الفنانة إسعاد يونس لزيزو : انت رايح فين؟ زيزو : لسه في عقدي ٦ شهور ومن المفترض أن لا يكون موضوع تجديد عقدي هو ما يشغل بال الإعلام والرأي العام في حين أنه يوجد سبع لاعبين في الزمالك في نفس الظروف، وفي أندية أخرى يوجد لاعبون في نفس الموقف ولا يتحدث الإعلام عنهم ولا عن ما سيتقاضوه. الفنانة إسعاد يونس لزيزو : هل الأرقام التي تقال في الإعلام حقيقية؟ زيزو : لا مش حقيقية نهائي. الفنانة إسعاد يونس لزيزو : مش هتقول طيب بعد نهاية الـ ٦ شهور المتبقين من عقدك هتعمل إيه؟ زيزو : هنقعد ونتفق والأولوية لنادي الزمالك لأني مدين لجمهور نادي الزمالك بالفضل وهو السبب الرئيسي في وجودي في النادي رغم الظروف الصعبة التي تحيط بنادي الزمالك من تغيير مجالس إدارات وعدم تلقى رواتبنا لمدة ٦ أو ٧ شهور. الفنانة إسعاد يونس لزيزو : تحب تقول إيه لجمهور النادي الزمالك ؟ زيزو : انا مش بحب أقول أشعار، لأن جمهور الزمالك يعلم أنا متعلق بيه ازاي وهوا متعلق بيا ازاي، لكن كل اللي مضايقني هو الكلام اللي بيخرج من بعض ما يسمون أنفسهم أبناء نادي الزمالك وكل هدفهم هو الظهور على حساب الآخرين، جمهور الزمالك هو صاحب الفضل الأول والأخير بعد ربنا عليا ولولا جمهور الزمالك ونادي الزمالك مكنش حد عرف زيزو ولا كنت بقيت مترشح لأفضل لاعب في إفريقيا وانا مبحبش المزايدة اللي بتخرج من بعض الناس اللي بتقول الزمالك هوا صاحب الفضل عليك، انا عمري ما أنكرت ان الزمالك هو صاحب الفضل عليا ولا هنكر وهفضل مدين بده لآخر يوم في عمري. وهتفضل الخمس سنين اللي قعدتهم في النادي رغم ان كل سنة فيهم مكنتش إدارياً بتبقى مستقرة إلا إنهم أحلى خمس سنين في حياتي.