**বৰ্তমানৰ বাতৰি: ০১ ফেব্ৰুৱাৰী ২০২৫** **১. ৰাষ্ট্ৰপতি দ্ৰৌপদী মুৰ্মুৰ দ্বাৰা সংসদৰ যুটীয়া অধিৱেশনত ভাষণ** ৰাষ্ট্ৰপতি দ্ৰৌপদী মুৰ্মুৱে ৩১ জানুৱাৰীৰ পুৱা ১১ বজাত লোকসভাত সংসদৰ দুয়োখন সদনৰ যুটীয়া অধিৱেশনত ভাষণ প্ৰদান কৰিব, যাৰ দ্বাৰা বাজেট অধিৱেশনৰ আনুষ্ঠানিক আৰম্ভণি হ'ব। সংসদৰ এই বাজেট অধিৱেশন দুটা পৰ্যায়ত অনুষ্ঠিত হ'ব। প্ৰথম পৰ্যায় ৩১ জানুৱাৰী পৰা ১৩ ফেব্ৰুৱাৰীলৈ চলিব, য'ত ১ ফেব্ৰুৱাৰীত কেন্দ্ৰীয় বাজেট উপস্থাপন কৰা হ'ব। দ্বিতীয় পৰ্যায় ১০ মাৰ্চৰ পৰা ৪ এপ্ৰিললৈ চলিব। **২. মহাকুম্ভ মেলা অঞ্চল ৪ ফেব্ৰুৱাৰীলৈকে বাহন-মুক্ত জ’ন হিচাপে ঘোষণা** উত্তৰ প্ৰদেশ চৰকাৰে প্ৰয়াগৰাজৰ মহাকুম্ভ মেলা অঞ্চলক ৪ ফেব্ৰুৱাৰীলৈকে বাহন-মুক্ত জ’ন হিচাপে ঘোষণা কৰিছে। এই সিদ্ধান্ত তীৰ্থযাত্ৰীৰ সুৰক্ষা, যাতায়াত ব্যৱস্থা আৰু ভিৰ নিয়ন্ত্ৰণৰ বাবে গ্ৰহণ কৰা হৈছে। **৩. বিত্ত মন্ত্ৰী নিৰ্মলা সীতাৰামণে আজি অৰ্থনৈতিক সমীক্ষা উপস্থাপন কৰিব** কেন্দ্ৰীয় বিত্ত মন্ত্ৰী নিৰ্মলা সীতাৰামণে আজি, ৩১ জানুৱাৰী, লোকসভা আৰু ৰাজ্যসভাৰ সংক্ষিপ্ত অধিৱেশনত অৰ্থনৈতিক সমীক্ষা উপস্থাপন কৰিব। **৪. নতুন দিল্লী বিশ্ব পুথি মেলা ২০২৫ ১-৯ ফেব্ৰুৱাৰীত অনুষ্ঠিত হ'ব** নতুন দিল্লী বিশ্ব পুথি মেলা ২০২৫ ১-৯ ফেব্ৰুৱাৰী ২০২৫ তাৰিখে ভাৰত মণ্ডপম, নতুন দিল্লীত অনুষ্ঠিত হ'ব। এই বছৰ মেলাৰ বিষয় 'আমরা ভাৰতৰ লোক'। নৱদিনীয়া মেলাখনৰ উদ্বোধন ৰাষ্ট্ৰপতি দ্ৰৌপদী মুৰ্মুৱে কৰিব। এইবাৰৰ অতিথি দেশ 'ৰাছিয়া' হ'ব আৰু ৫০তকৈ অধিক দেশ, যেনে ফ্ৰান্স, আৰ্জেণ্টিনা, স্পেইন, কলম্বিয়া, সংযুক্ত আৰব আমিৰাত আৰু কাতাৰ আদি দেশসমূহ অংশগ্ৰহণ কৰিব। এই মেলাৰ আয়োজন ৰাষ্ট্ৰীয় পুথি ন্যাস, ভাৰত (শিক্ষা মন্ত্ৰণালয়, ভাৰত চৰকাৰ) দ্বাৰা কৰা হৈছে। **৫. মহাৰাষ্ট্ৰত অনুষ্ঠিত হ'ব এছিয়াৰ আটাইতকৈ ডাঙৰ AI ইভেন্ট** মহাৰাষ্ট্ৰ চৰকাৰ আৰু টেক এণ্ট্ৰপ্ৰিনিউৰছ এছ’চিয়েচন অৱ মুম্বাইৰ সহযোগত মুম্বাই টেক উইক ২০২৫ (MTW) ২৪ ফেব্ৰুৱাৰী পৰা ১ মাৰ্চ ২০২৫লৈ অনুষ্ঠিত হ'ব। MTW ২০২৫ৰ উদ্দেশ্য মুম্বাইক AI উদ্ভাৱন আৰু প্ৰযুক্তিৰ ক্ষেত্ৰত এখন মুখ্য কেন্দ্ৰ হিচাপে গঢ়ি তোলা। **৬. জম্মুত ৩০ জানুৱাৰীত 'ৰাষ্ট্ৰীয় ডোগৰি কবি সন্মিলন' অনুষ্ঠিত** ৭৬তম গণতন্ত্ৰ দিৱস উদযাপনৰ অংশস্বৰূপে জম্মু আৰু কাশ্মীৰ কলা, সংস্কৃতি আৰু ভাষা একাডেমিয়ে ৩০ জানুৱাৰীত জম্মুত 'ৰাষ্ট্ৰীয় ডোগৰি কবি সন্মিলন' অনুষ্ঠিত কৰে। এই সন্মিলনৰ লক্ষ্য আছিল কবিতাৰ জৰিয়তে বিভিন্ন সম্প্ৰদায়ৰ মাজত একতা, অখণ্ডতা আৰু বৈচিত্ৰ্যৰ অনুভূতি প্ৰসাৰ কৰা। **৭. ওড়িশা চৰকাৰে মহাকুম্ভ মেলালৈ যোৱা বিশেষ বাছ সেৱাসমূহ ৪ ফেব্ৰুৱাৰীলৈ স্থগিত ৰখাৰ সিদ্ধান্ত ল’লে** ওড়িশা চৰকাৰে উত্তৰ প্ৰদেশৰ প্ৰয়াগৰাজত অনুষ্ঠিত মহাকুম্ভ মেলালৈ ওড়িশাৰ পৰা যোৱা সকলো বিশেষ বাছ সেৱা ৪ ফেব্ৰুৱাৰীলৈ স্থগিত ৰাখিছে। প্ৰয়াগৰাজত তীৰ্থযাত্ৰীৰ বৃহৎ ভিৰৰ বাবে কোনো অনাকাংক্ষিত ঘটনা এৰি চলিবলৈ এই সিদ্ধান্ত লোৱা হৈছে। ওড়িশা ৰাজ্যিক পথ পৰিবহন নিগম (OSRTC)-এ ১২ জানুৱাৰী পৰা ২৬ ফেব্ৰুৱাৰীলৈ ওড়িশাৰ পৰা প্ৰয়াগৰাজলৈ আটাইতকৈ ৮খন বাছ চলাই আছিল। **৮. MCD ১ ফেব্ৰুৱাৰীলৈকে ‘পিংকথন’ মহিলা ৱাকথন আৰম্ভ কৰিব** দিল্লী পৌৰ নিগম (MCD)-এ ১ ফেব্ৰুৱাৰীত ৰাজধানীৰ ৰোহিণী ছেক্টৰ-৫স্থিত MCD কাৰ্যালয়ৰ পৰা প্ৰথম মহিলা ৱাকথন ‘পিংকথন’ আৰম্ভ কৰিব। পিংকথন পুৱা ৭:৩০ বজাৰ পৰা আৰম্ভ হ'ব। **৯. হৰপ্ৰীত কৌৰ ববলা চণ্ডীগড় মেয়ৰ নিৰ্বাচনত জয়ী** ভাৰতীয় জনতা পাৰ্টীৰ (BJP) হৰপ্ৰীত কৌৰ ববলা (Harpreet Kaur Babla) চণ্ডীগড় মেয়ৰ নিৰ্বাচনত জয়লাভ কৰিছে। তেওঁ আম আদমী পাৰ্টী (AAP)-কংগ্ৰেছ জোটৰ প্ৰাৰ্থী প্ৰেমলতাৰ বিপক্ষে মাত্ৰ ৩ ভোটৰ ব্যৱধানত জয়ী হয়। উল্লেখযোগ্য যে হৰপ্ৰীত কৌৰ ববলা চণ্ডীগড় পৌৰ নিগমৰ তিনিবাৰ পৌৰপিতা (Councillor) হিচাপে কাৰ্যনিৰ্বাহ কৰিছে।