*MALAYSIA | CHIN NUMEI KHAT IN THAHLUP THUAK* 15th Feb. 2025 Mindat khuapi pan Malaysia gam ah ateeng ahi, nupi kum 36 apha khat zanni Feb 14, 2025 ni in a innsung ah thahlup thuak giap mawk hi, ci in Dai Community of Malaysia in genkhia hi. Hong nusia nupi nu’ pasal pen tua ni mah in Seremban lam apaipak hi in, a zi pen inn ah amah bek a om ahi hi, ci hi. A inn uah migilo midang lut a tem tawh na dawtlum uh hi. A pasal inn atun kik ciang in a zi asihlam kithei pan, ci hi. A pasal in Minam zum (office) te zasak pah a, tuateng pan palik (police) te ko pah uh ci hi. Hih asih dan a kivel phat ciang in akithatbek zong hilo in, akibuan (rape) khit ciang in akithat maw? aih’kei leh bawlsia (torture) dikdek phot a, tua khit ciang’ tem tawh adawt maw? cihdan in om, ci hi. Akiim-apaam ah maan (glasses) khawng zong tam (broken) in, munphiah khawng zong kitan ci hi. Malaysia palik te in apasal tawh, a innsap mi 3-te tawh mimal 4 thusit ding in man phot uh, ci hi. Hong nusia nu in ta pasal kum 9 gual khat aneih laitak, ci hi. Malaysia palik te in case paipih lel uh a, nupi nu’ luanghawm pen post-mortem ding in kem uh hi. ©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭 > For more updates, follow our Channel https://whatsapp.com/channel/0029VagGXwJBA1f6S5IuCN1W