচন কৰিছে। নতুন সংস্কৰণৰ অধীনত ‘সুপাৰ স্বচ্ছ লীগ’ নামেৰে সকলোতকৈ পৰিস্কাৰ চহৰৰ মাজত প্ৰতিযোগিতা আৰম্ভ কৰা হৈছে। ৬. দিল্লী-এনচি আৰ অঞ্চলত বায়ু মানৰ উন্নতিৰ বাবে GRAP-3ৰ (গ্ৰেডেড ৰিছপ’ন্স একচন প্লান) নিৰ্বন্ধবোৰ প্ৰত্যাহাৰ কৰা হৈছে। ৭. কেন্দ্ৰীয় যোগাযোগ মন্ত্ৰী জ্যোতিৰাদিত্য সিন্ধিয়াই ‘সঞ্চাৰ সাথী এপ’ মুকলি কৰিছে। এই এপে মোবাইল চুৰি আৰু চাইবাৰ ঠগীবোৰ সমাধান কৰিব। লগতে গ্ৰাহকসকলক নিজৰ নামত মুকলি কৰা সকলো মোবাইল সংযোগৰ তথ্য দিব। ৮. ৰাষ্ট্ৰীয় বিজ্ঞান নাট্য মহোৎসৱ ২০২৪-২৫, ১৮ জানুৱাৰীত নতুন দিল্লীৰ ৰাষ্ট্ৰীয় বিজ্ঞান কেন্দ্ৰত অনুষ্ঠিত হৈছে। ৯. কেন্দ্ৰীয় গৃহ মন্ত্ৰী অমিত শ্বাহে ১৭ জানুৱাৰীত মধ্যপ্ৰদেশৰ তিনিখন নতুন অপৰাধ আইন পৰ্যালোচনা কৰিবলৈ নতুন দিল্লীত বৈঠক কৰিছিল। ১০. উত্তৰ ৰেলৱেৰ দিল্লী মণ্ডলে ১৪০ বছৰ পুৰণি হস্তচালিত ক্ৰেইনটোক সফলতাৰে মেরামতি কৰি দেশৰ ৰেলৱে ঐতিহ্যৰ স্মাৰক ৰূপে অন্তৰ্ভুক্ত কৰিছে। ১১. তথ্য আৰু প্ৰচাৰ মন্ত্ৰণালয়ে ১৭ জানুৱাৰীত স্থানীয় কেব্‌ল অপাৰেটৰৰ পঞ্জীয়ন প্ৰক্ৰিয়া সহজ কৰিবৰ বাবে কেব্‌ল টেলিভিছন নেটৱৰ্ক নিয়ম, ১৯৯৪ৰ সংশোধিত বিজ্ঞপ্তি জাৰি কৰিছে। ১২. অৰ্থনৈতিক বিষয়ক মন্ত্ৰীসভাৰ কমিটিয়ে ৰাষ্ট্ৰীয় ইস্পাত নিগম লিমিটেড (RINL)-ৰ বাবে ১১,৪৪০ কোটি টকাৰ পুনৰুজ্জীৱন পেকেজৰ অনুমোদন জনাইছে। ১৩. কেন্দ্ৰীয় পৰৰাষ্ট্ৰ মন্ত্ৰী ডঃ এছ. জয়শংকৰই ১৭ জানুৱাৰীত বেংগালুৰুত আমেৰিকাৰ নতুন বাণিজ্য দুতাবাস মুকলি কৰিছে। এই উপলক্ষে ভাৰতত আমেৰিকাৰ ৰাষ্ট্ৰদূত এৰিক গাৰচেট্টি আৰু কৰ্ণাটকৰ উপ-মুখ্যমন্ত্ৰী ডি.কে. শিৱকুমাৰ উপস্থিত থাকে।